ne Prishtine – Page 2 – Dielli

TAKIME NE PRISHTINË TË SHEFIT TË KABINETIT TE KRYETARIT TË VATRËS

September 6, 2017 by dgreca

Dr. Pashko Camaj, Shef i Kabinetit të Kryetarit të Vatrës,z. Dritan Mishto, gjatë qëndrimi në trojet amtare, ku mori pjesë në veprimtaritë kushtuar Nënë Terezës dhe Shugurimit të Katedrales “Nënë Tereza “ në Prishtinë, është takuar me Ministrat në detyrë të qeverisë së Kosovës. I pyetur nga Gazeta Dielli, Dr. Camaj informoi se gjatë vizitës në Prishtinë gjatë dy ditëve të qëndrimit në Kryeqytetin e Republikës së Kosovës,ku mori pjesë në aktivitetet rreth Shugurimit te Katedrales “Nënë Tereza” ai pati nderin dhe kënaqesinë të vecantë të takonte në zyrat e tyre me Ministrin në detyrë të Qeverisë për Diasporën,si dhe Ministrin e Mjedisit dhe Planifikimit Hapësinor pranë Qeverisë se Republikës së Kosovës Valon Muratin dhe Dr. Ferat Shalën. Me Ministrin Murati, dr. Camaj bisedoi për vazhdueshmërinë e një bashkëpunimi të mirëfilltë dhe përforcimin e aktivitetëve që afrojnë diasporën me vëndlindjen. Biseda u zhvillua në frymën e diskutimeve, të një takimi të mëparshëm organizuar disa muaj më parë gjatë vizitës të Ministrit Murati në zyrat e Federatës Pan-Shqiptare të Amerikës Vatra në Neu York. Zoti Murati shprehu falenderimet e tij si dhe të Ministrisë që drejton për Diasporen Shqiptare në Amerikë, për kontributin e madh që ajo dha në ndihmë të Lirisë së Kosovës dhe vazhdon të jape dhe sot, si dhe vlerësoi veprimtaritë Kombëtare të Federates Vatra, e cila për më shumë se një shekull,vazhdon t’I shërbej me devocion Kombit. Ai shfaqi dëshirën për bashkëpunim të mëtejshëm.

Me Ministrin Shala, dr. Camaj bisedoi për ceshtje të lidhura me ndotjen e ambijentit dhe efektin e tij në shëndetin publik në Kosove. Dr. Pashko Camaj ka mbrojtur doktoraturën në Columbia University pikërisht të fokusuar me mjedisit në Kosovë. Njëkohësisht ai i dhuroi Ministrit Shala, kopjen e punimit të tij shkencor, realizuar në bashkëpunim me Universitetin Columbia ne Neë York. Bashkëbiseduesit gjatë takimit ranë në një mendje se kërkohet më shumë punë dhe vëmendje në drejtim të ruajtjes së mjedisit në Kosovë. Ministri Shala i dhuroi Dr. Camaj punimin e tij shkencor lidhur me “Trepçën” dhe Statujën e Hyjneshes në Fron, e gjetur ne afërsi te Prishtinës dhe e punuar rreth 4000 vite para Krishtit.Me Ministrin Shala u diskutuan edhe për menyra të zhvillimit për bashkupinim të ardhshëm në këtë drejtim me këtë ministri dhe me Universitetin e Kosovës.

Dr. Pashko Camaj u take edge me krerët e lartë fetarë , përfshi dhe me të derguarin e Papa Franceskut për shugurimin e katedrales , Kardnal Simon Troshanin.

Simpoziumi mbarëshqiptar në shkencat kompjuterike në Prishtinë

December 28, 2016 by dgreca

-Qëllimi i tij, përveç prezantimit të punimeve nga shkencat kompjuterike, është edhe bashkëpunimi mes Ministrisë së Diasporës, Universitetit të Prishtinës dhe profesorëve e hulumtuesve shqiptarë të diasporës në këtë fushë/

1-simpoziumi-mbareshqipar

PRISHTINË, 28 Dhjetor 2016-Gazeta DIELLI/ Sot, në Prishtinë filloi Simpoziumi mbarëshqiptar në shkencat kompjuterike. Ky simpozium organizohet nga Ministria e Diasporës, në bashkëpunim me Universitetin e Prishtinës “Hasan Prishtina”.Qëllimi i tij, përveç prezantimit të punimeve nga shkencat kompjuterike, është edhe bashkëpunimi mes Ministrisë së Diasporës, Universitetit të Prishtinës dhe profesorëve e hulumtuesve shqiptarë të diasporës në këtë fushë.Në këtë simpozium po marrin pjesë profesorë e studiues shqiptarë nga universitete të ndryshme të botës, si nga Austria, Gjermania, Italia, Franca, Suedia, SHBA-ja, por edhe ata nga Kosova, Shqipëria dhe Maqedonia. Ministri i Diasporës, Valon Murati, i pranishëm në këtë simpozium, i përgëzoi profesorët, njëherësh hulumtuesit shqiptarë të diasporës nga fusha e shkencës teknologjike, duke thënë se ky simpozium është hapi i parë i bashkëpunimit mes diasporës shqiptare nga kjo fushë dhe institucioneve të Kosovës.Ai tha se do të ndihmohet që të bëhet rrjetëzimi i njerëzve të diasporës sonë në shkencat kompjuterike dhe që ky simpozium të bëhet tradicional, si dhe në të të përfshihet një numër sa më i madh i shqiptarëve.

“Ne, si Ministri e Diasporës, e kemi mision të punojmë dhe t’i identifikojmë njerëzit tanë, shqiptarë të suksesshëm, kudo ku janë. Përveç në fusha të ndryshme, edhe në shkenca kompjuterike kemi shqiptarë që po depërtojnë në sfera të larta intelektuale, akademike, por edhe në fushën e ekonomisë, në vendet ku ata jetojnë. Prandaj, ne si shoqëri duhet të krijojmë mekanizma dhe ura ndërlidhëse me këto resurse, në mënyrë që t’i vënë në funksion të zhvillimit e të transferit të dijes”, tha ndër të tjera ministri Murati.Në fund të fjalës, ministri Murati theksoi se mbajtja e këtij simpoziumi është e rëndësishme, ngase krijon mundësi që njerëzit tanë nga diaspora të takohen me ata në Kosovë, të shkëmbejnë përvoja për dijen e fituar, po edhe të debatohet për tema në fushën e teknologjisë informative.Edhe ministri i Arsimit, Arsim Bajrami, i përgëzoi kërkuesit shqiptarë nga diaspora në këtë fushë, duke thënë se ardhja e tyre në këtë simpozium është me rëndësi për shkëmbimin e përvojave për një temë shumë të rëndësishme. Duke qenë një fushë me rëndësi të veçantë për arsimin, shkencën, por edhe për ekonominë, edhe ministri Bajrami shprehu përkrahjen e tij për vazhdimësinë e aktiviteteve të tilla edhe në të ardhmen.

Me nga një fjalë u paraqitën edhe prodekani i UP-së dhe dekani i Fakultetit të Inxhinierisë Elektrike dhe Kompjuterike.Më pas filloi pjesa tematike e simpoziumit, ku profesorët dhe hulumtuesit shkencorë nga diaspora shqiptare u paraqitën me punimet e tyre shkencore, duke ofruar para të pranishmëve shembuj konkretë për të arriturat dhe punën që bëhet në fushën e teknologjisë informative.Në simpoziumin mbarëshqiptar në shkencat kompjuterike u diskutuan tema të ndryshme, si Dizajni i algoritmeve –të mësuarit e makinës, qëllimi, problemet që lidhen me të dhe zgjidhja e tyre; Digjitalizimi i shoqërisë –mundësi dhe sfidat; Çështjet e privatësisë në sistemin mobil etj./b.j/

Delegacion nga Bashkia e Tiranës në Prishtinë

September 13, 2016 by dgreca

Shpend Ahmeti dhe Erion Veliaj diskutuan edhe për konkretizimin e unionit të bashkive/komunave kryesore shqiptare në rajon/

PRISHTINË, 13 Shtator 2016-Gazeta DIELLI/Komunën e Prishtinës e vizitoi sot një delegacion i Bashkisë së Tiranës, i udhëhequr nga Kryebashkiaku Erion Veliaj. Ata u pritën nga Kryetari Shpend Ahmeti, dhe përfaqësues të tjerë të kësaj Komunës së Prishtinës. Në këtë takim të parë të kësaj vizite dyditore, u diskutuan për projekte të përbashkëta si dhe u shkëmbyen përvoja nga të dy qytetet, meqë edhe problemet janë të ngjashme.

Ahmeti dhe Veliaj diskutuan edhe për konkretizimin e unionit të bashkive/komunave kryesore shqiptare në rajon. Ata u dakorduan që në fundjavën para Ditës së Pavarësisë, në datat 26 dhe 27 nëntor, të takohen në Tiranë me kryetarët e komunave si Tetova, Presheva e Ulqini, ku do të diskutojnë për tema konkrete që prekin direkt mënyrën e jetesës së qytetarëve nëpër këto komuna.

Delegacioni nga Bashkia e Tiranës do të qëndrojë për dy ditë në Prishtinë, ku do të merr pjesë nëpër aktivitete të ndryshme të kësaj komune, si dhe do të zhvillojë takime me drejtori të caktuara për të forcuar edhe më tepër bashkëpunimin në fusha konkrete./b.j/

DUA LIPA, KONFERENCE SHTYPI NE PRISHTINE

August 7, 2016 by dgreca

Sot ne Airoportin e Prishtines Adem Jashari u mbajte konference per media, me ardhjen e DUA LIPA’s ne Kosove./Ne kete konference u shpalosen detaje rreth koncertit si dhe repertori i kengeve qe do te kendoje Dua Lipa ne koncertin e saj ne Prishtine me date 9 Gusht.Te pranishem ne konference ishin edhe pjestaret e bendit te cilet iu gezuan shume faktit qe kane mundesine te shohin Kosoven dhe fansat e Duas ne Koncert. Kjo njeherit eshte hera e pare e bendit qe kane vizituar nje vend ne Ballkan.Dua Lipa mbas 4 vitesh eshte kthyer ne Kosove per te mbajtur koncertin e saj humantar ne Parkun e Germise me date 9 Gusht.Te gjitha te hyrat e biletave do te shkojne per Sunny Hill Foundation, fondacionin e themeluar ne DUA LIPA per te ndihmuar te rinjte e Prishtines dhe Kosoves vecanerisht ne art dhe kulture.

Deri me tani jane shitur me shume se 50% e biletave.

Ndërroi Jetë në Prishtinë ne moshen 58 vjeç Tomë Hajdari

June 21, 2016 by dgreca

Miq dhe shok të ngushtë në SHBA, ngushëllojn familjen Hajdari/

Nga Beqir SINA, New York/
PRISHTINE : Dje, në Prishtinë, në moshën 58 vjeçare, ka vdekur Tomë Hajdari, anëtar i Kryesisë së AAK-së, dhe ish-ministër i Bujqësisë.
Hajdari, edhe më herët ka pasur probleme shëndetësore, për çka ka qenë i shtrirë në spital, raportojn mediet kosovare.Tomë Hajdari, njihet edhe si mik i ngushtë dhe bashkëpuntor i disa veprimtarve të njohur në Shtetet e Bashkuara, Elmi Berisha, një mikë i mirë, i tij, këtu në SHBA, thotë se “nuk dua t’a besojë se iku në amshim – njeriu i mirë Tomë Hajdari, miku im i dashur “.
“Sot me lot në sy mora lajmin e piklluar , që Tomë Hajdari, na iku në rrugën e pa kthim iku në duart e nënës Teresa, në vitin e Shejtërimit të saj, iku për t’u bashkuar në “Odën” e Burrave të mëdhenjë të Kombit tonë , të cilët sot janë engjujt e pavdekëshëm . Gjithmonë, shpirti i tyre, dhe vepra e tyre, do të shëndrisin dhe shkëlqejn për të mirën dhe të ardhmen e Kombit.” shkruan në mesazhin e ngushëllimit Elmi Berisha
Më tej në statusin e tij, privat në rrjetin shoqëror Facebook, Berisha, ka lënë shënimin e tij duke shkruar :” O miku imë u ngutë pak he burr, kemi pasur ëndrra të përbashkëta për atdheun për familjet tona për darsmat e gazemendet e përbashketa familjare.
Sa krenar jam që të njofta e që të kisha mik, vëlla , bashkëpuntor dhe ajo më rëndësishmja, ishte dashuria, respekti dhe besnikëria që kishe ti o mik i dashur, për Presidentin e pavdekshëm Ibrahim Rugova”.
Në fund me nje ton prekës, Berisha shkruan se si do t’a përballojm Kodrën e Becit, si do të përballojm zërin tënd të fisnikut të maleve të Dushkajës atë thirrjen tëndë burrnore e bujare :” O hajdi burra he mirë se ju ka pru i madhi Zot në odën e familjes Hajdari”.
Nuk do jet e lehtë t’a përballojm dhimbjen, por që një gjë është e sigurt se gjithmonë, do jesh në zëmrat,mendjen dhe shpirtin tonë. Prehu në paqe Tom Hajdari” ka shkruar Elmi Berisha.
Në statusin e tij privat në rrjetin shoqëror Facebook, edhe themelues dhe botues i gazetës, për shtatë vjet i gazetës shqiptaro amerikane Illyria, Harry Bajraktari, veprimtar dhe biznesmen i suksesshëm, mik shumë i afërt me Tomë Hajdarin ka përcjellur ngushëllimin e tij për vdekjen në moshën 85 vjeçare të Tomë Hadarit.
Bajraktari, shkruan se “ Lajmin mbi vdekjen e Tomë Hajdarajt, e mora me dhimbje të madhe. Të ndjerin pata rast ta njoh dhe përshypjet e mia për të kanë qenë të jashtëzakonshme. Më lejoni që me këtë rast, në emrin tim personal, te shpreh ngushëllimet e mia më të sinqerta familjes dhe te afermve te te ndjerit Tomë Hajdarajt për këtë humbje të pakompenzueshme për ta dhe për Kosovën. Me veprën e tij, ai i dha shumë kombit dhe Kosovës.”
Vdekja e hershme e Tomë Hajdarajt , thotë Bajraktari, është humbje jo vetëm per familjen dhe te afermit e tij por dhe për AAK-në, anëtar i lartë i së cilës ishte.Të ndjerin Hajdaraj pata rast ta njihja këtu kur vinte në SHBA dhe kur unë shkoja në Kosovë. Tomë Hajdaraj ka qenë i përkushtuar pas çështjes kombëtare dhe asnjëherë nuk u shkëput nga kjo kauzë e shenjtë. I ndjeri kontribuoi gjatë viteve të 90-ta, kur Kosova ndodhej e okupuar nga Serbia, pastaj në kohën e luftës dhe pas saj në ndërtimin e shtetit. Ka pasur funksione të ndryshme: ka qenë ministër i Bujqësisë, zëvendësministër dha anëtar i Parlamentit të Kosovës si dhe një nga bashkëpuntorët e presidentit të ndjerë, Dr. Ibrahim Rugova.
Kurse, në fund veprimtari i njohur Harry Bajraktari, shprhet se “ Me vdekjen e Tomë Hajdarajt, AAK-ja humbi aktivistin e saj të devotshëm për çështjen kombëtare, ndërsa kryetari i saj, Ramush Haradinaj, bashkëpunëtorin e tij të ngushtë.Ngushëllimet e mia më të thella dhe qoftë i paharruar emri i tij!
Ngushellime për familjen Hajdari, dhe të gjithë të afërmit e tij, kanë shprehur në statusin e tyre edhe, shoku I Fakultetetit te Agronomise ne Universitetin e Prishtines Gjok Gojcaj,Fran G. Shkreli, Rrustem Gecaj, Musli Mulosmanaj, Luk, Elizabetha e Lisa Milicaj, Halil Mula, Martin Shkreli, Leëis e Lindita Gjelaj, Naim Deduashaj,Simon Qafa, Agjelina Nika, Dalip Greca, Dr. Gjon Buçaj,Marian e Dila Cubi,Ismer Mjeku, Ruben Avxhiu, Pashko R. Camaj,Gjevalin Gegaj,Agim Rexhaj, Sejdi Husenaj, Sabit Bytyçi, Idriz Lamaj, Tomë Mrija,Zef Balaj, e të tjerë..