Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Kosova njihet edhe nga Barbadosi, shteti i 116-të

by

Gazeta DIELLI nga korrespondenti në Kosovë Behlul Jashari/

Barbados FlagPRISHTINË, 15 Shkurt  2018/ Barbadosi është shteti i 116-të që njeh pavarësinë e Kosovës të shpallur para 10 viteve në 17 Shkurtin historik 2008.

“Festa e dhjetëvjetorit të pavarësisë së Kosovës sapo ka filluar. Barbados është shteti i radhës që njeh Kosovën. Urime gjithë qytetarëve të Kosovës”, shkruan presidenti i Republikës, Hashim Thaçi në ‘facebook’, në mbrëmjen e sotme.

Ndërsa, kryediplomati kosovar, Behgjet Pacolli, shkruan: “Në vigjilen e festës së madhe të pavarësisë, ja edhe një njohje nga shteti i Barbadosit, Urime Kosovë e dashur!!”.

Gjatë 10 viteve, Republika e Kosova ka vendosur marrëdhënie diplomatike me 88 shtete, është anëtarësuar në më shumë se 60 organizata rajonale, evropiane dhe ndërkombëtare, ka hapur gati 40 misione diplomatike dhe poste konsullore dhe ka të akredituar ambasadorë jo-rezidentë në rreth 60 shtete.

***

Barbados është një ishull ne bregun lindor te Karaibeve.
Kryeqyteti: Bridgetown
Popullsia: 284,996 (sips regjistrimit te vitit 2016)

Singapori-Kosova merr njohjen e 113-të

by

kosove-newborn-prishtine-debore-17janar2016-foto-behlul-jashari-1-Singapori njeh Kosovën si shtet i pavarur dhe janë vendosur marrëdhëniet diplomatike/

enver-hoxhaj-vivian-balakrishnan

PRISHTINË, 1 Dhjetor 2016-Gazeta DIELLI-B.Jashari/ Singapori është shteti më i ri, i 113-ti  anatër i OKB-së që e njeh Pavarësinë e Kosovës, të shpallur para më shumë se 8 viteve, në 17 Shkurt 2008.MPJ në njoftimin e sapodërguar thekson: Kosova është njohur sot nga Singapori dhe janë vendosur marrëdhëniet diplomatike. Në notën verbale, thuhet se “në përgjigje të letrës së Ministrit të Kosovës, Enver Hoxhaj të datës 24 qershor 2014 për Ministrin e Punëve të Jashtme të Singaporit, Vivian Balakrishnan, Republika e Singaporit njeh Kosovën dhe vendos marrëdhënie diplomatike”.“Një tjetër lajm i mirë për Kosovën. Singapori është shteti më i ri që e njeh pavarësinë e vendit tonë. Kam takuar e lobuar pa ndërprerë duke vizituar fillimisht këtë shtet në vitin 2013, zhvilluar shumë biseda e takuar sërish ministrin e Jashtëm, Vivian Balakrishnan në New York. Tani numërojmë 113 njohje”, ka thënë Hoxhaj.Singapori është shteti i 4 nga ASEAN që ka njohur pavarësinë e Kosovës. Singapori është i vendosur në Azinë Juglindore dhe ka popullsi prej 5.7 milionë banorësh. Singapori është një nga vendet më të zhvilluara në botë dhe nga GDP për kokë banori është vendi i 3-të në botë.Në të njëjtën kohë, Singapori ka pranuar pasaportat e Kosovës dhe qytetarët e Kosovës mund të marrin vizë në misionet diplomatike dhe konsullore të Singaporit apo të aplikojnë online për e-vizë për të hyrë në Singapor që nga sot.Ministri Hoxhaj do të vizitojë Singaporin në janar 2017 për të thelluar marrëdhëniet politike, ekonomike dhe tregtare.