Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Shqipëri- Besimtarët katolike kremtojnë Pashkët

by

TIRANE, 27 Mars /– Besimtarët katolikë kremtojnë Pashkët, që është momenti më i madh në kalendarin liturgjik të Kishës Katolike dhe kishave të tjera të krishtera. Pashkët shënojnë ringjalljen e Jezu Krishtit pas kryqëzimit, ringjallje që simbolizon besimin te Zoti, shpresën për të gjithë bësimtarët.Mijëra besimtarë janë mbledhur në kishën e “Shën Palit” në kryeqytet ku eshte mbajtur mesha e shenjtë e Pashkëve, duke u lutur për paqe, dashuri dhe lumturi.
Ceremonitë e kësaj dite të rëndësishme kulmojn me një seri ritesh dhe ceremonish fetare, që nga Kreshma, e më pas e Premtja e Zezë dhe Dita e Ringjalljes.

Festa e Pashkëve simbolizon ringjalljen e Krishtit, pas kryqëzimit të tij dhe është festa me e shenjtë për besimtarët e krishterë.Ky është viti kur shqiptarët do të përjetojnë Shenjtërimin e Nënë Terezës dhe shpalljen e Martirëve shqiptarë.

Presidenti i Konferencës Ipeshkvore Shqiptare  njëherësh edhe Arqipëshkëv Metropolit i Dioqezit Shkodër Pult, imzot Angelo Massafra, në mesazhin e tij tradicional të Pashkëve, apeloi për më shumë përkujdesje ndaj të varfërve.

“Të dashur miq të zgjedhur prej popullit për t’u kujdesur për të mirën e përbashkët prej zemrës po ju drejtoj thirrjen të bëni gjithçka është e mundur për të garantuar të drejtën për punë, krijimin e shanseve të reja për punësimin, t’u lejojnë të gjithëve të kenë një vend dinjitoz në shoqëri”, u shpreh ai.

Pashkët, Imzot Angelo Massafra: Të kujdesemi më shumë për të varfrit

TIRANE, 26 Mars/ATSH/- Presidenti i Konferencës Ipeshkvore Shqiptare  njëherësh edhe Arqipëshkëv Metropolit i Dioqezit Shkodër Pult imzot Angelo Massafra në mesazhin e tij tradicional të Pashkëve, apeloi për më shumë përkujdesje ndaj të varfërve.

“Të dashur miq të zgjedhur prej popullit për tu kujdesur për të mirën e përbashkët prej zemrës po ju drejtoj thirrjen të bëni gjithçka është e mundur për të garantuar të drejtën për punë, krijimin e shanseve të reja për punësimin, tu lejojnë të gjithëve të kenë një vend dinjitoz në shoqëri”, u shpreh ai.

Angelo Massafra tha më tej se “shikoni se sa ngjarje hiri Zoti është duke nxitur për popullin tonë në këtë vit Mëshire të vërtetë! Na garantohet falja, na jepet mundësia për të rifilluar vrapimin, por jo vetëm: si bashkësi”.12049650_985296018230230_739995428963939286_n

Në këtë mesazh urimi për katolikët, imzot Massafra nuk ka pa përmëndur edhe dy momente të rëndësishmë  siç është shenjtërimi i Nënë Terezës dhe kanonizimi i martirëve të fesë.

“ Së fundi, është duke na lejuar të shohim të lartësuar në nderet e altarëve nënën tonë të dashur Tereza dhe të shpallur të Lumë Martirët tanë. Ja, martirët tanë janë pikërisht shembulli më shprehës i asaj se si secili prej nesh mund të marrë pjesë në mundimet e Krishtit që pastaj të marrë pjesë edhe në lavdinë e tij. Ndoshta nuk na kërkohet të vdesim të qëlluar nga një plumb si ata, por sigurisht na kërkohet të vdesim për nga egoizmi ynë, që na bën të mbyllemi në vetvete për t’iu hapur dhurimit të vetvetes nëpërmjet veprave të mëshirshme,” nënvizoi Presidenti i Konferencës Ipeshkvore Shqiptare.

11204471_985296724896826_1105988372445514956_nGjatë ditës së sotme besimtarët katolik në mbarë vendin bën edhe bekimin e ushqimeve, të cilat konsumohen mëngjesin e të dielës së Pashkëve.

Ndërsa një natë më parë besimtarët katolikë në Shkodër, u bashkuan në “Udhën e Kryqit”, e cila këtë vit u zhvillua nga Katedralja e Shën Shtjefnit deri në Varrezat e Rrmajt duke kujtuar dy ngjarje te madhe, “Ngjitja e Krishtit” dhe “Rrugëtimi i Martirëve”.

Grupe të ndryshme të famullisë mbartën kryqin gjatë 14 Ndalesave, ndërsa besimtarët katolikë në mënyre simbolike mbanin në duar 38 kandila, që simbolizojnë martirët, të cilët priten të zyrtarizohen nga Vatikani.

10610622_986685338091298_1972187469173744913_n“Udha e Kryqit” është përshpirtëria që riskenon rrugën e Krishtit nga oborri i Pilatit drejt Golgotës, vendi ku Krishti u kryqëzua në të premten e zezë dhe që prej asaj dite do të quhej e “Premtja e Madhe”.

Basha: Gëzuar Pashkët nga Shkodra e martirizuar për besimin në Zot

Kryetari i Partisë Demokratike, Lulzim Basha, bën të ditur se është takuar sot me Arqipeshkvin e Dioqezës Shkodër-Pult, Imzot Anxhelo Masafra dhe Arqipeshkvin e Dioqezës së Sapës, Imzot Luçiano Agostini.

Kryetari i Partisë Demokratike, Basha, nëpërmjet një postimi në statusin e tij social pasditen e së dielës shprehet: “Gëzuar Pashkët nga Shkodra e martirizuar për besimin në Zot, nga Shkodra e martirizuar për liri dhe demokraci. Në këtë ditë të ringjalljes, këtë ditë të shpresës, dua të uroj të gjithë besimtarët katolikë të Ipeshkvisë së Shkodrës, të gjithë besimtarët katolikë shqiptarë, besimtarët e Zotit anembanë- Gëzuar Pashkët”.

“Kjo është ditë e ringjalljes së shpresës dhe e besimit dhe po këtu nga Shkodra kam besim të madh, e dua ta them se kjo është ditë dhe e ringjalljes për lirinë, për demokracinë, për zhvillimin. Gëzuar Pashkët!”, shkruan Basha

Fotografitë e 40 martirëve të kishës katolike në Bulevardin “Dëshmorët e Kombit”

by

Flamuj të Shqipërisë dhe Vatikanit, si dhe 40 fotografi të cilat paraqesin historinë e trishtë të klerikëvë që u dënuan dhe u persekutuan padrejtësisht nga sistemi dikatorial, për shkak të besimit të tyre fetar, janë vendosur sot përgjatë bulevardit “Dëshmorët e Kombit” në kryeqytet.
Fotografitë e klerikëve të kohës, një numër i madh priftërinjsh apo edhe besimtarësh të thjeshtë, shoqëruar edhe nga citatet apo fjalët e tyre të fundit përpara se ata të ndërshkoheshin padrejtësisht nga regjimi komunist, dëshmojnë qartë lidhjen e tyre me besimin e kishën, për të cilën ata dhanë jetën.
“Dom Anton Muzaj”, “Dom Jak Bushati, “Mark Çuni”, “At Luigj Paliq(Palaj), Imzot Frano Gjini, janë disa prej emrave të martirëve të Kishës, që u vendosën në Bulevard nga Ministria e Kulturës.
Meshtarët katolikë, edhe pse të torturuar në format më ç’njerzore , si të varrosur për së gjalli, të zhytur në fuçi me ujë duke ju ngulur thonjtë në fyt, duke ju shqyer gurmazin, apo mjaft formash të tjera makabre, japin qartë mesazhin e qëndresës se si ata nuk u përkulën e as nuk u thyen në asnjë moment nga besimi i tyre në Zot.(Sipas ATSH)