Pritje – Dielli

WASHINGTON, AMBASADA SHQIPTARE PRITJE PER 104 VJETORIN

December 2, 2016 by dgreca

*Ambasada e Shqipërisë në Uashington, organizoi pritje me rastin e 104 Vjetorit të Pavarësisë së Shqipërisë…/

2-pritje 3-pritje-faber 3-faber-ambasad 4-ushtarake 1-flet-ambasadorja

*Në këtë pritje ishin të pranishëm, ndër të tjerë dhe z. Michael Carpenter, Zëvendës Ndihmës Sekretar i Mbrojtjes, znj. Judy Reinke, Zëvendësdrejtoreshë e Përgjithshme e Shërbimit Tregtar të Jashtëm në Departamentin e Tregtisë, z. Jimmy Kolker, Ndihmës Sekretari për Çështjet Globale në Departamentin e Shëndetësisë, z. Matthew Palmer, Drejtori i Zyrës për për Evropën Lindore dhe Qendrore në Departamentin e Shtetit, z. Tom Ridge, ish Sekretar i Sigurisë Kombëtare, Nunci Apostolik, Ambasadorët e Turqisë, Greqisë, Kosovës, Serbisë, Malit të Zi, Kroacisë, Sllovenisë, Rumanisë, Luksemburgut, Lituanisë, Nepalit, Tunizisë, Ekuadorit, Barbadosit, Kosta Rikës, Monakos, Bruneit, etj/

Ne pritje morën pjesë edhe katër nga ish- ambasadorët amerikan, në Tiranë, si William Ryerson, Marisa Lino, Marcie Ries, dhe John L. Withers./

Nga Beqir Sina/

WASHINGTON D.C: Ambasada Shqiptare në Washington, në një nga mjediset e Hotel Willard Interkontinetal, përkujtoi 104 Vjetorin e Pavarësisë, në një atmosferë festive, me pjesëmarrjen e qindra të ftuarve, në të shumtën përfaqësues të shumë vendeve mike.Me këtë rast Ambasada e Republikës së Shqipërisë në Uashington, dha një pritje zyrtare, për korpusin diplomatik, të disa shetetve në kryeqytetitn e SHBA, ku morën pjesë, ambasadorët, e atshet ushtarak të disa vendeve, disa zyrtar të lartë tëAdminsitratës amerikane, lider të komunitetit, veprimtarë, përfaqësues të mediave, afaristë, studentë shqiptarë në universitet amerikane, miq të Shqipërisë, në SHBA, etj. Në këtë pritje ishin të pranishëm, ndër të tjerë dhe z. Michael Carpenter, Zëvendës Ndihmës Sekretar i Mbrojtjes, znj. Judy Reinke, Zëvendësdrejtoreshë e Përgjithshme e Shërbimit Tregtar të Jashtëm në Departamentin e Tregtisë, z. Jimmy Kolker, Ndihmës Sekretari për Çështjet Globale në Departamentin e Shëndetësisë, z. Matthew Palmer, Drejtori i Zyrës për për Evropën Lindore dhe Qendrore në Departamentin e Shtetit, z. Tom Ridge, ish Sekretar i Sigurisë Kombëtare, Nunci Apostolik, Ambasadorët e Turqisë, Greqisë, Kosovës, Serbisë, Malit të Zi, Kroacisë, Sllovenisë, Rumanisë, Luksemburgut, Lituanisë, Nepalit, Tunizisë, Ekuadorit, Barbadosit, Kosta Rikës, Monakos, Bruneit, etj. Gjithashtu, morën pjesë edhe katër nga ish- ambasadorët amerikan, në Tiranë, si William Ryerson, Marisa Lino, Marcie Ries, dhe John L. Withers…Johana Neuman e cila dëshmon se si e ka përjetuar familja e saj në periudhën e Holokaustit, mbrojtja nga Shqipëria, Mbreti Zog, i cili i paisi me pashaport shqiptare,si dhe miq të afirmuar të shqiptarëve në Uashington, si dhe përfaqësues të shquar të komunitetit shqiptaro amerikan nga Virxhinia, DC-ja, New Yorku dhe New Jersey.Pritja e mbajtur më datë 1 dhjetor 2016, dhe u organizuar nga Ambasada e Republikës së Shqipërisë në Uashington DC , me rastin e Ditës së Pavarësisë dhe Festës Kombëtare të Forcave të Armatosura, u hapë me këndimin e dy Hymneve kombëtare, SHBA dhe Shqipërisë, kënduar nga dy vajza të reja veshur me kosutmet popullore, Ardita Ibrahimi dhe Arta Hoxha. Të pranishmit u përshëndetën nga Ambasadorja e Shqipërisë në Uashington zonja Faber, Zëvendës Ndihmës Sekretar i Mbrojtjes, z. Michael Carpenter, dhe nga Drejtori i Zyrës për Evropën Lindore dhe Qendrore në Departamentin e Shtetit, z. Matthew Palmer.Në fjalën e saj përshëndetëse në këtë pritje, Ambasadorja Faber vlerësoi rolin e diasporës sa i përket thellimit të marrëdhënieve dypalëshe dhe bashkëpunimit mes Shqipërisë dhe SHBA-së dhe nënvizoi dhe një herë rëndësinë që ka Diaspora për Shqipërinë, Kosovën, e shqiptarët kudo që janë. Ajo i falënderoi të pranishmit për vullnetin e dëshmuar për bashkëpunim me ambasadën dhe shprehu bindjen se ky bashkëpunim do të thellohet në të ardhmen, duke u konkretizuar me veprimtari të reja.Me rastin e festës së flamurin Ambasadoria Faber, theksoi se shteti shqiptar ka kaluar një rrugë të vështirë, duke u perpjekur që të kapërcejmë pabarazinë ekonomike, të forcojnë demokracinë dhe shtetin ligjor e të krijojnë shanse të barabartë për të gjithë shqiptarët.
Me një mirënjohje të thellë, shprehur për të gjithë të pranishmit, ambasadorja Faber, tha se po festojmë 104 vjetorin e pavarësisë së Shqipërisë, si dhe ditën kombëtare të Forcave të Armatosura.“28 Nëntori, tha ajo është simbol i shqiptarëve e gjithë bota. Në këtë datë të caktuar, në 1443 heroi ynë kombëtar, Gjergj Kastrioti Skënderbeu, ngriti flamurin në Krujë, dhe ishte një nga përpjekjet e para të kombit shqiptar për të ngritur si një projekt unik politik dhe kulturor, përtej ambicieve politike dhe dallime rajonale ose fetare , kombin tonë, që lufton për ruajtjen e gjuhës e saj, traditat dhe flamurin e vet.”Për gati pesë shekuj, tha më tej ambasadorja, Shqipëria, ishte pjesë e Perandorisë Osmane, për që mbas 500 vitesh – 28 nëntor të vitit 1912, kur një nga figurat më moderne politike të rilindjes shqiptare, Ismail Qemali, ngriti flamurin në Vlorë, ku Shqipëria, shpallet shtet i pavarur, e i lirë dhe në gjendje të vetë-qeverisur vetë. Shqipëria u kthye në identitetin e tij dhe të kontinentit që natyrisht i përkiste, Evropë” tha ajo..Duke, e përkufizuar si ditën e bashkimit, tonë kombëtar, Ambasadorja e Shqipërisë, tha se :” Ashtu si 104 vjet më parë, kjo është dita që bashkon të gjithë shqiptarët kudo që janë. Kjo është dita kur ne nuk shohim dallime politike apo rajonale. Ajo është dita që të përbashkuar rreth flamurit kuq e zi, të gjithë shqiptarët nga Shqipëria, Kosova, Mali i Zi, Maqedonia, Lugina e Preshevës, dhe kudo që janë shqiptarët, brenda apo jashtë, në Evropë dhe si ata në shumë shtete këtu në Shtetet e Bashkuara, festojmë Ditën e Flamurit – Shpalljen e Pavarësisë së Shqipërisë’.
Çdo vit për Ditën e Pavarësisë sonë, ne shqiptarët, festojmë lirinë tonë, gjuhën tonë, dhe vlerat thelbësore të kulturës sonë: mikpritjen dhe tolerancën, theksojë ambasadorja Faber, duke shtuar se :”Çdo vit ne festojmë arritjet tona të mëdha: ne festuam transformimin e vendit tonë për një demokraci në vitin 1990, kemi festuar e rivendosjen e marrëdhënive dhe miqësinë e fortë me Shtetet e Bashkuara, atë të vitit 1991, kemi festuar anëtarësimin tonë në NATO në vitin 2009, kemi festuar bërjen si një vend kandidat i BE-së në 2014. Por ne sshqiptarët tani festojmë dhe krenohemi me popullin tonë, për një bijën tonë shqiptare, një nga thesaret më të mëdha të kombit tonë, kanonizimin e Nënë Terezës, më 4 Shtator në Vatikan, nga Papa Francesku”.
Mirëpo, siç e kemi shumë për të festuar, ne kujtojmë se sa më shumë që ne duhet të bëjmë, në mënyrë për të realizuar plotësisht ëndrrën tonë evropiane , që vendi ynë të bëhet një anëtar i BE-së, se sa ne ende duhet të bëjmë, në mënyrë për të ngritur vendin tonë ekonomikisht, të luftojmë korrupsionin dhe të zbatojmë dhe vendosim sundimin e ligjit. Ndihem i privilegjuar, nënvizojë ajo për të punuar krah për krah me këtë vend të madh dhe të rëndësishm, partnerin tonë strategjik Shteteve të Bashkuara të Amerikës.
Më duhet të theksojë, u shpreh ambasadorja Faber, se ’”Ky partneritet nuk ka filluar tani, por i ka rrënjët e saj shumë më tej se kaq, në 1919, kur Presidenti Woodrow Wilson, ka mbështetur njohjen e shtetit shqiptar, dhe mbrojtjen e tij nga mos coptimi. Dhe unë ju siguroj se populli shqiptar nuk kanë dhe nuk do të harrojmë kontributin e madh të këtij vendi ndaj lirisë sonë, pavarësi dhe demokraci”.
Mirëpo u shpreh në fjalën e saj ambasadorja e Shqipërisë, në Uashington, “Edhe, pse ne kemi qenë në anë të ndryshme të historisë për 45 vjet, populli i Shqipërisë, ka ruajtur gjithmonë një ndjenjë e miqësisë dhe mirënjohjes ndaj SHBA. Duke na bërë ne shqiptarëve kombin më pro amerikan në botë dhe për këtë kemi shumë arsye”.
Shtetet e Bashkuara, na kanë ndihmuar dhe na kanë mbështetuar në rrugën tonë drejt demokratizimit dhe në përpjekjet tona për të ndërtuar një ekonomi të qëndrueshme të tregut. SHBA, na kanë mbështetur në çdo hap të ndërtimit të demokracisë tonë të re, ata kanë qenë aleatët tonë në përpjekjet tona drejt integrimit euro-atlantik dhe kanë provuar të jenë vendimtare në rrugën tonë drejt anëtarësimit në NATO, si dhe na kanë mbështetur në çdo hap të integrimit tonë evropian dhe kanë qenë të rëndësishm prezentë për disa reforma të shumta.
Gjatë fjalës së saj Ambasadorja e Shqipërisë, në Uashington, Fioreta – Luli Faber, nuk ka la pa permendur edhe kontrinbutin e madh të diasporës shqiptarë në Shtetet e Bashkuara.Ambasadorja ritheksoi rëndësinë që ka Diaspora për një vend si Shqipëria, si dhe vlerësoi bashkëpunimin e deritanishëm me komunitetin e këtyre vendeve. Ajo shprehu bindjen se komuniteit shqiptar është ambasadori më i mirë i Shqipërisë dhe i të gjitha vlerave që ajo mishëron, një urë lidhse mes SHBA dhe Shqipërisë, për më shumë se 100 vjet.“Unë, do të doja të vija në pah me këtë rast tha ajo, atë se komuniteti shqiptaro-amerikan ka dhënë një kontribut të madh në mbështetjen e çështjeve shqiptare në këto 104 vjet. Ishin shqiptarët e Amerikës, u shpreh ajo që i kërkuan presidentit Willson për të njohur Shqipërinë si një vend, dhe mbrojtjen e saj nga mos cipotimi ishin shqiptarët e Amerikës, që duke kërkuar mbështetjen e qeverisë amerikane për të njohur pavarësinë e Kosovës, lirinëe saj. Por, gjithashtu janë shqiptarët, ata që japin një kontribut të madh për këtë vend. Shqiptarët janë fitues të çmimit Nobel me Ferid Murat, ata kan një astronautët që shkuar në Hënë William G. Gregory, kan aktorët e mëdhenj vëllezërit Belushi, dhe kan këngëtarët e medhenjë si Ermonela Jaho, politikanë, mjekë, inxhinierë,dhe biznesmen”.
Diaspora shqiptare është një urë që na bashkon dhe na afëron si dy shtete.
Andaj tha Ambasadorja gjejë rastin të falënderoj me gjithë zemër për atë që bëjnë shqiptarët e Amerikës, në përfaqësimin e vlerave më të mira të kulturës shqiptare, si dhe për atë që bëjnë për vendin e tyre, në atë që ata bëjnë në ruajtjen e gjuhës dhe të traditave tona.Para mbylljes, së fjalës së saj Ambasadorja e Shqipërisë në Uashington, Fioreta Luli Faber, tha se unë dua të ju falënderoj me këtë rast edhe stafin tim diplomatik, Mamica, Eni, Daniela, Eduarti, Artani, që punojnë dhe bëjnë një punë të tillë të madhe, që ne mund të dukemi më mirë në ngjarjet dhe prezantimet e tilla!
Më pas ajo ia ka dhën fjalën pëshendetëse, Zëvendës Assitant nga Sekretari i Ministrisë së Mbrojtjes, Michael Carpenter dhe drejtori i punëve të Evropës Juglindore e Qendrore në Departamentin e Shtetit, z Matthew Palmer.Në fjalën e tij përshëndetëse, z. Carpenter u shpreh ndër të tjera: Duhet përshëndetur fakt se Shqipëria është një vend i vogël dhe mban një peshë e përgjegjësi të madhe në kuadër të sigurisë në botë.Shqipëria vazhdon të marrë pjesë aktive në operacionet paqeruajtëse në Afganistan dhe kontribuuese e madhe në Luftën kundër terrorizmit dhe në koalicionin kundër ISIS, në të cilin ka dhënë një kontribut të jashtë-zakonshëm, mund të them më shumë se çdo vend tjetër, krahasuar me kapacitet e saj.Duhet të falënderojmë nismën e marrë për të dhënë përvojë në ngritjen e qendrës së ekselencës për të trajtuar gjerësisht dhe thellësisht fenomenin e luftëtareve të huaj.
Duhet vlerësuar modernizimi dhe transformimi rrënjësor i Forcave të Armatosura me armatim bashkëkohor sipas standardeve të NATO-s.Ai vlerësoi gjithashtu dhe rolin e Shqipërisë, si një aktor aktiv dhe kontribuues të dialogut dhe bashkëpunimit në fushën e sigurisë rajonale. Z. Palmer, duke evokuar udhëtimin e tij të parë në Shqipëri, në vitin 1993, ku vendi sapo kishte nisur rrugën e ndryshimeve demokratike, nënvizoi transformimin e madh që ka ndodhur në Shqipëri. Shqipëria sot është partnere dhe aleate e denjë e Aleancës Atlantike, kandidate për t’u anëtarësuar në BE dhe uroj se së shpejti ajo do të arrijë të bëhet anëtare e unionit, u shpreh ai.Me rastin e festës së flamurit, 28 Nëntorit – 104 Vjetorin e Shpalljes së Pavarësisë së Shqipërisë, ndër të tjera, pjesë e këtij aktiviteti ishte edhe një ekspozitë e fotografive me titull “Albanian Beauty”, dhe një kotejl me ushqime tradicionale shqiptare.

Dua Lipa koncert në Prishtinë

August 8, 2016 by dgreca

-Kryeministri Mustafa: Dua Lipa dhe talentët tjerë, burim motivimi dhe krenarie për Kosovën/

PRISHTINË, 8 Gusht 2016-Gazeta DIELLI/Dua Lipa pas 4 vitesh është kthyer në Kosovë për të mbajtur koncertin e saj humantar në Parkun e Germisë në 9 gusht në Prishtinë.

Të gjitha të hyrat e biletave do të shkojnë për Sunny Hill Foundation, fondacionin e themeluar nga ajo per të ndihmuar të rinjtë e Prishtinës dhe Kosovës veçanërisht në art dhe kulturë.

Kryeministri i Republikës së Kosovës, Isa Mustafa, priti sot në takim këngëtaren e famshme, Dua Lipa.

Gjatë takimit, kryeministri Mustafa tha se Kosova dhe qytetarët e saj janë shumë krenarë për sukseset e njëpasnjëshme të saj në skenën muzikore botërore.

Kryeministri Mustafa, po ashtu, shprehu përkrahjen e Qeverisë së Kosovës për të gjithë artistët dhe talentët e tjerë të Kosovës që veprojnë jashtë vendit.

“Dua Lipa dhe të gjithë këngëtarët dhe sportistët tanë që po arrijnë famë ndërkombëtare, fal talentit dhe punës së tyre të përkushtuar, janë shndërruar në figura motivuese dhe simbole krenarie për të rinjtë dhe të gjithë qytetarët e Kosovës. Ju, po ashtu, po i jepni imazh shumë pozitiv shtetit dhe shoqërisë tonë në botë. Andaj, Kosova krenohet me sukseset tuaja”, tha kryeministri Mustafa.Këngëtarja Dua Lipa ka falënderuar kryeministrin Mustafa për pritjen, duke theksuar lidhjen e saj të fuqishme me Kosovën.

Dua Lipa, po ashtu, e njoftoi kryeministrin Mustafa edhe për planet e saj në të ardhmen në botën e muzikës./b.j/

KONSULLATA E KOSOVES NE NEW YORK DHA PRITJE PER 5 VJETORIN E PAVARESISE

February 21, 2013 by dgreca

– Ambasadori Sejdiu: Suksesi i Kosovës është një sukses i përbashkët i popullit dhe institucioneve të Kosovës, të diasporës sonë, si dhe nga miqtë dhe aleatët tanë/

– Kryetari i Bashkise se New Yorkut, z. Michael Bloomberg solli një mesazh të vecantë përshëndetjeje për Kosovën e pavarur, përmes zëdhënsit të tij/

Nga Beqir SINA/

NEW YORK : Konsullata e Përgjithshme e Kosovës në Nju Jork, në sallën e madhe të pritjeve në hotelin “Intercontinetal”, ka organizuar pritje me rastin e shënimit të pesëvjetorit të pavarësisë së Kosovës. Në pritje morën pjesë Ambasadori Bekim Sejdiu me bashkëshorten e tij zonjën Alberije Sejdiu, dhe komplet stafi i Konsullatës së Përgjithshme të Kosovës në Nju Jork, konsulli Fatmir Zajmi me zonjën Semra, dhe diplomatja Valëza Uruçi.
Me këtë rastë Ambasadori Bekim Sejdiu – Konsulli i Përgjithshëm i Kosovës, i ka falënderuar në emër të Konsullatës, të pranishmit për pjesëmarrjen, si dhe të gjitha ato vende të cilat e kanë mbështetur në pavarësimin e saj Republikën e Kosovës dhe ndihmën që po ia japin asaj në forcimin e demokracisë dhe njohjes së saj si një shtet me kredibilitet në rajon dhe në Evropë. Një mirënjohje të thellë Ambasdori Sejdiu shprehu në mënyrë të veçantë për Shtetet e Bashkuara të Amerikës, dhe vlersojë lart kontributin e diasporës shqiptare.
Të pranishëm në këtë eveniment kanë qenë dhjetëra diplomatë të ndryshëm, shumcia e tyre nga ato vende që e kanë njohur deri tani Kosovën, në mesin e të cilëve edhe ambasadoria e SHBA-ve, në OKB, Rozmari DiCarlo, ambasadorët e disa vendeve Europiane, Azisë, Afrikës, Amerikës së Jugut, dhe ai i Republikës së Shqipërisë Ferit Hoxha, dhe Konsulli i Përgjithshëm i Shqipërisë në New York Dritan Mishto, etj.
Pas ekzekutimit të himneve kombëtare të të dy vendeve, drejtuesi i këtij evenimenti gazetari i RTK zoti Sulejman Gashi, pasi foli shkurtimishtë për rëndësinë e pavarësisë së Kosovës, i dha fjalën Ambasadorit Bekim Sejdiu – Konsulli i Përgjithshëm i Kosovës, në New York.
Ambasadori Sejdiu shprehu kënaqësin e madhe që në këtë pritje për përvjetorin e pestë të pavarësisë së Republikës së Kosovës, po e festonte së bashku me bashkëatdhetarët dhe diplomatët e huaj, duke thënë se unë do të doja që në fillim t’ju falënderoj të gjithëve për nderimin që na betë me praninë tuaj dhe duke e bërë më të këndshme këtë mbrëmjen tonë, të pavarësisë së Kosovës.

“Të nderuar të ftuar; u shpreh ai ne jemi duke festuar sonte përvjetorin e pestë të pavarësisë së Republikës së Kosovës, mbasi ne kemi shumë arsye për të festuar, ku siç dihet gjatë pesë viteve të fundit, ajo shpalli pavarësinë e saj, dhe Kosoa ka bërë përparime të mëdha.
Arritjet e mëdha janë arritur në drejtim të krijimit të infrastrukturës ligjore dhe politike për një qeverisje të mirë, integrimi i pakicave etnike në jetën publike, përqasjen me standardet e Bashkimit Europian në sektorë të ndryshëm, forcimin e sundimit të ligjit, si dhe krijimin e kontureve të një ekonomie të tregut të lirë të lulëzuar”.
Kurse, më pasë ai ka folur përëndësinë e kësaj pavarsie në aspektin ndërkombëtar duke thënë se në dimensionin ndërkombëtar, pozicioni i Kosovës në mesin e familjes së kombeve sovrane ka qenë shumë i avancuar. Kosova sot është e njohur si një vend i pavarur dhe sovran dhe ka vendosur marrëdhënie diplomatike me shumë vende rreth botës. Frymëzuar nga fryma e marrëdhënieve të mira fqinjësore, të cilat politika jonë e mbështur mbi ato rajonale, ne e kemi vendosur veten si një shtyllë kryesore të stabilitetit dhe të aspiratës së tonë Euro-Atlantike .
Përfundimin e mbikëqyrjes ndërkombëtare të pavarësisë, që u zhvillua vitin e kaluar, Ambasadori Sejdiu e quajti një moment vendimtar, mbasi kjo erdhi sipas tij si rezultat i konsolidimit dhe progresin e Republikës së Kosovës gjatë pesë viteve të pavarësisë së mbikëqyrur.

Suksesin e Kosovës ai e cilësoi një sukses i përbashkët i popullit dhe institucioneve të Kosovës, të diasporës
sonë, si dhe nga miqtë dhe aleatët tanë.

“Ne kemi qenë të bekuar të gëzojmë mbështetjen e pamasë dhe miqësinë dedikuar të Shteteve të Bashkuara të Amerikës u shpreh Ambasadori Sejdiu duke shtuar se kam kënaqësin që me këtë rast të rëndësishëm për të ripërsëritur mirënjohjen tonë të thellë për Shtetet e Bashkuara të Amerikës për mbështetjen e tyre të paçmuar që i kan dhënë Republikës së Kosovës. Por, tha ai ne jemi gjithashtu shumë mirënjohës në vendet e tjera Europiane, që janë duke e mbështetur vazhdimisht Kosovën në rrugën për përparimin e përgjithshëm të vendit tonë.”
Nuk ka ëndërr më të fuqishme dhe aspiratë më legjitime se ajo e lirisë dhe dinjitetit theksojë ndër të tjera Ambasadori Bekim Sejdiu – Konsulli i Përgjithshëm i Kosovës, teksa nënvizojë se në Kosovë, ëndrra e lirisë u bë e vërtetë dhe aspirata e demokracisë, dhe është rruga e vendit tim, e cila e çon përpara në rrugën e pakthyeshme të integrimit Euro-Atlantik.
“Republika e Kosovës,pohoi ai është e përkushtuar për vlerat e të drejtave të njeriut, demokracisë multi-etnike dhe mirëqenien e qytetarëve të saj, është e angazhuar për të jetuar në harmoni dhe prosperitet me fqinjët e saj, dhe është e përkushtuar për ambicien e integrimit në strukturat euro-atlantike, si edhe të integrimit të plotë në sistemin ndërkombëtar të kombeve sovrane.” përfundojë fjalën përshëndetëse Ambasadori Bekim Sejdiu – Konsulli i Përgjithshëm i Kosovës në New York.

Me rastin e shënimit të pesëvjetorit të pavarësisë së Kosovës, kryetari i Bashkisë së New Yorkut, me anë të zëdhënsit të tij solli një mesazh përshëndetje, për të uruar pavarësinë e Kosovës.
Koktejli i pesë vjetorit të pavarësisë së Kosovës, u shoqërua me muzikë nga një band muzikore shqiptaro-amerikane nën kryesimin e z Faton Macula, i cili do ta bënte së bashku me servirien falas të verës së njohur nga Kosova, ose is thërrasin ndryshe “ambasadoren” e Kosovës nëpër botë, “Stone Castle”, të pronarit shqiptarë Rustem Geci, këtë mbrëmje festive edhe më të bukur edhe më të këndëshme.

Edhe Ambasadori Bekim Sejdiu – Konsulli i Përgjithshëm i Kosovës, në New York, e ngriti një dolli për Kosovën, për SHBA-të, si dhe për shëndetin e shqiptarëve për lumturi, me verën e njohur “Stone Castle” duke ua uruar të gjithë të pranishëmëve :” Gëzuar pesë vjetorin e pavarësisë së Kosovës!.

Ndryshe, Kosova e ka shpallur pavarësinë e saj më 17 shkurt të vitit 2008, kurse pavarësinë e saj e kan njohur deri tani 99 vende, shteti i i fundit që e njohu pavarësisnë e Kosovës është Republika më e madhe islamike e Egjyptit.

HARMONIA FETARE, MESAZHI I SHQIPTAREVE PER KOMBET E TJERA

December 22, 2012 by dgreca

Shqiptarët janë në komb i vogël, por shkëlqejnë shumë. Ata kanë një mesazh për të gjitha kombet e tjera, respektin absolut për besimin e njëri-tjetrit.”

Kryeministri Berisha dha një pritje koktej me rastin e festave të Krishtlindjes dhe Vitit të Ri, me përfaqësuesit e komuniteteve fetare dhe përfaqësuesit e trupit diplomatik të akredituar në Shqipëri.

Në pritje ishin të pranishëm drejtuesit e bashkësive fetare në vend: Presidenti i Konferencës Ipeshkvnore të Shqipërisë, Imzot Angelo Massafra, Kryepeshkopi i Tiranës, Durrësit dhe gjithë Shqipërisë, Fortlumturia e tij Anastasi Presidenti i Vëllazërisë Ungjillore të Shqipërisë, Pastor Fitor Muça, Zëvendskryetari i Komunitetit Mysliman të Shqipërisë, Kryegjyshi Botëror i Bektashinjve Haxhi Baba Edmond Brahimaj, si dhe përfaqësues të bashkësive fetare nga Kosova dhe Mali i Zi.

Fjala e Kryeministrit Berisha në pritje.

“Është një rast i veçantë për mua të përulem me nderimin më të thellë para veprës së ndritur të këtyre burrave, të cilët me përkushtimin e tyre, me vetëmohimin e tyre, me besimin e tyre të pakufishëm tek Zoti dhe në shërbim të tij, kanë bërë që shqiptarët të festojnë sot, krenarë para Zotit, Krishtlindjet, një nga ngjarjet më të mëdha të njerëzimit të të gjitha kohërave, lindjen e burrit dhe Hyjit, i cili me mendimin, me trashëgiminë, por edhe me sakrificën e tij sublime në shërbim të Zotit dhe të njeriut, ndikoi aq fuqishëm në moralin njerëzor, në moralin e qytetërimit perëndimor.

Ndaj dhe urimin e parë e kam për ju, mirënjohjen më të thellë për veprën tuaj të ndritur, e kam për të gjithë besimtarët të krishterë shqiptarë dhe të gjithë besimtarët e Zotit në Shqipëri, besimtarët ortodoksë, katolikë, myslimanë dhe të gjithë ata që i luten Zotit dhe i besojnë atij, iu uroj Krishtlindjet gëzuar! Uroj nga zemra që t’i festojmë ato gjithnjë e më mirë.

Këto krishtlindje i festojmë në 100 vjetorin e pavarësisë së Shqipërisë, i kremtojmë gjithashtu pas një rilindje të vërtetet të besimeve fetare, të cilat u rrënuan nga një ideologji çnjerëzorë. I kremtojmë të lirë dhe unë jam i bindur se ka shumë arsye që të besojmë që Krishtlindjet e tjera do të na gjejnë më mirë, më të bashkuar, më të begatë, më të sigurt dhe më përpara në projektin tonë të madh të bashkimit njëri me tjetrin, të bashkimit me Europën, të ndërtimit të Shqipërisë Europiane.

Një përshëndetje të përzemërt dua t’u jap ambasadorëve, duke filluar së pari me Nuncin Apostolik, përfaqësuesin e Selisë së Shenjtë dhe të Atit të Shenjtë në Shqipëri, këtij Aleati të përjetshëm të shqiptarëve, mbështetësit të vendosur të çështjeve të drejta të tyre. Ju uroj ju shkëlqesi ambasadorë, familjeve tuaja, kombeve tuaja, Gëzuar Krishtlindjet dhe Vitin e Ri! Uroj prosperitet, paqe, stabilitet dhe të ardhme gjithnjë e më të ndritur për kombet tuaja të mëdha, mirëkuptim, paqe dhe harmoni për të gjithë.

Ky vit i lëshon vendin një viti tjetër të madh në historinë e njerëzimit, vitit të ediktit të Milanos, në të cilin dy perandorë, – rastësi apo jo, le ta gjykojnë historianët – dekretuan së bashku lirinë fetare. Edikti i Milanos është një nga aktet më të mëdha në historinë e njerëzimit, pas lindjes dhe ringjalljes së Krishtit. Ky akt i hapi rrugën paqes, mirëkuptimit, respektit reciprok, të njerëzve me besime të ndryshme dhe iu dha qytetarëve lirinë të përzgjedhin besimin që duan.

Shqiptarët në këtë horizont janë një komb i vogël, por shkëlqejnë shumë. Një komb, të cilit linja e Teodosit i ra në të gjithë gjatësinë e tij. Kisha u nda, por kombi mbeti unik. Më vonë sërish linja të tjera ranë mbi të, tani jo linja e Teodosit, por linjat e Huntingtonit, përsëri kombi mbetet unik. Ata kanë një mesazh për të gjitha kombet e tjera, respektin absolut për besimin e njëri-tjetrit.

Ndaj le të përpiqemi së bashku ta shndërrojmë 2013, në një vit harmonie, paqeje, mirëkuptimi me njëri-tjetrin, me fqinjët, me vende të tjera.

Edhe njëherë ju uroj Gëzuar Krishtlindjet dhe Vitin e Ri! Ju falënderoj me mirënjohje që erdhët sot, këtu, dhe më dhatë mundësinë të uroj secilin prej jush. Gëzuar!”

…

PRITJE E PERFAQESIVE DIPLOMATIKE SHQIPTARE NE NEW YORK

December 2, 2012 by dgreca

Rreth 107 përfaqësues diplomatik nga vende anëtare të përherëshme të OKB-së, nga të gjitha kontinentet, ishin të pranishme në nivel Ambasadori, Zv Ambasadori ose zyrtarësh të tjerë të lartë/

NGA BEQIR SINA, New York City/
MANHATTAN NYC : Në datën 28 nëntor 2012, në orën 18.00, në sallën e madhe (ball – room) të lokalit të njohur në New York, Russian Tea Room, përfaqësitë tona Misioni i Përhershëm i Republikës së Shqipërisë në Organizatën e Kombeve të Bashkuara së bashku me Konsullatën e Përgjithshme e RSH në Nju Jork dha një pritje për festën tonë kombëtare – 100 vjetorin e pavarësisë së Shqipërisë.
Pritja e organizuar u krye mes ngjyrave kuqezi, simboleve, muzikës dhe veshjeve kombëtare shqiptare dhe kaloi në një atmosferë të gezueshme dhe mjaft miqësore.Pritja ishte një moment shumë i bukur për të festuar në këtë ambjent mjaft të këndëshëm. Mishto tha se :”Ne u ndjemë krenarë që mund të festonim me trupin diplomatik në OKB dhe në New York, e po ashtu edhe me bashkëatdhetarët tanë këtu ditën e shënuar për mbarë kombin tonë 100 Vjetorin e Shpalljes së Pavarësisë së Shqipërisë”.
Ky eveniment mund të quhet zyrtarisht se ishte edhe ai që i përmbylli të gjithë festimet dhe veprimtarit të organizuara gjatë gjithë këtij viti në SHBA, nga komuniteti shqiptarë për vitin jubilar të 100 vjetorit të pavarësisë, të paraprirë nga ato që u shënuan në mënyrë më madhështore, në çdo vendbanim ku më së shumti jetojnë shqiptarët, javën e kaluar.

Ndërkohë, që po në Nju Jork në sheshin më të madh në botë Times Square mijëra shqiptarë kan manifestuar për disa orë kuqezi 100 vjetorin e pavarësisë ashtu si dhe qytete të tjera të Shteteve të Bashkuara ku gjatë këtyre ditëve janë zhvilluar aktivitete të ndryshme festive, ngritje e flamurit, koncerte dhe darka solmne me rastin e përvjetorit të pavarësisë, ku kan marrë pjesë me qindra mijëra vetë.

Në pritjen që dhanë përfaqësuesit diplomatik të shtetit shqiptarë në New York, Sh. T. Z. Ferit Hoxha me zonjën Amelle Montenot – Hoxha, dhe Z. Dritan Mishto me Znj. Agata Mishto morën pjesë disa qindra të ftuar, personalitete të rëndësishme njujorkeze, veprimtarë të dalluar shqiptarë dhe të huaja.

Në pritje e dhënë në Nju Jork, nga përfaqësuesit e Shqipërisë morën pjesë të gjitha vendet mike, vendet e Bashkimit Europiana e të tjera të Rajonit tonë (përveç Serbisë). Trupa diplomatike e akredituar në Kombet e Bashkuara nga vendet e ndryshme të botës, Ambasadorët të vendeve që janë edhe anëtare të NATO-s, BE-së, Ballkanit, Rajonit e më gjerë, në OKB – Përfaqësues të shquar të kulturës, shkencës, ekonomisë dhe financës, lider shoqatash dhe organizatash – nxënës e studentë shqiptar që mësojnë e studionë në shkollat amerikane, profesorë shqiptarë e amerikanë të universiteteve, përfaqësues të shquar të artit, sportit, dhe kinematografisë në komunitetit tonë, përfaqësues shqiptarë të shtypit, gazetat (Illyria, Bota sot, Dielli) përfaqësues të biznesit shqiptarë dhe amerikanë, përfaqësues të artit kulturës dhe sportit shqiptar në SHBA.

Në pritje edhe përfaqësuesit e Kosovës, Ambasadori Bekim Sejdiu Konsulli i Përgjithshëm dhe konsulli Fatmir Zajmi, Asamblemeni i parë shqiptarë në Nju Jork, zoti Mark Gjonaj dhe kampioni i botës në spektaklin Vallëzimin me Yjet – Dancing With the Stars – Tony Dovolani
Pas intonimit të himnit kombëtar të Shteteve të Bashkuara kënduar nga talenti Bledar Maqellara dhe himnit të Shqipërisë kënduar nga këngëtaria e mirënjohur Merita Halili e shoqëruar në firsamonik nga mjeshtri i muzikës Raif Hyseni – përshëndetjes së rastit nga Konsulli i Përgjithëshëm i Shqipërisë në New York, zoti Dritan Mishto , fjalën e mori Ambasadori Ferit Hoxha – Shef Misioni në OKB, i cili foli për rrugën e Shqipërisë gjatë këtij njëqindvjeçari dhe për arritjet e Shqipërisë në këto 100 vjet pavarësi.
Në fillim të fjalës së tij Shefi i Misionit shqiptarë Ambasadori Ferit Hoxha, theksojë se Shqipëria është e njohur, ashtu si dhe historia e shumë kombeve, të tjera, mbasi ajo është e mbushur me të gjitha llojet e ngjarjeve dhe jo gjithmonë ato të lumtura. “Megjithatë, vijojë ambasadori Hoxha, Shqipëria, është një nga ato raste të rralla ku historia vendosi të luajë të gjitha truket e saj dhe t’a “dënojnë” atë në fatet e saj – për të kaluar nëpër aq shumë vështirësi në rrjedhën e një shekulli”.

“Lindja e Shqipërisë si Shtet të Pavarur dhe Sovran 100 vjet më parë, u shpreh Ambasadori Hoxha në fjalën e tij përshëndetëse, erdhi në dhimbje, dhe natyrishtë në vështëristë e asaj kohe. Përpjekjet e vazhdueshme të popullit shqiptarë për liri e pavarësinë e saj me mbështetjen të mirëfilltë nga vendet mike, e solli Shqipërinë mbas pesë shekujsh robërie në dritë.”

Më tej ai vuri në pah se gjatë viteve shqiptarët ishin në një rekord të përpjekjeve të vazhdueshme: Lufta për mbijetesë dhe për ndërtimin e një shteti të qëndrueshëm, luftës kundër varfërisë së skajshme, i vuajtjeve të imponuara nga luftërat botërore, rezistenca në pesë dekadat më të vështira të komunizmit, sollën edhe ndryshimin politik, ekonomik e social të shqiptarëve në fillim të viteve ’90 dhe sidomos në 10 vitet e fudnit. Në këtë ditë, ne kemi plotë për të festuar por edhe të nderojmë me respekt të gjithë ata shqiptarë që luftuan dhe sakrifikuan për të drejtat që ne gëzojmë sot, të gjithë ata të cilët përpjekur me mish e me shpirt në mënyrë që vendi i Ynë të bëhet ajo që etërit themelues të saj donin që ajo të jetë: një vend i të gjithë shqiptarëve i lirë, demokratik dhe në paqe edhe me fqinjët tanë

Ndërsa ne shikojmë prapa dhe analizuar të kaluarën në mënyrë që të kuptojnë më mirë të tashmen, një botë në ndryshim të vazhdueshëm të shpejtë kërkon që ne të përqëndrohemi më shumë në të ardhmen, tonë.
“Asnjëherë më parë në historinë e kombit tonë, theksojë Ambasadori Hoxha, Shqipëria nuk ka lëvizur më shpejt se sa sot në rrugën e drejtë dhe të proseperitetit, kurrë më parë ajo nuk ka parë një transformim të tillë radikal. Raportime të besueshme, përfshirë Bankën Botërore, e konsiderojnë Shqipërinë një histori zhvillimi e suksesshme në shumë aspekte. Në të vërtetë, gjatë dy dekadave të fundit, Shqipëria ka ecur përpara më shumë se gjatë pjesës tjetër të shekullit krejt. Ajo ka krijuar një demokraci të besueshme multi-partiake dhe ekonomisë së tregut, ka ecur me shpejtësi për t’u ri-integruar në të gjitha Forumet ndërkombëtare dhe evropiane, duke përfshirë NATO-n dhe ne shpresojmë që së shpejti të bëhet një vend kandidat për në BE. Gjatë dekadës së fundit, Shqipëria e pa Kosovën më në fund të lirë e të pavarur të shpalli shtetin e saj një fitore historike kjo e gjithë shqiptarëve
Në përfundim, tha Ambasadori Hoxha, Shefi i Misisonit Shqiptarë në Kombet e Bashkuara, Shkëlqesi, Kolegë, Miqtë, Bashkëkombas -Compatriotes, Zonja dhe zotërinj, Ju faleminderit të gjithëve që u bashkuat në këtë gëzim me ne për të qenë këtu sonte për të festuar së bashku njëqindtë vjetorin të Deklaratës së Pavarësisë së Shqipërisë. Andaj më lejoni përsëri të ju falenderoj për të qenë këtu sonte dhe ndajnë këtë moment së bashku. Më lejoni të uroj mirë për ju, familjet dhe kombet tuaja që të vazhdojmë punën tonë dhe përpjekjet tona në dobi të paqes dhe prosperitetit, për një botë më të mirë për të gjithë.Gezuar Pavarësinë 100 vjetorin, zoti e bekoftë Shqipërinë dhe shqiptarët.

Të gjithë pjesëmarresit ua transmetuan diplomatëve të shetit shqiptarë urimet e tyre më të mira për një ngjarje të tillë të veçantë. Që të gjithë ishin pjesë e këtij manifestimi dhe secili prej tyre nderonin me praninë e tyre, të cilët në një formë ose tjetër e në nivele të ndrysheme, të pranishëm e bënë edhe më të gëzueshme këtë 100 vjetorë. Rëndësinë e kësaj feste e madhështuan edhe përfaqesues të vendeve mike e aleate, të Shqipërisë dhe Kosovës, vendeve me të cilat Shqipëria ka marrëdhenie të mira bashkëpunimi apo vende me të cilat marrëdhniet dhe kontaktet vijnë duke u shtuar si nga Shqipëria por edhe nga Kosova