Kancelarja Merkel uron Avdullah Hotin: Dialogu me Serbinë është sfidë e madhe, i ndërmjetësuar nga BE

Kancelarja gjermane, Angela Merkel ka uruar homologun e saj kosovar, Avdullah Hotin për detyrën e re. Merkel thotë se Hoti ka sfida të mëdha si pandemia, ndryshimet kushtetuese apo edhe dialogu me Serbinë.

Po ashtu, Merkel shton se dialogu me Serbinë ndërmjetësohet nga BE, duke mos përmendur SHBA-në.

Kancelarja gjermane i ofron mbështetje dhe ndihmë Kosovës në rrugën e saj europiane.

LETRA NGA ANGELA MERKELI nderuari Kryeministër,

Ju përgëzoj për zgjedhjen tuaj.

Keni sfida të mëdha para jush dhe Qeverisë suaj, vecenarisht përballja me pandeminë Covid 19, ndryshimet kushtetuese dhe dialogu me Serbinë për normalizim, i ndërmjetësuar nga Bashkimi Evropian. Qeveria federative mbetet e gatshme për ta ndihmuar Kosovën në rrugën e saj dhe të punojë për të kuptuar vendet e Ballkanit Perëndimor.

Mezi pres të punoj me ju.