Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Gjendja e sigurisë në Kosovë, e qetë dhe stabile

by

-Vlerësojnë Ministri i Punëve të Brendshme dhe Komandanti i forcës paqeruajtëse të NATO-s në Kosovë- KFOR/

  • Haradinaj kërkon rritjen e gatishmërisë së institucioneve të rendit/-I pyetur nga gazetarët nëse serbët mund të shpallin autonomi më 4 gusht, pas dorëzimit të draft-statutit të Asociacionit për komunat me shumicë serbe, Haradinaj tha se Kosova është brenda marrëveshjeve ndërkombëtare dhe se askush nuk mund të ndërmarrë veprime të njëanshme./

2BisedaPRISHTINË, 3 Gusht 2018-Gazeta DIELLI/ Ministri i Ministrisë së Punëve të Brendshme, Bejtush Gashi, ka pritur sot komandantin e KFOR-it, Gjeneral Major Salvatore Cuoci, në një takim ku u diskutua për gjendjen e përgjithshme të sigurisë në Republikën e Kosovës.Të dy bashkëbiseduesit vlerësuan se gjendja është e qetë dhe stabile.  Në takm u tha se bashkëpunimi i Ministrisë së Punëve të Brendshme dhe KFOR-it është i mirë dhe se ky bashkëpunim duhet të thellohet edhe më tej.Ministri Gashi e falënderoi komandantin e KFOR-it për përkrahjen e dhënë për institucionet e sigurisë në Kosovë, gjë që është me rëndësi të madhe për sigurinë e të gjithë qytetarëve të vendit. Të dy bashkëbiseduesit u dakorduan që vazhdimi i bashkëpunimit në mes tyre të vazhdojë edhe më tutje./b.j/

***

Haradinaj kërkon rritjen e gatishmërisë së institucioneve të rendit

Nga Luljeta Krasniqi- VESELI/

Kryeministri i Kosovës, Ramush Haradinaj
Kryeministri i Kosovës, Ramush Haradinaj/
 Kryeministri i Kosovës, Ramush Haradinaj, kërkoi rritjen e gatishmërisë së institucioneve të rendit dhe ligjit në ditët që vijnë.“Gjendja e sigurisë në rend dhe ligj është e qetë dhe stabile, por megjithatë kemi kërkuar rritjen e gatishmërisë për veprim në rast të çfarëdo prishjeje të rendit dhe ligjit”, tha Haradinaj, pas takimit të Këshillit të Sigurisë së Kosovës.

Sipas tij, është konstatuar se disa persona të dyshimtë qarkullojnë në pjesën veriore të Kosovës dhe ata mund të jenë nga Republika Sërpska ose pjesë të tjera.”Kushdo që hyn në territorin e Kosovës, me qëllim të shkaktimit të ndonjë incidenti apo prishjes së rendit dhe ligjit, do ta marrë reagimin e institucioneve të rendit dhe të ligjit“, tha Haradinaj.”Rritja e shkallës së gatishmërisë nuk është urdhër për veprim, por jemi në gjendje gatishmërie. Në rast se ka prishje të rendit dhe të ligjit, do të veprojmë”, theksoi kryeministri.

I pyetur nga gazetarët nëse serbët mund të shpallin autonomi më 4 gusht, pas dorëzimit të draft-statutit të Asociacionit për komunat me shumicë serbe, Haradinaj tha se Kosova është brenda marrëveshjeve ndërkombëtare dhe se askush nuk mund të ndërmarrë veprime të njëanshme.

Kosovë-Komandanti i KFOR-it takon komandantin e EUFOR-it

by

Nga Behlul Jashari/ PRISHTINË, 8 Gusht 2015/ Komandanti i KFOR-it, Gjeneralmajori Guglielmo Luigi Miglietta, sot priti Komandantin e EUFOR-it, Gjeneralmajorin Johann Luif, në Kampin “Film City”, shtabin e NATO/KFOR-it në Prishtinë.
Gjatë vizitës, Gjenerali Luif, i cili në vitin 2011 ishte Zëvendëskomandant i KFOR-it, përgëzoi Gjeneralin Miglietta me rastin e emërimit prestigjioz si Komandanti i njëzetë i KFOR-it. Të dy Komandantët diskutuan gjendjen socio-politike në Bosnje e Hercegovinë dhe kërcënimet e përgjithshme në Ballkanin perëndimor, bën të ditur KFOR në njoftimin e dërguar.
Theksohet se, vizita është pjesë e takimeve të udhëheqësve kryesor, që mbahet rregullisht nga Komandanti i KFOR-it me përfaqësuesit e bashkësisë ndërkombëtare, përfshirë autoritetet politike, ushtarake dhe civile në Kosovë dhe në Ballkan, me qëllim të ndarjes së informatave dhe harmonizimit të politikave që synon përforcimin e paqes dhe sigurisë.