Fahri Xharra – Page 27 – Dielli

“Zbulim epokal “ i Kastriot Myftarajt

February 23, 2015 by dgreca

…”Zbulimet epokale” të Kastriot Myftarajt tek e fundit nuk na duhen/
Nga Fahri XHARRA/
Demokracia pa nacionalizëm është e padobishme, bile edhe shumë e rrezikshme. Demokracia ,që në Shqyperi po na i thonë edhe shkërdhatokracia e këtij lloji që aty po na zhvillohet të bënë me vjellë. E kam fjalën për demokracinë në lirinë e shtypit në Shqyperi.
Të pretendosh se je duke bërë diçka të madhe , nëse je i apasionuar pas errësimit të çdo driteje që e shef në horizont , do të thotë që s`je askund . Bartja e dertit dhe vajet e Kastriot Myftarajt për Kosovën më duken sa qesharake aq edhe ofenduese pë një shtet të ri shqiptar i cili ka shumë nevojë për një fjalë të ëmbël dhe pë një këshillë të ndritur nga “toka mëmë “
Kastriot Myftaraj na shkruan :”Nuk është rastësi që romani “Aksidenti” u botua së pari në 2008, pra fill pas shpalljes së pavarësisë së Kosovës. Romani ishte një atentat ndaj Kosovës së pavarur, ndaj ngjarjes fundamentale që ishte lufta e NATO-s dhe shqiptarëve për çlirimin e Kosovës. Është një turp i madh për Izraelin një shtet i ngritur mbi ngjarjen fundamentale të një gjenocidi që është Holokausti që cmon këtë roman të Kadaresë i cili përgënjeshtron në mënyrë perverse gjenocidin ndaj një populli tjetër, shqiptarëve të Kosovës. “
Dhe Kastrioti ( Shame on him ) filloi të kukurizët edhe kundër Izraelit , për “inat “ ndaj Kadaresë . “ Izraeli nuk e njeh Kosovën, nderoi Kadarenë për romanin antikosovar “ na e qan hallin “ miku “ afatgjatë i një miqësije të pa qenë. Turpi nuk paska kufinj ! por turpi kur vjen nga atdheu “mëmë” atëherë është edhe më i rëndë.
Si do të ballafaqohemi me të huajt , kur ne ndërveti jemi “ dikush thumbit , e dikush patkonit”?
Shikoni , ju lutëm mendjecektinën prej Kastriotit (Shame on him) “”. Nga intervista e fundit e Ismail Kadaresë me Rudina Xhungën në Top Channel publiku shqiptar në dy anët e kufirit mësoi një fakt shumë kërshëror, se libri Kadaresë që është pëlqyer më së shumti në Izrael, është romani i tij “Aksidenti”, i cili është dhe libri i parapëlqyer i Presidentit të Izraelit Reuven Rivlin, gjë të cilën ky i fundit e shprehu publikisht me rastin e takimit që pati me Kadarenë, kur foli gjerësisht për këtë roman.” Dhe çka “ Aksidenti “ qenka një roman tërësisht antikosovar sepse sipas tij “Arsyeja për të cilën ky libër i Kadaresë është pëlqyer shumë në Izrael është se “Aksidenti” është një roman ku autori kriminalizon kauzën shqiptare për clirimin e Kosovës dhe vetë luftën e NATO-s kundër Serbisë për clirimin e Kosovës, si dhe kriminalizon përpjekjet e shqiptarëve të Kosovës e të shtetit shqiptar për këtë kauzë në atë kohë. Meqënëse Izraeli nuk e njeh pavarësinë e Kosovës dhe në 1999 ka qenë kundër luftës së NATO-s ndaj Serbisë për çlirimin e Kosovës, ky roman i Kadaresë është pëlqyer shumë në Izrael.”
Ore , jemi ne në veti ? Ore mos na ka nemur syri i lig i historisë ? Ore , jemi mbi këmbët tona ne. ?
E gjithë bota mbeti gojëhapur . kur u përhapë lajmi se Kadarenë e ka nderuar Izraeli me
“ Jerusalem prize”. Ore ne ishim te mahnitur ,pe pritjen mbretërore që iu bë Kadaresë.
Por ja që na del një “inatçor” ndaj Kadares dhe përbaltos çdo gjë .
Një mik më tha : “Ky është një i rrjedhur. Çdo gjë për të cilën flet, do e shndërrojë në teori konspiracioni .Mënjanë që është ndër ata që xhelozinë ndaj Kadaresë e kanë qëllim jetësor por dhe që jeton dhe bën emër e prokopi, duke sharë dhe thurur komplote për Kadarenë, se gjë tjetër për të folur s’ka”
Duke gjetur arsyet bolshevike pë komentimin e romanit “Aksidenti”, Katrioti shkruan :
”Kadare nuk e thotë se çfarë paska bërë ky Besfort Y. që emri i tij të hynte në këtë top-listë. Por gjatë gjithë librit lihet të nënkuptohet se Besfort Y. ka punuar për të fshehur krimet ndaj serbëve. Në fakt, unë dhe gjithkush tjetër bashkë me mua, nuk dimë që në vitet para luftës së Kosovës, si dhe në kohën e luftës, të ketë pasur ndonjë analist shqiptar nga Tirana, i cili të ketë pasur në ngjarjet një impakt të tillë, si ai që thotë Kadare më lart. As Serbia vetë nuk ka ngarkuar ndonjë analist nga Tirana me një përgjegjësi të tillë.
Po pse Katrioti e shtron kë pyetje :” Në fakt, unë dhe gjithkush tjetër bashkë me mua, nuk dimë që në vitet para luftës së Kosovës, si dhe në kohën e luftës, të ketë pasur ndonjë analist shqiptar nga Tirana, i cili të ketë pasur në ngjarjet një impakt të tillë, si ai që thotë Kadare më lart.” A mos është farë shenje që dikush mundohet të mëshef diçka?, dhe se me mësymje e sharje si Kadarenë ashtu edhe Izraelin mundohet të çvendosë vëmendjen e lexuesit në “ brengën “e tij që Izraeli nuk e paska njoft Kosovën .
Por Kastriot Myftaraj pa dashtas vet përgjegjet : “ Ndokush mund të thotë se kjo është letërsi, por këtu kemi të bëjmë me një ngjarje reale e cila ka një ndjeshmëri të lartë. Kadare nuk i vendos ngjarjet e romanit në një vend imagjinar, në një luftë imagjinare, por në ngjarje historike të së shkuarës së afërt. Për këtë arsye romani i Kadaresë mund të ketë një impakt të dëmshëm ndaj Kosovës dhe nacionit shqiptar në përgjithësi. Kadare vetë thotë në libër se: “Zelli i shërbimeve të fshehta, tani pas mbarimit të dramës, zbërthehej prej hulumtuesit të panjohur më saktë se gjithë zhbirimet e gjeratëhershme. Ishte e vërtetë se perdja kishte rënë dhe gjyqi i Hagës po e dënonte ish-shefin e Serbisë, megjithatë vala e pendimit evropian nuk qetësohej. Kërkohej rishikimi i gjithçkaje, madje thirrjet ‘në Hagë!’, ‘në Hagë!’, dëgjoheshin përherë e më shpesh, por këtë herë jo për të mundurit, por për fitimtarët. Siç kishte shkruar një historian: jo më me armë, por me keqardhje e gërmadha, Serbia shpresonte kthimin e Kosovës së humbur”. (po atje: f. 39)( Kastriot Myftaraj , pjesë nga shkrimi )
“Libri i Kadaresë është përkthyer tashmë në disa gjuhë dhe lexuesit e huaj, kur e kanë lexuar librin, nuk mund të mos krijojnë përshtypjen se derisa shqiptari që ka influencuar më shumë në vendimin për bombardimet”(KM)…. por as i lexuesi i hyej e as lexuesi shqiptar nuk e krijon as një përshtypje të gabuar

”Zbulimet epokale” të Kastriot Myftarajt tek e fundit nuk na duhen

Emrat e shqipëtarëve në shek Xlll-XV në Kosovë dhe gjetiu

February 20, 2015 by dgreca

Nga Fahri XHARRA/
“Kisha ortodokse serbe shume e brengosur per fatin e njerezve dhe popave te tyre ne Kosove e Metohi. Para disa ditesh ne Kongresin amerikan eshte promovue monografija “Trashigemija e Krishterimit ne Kosove e Metohi: Qendra historike e shpirtnore e popullit serb” e zgjeruar dhe e plotesuar me nje botim libri ne anglisht dhe disa prkthyes kerkonin qe te ndalet shkatrrimi dhe demolimi i faltoreve ne Kosove e Metohi dhe qe te mbrohen manastiret e kishat serbe -lajmronte ABC NEWS dhe gazeta New York Post.”
”Episkopi i Hercegovines Atanasije duke folur per librin tha se thesari shpirtnor , kulturor e artistik i Kosoves e Metohise, 1400 kisha e manastire dhe posaqerisht disa dhjetra shenjtnor nga shek 12 deri ne shik. 14 perkasin ne mesin e thesareve me te medha te civilizimit te krishterimit. ( Cilit krishterim ? fxh) . Per fat te keq ne vend qe te llogariten si pasuri e trashegimise botrore, keto monumente ortodokse, pos nje pjese te vogel, jan ekspozue shkatrrimit e demolimit. Kisha shume eshte e brengosur per fatin e races se tyre ne Kosove dhe faltoreve nga te cilat 150 jane rrenuar prej vitit 1999 e deri me 2003-ten. Episkopi Atanasije është thirrur ne emer te drejtave njerezore dhe lirive fetare, dhe pasqerisht eshte thene se eshte e pamundshme te ndalen pengesat per rikthimi e serbeve dhe atyre qe erdhen per ti vizituar varrezat dhe shenjtrine e tyre te cilët më parë Jabllanoviqi i quajti bisha.”( (Serbet nuk flejne) Nga Lush Palokaj )
Sa vështirë të përballohesh me do fakte të cilat e pushtojnë botën në dëmin tonë , dhe ne me heshtjen tonë bëhemi dëshmitarë të vërtetë të atyre “fakteve’ . Mënyra se si na heshtim , nuk punojmë, nuk interesohemi dhe të njejtën kohë i margjinalizojmë apo edhe më rëndë i mohojmë të dhënat e të kaluarës sonë na dërgon shumë largë në harresë , se ishim dikur dikushi dhe patron të këtyre tokave.
Për një përgjegje më të thukët ndaj këtyre pretendimeve të fundit serbe ndaj tokës sonë dhe të kaluarës sonë në këto toka e zgjodha librin “ Kërkime onomastike II” të autorit
Dr.sc. Skënder Gashi ,( Ky botim nga Shtëpia Botuese “ Tenda” ,Prishtinë , 2014. , i cili doli në prag të shënimit të 500 vjetorit të Reformacionit Protestant ).

”Ky punim është fryt i hulumtimeve të mia disa vjeçare të cilat kishin për qellim që ta përpunonin të gjithe lënden onomastike që përmbahet në burimet kishtare serbe të shekullit 13-15(Xlll-XV) e që ka të bëje me pjesen më tëmadhe të Dardanise antike, përkatësisht me Kosovën ,Maqedoninë Veri Perendimore ,pjesë të Serbisë së jugut (Lugina e Presheves dhe të Malit të Zi “ shkruan autori Dr.Sc. Skender Gashi.
Libri është i bazuar në emrat e shqiptarëve në shek XII-XV në dritën e burimeve kishtare serbe.

“Të bazohesh përjashitimisht në burimet kishtare serbe, e ndërsa po kërkon aty së paku onomastikë shqipe apriori secilit i krijohet një konstatim se aty nuk gjen dot ndonjë gjë të favorshme per shqipëtaret dhe për shqipen por ja që nuk është më as supozim për shkak të hulumtuesit tonë të çmuar “- shkruan botuesi dr,Femi Cakolli , pastor..Rezultatet onomastike, antroponomike, toponomike e mikrotoponomike që i ka përfiuar autori i këtij libri nga burimet e tij të konsultuara, sigurisht që do të jetë për dekada me rradhë një referencë e pashmangshme studimore dhe në përgjithësi ky tekst dhe të tjerat që do të jenë të kësaj natyre do të shërbejnë në të ardhmen për një trase shumë domethënese kulturore, historike dhe pse jo fetare për Kosoven dhe shqipëtaret .Në bazë të gjurmimeve të tij që autori ka punuar rresht mbi 30 vjet, të përmbajtur në burimet kishtare serbe rezulton se shqipetaret përmbanin këto antroponime shqipe: Balë, Bardh, Bardhonë, Bebë, Burrë, Burrëmadhë, Bushat, Cur-Curak, Didë, Gen, Gurabardh, Gurakuq, Gjegj, Gjergj, Gjin, Gjon, Keqë, Kuq, Llesh, Let, Lul, Mal, Mat, Mihill, Mirak, Mireç, Prek-Preng, Progon, Rush, Sumë, Shok-Shoq dhe Tanush.

Materiali onomastik është një plotsim i vlefshem për njoftimet e sjellura mbi praninë e elementit etnik shqipëtare perbrenda hapësires gjuhësore e etnike të tyre dhe ofron kështu pikëmbeshtetje për një analize më të hollësishme.Dokumenti më i vjeter që i përket temes së shtruar këtu për teritorin e sotem të Kosoves është një kartë e princit Mirosllav, document që sipas communis opinio ështe i shkruar para viteve 1253-1254.
I kësaj kategorie është edhe emri i katundit të sotem arbënesh në regjionin e Krajes, në Mal të Zi i cili me 1296 dëshmohet gjithashtu si Arbanas.Në dëshmi e drejtpërdrejtë e kësajë natyre në teritorin e Maqedonisë gjendet në një document të carit Stefan Dushan në vitin 1336 në të cilin ai Manastirit të Treskavacit afer Prilepit ja falte vendin e pabanuar Drenovci dhe një pjesë të vendbanimit Arbanasi.Këtu duhet përmendur edhe më tej emrat e vendbanimeve Arbasinec dhe Arbanas në rrethinat e Kurçoves.Emrat e këtyre vendbaniveve e dëshmojnë praninë e pjeses së Arbanasve, përkatësishtë të shqipëtarëve në këtë pjesë të teritorit etnoliguistik shqipetarë në Maqedoninë e sotme të shek. 14 (XlV)
Sa i përket Serbisë së sotme të jugut, kësaj kategorie të oikonimeve i përkasin emri i vendbanimit i cili me 1354 dëshmohet si Arabanasi dhe në regjistrimin osman të vitit 1455 si Arbanas. Kemi të bejmë me katundin e sotem Arbanas në regjionin e Toplices dhe me emrin modern Arbanashka Reka te lumit po të këtij regjioni.
Ne kemi në dispozicion njoftime vetëm nga qendrat kishtare të asaj kohe përkatsishtë nga kater krisobulat e dekretuara me rastin e themelimit të manastireve në Banjskë, Graqanice, Deçan e në Prizeren.(Kërkime onomastike, Skënder Gashi)
Pra , neve shqiptarëve më së pakti kemi kohë për të humbur në trullosjen momentale për të harruar të kaluarën tonë; na hëngri historia me vetëdeshirë
Fahri Xharra, 20.02.15
Gjakovë

“Kisha ortodokse serbe” në Prishtinë-Muze i holokaustit shqiptar!

February 18, 2015 by dgreca

Nga Fahri XHARRA/
Së pari objekti në fjalë nuk është kishë , sepse nuk i ka elementet që e vërtetojnë këte.
Nëse ne e dijmë se çka donin serbët , ndërtesa e pa përfunduar nuk e plotëson fundin e dëshirës së tyre. Ata mendonin që me shqiptar të Kosovës çdo gjë përfundoi dhe menduan që me ndërtimet e “kishave” të reja pravosllave t`i legjitimojnë dhe ato të vjetrat që ishi të gjitha shqiptare , si të vetat. Atyre me orientimin tonë të pa menduar mirë , po iu ndihmojmë që të dalin para botes se janë të parët e kësaj ane , sepse ne gojë e me shkrim po themi që historia e jonë fillon pas shekullit të 16-të.
Por bota e civilizuar vepron ndryshe , ata nuk humbin asgjë nga kujtesa : “Muzeumi në territorin e ish-kazermës Dosin në qytezën belge Mechelen në veri të Brukselit, ku në kohën e pushtimit gjerman kalonin trenat për në kampet e shfarrosjes, hapi portat për publikun të shtunën (01.12.2012). Ekspozita synon të nxjerrë në pah se si njerëzit u detyruan të përjashtojnë e madje të shfarrosin njerëz të dhe grupe njerëzish të tjerë.
Kampi SS i grumbullimit midis viteve 1942 – 1944 ishte epiqendra e deportimit të organizuar nga gjermanët nga Belgjika dhe veriu i Francës. Vetëm prej këtej, sipas të dhënave të muzeut, janë deportuar për në Aushvic-Birkenau rreth 25.500 hebrej dhe rreth 350 sinti e romë, shumica e të cilëve u vranë.( http://www.dw.de/muzeu-i-holokaustit-dhe -drejtat-e-njeriut )
Po shkruhet :”Kisha Ortodokse Serbe “Sveti Nikolla” (“Shën Nikolla”) e cila është e ndërtuar brenda oborrit të Universitetit të Prishtinës në kohën e regjimit të Millosheviçit, shumë herë është bërë temë diskutimi, herë për ndërtimin e imponuar nga regjimi, e herë për ndërtimin e paligjshëm.
Përderisa shumë shpesh është thënë se ajo duhet të rrënohet për shkak se nuk është e legalizuar, fati përfundimtar i saj do të vendoset pas pesë shkurtit. Nëse askush nuk aplikon për regjistrimin e këtij objekti, pas këtij afat, ai do të trajtohet si të gjitha objektet e tjera.”
Ky objekt ka dhe një problem tjetër. Për të paraqitur kërkesën për regjistrim, sipas nenit 16 të ligjit për trajtimin e ndërtimeve pa leje, me numër 04/L-188, Kisha Ortodokse duhet të ketë të bashkangjitur edhe pëlqimin e Universitetit të Prishtinës.
“Nëse aplikuesi i një njësie të ndërtuar pa leje në një ndërtesë në bashkëpronësi të ndërtuar me leje, paraqet një kërkesë për t’u përfshirë në regjistrin komunal të ndërtimeve pa leje, aplikacionit duhet ti bashkëngjitet pëlqimi i pronarëve i cili duhet të jetë i verifikuar tek organet kompetente”, thuhet në këtë nen. Ok , shumë mirë .
Por pse të rrëzohet . Pse nuk e bëjmë një muze , muze të holokaustit shqiptar ? A kemi fakte? Sa të duam, Kemi artistë , kemi arkitekta, kemi ide dhe ajo më e madhja e kemi ende të freskët luftën , masakrat, dhunime dhe përdhunimet A mjafttojnë këto për një muze ?

“Kisha ortodokse serbe shume e brengosur per fatin e njerezve dhe popave te tyre ne Kosove e Metohi. Para disa ditesh ne Kongresin amerikan eshte promovue monografija “Trashigemija e Krishterimit ne Kosove e Metohi: Qendra historike e shpirtnore e popullit serb” e zgjeruar dhe e plotesuar me nje botim libri ne anglisht dhe disa prkthyes kerkonin qe te ndalet shkatrrimi dhe demolimi i faltoreve ne Kosove e Metohi dhe qe te mbrohen manastiret e kishat serbe -lajmronte ABC NEWS dhe gazeta New York Post.
Libri eshte paraqitur ne biblioteken e Kongresit amerikan neWashington dhe ne promovim e ati libri Haris Grant udheheqesi i paraleles per librin e Evropes tha se eshte ndere per biblioteken ta kete nje liber te rralle kulturore te monografise historike te krishterimit serb. Publikimi i ketij libri me pare qenka bere ne Univerzitetin e Beogradit ne institutit Hierarhise se Kishes Ortodokse per Ballkan.”
Si t`i kundërvehemi kësaj ?
Historikisht shqiptarët nuk kanë rrënuar objekte të kultit,e aq më pak ato të kultit të krishter të cilat janë pushtuar dhe uzurpuar nga të ardhurit e më vonëshëm , shumë të vonëshem historikisht .. ATO ISHIN DARDANE..
Historia e jonë nuk fillon në shek 15, as 16 -të epokës së re , por dikur më herët kur “
“ lindi dielli dhe hëna “(Dhimiter Pilika ) .
Prandaj ndërtimi i një muzeu të holokaustit shqiptar nga serbet , më së i nevojëshëm.
Tjetra , ne Kosovë kishim shqiptar ortodoks.ata ose mëshifen nga ne ose kanë ikur.
Le të jetë objekt edhe si siguri për ata që duan të kthehen në trungun e vjetër kombëtar.
Por së pari , muze!

Fahri XHARRA 18.02.15 , Gjakovë

Ç`ke, o Abdi Baleta?

February 15, 2015 by dgreca

Nga Fahri Xharra/
Ç’kini, mor të mallëkuar,/
Me këtë vënd të bekuar?/
Ç’kini ju me Shqipëtarë/
Që doni t’u bëni varrë? (Çajupi )/
Shqipëri do të thotë : “Atdheu i i dijetarëve të vegjël, rezervuar i qytetërimit dhe i fuqisë natyrore vend i cili nuk i bindet as vetes dhe as të tjerëve. Ky komb, sipas tij, vetmohoet, anarkia dhe paqeverisja janë shëmbëlltyra e shpirtit dhe e kuptimit të jetës së tyre. Dallohen para së gjithash nga bukuria kombëtare dhe sakrificat e mëdha por nuk i shpëtojnë të gjitha të këqiave të skllavërisë.( Ph. Fallmerayer)
Shqiptarë.,në karakterin e tyre janë kurdoherë miqësorë, kryengritës, të pa fe, të krishterë(dhe mysliman) të ashpër dhe patjetër të zhdërvjellët,të pamposhtur, të zgjuar, bujq dhe ushtarak, nuk iu pëlqenin idet e përgjithshme, ndjenjat politike, përveç mendësisë dhe filozofisë për mençurit e botës. (Ph.Fallmerayer).
Dhe ne, cilës valleje po ia mësyejmë? kush po bie intrumentave e ne vetëm po vallëzojmë të pakrye ? Ç`farë “muzike” po na luejnë ?
Që nga vdekja e Skënderbeut janë hiq më pak se 547 vjet. 547 vjet peripeti , vuetje,çkombëtarizim, mërgime , asimilim , dhunë dhe dëshprim. Nga një komb që vetmohohet arrijtëm që anarkija dhe paqeverisja të bëhën shëmbëlltyra kombëtare .
Shqipëtarët me karakterin tonë kryengritës dhe të pa fe , u shndërruam në dele të zezë .
Kadare thotë “Edhe para ardhjes së turqve ne ishim mësuar me bashkëjetesën e dy besimeve të krishtera. Më pas u bënë tri besime, s’kishte arsye të ndryshonim.” .Jo ,pra!
Por ne po ndryshojmë , po përplasemi dhe vetëtjetërsohemi , dhe po e humbim zhdërvjelltësinë , zgjuarsinë dhe krenarinë të cilën e kishte vërejtur edhe Fallmerayeri në kohën e tij. Kur e vranë Negovanë , Çajupi na shkroi : “Musliman’ e të Krishterë ,Qajni me lot që të tërë!”
Pak historik nga goja e Kadaresë” Një pjesë e popullsisë së varfër, u detyrua të konvertohej me dhunë. Disa të tjerë ndërruan kamp për arsye ekonomike, disa të tjerë për një fenomen tepër të rëndësishëm për shqiptarët, pasi vetëm një mysliman kishte të drejtë të mbante armë. Shqiptari ishte para dilemës: si do mundte ai të mbronte dinjitetin e familjes së tij pa armë? Ndodhte që një vëlla i po të njëjtës çati konvertohej dhe një tjetër jo.”
Pas rënies së diktaturës, fetë e mëdha, nëpërmjet emisarëve të tyre u përpoqën të riinvestojnë shoqërinë shqiptare . Një ndër “ pushtuesit “ më të mëdhenj të mediumeve të shkruara , me një qëllim të porositur ishte dhe ende është Abdi Baleta.

Na , psikologjikisht ishim të përgatitur ndaj një jete sociale të tolerances,por abdibaletët në misonin e tyre duhet pa tjetër të jetësojnë udhërat :” nëpërmjet fesë së Islamit, Turqia përpiqet përsëri të ndikojë dhe modifikojë konceptin tonë të jetës sociale. Perandoria otomane duket se po rivjen në një tjetër formë.”(I. Kadare)
Por Abdi Baleta ,çirret e përmjerrët : “ Trakti i shpërndarë në Kosovë e Shqipëri, po ashtu, drejtohet vetëm kundër islamizmit dhe myslimanëve, e mbështetë në heshtje ortodoksizmin kur nuk e përmend si një rrezik për shqiptarët dhe e mbështetë hapur duke thirrë shqiptarët të ndjekin shembullin e ‘patrikut’ katolik shqiptar, Pjetër Bogdani, që u bashkua me patrikun serb, Cërnojeviç, kundër myslimanizmit. Në qoftë se ndiqet shembulli i Pjetër Bogdanit sot kjo do të thotë të bashkohet Lush Gjergji, Mark Sopi etj., me atin Sava të serbëve të Kosovës, ose Artemijen, në luftë kundër myslimanëve, e kjo do të thotë shqiptarëve sepse serbë mysliman nuk ka. “ . Çfarë pshtjellime , çfarë mashtrimesh për të pa informuarin ? Po ku jeton ti or “mik” i shqiptarisë?
Abdi Baleta e ka gjetur qelsin e shpëtimit kombëtar “

Shikoni , sa sa largë dhe në mënurë shumë qëllim keqe i deformon gjërat:” Në Shqipërinë londineze kjo do të thotë bashkim i Rrok Mirditës me Janullatosin, kundër ‘armikut të përbashkët’ të tyre, myslimanëve shqiptar, sepse mysliman grek nuk ka. Për Janullatosin që është grek kjo aleancë është shumë e dëshiruar, ndërsa Mirditës do t’i duhet të luftoj kundër bashkëkomabsve të vetë. Ky është problemi i bashkimit të shqiptarëve nën termin ‘kristianizëm’: për serbët e grekët është bashkim për luftë kundër shqiptarëve si një komb tjetër, ndërsa për shqiptarët është bashkim me serbët e grekët për luftë kundër bashkombasve të vet.” . sipas tij u bashkuan shqiptarët katolik me ata ortodoks kundër shqiptarëve musliman ? !? Poshtërsi e Baletës , ish enveristi i përbetuar !
“Edhe para ardhjes së turqve ne ishim mësuar me bashkëjetesën e dy besimeve të krishtera. Më pas u bënë tri besime, s’kishte arsye të ndryshonim.” ku është qëllimi yt
Abdi Baleta?
Meqë po jetojmë në një kohë shumë amorfe atëherë po i persirës fjalët e Çajupit:
” E gjeçin nga Perëndia
Të ndanë nga Shqipëria!
Ç’kini, mor të mallëkuar,
Me këtë vënd të bekuar?

\
14.02.15. Gjakovë

Shpërngulja masive , plan konspirativ apo rastësi?

February 12, 2015 by dgreca

Kjo është një lloj psikoze, një ligshtim moral shumë, shumë, shumë i trishtueshëm. Shpërngulja është një nga format më të rënda gjenocidale, nga format e shfarosjes së një kombi.(Ismail Kadare)
Shkruan: Fahri XHARRA/
Shpërngulja i shqiptarëve a mos është një vepër e inskenuar per destabilizim, deri në demotivimin e shqiptarëve për mbrojtjen e integritetit dhe teresisë territoriale?! Sepse ndodh që ndërkombëtarët merren vesh me politikën, por politika kërkon të sigurohet së nuk delë nga skena pas zbatimit të skenareve të tillë. Dhe për këtë është punuar më kohë per t’ia ngushtuar lakun qytetarëve të Kosovës, deri në atë masë sa të harrojnë atdheun e vendlindjën në këmbim të mbijetesës!!!
Historiani i njohur nga Kosova Haki Bajrami konsideron se ikja masive e shqiptarëve nga Kosova vije nga një prapaskenë e parapërgatitur dhe e sofistikuar. Sipas tij, gjeneza e kësaj mund të jetë përgatitur, organizuar dhe sponsorizuar në ‘kuzhinat’ e Beogradit.
“Serbia gjithmonë ka qenë e interesuar dhe është angazhuar për zbrazjen e Kosovës për aq sa mundet nga shqiptarët.” Kjo Akademi dhe ketë Akademik konsideronin se shqiptarët nuk do të mund t’i rezistonin varfërisë, prandaj kërkonin masa që punësimi, shkollimi dhe avancimi i shqiptarëve të ndalej dhe kjo sipas akademikëve serbë do t’i hapte rrugën shpërnguljes se shqiptarëve”-ka potencuar mes tjerash Bajrami.
Në komunat veriore ku ka edhe banorë serb si Leposaviq, Zubin Potok, Mitr. Veriore janë duke u shënuar me shumicë popullata serbe e cila nuk jeton aty, derisa ne po e zbrazim jugun. Do të behet ribalancim i perqindjës së popullatës, ku ata kur e mberrijnë 10 % shin bëhën me status te shteteformuesve pasi që na zbresim për 10%. E këte është duke e zirë një kuzhinë e cila na ka punu gjithmonë për tëkeq së bashku me shpiunet tonë ….( I kam te dhenat per regjistrimin e popullatës serbe në ato komuna prej njerëzve që punojnë atje! ,( nga nje mik )
Vlerësimin e saktë të akademikut tonë të nderuar,Hakif Bajrami shqiptarët nuk po e kuptojnë,nuk po e kuptojnë shabllonin shekullor të Serbisë kundër kombit tonë,ndaj këtë ikjen e popullatës,po e shohin thjesht si një dalje në shëtitje,pa i kuptuar prapaskenat e armikut ë jashtëm në bashkëpunim me të brendshmin.Është qeveria kryesore që e ndihmoi kët zbrazje,ndaj dhe e ka përgjegjësinë kryesore,qoftë para gjyqit të popullit,qoftë para Historisë,që nuk falin kurrë.
Ka të vertetë nga “Plani B” i Akademisë Serbe , shikoni shpërgulja ku fillon Mitrovicë,Vushtri,Lipjan, Ferizaj, Kaçanik, dmth, pergjat hekurudhës, shperngulj e 200 mijë shqiptarëve dhe rikthim i150 mije serbe prite zot.Formimi i brezit te ndarjës mes Kosovës dhe Dugagjinit “Metohise” siq thot Jabllanoviqi. Këtij plani i kontribon kasta e udheheqjes klepktokratike e pas Luftes gjatë 15 viteve. Politikanet Serbe e thone haptas po punojmë per rikthimin e Kosoves nëse duhet edhe për 100vjetët e ardhshëm “ (N.Nushi).
Edhe “përgatitja “ fetare e 6-7 vjetëve të fundit ishte më e suksesshme në regjionin që u përmend më parë. Jo rastësisht!
Kosova, aq e dashur për serbët dhe shtetin e tyre,nga kohë më të e hershme,njësoj si sot e gjithë ditën,zbrazet pikërisht nga shqiptarët, mu ashtu si kishin paraparë akademikët serbë dhe Kisha e tyre ortodokse. Për ta nuk është aq e dashur Kosova, për shkak të kishave dhe manastireve më të vjetra/ato ishin ilire e më pas abërore-shqiptare/ dhe të njohura, dhe të njohura si pjesë e kulturës evropiane e botërore, e as si djep e serbëve, por për shkakun kryesor: të pasurisë së saj nën tokë.Kosova “flenë” në gjumë të rëndë mbi shumë minerale, të qymyrit, të arit, te ferro-nikelit, e kështu më radhë. Kosova, po ashtu, dhimbshëm e kalon kohën, foshnjat rritën në djep me ninulla të varfërisë, të mungesës së dritës elektrike,të ujit të pijshëm, të kujdesit të përgjithshëm, të mbrojtjes shëndetësore, të edukim-arsimit jo cilësor, dhe shumë të tjera kushteve për një jetë, pak a shumë, të ngjashme me atë në Evropë.Ari i Kosovës edhe sot shfrytëzohet nga Serbia,thëngjillin-pak kush e di, pse nuk nxirret nga toka për energji elektrike.Karaçica përmend se çfarë kishte thënë Ali Sukrija, dhëndër i Shaliqëve lidhur zbrazjen e maxhes së, shqiptarëve, kishte thënë shqiptarëve vrisni fëmijët, e të tjera. As akademikët e as kleri i tyre, nuk kanë nevojë të thonë se pas 25 apo 50 vjetësh serbët do të jenë pakicë në krahasim me shqiptarët e Kosovës.Kështu kishin paraparë para 20 vjetësh,por ndërkohë e kishin parë, se kanë gabuar në parashikime, dhe ja tash, po bëhet kjo dyndje masive e shqiptarëve, për fat të keq, jo vetëm e atyre nga Kosova, por edhe Shqipëria.Është ky një fenomen i projektuar më herët, për të penguar shtimin e popullsisë shqiptare në Ballkan, deri në shkallën e dominimit e faktorizimit të saj të plotë si potencial njerëzor dhe forcë për të pasur në vëzhgim tërë situatën e sigurisë dhe të stabilitetit të rajonit.( Dedë Mirdita).
Para disa ditësh e postova Pse jo edhe Gjakova? Çdo ikje e ka një shkas . aty është shti`si dhe bër`si . Këtyre ikjeve të fundit nuk po iu dijmë shti`sin . e bër`sit po i shofim . Të panumërt! Asnjë shifër nuk është e saktë .Po ikin ata që kan` por edhe ata që nuk kanë . Po ikin edhe iphona në duer , por edhe pa telefona hiq.Po ikin ata që kanë punë e që sa do pak fitojnë por po ikin edhe ta me 1-2 euro në ditë t`ardhura ditore për familje. Po ikin ! Por për qudi asnjë nga parlamentarët apo ish parlamentarët , nuk ikin. As ata me 4-5 vende të punës. Ikja nuk është krejt pasojë e varfërisë por nuk e po e dij se pse … se me e dijt e kisha thënë !
Por deshta të bëj një lidhje me ikjen në kohën së Rankoviqit ( vitet e 50 -ta) për në Turqi.
Arsye kishte , dhunë kishte por kishte edhe mashtrim ! Nejse qoft e kaluar. Po pse sot?
Pse atëherë për në Turqi nuk iknin masovikisht edhe nga Gjakova sikur iknin nga veriu i Kosovës ? Edhe sot e njejta ! (fxh) E Shqipëria në shërbim të kujt është? a po mos edhe ajo është pjesëmarrëse në këtë strategji konspirative ?

Fahri Xharra,12.02.15
Gjakovë