Diplomati dhe shkrimtari Visar Zhiti është emri i propozuar nga qeveria për ambasador në Vatikan. Mësohet se propozimi është paraqitur në zyrën e Presidentit Bujar Nishani, ndërkohë që pritet pranimi apo jo i kandidaturës së tij.
Kandidimi i tij për këtë post, vjen pas refuzimit të emrit të Ardian Ndrecës, propozim edhe ky i qeverisë, i cili u hodh poshtë nga Presidenti Nishani në muajin mars.
Zhiti është shprehur i gatshëm për çdo mision që do t’i jepet. Ndërkohë që pranimi i emrit të tij nga Presidenti apo jo, lidhet me faktin se Nishani ka kërkuar që kandidimet më herët se të propozohen, të konsultohen.
Visar Zhiti është një figurë e moderuar e të djathtës, shkrimtar dhe ish-i persekutuar.
Shkrimtari dhe diplomati Visar Zhiti është gjithashtu ish-ministër i Kulturës në qeverinë Berisha, në periudhën prill-shtator të vitit 2013.
Në vitin 1997, Zhiti ka qenë atashe kulturor në ambasadën shqiptare në Romë, deri në vitin 1999.
(Ne Foto: Visar Zhiti gjate nje takimi ne Vater)