Rahovec – Dielli

Festa e Vjeljes së Rrushit në Rahovec…

August 24, 2020 by dgreca

Festa e Vjeljes së Rrushit në Rahovec: Hardh Fest n’pandemi “Shnosh si kokrra”-/

-Festivali Hardh Fest në Rahovec këtë verë vjen me “Online edition’, në 4, 5 dhe 6 Shtator 2020. Kjo si pasojë e situatës së krijuar nga pandemia Covid-19. Ky edicion treditësh i Hardh Fest mbahet nën slloganin “Shnosh si kokrra”/

-Festa e vjeljes së rrushit në Rahovec organizohet që nga viti 2001. Vitin e ardhshëm 2021 ka edicionin e 20-të jubilar/

Gazeta DIELLI nga korrespondenti në Kosovë Behlul Jashari

RAHOVEC, 24 Gusht 2020/ Në Kosovë Festa e Vjeljes së Rrushit – Festivali Hardh Fest në Rahovec këtë verë vjen me “Online edition”, më datë 4, 5 dhe 6 Shtator 2020. Kjo si pasojë e situatës së krijuar nga pandemia Covid-19.

Ky edicion treditësh i Hardh Fest do të mbahet nën slloganin “Shnosh si kokrra”.

Slogani, theksojnë organizatorët, u mendua ti përshtatej periudhës në të cilën po jetojmë. Në situatën e zymtë të pandemisë duhej një slogan i hareshëm dhe idea lindi prej pyetjes që është bërë më shpesh kohëve të fundit, “Si je?” – me përgjigjet “shnosh e mire”, “mirë vallai” etj., dhe sidomos në vendlindjen e Hardh Festit, në Rahovec, kjo pyetje shumicën e herave pritet me një përgjigje shumë krenare – “shnosh si kokrra e rrushit”.

Andaj edhe lindi slogani “Shnosh si Kokrra”, duke dashur të percjellim një mesazh mbështetës anembanë! – shprehen organizatorët në deklaratën e dërguar sot.

Aktualisht po punohet në organizimin e aktiviteteve të cilat mund të mbahen edhe ne formë online me të cilat mund të shënojmë edicionin e VI-të të Hardh Fest në menyrë simbolike.

Festivali Hardh Fest edicionin e kaluar shënoi një sukses të madh, ku numri i pjesëmarrësve arriti mbi 70 mijë vizitorë nga mbarë bota.

Festa e Vjeljes së Rrushit Hardh Fest në Rahovec vitin e kaluar 2019 nisi në 16 Gusht me moton “Një got’ për mot!”, ku ka marrë pjesë edhe Presidenti i Shqipërisë Ilir Meta bashkë me Presidentin e Kosovës Hashim Thaçi dhe atëherë Kryeministrin në detyrë Ramush Haradinaj.

Në vitin 2016 e veçanta e edicionit të 15-të jubilar të festës së vjeljes së rrushit Hardh Fest ishte ardhja e stërmbesës së Heroit kombëtar Gjergj Kastriotit – Skënderbeu, Sofie Kastrioti, përfaqësuese e brezit të 14-të të familjes, e cila ishte pjesë e programit, duke performuar veprat e saja artistike.

Komuna e Rahovecit disponon me rreth 50 % të sipërfaqeve të vreshtave të Kosovës si dhe kapaciteteve përpunuese.

Zhvillimi ekonomik në komunën e Rahovecit është orientuar me së shumti në bujqësi, vreshtari dhe perime kulturë. Afro 65% e popullatës është vlerësuar se sigurojnë ekzistencën nga aktivitetet bujqësore.

Territori i komunës së Rahovecit përfshihet në rajonin e Prizrenit, qytetit më të madh jugor të Kosovës afër kufirit me Shqipërinë.

Festa e vjeljes së rrushit në Rahovec organizohet që nga viti 2001 dhe tani është shndërruar në festë nacionale e të gjithë qytetarëve të Kosovës. Vitin e ardhshëm 2021 ka edicionin e 20-të jubilar.

Delegacioni amerikan nga shteti Iowa-s, SHBA, viziton Rahovecin

June 30, 2017 by dgreca

Kryetari Vehapi priti në takim një delegacion nga shteti Iowa-s së SHBA/

Rahovec, 30 qershor 2017- Gjatë ditës së sotme, Kryetari i Komunës së Rahovecit, Idriz Vehapi ka pritur në takim një delegacion nga shteti i Iowa-s së SHBA, i kryesuar nga Sekretari për Bujqësi, Bill Northey. Në takim bisedohet për mundësin e bashkëpunimin në sektorin e bujqësisë në mes të Komunës së Rahovecit dhe shtetit të Iawo-s.

Kryetari Vehapi, ka falënderuar Bill Northey, Sekretari për Bujqësi në shtetin e Iowa-s dhe delegacionin të cilin e kryeson ai , për faktin se vendi i tij nuk na ka lënë vetëm në kohë të vështira, e që po na ndihmon edhe më tutje ta forcojmë e ta zhvillojmë Republikën e Kosovës, qytetarët e së cilës i janë mirënjohës përjetësisht. Poashtu Kryetari Vehapi ka thënë se shteti i Iowa-s, njihet si shtet me bujqësi shumë të zhvilluar, prandaj bashkëpunimi me këtë shtet mik të Kosovës, është i një rëndësie të veçantë për Komunën tonë. Me tokën që kemi dhe njerëzit punëtorë, edhe pse me territor shumë më të vogël, Rahoveci mund ta bëjmë që t’i ngjajë Iowa-s.

Bill Northey, Sekretari për Bujqësi në shtetin e Iowa-s, ka falënderuar Kryetarin Vehapi për pritjen dhe u interesua të di më shumë se si i marrin informacionet fermerët për këshillat për mbrojtjen e produkteve të tyre, si bëhet ujitja e tokave dhe shitja e perimeve nga fermerët e Komunës së Rahovecit.

Kryetari e njoftoj Sekretarin Northey, se fermerët kanë se ku ti marrin këshillat e nevojshme për mbrojtjen e produkteve të tyre, pasi që ekzistojnë zyre të veçanta për dhënien e këshillave, ndërsa për ujitjen e tokave tha se bëhet përmes sistemit të “Radoniqit” nëpër ato pjesë ku ka sitëm të ujitjes, kurse shitja e perimeve bëhet nëpër marketet në gjithë territorin e Kosovës.

Në fund të takimit Kryetari Vehapi, në shenjë respekti ndaj Bill Northey, i dhuroi emblemën e Komunës së Rahovecit.

LUFTA NË LAJME: 23 korrik 1998: Shqiptarët e vrarë groposen në varreza masive…

July 23, 2016 by dgreca

PRISHTINË, 23 Korrik 2016-Gazeta DIELLI-Behlul JASHARI/ Kam raportuar se, “organet e pushtetit okupues serb në Prizren, më 22 korrik 1998, në varrezat e këtij qyteti hapën dy gropa të mëdha dhe groposën shumë shqiptarë të vrarë gjatë ofensivës në Rahovec”, dhe në 22 korrik 1998 raportoja që në titull: Shqiptarët e vrarë janë varrosur në dy varreza masive. Në Rahovec nuk ishin identifikuar ende shumë të vrarë e të masakruar, që kanë mbetur nëpër rrugë, shtëpi, bodrume dhe fusha.

Raportoja për luftime kundër forcave kriminale okupatore serbe përgjatë brezit kufitar me Shqipërinë, në Dukagjin, Drenicë, Rrafshin e Kosovës…Këto janë dy nga lajmet e luftës, të para 18 viteve – të 23 korrikut 1998:

http://www.hri.org/news/balkans/ata/1998/98-07-23.ata.html

[05] Albanians killed in Rahovec burried in massive graves

PRISHTINE, July 23 – ATA correspondent Behlul Jashari reported that the Albanians killed recently by the Serb forces in Rahovec city were buried on Tuesday in two common graves, Prishtina press said on Thursday referring to eyewitnesses.

“Serb forces have dug up graves with excavators and buried the bodies collected in the roads of Rahovec almost an hour before the arrival of foreign journalists and diplomats in the city,” the same source said.

The Council for the protection of Human Rights and Liberties in Kosova said that Serb forces have killed over 50 Albanians but scores of killed and massacred people in roads, houses, underground and fields had not been identified yet.

Sources of the Democratic League of Kosova (LDK) in Rahovec believe that there are hundreds of civilians killed, massacred, burnt or injured.

Kosova press and other sources compared Rahovec with Srebrenica. pta/mima/ak/

Albanian Telegraphic Agency

[12] Continuous fighting and displacement of population in Kosova

PRISHTINE, July 23 /ATA correspondent Behlul Jashari reports:

Fighting in Kosova continued also over the last 24 hours along the border belt with Albania, in Dukagjin, Drenice and Rrafshi i Kosoves.

Displacement of the population in large proportions is taking place not only in many villages attacked and bombarded by the Serb forces but also in the cities.

Besides Decan, Rahovec, too, has been destroyed and emptied, while the population are being largely displaced from Peja, Skenderaj and other cities, also including the Kosova capital, Prishtine.

Today’s reports say that Serb forces’ attacks continue also in the villages of Pecan, Zllaushan and Reshtan of the Suhareke commune, the village of Gremnik of Kline and several other regions of Drenica, as well as in the village of Nerodime e Eperme of Ferizaj suburb.

In Peja the Serb police are maltreating many Albanian families, thus, because of blockades and raids by the Serbian forces the city of Gjakova is likely to remain without food. /das/lm/

https://groups.google.com/forum/#!msg/bit.listserv.albanian/iejU53985dY/YhnheFtjLeMJ

Shqiptaret e vrare jane varrosur ne dy varreza masive

PRISHTINE, 23 korrik/-Korrespondenti i ATSH-se, Behlul
Jashari njofton: Mbi varrezat e perbashketa qe forcat serbe i
hapen te merkuren jane shkruar pese emra shqiptaresh (Bekim
Bugari, Sadik Shala, Destan Sharki, Muharrem Kadri, Mehmet Kadri
dhe Halit Hoxha) si dhe numrat 1, 4 , 8 e 10 qe jane shifra per
shqiptaret e paidentifikuar, nderkohe qe numri i shqiptareve te
varrosur mendohet te jete shume me i madh, bejne te ditur burime
te Keshillit per Mbrotjen e Lirive dhe te Drejtave te Njeriut ne
Kosove (KMLDNJ).
Sipas te njejtit burim forcat serbe kane hapur, te merkuren,
me eskavator dy varre te perbashketa dhe kane groposur kufomat e
mbledhura neper rruget e qytetit te Rahovecit, afro nje ore para
ardhjes ne qytet te gazetareve dhe diplomateve te huaj.
Sipas KMLDNJ forcat serbe kane vrare mbi 50 shqiptare,
nderkohe qe nuk jane identifikuar ende shume te vrare e te
masakruar, qe kane mbetur neper rruge, shtepi, bodrume dhe fusha.
Burime te LDK-se (Lidhjes Demokratike te Kosoves) ne Rahovec
besojne se jane qindra civile te vrare, te masakruar, te djegur
dhe te plagosur.
Shtypi i Kosoves dhe burime te tjera masakren e kryer nga
forcat serbe ne Rahoveci e krahasojne me Srebrenicen.
/P.Ta/mima/

2 Attachments

LUFTA NË LAJME: 19 korrik 1998: Vazhdon lufta në Rahovec, edhe te kufiri…

July 20, 2016 by dgreca

PRISHTINË, 20 Korrik 2016-Gazeta DIELLI-Behlul JASHARI/ Para 18 vitesh, në 19-20 korrik 1998 raportoja ditë e natë për zhvillime lufte në shumë rajone të Kosovës, që nga kufiri me Shqipërinë…Për luftën e masakrën në Rahovec Qendra për Informim e Kosovës i referohej një raportimi tim:

http://www.hri.org/news/balkans/ata/1998/98-07-20.ata.html

[02] Serbs pound Kosova-Albania border line

PRISHTINE, July 19 – ATA correspondent in Prishtina Behlul Jashari said that Serb forces had continued shelling the Kosova-Albania border line during the recent 24 hours. The Serb heavy artillery was shelling the villages of Nec, Smolice until Junik, sources of the Democratic League of Kosova (LDK) in Gjakova said.

Heavy fighting has been going on in villages of Prejlep, Carrabreg i Poshtem and Strellc i Eperm, sources from Deçan said.

Military operations are accompanied by helicopters flights of the Yugoslav army over the Gjakova city and other regions.

Albanian sources said that heavy fighting are continuing in the regions of Anadrini, between Gjakova and Rahovec.

Reports from all fronts say that Kosova Liberation Army (KLA) and the Albanian population organised in defence of their settlements are determined to face barbarous attacks of the Serb forces.

An Albanian was found killed at a suburb of Gjakova city, near a check point of Serb forces, but police did not allow the family to take the body. A Serb policeman who was trying to desert was killed by his chiefs in Strellc village.

Two convoys of Serb military machines roared passed the roads of Ferizaj on Sunday while helicopters of the Yugoslav army flew over the city. cela/ak/

Albanian Telegraphic Agency

http://www.kosova.com/arkivi1997/i980720b.htm

Vazhdon sulmi serb në Rahovec – dyshohet se ka shumë të vrarë

Prishtinë, 20 korrik (QIK)

Qyteti i Rahovecit është në flakë në luftën e ashpër midis forcave shqiptare dhe forcave serbe.

Forcat serbe po e sulmojnë Rahovecin nga të gjitha anët, me tanke, topa, raketa e me armë e makineri tjetër lufte.

Burimet nga Rahoveci bëjnë me dije se forcat serbe po terrorizojnë e masakrojnë popullatën civile shqiptare. Korrespondenti i “Rilindjes” nga Rahoveci i ka thënë korrespondentit të ATSH në Prishtinë se kishte parë me sytë e tij se si forcat serbe e vranë me plumba dum-dum një grua shqiptare shtatzënë, Hatixhe Hundozin (38).

E ndodhur para sulmeve e masakrave serbe, popullata shqiptare po largohet nga Rahoveci. Njoftohet se më se 20.000 veta kanë shkuar në drejtim të Malishevës. Të ikurit thonë se në Rahovec e rrethinë ka shumë të vrarë, të masakruar e të plagosur.

Ndërkohë njoftohet se forcat serbe kanë hyrë në disa lagje të qytetit, ku kanë marrë qytetarët shqiptarë dhe i kanë lidhur nëpër shtylla të rrjetit elektrik e të telefonit, në mënyrë që të shërbejnë si mbrojtje nga sulmet e forcave të rezistencës.

Kosovë-Rekordi i Rahovecit, 81 kuintal grurë hektari

July 18, 2015 by dgreca

PRISHTINË, 18 Korrik 2015-Komuna e Rahovecit, në rajonin e Prizrenit, ka njofuar se për vetëm 10 ditë ka përfunduar korrje-shirjet dhe se është shënuar “një rekord i jashtëzakonshëm në rendimentin e grurit”.
Bëhet e ditur se, një fermer nga Pataqani i Ulët ka arritur të korrë 8100 kilogramë grurë për një hektar,(81 kv/ha) “me një farë mjaft të shtrenjtë e cila ka ardhur nga Italia”.
Rahoveci ka korrur grurin në sipërfaqe prej 2800 hektarësh, ndërsa mesatarja e rendimentit është 3500 kilogramë, më i ulët në krahasim me vitin e kaluar, shkaku i kushteve klimatike jo të volitshme.
Në Kosovë, në të 38 komunat, këtë verë korren rreth 84 mijë hektarë të mbjella me grurë, pritet një rendiment në mes 3.5 deri në 4 tonë për hektar./b.j/