PRISHTINË, 4 Mars 2016/ Opozita e bashkuar kosovare dorëzoi sot pasdite në Gjykatën Kushtetuese kërkesën e përbashkët që konteston zgjedhjen e Hashim Thaçit president të Republikës së Kosovës.“Janë shumë parregullsi të evidentuara në seancën e 26 shkurtit, për të cilat opozita ka mbledhur të gjitha provat e nevojshme dhe ia ka bashkëngjitur kësaj kërkese, në mënyrë që Gjykata Kushtetuese të marrë vendimin e duhur – pra anulimin e atij procesi të zgjedhjes së Presidentit”, deklaroi opozita e bashkuar në Kosovë, të cilën e përbëjnë tre subjekte politike, VV, AAK e Nisma, me gjithësej 31 deputetë në Kuvendin 120 anëtarësh.

Thaçi u zgjodh president i ri i Kosovës me  71 vota në raundin e tretë,  në seancën e jashtëzakonshme të Kuvendit të Kosovës në 26 shkurt, ndërsa në 7 prill jep betimin dhe merr detyrën. 10 vota ishin të pavlefshme. 81 deputetë kanë votuar gjithësej./b.j/