• Home
  • Politics
  • Opinion
  • Culture
  • Sports
  • Economy
  • Interview
  • Reporting
  • Community
  • Vatra

Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Vetëmbrojtja është ligji më i vjetër i natyrës, edhe në Shqipëri

October 29, 2018 by dgreca

KostandinasNga Aurel Dasareti, USA/*

Është e domosdoshme që edhe në trojet e arbrit të sundojë Ligji, i njëjtë për të gjithë, askush para ligjit.

Në vend që të qaje nëna e ndonjë polici të ndershëm, që vetëmbrohet nga plumbat e kriminelit gjatë kryerjes së detyrës (Operacionit të mbrojtjes së Rendit dhe Sigurisë së Shoqërisë), le të qaje nëna që e ka lindë terroristin (vrasësin në tentativë), kushdo qoftë ai. Rruga e mbarë i qoftë. Për në skëterrë.

***

Papushtet(dhunë, forcë) prapa drejtësisë shoqëria mund të zhvillohet në anarki, por në anën tjetër, pa drejtësi prapa pushtetit, mund të zhvillohet në një shtet policor.

Kjo që thash (fjalia e mësipërme)është e përshtatshme për të përshkruar pse është e nevojshme qasja në përdorimin e fuqisë fizike (dhunës)dhe pse duhet të kemi rregulla për ushtrimin e pushtetit.

Shteti duhet të ofrojë shërbimin policor që i nevojitet shoqërisë dhe vendit. Dispozita (pjesë e një norme juridike që përmban një rregull të caktuar të sjelljes)përcakton parimin e monopolit të përdorimit të dhunës nga ana e policisë dhe rolin e policisë si aparat pushteti i shoqërisë civile. Për kryerjen e detyrave, policisë i caktohet një numër i madh autorizimesh dhe mjeteve të përshtatshme efektive.

Bazuar në këto, policia mund të vendosë urdhërime dhe ndalime ndaj qytetarëve, si dhe të ndërhyjë në gjykimin e tyre. Fuqia fizike (përdorimi forcës)është një nga mjetet që policisë i është shtuar në këtë rol. Një mundësi për të zbatuar urdhrat publike me forcë është një parakusht për të qenë në gjendje të kontrollojë dhe zbatojë Ligjin dhe Rendin. Ky mund të jetë një instrument i fortë dhe ndërhyrës, njëherësh duke lejuar policinë (e aftëson) të mbrojë qytetarët.

Autorizimet e policisë për të përdorur fuqinë fizike (dhunën)janë pra të justifikuara (arsyetuara)me konsideratën për interesat themelore të shoqërive. Për të legjitimuar këto autorizime, është i rëndësishëm besimi në zyrtarët (nëpunësit)e policisë. Besimi i qytetarëve është gjithashtu një parakusht për policinë që të kryejë detyrat e tyre në një mënyrë të mirë (ligjore).Nëse forcat policore veprojnë jashtë autorizimit apo i keqpërdorin ato, kjo mund të dëmtojë marrëdhëniet midis qytetarëve dhe policisë. Në të njëjtën kohë, qytetarët presin veprime nga policia. Prandaj, kjo do të ishte e dëmshme për qytetarët nëse policia nuk ushtron kompetencat e tyre pasi ata kanë qasje. Kjo, pra, mund të dëmtojë besimin e qytetarëve, nëse policia nuk i shfrytëzon autorizimet e tyre në të cilat kanë qasje.

***

Në një shtet ligjor, autoritetet e policisë janë të autorizuar për të zbatuar (kryer)vendimet qeveritare me anë të përdorimit të forcës (domethënë, edhe armëve aty ku është e domosdoshme, shumë e nevojshme, e pashmangshme).

Në një shtet ligjor, në parim, shteti është ai që ka të drejtën ekskluzive për ushtrimin e autoritetit policor, shpesh të referuar si “Monopoli i policisë së shtetit”ose “Monopoli i dhunës”. Një zyrtar shtetëror mund të ushtrojë autoritet policor nëse ai/ajo ka një pozicion të caktuar për një autoritet të tillë, eventualisht nëse atij personi i caktohet një autoritet i tillë.

Autoritet:E drejta për të ushtruar një pushtet, forca detyruese për t’iu bindur dikujt a diçkaje: Autoriteti i ligjit. Kryes. Përfaqësuesit kryesorë të pushtetit të një vendi: Autoritetet e larta (ushtarake) etj. 

***

Është e domosdoshme që edhe në trojet e arbrit të sundojë Ligji, i njëjtë për të gjithë, askush para ligjit.

Respekti për Ligjin është kërkesa e parë në disiplinën ku një person mund të edukohet dhe rritet në nivelet e duhura morale, intelektuale, emocionale, atdhetare…

***

KRONIKE-Plumba në kokë dhe në gjoks, detaje nga vrasja e ekstremistit grek në Dropull-

Policia e Shtetit dhe Forcat RENEA kanë njoftuar se 35-vjeçari, Kostandinos Kaçifa, që hapi zjarr ndaj tyre ka mbetur i vrarë në Bularat të Gjirokastrës.

Mësohet se kanë qenë dy goditje vdekjeprurëse që Kaçifa ka marrë, një në gjoks dhe një në kokë. Që prej paradites së sotme fshati Bularat i Gjirokastrës u ‘blindua’ nga policia, pasi kjo e fundit u vu në ndjekje të një 35-vjeçari grek që hapi zjarr ndaj mjetit të bluve. Gjithçka nisi rreth orës rreth 10:00, kur Kaçifa nisi të quante me armë zjarri në ajër, duke shkaktuar panik tek banorët e zonës, të cilët ishin mbledhur në qendër për të festuar festën e Greqisë, e cila si çdo vit po organizohej edhe në këtë fshat.

Menjëherë në drejtim të vendit nga vinin të shtënat kanë shkuar shërbimet e Policisë të cilat ishin të dislokuara në qendër të fshatit pasi do zhvillohej aktivitet me rastin e festës së Greqisë. Burime zyrtare nga policia bënë me dije se shtetasi Kostandinos Kaçifa pasi ka parë shërbimet e policisë që po afroheshin në drejtim të tij ka hapur zjarr me breshëri ndaj punonjësve të policisë duke rrezikuar jetën e tyre.

Fatmirësisht nga të shtënat nuk pati punonjës policie të plagosur, por vetëm është thyer xhami i mjetit të tyre. Policia menjëherë ka rrethuar zonën ku përsëri i riu ka hapur zjarr në drejtim të punonjësve të policisë që po e ndiqnin.

Kaçifa u fut në thellësi të fshatit ku forcat “Shqiponja” dhe shërbimet e tjera të Drejtorisë Vendore të Policisë vijuan krehjen e zonës për të bërë të mundur kapjen e tij. Në ndihmë të shërbimeve të Policisë së DVP Gjirokastër shkuan forcat speciale Renea, aksion ky që përfundoi me vrasjen e 35-vjeçarit.

Autori ishte fshehur pranë depos së ujit në Bularat, ndërkohë që mes tij dhe policisë ka pasur shkëmbim zjarri. Po ashtu 35-vjeçari qëlloi herë pas here ndaj policisë pasi kur u largua nga vendi i ngjarjes kishte edhe tre karikatore me vete, ndërsa me pas u vra nga policia, duke marrë dy plagë, në gjoks e në kokë.

Filed Under: Kronike Tagged With: Aurel Dasareti, Vetembrojtja

Artikujt e fundit

  • DREJTËSIA DHE PASTËRTIA E LUFTËS SË UÇK-së
  • TË PIKTUROSH ATË QË NDJEN…
  • JO NDARJE, ASOCIACION, EKSTRATERRITORIALITET-JO SHAMIJA, JO PËRÇARJE DHE PIKË
  • Presidentja Osmani ia dorëzoi “Urdhrin Hero i Kosovës”, familjes së heroit Sali Çekaj
  • #SiSot ndërroi jetë veprimtari i Rilindjes Kombëtare dhe Mësuesi i Popullit Petro Nini Luarasi
  • Koha e Gjenive: Lord Byron dhe Bonaparti
  • Napoleon-i dhe trojet shqiptare… mbi dy shekuj pas vdekjes së tij
  • KOSOVA DHE SERBIA RINISIN DIALOGUN NË NIVEL TË LARTË NË BRUKSEL
  • Kosova pret “Defender Europe 23”
  • E KEQJA VJEN CDO DITE NGA PAK…
  • KALLUSHI, RUGOVA DHE XHEMA…
  • Rikthimi i grekoproblemit në Himarë për shkak të korrupsionit shqiptar
  • LEONARD NEWMARK OBITUARY
  • U mbajt Akademi përkujtimore dhe promovimi i librit FRROK GOJANI PEDAGOG DHE MISIONAR I DENJË I SHKOLLËS SHQIPE
  • V I K T O R G J I K A…

Kategoritë

Arkiv

Tags

albano kolonjari Albin Kurti alfons Grishaj Anton Cefa arben llalla Astrit Lulushi Aurenc Bebja Behlul Jashari Beqir Sina dalip greca Elida Buçpapaj Enver Bytyci Ermira Babamusta Eugjen Merlika Fadil Lushi Fahri Xharra Frank shkreli Fritz radovani Gezim Llojdia Hazir Mehmeti Ilir Levonja Interviste Kolec Traboini kosova Kosove Marjana Bulku Murat Gecaj nderroi jete ne Kosove Nene Tereza presidenti Nishani Rafaela Prifti Rafael Floqi Raimonda Moisiu Ramiz Lushaj reshat kripa Sadik Elshani SHBA Shefqet Kercelli shqiperia shqiptaret Sokol Paja Thaci Vatra Visar Zhiti

Log in

This website uses cookies to improve your experience. We'll assume you're ok with this, but you can opt-out if you wish. Cookie settingsACCEPT
Privacy & Cookies Policy

Privacy Overview

This website uses cookies to improve your experience while you navigate through the website. Out of these cookies, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may have an effect on your browsing experience.
Necessary
Always Enabled
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Non-necessary
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
SAVE & ACCEPT