Lule mimozat e Shkollës Shqipe “Alba Life” në New York

March 10, 2021 by dgreca

Përshëndetën personalitete të shquara si Mark Gjonaj Këshilltar në Bashkinë e Nju Jorkut, Nora Malaj ish Zv/Ministre e Arsimit, Rinisë dhe Sporteve dhe Dr. Ermioni Cekani ish drejtore e Arsimit në Kamëz dhe presidente e Shtëpisë Botuese “Polis” Tiranë/

Nga Keze Kozeta Zylo/

Bordi i Shkollës iu shprehu mirënjohjen të gjitha mësueseve, stafit dhe bashkëpunëtorëve që kanë dhënë kontribut duke filluar që në hapjen e saj, 13 vjet më parë

Imagjinata ime në poezi, në çdo shkrim apo dhe heshturazi nuk kishte shkuar kurrë që urimin për 7 Marsin ta bëja nëpërmjet ekranit, nuk kishte shkuar deri tek pandemia, izolimi, por ja që kjo ngjarje ëshë e vërtetë… Kjo mbyllje “hermetike” ndodhi vjet pikërisht kur ne të gjithë së bashku festuam me madhështi 7 Marsin dhe si me një dorë fantazme pas 7 Marsit u mbyllën dyertë e shkollave deri më sot. Ne shpresojmë se do të jemi përsëri së bashku. Mësuesi si prind i dytë për nxënësit përballon çdo suferinë dhe si shqiponjat e maleve shqiptare e ruajtët me dashuri dhe ngrohtësi folezën e florinjtë që s’do të ndryshket kurrë. Ne jemi në këtë kështjellë për ta mbrojtur që muret e saj të mos rrëzohen, jemi si ushtarët e Skënderbeut, sepse së bashku flasim Gjuhën më hyjnore në botë: SHQIP!

Çfarë mrekullie kur i pashë të gjitha mësueset në ekran, më 7 Mars 2021 që nga viti i parë i saj 2008, pra, para 13 vjetëve më parë.

Udha jonë ka qenë me sakrifica, mundime, lodhje, sfida, por dhe plot dritë, sepse kur shkon tek nxënësit në klasë dhe ju mëson shqip është detyra më e shenjtë që mund të bësh dhe kënaqësia më e madhe për një mësues. Kjo detyrë është kryer me nderin dhe betimin e një mësuesi.

Për këto arsye Shkolla Shqipe “Alba Life” ka qenë e nderuar të hapë siparin e 100-të Vjetorit të Pavarësisë së Shqipërisë në Diasporë në vitin 2012 -të deklaruar nga Konsulli i Përgjithshëm i Shqipërisë z.Dritan Mishto. Po kaq e nderuar ka qenë të hapë siparin e 10-të Vjetorit të Pavarësisë së Kosovës në Diasporë në vitin 2018-të deklaruar nga Konsullja e Përgjithshme e Kosovës në New York Ambasadore Tetuta Sahatqija.

TV dhe Shkolla Shqipe “Alba Life” është vlerësuar me proklamatë nga Bashkia e Nju Jorkut me nënshkrimin nga Këshilltar i saj z.Mark Gjonaj. Jemi tejet krenar qe ndodhemi në librin historik të Senatit të Shtetit të Nju Jorkut në Albany me rezolutë të Senatit nr 4487, 17 Prill 2018 dhënë me rastin e 10-të vjetorit, rezolutë e dorëzuar nga Senatori veteran Amerkan Marty Golden. Por në këtë dite ne nuk bëjmë historikun e shkollës, se ajo është shkruar me mësimin dhe aktivitetet e shumta kombëtare vetëm në SHQIP!

Në kohën e pandemisë Shkolla Shqipe “Alba Life” në New York është e para që filloi mësimin shqip në Diasporë në platformen Google Meet në Online duke u bërë frymëzuese në këtë mision.

Ishte emocionuese të shikoje gjithë mesueset ndër vite, ftesë qe e mirëpritën me plot respekt secila prej tyre, dhe kjo mirëpritje na jep krah e flatra për më tej ne misionin tonë.

Mirënjohjen në emer të Bordit po e filloj me mësuesit e këtij viti akademik 2020-2021 si: Adelina Lacaj, Entela Muda, Vlera Sela Thaqi, Gela Bulku, Dr.Manjola Duli, Vjollca Skënderi, Fatbardha Shiqerukaj, Mirvete Veselaj, Sonilda Koci Kadria si dhe koordinatorët Arta Xhaferri, Blerim Gjocaj, New York dhe Eligerta Cuka, Chicago me drejtore të programit të procesit mësimor dr.Valbona Zylo Watkins. Mirënjohje për mësueset ndër vite duke filluar me mësuesen e parë Blerina Bejleri, Betulla Bollati, Mira Racanelli, Shkëndije Zylaj, Ornela Melo, Valbona Kostrista, Denisa Sinani, Brunilda Puli, Mada Canaj, Afërdita Kacubaj, Lavdije Misku, Xhemile Kajushi, Raimonda Hysolli, Marjana Bulku, Luljeta Xhediku, Liza Pllumbi, Anila Syka, Mane Hasani, Majlinda Tafaj, Blerta Borici, Bruna Osmanaj, Altiona Stefanllari, Entela Elezi, Armela Shehaj, Mimoza Daci. Mirënjohje për artistët si: Petrika Melo, Lindita Mezini Lole, Dëshira Ahmeti Kërliu, Pajazit Murtishi, Valbona Peraj. Mirënjohje për të gjithë bashkëpunëtorët në kamera si: Amir Suka, Todd Watkins, Odise Salillari, Andrea Lole, Elton Xhaferri, Eduard Dilo, Valon Gërbeshi dhe Bujar Sadikaj

Në emër të Bordit përshëndeti z.Qemal Zylo themelues dhe drejtor i Shkollës Shqipe Alba Life, New York

Ndërmjet të tjerash ai tha:

Sot nderojmë gjithë Martirët që dhanë jetën për Gjuhën Shqipe! Sot kujtojmë, kur 134 vite më parë u hap Mësonjëtorja e parë shqipe në qytetin e Korçës. Në nderim të kësaj shkolle 7 Marsi është quajtur: “Dita Kombëtare e Mësuesit”. Ju e keni nderuar me punë konkrete dhe mësim shumë profesional. E kam shumë kënaqësi dhe krenari të shikoj të gjitha mësueset së bashku që nga themelimi i Shkollës Shqipe “Alba Life” e cila e ka filluar punën me shkollën në Staten Island. Ndonëse është e pamundur që secila mësuese të qëndrojë për vite e vite me radhë në shkollë, për shkak të punëve që mund t’ju dalin, ju përsëri zemrën dhe shpirtin e keni pasur pranë kësaj shkolle duke na inkurajuar dhe frymëzuar vazhdimisht. Ndaj ju keni gjithë mirënjohjen time dhe të familjes si themelues të Shkollës Shqipe “Alba Life”.

Shkolla Shqipe “Alba Life” eshtë histori suksesi dhe kjo fal përkushtimit dhe profesionalizmit tuaj për t’ju mësuar nxënësve Gjuhën Shqipe. Kjo shkollë njeh vetëm rritje të numrit të nxënësve dhe operon në të gjitha lagjet e Nju Jorkut. Në kohën e pandemisë ishte e para shkollë në Diasporë që filloi mësimin me programin në Platformën “Google Meet” në Online. U hapën 13 klasa dhe jo vetëm nga Nju Jorku, por nga shtetet e Amerikës, Kanadasë dhe Europës.

Metodat shkencore pedagogjike, përdorimi i Abetares së unifikuar nga shteti shqiptar dhe Kosova, profesionalizmi i mësuesëve kanë bërë që të ketë interesim dhe të sensibilizojë opinionin mbarë shqiptar në Diasporë për moshumbjen e Gjuhës Shqipe nga fëmijët që lindin dhe rriten në Diasporë.

Sot kam nderin dhe kënaqësinë të përshëndes dhe t’ju shpreh mirënjohjen Këshilltarit të Bashkisësë Nju Jorkut Z.Mark Gjonaj, i cili ka suportuar dhe frymëzuar punën tonë që nga fillimi i hapjes së Shkollave Shqipe, të falënderoj dhe të shpreh mirënjohjen Znj.Nora Malaj, ish Zv/Ministre e Arsimit dhe e Sporteve të Republilkës së Shqipërisë dhe Dr.Ermioni Cekani ish Drejtore e Arsimit të Bashkisë së Kamëzës, te cilat para disa vitesh kryesuan grupin prej 7 vetash nga Tirana dhe kaptuan një oqean për të na përshëndetur dhe për të shprehur mirënjohjen. Ato sot nuk kaptuan oqeanin, por na përshëndesin ballas nga ekrani dhe unë në emrin tuaj i falënderoj dhe ju urojmë punë të mbarë në Shqipëri. Une falënderoj të gjitha mësueset e Shkollës sonë, koordinatorët të cilat Kozeta i përmendi një për një.

Une kam kënaqësinë të falënderoj dhe të shpreh mirënjohjen time të vecantë mësuese Blerina Bejlerit e cila është mësuesja e parë në këtë program, dhe u largua në Kanada për shkak të dokumenteve, por ajo vazhdon të jetojë me punën dhe përkushtimin tonë. Dua të vecoj mësuese Adelina Lacaj e cila ka qenë pranë nesh që në vitin e parë të hapjes së shkollës shqipe dhe pas një ndërprerje për shkak të angazhimeve të saj u rikthye dhe po vazhdon të kontribuojë përsëri në këtë shkollë.

Ju falënderoj per bashkepunimin tuaj në këtë mision kombëtar prej 13 vjetesh! Ju uroj suksese të mëtejshme në të ardhmen!

Ju uroj suksese po ashtu të gjithë nxënësve të shkolles sonë “Alba Life” dhe falënderoj prindërit e tyre për bashkëpunimin tejet patriotik në këtë mision të përbashkët.

Programi artistik dhe të ftuarit

Në ekran u shfaq një vidio me foto nga aktiviteti i shkollës shqipe ndër vite.

Në këtë takim virtual përshëndeti z. mark gjonaj Këshilltar në Bashkinë e Nju Jorkut, Kryetar i Këshillit Kombëtar të Diasporës. Z.Mark Gjonaj falënderoi pamasë themeluesit, mësueset, prindërit nxënësit për këtë punë kombëtare në mësimin e Gjuhës Shqipe. Vazhdoni të punoni si deri tani dhe ju do të keni gjithmonë mbështetjen time!

Artistja e mirënjohur Lindita Mezini Lole përshëndeti me intepretimin: “valsi i lumturisë”

Nora malaj ish Zv/Ministre e Arsimit iu uroi gjithë mësuesëve 7 Marsin dhe shprehu me fjalë miradie respektin dhe dashurinë për punën e mësuesit si edukatore të brezave. Ajo kujtoi kur erdhi pranë shkollës sonë vite më parë në krye të ekipit të 7 mësuesëve nga Tirana dhe i puthi në ballë gjithë nxënësit që mësonin shqip. Dashuria e saj për shkollën shqipe “Alba Life” u shpreh duke afruar dhe kontributin e saj duke thënë se: “Tani që ju jeni në programin në Online” unë mund te afroj ndihmën time për të dhënë mësim.

Artistja e mirënjohur, ish udhëheqësja artistike me nje kontribut të vyer Dëshira Ahmeti Kërliu interpretoi: “Globi rrotullohet”.

Dr.Ermioni Cekani ish Drejtore e Arsimit në Kamëz dhe presidente e Shtëpisë Botuese “Polis” përshëndeti plot respekt dhe kulturë gjithë mësuesit, themeluesit dhe iu uroi atyre vazhdimësi ndër breza për këtë mision fisnik. Ajo tha se e njoh mirë punën tuaj nga afër, pasi erdha nga Tirana bashkë me ekipin dhe ju pamë nga afer për mësimdhënien. Ajo shprehu kënaqësinë për lidhjen me Chicagon dhe dua t’ju them nipërve të mi që të vinë dhe të regjistrohen pranë shkollës suaj. Dr.Cekani u shpreh duke afruar dhe kontributin e saj duke thënë se: “Tani që ju jeni në platformen në Google Meet unë mund të afroj ndihmën time për të dhënë mësim.

Nxënësi i talentuar: Arelt Xhaferri në Shkollën Shqipe në Bronx interpretoi poezinë:

“Me Ëvetarin e Veqilharxhit”.

Mësuesja e parë e shkollës: Blerina Bejleri e cila e ndërpreu mësimin ngase lëvizën për ne Kanada për shkak të dokumenteve përshëndeti me plot krenari dhe dashuri. Ajo kujtoi momentet e para, punën, përkushtimin me pasion, profesionalizmin që ushtrohej në këto shkolla, ku për herë të parë filloi në Staten Island, duke vazhduar me Brooklinin e me radhë. Edhe pse jetoj në Kanada, mendjen, shpirtin dhe zemrën e kam pranë kësaj shkolle tha ajo. Ja vazhdoi këtu pranë kam Dean dhe do të intepretojë një poezi nga libri: Kujtimet si fletëz libri” me vargjet si: Më vini shpesh me krahë magjie/ të butëzën fjalë sillni pranë/ c’mi flladisni sot mendimet/ si krahë pulëbardhash mbi oqean…

Artisti i shquar PAJAZIT MURTISHI interpretoi finalja e epopesë së Adem Jasharit, me tekst nga Lebit Murtishi, pasi në këtë ditë të 7 Marsit ai ra heroikisht duke luftuar me kuçedrën serbe.

Pajazit Murtishi ishte veshur si Adem Jashari dhe me intepretimin brilant ai e solli Heroin pranë nesh, Heroin që do të ngelet frymëzues ndër breza përjetësisht.

Një ndër mësueset e para Adelina Laçaj përshëndeti me plot emocion edhe me ndonjë pikëz loti nën qerpik, ajo përshkroi me dashuri duke sjellë kujtimet e saj për këtë ditë të shenjtë kombëtare. Pasioni, përkushtimi, profesionalizmi, puna pa limit, bëri që Shkolla Shqipe “Alba Life” të jetë më e suksesshmja. Unë kujtoj telefonatën e parë kur themeluesit më ftuan për fëmijët që t’i coja në shkollë për të mësuar shqip, ftesën e Qemalit për të dhënë mësim si një mësuese me përvoje që nga Tirana, të cilat i mirëprita me shumë dashuri. Në vend të huaj mësuesit i mungon kjo pjesë më e bukur e jetës së tij, ndaj kur dëgjon per një shkollë shqipe mendoj se shkon me vrap të kontribuojë. Dhe këtë na e sollën tek dera familja Zylo të cilët i falënderoj përjetësisht. Unë do të punoj pa u ndalur dhe do të vazhdojë me devotshmëri në këtë mision fisnik përfundoi mësuese Adelina.

Nxënësja e mrekullueshme e Shkollës Shqipe në Chicago Eliana Cuka interpretoi poezinë Mësueses sime.

Fatjona Gjocaj nxënëse e mençur dhe e ëmbël në Shkollën Shqipe në Bronx interpretoi poezinë “Festën e mësueses”

Nxënësja e talentuar në shkollën Shqipe në Brooklyn Jori Lamce interpretoi këngën “Dua Mëngjeset e Majit”.

Disa artistë dhe mësues ndanë emocionet dhe gëzimet rreth punës së tyre në shkollë si: Lindita Mezini Lole, Dëshira Ahmeti Kërliu, Arta Xhaferri, Blerim Gjocaj Eligerta Cuka, Majlinda Tafaj, Dr.Manjola Duli Liza Pllumbi, Sonilda Koci, Dr.Valbona Zylo Watkins, etj.

Dy nxënëse të talentuara të Shkollës Shqipe si Dea Kërliu dhe Dea Watkins interpretuan këngën e njohur “Faleminderit Mësuesja ime!

Programi u mbyll me Hymnin e Shkollës Shqipe: Gjuha Jonë interpretuar nga dy nxënëse veterane të Shkollës Shqipe “Alba Life” Dea Bejleri Kanada dhe Kristina Melo Uster.

Dita e 7 Marsit 2021 në kohën e pandemisë botërore ishte konceptuar nga Bordi për t’ju shprehur mirënjohjen e pakufishme të gjithë mësuesëve, stafit, bashkëpunëtorëve që kanë dhënë kontributin e tyre në mësimin e Gjuhës shqipe nxënësve të lindur dhe rritur në Diasporë.

Ishte një e diel me plot surpriza dhe emocione qe s’do të harrohet kurrë nga mësuesit, lule mimozat e Kombit tim.

Shkolla Shqipe “Alba Life” do të vazhdojë pa u ndalur misionin e saj kombëtar me përkushtim profesional dhe pasion së bashku me mësueset për t’ju mësuar fëmijëve në Diasporë Gjuhën Shqipe.

Gëzuar 7 Marsin kolegë të nderuar të Shkollës Shqipe “Alba Life” Ambasador i Kombit! Urime për të gjithë mësuesët shqiptare në Shqiperi, Kosovë dhe çdo cep të globit!

7 Mars, 2021, New York

Shkolla “Alba Life” festoi 108-Vjetorin e Pavarësisë…

December 2, 2020 by dgreca

Për 108 vite të gjata Shqipëria ka kalue shumë dite të vështira. Emigracioni shqiptar në Åmerikë ka ndihmue shumë. Unë jam i sigurtë se edhe ju kur të rriteni do ta ndihmoni Nënën Shqipëri.- Prof.Sami Repishti/

Nga Keze Kozeta ZYLO/ 108 Vjetori i Pavarësisë së Shqipërisë u festua me madhështi nga nxënësit e Shkollës Shqipe “Alba Life”Ambasador i Kombit duke dhënë një koncert festiv nëplatformën Google Meet.

Ndonëse gjithë globi është i izoluar nga pandemia botërore, mësuesit, nxënësit dhe prindërit ia dolën të festonin me plot përkushtim 108 Vjetorin e Pavarësisë së Shqipërisë. Bota e fëmijëve është e magjishme, e bukur, tërheqëse dhe si e tillë ajo nuk të lë në asnjësekondë të përjetosh strese qoftë për momentin dhe nga pandemia. Mësueset kishin kohë që po punonin për organizimin nëOnline të festimit të 108-të Vjetorit të Pavarësisë duke i organizuar në dy grupime të ndryshme për shkak të numrit të madh të nxënësve në ekran.Ka shumëçudira, por njeriu ështtë qenia më e përshtatshme në botën qëna rrethon dhe di t’ja dali. Të shikosh fytyrat e nxënësve në ekran, t’i përshëndetësh nga ekrani dhe t’i mësosh nëpërmjet tij është krejtësisht ndryshe nga tradita në shekuj, por mësuesi vepron në bazë të kushteve, rrethanave dhe di mjeshtërisht t’ja dalë dhe këto mësuese ia dolën plot sukses.

Në këtë ditëtë shenjtënxënësit e Shkollës Shqipe “Alba Life” që operon në të gjitha lagjet e Nju Jorkut kishin ardhur kuq e zi me simbolet e Flamurit Kombëtar. Programi festiv u zhvillua në dy grupime: Grupi i më të vegjëlve i udhëhequr nga mësuese Vlera Thaqi në shkollën në Staten Island, në bashkëpunim me tëgjithë nxënësit e klasave të mësueseve Gela Bulkut në shkollën në Brooklyn, mësuese Vjollca Skënderi me shkollën nëQueens dhe mësuese Mirvete Krasniqi me shkollën në Bronx.

Ndërsa grupimin e dytë e drejtoi znj.Adelina Lacaj, mësuese në shkollën në Brooklyn në bashkëpunim me Dr.Manjola Duli në shkollë në Queens, mësuese Entela Muda shkollë në Staten Island, mësuese Fatbardha shaqirukaj, shkollë në Bronx dhe mësuese Vjollca Skënderinë shkollë në Queens. Disa mësuese kanë nga dy klasa dhe kooperuan së bashku në të dy grupimet. Ka nxënës dhe nga Europa si dhe shtete të tjera në Amerikëçka e bën më të larmishme dhe mëinteresant orën e mësimit shqip dhe këtë mundësi ta jep platforma Google Meet.

Programi në nderim të Ditës së Shentjë të Flamurit

Ekrani kuq e zi dhe zërat e fëmijëve e mbushën shtëpinë time me një atmosferë të hatashme, të bukur dhe frymëzuese. Nuk e kishja mendura kurrë në jetën time se do të festonim Ditën e Flamurit në këtë lloj mënyre dhe besoj se askush në botë se kishte parashikuar këtë lloj pandemie…

Programi festiv është hapur me Hymnin Kombëtar inerpretuar nga artistja e mirënjohur Valbona Peraj të shoqëruar nga nxënësit e Shkollës Shqipe “Alba Life”.

Në këtë ceremoni përshëndeti nga ekrani Ambasadore e Shqipërisë në Washington DC. Znj.Floreta Faber e cila tha:

Të dashur prindër, mësuese dhe nxënës,

Jam shumë e lumtur të marrë pjesë në Shkollën Shqipe “Alba Life” në festimin e 108-të Vjetorit të Pavarësisë së Shqipërisë. Ndjej kënaqësi të veçantë sepse ju duke mësuar Gjuhën Shqipe tregoni më së miri se e ruani identitetin shqiptar. Në këtë festë ju recitoni, këndoni dhe kërceni shqip me aq pasion dhe dashuri. Do të desha tëishim së bashku, por pandemia botërore na detyroi të flasim në Online, ndaj dhe ju përgëzoj që ju e festoni bashkë. Kjo javëështë dhe dita e falënderimeve, ndaj ju falënderoj dhe shpreh mirënjohjen time pavarësisht vështirësive që kemi. Shkolla Shqipe ju bën të takoheni bashkë si shqiptare dhe t’i përkushtoheni Gjuhës Shqipe.

Ju uroj gëzuar festën e Flamurit dhe përgëzime!

Në emër të Konsullatës së Kosovës përshëndeti Konsulli i Përgjithshëm i Kosovës në New York z.Frymëzim Isufaji cili tha:

Të dashur nxënës, mësues dhe prindër,

Kam nderin e vecantët’ju uroj gëzuar me rastin editës së Flamurit. Ju falënderoj për ftesën dhe organizimin e festës më tëmadhe historike. Do dëshiroja të ishja pranë jush, por pandemia na detyron të gjithëve të përshëndetemi në distancë.

Festimi i Ditës së Flamurit dhe mësimi igjuhës Shqipe ndikon në ruajtjen e identietit tonë kombëtar, forcon lidhjen me Diasporën dhe Kombin. Ne jemi të lumtur se këta të rinj po mësojnë historinë kombëtare, përpjekjen e Rilindasve tanë dhe njihen me traditat dhe zakonet e mrekullueshme shqiptare. Muaji Nëntor është Dita e Flamurit, por edhe ditëlindja e Heroit legjendar Adem Jasharit si dhe daljen publike për herë të parë të UÇK-së. Festat Kombëtare gjithmonëna kanë bashkuar! Gëzuar përjetësisht Ditën e Flamurit Kombëtar!

Një Përshendetje e veçantë erdhi dhe nga prof.Sami Repishti ku autorja e këtij reportazhi ishte e autorizuar të lexonte përshëndetjen për Shkollën Shqipe “Alba Life”. Përpara përshëndetjes u lexua një paragraf rreth jetës së prof.Sami Repishtit si:

Të dashur, nxënës, prindër dhe mësues po sjellim pranëjush përshëndetjen e prof.Sami Repishtit një prej figurave elitare të Diasporës dhe të Kombit i cili për shkak tëmoshës së tij 95 vjeçare më autorizoi të lexoj përshëndetjen e tij aq tëçmuar në këtë ditë tëshenjtëpër Kombin.

Prof. Sami Repishti i mbijetuar i diktaturës për 10 vjet si i burgosur politik me shkrimet e tij ka dhënë një kontribut të vyer për Kombin në publicistikë, letërsi dhe politikë. Mesazhet që përcjell janë për Shqipërinë dhe Kosovën, të dëshmuara në shumë auditore amerikane deri në Shtepinë e Bardhë Washington.

Nga përshëndetja e Tij:

28 Nëntor 2020

Të dashur nxanës dhe nxanëse të Shkollës Shqipe “Alba Life” New York”,

Urimet e mia ma të mira me rastin e festës së Flamurit kuq e zi qëna quajmë edhe Dita e Pavarsisë së Shqipërisë. Zoti e bekoftë Nënën Shqipëri!

Për 108 vite të gjata Shqipëria ka kalue shumë ditë të veshtira. Emigracioni shqiptar nëÅmerikë ka ndihmue shumë. Unë jam i sigurtë se edhe ju kur të rriteni do ta ndihmoni Nënën Shqipëri.

Mësoni gjuhën shqipe, studjoni historinë e Shqipërisë që ju paisë me dituri të vlefeshme dhe ndërtoni nji jetë të ndershme dhe të frytëshme për vete dhe për prindët e juaj. Respektoni mësueset tuaja. Të jeni krylartë që jeni shqiptarë dhe tregoni kolegëve tuaj amerikanë që jeni të vendosur me qenë qytetarë të ndershëm dhe të edukuem.

Në këto ditë të vështira kujdesohuni për shëndetin tuaj dhe të afërmëve tuaj.

Ju uroj çdo të mirë e fatbardhësi në jetë.

Profesor Sami Repishti

Në emër të bordit të Shkollës Shqipe “Alba Life” përshëndeti z.Qemal Zylo themelues dhe drejtues i shkollës i cili falënderoi Ambasadoren e Shqipërisë në Washington D.C.,znj.Floreta Faber, Konsullin e Përgjithshëm të Kosovës në New York, z.Frymezim Isufaj si dhe Profesorin e nderuar Sami Repishti për përshëndetjet e tyre të përzemërta. Z.Zylo tha se megjithë kushtet e vështira të pandemisë të mësimit në Online duatë falënderoj të gjitha mësueset e dashura të cilat kanë punuar fort për t’ju mësuar nxënësve Gjuhën e bukur Shqipe të cilët shumë poezi do t’i inteprepretojnë sot në Online në këtë ditë të madhe kombëtare. Falënderojmë të gjithë stafin e shkollës, prindërit dhe mbi të gjitha nxënësit qëna kanë mbështetur në këtë mision të shenjtë.

Gëzuar 108-Vjetori i Pavarësisë së Shqipërisë.

Pas përshëndetjeve mësueset drejtuese Vlera Thaqi dhe mësuese Adelina Laçaj të cilat e udhëhoqën programin me profesionalizëm së bashku me mësueset e tjera plot përkushtim, kurajo, dashuri vazhdoi manifestimi me klasat e ndryshme në të gjitha shkollat e Nju Jorkut.

Nxënësit e Mësuese Vlera Thaqit ishin: Diellon Bardhi: Himni Flamurit –Asdreni/ Etnik Deomgaj: Flamuri Im- , Amina Duka: Gjuha Shqipe- Naim Frashëri/ Saranda Halsted: I dashur Atdhe-Asdreni/Amelia Gjoni: Malet e Shqipërisë- Naim Frashëri/ Briana Kasmi: Ty Flamur të duam shumë-/Arben Koleci: Flamuri Kuq e Zi- Rinor Murati/ Nina Kastrati: Kruje- Naim Frashëri/ Ilirian Thaqi: Njëqind Vjet Shqipëri Sovrane- Shaban Cakolli.

Nxënësit e mësuese Entela Muda:Emma Watkins: Flamuri–Faik Konica/Dea Watkins–Flamuri–Fan Noli/ Amina Shegaj, Bagëti e Bujqësi, Naim Frashëri/ Ariana Daci, Kruje o Qytet i Bekuar, Naim Frashëri/ Lorian Kasmi, Djali dhe Shqiponja, I.Isaku/ Blin Rugona, Himni i Flamurit, Asdreni/ Rubik Rugova, Sa te Dua o Shqipëri, Asdreni/Erona Kovaçi, Qiell e Tokë Flasin Kuq e Zi, Marinela Velaj/ Rilind Bardhi, Nëntori i Historisë, Kenon Berisha/ Loriana Thaqi, Marigona Qëndistare/ Laureta Durmishi

Nxënësit e mësuese Adelina Lacaj:Përmbledhje e Historisë së 28 Nëntorit ( Të parë e të dytë). Interpretojnë nxënësit: Eneo Rustani/Arelt Xhaferri/ Keida Shiqerukaj/ Kaltrina Mushkolaj/ Albo Peraj/ Fiona Zaimi/ Sofia Sandria/ Kleidi Zaimi, Bagëti e Bujqësi : Naim Frashëri/

Recitojnë: Elio Tahiri, Altea Bala, Blenda Sehu, Saranda kurtolli, Kelvin Rustani, Detion Shehu, Gabriel Grada. Gjuha Shqipe: Gjergj Fishta, Nora Balidemaj, Altea Bala dhe Kaltrina Mushkolaj.Zëri i Bilbilit: Kaltrina Mushkolaj.

Nxënësit e mësuese Gela Bulku: Brooklyn:Dëbora Shehu, Adisa Tahiri, Emily Kodra: Sa të dua o Shqipëri, Asdreni. Sonia Darona: Flamuri. Rilind Shehu, Brendon Grada, Katelyn Hoxha, Aria Stoja, Jori Lamce, Enzo Rustani: Fjalët e Qiririt, Naim Frashëri

Nxënësit e mësuese Manjola Duli: Stivi Veshi-28 Nentor/Adea Kastrati- Kuq e Zi/Klaus Veshi- Bagëti e bujqësi/Det Ramosaj- Gjuha jonë/Yllion Dembogaj – Flamuri Kuq e zi/Adina Zdruli- Kuq e zi Shqiptaria/ Lir Shala – Hymni i Flamurit nga Fan Noli/Agona Sadiku – Fjala/

Loreta Sadiku –Libri/Zana Shala- 28 Nëntori/Giuliano Meta- Kuq e Zi/Francesco Hila – Himni i Shkollës Shqipe “Alba Life”.

Nxënësit e mësuese Vjollca Skënderi:Poezia “Flamuri” Lea Uka/ “Gjuha Shqipe” Kiara Hila/I dashur Atdhe: Laurent Bardhi.

Klasa e të rriturve: Poezia “Gjuha Shipe”: Christiana Brewer: Washington. Poezia “Flamuri”: Uklea Buzi: Suedi.

Nxënësit e mësuese Fatbardha Shiqerukaj:”Shqipëria ime”, nga Selime Mustafaj

Vjersha është e përbërë nga katër strofa të cilën e recituan katër nxënës nga një strofë: Lediana Hasanj, Leon Gashi, Simelba Xhaferri, Fatjon Gjocaj.

“Pavarësia” Yllëza Sejdiu, Fatjona Gjocaj, Luan Krasniqi, Adrina Papaj, “Atdheu” nga Xhefri Murati. Recituan: Edvin Dalliu, Arbana Aliaj,”28 Nëntori” nga Dorian Moglica, recitoi Saranda Krasniqi.

Nxënësit e mësuese: Mirvete Krasniqi:

Edion Shqirukaj-Naim Frashëri, Bora Kurtolli-Naim Frashëri. Unë jam shqipja kjo shqiponja, Ariela Demiraj: Gjuha Shqipe-Naim Frashëri. Kevin Duka dhe Alissa Gjika-Në 28 Nëntor, Julia Loci recitoi:Si shqiptarë që jemi/Shqip ne duhet të mesojmë.

108 Vjetori i Pavarësisë së Shqipërisë cdo nxënësi dhe mësuesi do t’i ngelet përgjithmonë në kujtesë dhe kjo për shkak të kohës së pazakontë në të cilën u festua Dita e Flamurit. Pikërisht me këto përjetime kur u ndanë nga ekrani, nga thellësia e zemrës të gjithë uronin njeri-tjetrin: Lutemi që të dalim sa më shpejt nga kjo gjendje pandemike!

28 Nëntor, 2020

New York

Shkolla Shqipe “Alba Life” perfundoi me sukses vitin shkollor

June 17, 2018 by dgreca

Shkolla Shqipe “Alba Life” New York perfundoi plot sukses vitin shkollor akademik 2017 të -2018-të/

Nga Keze Kozeta Zylo/*

Bukë, krypë, zemër dhe Abetare/

Shkolla Shqipe “Alba Life” që operon në disa lagje të Nju Jorkut mblodhi në mjediset e shkollës publike amerikane nxënës, mësues, prindër dhe gjyshër për të festuar së bashku përfundimin me sukses të vitit shkollor akademik 2017-2018.

Ka qenë një udhëtim me rrugë jo të shtruara, me shtigje herë të thepisura e herë lakuese, por ne ecim, ecim duke i kaluar së bashku herë me duartë tona të kapura si gjerdan i argjendtë e herë duke i dhënë njeri tjetrit lapsin e artë si shkop për të mos u rrëzuar në ndonjë rrëpirë… Nga ecja e gjatë mësuam së bashku se: “Ai që kapet dore për dore dhe lapsin e artë nuk e heq nga çanta udhëve të dijes, udhëve të shkronjave shqipe na bën të sigurtë se nuk humbasim kurrë, ngase 36 shkronjat e Alfabetit shqip janë si llampadarë ndriçues në çdo cep të globit ku ka shqiptarë, aty ku na hodhën fatet e përbashkëta. 36 Shkronjat e Alfabetit Shqip kanë qenë frymëzimi ynë, dashuria e pamasë, sakrifica më hyjnore, bashkimi më i pathyeshëm midis nesh, dhe e dini pse? Se Gjuha Shqipe është Ashti i Kombit tonë, është palca e shpirtit që së bashku do kemi misionin më të bukur dhe adhurues për t’jua transmetuar ndër brezat tanë. Ne si mësues e dimë mirë se çdo të thotë dhe se çfarë ndjejmë kur takojmë fëmijë shqiptarë të lindur dhe rritur jashtë Atdheut se si po e harrojne Gjuhen Shqipe, janë miliona e miliona ndonëse të pa regjistruar, por ne së bashkur i kemi regjistruar si rruaza gjaku në kapilarët e zemrës shqiptare…

Nuk ka më kënaqësi, emocion dhe Shqipëri se të shikosh nxënësit e tu, koleget e nderuara, prindërit dhe gjyshërit të mblidhen së bashku dhe të marrin pjesë në gëzimin e mësimit Shqip këtu në New York, në një nga metropolitanët më të mëdhaja në botë.

Ndonëse fati si shqiptarë na ka shpërndarë në çdo cep të globit, na ka shkëputur fizikisht nga trupi i Mëmëdheut, përsëri ku ka ngulmime shqiptarësh siç ndodh këtu në New York, ka bashkime në grupime të mëdhaja që veprojnë legalisht për t’ju mësuar fëmijëve traditat e mrekullueshme dhe Gjuhën Shqipe.

Një nga këto grupime me plot vizion për ardhmërinë kombëtare është Shkolla Shqipe “Alba Life” që sapo festoi me madhështi 10 Vjetorin e saj në një nga sallat prestigjioze si Symphony Space në Manhattan, në kryeqendrën e botës.

Në mjediset e Shkolles publike amerikane PS:9 në Staten Island, çka shprehim publikisht mirënjohjen tonë të pakufishme për hapjen e dyerve të tyre u mblodhen së bashku shqiptaro-amerikanët e disa lagjeve të Nju Jorkut.

Ishte nje e shtune me gumëzhitje shqip dhe cicërima të ëmbla zogjsh që cicëronin papushim si tinguj pianoje në degëzat si pentagram të pemëve plot gjelbërim përreth shkolles. Atmosfera ishte tejet e këndshme dhe shkolla ishte aromatizuar me erën e gatimeve të amvisave të mrekullueshme shqiptare që dukej sikur sillnin bashkimin e Kombit. Gatime si fli nga Kosova, tollumba plot ëmbëlsi nga Dibra, byrek përmeti dhe korçe, fërgese tirane, bakllava nga gjithë trojet si Ulqini, Mal I Zi, Kosova, Dibra, Shqipëria, Çamëria dukeshin sikur sollën takimin me gjithë vëllezërit dhe motrat shqiptare të trojeve tona kombëtare…

Eshte emocion dhe krenari të ndodhem midis jush u shpreh zv/drejtoresha e shkollës amerikane në Staten Island, znj. Teuta Ulaj.

I mahnitshëm ky aktivitet shqiptaro amerikan tha shërbestari i shkollës Joe që ka më shumë se 10 vjet që është midis nesh, një amerikan me vyrtyte të larta dhe përkushtim profesional ndaj punë që kryen.

Programin e moderoi plot kulturë zonjusha simpatike Rea Ulaj, mësuese dhe gazetare pranë TV dhe Shkollës Shqipe “Alba Life”.

Ajo tha: Përshëndetje të dashur nxënës, prindër, gjyshër dhe mësues,

Ja erdhi dhe dita e mbylljes së vitit akademik shkollor 2017 të – 2018 të dhe ne jemi të lumtur që po e kurorëzojmë me sukses. Është vërtetë bukur që së bashku me ju sot do ta festojmë në formë aktiviteti në gjuhën Shqipe, pasi gëzojmë, këndojmë dhe kërcejmë së bashku shqip.

Shkolla Shqipe “Alba Life” ka me se të krenohet ajo ka plot 10 vjet që punon dhe ju mëson nxënësve Gjuhën Shqipe.

Ne kemi pergatitur një program dhe le ta fillojmë me Himnin Shqiptar. Ju ftoj të gjithe të çohemi në këmbë për ta kënduar së bashku.

Pas Hymnit kombëtar shqiptar Rea ftoi themeluesin dhe drejtorin e Shkollës Shqipe “Alba Life z.Qemal Zylo i cili përgëzoi te gjithë nxënësit, prindërit dhe mësuesit per bashkëpunimin e ngushtë dhe rrugën e drejtë nëpër të cilën kemi ecur, në rrugën e Rilindasve për të mësuar Gjuhën Shqipe, Gjuhën Hyjnore.

Ndërsa të gjitha mësueset si Entela Muda, Vlera Sela Thaqi, Dr.Valbona Zylo Watkins, Adelina Laçaj, Luljeta Xhediku, Kozeta Zylo, Ardita Miloti Vadahi, shprehën refleksionet e tyre për punen plot përkushtim me nxënësit e tyre të dashur. Të gjitha mësueset u mirëpriten me dashuri dhe duartrokitje nga të pranishmit.

Dr.Zylo Watkins solli suprizën e bukur se ndërsa të gjithë nxënësit do të jenë me pushime, nxënësit e saj të rritur, studentë në kolegj etj, klasë që u hap semestrin e dytë, do të vazhdojnë mësimin shqip edhe gjatë verës, çka u mirëprit me duartrokitje dhe me pikëza loti nga vetë mësuesja e tyre.

Pas fjales së mësueseve u shfaq një vidio rreth Shkollës Shqipe “Alba Life” në 10-të Vjetorin e saj.

Moderatorja e programit Rea Ulaj tha se në këtë aktivitet qershia mbi tortë janë nxënësit e Shkollës Shqipe të cilëve do t’ju dorëzohet Certifikata për vitin akademik 2017-të 2018-të.

Z.Qemal Zylo së bashku me mësueset iu ka dorëzuar certifikatat të gjithë nxënësve, ndonëse kishte nxënës që mungonin për arsye të fillimit të pushimeve, vizitës në Mëmëdhe etj.

Certifikatëmorën dhe ish nxënës tëtalentuar tëShkollës Shqipe, por qënuk i kanëharruar kurrëlidhjet me shkollën, si Oresti Salillari dhe Liza Jashari të cilët morën pjesëaktivisht nëFestivalin e Shkollave Shqipe. Z.Zylo falënderoi të gjitha mësueset për punën e tyre të palodhur, sidomos në përgatitjen për ceremoninë e 10 Vjetorit të Shkollës Shqipe, koncertin për 10 Vjetorin e Kosovës që hapi siparin e aktiviteteve në New York deklaruar nga ambasadorja e Kosovës znj.Teuta Sahatqija, përgatijen në Festivalin e 5-të të Shkollave Shqipe kun jë falënderim special I shkoi sopranos së shquar Dëshira Ahmeti Kerliu, si dhe kurorëzimin me sukses nga

të TV dhe Shkollës Shqipe “Alba Life” në 10-të Vjetor që u bë nga Senati i shtetit të Nju Jorkut përfaqësuar nga Senatori veteran i Senatit të Nju Jorkut Martin Golden i cili dha proklamatën nga Senati me numër të regjistruar 4487, duke e vendosur në librin historik të Senatit.

Po ashtu proklamatë u dorëzua dhe nga ish Ansambleisti i shtetit të Nju Jorkut dhe Këshilltar i Bashkisë së Nju Jorkut z.Mark Gjonaj burri i shsquar i Kombit dhe një përkrahës i fuqishëm i “Alba Life” çka dëshmon për një seriozitet dhe profesionalizëm të Alba Life si dhe është frymëim për të ecur përpara.

Gjyshërit, prindërit me krenari bënin foto dhe gëzonin së bashku me fëmijët, nipërit dhe mbesat e tyre.

Në fund të aktivitetit së bashku të gjithë si një komunitet që na bashkon Gjuha Shqipe, Ashti i Kombit drekuam së bashku me ushqimet qe kishin sjellë amvisat e mrekullueshme shqiptare. Hmmm, shumë të shijshme thoshnin nxënësit të gjithë për ushqimet që ishin servirur nga amvisat shqiptare.

Eshtë një traditë e mrekullueshme që duhet të vazhdojë pambarim bisedonin shqiptarët me njeri tjetrin të cilët ishin mbledhur për të festuar mbylljen e vitit akademik shkollor 2017-të 2018-të.

Aktiviteti u filmua nga kameramani Todd Watkins, shumë foto u bënë nga Shpëtim Bardhi dhe fëmijët u argëtuan nga DJ drejtuar nga z.Odise Salillari.

Pushime të mbara nxënës të dashur!

16 qershor, 2018

Staten Island, New York

*Per me shume fotografi svigni ne FB(dielli vatra)

Shkolla Shqipe “Alba Life”- Koncert festiv për festat e fundvitit 2017-të

December 18, 2017 by dgreca

Nxënësit e Shkollës Shqipe “Alba Life” me një koncert festiv për festat e fundvitit 2017-të/

Do punoj për Mëmëdhenë/ gjithë jetën sa të rroj/ do t’i zgjoj edhe ata që flenë/ kështu jetën ta mbaroj… Gjerasim Qiriazi/

Nga Keze Kozeta Zylo/

Edhe pse e shtuna e dhjetorit ishte me ngricë dhe në degët e pemëve me trungje të hirta cicëronte ëmbël tek tuk ndonjë zog me pendë të mëndafshta, nxënësit shqiptarë u mblodhën në folezën e tyre të ngrohtë pranë Shkollës Shqipe “Alba Life” për të kënduar SHQIP.ABC –ja e Gjuhës sonë Hyjnore në interpretimet mjeshtërore të nxënësve dukej sikur nga prushi i shkronjave të zjarrta, shkrinte ngricat në majat e pemëve si dhe ndër çatitë që në ndonjë cep të tyre varej në ajër si një mini ujëvarë e ngrirë nga e ftohta e dimrit në këto ditë dhe netë të vona…

Rrugët për të ecur në udhët e dritës nuk janë të lehta, por asnjeherë të pakapërcyeshme pasi vetëm këto udhë gjithmonë kanë një kurorë drite që çajnë terrin dhe përhapin atë që ëndërron njerëzimi: dritë dhe dituri.

Dhe s’ka më ëmbël dhe më bukur, kur këtë udhë e bën së bashku me nxënësit dhe ata me abetaren në dorë që e kanë biblën dhe kuranin e shqiptarëve mësojnë SHQIP! Ndonëse të lindur dhe rritur larg trojeve të prindërve të tyre, ata të befasojnë me vullnetin dhe dëshirën e tyre, ata te magjepsin kur flasin dhe këndojnë shqip. Nga përvoja me shumë dekada si një mësuese midis dy kontinenteve pohoj se vetëm shkolla është institucioni më i kualifikuar, klasat me grupe moshash të ndryshme, mësimi që dëgjohet direkt nga mësuesi në klasë, përgatitja dhe bashkëpunimi me njeri-tjetrin, arrijnë ëndrrën e tyre dhe të gjyshërve për të mos e harruar kurrë GJUHËN SHQIPE…

Ditën e shtunë nxënësit shqiptarë veshur me ngjyrat kuq e zi, me flamuj me shkabën dykrenore në mes, si dhe me bluzën me logon e “Alba Life”, erdhën të qeshur dhe me sytë që u ndrinin si llambushka nga gëzimi për të dhënë koncertin për festat e fundvitit.

Në këtë festë të Shkollës Shqipe “Alba Life” e cila operon në disa lagje të Nju Jorkut nderuan me pjesëmarrjen e tyre z.Armand Shandro, këshilltar në Misionin e Përhershëm të Republikës së Shqipërisë pranë Kombeve të Bashkuara si dhe znj.Teuta Ulaj zv/drejtoreshë në shkollën publike amerikane PS:38.

Prindërit shembullorë që bashkëpunojnë aq ngushtësisht me stafin e shkollës Shqipe “Alba Life”, bisedonin grupe grupe dhe ndanin përvojat e tyre nga jeta e shkollës dhe flisnin plot krenari për fëmijët që sjellin në shkollë për të mësuar Gjuhën Shqipe.

Nuk ka më bukur do të më shprehej një prind kur shikoj fëmijën tim në skenë që këndon dhe flet shqip! Une lotoj kur shikoj nipin tim kur reciton për Skënderbeun do te më thoshte një nga gjyshërit që morën pjesë në këtë koncert. Mirënjohje të pakufishme shprehu një gjyshe e moshuar që ka ardhur muajtë e fundit në Amerikë. Ajo tha se Shkolla Shqipe më krijoi mundësinë për ta sjellë nipin tim dhe të mos e ndjejë aq fort ndarjen nga shokët dhe shoqet e shkollës atje, sepse këtu ai gjeti një vatër shqiptare.

Gjuha Shqipe do të rrojë sa të jetë njerëzimi, sepse për këtë luftuan të parët tanë, për këtë luftuan Rilindasit e shquar të cilët dhanë jetën dhe luftuan deri në frymën e fundit për mbrojtjen e Gjuhës Shqipe, ku sot tingëllojnë mjaft aktuale vargjet nga Rilindasi ynë Gjerasim Qiriazi, si: Do punoj për Mëmëdhenë/ gjithë jetën sa të rroj/ do t’i zgjoj edhe ata që flenë/ kështu jetën ta mbaroj…

Programi i shkollës Shqipe “Alba Life” për festat e fundvitit

Një atmosferë tejet festive pushtoi sallën kur yjet me simbole të festave në kokë përgatitur nga mësuese Vlera filluan të ngjiteshin në skenë, ndërsa në dy korridoret e auditoriumit parakalonin flamurtarët si Jaiden Doci dhe Brian Muda të cilët mbanin në duar Flamurin shqiptar dhe amerikan.

Programi është prezantuar mjeshtërisht nga tre Yje: Arsi Muda, Dea Kerliu dhe Boris Pero.

Sapo ata filluan përshëndetjen si: Mirëdita, Mirëdita të dashur bashkatdhetarë, mësues, prindër, nxënës! Mirë se keni ardhur për të festuar së bashku! Gëzuar Festat e fundvitit, salla shpërtheu në duartrokitje dhe me kënaqësi ndiqnin gjithçka që po luhej në atë skenë, ndoshta nga skenat më mahnitëset në botë dhe këtu e kam fjalën si shqiptarë duke shpresuar se aspak nuk e teproj sepse kur them mahnitëse, doemos që është për të gjithë nxënësit shqiptarë që janë shpëndarë në çdo cep të globit dhe kryejnë misionin më fisnik: mësojnë Shqip.

Arsi tha se: E hapim programin me këngën “Ty Flamur të duam shumë”

Le të këndojmë të gjithë së bashku për këtë ditë të shenjtë për të nderuar të gjithë si Ismail Qemalin që ngriti Flamurin në Vlorë së bashku me Isa Boletinin, le të nderojmë të gjithë Rilindasit për kontributin e vyer për Kombin dhe Gjuhën amtare

Të tre drejtuesit prezantuan vehten si:

Unë jam Arsi Muda nxënës i Shkollës Shqipe “Alba Life” në Staten Island, shkollë që është hapur 10 vjet më parë. Unë do të prezantoj programin që kanë përgatitur nxënësit e Shkollës Shqipe nën kujdesin e mësueseve të dashura Entela Muda, Vlera Thaqi, Adelina Laçaj, Mimoza Dacaj, Ardita Vadahi, Elda Ahmet dhe Kozeta Zylo nën drejtimin e sopranos së shquar Dëshira Ahmeti Kerliu.

Unë Jam Dea Kërliu nxënëse e Shkollës Shqipe “Alba Life” në Staten Island!

e cila është një vatër e Shkollës Shqipe “Alba Life”.

Unë do të prezantoj programin që kanë përgatitur nxënësit e Shkollës Shqipe.

Ndersa Borisi tha: Une jam nxënës i shkollës Shqipe “Alba Life” dhe kam vetëm nëntë muaj që jam larguar nga Atdheu, por jam shumë i gëzuar që këtu në New York gjeta një Shqiperi të vogël!

Ftojmë në skenë z.Qemal Zylo themelues i Shkollës Shqipe “Alba Life” që operon në disa lagje të Nju Jorkut!

Z.Qemal Zylo pasi përshëndeti të gjithë pjesëmarrësit dhe iu ka uruar atyre gëzuar festat e fundvitit ka falënderuar në mënyrë të veçantë të gjitha mësueset si: Entela Muda, Vlera Thaqi, Adelina Lacaj, Mimoza Dacaj, Ardita Vadahi, Elda Ahmet dhe Kozeta Zylo nën drejtimin e sopranos së shquar Deshira Ahmeti Kerliu. që kryejnë këtë mision të shenjtë, nxënësit që mësojnë me kaq zell nën punën e kujdesshme të prindërve dhe të gjyshërve të tyre. Dua të falënderoj gjithashtu bashkëpunëtorët tanë të TV “Alba Life” ndërkohe dhe prindër pranë kësaj shkolle: si Shpëtim Bardhi dhe Safet Doci, Agron dhe Afrim Tahiri si dhe studentin nga Baruch college Klaus Sharra.

Ai falënderoi dhe shprehu mirënjohjen gjithashtu për z.Amrand Shandro për pjesëmarrjen e tij në këtë aktivitet shkollor dhe kulturor si dhe zonjën Teuta Ulaj z/v drejtoreshë në shkollën publike amerikane PS:38.

Sot të gjithë këta nxënës që shikoni në skenë janë si rezultat i punës së mësuesëve që përmenda më lart nën udhëheqjen plot përkushtim dhe talent të sopranos së shquar Dëshira Ahmeti Kërliu.

Kur e filluam këtë punë më shumë se 10 vjet më parë patjetër që i parashikuam sukseset dhe pengesat, por Gjuha jonë hyjnore të jep forcë, të jep dritë, energji dhe mbi të gjithë të jep frymë sepse Gjuha Shqipe është identiteti ynë kombëtar do të thoshnin Rilindasit të cilët punuan deri në frymën e fundit. Z.Zylo iu uroi gjithe pjesëmarrësve dhe nxënësve: Gëzuar festat e fundvitit!

Arsi me lirshmëri i pyeste: A po kënaqeni me programin? Pjesëmarrësit shpërthenin në duartrokitje duke miratuar gëzimin dhe kënaqësinë që iu jepnin fëmijët në skenë.

Prezantuesi ftoi në skenë nxënësit e shkollës shqipe në Queens, shkollë që ka vetëm një vit që është hapur. Nxënësit janë përgatitur nën kujdesin e mësueseve Ardita Vadahi dhe Alda Ahmet

Nxënësit e Ardita Vadahi

Arsi: Ilirjan Karamuca: “Sa të dua o Shqipëri” Asdreni

Nevil Vadahi “Flamuri”

Nxënësit e mësuese Alda Ahmet

Alba Vadahi Për Shqipërinë nga Tahir Hysa

Era Vadahi: 28 Nëntor, i dhe ngjyrë Atdheut nga Alma Papamihali

Pas nxënësve të Quinsit në skenë u ngjitën nxënësit e shkollës Shqipe “Alba Life” në Brooklyn që është një qendër arsimi dhe kulture në gjuhën Shqipe… Falënderime të veçanta ju shkojnë mësueseve Adelina Laçaj dhe Mimoza Dacaj

Nxënësit e mësuese Adelina Lacaj

Gjuha e mëmës, Naim Frasheri Eneo Rustani

Dea Kërliu ftoi ne skene nxënësit Blenda Shehu e cila recitoi Sa e bukur Gjuha Jonë dhe o trima luftëtarë. Kelvi Rustani: Flamuri/ Erla Lamçe “Mos harro” që je shqiptar!

Me nxënësit e Mimoza Dacaj:

Amela Myftari Kam një kukull në kuti/ Isabela Myftari Mace mace!/ Rilind Shehu: Unë quhem Rilindi/ Jori Lamce: Abetarja ime.

Pas Brooklinit u paraqitën nxënësit e shkollës shqipe në Staten Island të përgatitur nga mësueset Entela Muda, Vlera Selaj dhe Kozeta Zylo.

Me nxënësit e mësuese Entela Mudës:

Liljana Imerovski dhe Reona Kovaci: Memedheu nga Çajupi/ Arlinda Tahiraj, Laura Tahiraj dhe Alton Selmani: Korça nga Naim Frashëri/ Drilind Bardhecaj Ku kam lerë nga Çajupi/ Rilind Bardhi Korça nga Naim Frasheri/ Loriana dhe Ilirian Thaqi: Gjuha jonë/ Jaiden Doci: Unë jam Ismail Qemali!

Me nxënësit e mësuese Kozeta Zylos

Arsi Muda: Krujë o Qytet i bekuar! Naim Frashëri/ Dea Kërliu: Gjuha Shqype Gjergj Fishta

Alba Luka: Jam shqiptare/ Boris Pero: Flamuri: Faik Konica

Programi vazhdoi me këngën “Për mëmedhenë” kënduar nga kori si dhe me këngën e Alfabetit:

Udha e shkronjave në të cilën e këndoi kori dhe shoqëruar nga nxënësja e talentuar Dea Kerliu

Teksti është shkruar nga Parashqevi Qiriazi dhe për herë të parë u këndua në mitingun e shkronjave në Korçë, më 14 shkurt 1910, pra është këngë prej 107 vjetësh dhe do të rrojë sa të ketë frymë shqiptari mbi dhe.

Dea ftoi në skenë korin me këngën: Zilet tringëllijnë, shoqëruar ne piano nga nxënësja e talentuar Dea Watkins si dhe këngën e Vitit te Ri!

Le ta mirëpresim Vitin e Ri me gëzim dhe dashuri dhe le të këndojmë të gjithë së bashku!

Programi u mbyll me këngën: “Gjuha Shqipe” të cilën e këndoi Kori i shkollës. Kënga e Gjuhës Shqipe është dhe hymni i Shkollës Shqipe “Alba Life”, kompozuar nga pianisti i mirënjohur Petrika Melo dhe me tekst nga shkrimtarja Kozeta Zylo.

Arsi Muda e mbylli programin duke falënderuar si: “Prindër ju dëgjuat një program të bukur artistik të realizuar plot dashuri nga nxënësit e Shkollës Shqipe “Alba Life”, të gjithë ju bashkatdhetarë ju ftojmë të sillni fëmijët pranë shkollës shqipe “Alba Life” dhe të jeni të sigurtë se mot ata do të jenë së bashku me ne në skenë për të nderuar Flamurin Kombëtar dhe Kombin!

Muda ftoi në skenë z.Armand Shundra këshilltar në Misionin e Përhershëm pranë Kombeve të Bashkuara. Z.Shundra falënderoi në emër të qeverisë të gjithë pjesëmarrësit, themeluesin e shkollës Shqipe “Alba Life” z.Qemal Zylo, gjithë mësueset që punojnë me kaq përkushtim dhe pohoi se ndihej tejet i emocionuar me këtë koncert mjaft të bukur të realizuar mjeshtërisht nga nxënësit e Shkollës Shqipe.

Z.Shandro përmendi rreth bashkëpunimit me ministrinë e diasporës në Kosovë dhe unifikimin e programeve mësimdhënëse për gjuhën shqipe. Ai tha se sic dhe e dini është krijuar Ministria e Diasporës e cila do të luajë një rol kryesor për lidhjet e ngushta midis Diasporës dhe Shqipërisë. Z.Shandro iu uroi gjithë pjesëmarrësve gëzuar festat e fundvitit dhe premtoi për një bashkëpunim dhe më të ngushtë!

Një përshëndetje të ngrohtë dhuroi dhe zonja Teuta Ulaj, z/v drejtoreshë e shkollës publike amerikane PS:38 e cila na nderoi me pjesëmarrjen e saj. Ajo tha se dua të falënderoj të gjithë nxënësit kokë më kokë për këtë koncert kaq të bukur, mësueset e përkushtuara dhe prindërit që i sjellin me kaq dashuri. Unë emocionohem shumë kur dëgjoj nxënësit që recitojnë poezi nga Rilindasit tanë, mësojnë Gjuhën Shqipe dhe për këtë na bëjnë të sigurtë se këta po vazhdojnë rrugën e Rilindasve dhe Gjuha Shqipe do të rrojë përjetësisht. Ju uroj të gjithëve: Gëzuar Festat e fundvitit!

Arsi Muda Dea Kerliu dhe Boris Pero falënderuan së bashku:

Faleminderit, Faleminderit të gjithëve! Gëzuar Festat e fundvitit dhe mirë u takofshim në vitin 2018-të!

16 dhjetor, 2017

Staten Island, New York

Një arbëreshe në Ditën e parë të shkollës shqipe”Alba Life”

October 1, 2017 by dgreca

Arbëreshja Elena Busciacco midis nxënësve në ditën e parë të shkollës Shkollës Shqipe “Alba Life”, New York/

Mesazhi: Mësojeni Gjuhën Shqipe, mos e harroni kurrë, sespe vetëm Gjuha dhe Flamuri na lidh së bashku si SKIPTARË./

Nga Keze Kozeta Zylo/

Shkolla Shqipe “Alba Life”, New York priti krahëhapur nxënësit e saj në mjediset e shkollave publike si në Brooklyn në P.S. 205, në Staten Island, P.S. 9 dhe sëshpejti javën tjetër do të hapet dhe në Queens, 66-56 Forest Avenue.

Ishte një javë e bukur shqiptare mbushur me cicërima shqip nga fëmijët shqiptarë në Amerikë, që edhe pse janë lindur dhe po rriten jashtë Atdheut të të parëve të tyre ata me abetare në duar ulen plot kënaqësi dhe dashuri pranë bangave të shkollës për të mësuar Shqip…

Mundet që vetëm ky paragraf do të mjaftonte për të gjithë lexuesit dhe dashamirësit e shkollave shqipe që të bëhen akoma më shumë përpjekje dhe punë kualifikuese në diasporë për ta përhapur gati si lajm hyjnor se kudo ku frymojnë shqiptarë në çdo cep të globit të ketë shkolla shqipe.

Dita e premte në Brooklyn dhe e shtuna në Staten Island ishin ditë plot shkëlqim, ishin ditë diellore mëmëdheu me shkronja shqip si rreze plot dritë dhe ngrohtësi.

Nxënësit e të dy shkollave u mirëpritën nga mësueset e talentuara dhe të kualifikuara si Adelina Lacaj, Entela Muda, Vlera Thaqi dhe asistentet e tyre që ju falin aq shumëdashuri dhe përkushtim për mësimin e gjuhës shqipe.

Dita e parë e mësimit pë këdo që ka qenë në shkollë ngelet përgjithmonë në kujtesë të nxënësve. Është tejet prekëse për ne mësuesit, kur shikon nxënësit e vjetër si takohen me njeri tjetrin dhe si shkëmbejnë përvojat e tyre pas pushimeve të verës. Ndonëse disa prej tyre mund të flasin gjysma shqip dhe gjysma anglisht, por ajo që të ngelet në mendje është kur ndonjë nxënës që mund të jetë më i vjetri ju thotë plot dashamirësi: “Flisni Shqip se kjo këtu është Shkollë Shqipe!

Ata prezantohen me njeri tjetrin dhe ndërkohë kujdesen për më të rinjtë që zakonisht janë dhe më të vegjël. Prej të vegjëlve ka që mund të derdhin lot dhe i duan mamatë e tyre pranë bangave, por është befasuese se si ata miqësohen aq shpejt me njeri tjetrin dhe mezi presin që të vije dita e Shkollës Shqipe. Më lejoni qe t’ju sjelle vetëm një shembull nga përvoja ime e gjatë midis dy kontinenteve: Kur Jaedin Safet Doci erdhi para 3 vjetësh në shkollë, ditët e para ai vetëm qante, i skuqej lëkura e bardhë dhe sytë e bukur nga trishtimi qe ndahej me mamin, nuk donte të shkruante, nuk donte të fliste fare me njeri, por pas dy javësh ai u miqësua shpejt. Qysh prej atëhere ai nuk do të ndahet kurrë. Çdo të shtunë i kujton prindërit se duhet të vete në shkollën shqipe se më pret mësuese e dashur Entela si dhe shokët dhe shoqet e shkollës. Ai disa herë ka qenë Flamurtari i Shkollës në aktivetet e radhës. Ka dhe shumë shembuj të tjerë, që medoemos një ditë do të jenë në librin e Shkollës Shqipe në Diasporë…

Shumë prej tyre gëzohen kur sjellin nxënës të rinj në shkollë. Ja tha Rilindi i cili ka ardhur qysh 5 vjeç në shkollë, -Mësuese Kozeta ky nxënësi që kam në krah është vëllai im Dielloni dhe do mësojë Shqip. Shkova e përqafova plot dashuri dhe i thashë se ti do ta mësosh shumë shpejt shqipen se ke dhe vëllain që do të ndihmojë…

Arbëreshja Elena që emocionoi me fjalën e saj të gjithë të pranishmit në ditën e hapjes së Shkollës Shqipe

Kishte kohe që Arbëreshja Elena Busciacco kishte shprehur dëshirën e zjarrtë të vinte pranë nxënësve të Shkollës Shqipe “Alba Life”. Lidhja midis arbëreshes dhe TV “Alba Life” ka qenë mjaft impresionuese. Arbëreshja me pasionin dhe dashurinë në gji ndër shekuj na gjeti nëpërmjet “Google” dhe ne me po atë zjarr dashurie iu përgjigjëm direkt duke udhëtuar disa orë për të shkuar në shtepinë e saj në Pennsylvannia dhe për ta sjellë pranë shqiptarëve portretin e saj aq të bukur.

Ç’udhetim i bukur ishte! Që ditën e parë të takimit tha se kur të fillojë shkolla shqipe dua të jem prezente për t’i takuar nxënësit dhe mësuesit. Ajo fliste dhe në kokë më endeshin fytyrat e bukura ëngjëllore të nxënësve se si do ta mirëpresnin arbëreshen ku dikush mund të recitonte si: Shkollën Shqipe e kam jetë, më jep krah më bën me fletë, për Atdheun më mëson, ta kem në zemër përgjithmonë!

Themeluesi dhe drejtori i shkollës “Shqipe “Alba Life” iu ka uruar mirëseardhjen të gjithë nxënësve, mësueseve dhe prindërve dhe një falënderim të veçantë iu ka dhënë nxënësve të rinj që u ulën për herë të parë në bangat e shkollës.

Pasi prezantoi shkurtimisht programin që do te ndiqet gjate vitit akademik mësimor 2017-2018 ai tha se sot në ditën e parë të shkollës kemi një surprizë të bukur për Ju të gjithë. Midis nesh ndodhet arbëreshja Elena Busciacco e cila do t’ju përshëndesë të gjithëve. Në klasë ra një heshtje kurioziteti dhe ndonjë prind shprehu Wow, ç’emocion!… Ndërkohë nxënësja e porsa regjistruar Vesa me mama amerikane dhe baba shqiptar si dhe Emma i dhuruan një buqetë me trëndafila të kuq në shenjë mirëseardhje dhe mirënjohje të pakufishme për ruajtjen e Gjuhës Shqipe.

Arbëreshja e bukur Busciacco e cila kishte ardhur me bashkëshortin e saj fisnik z.Hany Farah dhe vajzën e saj Sara i falënderoi pamasë të gjithë të pranishmit që ndodheshin në klasë dhe e filloi përshëndetjen shqip në dialektin arbëresh: “Mirë se keni ardhur motra dhe vëllezër Skiptarë! Unë jam shumë e gëzuar që ndodhem pranë jush se ju jeni gjaku im. Une vij nga katundet arbëreshe në Itali dhe sjellë zërin dhe përshëndetjet e të gjithë arbëreshëve të 50 katundeve në Kalabri që ju jeni ulur pranë bangave të shkollës Shqipe “Alba Life” shkollë e hapur nga vëllai im SKIPTAR, Qemal Zylo dhe familja e tij. Arbëreshët kanë më shumë se 500 vjet që nuk e kanë harruar Gjuhën Shqipe sepse ata u betuan me njeri tjetrin dhe vazhduan porosinë e Heroit Kombëtar Gjergj Kastriot Skënderbeut: “Qëndroni gjithmonë të bashkuar, sepse kështu edhe pa mua do të fitoni. Arbërisë nuk i kanë munguar kurrë trimat”.

Ne gjithmonë në Arbëri në Itali kemi qëndruar të bashkuar dhe kështu do të jemi përgjithmonë. Mësojeni gjuhën Shqipe, mos e harroni kurrë, sespe vetëm Gjuha dhe Flamuri na lidh sëbashku si SKIPTARË.

Fjala e saj u mirëprit me duartrokitje dhe emocione të fuqishme, fjala e saj ishte jehonë e largët e shqiptarëve të ikur nga luftërat, regjimet, varfëia, por edhe pse të larguar nga trojet e tyre, ata nuk e kanë harruar kurrë Arbërinë… Dëshmi e gjallë është arbëreshja Elena me rrënjë shumëshekullore shqiptare me rrënjë që s’do të shkulen kurrë sa të ketë frymë shqiptari mbi dhe…

Disa nxënës më të vjetër përshëndetën me recitime të ndryshme si Arsi Muda, Lisa Pilku etj si dhe demonsturan ushtrime gjimnastikore për të krijuar një atmospherë festive në ditën e parë të hapjes së shkollës shqipe.

Arbëreshja pas perfundimit te mësimit u takua me të gjithë me plot dashuri. Fjala e saj impresionoi të gjithë të pranishmit, pasi ardhja e saj ishte burim frymëzimi, ishte palcë dashurie për Gjuhën Shqipe.

Prindi i shkollës shqipe, një burrë atdhetar Safet Doci që ka djalë Jaedin kur e pyeti se si e ka emrin vajza, Elena iu përgjigj se ne vajzës në Arbëri i themi “Vasha”, dhe vasha ime e ka emrin Sara. Të gjithë duartrokitën, ishte nje shenjë respekti dhe dashurie për motrën e tyre arbëreshe Elena.

Dita e parë e shkollës Shqipe kaloi ne një atmospherë festive të bukur dhe me plot mbresa nga takimi me arbëreshen Elena, nga takimi me rrënjët e thella shqiptare mbi 500 vjeçare në Arbëri të Italisë.

30 shtator, 2017

Staten Island, New York