nag trojet etnike – Dielli

KËRKOJMË NJËZËRI LIRIMIN E MËNJËHERËSHËM TË Z. RAMUSH HARADINAJ !/

Ne Shoqatat me prejardhje nga trojet etnike në Mal të Zi me veprimtari në SHBA, reagojmë dhe protestojmë ashpër kundër arrestimit arbitrar të ish komandantit të UÇK-së, dhe luftëtarit të lirisë dhe pavarësisë së Kosovës, ish kryeministrit të Kosovës, z. Ramush Haradinaj.

Z. Haradinaj u arrestua me 4 Janar të këtij viti nga autoritetet franceze në aeroportin e Bazelit me rastin e udhëtimit të tij zyrtar drejt Washington DC, ku ishte i ftuar për të marrur pjesë në ceremoninë inaugurimit të presidentit të SHBA-ve. Ky arrestim u bë sipas një urdhër-arresti të lëshuar nga Serbia, rreth 12 viteve më parë.

Ne vlerësojmë dhe konstatojmë se akti i arrestimit të z. Haradinaj nga ana e autoriteteve franceze, është një akt i pakuptimtë, i pajustifikueshëm dhe në kundërshtim me vendimin e Gjykatës Ndërkombëtare të Krimeve të Luftës për ish-Jugosllavinë̈, (ICTY) me seli në Hagë, e cila e shpalli të pafajshëm z. Haradinaj, dy herë me radhë ( 2008 dhe 2012), për të gjitha akuzat e ngritura ndaj tij.

Andaj edhe “akuza” e Beogradit zyrtar dhe i ashtuquajtur urdhër-arresti ndaj tij, është i pavlefshëm dhe manipulim i Serbisë me Interpolin dhe boten demokratike dhe ka për qëllim vetëm që të diskreditojë figurën e ish komandantit të UÇK-së dhe në këtë mënyrë të diskreditojë luftën e shumë luftëtarëve të tjerë shqiptarë të Kosovës të cilët rrokën armët gjatë konfliktit në Kosovë të viteve 1998/99 dhe u ngritën për të mbrojtur popullin e vet nga dhuna dhe masakrat e forcave ushtarake dhe policore të Serbisë.

Por, ashtu si edhe herët e mëparshme as kësaj radhe Serbia nuk do t’ja arrijë qëllimit dhe do të dështojë në veprimet e saja për pengesën e lëvizjes së lirë të liderëve të Kosovës, përkatësisht të z. Haradinaj.

Me keqardhje themi se edhe pas 17 viteve të përfundimit të luftës në Kosovë, Serbia gjithnjë e ka vështirë ta pranojë të kaluarën e saj të dhunshme dhe që të gjykojë krimet e udhëheqjes së vet politike, që ajo ka bërë gjatë viteve “90-ta të shekullit të kaluar ndaj vendeve të ish-Jugosllavisë, duke përfshirë edhe Kosovën.

I bëjmë thirrje autoriteteve franceze që mos të bijnë pre e politikës destruktive, regresive dhe destabilizuese të qarqeve të caktuara politike të Serbisë, por që menjëherë të veprojë drejtë dhe të angazhohet në lirimin e z. Ramush Haradinaj!

New York

10 Janar 2017

Shoqatat: Malesia e Madhe New York. Shoqata Plave e Guci, Shoqata Ana Malit, Shoqata Malesia e Madhe E Detroitit, Shoqata Kraja, Shoqata Dom Simone Filipaj

Organizatoret apelojnë tek te gjithë te interesuarit qe t’i bëjnë rezervimet për udhëtime me autobus sa me shpejt/

Shoqatat shqiptare me origjinë nga trojet tona etnike nën Mal të Zi, me veprimtari në SHBA-së,të bashkuar si asnjëherë tjetër më pare,ju bëjnë thirrje që të merrni pjese masive në demonstratën,që do të organizohet në Washington DC me datën 19 Mars 2014, me rastin e vizitës të kryeministrit malazias Gjukanoviq në Washington DC. Demonstrata do të mbahet pranë godinës të Kongresit Amerikan dhe Ambasadës të Malit te Zi .

1. Shoqata “ Ana e Malit “ – New York

2. Shoqata “ Dedë Gjon Luli “ – New York

3. Fondacioni “ Dom Simon Filipaj “ – New York
4. Fondacioni “ Plavë-Guci “ – Nmew York
5.Fondi Humanitar “ Malësia “ – New York
6. Shoqata Atdhetare “ Malësia e madhe “ – Detroit
7. Shoqata Atdhetare “ Kraja “ – New York
8. Shoqata “ Ulqini “ – Chikago

I bëjmë thirrje komunitetit shqiptar në SHBA-së,Ligës Qytetare Shqiptaro-Amerikane,Këshillit Shqiptaro-Amerikan,Organizatës Panshqiptare “ Vatra “ Rrënjët Shqiptare dhe gjithë shoqatave me origjinë nga trojet tona shqiptare me veprimtari në SHBA-së,që ta përkrahin këtë demonstratë,të marrin pjesë masive dhe të solidarizohen me vëllëzërit tanë që gjinden nën Malin e Zi !

Kjo demonstratë organizohet për të ngritur zërin e protestës kundër politikës diskriminuese të cilën,aparati shtetëror malazias ushtron vazhdimisht kundër bashkëkombasve tanë në vendlindje.

Është koha që të parandalojmë integrimet e Malit të Zi në botën demokratike,është koha që ne shqiptarët autoktonë nën Mal të Zi të kërkojmë me forcën e arsyes,që t’i gëzojmë të gjitha të drejtat,sipas konventave të botës demokratike.
Është koha kur shtetit të Malit të Zi t’i thuhet “ STOP “ aplikimit të politikave të dyfishta ndaj shqiptarëve.Nisja behet ne mënyrë te organizuar me autobus ,ne Bronx, Arthur ave para lokalit te Gjergj Dedvukaj “Giovanni” dhe ne Brooklyn kryqezimin Church dhe McDonald, ditën e Merkure me daten 19 Mars, ne ora 5:00AM

Apelojmë tek te gjithë te interesuarit qe ti bëjnë rezervimet për udhëtime me autobus sa me shpejt.

Për rezervimin e vendeve ne autobus ju lutem telefononi: per Bronx, Agim Rugova 917 291 0138 dhe Fahredin Kukaj 201 304 1113, Brooklyn, Mustaf Ahmetaj 917 548 6273

SHOQATAT SHQIPTARE NGA TROJET ETNIKE KERKOJNE LIRIMIN E HARADINAJ

TETE SHOQATA SHQIPTARE NGA TROJET ETNIKE NE MAL TE ZI , DEMONSTRATE NE WASHINGTON