Vatra fton të gjithë shqiptarët e Amerikës në festën e Flamurit Kombëtar në New York më 22 Nëntor 2024

Kryetari i Federatës Pan-Shqiptare të Amerikës Vatra Dr. Elmi Berisha u prit përzëmërsisht nga kryetari i Parlamentit të Republikës së Kosovës z.Glauk Konjufca. Në kuadër të bashkëpunimit të shkëlqyer institucional mes Vatrës dhe Parlamentit të Kosovës e konkretizuar me “Memorandum Mirëkuptimi” nënshkruar më 21 Nëntor 2022, u diskutua për bashkëpunimin e fuqishëm mes dy institucioneve për avancimin e mëtejshëm të axhendës mbarëkombëtare dhe ndërkombëtare të Vatrës në interes te shtetit të Kosovës dhe kombit shqiptar në tërësi. Kryetari Konjufca vlerësoi dhe falënderoi Vatrën dhe mërgatën e Amerikës për angazhimin dhe punën e shkëlqyer në interes të kombit tonë. Kryetari i Vatrës vlerësoi arritjet dhe reformat në Kosovë dhe çmoi diplomacinë parlamentare.

Pikë e rëndësishme e diskutimit ishin zgjedhjet në Amerikë dhe bashkëpunimi i frytshëm që Vatra dhe Republika e Kosovës do të kenë me administratën e Presidentit Trump dhe institucionet amerikane në dobi të kombit shqiptar e komunitetit shqiptar në Shtetet e Bashkuara të Amerikës.

On behalf of the Pan Albanian Federation of America Vatra, its members, Albanian-Americans and my family, I wholeheartedly congratulate Donald Trump and JD Vance on the historic election as President and Vice President of the United States of America.

Vatra Federation will be an outstanding partner, a loyal ally and a steadfast supporter of the US administration and American institutions for the benefit of the country, its citizens and the Albanian nation.

Vatra is deeply thankful to the US and eternally grateful for its commitment to the Albanian nation.

God Bless America

God Bless the Albanian nation

Respectfully,

Dr. Elmi Berisha

President

Pan Albanian Federation of America Vatra

FEDERATA VATRA URON DONALD J. TRUMP DHE JD VANCE PËR FITOREN NË ZGJEDHJET PRESIDENCIALE NË SHBA

New York, 6 Nëntor 2024

Në emër të Federatës Pan-Shqiptare e Amerikës Vatra, të të gjithë vatranëve, të shqiptaro-amerikanëve dhe të familjes sime, shpreh urimet më të përzemërta për Donald Trump dhe JD Vance për zgjedhjen e tyre si President dhe Zëvendëspresident i Shteteve të Bashkuara të Amerikës.

Federata Vatra do të jetë një bashkëpunëtore e shkëlqyer, një aleate besnike e Shtëpisë së Bardhë dhe mbështetëse e palëkundur e administratës së Shteteve të Bashkuara e institucioneve amerikane për të mirën e qytetarëve të Amerikës, të kombit amerikan e kombit shqiptar.

Vatra vlerëson e falenderon SHBA-në dhe shpreh mirënjohje të përjetshme për gjithçka që i ka dhënë kombit shqiptar.

Zoti e bekoftë Amerikën

Zoti e bekoftë kombin shqiptar.

Me respekt

Kryetari i Vatrës

Dr. Elmi Berisha

Zgjedhjet presidenciale në SHBA. Amerikanët votuan për demokraten Kamala Harris dhe republikanin Donald Trump, dy kandidatë me pikëpamje të ndryshme mbi të ardhmen e fuqisë më të madhe ekonomike dhe ushtarake në botë.

Rezultatet drejtpërdrejtë

Dallimi mes Kolegjit Zgjedhor dhe votës popullore në SHBA

Si interpretohen sondazhet?

Të gjitha lajmet për zgjedhjet presidenciale

New posts

11:49

Kandidati republikan Donald Trump u zgjodh presidenti i 47-të i Shteteve të Bashkuara, duke shënuar një rikthim të jashtëzakonshëm.

Me një fitore në Uiskonsin, zoti Trump siguroi 277 vota elektorale nga 270 sa janë të nevojshme për të siguruar presidencën.

Mëngjesin e së mërkurës ndërsa ende po numëroheshin votat, zoti Trump shpalli fitoren në një tubim në Florida.

“Kjo ishte një lëvizje që askush nuk e ka parë ndonjëherë më parë dhe sinqerisht, kjo ishte, besoj, lëvizja më e madhe politike e të gjitha kohërave”, u tha zoti Trump mbështetësve të tij.

Ai u zotua të “rregullojë kufijtë tanë” dhe “të rregullojë gjithçka në vendin tonë”.

Trump tha gjithashtu se do të punojë për një “Amerikë të fortë, të sigurt dhe të begatë”.

Ai garoi me rivalen demokrate, Kamala Harris, aktualisht Nënpresidente, e cila deri tani siguroi 224 vota elektorale.

Zoti Trump është ish-Presidenti i parë që nga Grover Cleveland që rikthehet në Shtëpinë e Bardhë pasi humbi një palë zgjedhje pas mandatit të parë.

Zoti Trump i cili shërbeu si President në periudhën 2017-2021, u largua nga posti pasi humbi përballë Presidentit aktual Joe Biden në zgjedhjet e vitit 2020 për të cilat vazhdoi të pohonte në mënyrë të rreme se i kishte fituar. Ky mohim ndihmoi në nxitjen e sulmit të 6 janarit 2021 në Kapitol nga një turmë mbështetësish të tij, të cilët ndërprenë numërimin zyrtar të rezultateve të zgjedhjeve.

Zoti Trump dhe aleatët e tij gjithashtu nisën sfida të shumta ligjore pas votimeve të vitit 2020. Gjykatësit shtetërorë dhe federalë përfundimisht hodhën poshtë më shumë se 50 padi.

Që kur u largua nga posti, ish Presidenti Trump u dënua për 34 akuza të lidhura me pagesat që i bëri një aktoreje të filmave për të rritur në prag të zgjedhjeve të vitit 2016. Shpallja e dënimit është caktuar për 26 nëntor. Zoti Trump u padit gjithashtu në tre raste të tjera, duke përfshirë dy nën akuzat për përpjekje për të përmbysur në mënyrë të paligjshme zgjedhjet e vitit 2020 dhe një tjetër që pretendon se mori qindra dokumente sekrete në shtëpinë e tij në Florida.

Donald Trump pritet të inaugurohet për një mandat të ri më 20 janar të vitit 2025.