Nga Hazir Mehmeti – Dielli

Hazir MEHMETI

“Harresa është kusht i domosdoshëm i kujtimit”
(Zhari)

Njerëzve human që ndihmuan në mbledhjen e fakteve të përmbledhura në librin kushtuar fëmijëve shqiptarë të helmuar para 30 vjetëve, “Pranverë e helmuar”.

Gusht, dita e trembëdhjetë që kishim arritur në Kosovë. Vjena nuk është larg, vetëm një orë rrugë qielli, por malli ishte shtuar për vendin pas tetëmbëdhjetë muajve në rrethana pandemie. Kalendarin me të cilin fillon dita, tregonte tridhjetë vjet nga koha e helmimit të fëmijëve shqiptarë, ngjarje e shkruar në çdo cep të kujtesës dhe pa dashje shfletova librin. Në kujtesën time larg, atje në pragun e shkollës kur zilja thërriste e mekur nga zëri i fëmijëve në ankthin e përditshëm. Për çudi, shfletoheshin në retinën time, mu ato foto që kisha nxjerrë faqeve të shtypit botëror, nën të cilat kisha shkruar të dhënat e sakta. Më kujtuan shumë momente nga ajo zezonë bashkë me kohën në retrospektivën e saj të pandalshme. Unë dhe miku im Rexha, ishim pjesë e asaj kohe, pjesë e shtypit me gjithë ato përjetime në egërsinë e rrethanave të robërisë. Kamera e Rexhep Rifatit fliste që nga ajo kohë bashkë me reportazhet e tij në “Rilindje” dhe gazetat e kohës.

Së bashku me veteranin e gazetarisë shqiptare, Rexhep Rifatin, kishim bërë udhëtime për të takuar njerëzit e kohës, të cilët kishin ndihmuar fëmijët e helmuar, përkundër maltretimeve nga forcat pushtuese serbe. Sot jemi më të qetë, nuk do t’i mundojmë të tjerët në shfletimin e kujtesës, sot vendosem të udhëtojmë me librin kushtuar atyre si dhuratë vlerësimi për të cilin kontribuuan duke dhënë fakte e dëshmi. “Pranverë e helmuar”, tani mbetet një kujtim i hidhur në pranverën e lirisë së fituar me aq mund e sakrifica.
Rrugës…
Takuam Josef Biden-in lapidar, vepër respekti e nderimi për mikun e madh përtej Paqësorit, SHBA-në, prijëse e transformimeve progresive në glob. Buçetë lulesh të freskëta nga toka jonë e ngrohtë, një detyrim i ligjshëm ndaj mikut. Fotografi e fjalë, falënderim e respekt për mbështetjen e vazhdueshme Kosovës dhe shqiptarëve në të drejtën e tyre të mohuar shekujve.
Athua, a mund të shprehet vetëm me fjalë! “Pranvera e helmuar” e shndërruar në pranverë lirie për gra e burra sot të cilat dje ishin fëmijë e protagonist të librit, të një historie të rendë. Faleminderit Josef Biden!
Binça
Pritja në Shtëpia e Zotit ishte e ngrohtë, aty ku para tridhjetë vjetësh kërkohej shpëtimi i fëmijëve shqiptarë të helmuar nga pushtuesi serb. Kësaj radhe me dashamirësi vëllazërore na priti Dom Marjan Marku famullitar e aktivist i njohur në disa vende ku i shërbeu njeriut dhe kombit. Sërish, pas shumë viteve u takuam me murgeshën zemërmirë Jela Andjelic të cilën e rikthyem në kujtime me librin e dhuruar “Pranverë e helmuar”. Ishte ky një moment befasie e cila e emocionuar përzemërsisht u falënderua. Në libër edhe Mirjana Gojevic, Viktorina, Dom Lush Gjergji, Ipeshkvi Imzot Nikë Prela, Kardinali Franjo Kuharic e shumë tjerë të cilët ndihmuan jetën e shtrenjtë atëherë kur ishte vështirë.
“Miku i mirë, në ditë të vështirë”- tha populli.
Historia e Binçës dhe rrethinës së saj e njohur moteve shqiptare, një traditë që kultivohet akoma nga bijat e bijtë e saj me frymëzimin e shenjtëruar, me emrin e Shën Terezës në zemër dhe mirësinë njerëzore në shpirt.
“Shoh, një foto nga Shtëpia e Zotit, para tri dhjetëvjetësh”- në gazetën kroate “Glas Koncila”, foli Jela Andjelic në shqip dhe kroatisht, aty ku duket vajza e helmuar që i jepej ndihma, atëherë kur edhe vet ishte e re. Për murgeshën zemërgjerë nuk ishte pak, dyzet e dy vjet shërbim në Binçën zemërmadhe. Të gjithë u ngazëllyem nga fjalët e mirësisë dhe modestisë që dëgjuam, bashkë me buqetat e luleve të freskëta përballë Apostujve të shenjtëruar në altarin e adhurimit njerëzor bashkë me betimin në shërbim të tij.

Faleminderit shumë! Nuk e prisja këtë befasi të këndshme, ne çdo ndihmë e kemi bërë për njeriun e vuajtur, për Krishtin, jemi bijtë dhe bijat e tij- ishte zëri i mirënjohës i Jeles pas kaq shumë vitesh nga takimi ynë i fundit.
Kamera e Rexhës nuk harronte asnjë çaste fjalën e saj, Ajo bashkë me ne u bë pjesë e historisë sonë të pikturuar afreskeve të tempullit me aq mjeshtëri. Ne tani ndanim dhembjet e vuajtjeve dhe krenarinë e përbashkët.
Kafja me shijen e Gentianes ilire nga malet e Dardanisë na bëri me krah për ecjen tonë tutje përtej kodrës.

Z.Mentor Burovci,(MD):“Asnjë komplikim ligjor nuk do ketë ai i cili regjistrohet, pa marr parasysh nënshtetësinë që ka, shtetin ku ka lind, vendin ku jeton, regjistrimi është vetëm regjistër i të dhënave numerike për qeverinë e Kosovës. Regjistrimi është akt vullnetar dhe jo i obligueshëm dhe do ishte dëm i madh largimi nga regjistrimi. Në regjistrim mund të marrin pjesë të gjithë mërgimtarët nga të gjitha trevave shqiptare”.
Nga Hazir Mehmeti, Vjenë/
Në lokalet e Ambasadës së Republikës së Kosovës të enjten u mbajt takim informativ lidhur me procesin e regjistrimit të diasporës i thirrur nga Ministria e Diasporës. Organizimi i bë nën “Agjenda e Fokus Grupit” nga KosovoDiaspora me temën “Qëllimet, Sfidat dhe Mundësitë” Fjalën përshëndetëse e mbajti z. Imer Lladrovi, konsull. “Diaspora është pjesë themeli e shtetit të Kosovës, andaj dua ta përgëzoi Ministrinë e Diasporës për këtë aktivitet me rëndësi”. Znj. Linda Fetiu e drejtoj takimin, ajo dha disa informata rreth temës për diskutim. Z.Mentor Burovci, përfaqësues i M.D. u foli të pranishmëve lidhur me rrjedhën e procesit të regjistrimit. “Regjistrimin e mërgimtarëve është duke u zhvilluar dhe si shtet kemi për herë të parë të dhëna lidhur me diasporën. Këto të dhëna do na shërbejnë shumë ne dhe qeverisë së Kosovës në ndërtimin e politikave më të sakta shtetërore për sa i përket diasporës dhe mërgatës. Me të dhënat që do i kemi në të ardhmen do mundemi t’i qasemi më afër diasporës sonë me rastin e hartimit të planeve vjetore, aktiviteteve, projekteve që i referohen mërgatës sonë. Dua ta potencoi se hartimi i regjistrit është një akt ligjor i cili na obligon dhe është dokument qeveritar për pesë vjet. Ju kisha apeluar të gjithë mërgimtarëve që të regjistrohen sepse do jetë me dobi të shumëfishtë në realizimin e programeve e projekteve të rëndësishme për diasporën. Dhe, secili do jetë në një formë personalisht i promovuar”. Ndërsa z.Lorik Pustina foli lidhur me aktivitetin e “Fokus Grupeve”. Ai falënderoj organizatat ndërkombëtare që e kanë ndihmuar këtë projekt sfidues. “Me regjistrimin e mërgatës ne do ta dimë fuqinë reale, sa jemi ne në diasporë, jashtë trojeve etnike shqiptare. Ne jemi duke punuar në drejtimin e kartelës identifikuese dhe kjo do sjell përfitime të ndryshme dhe besojmë se kjo ide do vjen pas regjistrimi”. Ai foli lidhur me ruajtjen e të dhënave duke përmendur ligjin mbi ruajtjen e privatësisë së shënimeve. Të dhënat janë të siguruara. Regjistrimi kalon nëpër disa faza dhe tani jemi në fazën e mbledhjes së të dhënave, regjistrimin dhe do përfundon me pastrimin (vërtetimit) e të dhënave, formimi i buletinit e të dhënave. Të dhënat janë të përditësuara, regjistrimi do vazhdon. Të dhënat statistikore do i jepen edhe Republikës së Shqipërisë e cila e ndihmon po ashtu procesin e regjistrimit. Problemi më i madh është kthimi i formularëve të plotësuar deri në Ministrisë së Diasporës, se sa shpërndarja e tyre. Andaj, forma elektronike është më e lehtë dhe më e sigurt”
Në diskutim u shtrua pyetja e nënshtetësive, kur dihet se Austria bie fjala, njeh vetëm një nënshtetësi, a kanë pengesa ata që regjistrohen. Ligji parasheh mundësinë e regjistrimit pa marr parasysh çfarë nënshtetësie ka dhe në cilin vend ka lindur.
Asnjë komplikim ligjor nuk do ketë ai i cili regjistrohet, pa marr parasysh nënshtetësinë që ka, shtetin ku ka lindë, vendin ku jeton, regjistrimi është vetëm regjistër i të dhënave numerike për qeverinë e Kosovës. Regjistrimi është akt vullnetar dhe jo i obligueshëm dhe do ishte dëm i madh largimi nga regjistrimi. Në regjistrim mund të marrin pjesë të gjithë mërgimtarët nga të gjitha trevave shqiptare.
Regjistrimi fizik bëhet përmes formularëve të cilët i kemi gjithandej ku mërgimtarët gjendën, udhëtojnë, në komuna etj.
Regjistrimi O-line më i lehtë dhe kërkon vetëm disa minuta. http://rd.rks-gov.net/(S(fgjxqhvgtqdjjsejoky4siyj))/Home.aspx; rd.rks-gov.net/
Nga të pranishmit kishte shumë pyetje, vërejtje, sugjerime, kritika dhe propozime të cilat u dëgjuan me vëmendje dhe u sqaruan me kujdes nga përfaqësuesit zyrtar të institucioneve.
Në fund u dha një koktej rasti për të pranishmit.

UDHËTIM MIRËNJOHJE

Regjistrimi i diasporës ka rëndësi kombëtare