Prokuroria: Arrestimi i paligjshëm/
Policia e Tiranës la të lirë biznesmenin e ndërtimeve Hajredin Fratari i cili u arrestua dy dite me pare me akuzën e ndërtimit të paligjshëm. Ndërtuesi 72 vjecar u la I lirë me urdhër të prokurorit Adriatik Camaj sipas të cilit nuk janë respektuar kushtet e arrestit në flagrancë ndërkohë që hetimet për ndërtuesin do të vazhdojnë në gjendje të lirë.
Fratari u arrestua pasditen e së premtes nga afeketivë të komisaritit nr 1 në një kompleks pallatesh, të cilin ai po e ndërtonte në zonën e Selitës së Vjetër, në kryeqytet.
Pas arerstit 72 vjecari u dërgua në qelitë e paraburgimit në drejtorinë e policisë së Tiranës në pritje të masës së sigurimit nga gjykata.
Mbi Fratarin u ngrit akuza e ndërtimit të paligjshëm, pasi kompanisë së tij i kishte përfunduar afati i lejes së ndërtimit dhe i mungonte oponenca teknike.
Ndërtuesi 72 vjecar njihet ne Tirane si personi qe denoncoi publikisht Edi Ramen se i kishte kerkuar 1 milion euro ryshfet per lejen e nje ndertimi, kur ishte kryetar I Bashkise se kryeqytetit.