-REUTERS: PRESIDENTI TRUMP GJATË NËNSHKRIMIT TË MARRËVESHJES DEKLAROI: Kosova dhe Izraeli janë pajtuar që të normalizojnë raportet dhe të vendosin marrëdhënie diplomatike….
-Presidenti Trump: Kosova dhe Serbia kanë arritur marrëveshje për normalizim ekonomik…. Marrëveshja Kosovë-Serbi, përparim i madh për bashkëpunimin ekonomik…
– Trump ka shprehur gatishmërinë të vizitojë të dyja vendet në një të ardhme të afërt.
Washington, 4 Shtator 2020- Prej dy ditësh vëmendja ndërkombëtare është përqëndruar në shtëpinë e Bardhë, ku pritej të ndodhte ajo cfarë ishte paralajëmruar, vecanërisht nga organizatorët amerikanë. Tash është fakt i kryer, marrëveshja ka marrë firmat, tash mbetet të shohim se cfarë do të ndodhë realisht nw praktikw.
Sic njoftojnë agjensitë e lajmeve në ceremoninë e nënshkrimit të marrëveshjes mes dy shteteve, ka marrë pjesë edhe Presidentii Shteteve të Bashkuara të Amerikës Donald Trump. Marrëveshja u nëshkrua nga kryeministri i Kosovës, Avdullah Hoti dhe presidenti i Serbisë, Aleksandar Vuçic.Kjo marrëveshje u nënshkrua në prani të presidentit të Shteteve të Bashkuara të Amerikës, Donald Trump.Mediat botërore e trasmetuan lajmin sapo atë e konfirmoi asistenti i presidentit Trump, Judd Deere. “Presidenti Trump njofton se Kosova dhe Serbia kanë arritur marrëveshje për normalizim ekonomik. Edhe një marrëveshje historike e arritur nga ky president, që e bën botën më paqësore dhe më presporues”, ka shkruar asistenti i presidentit Trump në Twitter.
Ndërkohë, agjensia prestigjioze e lajmeve Reuters, ka raportuar se: Kosova dhe Serbia kanë shprehur përkushtimin të normalizojnë raportet ekonomike- ka thënë Trump,- raporton Reuters.
Presidenti i Shteteve të Bashkuara Donald Trump e ka përshëndetur marrëveshjen duke e cilësuar atë “përparim të madh” për bashkëpunimin ekonomik.
Trump ka shprehur gatishmërinë të vizitojë të dyja vendet në një të ardhme të afërt.
Nga ana e tij, këshilltari për Siguri Kombëtare, Robert O’Brian,është shprehur se pas normalizimit dhe intensifikimit të marrëdhëniet ekonomike mes Kosovës dhe Serbisë, do të ketë edhe zgjidhje politike.
Kryeministri i Kosovës, Avdullah Hoti ka theksuar se “marrëveshja me Serbinë është një hap i madh përpara, që do të çojë në njohjen reciproke mes dy vendeve.”
Presidenti i Serbisë, Aleksandar Vuçic, është shprehur i rezervuar në deklaratën e tij pas nënshkrimit. Ai tha se” ka ende shumë dallime midis Serbisë dhe Kosovës, por ky është një hap i madh përpara.”
Një tjetër lajm erdhi nga Shtëpia e Bardhë në kohën e nënshkrimit të marrveshjes: Presidenti i Shteteve të Bashkuar të Amerikës, Donald Trump, tha se Kosova dhe Izraeli janë pajtuar që të normalizojnë raportet dhe të vendosin marrëdhënie diplomatike,- raporton Reuters.
Deklaratën Presidenti Trump e bëri në Shtëpinë e Bardhë, kur u nënshkrua marrëveshja për normalizimin ekonomik ndërmjet Kosovës dhe Serbisë.
Edhe presidenti i Kosovës, Hashim Thaçi, ka përshëndetur nënshkrimin e marrëveshjes:”Shpreh konsideratën më të lartë për lidershipin e Presidentit të Shteteve të Bashkuara të Amerikës, Presidentin Trump, që sot arriti të materializojë përpjekjen për të arritur mirëkuptim mes shtetit të Kosovës dhe shtetit të Serbisë për të mirën e paqes, zhvillimit ekonomik dhe të ardhmes euroatlantike. E falënderoj edhe një herë Emisarin Special, Ambasadorin Grenell, për angazhimin e tij gjigant që ky proces të jetë produktiv, efikas dhe besoj edhe i implementueshëm”, ka shkruar Thaçi në rrjetin social Facebook.
Haradinaj përshëndet Marrëveshjen: Faleminderit President Trump!
PRISHTINË, 4 Shtator 2020- Gazeta DIELLI / Kryetari i Aleancës për Ardhmërinë e Kosovës, Ramush Haradinaj, deklaroi:
E përshëndes Marrëveshjen e nënshkruar sot në Shtëpinë e Bardhë!
Miqtë e vërtetë gjithmonë e kuptojnë shqetësimin e drejtë. I lumtur që shqetësimet tona në pikën kontestuese për Ujmanin, kanë reflektuar në Marrëveshjen e nënshkruar.
Besimi ynë në rolin dhe angazhimin e Shteteve të Bashkuara të Amerikës gjithmonë ka qenë i paluhatshëm dhe i tillë mbetet!
Faleminderit President Trump!
Zoti i bekoftë Shtetet e Bashkuara të Amerikës!
***
MARREVESHJA
Në marrëveshjen e publikuar thuhet se do të implemetnohen letrat e interesit që janë arritur më herët e që kanë të bëjnë me linjën hekurudhore, autostradave dhe linjën ajrore.
Po ashtu, Kosova obligohet të bëhet pjesë e “mini-Shengenit ballkanik” ku është Shqipëria, Serbia, Maqedonia e Veriut.
Po ashtu, ndër pika të marrëveshjes është edhe njohja reciproke mes Kosovës dhe Izraelit.
Dicituara e fotografisë : Presidenti i SHBA-së, Donald Trump, kryeministri i Kosovës Avdullah Hoti dhe presidenti i Serbisë, Aleksandar Vuciq, gjatë nënshkrimit të marrëveshjes në Shtëpinë e Bardhë, 4 shtator 2020