Gary Peters – Dielli

Edhe vatranët në Ditëlindjen e Senatorit Gary Peters

December 11, 2017 by dgreca

Pëgatiti për Diellin: Valentin Lumaj/

Kete te Diele qe kaloi, me 10 Dhjetor 2017, ne nje ambient te ngrohte, miqesor dhe familjar, u festua Ditelindja e 59-te e Senatorit Gary Peters, perfaqesues i Michiganit nga Partia Demokratike ne Senatin Amerikan. Me kete rast, ne nje nga rezidencat private te nje miku te afert te Senatorit ne Franklin MI, u shtrua nje dreke festive. Merrnin pjese nje numer modest, rreth 25 persona te ftuar, miq te ngushte, bashkebunetore dhe te aferm te Senatorit Peters. Vete Z. Peters ndodhej aty, se bashku me bashkeshorten e tij Colleen Ochoa.

Mbas fteses se Z. Peters, si perfaqesues te Federates Vatra te perbere nga Kryetari i Deges ne MI, Z. Mondi Rakaj, dhe anetaret e Kryesise dhe Keshillit Kombetar te Vatres Z. Alfons Grishaj dhe Z. Valentin Lumaj, patem nderin te mernim pjese ne kete celebrim ditelindje. Sapo mberritem, Z. Peters, nuk e fshehu entuziazmin e tij dhe na priti ngrohtesisht. Fillimisht kaluam disa minuta te gjata me Senatorin, ku ndame mendime per çeshte te ndryshme. Zoti Grishaj i percolli urimet me te mira nga Kryetari i sapozgjedhur i Federates Vatra, Dritan Mishto, dhe e informoi se së shpejti, qendra e Vatres ne New York do te organizoje nje Darke nderimi per Z. Peters. Ai mbasi e vleresoi kete angazhim, premtoi bashkepunim me te gjere me Vatren si nje organizate qe i perfaqeson denjesisht shqiptaret ne USA. E informuam me situaten ne pergjithesi ne Shqiperi, ku nder te tjera Z. Grishaj percolli mendimet e tij ne lidhje me takimet e fundit te Senator Peters me perfaqesues te veçante te qeverise shqiptare. Diskutuam ne lidhje me komunitetin shqiptar ne Michigan dhe per angazhimet e ardhshme te Z. Peters ne politike, per te cilat ne i premtuam mbeshtetjen tone. Senator Peters na falenderoi per kete mbeshtetje te vazhdueshme, si dhe na premtoi se do te jete ne kontakt te perhershem dhe do te loboje per çeshtjen shqiptare.

Me kete rast, Z.Rakaj, i dorezoi ftesen ne emer te Keshillit Organizator per aktivitetet perkujtimore me rastin e Vitit te Skenderbeut, Simpoziumin Shkencor dhe Darken Solemne, qe do te organizohen me 27 dhe 28 Janar 2018. Senator Peters e pranoi me kenaqesi ftesen.Me pas te pranishmit u akomoduan ne tryezen e perbashket nepermjet nje sherbimi eksilent.

“Ju jam mirenjohes pa mase te gjitheve qe erdhet te festoni me mua ne kete te Diele familjare dhe kohe te zëne festash, dhe ju falenderoj per shoqerine dhe qe keni qendruar prane meje per kaq shume vite” -theksoi Z. Peters. Ai shtoi se do te garoje perseri ne 2020, dhe se ndihet me i sigurte ne fitore, fale mbeshtetjes se miqve te tij. Z. Peters tha se Ditelindja e sakte e tij ishte me 1 Dhjetor, por se vendosi ta festoje sot, pasi Ditelindjen e kaloi ne sadhen e Senatit per te votuat Ligjin e ri te Taksave.

“Nuk ishte nje dite e mire per mua, sepse votuam per nje Ligj te keq te Taksave, me i keqi per nje kohe te gjate, dhe po behet edhe me i keq me versionin perfundimtar qe po I jepet se fundmi. Ligji i taksave do te ndikoje ne ekonomine dhe te ardhurat e shumices se popullsise dhe te gjithesecilit prej jush, pasi ai favorizon dhe shkurton taksat e korporatave te medhaja dhe te investuesve. Ky Ligj justifikohet me argumentin per te shtuar vendet e punes, por se eshte shume i paqarte dhe e vë ne dyshim suksesin e ketij Ligji. Me qellim qe te shkurtojne deficitin shteteror qe shte ne rritje, administrata e Trump-it, do te kete shkurtime ne planin shendetsor Medicare, do te kete shkurtime ne sigurimet shoqerore, dhe te gjitha keto se bashku do te japin nje impact negative ne te gjithe vendin”, tha Z. Peters.

Me tej, Senator Peters i ftoi te pranishmit ne nje bashkebisedim nje me nje, ku Z. Peters qendroi ne kembe gjate gjithe kohes duke ju pergjigjur pyetjeve te karaktereve te ndryshme.

Pyetjes se si e parashikon te ardhmen e Partise Demokratike ne Senat dhe Kongres, ai tha se fitorja e PD nuk mund te projektohet pa fitoren ne Michigan dhe ndonje shtet tjeter, prandaj duhet shume pune per te bere dhe beson se shume shpejt, ne garat elektorale te 2018 dhe 2020, Partia Demokratike do t’a rifitoje shumicen.

Pyetjes se a mendon se ne zgjedhjet e ardhshme Presidenciale, Donald Trump mund te rizgjidhet, Senator Peters ju pergjigj: “exit pollet nxjerrin nje renie te popullaritetit te tij, egziston nje njenje e pergjithshme se Trump eshte ne presidence per nje kohe 10 vjeçare e jo nje vit, qe tregon se Trump po konsumohet perdite e me shume. Megjithate, nuk duhet qe ta nenvleresojme, sepse vitin e shkuar e beme nje gabim te tille dhe na kushtoi”. Me tej Ai theksoi: “Kjo administrate po i hedh benzine zjarrit dhe se po ashpersohen konfliktet raciale, politike dhe fetare. Ne nje studim te fundit, pyetjes se “A do te martoheshit me nje person qe i perket partise opozitare?”, shumica e te anketuarve, ose rreth 60% e tyre i jane pergjigjur negativisht dhe ky nuk eshte nje mesazh i mire per ne te gjithe. Po te behej kjo pyetje vite me pare, njerezit normalisht do te pergjigjeshin se nuk e kane problem, persa kohe qe e duan njeri-tjetrin.

Pyetjes ne lidhje me njohjen e Jeruzalemit si Kryeqytett te Izraelit dhe zhvendosjes se ambasades amerikane , Z. Peters tha me sarkazem se sot Jeruzalemi eshte nje vend i rrezikshem qofte edhe per nje vizite, jo me te zhvendosesh ambasaden atje. Megjithate, theksoi ai, Jeruzalemi e meriton te jete kryeqyteti ligjshem i Izraelit, por se duke pasur parasysh zhvillimet dhe lufterat e gjata ne Afganistan dhe Irak, vendimet e fundit te Presidentit Trump, jane te pamatura dhe te parakoheshme.

Pyetjes ne lidhje me situaten ne Korene e Veriut, Senator Peters nder te tjera tha: “Situata eshte perkeqesuar mbas leshimit te raketave balistike me rreze te gjate, per te cilat ne nuk ishim ne dijeni se Korea e Veriut posedon dhe se ne çdo rast mund te kercenojne jeten e qytetareve amerikane dhe te aleateve tane. Me sa duket, Preident Trump, nuk e pelqen shume diplomacine dhe eshte me shume ne perdorimin e forces, por une mendoj se ne duhet te rrime larg luftrave te panevojshme dhe duhet rritur presioni diplomatik kundrejt Korese se Veriot, po ashtu ne te njejten kohe te krijohet nje mburoje mbrojtese anti-raketore nga bazat tona ne Alaska, Hawai, Michigan dhe California”.

Pyetjes ne lidhje me emigracionin, Senator Peters tha: “ketu ne Michigan ne kemi nje komunitet te mrekullueshem shqiptar. Kjo administrate po ben veprime te papergjegjshme; krahas atye qe kane bere krime po deportohen njerez qe kane paguar rregullisht taksat, studentë te shkelqyer te pranuar ne Universitete prestigjoze, njerez qe kane kontribuar ne te mire te USA. Ka pasur raste deportimit te personave qe kane ardhur ne USA ne moshte 4-5 vjeçare qe nuk dine sanje fjale shqip, te deportimit te te rinjve qe shebejne ne ushtrine amerikane, ne mbrojtje te kombit amerikan, raste te cilat perbejne paradoks te madh kundrejt vlerave te larta njerezore qe USA proklamon. Prandaj ne jemi munduar dhe do te vazhdojme qe t’u dalim ne mbrojtje ketyre rasteve dhe ne te njejten kohe po punojme qe te hartojme nje plan perfundimtar per zgjidhjen e çeshtjes se emigracionit”.

Me tej Dreka vazhdoi ne nje harmoni gazmore ku nuk munguan urimet e ndersjellta apo batutat.

Nje falenderim te veçante, e percjellim per shqiptaro-amerikanen Elisa Malile, qe eshte pjese e stafit te Senatorit Peters, e cila ishte pergjegjese dhe organizoi me korrektese kete eventiment.Mbas drekes, u ndame miqesisht me shtrengime duarsh dhe urime te ndersjellta.

DEGA E VATRËS NË MICHIGAN U TAKUA ME SENATORIN GARY PETERS

March 14, 2016 by dgreca

DEGA E VATRËS NË MICHIGAN U TAKUA ME SENATORIN GARY PETERS/

Sic na njofton zv/Kryetari i degës së Vatrës në Michigan, z. Mondi Rakaj, të dielën me 13 Mars 2016, një përfaqësi e degës së Vatrës në Michigan, e kryesuar nga Kryetari z. Alfons Grishaj, u takua me Senatorin Gary Peters. Bashkë me kryetarin Grishaj në takim ishin edhe zv/Kryetari Mondi Rakaj dhe anëtari i Këshillit Kombëtar të Vatrës, z.Kujtim Qafa.

Është kënaqësi kur në zyrën e Senatorit amerikan të pret një shqiptare si Elisa Malile, e cila punon për zyrën e Senatorit Peters..

Gjatë takimit me senatorin Gary Peters u fol rreth problemit të zgjedhjeve në Shtetet e Bashkuara të Amerikës.

Senatori i falenderoi mysafirët për suportimin e vazhdueshëm të Vatranëve të Michiganit, ndërsa vatranët e falenderuan senatorin për mbështetjen që ai jep për cështjen shqiptare.(Korresp. i Diellit)

VATRANET E MICHIGANIT NE DITELINDJEN E SENATORIT GARY PETERS

December 15, 2014 by dgreca

5 Perfaqesues te deges se Vatres ne Michigan ishin te ftuar ne shtepine e Konsullit te Nderit te Shqiperise per Michiganin, z Ekrem Bardha , per tu takuar dhe kremtuar fitoren dhe ditelindjen, e senatorit ne Michigan Z Gary Peters./
Nga Mondi Rakaj/ Sekretar i deges se Vatres ne Michigan/
5 Perfaqesues te deges se Vatres ne Michigan ishin te ftuar ne Shtepine e Konsullit te Nderit te Shqiperise, Z Ekrem Bardha , per tu takuar dhe kremtuar fitoren dhe ditelindjen, e senatorit ne Michigan Z Gary Peters.
Ne Takim me Senatorin ishin ftuar disa nga kontribuesit me kryesore per fitoren e tij. Gjate kesaj mbremje ne nje atmosfere te ngrohte dhe shume te kendshme , u distkutuan edhe problemet e shqiptareve, si ato politike dhe ekonomike, per gjendjen aktuale .
Senatori Z Gary Peters shfaqi interesimin dhe premtoi perkrahjen e shqiptareve, kudo qe ndodhen.
Per gjendjen aktuale ne Shqiperi, per situaten politike dhe ekonomike , senatorin e informoi, kryetari i Vatres per degen e Michigan, anetari i Keshillit te Federates Panshqitare te Amerikes VATRA, Pishtari i Demokracise, Z Alfons Grishaj.
Per padrejtesite qe ju behen shqiptareve ne Malin e Zi , shkeljen e te drejtave njerezore, informoi Avokati Joseph Dedvukaj.
Konsulli i Nderit te Republikes se Shqiperise ne Michigan, athdetari I palodhur I Ceshtjes Kombetare, Z Ekrem Bardha,e informoi senatorin per kontributin e tij dhe te Diaspores Shqipetare ne Shtetet e Bashkuara te Amerikes, kontribut qe dhane per ceshtjen kombetare shqiptare. Z. Bardha falenderoi me gjithe zemer senatorin Peters , kete mik te madh te Kombit Shqipetare, falenderoi Shtetet te Bashkuara te Amerikes, qe i jane gjendur Kombit shqiptar, qysh me mbrojtjen e Pavaresise se Shqiperise ne Konferencen e Paqes, deri ne njohjen e Shtetit me te Ri Kosoves.
Per Nder te Senatorit Gary Peters, Konsulli i Nderit, z.Ekrem Bardha shtroi nje darke ne Shtepine e Tij, ku merrnin pjese: Kryetari I deges se Vatres ne Michigan Z Alfons Grishaj, Meshtari i Kishes Zoja Pajtore Don Ndue Gjergji, Sekretari i deges se Vatres ne Michigan Z Mondi Rakaj, anetari i Keshillit te Vatres Z Kujtim Qafa , perfaqesuesi i Kishes se Shen Palit dhe Vatrani Z Petrit Doda , vatranoa dhe aktivistja e dalluar Donika Bardha , avokati dhe aktivisti per Ceshtjen Kombetare Joseph Dedvukaj ,
bisnesmeni si dhe aktivisti Agim Lumani.
Senatorit Peters iu dhuruan disa dhurata simbolike . Ne emer te deges se Vatres ne Michigan , Kryetari z. Alfons Grishaj, i dhuroi nje Glob. Senatori tha se do ta vendoste en zyren e tij ne Washington D.C.
Ne emer te Kishes se Shen Palit dhe personalisht te famullitarit Don Fran Kola, anetari i Keshillit te deges se Vatres ne Michigan, z Petrit Doda , i dhuroj senatorit pikturen “Dasma Shkodrane” te Kole Idromenos .
Per Kishen Zoja Pajtore, Don Ndue Gjergji i dhuroi 2 Libra , jeten dhe vepren e Shejtnores Nene Tereza dhe Kanunin e Leke Dukagjinit.
E zoja e Shtepise Donika Bardha , Kishte bere nje surprize per ditelindjen e Senatorit Peters. Ajo kishte ftuar nje Pianist me origjine Bjelloruse , per ti kenduar Happy Birthday to you, senatorit me rastin e ditelindjes.
Ne fund u servir edhe Torta, qe Ishte pergatitur per Diteldinjen e Senatorit Peters.
Senatori Peters falenderoi pjesemarresit. Ai tha edhe: “Nuk do ta harroj kurre kontributin tuaj , qe me ndihmoi per te fituar vendin ne Senatin Amerikan. Do te jem gjithmone prane jush miqte e mi , dhe prane popullit shqiptar. “

Gary Peters feston fitoren edhe me shqiptaret!

November 5, 2014 by dgreca

Nga Pjeter Jaku/
Në MGM Grand Hotel, aty rreth ores 10:00 pm te dates 04 Nendor 2014, Gary Peters feston fitoren, duke u bere Senator i Shtetev te Bashkuara te Amerieks edhe me ndihmen e shqiptareve, te cilet ne nje mase te konsiderueshme votuan per te.
Që pas votimit ne nje nga shkollat e Sterling Hts, aty rreth ores 7:00 pm shpejtova te mesoja per rezultatet paraprake. Edhe pse sipas konfirmimeve te mediave te rendishsme si CCN, perpara ishin republikanet, ne Michigan kongresmeni i deritashem Gary Peters, kishte ngjitur nje shkallë, duke u bërë Senator.
Kjo fushatë e nisur që para dy vitesh, u përkrah që në fillim nga Konsulli i Nderit te RSH në Detroit z. Ekrem Bardha dhe e bija Donika, nga Qendrat fetare sidomos nga Kisha e Shen Palit dhe Don Fran Kola, nga Kisha e Zojes dhe Don Ndue Gjergji si dhe nga Teqja Bektashjane, nga Dega e Vatres ne Michigan me kryetarin Alfons Grishaj dhe nga këshilli drejtues i saj, nga aktivistet e njohur si: avokati Jozeph Dedvukaj, Zef Dedvukaj, Selë Çela, Petrit Doda, Valentin Lumaj, Mondi Rakaj, biznesemeni i njohur Agim Lumani etj.
Të gjithë këta festuan sonte me Senatorin Gary Peters!
Urime per GARY PETERS!

Një fushatë e sukses’shme për Gary Peters

August 6, 2013 by dgreca

Nga Pjetër Jaku/

Në “ Amerikan Albanian Club” pranë Qendrës së Shën Palit, në Rochester Hills, filloi Fushata për Gary Peters, Kongresmeni i njohur Amerikan, që po garon për Senat.

Senatori i ardhshëm Gary Peters, me përkrahjen e shumë shqiptarëve, të dielën me 04 Gusht 2013 u takua në Sallën “Gjergj Kastrioti- Skenderbeu” të “Amerikan Albanian Club” pranë Qendrës së Shën Palit, e njohur si një vatër fetare, patriotiko dhe atdhetare, ku më së shumëti shqiptarët mblidhen dhe ndihmojnë miqtë e tyre në të gjitha rastet. Në ndihmë të vendlindjes, të Pavarësisë së Kosovës dhe lirisë nga vargonjtë komunsit të Shqipërisë, të Malësisë dhe Çamërisë etj. në këtë qendër, janë mbledhur me mijëra e qindra mijë dollar, edhe pse në disa vite të vështira për ekonominë, jo vetëm amerikane, por edhe botërore.

Fundraiser i organizuar për fushatën elektorale të Peters, i njohur tashmë si mik i mirë i shqiptarëve, ia arriti cakut, të cilit i ishte premtuar. Në këtë aksion ndihmues ranë në sy veçanërisht Konsulli i Nderit Ekrem Bardha, e bija Donika Bardha, Dega e Vatres Michigan dhe Kryetari i saj Alfons Grishaj, Kisha e Shën Palit dhe Kryetari i Këshillit të saj Kolë Gjokaj, Shoqata “Malësia e Madhe” dhe kryetari i saj Pashko Gjokaj, Qendra Ballkanike në Troy dhe drejtuesi i saj Taulant Kadia, avokati i njohur Jozeph Dedvukaj dhe vëllai i tij, aktivistët Luigj Gjokaj, Kujtim Qafa, Gjergj Ivezaj, Petrit Doda, Mondi Rakaj, Nikoll Vneshta, Shoqata “ Kastrati”, Shoqata “ Kosova” etj. Në këtë fushatë ndihme kishte ardhur nga New Yorku, Konsulli i Përgjithëm i Shqipërisë në Amerikë, Dritan Mishto.

Në takim e mori fjalen Kongresmeni i tanishëm Gary Peters, i cili falenderoi të pranishmit dhe gjithë shqiptarët, si dhe premtoi ndihmën e tij më të madhe nëse do shkoi në Senat. Përshendeten takimin Dritan Mishto, Ekrem Bardha si dhe artistja e njohur Ermelinda Paparisto, e cila interpretoi disa këngë të njohura shqiptare nën drejtimin muzikor të Gjergji Paparistos.

Poashtu, ndihmuan dhe merrnin pjesë për të pasqyruar këtë aktivitet dy televizionet e komunitetit dhe Revista “ Kuvendi”. Sipas bisedës me koordinatoren e ketij aktiviteti, Donika Bardha, u arrit objektivi sipas parashikimeve dhe, me një falnderim të ngrohtë u mbyll ky takim, me shpresën që në takimet e tjera të kemi objektiva të reja dhe të arrimë që miku ynë , Gary Peters të jetë një nga senatorët e ardhshëm të Amerikës.