Misioni i USAID-it në Shqipëri fton të gjitha organizatat, shqiptare dhe të huaja, me interes për zhvillimin e turizmit, të ndjekin konferencën për shpalljen e Thirrjes Vjetore për Aplikime (Annual Program Statement – APS), lidhur me një Mundësi të re Financimi, proces me bazë konkurruese. Për më shumë informacion mbi Thirrjen për dorëzimin e Projekt-Ideve (concept paper), ju lutem vizitoni linkun: www.grants.gov dhe kërkoni “Tourism as a Leading Edge” (turizmi si potencial zhvillimi); më pas klikoni mbi “Full Announcement” (njoftimi i plotë) për të shkarkuar dokumentin APS. Ne kemi përgatitur dhe një Amendament (ndryshim) për APS-në, ku i jemi përgjigjur të gjitha pyetjeve që kemi marrë deri tani, dhe inkurajojmë pjesëmarrësit të lexojnë me kujdes APS-në dhe Amendamentin, përpara se të ndjekin konferencën. Konferenca do të zhvillohet në Tiranë, datë 20 nëntor 2015. në dy seanca. Seanca e parë do të zhvillohet vetëm në anglisht, ora 9:00-11:30, në mjediset e ICITAP (përballë hyrjes kryesore të Ambasadës Amerikane). Seanca e dytë do të zhvillohet në shqip dhe në anglisht, ora 13:30-16:00, në Qendrën ProTIK, Rruga “Papa Gjon Pali II”. Organizatat e interesuara duhet të regjistrohen paraprakisht, dhe nga një organizatë duhet të marrin pjesë jo më shumë se dy persona. Ju lutemi regjistrohuni duke dërguar emrin e organizatës suaj, emrin/emrat e pjesëmarrësve, emailin dhe numrin e telefonit në: APSAlbania@usaid.gov deri në datën 18 nëntor.