Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Atashetë ushtarakë të SHBA në Komandën e Forcës Detare

by

4-2

1-3

Nga Shefqet Kërcelli/

Më 11 janar 2018, në Komandën e Forcës Detare, zhvilluan një vizitë atashetë ushtarakë të SHBA, të akredituar në vendin tonë. Vizita u zhvillua me rastin e përfundimit të mandatit 2-vjeçar të atasheut ushtarak të SHBA, Kapiten i Rangut të II-të Sam G. Wartell, i cili ja la vendin Commander James Hilton. Në takim ushtarakët amerikanë u pritën nga Komandanti i Forcës Detare., Gjeneralmajor Ylber Dogjani dhe Shefi i Shtabit, Kapiten i Rangut të II-të, Arsen Mullaj. 3-3Fillimisht Gjeneral Dogjani, i uroi mirëseardhjen ushtarakëve miq, duke i uruar suksese secilit në detyrën e re. Në vazhdim të takimit u evidentua bashkëpunimi shumë vjecar midis dy vendeve dhe dy ushtrive tona, vecanërisht ndihma që ka dhënë Departamenti i Mbrojtjes i SHBA dhe Pentagoni për Forcën Detare.

2-3Kjo ndihmë ka konsistuar në reformimin dhe modernizimin e Forcës Detare, nëpërmjet pajisjes me aparatura dhe mjete të reja detare, riparimin dhe mirmbajtjen e tyre, trajnimin, arësimimin dhe kualifikimin e dhjetra kuadrove të Forcës Detare në Institucione e Baza të rëndësishme detare në SHBA, që kap vlerën miliona dollarë. Lidhur me këtë, Komandanti i Forcës Detare shprehu falenderim dhe mirënjohje për bashkëpunimin ushtarak dhe ndihmën e dhënë nga pala amerikane për Forcën Detare, duke vlerësuar në këtë kuadër dhe angazhimin e atasheut në largim, z. Wartell për rritjen e mëtejshme të nivelit të bashkëpunimit gjatë kohës së qëndrimit të tij në vendin tonë. Nga ana e tyre ushtarakët amerikanë, vlerësuan bashkëpunimin e frutshëm me Forcën Detare, duke theksuar se ky bashkëpunim do të vazhdojë të jetë i tillë edhe gjatë mandatit të atasheut të ri, Commander James Hilton. Theksojmë se ushtarakët amerikanë krahas vizitës në Komandën e Forcës Detare, më parë zhvilluan vizita në Komandën e Forcës Tokësore dhe Ajrore. Ndërkohë pjesë e këtyre vizitave ishte dhe pritja e rezervuar nga Ministre e Mbrojtjes Zonja Xhacka për Atashetë ushtarakë Amerikanë. Në pritjen e rezervuar dy ditë më parë, Ministrja e Mbrojtjes Xhaçka, i akordoi “Medaljen e Mirënjohjes”, atasheut ushtarak amerikan në largim, Kapiten i Rangut të II-të Sam G. Wartell. Në ceremoninë e organizuar me këtë rast, morën pjesë gjithashtu dhe Shefi i Shtabit të Përgjithshëm të FARSH, Gjeneral brigade Bardhyl Kollçaku, Ambasadori i SHBA në Tiranë, z. Donald Lu, si dhe Drejtorë Drejtorish në MM dhe SHP. Ministrja Xhaçka, pasi i uroi mirëseardhjen Atasheut të ri ushtarak amerikan në vendin tonë, Kapiten i Rangut  II-të, James Hilton, vlerësoi kontributin 2-vjeçar të Commander Wartell, në forcimin e mëtejshëm të bashkëpunimit në fushën e Mbrojtjes dhe Sigurisë, midis Shqipërisë dhe Shteteve të Bashkuara të Amerikës. Duke i cilësuar Shtetet e Bashkuara të Amerikës, si partnerin kryesor strategjik në fushën e mbrojtjes, Ministrja Xhaçka theksoi se:”Këto marrëdhënie tashmë kanë hyrë në një fazë të re dhe më cilësore. Qeveria e Republikës së Shqipërisë dhe Ministria e Mbrojtjes është e angazhuar në një proces modernizimi të Forcave të Armatosura, me synim rritjen dhe përmirësimin cilësor të kapaciteteve operacionale të strukturave tona ushtarake dhe veçanërisht të atyre strukturave që janë pjesë e mbrojtjes kolektive të NATO”.

Jace Agolli – shqiptari i parë konkurent në “Big Brother 17-të” të SHBA

by

Nga Beqir SINA –New York/
Sezoni 17-të i Big Brother, filloi këtë javë në Wetpaint të Kalifornisë, ku të 17 banorët do të konkurrojnë për çmimin e madh 500 mijë dollar amerikan.
WETPAINT CALIFORNIA : Edicioni Big Brother 17të, i njohur gjithashtu si Big Brother USA, është në sezonin e shtatëmbëdhjetë të saj – në Shtetet e Bashkuara të Amerikës.
Ky spektakël televizivë për çdo vjet vjen me nji seri televizive të ashtuquajtura realitet show – me titullin “Big Brother”.
Një spektakël televizivë, i cili imitohet duke “kopjuar” këtë amerikan – në disa vende të botës, përfshirë edhe Shqipërinë, e cila ka spektaklin e saj Big Brother Albania.
Sezoni 17-të i Big Brother, filloi këtë javë në Wetpaint të Kalifornisë, ku të 17 banorët do të konkurrojnë për çmimin e madh 500 mijë dollar amerikan.
Sezoni premierë Big Brother 17-të, i cili nisi më 24 qershor 2015 në kanalin televizivë kombëtar CBS, emtohet në një ndër tre rrjetet më të fuqishmet televizive në SHBA.
Sezoni Big Brother 17-të, pritet të përfundojë më 23 shtator 2015 – me një episod 90-minutësh – e cila pas sezonit të vjeshtës – do të vijojë me finalen Premier of Survivor. Ky është një sesion që është vendosur simbas një formati të ri dhe të zgjasë 98 ditë, duke e bërë këtë edhe sezonin më të gjatë të versionit amerikan deri sot.
Këtë vit edicioni i 17-të i “Big Brother” USA, simbas klasifikimeve mban ashtu si dhe vitet e kalauar vendin e parë për nga shikueshmëria e lartë në Shtetet e Bashkuara të Amerikës.

Jace Agolli shqiptari i parë konkurrent në banorët e “Big Brother” të SHBA

E veçanta e Big Brother – USA, për ne shqiptarët natyrisht që është ajo se kësaj radhe në garën për edicionin e 17-të të këtij spektakli me famë botërore,Big Brother USA – është edhe një shqiptar; i cili quhet Jace Agolli.
Jaçe Agolli – simbas shtypit amerikan është një nga 17 banorët e Big Brother sezonit 17-të. Ai është një trajner privat nga Venecia Beach – cili e përshkruan veten e tij si një djalosh “i zgjuar, i fuqishëm dhe trim.”
Atij pëlqen për t’u takuar me njerëz, që si ka takuar ndonjëher, dhe ka si hobi të tij për të eksploruar në vende të reja- që nuk ka shkelur ndonjëher.
Ai gjithashtu ushtron me mjaft passion dhe bukur disa sporte atraktive si surfing, patinazhin dhe ski mbi dëborë.
Pra, kështu Jaçe Agolli – bëhet edhe shqiptari parë në historinë shtatëmbdhjetëvjeçare të Big Brother USA, i cili po bën famë në SHBA, si pjesë e edicionit amerikan të spektaklit “Big Brother 17”.
Pjesë e të cilit është edhe një banor shqiptar, Jaçe Agolli ose djaloshi shqiptar, i cili me krenari e tregon prejardhjen e tij shqiptare, madje ai ka pozuar disa herë ne setet e tij fotografike, në foto-albumin e Big Brother 17-të, edhe trupin e tij, ku në anën e majtë te shpatullës ka pikturuar një tatuazh të shqiponjës tonë Shqiptare.
Jace Agolli – ka jetuar në Dunwoody – Georgia dhe tani jeton në Venecia Beach, Kalifornia