1944 – 1991/
Nga Fritz RADOVANI*/
14 JANAR…
■Profesor Petro Fundo ka thanë për tiranin Enver Hoxha:
“Diktatorët si ay, vazhdojnë për të sunduar edhe pas vdekjes!”
Kjo foto duhet të na zgjojë edhe natën për të na rikujtue atë tirani të pashoqe që ka sundue dhe po vazhdon me robnue një Popull në Europë, që luftën për Liri asnjëherë nuk e ka pushue por, edhe ka derdhë gjak ma shumë se asnjë shtet tjetër.
■Ngjarjet e fundit të vitit 1989 në Rumani, ishin sinjali i zgjimit të pritshem në Shkoder!
Maska e hipokrizisë së Ramiz Alisë dhe Nexhmije Hoxhës, mbas prishjes marrveshjes me Shtrausin e Gjermanisë tue kalue në prehen të Onekerit Gjermanisë Lindore, dhe të gjitha perpjekjet e mëshefta me blokun komunist si dhe vendet islamike, kishin krijue tek Shqiptarët bindjen se thanja e Don Lazer Shantojës në Janarin e vitit 1945, asht e padiskutueshme që: “Të gjithë komunistët janë tradhëtarë!”
■Vransinat e zakonshme të Janarit në Shkoder, nuk do të munden me pengue rrezet e një “dielli” që kishte perëndue prej 46 vjetësh në Shqipninë e Gjergj Kastriotit. Rinia e Shkodres Martire kishte vendosë me u vetsakrifikue për Liri dhe Demokraci, por në një
kah gati të harruem prej vitit 1945, kur kasapët e Jaltës e lane nën robninë komuniste të
shovenistëve sllav të Titos, me sherbëtorin e tij anadollak Enver Hoxha. Ishte pikërisht kahu i Atyne Martirëve që thirrën që në 1911 në Deçiq, përkrah Dedë Gjo’ Lulit të Hotit: “Duem një Shqipni të Bashkueme!”… “E duem Shqipninë si gjithë Europa!”…
■Ishte data 14 Janar 1990, kur Sheshi i Deshmorëve në qendren e qytetit Shkodres kishte që në orët e para të mengjesit disa mija vetë të rijë rreth monumentit të tiranit Stalin.
Fatkeqësisht, Partia e Punës e Ramiz Alisë, një fanatiku anadollak i pashoq, dhe pikrisht sëpse ishte i tillë pasoi Enver Hoxhën, me anën e sigurimit të shtetit kishte mërrijtë me shmangë nga kjo Protestë në heshtje, një zonë të madhe të qytetit ku perfshihej Parruca, Xhabijej, Perashi dhe Dudasi. Komunistët atje i kishin dhanë Protestës ngjyrë fetare.
Ata persona që mendoheshin organizatorë të Protestës një natë përpara u arrestuen nga vetë kriminelët zevendësministri i mbrendshëm Zylyftar Ramizi, dhe kryetari i Degës së Mbrendshme të Shkodres Çapajev Taçi, që vazhdonn me “zbatue” ligjin. U arrestuen shumë të rijë nder të cilët kujtoj: Dedë Kasneci, Gjergj Livadhi, Rin Monajka, Kolec Hublina, Nikolin Thana, Tonin Dema, Flamur Elbasani, Nikolin Pergjini, Klaudio Daka, që mbasi u derguen në Tiranë ku, u masakruen barbarisht në hetuesi atje, me urdhen të vetë ministrit mbrendshëm Simon Stefani, edhe u dënuen me shumë vite burg.
■Në këte Demostratë të vertetë antikomuniste Ramiz Alia, u mundue me i dhanë edhe botës së jashtme idenë e një organizimi nga Kleri Katolik që porsa ishte lirue nga burgu, tue u mundue me fajsue edhe dy klerikët Don Simon Jubani, i njohun si antikomunist i pathyeshem në burgun e Burrelit, si dhe Don Zef Simoni, i liruem nga burgu i Spaçit, ku vite perpara e ekzekutuen katër Heroj në Revolten e atij kampi shfarosje. Kur tek Don Simoni ka shkue një natë para Ndrekë Bazhdari me i kerkue me shkue në Demostratë, Don Simoni i ka thanë: “Jo, mue nuk më lejohet që të vij se jam klerik dhe me që demostrata apo protesta ka karakter politik unë nuk mund të marrë pjesë. Po të ishte se do të protestojmë për lejimin e fesë, hapjen e kishave e objekteve të kultit, unë vij i pari me Ju, dhe nuk kam asnji kundershtim”. (Dishmi gojore nga Don S. Jubani)
Sigurisht, u bane dhe arrestime tjera si vllaznit Haxhi, Kol Margjini, Paulin Palushi, Mati Prennushi, Leonard Kalaj, etj., që fatkeqësisht me emnat e tyne nuk mungojnë edhe shumë emna vajzash të reja, që nuk po kujtohen nga askush per Heroizmin e Tyne: “Pjesmarrës në Demostraten e Parë Antikomuniste me 14 Janar 1990, në Shkoder!”
■Masat e sigurimit shtetit ishin ma ekstremet. Sjellja e forcave speciale dhe vendosja e armëve goditëse nder tarracat e turizmit, PTT, Sahatit Inglizit, etj., pesë ambulancat e mbushuna me armatime para turizmit (që i kam pa vetë me sy), apo forcat tjera në rrethina të Shkodres të gatëshme per kasaphanë, tregojnë etjen per hakmarrje që ishte e brumosun me një urrejtje të pashoqe 46 vjeçare, që në Janarin e Vitit 1945 me Prekë Calin, e që vazhdoi me zhdukjen e Demokratit Parë Shqiptar Mark Çuni, kur thëmeloi Organizatën e Parë Antikomuniste “Bashkimi Shqiptar” në Shkoder në Maji 1945.
■Demostrata e Janarit 1990 ishte vertetë Antikomuniste, sëpse në gjiun e saj ajo nuk pat “pulëbardha”… që nga fundi i vitit ato u vishën me “pardysytë e bardha”.
■Që Ajo ishte e tillë e verteton edhe qendrimi i turpëshem ndaj Heroit të Pavdekshëm e Shkodranit Rin Monajka, i cili nuk ka asnjë shenjë kujtimi tash 25 vjetë në Shkoder!
■Shkodranët nuk duhet të presin nderime dhe kujtime nga masakruesit e Tyne!
■Historianët le të mos e shkruejnë kurrë një rresht për këte Demostratë Historike, mbasi edhe kjo asht në Nderin dhe Lavdinë e Rozafës Antikomuniste e Liridashëse!
■Shkoder! Kurrë mos e harro thirrjen: “E duem Shqipninë si gjithë Europa!”
■Historia e Shkodres Antikomuniste e shkrueme me Gjak Herojsh, asht e Perjetëshme dhe e Lavdishme nder shekuj të shekujve! Lavdi Herojve të Saj!
Melbourne, 13 Janar 2015.
* Ne vijim te rubrikes:
Në 70 vjetorin e përmbytjes së Shqipnisë…
Kryeministri Rama pritet me protesta ne Shkoder
Ardhja e njoftuar e kryeministrit Edi Rama në qytetin e Shkodres për të shpërndarë 700 çertifikatat e pronësisë për legalizimet, u parapri nga një protestë e banorëve që u preken shtëpitë nga ndërtimi i stadiumit “Loro Boriçi”.
Që në nisje të saj ajo u kthye në një përleshje mes protestuesve dhe policisë, pasi kjo e fundit nuk lejoi banderolat e banorëve.
“Policia na mori parrullat dhe na i grisi. Parullat tona kanë qenë “ Mos i prishni shtëpitë tona” “Gjeni zgjidhje të tjera për stadiumin”. Nuk jemi kundra për parkingun por jo të na prishin shtëpitë tona për parking. Nuk kemi dalë të rrihemi me njeri, kemi dalë për protestë paqësore”.
Një tjetër protestues i bëri thirrje Kryeministrit të shqyrtojë projektin, pasi sipas tij ka zgjidhje të tjera që mund të shmangin prishjen e shtëpive të tyre.
“Zotëri ne kemi vetëm një fjalë, nuk lëvizim gjallë nga shtëpitë se nuk kanë të drejtë të na i prishin. Parkimi që duhet të bëhet për stadiumin, e ka vendin se ku të bëhet. I bëjmë thirrje Kryeministrit ta shqyrtojë atë projekt se ka mudnësi të tjera”.
“Stadiumi nuk bëhet jemi zotë të stadiumit. Nuk lëvizim nga shtëpitë, pa kaluar mbi trupin tonë.Ata janë djemtë e atyre që i kemi rrëzuar në ’90. Ju rrëzojmë prapë” tha një tjetër protestues i revoltuar.
Përballë kësaj situate dhe ndërsa pritej ardhja e Kryeministrit, drejtuesit e policisë dhanë urdhër në përforcimin e masave të sigurisë.
Brenda pak minutash zonën përreth pallatit të sportit “Qazim Dervishi” e kanë rrethuar forca të shumta policie dhe FNSH, ndërsa banorët kanë pritur të qetë ardhjen e Ramës.
Asnjë reagim ndërsa ai hyri brenda, por madje vetëm duartrokitje. Për 60 minuta që zgjati shperndarja e çertifikatave të pronësisë së legalizimit, rreth 100 qytetarët e prekur nga ky projekt kanë pritur Kryeministrin e tyre në shi.
Me insistimin e prefektit Paulin Radovani ai vendosi të dëgjojë një përfaqësi të tyre dhe në fund u tha se stadiumi do të bëhet, duke mos patur kthim pas. Sipas kryeministrit Rama banesat që do të preken nga prishja do të kompensohen me vlerën e tregut.
Kaq ka mjaftuar dhe Rama është larguar, ndërsa banorët kanë vijuar t’i sqarojnë edhe deputetët.
Rreth 30 shtëpi banimi, mes të cilave edhe banesa mbi 100-vjeçare me dokumenta të rregullta, rrezikojnë prishjen. Vlera e kompensimit për truallin është 8300 lekë për metër/katror dhe 10.000 për godinë.(TV Ora News)
Sandër Ruçi nga Jacksonville ne Shkodër
Aktori i humorit Sandër Ruçi dhuron spektakël në teatrin “Migjeni” me shfaqjen “Nostalgji dhe humor”/
Nga Gaspër Marku/ – Edhe pse jeton prej disa vitesh në Jacksonville Florida të SHBA, aktori i njohur shkodran i humorit, Sander Ruçi, anjëherë nuk i ka shkëputur lidhjet me qytetin e tij të lindjes. Dy vite më parë, ai ishte i pranishëm në skenen e Teatrit “Migjeni” të Shkodrës me një spektakël humori, duke bërë për vete të gjithë fansat e tij të shumtë. Ndërkohë, vizita e kësaj radhe, krahas një repertori të pasur që përcolli për spektatorin shkodran, kishte edhe një të veçantë tjetër, pasi me propozim të strukturave vendore të qarkut, Presidenca e ka dekoruar me Urdhërin “Mjeshtër i Madh”. Presidenti i Republikes, Bujar Nishani, e ka dekoruar me motivacionin për kontributin e dhënë në shërbim të artit dhe kulturës shqiptare.
Për Sander Ruçin, spektakli variete “Nostalgji dhe humor”, i dhënë këtë here në skenen e teatrit “Migjeni”, është i teti në karriren e tij artistike, pa lënë mënjanë me dhjetra, qindra, pse jo edhe mijra, aktivizime dhe role që ai ka pasur si pjesë e shfaqjeve dhe varieteve të organizuara nga teatri “Migjeni” dhe trupa të tjera artistike.
Në shfaqjen e fundit, e ideuar dhe e drejtuar nga vetë ai, në mbi dy orë spektakel më tepër e dominojnë interpretimi i vetem në skenë nga ai, duke sjellë një risi më vete në artin e humorit shqiptar. Monologjet, kushtuar jetes së komunitetit në qytetin e tij të Shkodrës, të gërshëtuara edhe me ato të diasporës, duke mos munguar si zakonisht edhe thumbimet humoristike nga politikes, shoqëruar herë pas here edhe këngë dhe muzikë të zgjedhur dhe këngëtarët Bujar Qamili, Enrika Dierza, Eli Sina etj, e ngriten këtë spektakël në nivele të larta, duke bere qe spektatori shkodran pjesen më të madhe të shfaqjes ta përcillte në këmbë me duartrokitje.
Një tjetër kulm i kësaj shfaqje ishte kënga “Hajde Shkodër Loce”, mjaft e dashur për banorët e këtij qyteti dhe më gjërë, të cilen artisti Sandër Ruçi ka kërkuar ta këndojë së bashku me të gjithë artistët e pranishëm, përfshirë edhe publikun në sallë.
Artisti Belg Marc Sleen, ekspozon në Shkoder
Nga Gaspër MARKU/- Qendra e Informimit e Bashkimit Evropian në Shkodër, Ambasada Belge, Fondacioni “Marc Sleen” dhe Delegacioni i BE-së në Shqipëri kanë organizuan në mjediset e qëndrës së BE-së në Shkodër, hapjen e Ekspozitës “NERO” nga artisti Belg Marc Sleen.
Në hapje të aktivitetit, Mirjan Angoni, kordinatore e Qendrës së Informimit të Bashkimit Evropian në Shkodër dhe Vlorë, bëri të ditur se kjo ekspozitë organizohet nën kujdesin e Ministrisë së Kulturës së Republikës së Shqipërisë, për tu njohur me aspekte të një pune të jashtëzakonshme nga një narrator i shkëlqyer dhe mjeshtri i artit komik: Marc Sleen. Krahas intelektualëve dhe artdashësve të shumtë shkodranë, të pranishëm në hapjen e kësaj ekspozite ishin edhe ShTZ Zj. Anick Van Calster, Ambasadore e Madhërisë së Tij, Mbretit të Belgëve; Z. Clive Rumbold, i Ngarkuari me punë a.i. i Delegacionit të BE-së në Shqipëri, Z. Willem De Graeve, Anëtar i Bordit Ekzekutiv të Qendrës Belge të Ekspozimit të Karikaturave, etj.
“Kjo është ekspozita e një prej artistëve komikë, apo karikuturistëve komikë më të njohur në Europë, Marc Sleen”, tha Clive Rumbold, duke shtuar se nuk është rastësi, që këtë ekspozitë, këtë vitë e kemi sjellë në qytetin e Shkodrës, sepse Shkodra është një qytet, i cili njihet, jo vetem për disa nga karikaturat më të mira në Shqipëri, por në fakt është një qytet, i cili e ka përqafuar kulturen europiane dhe e ka integruar atë në frymën e vetë. Sipas tij, nëpërmjet këtyre karikaturave komike, të pranishmit kanë mundësi të shikojnë me anë të kësaj dritareje të krijuar prej këtij artisti të madh belg, në punimet e të cilit spikat këndvështrimi europian.
Gjatë fjalës së tij, ai e quajti artin si një element shumë të rëndësishëm, i cili luan një rol shumë të madh në formësimin e të ardhmes europiane të Shqipërisë nëpërmjet arsimit, ku më parë, në Universitetin e Shkodrës ka pasur një seance mësimdhënie, si pjesë e iniciatives belge, që është edhe pjesë e ekspozites në fjalë. “Unë kam besim, vertet besoj që talenti dhe puna e madhe që do të bëjnë të rinjtë shqiptarë, do ta sjellë Shqipërinë, gjithnjë e më afër Europës. Sepse arti në fakt, është një formë të shprehuri dhe po ashtu një gjuhë universale, të cilen ne, në Bashkimin Europian, e vlerësojmë shumë, e ndajmë me njëri tjetrin, dhe po ashtu dëshirojmë që edhe Shqipëria, ta ndajë atë me ne”, theskoi ai.
Ndërkohë, gjatë përshendetjes së saj në hapjen e kësaj ekspozite, ShTZ Zj. Anick Van Calster, Ambasadore e Madhërisë së Tij, Mbretit të Belgëve, duke vlerësuar organizatorët që bënë të mundur organizimin e këtij aktiviteti, tha se iniciativat komike janë pjesë e kulturës tonë, të cilat kanë një rol të rëndësishëm në kulturën e komunitetit. Ndër të tjera, ajo bëri të ditur se në Shkodër, mbërrijnë pas një turi të bërë në disa prej vendeve të rajonit, duke e vlerësuar këtë qytet për kulturën dhe traditen e madhe që ka në fushën e artit.
Punimet e kesaj ekspozite, që janë edhe pjesë edhe e muzeut përkatës në Belgjike, ai i konsideroi si një mjet shumë efikas që i ofron sa më pranë belget me të huajt e tjerë të shteve përkatëse.
Duke folur për vlerat e autorit të ekspozites, Marc Sleen, të cilin e quajti artin më të famshëm dhe më produktiv, ambasadorja belge, tha se ai është pjesë e librit Guines, me 217 albume, të gjitha të dizenjuara nga ai vetë. Në lidhje me ekspoziten në fjalë, ambasadorja belge, tha se ajo është e fokusuar tek kafshët e egra nëëprmjet vizatimeve komike të ekspozuara.
Ministrja Gjosha promovon gratë në Shkodër
Nga Gaspër Marku/-Ministrja e Integrimit, Klajda Gjosha, në cilësinë e kryetares së Lëvizjes së Gruas për Integrim, u shpreh mbrëmë, gjatë një takimi me gratë e kësaj strukture në qytetin e Shkodrës, se përmes forcimit të LGI-së synojmë të promovojmë gratë në Shkodër dhe në të gjithë vendin.Duke vlerësuar punën e bërë nga strukturat e LSI-së, përfshirë edhe atë të gruas, në qytetin verior, si dhe rezultatet e arritura në zgjedhje, Gjosha tha se “LSI do të vijojë të forcohet jo vetëm për arsye partiake dhe vote, kur është momenti, por edhe për të zhvilluar gruan, ta emancipojë dhe ta forcojë atë si strukturë dhe nëpërmjet saj, të arrijmë të promovojmë gjithë gratë e Shkodrës dhe të Shqipërisë”.
E pranishme në takim, zv/ministrja e Arsimit dhe anëtare e LGI-së, Nora Malaj, tha se në programin e LSI-së, I rëndësishëm është edhe riorganizimi, duke i dhënë gruas disa prioritete për zhvillimin e mëtejshëm të saj. “Fuqizimi i rolit të grave dhe vajzave, është një prioritet i madh i vete Lëvizjes Socialiste për Integrim”, tha Malaj.
Pas takimit, gratë dhe vajzat shkodrane të LGI-së, morën pjesë në një mbrëmje argëtuese në Grand Hotel Europa, në qytetin e Shkodrës