Rudina Hajdari – Dielli

RUDINA Hajdari: Nuk e djeg mandatin, respektoj Kushtetutën

March 12, 2019 by dgreca

Nga Ilirian AGOLLI*

Në Tiranë, deputetja e Partisë Demokratike, Rudina Hajdari, bëri të ditur se do të vazhdojë të marrë pjesë në punimet e parlamentit, duke kundërshtuar vendimin e partisë së saj për të djegur mandatet parlamentare.

Zonja Hajdari thotë në një intervistë për Zërin e Amerikës se vendimi i saj është në respekt të Kushtetutës, ndërsa vendimi i partisë demokratike është marrë me nxitim, pa u llogaritur rreziku i destabilitetit.

Pas kësaj interviste, sekretari i përgjithshëm i PD-së, Gazment Bardhi, deklaroi se nga sot ajo nuk përfaqëson më Partinë Demokratike në Parlament .

Pas kësaj interviste, sekretari i përgjithshëm i PD-së, Gazment Bardhi, deklaroi se nga sot ajo nuk përfaqëson më Partinë Demokratike në Parlament.

Zëri i Amerikës: Zonja Hajdari! Deputetët e opozitës kanë vendosur të heqin dorë nga mandati. Ju ende nuk jeni shprehur se ‘do të bëni. A keni marrë nje vendim?

Rudina Hajdari: Ky është një moment i vështirë për jetën time. Këtu nuk bëhet fjalë për karrierën time politike. Jam vënë përpara një përgjegjshmërie shumë të lartë morale dhe njerëzore. Duke parë situatën e sotme, mendoj se Shqipëria është në një udhëkryq, ku nuk shihen zgjidhje as majtas as djathtas. Nga ana tjetër të gjithë jemi në gjendje të shohim se ku është e ardhmja, por e kaluara është ende mbi supet dhe në zemrat tona. Duke qenë se jemi në këtë udhëkryq unë mendoj se duhet të vendos me një përgjegjshmëri shumë të lartë morale. Nuk do të zgjedh rrugën më të lehtë dhe të siguroj karrierën time politike, por do të zgjedh një rrugë e cila ka të bëjë me të ardhmen e Shqipërisë dhe për fëmijët tanë.

Zëri i Amerikës: Më konkretisht, a do të merrni pjesë në punimet e parlamentit, apo do ta dorëzoni edhe ju mandatin si kolegët e tjerë të deputetë të partisë demokratike?

Rudina Hajdari: Vendimi im ka të bëjë me të ardhmen e Shqipërisë dhe me ecurinë e demokracisë në vend. Unë mendoj se parlamenti i jep oksigjen demokracisë në vend, u jep oksigjen partive politike, ai është vendi ku ne përfaqësojmë sovranin. Duke marrë parasysh këtë përgjegjshmëri të lartë që unë ndjej mbi shpatulla, mendoj se qëndrimi në parlament do të ishte vendimi më i duhur dhe shërbimi më i duhur që do t’i bëja të ardhmes së Shqipërisë.

Zëri i Amerikës: Pse vendosët të ndërmerrni një vendim të tillë? Cilat janë arsyet?

Rudina Hajdari: Janë disa arsye komplekse besoj, mes të cilave ka arsye shumë të rëndësishme për vendin tonë. Së pari duhet të sqaroj se kur partia demkratike mori vendimin për djegien e mandateve unë nuk kam qenë e pranishme në mbledhje, nuk jam kontaktuar në asnjë lloj forme për t’u konsultuar mbi këtë vendim. Nëse do të isha në atë mbledhje, do të parashtroja dy gjëra: vendimi për të dorëzuar mandatet në mënyrë en block nga të gjithë deputetët e opozitës dëmton interesin e Shqipërisë në dy mënyra. Së pari ai dëmton proceset integruese në Bashkimin Europian dhe së dyti dëmton marrëdhëniet bilaterale me partnerët tanë strategjikë si SHBA dhe BE. Mendoj se ky vendim është marrë në mënyrë rrufe. Përvoja e jetës na tregon që kur marrim vendime pa i menduar mirë mund a paguajmë shumë shtrenjtë. Ky vendim dëmton interesat e Shqipërisë dhe mund të na çojë vendin në destabilitet. Kjo na kujton një të shkuar që na rëndon mbi supe. Shqipëria e ka provuar destabilizimin. Me destabilizim ne zerojmë çdolloj zhvillimi dhe përparimi në procesin e demokracisë. Demokracia është fituar në Shqipëri. Kanë qenë njerëz të tjerë që e kanë bërë këtë sakrificë për ne, kanë derdhur nëpër rrugët e Tiranës dhe të Shqipërisë për të nisur demokracinë në Shqipëri. Demokracia është një proces dhe ne duhet të punojmë së bashku për të përparuar Shqipërinë, për të forcuar institucionet tona dhe për të bërë të pamundurën për ta çuar Shqipërinë drejt proceseve euro-atlantike.

Destabilizimi është një kthim pas, ndaj unë do të doja që Shqipëria të mos e përjetojë kurrë më këtë gjë. Do të doja që të ishim të gjithë së bashku të një mendimi që Shqipëria të mos shkojë më drejt asaj rruge. Këtë lloj politike, këtë model politike, që e ka çuar Shqipërinë në destabilizim, shqiptarët e kanë paguar shtrenjtë. Prandaj mendoj se vendimi im është ai i duhuri.

Zëri i Amerikës: Ka patur kandidatë nga listat dhe nga Partia Demokratike që nuk i janë bindur vendimit për heqjen dorë nga mandate, dhe tani ata po cilësohen si tradhëtarë, njerëz që kanë shitur shpirtin, që janë blerë nga shumica. A druheni se të tilla akuza mund të bien dhe mbi ju?

Rudina Hajdari: Kjo gjë mua nuk më shqetëson absolutisht fare, sepse këto akuza vijnë nga njerëz me shpirt të ngordhur dhe që janë shpresë-shtypësit e këtij vendi. Unë nuk jam nga ata njerëz: Unë nuk e shes shpirtin tim. Në momentin që shpirti shitet nuk blihet më. Ajo që më shqetëson mua gjatë gjithë ditës është që të jem përfaqësuese e mirë e këtij populli, të jem një nënë e mirë, të jem një grua e mirë dhe të bëj të pamundurën që të ecim përpara për ta zhvilluar Shqipërinë në të gjitha fushat e mundshme. Ato epitete nuk më shqetësojnë.

Zëri i Amerikës: Në rastin e deputetit Murrizi u shkua deri në masën e përjashtimit nga Partia Demokratike. E keni parashikuar një gjë të tillë?

Rudina Hajdari: Unë dua t’i kujtoj Partisë Demokratike se kjo nuk është hera e parë që ajo përjashton deputetë apo anëtarë të saj, madje kanë ndodhur edhe në familjen time, ka ndodhur me tim atë dy herë dhe në të dy rastet ato janë penduar për këto vendime.

Zëri i Amerikës: Azem Hajdari është kryetari i parë i Partisë Demokratike.

Rudina Hajdari: Po. Im atë është titulluar kryetari historik i Partisë Demokratike. Pas vdekjes së tij, ai është ttulluar kryetari i përhershëm i Partisë Demokratike. Gjatë jetës së tij Azem Hajdari është përjashtuar dy herë nga Partia Demokratike dhe për për këto vendime besoj se Partia Demokratike është penduar. Duhet të jemi shumë të matur para se të marrim këto lloj vendimesh dhe të jemi të kujdesshëm se çfarë mesazhesh ne japim me këto vendime.

Për sa i takon disiplinës brenda Partisë Demokratike, çdo deputet ka peshën e vet në vendimet e partisë. Kur marrim këto vendime kaq të rëndësishme në një mënyrë kaq të rrufeshme, duhet të jemi të përgjegjshëm se çdo deputet ka peshën e vet dhe vendim-marrjen e vet.

Ky vendim ka lidhje me Kushtetutën tonë. Unë nuk mund të ndjek dot një vendim kolegjial, që shkon kundër frymës së Kushtetutës së Shqipërisë, kundër interesit të Shqipërisë. Më vjen keq nëse unë zhgënjej partinë time në këtë mes, por unë do të zgjedh interesin e Shqipërisë mbi të gjitha.

Zëri i Amerikës: Cili do të jetë qëndrimi juaj në parlament dhe marrëdhëniet me ata përfaqësues të opozitës që tanimë kanë hyrë apo dhe disa të tjerë që e kanë shprehur publikisht se do ndërmarrin të njëjtin veprim?

Rudina Hajdari: Gjërat janë akoma në ajër. Ende nuk dihet se çfarë do të ndodhë. Unë do të kem një marrëdhënie shumë normale e korrekte me kolegët, do të përpiqem të konlutohem dhe të punoj fort me intelektualët e këtij vendi, me studentët, me njerëzit, për të parë se si mund të ecim përpara. Por kjo bëhet duke përfaqësuar njerëzit brenda parlamentit, bëhet duke mos rrëzuar sistemin. Ne kemi luftuar shumë për këtë sistem. E kanë paguar të tjerë këtë çmim. Ne duhet të ecim përpara. Ne duhet të përmirësojmë sistemin aktual. Ky ka qenë gjithnjë synimi im në të gjithë angazhimet e mëparshme. Edhe kur thoja të përfshihemi me studentët, ishte që unë doja ta përmirësoja sistemin dhe jo ta rrëzoja sistemin.

Zëri i Amerikës: Si e shihni ju situatën politike dhe zhvillimet brenda opozitës, raportet e saj me qeverinë dhe rendin e protestave?

Rudina Hajdari: Partia Demokratike është një parti shumë e madhe opozitare. Anëtarësia e saj është shumë e gjerë dhe unë kam kontakt me ta. Nuk e ndjej veten time të ndarë nga ata.

Tani unë po flas thjesht për këtë vendim. Të gjithë duhet të reflektojmë dhe si t’i zgjidhim këto probleme. Nuk mund të futemi ne në një mes ku nuk shohim krye se çfarë do të ndodhë. Ne nuk mund të parashikojmë dot se çfarë lloj rreziku mund t’i sjellë ky vendim Partisë Demokratike, partisë më të madhe opozitare në vend. PD po lufton për votën e lirë dhe të ndershme. Këtu edhe kam një gjë tjetër: E kam shumë të vështirë të luftoj përkrah një partie si LSI. Nuk e bëj dot sepse është një çështje parimore për mua. Po të hapësh raportet e OSBE/ ODIHR, ajo është një nga partitë që ka patur shumë probleme kur vjen fjala për këtë fenomen. Vota e lirë dhe e ndershme duhet të kërkohet nga Partia Demokratike, sepse ka rekorde jashtëzakonisht të pastra kur vjen puna për të mos e shitur votën e saj por ka vepruar në mënyrë të drejtë.

Ne jemi një parti që jemi ngritur qysh herët kundër sistemit diktatorial dhe kundër së keqes në Shqipëri, ne duhet të vazhdojmë të jemi Partia Demokratike, ashtu si ishte qysh në origjinën e saj, duke përmirësuar sistemin aktual, sepse ne e kemi sjellë sistemin demokratik në Shqipëri.

REAGIMI

Pas kësaj interviste në VOA, sekretari i përgjithshëm i PD-së, Gazment Bardhi, deklaroi se “nga sot ajo nuk përfaqëson më Partinë Demokratike në Parlamentin e Krimit dhe për pasojë nuk është më as anëtare e Këshillit Kombëtar të PDSH”.

Ai shtoi se vendimi i saj është personal dhe se mandati është i demokratëve.

“Në rastin e Rudina Hajdarit çdo vendim statutor është i panevojshëm, sepse formalisht ajo nuk rezulton e regjistruar si anëtare e Partisë Demokratike” – tha zoti Bardhi.

Zoti Bardhi tha se Azem Hajdari ka qenë, është dhe do të mbetet simbol i demokratëve dhe historisë së Partisë Demokratike.

“Beteja dhe amaneti i tij për liri dhe demokraci është sot më aktual se kurrë, kur Shqipëria rrezikohet nga një Qeveri ilegjitime, kriminale dhe e korruptuar” – tha zoti Bardhi.

Ai përmendi djalin e Azem Hajdarit si një nga folësit e protestës së opozitës, ditën kur u dorëzuan mandatet.

“Sakrifica sublime e Azem Hajdarit nuk do të shkojë dëm. Demokratët dhe qytetarët janë në këmbë për të mbrojtur Lirinë dhe Demokracinë, për të mos lejuar që shqiptarët të qeverisen nga krimi. Ata kanë folur qartë më 16 Shkurt dhe do të flasin edhe më qartë më 16 Mars: Shqipëria do të bëhet si gjithë Europa. Koha e Edi Ramës ka mbaruar!” – mbyllet reagimi i sekretarit të përgjithshëm të PD-së, Gazment Bardhi.

*Ndiqeni te plote ne vidio intervisten qe i mori Ilirian Agolli ne Tirane per Zerin e Amerikes

JERUZALEMI DHE KONFLIKTI IZRAELITO- PALESTINEZ

May 16, 2018 by dgreca

NGA RUDINA HAJDARI/Deputete e PD në Kuvendin e Shqipërisë/

Jerusalemi, ky qytet i lashtë i njerëzimit, qëndron edhe sot në zemër të konfliktit izraelito-palestinez. Ndër vite kemi qenë dëshmitarë se si një ndryshim i vogël në këtë pjesë të botës është pasuar me trazira. E vërteta është se ajo që ndodh në Jerusalem është me një rëndësi të veçantë sepse ndikon jo vetëm në paqen dhe stabilitetin e rajonit, por implikon shumë shtete dhe organizata ndërkombëtare. Përveç faktit se është një vend i shenjtë për disa fe të ndryshme, çfarë ndodh në Jerusalem është me një rëndësi të madhe edhe në arenën politike. Natyrisht, lind pyetja se pse Jerusalemi luan një rol kaq të rëndësishëm për të gjithë jo vetëm për dy palët e konfliktit, por edhe për aktorët e rëndësishëm politikë si Amerika, Rusia apo vendet Arabe? E para, siç e përmenda më parë, Jerusalemi konsiderohet si një vend i shenjtë për tri komunitete fetare. Në qytetin e vjetër të Jerusalemit ndodhen disa nga vendet më të shenjta për hebrenjtë ,myslimanët , kristianët dhe të gjitha këto komunitete fetare e kanë shpirtërisht të lidhur identitetin e tyre me këtë qytet të lashtë. Duke pasur këtë rëndësi të madhe në ndjenjën e ekzistencialitetit për secilën fe dhe reagimin njerëzor që ajo ndez në momentin që kjo e drejtë cenohet, Jerusalemi luan po ashtu dhe një rol të rëndësishëm në prizmin politik dhe tërheq drejt saj të gjithë aktorët më të rëndësishëm të arenës ndërkombëtare, që përpiqen të mbajnë balancat midis palëve për të arritur një zgjidhje të qëndrueshme për paqe. Problemi kryesor ekziston në faktin se shumica e hebrenjve në Izrael e shohin Jerusalemin si kryeqytetin e tyre ‘të përjetshëm dhe të pandarë’.

Zionistët apo hebrenjtë lëvizën fillimisht në pjesën e protektoratit të perëndim të qytetit të Jerusalemit. Në 1967 shteti i Izraelit tentoi të marrë të gjithë qytetin e Jerusalemit dhe ta pushtojë atë tërësisht. Kjo solli një konflikt të hapur midis Izraelit dhe vendeve arabe, që nuk e pranuan këtë lëvizje. Gjithashtu, edhe komuniteti ndërkombëtar nuk e pranoi pushtimin e qytetit të Jerusalemit si të ligjshëm, sepse në lindje të Jerusalemit 1/3 e popullsisë janë palestinezë që kanë jetuar në atë pjesë të qytetit me mijëra vjet dhe e konsideronin pjesën lindore si pjesë të territorit të palestinezëve, sipas ndarjes territoriale që ishte bërë në vitin 1948, kur u krijua Izraeli si shtet. Aneksimi i qytetit të vjetër nuk u njoh si një lëvizje e ligjshme nga ndërkombëtarët dhe nëpërmjet rezolutave të ndryshme u ra dakord që shteti izraelit duhet të qëndronte brenda kufijve të territorit të përcaktuar para luftës së vitit 1967. Por kjo nuk u pranua nga udhëheqësit e qeverisë së Izraelit dhe ata shpeshherë shpërfillin rezolutat e Organizatës së Kombeve të Bashkuara dhe shprehin frustrimin e tyre tek aleatët e tyre ndërkombëtarë. Natyrisht që, palestinezët e shohin realitetin e tyre ndryshe dhe ata pretendojnë se duhet të formojnë shtetin e tyre dhe pjesa lindore e qytetit të Jerusalemit të jetë pjesë e territorit të tyre dhe të njihet si kryeqyteti tyre. Kjo është po ashtu dhe zgjidhja e shumë folur kur flitet për arritjen e paqes, nëpërmjet zgjidhjes së dy shteteve të pavarura. Kjo është formula ndërkombëtare e paqes për shumë shtete, pra, formimi i një shteti të pavarur palestinez, që do të krijohet përgjatë kufijve që ekzistonin para vitit 1967 midis Izraelit dhe palestinezëve, gjë që duket e vështirë për t’u arritur. Shteti i Izraelit nuk është dakord me këtë zgjidhje dhe shpesh ndërton vendbanimet përtej këtyre kufijve ose në pjesën lindore të qytetit të Jerusalemit. Këto vendbanime tashmë njihen si ndërtesa të paligjshme nga e drejta ndërkombëtare. Ishte vetë iniciativa e Presidentit Trump, si aleati kryesor i Izraelit, i cili shprehu publikisht se ai do të mbështesë qeverinë e Izraelit në vendimin për të shpallur Jerusalemin si kryeqytet dhe si rrjedhojë, Presidenti në mënyrë simbolike vendosi të lëvizë ambasadën amerikane në pjesën perëndimore të Jerusalemit, pikërisht në 70- vjetorin e shtetformimit të Izraelit. Gjatë deklaratës së tij për shtyp, Presidenti Trump tha se është krenar për hapjen e ambasadës së Shteteve të Bashkuara për Izraelin në Jerusalem dhe se kjo ngjarje e rëndësishme përmbushte një premtim të bërë nga Presidenti Trump, por edhe nga presidentë të tjerë të mëparshëm që nuk e kishin bërë. Ai tha se shtatëdhjetë vjet më parë, Shtetet e Bashkuara, nën Presidentin Truman, e njohën shtetin e Izraelit dhe që atëherë, shteti i Izraelit ka shpallur kryeqytetin e tij në Jerusalem – sepse është kryeqyteti ku populli hebre është vendosur dhe ka jetuar në kohët e lashta. Prandaj, sipas tij, është e përshtatshme për Shtetet e Bashkuara të njohin Jerusalemin si kryeqytetin e Izraelit. Por në deklaratën e tij, Presidenti Trump nuk cilëson nëse ai flet për të gjithë qytetin e Jerusalemit apo e ka fjalën vetëm për pjesën lindore.

Pse ka rëndësi Jerusalemi në konfliktin izraelito-palestinez?

Quajnë Jerusalemin e tyre si kryeqytetin e tyre të përhershëm dhe të pandarë. Gjithashtu, Presidenti Trump thekson se administrata e tij mbetet e përkushtuar për të çuar përpara një paqe të qëndrueshme dhe gjithëpërfshirëse midis Izraelit dhe palestinezëve, por nuk thotë se si ky vendim favorizon zgjidhjen e dy shteteve. Gjuha e tij në deklaratën e fundit shpreh se Trump është i vendosur për këtë vendim dhe se “Ka ardhur koha që Amerika të njohë zyrtarisht Jerusalemin si kryeqytetin e Izraelit”. Por Trump nuk qartëson nëse ai flet për Jerusalemin në tërësi siç pretendojnë hebrenjtë për kryeqytetin e tyre “të përjetshëm dhe të pandarë”. Ndërkohë, para disa muajsh, kur Rusia e njohu Jerusalemin si kryeqytetin e Izraelit, ata thanë Jerusalemin Perëndimor dhe jo Jerusalemin në tërësi. Ngjarja e sotme me ndryshimin e vendndodhjes së ambasadës amerikane në Jerusalem dhe ambiguiteti i deklaratave të zotit Trump ka dhënë shenjat e para të frustrimit të myslimanëve në atë zonë. Të paktën 52 palestinezë janë vrarë sot nga forcat izraelite dhe pothuajse 1,960 të tjerë u plagosën, pasi mijëra protestues u bashkuan në gardhin e telave midis Rripit të Gazës dhe Izraelit në shenjë proteste për lëvizjen e Amerikës për hapjen e ambasadës së re në Jerusalem. Presidenti Trump ka të drejtë kur thotë se shumë presidentë në Shtetet e Bashkuara kanë dhënë shumë premtime për të arritur në një zgjidhje të këtij konflikti, por asnjëri nuk ka arritur t’ia dalë. Pra, është e vërtetë se konflikti është zvarritur pafund dhe është e nevojshme për një zgjidhje të re, një strategji të re që mbështesin të dyja palët e konfliktit. Por deri tani nuk është e qartë se si zgjidhja e Presidenti Trump do të çojë në një zgjidhje përfundimtare, pa shkaktuar një luftë tjetër.

ALBANIA ELECTIONS: WHY POLITICS IN THE BALKANS NEEDS A NEW NARRATIVE AND AN END TO MACHO POSTURING

June 17, 2017 by dgreca

BY RUDINA HAJDARI/NEWSWEEK/

1 Basha Photo: Democratic Party leader Lulzim Basha speaks to his supporters during a protest against the government in front of Prime Minister Edi Rama’s office, in Tirana, Albania, May 13, 2017. REUTERS/

On a humid summer morning in Tirana, Albania, two veteran political adversaries stood, side-by-side, at the Palace of Congress, to explain the deal they’d reached to end the country’s electoral crisis. As governing Prime Minister Edi Rama and opposition party leader Lulzim Basha outlined the framework for a resolution, the two leaders shook hands.

Some of the media members and politicians present applauded. That applause was much deserved—because Albania averted a real political crisis through actual negotiation. In a region where personal animosity often clogs politics, Albania has shown itself willing to move forward.

Little known to the outside world, this small country of 2.8 million has been trapped in the throes of a serious electoral crisis since February. Albanians watched two political parties with a sustained, complicated and vicious rivalry, wage the same TV war which characterizes the prelude to many elections in South Eastern Europe.

For perhaps the first time since the fall of Communism in 1990, the threats and spats were forgotten. Albania—and the Balkans—watched two men put aside decades of animosity in favor of a sensible compromise.

Under the terms of a 20 point plan drafted by Chairman of the European Parliament’s Committee on Foreign Affairs David McAllister, Albania is proceeding towards elections on June 25 instead of June 18—guided by a charter that sets strong precedents to aid electoral transparency, in a country where vote-buying, boundary-swaps, graft and dubious recounts of ballots repeatedly hinder the hand-over of power. President Bujar Nishnani issued a decree to postpone the election by seven days, thereby allowing all political parties to participate.

Basha’s handshake with Rama was a small gesture—but the spirit of compromise shown by both men is in short supply across the Balkan Peninsula’s political landscape, where parliamentarians often revert to theatrical media appearances and direct insults when addressing their adversaries.

Albania’s Prime Minister Edi Rama speaks during an interview in Tirana, Albania June 13, 2017. REUTERS/

Now, as we move toward elections, the urgent reform that Albania needs will require not only gestures, but decisions. In spite of their differences, Basha and Rama showed this can be done.

So far, the Democratic Party’s core cause for protest has been high-level corruption, heightened cannabis cultivation and concerns about background screening of public officials. Screening must begin to weed out the convicted criminals who still hold power—and prove that no-one is beyond redress.

But, while the McAllister Plan seeks to address these issues of big politics—of institutional re-haul, and wide-scale monitoring—in order to serve this country properly, we must now focus our attention on the entrenched domestic problems that affect the day-to-day lives of ordinary Albanians.

According to data calculated by Instat Albania, the gross average monthly wage in 2016 was just 45,845 Lek—or €339.98. This compares to gross monthly salaries of €1063.00 in Croatia, €1069.00 in Greece, or €2033.00 in Italy during the same time frame.

It’s easy to understand why the young are migrating en masse, but the brain-drain we face is extremely troubling. The political deadlock may be broken, but we must show that democracy welcomes all participants—and that we will give voters something back. An economic plan that addresses root problems would be welcome. Foreign Direct Investment remains a priority—but this is an entirely abstract construct, until the policies enacted by our elected officials put more money in the average person’s pocket.

Albania’s opposition Democratic Party leader Lulzim Basha speaks to his supporters during an anti-government protest in front of the office of Albanian Prime Minister Edi Rama in Tirana, Albania, March 1, 2017. REUTERS/

Despite marginal improvements achieved by Edi Rama’s government, Albania is still a country where unemployment for those aged 15-29 stands at 28.9%. In comparison, only 6.7% of young people under 25 in Germany were unemployed in March 2017. Even accounting for economic instability in Greece and other southern European countries, the mean figure for youth unemployment across the 28 member countries in the first quarter of 2017 was 17.2%.

In these circumstances, it’s not difficult to see why Albania is facing mass migration to the European Union. Albania must sustain the spirit of cooperation and honesty that’s allowing the election to proceed on the 25 th of June by re-engaging an electorate that’s understandably disillusioned. The cost of filling the average family’s car or cupboard is steadily rising. Poor infrastructure means that electricity prices are astronomically high.

Politics in the Balkans needs a new narrative—where all political parties ditch brazenly macho performances on political talk-shows in favor of considered discussion, lasting agreements and hard facts.

To grow as a democracy, Albania must make democracy a lot less abstract.

*Rudina Hajdari is a politician affiliated with the Democratic Party of Albania. Her primary policy interest is human rights. Follow Rudina on Twitter @rudina_hajdari

Flet për “Diellin” Rudina Hajdari, e bija e Heroit,që “braktisi’ Amerikën për Shqipërinë

June 7, 2017 by dgreca

RUDINA HAJDARI: BABAI IM GODITI MURIN DIKTATORIAL TË KOMUNIZMIT, UNË DHE BREZI IM DO TË NXJERRIM SHQIPËRINË NGA TRANZICIONI/

Intervistë me zonjën Rudina Hajdari, e bija e heroit të Demokracisë Azem Hajdari, Kandidate për deputete e Parisë Demokratike në Tiranë dhënë Kryeredaktorit të Gazetës”Dielli” në SHBA, Dalip Greca./

Rudina Hajdari, “braktisi’ Amerikën për ti shërbyer Shqipërisë/

Çfarë do t’i japë Kuvendit, Rudina Hajdari, e bija e themeluesit të PD-së, parlamentarit më aktiv, heroit të demokracisë, Azem Hajdari? Është kjo një nga pyetjet që i drejtuam Rudina Hajdarit, kandidate për deputete e Partisë Demokratike të Shqipërisë në zgjedhjet e 25 Qershorit. Përgjigja e saj është e sigurtë:”Do të luftojë fort duke nxjerrë në pah të gjithë cilësitë më të mira të babait, por në mënyrën time”.

Rudina synon që të jetë një politikane e ndershme dhe me këtë nënkupton besimin se: të gjithë jemi të lirë, lindim të barabartë dhe se të gjithë duhet të jemi në gjendje të përparojmë bazuar në aftësitë dhe pasionet tona, dhe se do të flasë hapur dhe do mbrojë të vërtetën, edhe nëse ajo bie ndesh me më të fuqishmit e shoqërisë. Moto e saj është: Interesat e Shqipërisë para çdo interesi tjetër!

Rudina i ka të gjitha kualifikimet për të qenë një përfaqësuese e denjë e qytetarëve shqiptarë në Parlament: Ka kryer studimet universitare Bachelor në Shkencat Politike në SHBA, ka vijuar studimet e nivelit Master Shkencor në Gjeopolitikë, Territor dhe Siguri në Londër për të përfunduar me studimet e nivelit Master Shkencor në Të Drejtat e Njeriut po në SHBA. Vec kësaj ajo ka trashëgiminë dhe vizionin për të ardhmen e Shqipërisë Evropiane. Le ta ndjekim intervistën:

Gazeta Dielli:-Si ndihet Rudina në garën elektorale si kandidate për deputete e PD-së?

–Rudina Hajdari:-Ndjesia e parë nuk është thjesht kënaqësi personale. Ajo është përkatësia ime reale, realizimi i një rruge të gjatë, jo vetëm e imja, por i një rrugëtimi krenar pasi i përket forcës politike së cilës i përkas çdo orë e sekondë të jetës sime.

Nuk ka rëndësi fakti i renditjes time në listën e Tiranës dhe nuk e bën këtë betejë më të lehtë. Ajo që e bën garën e fortë, konkurrimin të vërtetë dhe real, ajo që i jep përmasën e natyrshme kësaj fushate, më të veçantës nga të gjitha të tjerat, është fakti i ndërthurjes së natyrshme të trashëgimisë, forcës, vërtetësisë së Partisë Demokratike dhe vizionit të së ardhmes, vizionit të Republikës së Re. Jam e sigurt që me vullnetin e duhur do hyjmë në një etapë të re për Shqipërinë që i ofron shqiptarëve një politikë frytdhënëse dhe një demokraci të drejtpërdrejtë dhe gjithëpërfshirëse.

–Dielli:– A ishte një surprizë për ju përfshirja në listën e kryetarit të Partisë Demokratike,z. Lulzim Basha?

–Rudina Hajdari:-Personalisht, i jam mirënjohëse Kryetarit te Partisë Demokratike z. Lulzim Basha që vlerësoi prezencën time në ekipin e tij. Për mua është një privilegj dhe një përgjegjësi e madhe të garojë si nën siglën e PD-së, të një partie që përfaqëson frymën e parë të demokracisë dhe vlerat euro-atlantike, si një prirje e natyrshme e shqiptarëve.

–Dielli:– Çfarë do t’i japë Kuvendit, Rudina, e bija e themeluesit të PD-së, parlamentarit më aktiv, heroit të demokracisë, Azem Hajdari?

–Rudina Hajdari:-Dua të nxjerr në pah të gjithë cilësitë më të mira të babait tim, por në mënyrën time. Këtu, më lejoni të veçoj disa. Dua të jem një politikane e ndershme dhe me këtë nënkuptoj besimin se të gjithë jemi të lirë, lindim të barabartë dhe se të gjithë duhet të jemi në gjendje të përparojmë bazuar në aftësitë dhe pasionet tona. Unë dua të flas hapur dhe do mbroj të vërtetën, edhe nëse kjo bien ndesh me më të fuqishmit në shoqëri. Gjithashtu, dua të vendos interesat e Shqipërisë para çdo interesi tjetër.

–Dielli:- Besoni që brezi juaj me të vërtetë do të integrojë Shqipërinë në BE, Çfarë nuk është arritur në këtë tranzicion të zgjatur?

–Rudina Hajdari:-Në këto 26 vite tranzicion Shqipëria ka pasur përparime të mëdha. Sot, Shqipëria ka një sistem politik të gjallë, është anëtare e NATO-s dhe është në rrugën e integrimit në Bashkimin Europian. Shqiptarët udhëtojnë lirisht në Europë dhe kemi në krah aleatë të fortë perëndimorë si Shtetet e Bashkuara të Amerikës dhe vende të tjera të Europës. Por s’duhet harruar që Shqipëria ka përjetuar një tirani komuniste të pashembullt në Europë dhe se tranzicioni është me i ndërlikuar sesa mund ta kemi perceptuar. Deri tani, ka qenë qeverisja e djathtë ajo që ka dhënë kontributin më të madh në plotësimin e kushteve të Bashkimit Europian, në kuadër të çeljes së negociatave të anëtarësimit. Kemi akoma shumë punë për të bërë përsa i përket zbatimit të ligjit të dekriminalizimit në Parlament dhe reformës në drejtësi, por jam e lumtur që këto hapa po ndërmerren në mënyrën e duhur, duke përfshirë kontributin e padiskutueshëm të Opozitës. Krizat politike dhe institucionet e dobëta e kanë lodhur procesin e anëtarësimit. Gjithsesi mendoj se përfshirja e të rinjve në politikë është një shenjë pozitive për sa i përket përfundimit të tranzicionit në vend dhe integrimit të Shqipërisë në strukturat Euro-Atlantike.

–Dielli:– Sipas mendimit tuaj, duke qenë se keni jetuar për një kohë të gjatë në SHBA, çfarë duhet të bëhet ndryshe në Shqipëri?

–Rudina Hajdari:-Eksperienca ime në Amerikë ka qenë e vlefshme për të fituar një kulturë perëndimore, por kjo s’do të thotë që vendi im nuk ka qenë pjesë e kultivimit të karakterit tim. Mendoj se demokracia e drejtpërdrejtë është një nga gjërat që akoma i mungon Shqipërisë si dhe gjithëpërfshirja e te gjithë faktorëve shoqërorë në vendimmarrjet publike. Gjithashtu mendoj se sipërmarrja private duhet të operojë në mënyrë më të pavarur dhe bizneset duhet të jenë më pak të ndikuara nga rrethanat politike në vend.

–Dielli:- Ju keni përfunduar studimet universitare Bachelor në Shkencat Politike në SHBA. Më tej keni vijuar studimet e nivelit Master Shkencor në Gjeopolitikë, Territor dhe Siguri në Londër për të përfunduar me studimet e nivelit Master Shkencor në Të Drejtat e Njeriut po në SHBA? Si e shikoni politikën shqiptare, nga këndvështrimi juaj me këtë background të pasur arsimor?

–Rudina Hajdari:-Partneriteti strategjik i Shqipërisë me aleatët euroatlantikë, veçanërisht me SHBA-në, është shpresa dhe rruga e vetme e së ardhmes, e cila jo vetëm shëron çdo plagë të së shkuarës, por e bën të qartë dhe të vërtetë vizionin e saj për këtë ardhmëri. Shqipëria dhe faktori shqiptar në Ballkan, pavarësisht rrethanave, sfidave dhe përpjekjeve të të gjithë atyre që nuk e duan të ardhmen e këtij kombi, kanë një aleat të natyrshëm të ngulitur thellë në ndërgjegjen e këtij kombi, vokacionin perëndimor. Të gjitha përpjekjet e politikës shqiptare duhet të jenë në koherencë të plotë me këtë vokacion. Çdo lloj deviacioni është në dëm të kombit shqiptar dhe të ardhmes së tij.

–Dielli:– A mendoni se Shqipëria mund të dalë nga gjendja e rënduar e kultivimit, trafikut të drogës dhe korrupsionit të nivelit të lartë?

–Rudina Hajdari:-Absolutisht po. E gjithë përpjekja e Partisë Demokratike, jo vetëm në 90 ditët e çadrës, por dhe në më tej ka qenë ndërgjegjësimi i këtij fenomeni të shëmtuar dhe ndalimi sa më parë i trafikut të drogës dhe kultivimit të saj në vend. Lufta e të gjithë institucioneve shqiptare të papërfshira në këtë trafik, përpjekjet e mijëra punonjësve të Policisë, të paimplikuar, të njerëzve të ndershëm, të shërbimeve të inteligjencës, në bashkëpunim me aleatët perëndimorë, sigurisht, që e bëjnë të mundur.

Është e dhimbshme që ne, një shtet me bukuritë e mrekullitë e natyrës, vendi me moshën më të re në Europë, të etiketohemi si Kolombi e Europës dhe qindra mijëra të rinj të braktisin këtë vend për të kërkuar të ardhmen diku tjetër.

–Dielli:-A e shihni përfshirjen tuaj në politikë si vazhdim të punës së atit tuaj, ose më shumë se kaq?

–Rudina Hajdari:-Im atë pati guximin, karakterin dhe inteligjencën të ngrihet kundër diktaturës. Përplasjet e tij si luftëtar i lirisë, pluralizmit dhe demokracisë i dhanë atij një rol historik. Në qoftë se im atë goditi murin diktatorial të komunizmit dhe pati rolin e tij në ardhjen e lirisë, unë kam synimin dhe vizionin të kontribuoj në mbrojtjen dhe avancimin e mëtejshëm të këtyre të drejtave.

–Dielli:– Ndërkohë, ju jeni larguar nga SHBA! A mendoni se do të pendoheni për këtë vendim që keni marrë?

–Rudina Hajdari:-S’do pendohem kurrë për këtë vendim që kam marrë. Amerika është aty dhe nuk pret për mua, kurse Shqipëria është vendi im dhe pret të rinj e të reja që gjallërojnë jetën politike, ekonomike dhe kulturore me ide inovative, bazuar në eksperiencën më të mirë Perëndimore. Për mua, largimi nga Shqipëria krahasohet me atë ndjesinë kur nëna të jep lirinë të ikësh në momentin që ti kërkon pak pavarësi, për t’u kthyer sërish tek ajo në momentin që ka nevojë për ty, për mbrojtjen tënde.

–Dielli:-Çfarë mesazhi do t’u jepnit mijëra të rinjve shqiptarë që janë arsimuar në SHBA apo Europë?

–Rudina Hajdari:-Demokracitë e zhvilluara nuk janë të përsosura. Fakti që Shqipëria është akoma duke ndryshuar, u ofron më shumë hapësirë të gjithëve për t’u bërë pjesë e këtij ndryshimi. Besoj se kjo do të ishte më e çmuar se sa një gjurmë e vogël në një vend të zhvilluar. Këtu të rinjtë dhe të rejat kanë mundësinë të japin kontributin e tyre dhe të kenë një ndikim të drejtpërdrejtë në zhvillimin e Shqipërisë. Ne nuk duhet të shohim Shqipërinë si inferiore ndaj shteteve që janë më të zhvilluara, sepse kemi shumë arsye për t’u krenuar me vendin tonë. Sa më shpejt të rinjtë të na bashkohen aq më shpejt do t’i arrijmë objektivat për një Shqipëri me një demokraci dhe ekonomi të zhvilluar, sikurse e meriton vendi ynë i mrekullueshëm.

–Dielli:-Rudina, faleminderit për Intervistën dhe urime në zgjedhje!

Rudina: Faleminderit Diellit!