Ambasada Amerikane ne Tirane prej kohesh ka njoftuar se do te ndryshojne procedurat e aplikimit per vize. Dhe koha erdhi. Nga data 21 dhjetor të gjithë ata persona që do të aplikojnë për t’u pajisur me vizë në Ambasadën amerikane në Tiranë do të përballen me procedura të reja aplikimi. Konsullja Lary Gary nëpërmjet një komunikimi me mediat sqaroi se ndryshimet përfshijnë procedurën e caktimit të takimeve, pagesën dhe dorëzimin e dokumenteve.

“Tani ka më pak pagesa dhe me shumë mënyra për të kryer pagesën si dhe caktuar një datë takimi. Procesi i ri është më i lehtë dhe më i përshtatësm pasi përfshin çdo shërbim në një pagesë. Aplikimi për vizë tashmë do të bëhet vetëm on-line. Hapi i parë që duhet të bëjë aplikanti është plotësimi i formularit on-line në faqen e internetit të Ambasadës amerikane http://albanian.tirana.usembassy.gov/formds160.html dhe më tej të krijojnë një llogari online në Albania.usvisa-info.com dhe më tej të zgjedhin një nga tre opsionet e pagesës për të kryer pagesën për vizë. Pra pagesa kryhet online, ndryshe nga prodedura aktuale ku aplikanti paguante tarifën e aplikimt për vizë duke u paraqitur personalisht në bankë. Më tej aplikanti do të caktojë datën e intervistës në http://albania.usvisa-info.com dhe më tej të përgatisë dokumentat e kërkuara për vizë emigrimi, që shënon edhe hapin e fundit të procedures”,- sqaroi ajo.

Me procedurat e reja, aplikanti mund të regjistrohet para afatit për marrjen e pasaportes falas dhe jo me pagesë siç ka ndodhur me shërbimin aktual. Megjithatë, ndryshimet në prodecurat e aplikimit nuk ndikojnë në përftimin e vizës. “Nuk ka asnjë ndryshim në ligjet dhe rregullat që duhen për të kualifikuar një aplikant për vizë. Ky është një ndryshim në mënyrën e aplikimit , jo kualifikimit”, tha ajo. Ambasada Amerikane fton qytetarët e interesuar të vizitojnë nga e premtja faqen zyrtare (http://albanian.tirana.usembassy.gov/visas.html), për tu njohur me ndryshimet.