• Home
  • Politics
  • Opinion
  • Culture
  • Sports
  • Economy
  • Interview
  • Reporting
  • Community
  • Vatra

Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Trump: Prioritet i parë dëbimi i mijëra emigrantëve të paligjshëm

August 29, 2016 by dgreca

Donald Trumpi prezanton planet e tij për imigrimin duke paralajmëruar votuesit se vota për Hillary Clinton është votë për kufij të hapur.

Kandidati republikan për president amerikan Donald Trump tha se nëse zgjidhet president prioriteti i tij i parë do të jetë dëbimi i mijëra emigrantëve të paligjshëm që kanë kryer krime.

“Në një ditë, unë do të filloj shpejt me dëbimin nga vendi të emigrantëve të paligjshëm që kanë kryer vepra penale – përfshirë edhe largimin e qindra-mijëra emigrantëve të paligjshëm që kanë kryer vepra penale dhe janë nxjerrë nga burgjet prej administratës Obama-Klinton”, tha Trump në Des Moines, Iowa.

Duke treguar për detajet se si ka ndër mend ta trajtojë imigracionin e paligjshëm, Trump u tha mbështetësve të tij në Iowa se do të krijojë një sistem përcjelljeje për të dëbuar imigrantët e paligjshëm që tejkalojnë afatin e lejes së qëndrimit dhe do të krijojë një sistem verifikimi elektronik për të siguruar që ata të mos marrin ndihma sociale apo përfitime të tjera.

Trump në Des Moines, IowaTrump në Des Moines, Iowa

Jo vetëm mur përgjatë kufirit meksikan

“Nëse ne nuk do t’i detyrojmë njerëzit të zbatojnë afatet e skadimit të vizave, atëherë do të kemi një kufi të hapur – kjo është tepër e thjeshtë,” tha ai.

Trump deri tani ka paraqitur vetëm pak plane konkrete se si do ta trajtojë problemin e emigracionit, me përjashtim të idesë për të ndërtuar një mur përgjatë kufirit meksikan. Vetëm 72 ditë para zgjedhjeve Trump po përpiqet ta zgjerojë më tej bazën e tij të mbështetësve dhe të sulmojë rivalen e tij demokrate Hillary Clinton. Komentet e tij në Iowa erdhën pasi ai u kritikua nga konservatorët, sepse kishte sugjeruar më parë se do të zbuste planet për dëbimin e 11 milionë emigrantëve të paligjshëm nga SHBA-ja.

Vende pune për amerikanët

Trump u shpreh po ashtu se ndalimi i imigracionit të paligjshëm bëhet për të mbrojtur vendet e punës për amerikanët. “Sa herë që një shtetas afrikano-amerikan, apo ndonjë qytetar, humbet punën e tij ngaqë punësohet një emigrant i paligjshëm, të drejtat e këtij qytetari amerikan shkelen,” tha ai. “Mbrojtja e barabartë sipas ligjit duhet të përfshijë zbatimin konsekuent të ligjeve tona të imigracionit.”

Trumpi po përpiqet kohët e fundit të fitojë votat e afrikano-amerikanëve, që tradiconalisht votojnë për demokratët, duke e sulmuar Hillary Klinton për çështje racore dhe duke argumentuar se ndryshe nga demokratët ai do të sjellë vende pune dhe prosperitet për komunitetin afro-amerikan.

Filed Under: Politike Tagged With: emigrantëve, të paligjshëm, Trump

Trump, një agjent i pavullnetshëm i Putinit?

August 6, 2016 by dgreca

Deklaron Ish-zyrtari i lartë i CIA-s/

 Një prej ish-zyrtarëve të lartë të CIA-s ka sulmuar këtë të premte Donald Trumpin, duke e cilësuar atë si një rrezik për sigurinë kombëtare, duke thënë se presidenti rus Vladimir Putin e ka kthyer kandidatin republikan për Shtëpinë e Bardhë në një “agjent të pavullnetshëm” të Rusisë. Putin është ndier i kënaqur nga Trump për shkak se ai mbështet disa pozicione favorizuese ndaj Rusisë, tha Michael Morell, një ish-oficer i CIA-s dhe ish-zv.drejtor i agjencisë, gjatë një opinioni të publikuar në “New York Times”. “Në fushën e kundërzbulimit, ne do të thonim pa frikë se Putin e ka rekrutuar Trumpin si një agjent të pavullnetshëm të Federatës Ruse”, tha Morell në artikullin që më së shumti lavdëronte rivalen e Trumpit në zgjedhjet e 8 nëntorit, demokraten Hillary Clinton. Morell nuk dha prova se ku e bazonte këtë vlerësim të tijin, por tha se Putin ka përdorur aftësitë e tij si një ish-oficer kundërzbulimi, për të evidentuar dhe shfrytëzuar dobësitë e një individi.
“Kjo është qartësisht ajo çfarë bëri ai gjatë primareve. Putin luajti me dobësitë e Trumpit duke e komplimentuar atë. Ndërsa Trump iu kundërpërgjigj ekzaktësisht ashtu siç e kishte përllogaritur Putini”, shkruan Morell. Drejtues të fushatës së Trumpit kanë hedhur poshtë kritikat e Morell, duke e lidhur ish-oficerin e CIA-s me përgjigjen publike të administratës “Obama”, pas sulmeve të 12 shtatorit në Bengazi të Libisë. “Vëreni sesa reporterë do të publikojnë sot në Twitter, faktin që Michael Morell gënjeu për Hillarynë e kërrusur, për të mbuluar ngjarjet e Bengazit”, shkroi dikush nga fushata e Trumpit në një postim në “Twitter”. Incidenti libian, në të cilin mbetën të vdekur ambasadori dhe 3 shtetas të tjerë amerikanë, ndodhi gjatë kohës kur Clinton ishte Sekretare e Shtetit, ndërsa republikanët e kanë kritikuar prej kohësh mënyrën sesi ajo u përball me sulmet e asaj kohe dhe periudhën pas tyre. Kritikët thonë se zyrtarë të administratës u përpoqën të hedhin poshtë rolin e militantëve islamikë në atë sulm. Morell miratoi disa prej temave kyçe të atij incidenti. Zyrtarët amerikanë thanë se, çdo referencë për pjesëmarrjen e militantëve u la mënjanë fillimisht për shkak të informacioneve të klasifikuara. Morell punon aktualisht për “Beacon Global Strategies”, një firmë konsultimi që ka lidhje me demokratë të rëndësishëm të ekspertizës së sigurisë kombëtare, përfshi këtu edhe ish-Sekretarin e Mbrojtjes dhe drejtorin e CIA-s, Leon Panetta, si dhe ish-ndihmësin e Clintonit, Philippe Reines. Ndërkohë, kandidati për zv.president nga radhët e republikanëve, guvernatori i Indianës Mike Pence, hodhi poshtë gjithashtu komentet e Morell gjatë kësaj të premteje, duke thënë se “qëndrimi ndaj agresionit rus do të jetë tepër i ndryshëm nën administratën Trump-Pence”. “Këta njerëz po bëjnë thjesht lojëra politike”, tha Pence referuar deklaratave të Morell.

Filed Under: Opinion Tagged With: agjent i pavullnetshem, i Putinit, Ish Zyrtari i CIA-s, Trump

Trump merr zyrtarisht emërimin republikan

July 20, 2016 by dgreca

*Trump fitoi me lehtësi të 1,237 delegatët e nevojshëm/

Rivalja Hillary Clinton: “Donald Trump sapo është bërë i emëruari i Partisë Republikane. Ndihmoni tani që ai kurrë të mos hyjë në Shtëpinë e Bardhë”./

Donald Trump u bë të martën mbrëma zyrtarisht kandidati për president i Partisë Republikane.Ai mbajti një fjalim nga Kulla Trump e Nju Jorkut, drejtuar me satelit Kuvendit Republikan në Klivlend të Ohajos, duke thënë se fitorja prej tij e emërimit të partisë është diçka që ai nuk do ta harrojë kurrë.Pas një votimi dhe numërimi të votave në Kuvendin Kombëtar Republikan, zoti Trump fitoi me lehtësi të 1,237 delegatët e nevojshëm.Emërimi zyrtar erdhi në ditën e dytë të Kuvendit, i cili filloi me protestën e një pjese të delegatëve dhe me përpjekjet për të ndryshuar rregullat e Kuvendit.Rrugëtimi politik i zotit Trump nisi 13 muaj më parë dhe, gjatë kësaj periudhe, biznesmeni miliarder arriti të mundë 16 rivalë. Kjo përpjekje e tij u shoqërua shpesh me polemika brenda Partisë Republikane.Djali i tij më i madh Donald Trump Jr., njoftoi mbrëmë mbështetjen e Nju Jorkut, gjatë një numërimi zë për zë të votave në Kuvend dhe kjo i siguroi zotit Trump shumicën e duhur për t’u bërë kandidati që do të përballet më 8 nëntor me kandidaten e pritshme demokrate Hillary Clinton për Shtëpinë e Bardhë.“Urime baba. Ne të duam,” tha Donald Trump Jr., duke shpallur votën e Nju Jorkut.

Rivalja demokrate e kandidatit Trump, Hillary Clinton, reagoi menjëherë në Twitter. Ajo shkroi: “Donald Trump sapo është bërë i emëruari i Partisë Republikane. Ndihmoni tani që ai kurrë të mos hyjë në Shtëpinë e Bardhë”.

Zoti Trump fitoi gjithsej 1,725 delegatë, i ndjekur nga senatori Ted Cruz i Teksasit me 475. Guvernatori i Ohajos John Kasich mori 120 vota, ndërsa senatori i Floridës, Marco Rubio 114.

Filed Under: Komente Tagged With: merr zyrtarisht .emërimin republikan, Trump

MARKO KEPI, SHQIPTARI QË U KËRKOI NDJESË AMERIKANËVE, KUR RAMA SULMOI TRUMP

April 20, 2016 by dgreca

Nga Kozeta Turishta, Staten Island/

U mbyll të dielën fushata për zgjedhjet e datës 19 prill, dhe pasdite, e vetmja femër kandidate për Presidente e Shteteve të Bashkuara të Amerikës, Hillary Clinton, mbajti tubimin e saj të fundit para zgjedhjeve primare që do zhvillohen këtë të martë në gjithë shtetin e Nju-Jorkut.

Hillary kërkoi votën para elektoratit të saj mbeshtetës, ajo ju drejtua sidomos femrave duke ju thirrje që më shumë se kurrë të dëshmojnë fuqizimin e gruas në politikë e më gjerë.

“Unë do bëj më të mirën për ju për vëndin e për të gjithë që duan një jetë më të denjë, do jem në shërbimin e gjithë popullit tim,”- tha ajo.

Organizimi u mbajt në State Island, në Qendrën e Madhe të Kopështit Botanik, ku pjesëmarrja ishte e gjerë nga qytetarët e Nju Jorkut, të cilët kishin ardhur për të mbeshtetur kandidatën e tyre të preferuar për Shtëpinë e Bardhë znj. Clinton.

Po të dielën, gjatë paradites në State Island ishte dhe tubimi I kandidatit republikan për president Donald Trump përball elektoratit të tij, ku pjesëmarrja ishte shumë e madhe duke dëshmuar dhe votën e tyre për Trump me 19 prill në zgjedhjet primare.

Gjatë takimit të Trump mund të shihje dhe shqiptarë, por ai që është zyrtar dhe i njohur si shqiptari fanatik i Donald Trump, është një djalë i ri në moshë Marko Kepi, një emër i njohur për komunitetin shqiptar të Nju-Jorkut, për organizatën që ai drejton “Rrenjët Shqiptare” .

Ai e ndjek Trump kudo pa munguar në asnjë takim të tij. Sëfundmi, pasi kryeminstri Rama sulmoi Trump, Kepi u shpreh: “U kërkoj falje miqve të mij amerikanë, për cfarë kryemnistri socialist shqiptar Edi Rama, tha kundër Presidentit tonë të ardhshëm, Donald Trump. “

Me 19 prilli, Nju-Jorku, do jetë në heshtje zgjedhore ku do votohet për kandidatet e mbetur ne garë demokratët përballë republikanëve, një garë në fakt që konsiderohet e vështirë në këto zgjedhje presidenciale./dritare.

Filed Under: Komunitet Tagged With: Kozeta Turishta, KUR, MARKO, RAMA SULMOI, SHQIPTARI QË U KËRKOI NDJESË AMERIKANËVE, Trump

Trump, Clinton pritet të fitojnë në Nju Jork

April 17, 2016 by dgreca

Senatori Cruz siguroi dje 14 delegatë të tjerë pas fitores në zgjedhjet paraprake të shtetit Uajoming, duke e ngushtuar diferencën me pretendentin kryesor republikan, Donald Trump. Rivalët në zgjedhjet presidenciale kanë një sprovë të rëndësishme të martën kur zhvillohen zgjedhjet paraprake në shtetin e Nju Jorkut.Sipas anketave Donald Trump pritet të fitojë në garën republikane, ndërsa Hillary Clinton ndër demokratët: Donald Trump pret të fitojë të martën në shtetin ku ai jeton.

Por Trump ka hedhur kritika të ashpra ndaj udhëheqjes së partisë republikane, duke shprehur pakënaqësinë që rivali i tij Ted Cruz po merr mbështetjen e disa delegatëve të pavendosur në shtetet e tjera.

“Ata nuk flasin aspak për faktin që unë jam miliona vota përpara. Ata flasin vetëm për numrin e delegatëve. Unë jam qindra delegatë përpara. Por sistemi është i manipuluar, i neveritshëm dhe i padrejtë”.

Senatori Cruz thotë se Trump është duke u ankuar dhe po përpiqet të frikësojë partinë dhe delegatët.

“Emërimi i Donald Trump-it do të ishte një gabim i madh.  Në qoftë se Donald Trump merr emërimin e partisë, Hillary Clinton do të fitonte ndaj tij me një avantazh mbi 10%”.

Senatori Cruz dhe guvernatori i Ohajos John Kasich janë mbrapa zotit Trump në Nju Jork. Guvernatori John Kasich thotë si ai është e vetmja  alternativë optimiste.

“Disa kandidatë ushqehen nga frika dhe zemërimi që ndjenë disa prej nesh dhe e shfrytëzojnë këtë për të ushqyer dëshirat e tyre për famë apo vëmendje. Kjo mund të dëmtojë Amerikën e jo ta rikthejë madhështinë e saj”.

Kryesuesja e garës në partinë demokrate, Hillary Clinton është favorite ndaj rivalit të saj Bernie Sanders në zgjedhjet paraprake të Nju Jorkut.

Clinton ka një epërsi mbi 10% në shumicën e sondazheve dhe duket se do t’i shkaktojë një humbje të madhe në Nju Jork rivalit të saj Bernie Sanders.

“Kam vënë re se në Nju Jork senatori Sanders ka patur probleme në përgjigjen e pyetjeve në lidhje me çështjen e tij kryesore, pra ato që kanë të bëjnë me bankat”.

Por Sanders vazhdon të tërheqë turma të mëdha si kjo në Manhatan dhe shpreson që të martën të ngushtojë hendekun me zonjën Clinton.

“Ne kemi fituar shtatë nga tetë zgjedhjet e fundit paraprake. Dhe një turmë e pabesueshme si kjo më bënë që unë të besoj se ne do të fitojmë këtu në Nju Jork të martën e ardhshme”.

Analisti Tom DeFrank i tha Zërit të Amerikës se gara e demokratëve në Nju Jork është intensifikuar.

“Gara po bëhet gjithnjë e më agresive, jo vetëm në anën e republikanëve, por edhe në anën e demokratëve, ku dy pretendentët, Hillary Clinton dhe Bernie Sanders, po hedhin akuza absurde ndaj njëri-tjetrit për mungesë kualifikimesh për të qenë president”.

Dy kandidatët demokratë kanë lidhje të forta me Nju Jorkun. Sanders është rritur në Brooklyn ndërsa Clinton ka përfaqësuar Nju Jorkun në Senat.(VOA)

Filed Under: Komente Tagged With: Clinton pritet të fitojnë, ne Nju Jork, Trump

  • « Previous Page
  • 1
  • …
  • 5
  • 6
  • 7
  • 8
  • Next Page »

Artikujt e fundit

  • NË VEND TË NJË KARTOLINE, SOT NË DITËLINDJEN E TIJ
  • ASOCIACIONI I PROPOZUAR E SHNDËRRON KOSOVËN NË FUÇI BARUTI 
  • GJASHTË KUSHTET E KRYEMINISTRIT KURTI JANË TË ARSYESHME
  • VACE ZELA ( 7 prill 1939 – 6 SHKURT 2014)
  • NJË BIBLIOTEKË PËR QYTETIN E ALFABETIT SHQIP
  • Hapja e shkollave të para shqipe në vitet 1941 – 1944, ngjarje e rëndësishme, kyçe në historinë e Kosovës
  • Ekspozita “Gjergj Kastrioti Skënderbeu-kalorësi i lirisë së shqiptarëve”
  • TECHNOLOGY REVIEW (1981) / ÇFARË ËSHTË NJË FOTOGRAFI? — PËRGJIGJJA E FOTOGRAFIT SHQIPTAR ME FAMË BOTËRORE GJON MILI DHE NJË KOMENT PËR LIBRIN E TIJ “FOTOGRAFI DHE KUJTIME”
  • Rreth rëndësisë së përkthimit në gjuhën angleze të librit “Koja në rrjedhën e kohëve” të autorit Fran Gjeloshaj
  • Kryeministri Kurti priti në takim ambasadorët e akredituar në Kosovë
  • THE SIX CONDITIONS OF PRIME MINISTER KURTI ARE REASONABLE
  • Momenti që drejtësia në Shqipëri që të tregojë se sa është e pavarur
  • MISIONI I VATRAVE SHQIPTARE NË SHBA. NË VEND TË NJË URIMI…
  • Pentagoni godet dhe rrëzon balonën ‘spiune’ kineze. Po tani ?
  • Tërmeti në Turqi, Vatra shpreh solidaritet dhe lutet për viktimat e të plagosurit

Kategoritë

Arkiv

Tags

alfons Grishaj Anton Cefa arben llalla asllan Bushati Astrit Lulushi Aurenc Bebja Behlul Jashari Beqir Sina dalip greca Elida Buçpapaj Elmi Berisha Enver Bytyci Ermira Babamusta Eugjen Merlika Fahri Xharra Frank shkreli Fritz radovani Gezim Llojdia Hazir Mehmeti Ilir Levonja Interviste Keze Kozeta Zylo Kolec Traboini kosova Kosove Marjana Bulku Murat Gecaj nderroi jete ne Kosove Nene Tereza presidenti Nishani Rafaela Prifti Rafael Floqi Raimonda Moisiu Ramiz Lushaj reshat kripa Sadik Elshani SHBA Shefqet Kercelli shqiperia shqiptaret Sokol Paja Thaci Vatra Visar Zhiti

Log in

This website uses cookies to improve your experience. We'll assume you're ok with this, but you can opt-out if you wish. Cookie settingsACCEPT
Privacy & Cookies Policy

Privacy Overview

This website uses cookies to improve your experience while you navigate through the website. Out of these cookies, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may have an effect on your browsing experience.
Necessary
Always Enabled
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Non-necessary
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
SAVE & ACCEPT