Gjithashtu, ka edhe dy të huaj një qytetar grek dhe një qytetare japoneze- Një grua japoneze e cila është raportuar e zhdukur, sipas një zëdhënëseje në konsullatën japoneze në Nju Jork/
Nga BEQIR SINA, New York/
MANHATTAN NEW YORK – Raporti më i fundit nga shpërthimi që ndodhi në mërkurën në New York, tregon se tetë persona janë konfirmuar të vdekur nga shpërthimi i cili shkatërroi dy ndërtesa në lagjen Harlem të Nju Jorkut për shkak të një rrjedhjeje gazi dhe të paktën 63 vetë thuhet janë të plagosur.
Shpërthimi ndodhi pak pasi dikush në një ndërtesë aty pranë u telefonoi autoriteteve për të raportuar se kishte nuhatur gaz. Kompania furnizuese Consolidated Edison dërgoi dy ekipe në zonë, por ata arritën pasi ndodhi shpërthimi.
Një tym i dendur nga ndërtesat mund të shihej nga një pjesë e mirë e Manhatanit. Mbetjet nga shembja kishin mbuluar trotuaret dhe rrugët e zonës dhe një pjesë të shinave të trenit rajonal, duke bërë të nevojshme ndërprerjen e trafikut hekurudhor.
Zyrtarët e qytetit të Manhattanit në New York, sot kan lëshuar emrat e shtatë njerëzve që vdiqën në shpërthimin që rrënoi rrafshë me tokën dy ndërtesa në lagjen e sipërme të qytetit të Nju Jorkut – East Harlem .Sipas tyre ende ekipet e shpëtimit vazhduan të “gërrmojnë” nëpër rrënojat, edhe të premten në mëngjes .
Deri, kur një person i tetë u nxorrë nga vendi – ku ndodhi shpërthimi duke rrëzuar për tokë dy ndërtesa pesë kateshe shumë të vjetra – ndërtuar sipas regjistrit të hipotekës qysh në vitin 1910. Zyrtarët, thanë se hetuesit janë ende duke u përpjekur për të përcaktuar shkakun e shpërthimit, ka thënë një zëdhënës i NYPD , duke shtuar se nuk ka asnjë gjasë që ky të jetë ndonjë akt terrorist.
Të gjithë të lënduarit dhe tetë të vdekurit u gjetën nën rrënojat e dy ndërtesave numër 1644 dhe 1646 në Park Ave. – Dy ndërtesat përmbanin apartamente banimi, ndërsa ngjitur me to ishte Kisha spanjolle e krishtere dhe një dyqan veglash muzikore – pianosh – të cilat papritur shpërthyen të mërkurën në mëngjes, nga rrjedhja e gazit sipas dyshimeve paraprake .
Të mbeturit të vdekur nga ky shpërthim përfshijnë, pesë gra mes tyre një kuzhiniere dhe nënën e saj , një muzikante e pasionuar , një asistente dentar dhe një roje të sigurisë në kolegjin aty afër Hunter College.
Gjithashtu, ka edhe dy të huaj një qytetar grek dhe një qytetare japoneze- Një grua japoneze e cila është raportuar e zhdukur, sipas një zëdhënëseje në konsullatën japoneze .
Të vdekur janë :
► George Ameado , 44 vjeç
► Rosaura Barrios , 44 vjeç-
► Rosaura Hernandez – 21 vjeç –
► Griselde Camacho , 44 vjeç
► Andreas Panagopulos , 44 vjeç-
► Alexis ” Jordy ” Salas , 22 vjeç
► Carmen Tanco , 67 vjeç-
► Një grua japoneze është raportuar e zhdukur, sipas një zëdhënëseje në konsullatën japoneze .