Vetingu – Dielli

VETINGU NE LEGJISLATIV DHE EKZEKUTIV, DETYRIM KUSHTETUES

January 28, 2019 by dgreca

Unioni i Juristeve te Pavarur te Shqipërisë: VETINGU ne Pushtetin Legjislativ dhe Ekzekutiv një detyrim kushtetues dhe emergjence kombëtare ne Republikën e Shqipërisë/

Unioni i Juristeve te Pavarur te Shqipërisë është bashkimi i juristeve te pavarur jashtë partive politike dhe pa asnjë ndikim politik, veprimtaria e te cilit mbështet ne aktet ndërkombëtare, evropiane dhe përvojën me te mire te vendeve te përparuara me demokraci dhe shtet te se drejtës te konsoliduar me fokus veprimtarie:

Mbrojtjen e Lirive dhe te Drejtave te Njeriut.
Pavarësinë e Pushtetit Gjyqësor.
Luftën kundër korrupsionit dhe abuzimit me pushtetin.
Mbrojtjen e te Drejtave Sociale Themelore te Individëve, te Komunitetit dhe Grupeve Sociale.
Konsolidimin e Shtetit te se Drejtës.

UJPSH e pakënaqur me gjendjen e demokracisë, shtetit te se drejtës dhe lirive e te drejtave themelore te njeriut ne vitin 2014 propozoi për here te pare dhe publikisht nevojën urgjente për reforma te thella ligjore dhe kushtetuese. Ne dokumentin propozues publikut dhe institucioneve vendore por dhe përfaqësive diplomatike te Republikës Gjermane, te Republikës Franceze, ne Shqipëri etj., kemi propozuar nder te tjera ne atë dokument se:

Duhet garantuar praktikisht barazia e çdo qytetari para ligjit, detyrimin e çdo zyrtari te çdo pushteti për te qene ne te njëjtat kushte te barabarta ligjore për llogaridhënie përpara ligjit dhe qytetareve.
Ne mendojmë se aq kane akses apo kompetence ne zgjedhjen apo emërimin e deputeteve apo ministrave, gjyqtaret dhe prokuroret, aq këta te fundit te kenë kompetence apo akses ne emërimin e gjyqtareve te gjitha niveleve.
Ka ardhur momenti qe çdo gjyqtar, prokuror dhe zyrtar duhet te deklaroje pasurinë e tij, burimin e saj dhe se duhet ngritur një organ i posaçëm për hetimin e integritetit dhe pasurisë se zyrtareve dhe se zyrtaret e korruptuar, me integritet te ulet dhe me pasuri te pajustifikuar duhen te pushohen nga puna dhe pasuria e pajustifikuar duhet konfiskuar ne favor te shtetit.

Për shkak te një presioni te madh vendas dhe sidomos te vendeve perëndimore me demokraci te konsoliduar u miratua reforma ne drejtësi ne vendin tone u miratuan ligjet për reformim te pushteti gjyqësor dhe aktualisht po zbatohen ligjet e kësaj reforme nga te cilat po hetohen administrativisht nga organi i posaçëm integriteti profesional dhe moral dhe pasuria e gjyqtareve dhe prokuroreve te Republikës se Shqipërisë dhe një numër jo i vogël po largohen nga puna si gjyqtare apo prokurore.

Ne si UJPSH duke qene te qarte ne parimet qe burojnë nga aktet ndërkombëtare, evropiane, kushtetuta dhe legjislacioni vendas ne mënyrë te bazuar e themi pa asnjë mëdyshje se:

Vetingu i zyrtareve te larte te pushteteve te tjera jo gjyqësore, është një detyrim kushtetues dhe një emergjence kombëtare.

Vetingu tek zyrtaret e larte te Ekzekutivit dhe Legjislativit një detyrim kushtetues!

Aktualisht ne Shqipëri po behet vetingu vetëm ne pushtetin gjyqësor. Pra gjyqtaret dhe prokuroret po diskriminohen, haptazi ne kundërshtim me garancitë qe jep kushtetuta e Republikës se Shqipërisë, Konventa Evropiane për te Drejtat e Njeriut dhe Aktet Ndërkombëtare kundër diskriminimit, nëse nuk behet me te njëjtat kushte barazie ligjore edhe për zyrtaret e tjerë. Individët gjyqtare dhe prokurore po i nënshtrohen diskriminimit njerëzor dhe profesional dhe një kuptim me te zgjeruar po diskriminohet pushteti gjyqësor krahas pushteteve te tjera. E drejta për mos diskriminimin e askujt është e garantuar. Kështu nenin 18 i Kushtetues se Shqipërisë parashikon:

Te gjithë janë te barabarte para ligjit.
Askush nuk mund te diskriminohet padrejtësisht për shkaqe te tilla si; gjendja ekonomike, pasurore, arsimore dhe profesionale etj. etj.

Po ashtu KEDNJ-ne nenin 14 te saj, Aktet Ndërkombëtare si DUDNJ-ne nenin 7 te saj dhe Konventa mbi mos diskriminimin e punësimit apo profesionit garantojnë te drejtën për mos diskriminim njerëzor dhe profesional. Gjithashtu ne Republikën e Shqipërisë është ne fuqi ligji nr.10221 dt.04.02.2010 “Për Mbrojtjen nga Diskriminimi”. Sipas këtij ligji dhe ne interpretim te tij gjyqtaret dhe prokuroret po i nënshtrohet diskriminimit te drejtpërdrejtë dhe se çdokush qe diskriminohet gëzon mbrojtje ligjore madje sipas këtij ligji çdo organizate legjitime mund t’i drejtohet Gjykatës Kompetente për ndalimin e menjëhershëm te diskriminimit. Sipas këtij ligji çdo organizate legjitime, dhe për te drejtat e njeriut mund t’i drejtohet gjykatës kompetente dhe te kërkojë pezullimin e ligjit nr.84/2016 “Për vlerësimin kalimtar te gjyqtareve dhe prokuroreve ne Republikën e Shqipërisë” deri ne miratimin e një ligji te ngjashëm për zyrtaret e ekzekutivit dhe legjislativit përjashtuar objektin e vlerësimit profesional, pasi te drejtës për tu zgjedhur dhe emëruar e gëzojnë shtetasit qe ne moshën 18 vjeç dhe për shkaqe te tjera, pra duke përjashtuar komponentin profesional por jo atë te figurës morale dhe pasurisë.

Gjithashtu nga interpretimi i ligjit përkatësisht te kompetencave te Organeve te Vetingut dhe Organeve Përkatëse qe do te dalin nga zbatimi i reformës ne drejtësi qëndrimet publike te çdokujt se vetingun e zyrtareve te larte do ti bëjnë Organet e Reja te Drejtësisë, UJPSH e konsideron si te pabazuar dhe manipulativ. KPK është një organ i posaçëm qe po heton administrativisht dhe shkarkon ose jo gjyqtaret dhe prokuroret pra një organ me karakter administrativ dhe aspak gjyqësor qe po i nënshtrohen te gjithë anëtaret e pushtetit gjyqësor pa përjashtim. Krejt te tjera janë, kompetencat e organeve te reja si Prokuroria Speciale apo Gjykata Speciale, janë organe me karakter hetimi dhe gjykimi penal dhe askush nuk mund te hetohet (siç po ndodh nga KPK) jashtë procesit penal, pra për persona për te cilët dyshohet se kane kryer një vepër penale ndërsa para KPK kane detyrim te paraqiten gjithë pa asnjë përjashtim vetëm për integritetin profesional, moral dhe pasurinë anëtarët e pushtetit gjyqësor, te cilët shume pak prej tyre po kalojnë për hetim penal.

Pra është e qarte nga kompetencat substanciale dhe ligjore se KPK është një organ i posaçëm administrativ para te cilit paraqiten te gjithë, pa asnjë përjashtim. Sa kemi argumentuar me lart dhe me bazueshmëri te plote pra pa asnjë ekuivok del qarte se: Vetingu i zyrtareve te pushtetit legjislative e ekzekutiv është një detyrim kushtetues për një trajtim te barabarte te pushteteve dhe te çdo individi kjo e garantuar, dhe nëse nuk behet jemi përpara një diskriminimi te drejtpërdrejtë, kjo e ndaluar rreptësishtë si shkelje e Lirive dhe te Drejtave Themelore te Njeriut.

Dhe pse është një emergjence kombëtare për vendin tone?

Po ndërsa ne pushtetin gjyqësor ka filluar largimi i individëve te korruptuar krejt e kundërta po ndodh ne pushtetin legjislativ dhe ekzekutiv. Ne pushtetin legjislativ dhe ekzekutiv jo vetëm qe nuk po largohen individë te korruptuar por përkundrazi ata mbështesin njeri-tjetrin madje ne majat e pushtetit legjislativ dhe ekzekutiv janë përforcuar individë: me pasuri te pajustifikuar marramendëse me burim korrupsionin dhe grabitjen legale te pasurisë publike dhe madje dhe te taksave te mbledhura shteterisht, me integritet te ulet moral dhe deri me rekorde kriminale afatgjata qe nëpërmjet pushtetit dhe bandave kriminale, ushtrojnë presion te gjithanshëm ndaj qytetareve dhe organizatave te shoqërisë civile etj., dhe nga ana tjetër reklamojnë para qytetareve vendas dhe vendeve mike te vendit tone se po bëjnë reformën ne drejtësi dhe se organet e reja te drejtësisë do te bëjnë dhe hetimin te zyrtareve te larte, dhe se nuk ka nevoje për veting tek pushteti ekzekutiv e legjislativ.

Sa me sipër ne mënyrë plotësisht te bazuar për një trajtim te barabarte te individëve dhe pushteteve pa asnjë diskriminim dhe për një përmirësim urgjent te gjendjes se përkeqësuar te institucioneve te vendit, te sistemit politik ekonomik qe po shkatërron çdo dite e me shume ekuilibrin mes pushteteve, institucioneve dhe sidomos mbi gjendjen e përkeqësuar te Lirive dhe te Drejtave Themelore te Njeriut, UJPSH mendon se është momenti me delikat dhe urgjent për te ushtruar vetingun tek zyrtaret e larte si detyrim kushtetues dhe emergjence kombëtare ne Republikën e Shqipërisë.

Unioni i Juristeve te Pavarur te Shqipërisë

VETINGU-84 kandidatë për në komisionet e vetingut plotësuan kriteret

March 31, 2017 by dgreca

Ne Foto: Avokati i Popullit Totozani/

Avokati i Popullit i dorëzoi sot Operacionit Ndërkombëtar të Monitorimit listat me 84 kandidatë që plotësuan kriteret dhe 109 që nuk i përmbushën ato për t’u bërë pjesë e institucioneve të rivlerësimit kalimtar të gjyqtarëve dhe prokurorëve.

Avokati i Popullit, Igli Totozani, bëri sot të dtur se ekspertët e institucionit të tij, nën vëzhgimin e Operacionit Ndërkombëtar të Monitoritmit, përfunduan vlerësimin e dokumentave të gjithë kandidatëve, ndërkohë që në 27 mars u mbyll edhe afati i fazës së dytë.

Në këtë proces gjithsej ishin 193 kandidatë; 29 nga këta i plotësuan kriteret qysh në fazën e parë dhe ishin në listën A. Nga 164 kandidatët e mbetur në listën B, 61 nuk u paraqitën për në fazën e dytë.

Kështu, nga 103 kandidatët e mbetur në fazën e dytë, 55 i plotësuan kriteret dhe kaluan në listën A, duke iu bashkuar 29 kandidatëve fitues të fazës së parë. Ndërsa 48 të tjerë nuk i plotësuan kriteret as në fazën e dytë.

Pra, gjithsej, në fund të dy fazave, 84 kandidatë i plotësuan kriteret dhe 109 të tjerë jo.

“Kandidatët u bënë pjesë e një procesi historik për vendin tonë, për të çuar deri në fund reformën më jetike për shqiptarët, Reformën në Drejtësi” – tha zoti Totozani.

Ai i dorëzoi Operacionit Ndërkombëtar të Monitorimit listën me emrat e kandidatëve, të cilët i plotësuan kriteret ligjore dhe listën e kandidatëve, që nuk i kanë plotësuar ato.

Zoti Totozani vlerësoi përkushtimin në këtë proces të ekspertëve të institucionit, të cilët kontaktuan me 164 aplikantët, që nuk plotësuan kriteret gjatë fazës së parë.

“Kandidatët u vunë në dijeni në mënyrë të detajuar për dokumentacionin, që u mungonte dhe u asistuan gjatë gjithë kohës, për dorëzimin e dokumentacionit të duhur” – tha zoti Totozani.

Ai vlerësoi për ndihmën dhe mbështetjen ekspertët e ONM-së, të cilët “punuan me profesionalizëm dhe korrektesë të jashtëzakonshme, duke përmbyllur me sukses të plotë, këtë punë voluminoze dhe tejet të rëndësishme për të gjithë shqiptarët”.

Operacioni Ndërkombëtar i Monitorimit (ONM) përshëndeti përfundimin e punës me kandidatët nga Avokati i Popullit për krijimin e institucioneve të vetingut.

“ONM-ja vlerëson punën e komisionit të vlerësimit pranë Avokatit të Popullit si shumë të plotë, të saktë dhe profesionale. Shqyrtimi i certifikatave të paraqitura nga kandidatët për të plotësuar dosjet e aplikimit është kryer me kujdes, në përputhje me ligjin” – deklaroi ONM-ja.

ONM-ja lavdëron gjithashtu gatishmërinë e Avokatit të Popullit për të publikuar në kohë një listë të konsoliduar kandidatësh, që plotësojnë kriteret e kualifikimit për postet e ndryshme në institucionet e vetingut.

Vëzhguesit ndërkombëtarë të ONM-së do të nisin tani shqyrtimin e pavarur të gjithë dokumenteve të paraqitura. Pas përfundimit të këtij procesi, Avokatit të Popullit mund t’i paraqitet një vlerësim i përditësuar dhe i arsyetuar, si dhe rekomandime për t’ia transmetuar parlamentit në mënyrë konfidenciale.

ONM ka vazhduar përgatitjet për ardhjen e vëzhguesve ndërkombëtarë afatgjatë, që do t’u bashkëngjiten institucioneve të vetingut.

“Nisja e procesit të vetingut do të jetë me rëndësi historike për Shqipërinë. Qytetarët meritojnë një gjyqësor vërtet të pavarur, efikas, të përgjegjshëm dhe plotësisht profesional. Rivlerësimi i gjithë gjyqtarëve dhe prokurorëve është vendimtar për ta arritur këtë objektiv dhe do të nisë pa vonesa të mëtejshme”- thuhet në deklaratën e ONM-së.

ONM-ja po punon për të përfunduar rishikimin e gjithë dosjeve të aplikimeve të konsoliduara rishtas dhe për t’i mundësuar Kuvendit të fillojë me shqyrtimin e kandidatëve. Ndër kandidatët e publikuar eshte edhe avokati me banim e zyrë në Nju jork, Fatos Dervishi

VETINGU,LIGJI I DOSJEVE DHE AUTORITETI

December 23, 2016 by dgreca

Nga Lek Mirakaj

Me se fundi ajo qe pritesh,ose thene ndryshe detyra qe na ishte lene nga komuniteti nderkombetar ,u krye. Gjykata kushtetuese, e detyruar nga opinioni publik dhe presioni nderkombetar vendosi te beje harikiri, aprovoj ligjin mbi Vetingun. Lajm i mire qe duke i shtuar dhe aprovimin e autoritetit qe do administroje hapjen e dosjeve na bene te shpresojme se gjerat po levizin ne drejtimin e duhur. Duke i shtuar ketyre edhe lajmin per heqjen e dekoratave dhe titujve personave pergjegjes per krimet e diktatures dhe shpresen se shpejt mund ti hiqen dekoratat edhe Enverit me shoke na bene te shpresojme se ndoshta po fillon dekomunizimi i vertete?

Po le te perqendrohemi te aktiviteti qe e pret AUTORITETIN e hapjes se dosjeve. Le ti urojme ketij autoriteti qe te jete i sukseseshem ne detyren e veshtire dhe teper delikate. Nuk ka dyshim qe hapja e dosjeve eshte nje domosdoshmeri per te njohur dhe per tu ndare njehere e mire nga erresira dhe frika qe ngjallin dosjet e erreta te sigurimit. Le te analizojme dhe te shohim a i ploteson ky ligje kerkesat e shoqerise dhe vecanerisht te asaj pjese te popullit qe u persekutua ne menyren me te pa imagjinushme nga sigurimi, i cili ishte nje instrument dhune ne sherbim te Partise Punes. Mendoj se emertimi i ligjit duhesh te ishte me domethenes.

Ligjit i mungon cilesori dhe emertimi duhet te jete dosjet e “diktatures komuniste”. Ne prononcimin publik qe kryetarja e emeruar i dha Zerit te Amerikes mjaft detaje mbi ligjin ne fjale dhe percaktoj objektiva qe ajo mendon se duhet te arrihen me aplikimin e ligjit, objektiva te cilat sikur gjysma e tyre te realizohesh duhet konsideruar si sukses. Personalisht mendoj qe shumica e ish te persekutuarve politike, e konsiderojme kete ligj me te meta dhe qe mund te krijoje konfuzion. Arsyeja eshte se ketij ligji i mungon pjesa me e domosdoshme : lustracioni. Si duket hartuesit e ketij ligji ,ne vend qe te pakten ti demaskonin pjesmarresit ne krime kunder njerzimit, nuk po themi ti denonin ,mbasi ndoshta bie ne kundershtim me te “drejtat kushtetuese” ne formen e hartuar te ligjit kane krijuar permisat qe te vazhdoje persekutimi i ish te persekutuarve ne forma me perfide .

Ata na japin mundesine kur e shohin ata te aresyeshme ,qe ne te njihemi me dosjen tone. Duke qene se ne shumicen e rasteve vecanerisht ne denimet per agjitacion dhe propogande, njerzit jane denuar me deshmitare fallco ku ne shume raste as nuk njiheshin me njeri tjetrin. Tani ne kemi mundesine, gjithnje ne rastet kur nuk do jemi te penguar nga interesa apo influenca te fuqishme politike,te njohim denoncuesit e vertete. Deri ketu jemi dakord po duke qene se do fshihen te dhenat per persona te trete per deri sa ne nuk do dijme se me cfar mjetesh sigurimi i ka detyruar njerzit ,qe ndoshta jane shoket ose te afermit tane te na spiunojne. Ne na jepet e vetmja mundesi qe te ngaterrohemi me njeri tjetrin dhe operativi qe ka qene strumbullari i poshtersise te kaperdiset dhe te na thote: -e shikoni nuk ju kemi futur ne ne burgje, ju keni futur njeri tjetrin.

A ka gje me cinike dhe te poshter se ky veprim djallezor. Kjo lloj trasparence nuk sheron as plaget tona as lehteson ndergjegjet e vrara te atyre qe sigurimi i shtetit me mjetet me te felliqura i pati denutarilizuar. Hapja e gjithe dokumentave te fshehta te sigurimit do bente te mundur trasparencen. Nga kjo transparence dhe verifikim nuk duhet te perjashtohen as ata qe gjoja kane kaluar verifikimin e komisionit Mezini dhe Bezhani. Vite me pare kemi pasur nje ligje ne baze te cilit pati vepruar nje organ me emertimin Komisioni Mezini. Ne baze te atij ligji ishte e detyrushme per personat qe pretendonin per tu bere deputet dhe ata qe pretendonin per tu emeruar ne kategori perfaqesuese dhe vendim marrese marrja e certifikates se pastertise cka nenkuptonte se pretenduesit nuk kishin qene as pjestar dhe as bashkepuntore te fshehte te sigurimit. Ky komision fatkeqesisht deshtoj. Arsyeja e deshtimit nuk qe ligji ose puna e komisionerve qe nderhyrja e poltikes dhe verifikimi qe u apliku ne menyre selektive. Ne kete ceshtje kemi dy element: nje ligje te mire dhe nje deshtim te shkaktuar pikerisht nga autoret e ligjit.

Keto jane shenjat se politika e dy kraheve, qe ne nisje po perpiqet ti fuse shkopinj ne rrota punes se autoritetit. Fakti qe partite ,ne vend qe te kerkonin personat me te pershtatshem, per te qene pjese e autoritetit insistuan per te pasur perfaqesuesit e tyre ne perberjen e autoritetit. Kjo flet qarte per qellimin e tyre. Le te shpresojme se aprovimi i ligjit mbi VETINGUN do te shmang kete rrezik. E theksova ne fillim te shkrimit,se emertimi duhet te ishte Dosjet e Krimit Komunist dhe jo pa qellim. Dosjet per te cilat po behet tere kjo zhurme i perkasin nje kategorije qe mbas viteve pesedhjete realisht pothuaj e kishte humbur peshen ne politiken dhe ne jeten shoqerore. Ishe nje kategori tjeter ajo qe qendronte ne qender te problemeve dhe luftes per pushtet. Ishte lufta dhe intrigat e problemet qe mbarte anetarsija e Partise se Punes. Partia mburej, se te ashtuquajturat grupe armiqesore ishin zbuluar prej saj,cka nenkupton nje te vertete se denoncuesit, provokatoret dhe spijunet gjendeshin dhe vepronin brenda rradheve te partise.

Nga ketej natyrshem del kerkesa, qe krahas dosjeve te deklasuarve qe u persekutuan dhe u denatyralizuan duke bashkepunu me sigurimin ,te hapen dhe ti behen te njohura publikut edhe dosjet e komiteti qendror dhe proçes verbalet e mbledhjeve te organizatava baze te Partise se Punes. Po te hapen dhe ti behen te ditura publikut proçes verbalet e mbledhjeve dhe vendimeve qe merreshin ne keto mbledhje kriminale, do merret vesht edhe kush jane udheheqesit e rinj ndoshta edhe si u krijuan pasaniket e rinj. Ne fund te fundit dihet se njeriu i ri qe po na udheheq nga deshtimi ne deshtim dhe qe ka paturpesine deshtimin ta emertoje ,tranzicijon i zgjatur,nuk u kriju ne birucat e sigurimit ku vlonte dajaku po u krijua ne guzhinat e felliqura te Partise Punes.

Keto jane shqetesime qe jane te pranishme per sa kohe qe trupa qe do vere ne veprim VETINGUN te filloje nga puna. Me fillimin e VETINGUT te shpresojme se keto shqetesime nuk do ti kemi per shume kohe. Mbasi shpresojme se do kemi nje trupe gjykuse qe nuk do kete aresye ti behet pengese autoritetit. Shpresojme se politikanet do kene me shume hallin ti shmangen pergjegjesive per zullumet qe kane bere,se te merren me punen e autoritetit,keshtu qe duan apo nuk duan hartuesit e ligjit mbi hapjen e dosjeve,transparenca do behet. Dhe duan apo nuk duan politikanet dhe gjykatesit e prokuroret tane VETINGU do sjelle ne drejtimin e vendit njerez te rinj ,qe do i shmangen zullumeve dhe prapshtive qe karakterizojne klasen politike dhe trupen gjyqesore.

Reagimi i Ambasadës së SHBA për vendimin e Vetingut

December 22, 2016 by dgreca

Ambasada e SHBA në Tiranë mirëpret vendimin e Gjykatës Kushtetuese për ligjin e vetingut.I bëjmë thirrje të gjitha partive politike të respektojnë vendimin e Gjykatës. Gjithashtu, nxisim udhëheqësit shqiptarë të punojnë me shpejtësi për të zbatuar të gjitha reformat historike të sistemit të drejtësisë në Shqipëri.Një reformë kuptimplotë që i largon gjykatësit dhe prokurorët e korruptuar nga sistemi gjyqësor gëzon mbështetjen e publikut të gjerë dhe është një prioritet kryesor i Shteteve të Bashkuara në Shqipëri.

DEBATI-Berisha: Jo emërime nga ndërkombëtarët; Xhafaj: Roli i tyre procedurial

July 14, 2016 by dgreca

Ish-kryeministri Berisha, duke folur për reformën në drejtësi në seancën e sotme plenare, akuzoi kryeministrin Rama se përjashtoi opozitën nga procesi.

“Fjala konsensus nuk ekziston për Edi Ramën, që udhëhiqet nga urrejtja më e madhe njerëzore, që celebronte fitoren me 1 milion grushta ndaj opozitës. Mbi këtë bazë Rama ngriti të famshmin komision të ekspertëve të nivelit të lartë”, ka thënë Berisha.
Sipas tij, këta ekspertë ishin njerëz të afërt me kryeministrin dhe figura politike të lidhura me krimin. “Po kush ishin këta ekspertë me në krye kryetarin e partisë komuniste të drejtësisë, mbrojtësin e klaneve të trafikut, Fatmir Xhafaj? Cilët ishin këta ekspertë?”, është shprehur Berisha, i cili ka renditur ekspertët në fjalë.
“Arben Rakipi, njeriu që akuzoi Sali Berishën, që ka poshtëruar institutin e akuzës sepse paraqiti si provë një shishe “Pepsi-Cola”. Ky ishte eksperti i nivelit të lartë. Tjetri ishte Kristaq Kraja, një njeri i shpërfytyruar nga bixhozi dhe rakia”, ka thënë Berisha.
Por sipas tij, ajo që bëri ky grup është edhe më keq. “Pasi mori një valixhe me para, ky grup hartoi një projekt me 70 nene kushtetuese në të cilat u garantua: më i vjetri i gjykatës së lartë do të emërohej në forumin e kontrollit të drejtësisë me 6 milionë lekë rrogë. Opozita shqyrtoi materialin dhe ia dërgoi Venecias, komisioni që kryetari i partisë komuniste të drejtësisë e bllokoi për 1 muaj. E bëri këtë sepse Venecia ua nxorri se çfarë drejtësie donin, që Rama të ishte kryeprokuror dhe gjykatës. Venecia ua rrëzoi variantin këtyre në 88 nene. Në 6 nene, u tha Venecia, ju shkelni konventat e të drejtave të njeriut”, ka thënë Berisha.
Më tej, ai ka sqaruar edhe pozicionin e PD në këtë proces. “Jemi për një rol të rëndësishëm të ndërkombëtarëve në procesin e vetingut, por emërimin e gjykatësve nga ndërkombëtarët nuk e pranojmë. Nuk mund t’i japësh sovranitetin ndërkombëtarëve”, ka sqaruar Berisha.
Ish-kryeministri është shprehur se propozimi i fundit i opozitës, që lejon vetingun por përjashton ndërkombëtarët nga ky proces, në gjykimin e tij është “i shkëlqyer”. “Propozimi i ri i opozitës është i shkëlqyer, por i negociueshëm”, ka thënë ai.

Xhafaj: Ndërkombëtarët, rol procedurial. Opozita, frikë nga reforma

Duke iu përgjigjur akuzave të ish-kryeministrit Berisha, kryetari i komisionit të posaçëm të reformës në drejtësi, Fatmir Xhafaj ka mbrojtur punën e ekspertëve të nivelit të lartë.
“Jam i nderuar që kam punuar me grupin e ekspertëve. Por nuk jam vetëm unë i nderuar, është edhe Komisioni i Venecias, edhe partnerët ndërkombëtarë. Ju harroni që ata ekspertë janë profesorë në këtë vend, që përgatisin brezat e ardhshëm të juristëve. Komisioni i Venecias i përgëzon anëtarët e komisionit ad hoc për punën në reformimin e gjyqësorit. Nuk ka vlerë ç’thotë Berisha, vlerë ka ç’thotë KV”, ka thënë Xhafaj.
Sipas tij, veç kësaj “Komisioni i Venecias beson se projekt ndryshimet mund të finalizohen pa vonesë”, por opozita ka probleme të tjera.
“Problemin e parë ju e keni me vetingun, me pastrimin e drejtësisë nga elementët e korruptuar e të lidhur me botën e krimit. Problemin e dytë e keni me prokurorinë speciale, me BKH-në, që thoni se i ka ndryshuar Venecia. Jo, nuk i ka ndryshuar. Shumë njerëz nga ju tremben nga këto. Kjo është e vërteta, një e vërtetë e hidhur”, ka thënë Xhafaj.
Më tej deputeti socialist ka hedhur poshtë pretendimet e opozitës se ndërkombëtarët do të emërojnë gjyqtarët.
“Që ndërkombëtarët do të emërojnë gjyqtarët, gënjeshtër më të madhe nuk ka. Ata do të vlerësojnë vetëm 21 vetët që do të bëjnë vetingun dhe nuk do të kenë rol vendimmarrës, por rol procedurial”, ka shtuar Xhafaj.
Në vijim të fjalës së tij, kreu i komisionit ka sqaruar edhe krahasimin e reformës në vendin tonë me ato analoge në Kroaci e Rumani, ku vetingu nuk është kryer. “Nuk e kanë Rumania e Kroacia? Nuk e kanë sepse nuk u është dashur të bëjnë veting”, ka sqaruar Xhafaj.

Blushi: Pasojat e dështimit të reformës i paguajnë qytetarët/

Deputeti Ben Blushi, duke folur në seancë plenare ka deklaruar se reforma në drejtësi është shumë afër dështimit.

Blushi ka theksuar se, situata konfliktuale për këtë proces ka bërë që të krijohet një përçmim nga ndërkombëtarët për klasën politike shqiptare. Por, më e rëndësishme në këtë aspekt, ka vijuar Blushi, është pasoja që do të ketë një dështim eventual.
“Nëse reforma në drejtësi nuk kalon nuk do të ndodhë asgjë. Jemi prapë ne që jemi pas një jave, pas 10 ditësh apo pas një vit. Çështja është kush paguan koston e mungesës së drejtësisë në Shqipëri”, ka thënë Blushi. Dhe këtë kosto, sipas tij e paguajnë qytetarët.
“Një grua dje po ecte në mes të Tiranës me dy fëmijë, del një i çmendur, e përplas me makinë dhe i merr jetën. A ka kjo lidhje me reformën në drejtësi? Ka. Sepse gjykatësi e liroi autorin për bakshish thonë dhe tani ai i mori jetën”, ka thënë Blushi.
Ai ka thënë më tej se, qeveria aktuale u ka marrë qytetarëve të gjitha të drejtat e zgjedhjes, duke vendosur njerëzit e saj në pikat kyçe të qeverisjes.
“Shkojmë në Kavajë. Kush e qeveris Kavajën sot? Një njeri që ka dalë nga burgu dhe qeveris nga shtëpia. Dhe ky njeri do lirohet, të jeni të bindur. Kjo është drejtësia? Po Dibrën kush e qeveris? Një deputet këtu përdori armën për punë personale dhe do të kthehet këtu që të votojë reformën në drejtësi. Ky është standardi se si veprohet në Shqipëri”, ka thënë Blushi dhe kjo sipas tij, “është pasojë e paaftësisë së Lulit dhe Edit për t’u marrë vesh”.
Situata e bën të nevojshme sipas Blushit zgjedhjen e presidentit nga populli dhe peticioni i tij, siç ka thënë ai, po gjen mbështetje. “Peticioni online është firmosur nga 10 mijë vetë”, ka shtuar Blushi.
/ Top Channel