Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Archives for May 2013

KONGRESI QE SHPALLI STATUTIN E KISHES ORTODOKSE AUTOQEFALE SHQIPTARE

by

Telegrami i Krypeshkop Visaron dhe jehona e kongresit të vitit 1929/

Ne Foto: Kryepeshkopi Visarion Xhuvani/

Shkruan: Gëzim Llojdia*/

Gazeta”Kombi shqiptar” e martë 2 korrik 1929 i kushton tërësisht një balline Kongresit Panortodokës që u zhvillua në qytetin juglindor të Korçës .Një titull në fillim është ”Me solemnitet madhështor morri fund Kongresi Panortodoks në Korcë .Vijon shkrimi ”Te deum në kishën Ortodokse të Tiranës ..Më tutje botojmë telegramin që hirësia etij Kryepeskopi i Shqipërisë Visarion u drejtoi gjithë kishave me rastin vendosjes së stutit definitiv të kishës ortodokse shqiptare dhe mbylljes së Kongresit të Korçës .

Me suksesin me këtë triumf kishtar u bë një vepër madhështore ,që brezat e ardhshëm kanë me cmue më mirë . Lumturia e ortodokse dhe shpëtimi i fesë së tyre u sigurua .Vdiqn në përgjithësi inatet politike greko-fanar .Do të zhduket përgjithnjë nga kisha ortodkse përdorimi i një gjuhe të vdekur dhe të huaj ,që propaganda politike të jashtme i kishin injoruar ortodoksisë për me e la injorante dhe në errësirë . Një periudhë ere çelet për atdheun tonë .Ringjallja e kombësisë,ndenja më e shenjtë e njeriut për dashurin e vendit të tij . të vëllezërve të tij .Kongreset e Korçës le të gëzojnë se tue cmue misionin tyre fetar dhe patriotik kontribuan në kurozimin e çështjes kishtare ortodokse shqiptare, përfundimi i të cilës është statuti i kishës autoqefale ortodokse shqiptare .Shërbimet e kongresmenëve nuk harrohen .Urtësia dhe energjia e Hirësisë së tij peshkopi Visarion në çështjet e kishës ortodokse mendojnë për datat ma të nalta .

Korçë 30 .Tash Kongresi Panortodoks i Shqipërisë votoj statutin definitiv të kishës ortodokse autoqefale të Shqipërisë me një za dhe në mes të entuziazmës dhe duartrokitjeve për mbretin ,kombi, qeverinë,kishën autoqefale ortodokse dhe Sinodhin e saj .”Porositeni që nesër dielën ora 6 mbas mesdite të stoliten kishat ne flamur kombëtar dhe llavarat kishtare dhe të thirrni gjithë popullin ,klerin në kishë dhe të mbahet Te deum tue dërgue falenderime lutje Perëndisë për mbretin, qeverinë, ushtrinë, kombin, kishën autoqefale,Sinodhin e Shenjtë dhe kryetarin e saj ,Kryepeskopin e Shqipërisë Visarion . Porositeni të vini në veprim çdo mjet dhe të bane çdo sakrificë dhe me urgjencë të madhe që kjo festë historike dhe me tepër rëndësi për ortodoksinë e fesë tonë të shenjtë dhe atdheun të kremtohet në mënyrën dhe ekspansionin ma madhështor dhe të mbahen fjalë panegjirike ,që të mbesi i paharruar ky kremtim edhe në brezat e ri të popullit tonë .Hiri i Zotit qoftë mbi ju kurdoherë .Kryetari i Kongresit dhe i Sinodit të Shenjtë ,Kryepeskpoi i Shqipërisë Visarion .

*Msc.Anetar i Akademise Evropiane te arteve

 

Sopranoja e parë shqiptare në Operën e Shkupit me koncert në New York

by

Intervistë e gazetarit Bqir SINA, me sopranon Dëshira Ahmeti Kerliu me origjinë nga Dibra e Madhe , nxënse e profesoreshes së shquar Nina Mula/

Dëshira Ahmeti, soprano, është e lindur në Dibër, Maqedoni. Diplomuar nga Akademia e Arteve në Tiranë, Shqipëri, ka qenë nxënëse e profesoresh së shquar shqiptaro – ruse Nina Mula, ka kënduar solo . Pavarësisht moshës së saj të re ajo ka kryer tashmë shumë koncerte si në operat në Mynih, Tiranë, Prishtinë, Shkup, etj. Ajo u shfaq në programet e kompanive televizive në Tiranë, Prishtinë, si dhe në TV kombëtar maqedonas, si sopranoia e parë shqiptare nga këto treva.

Performanca e saj në koncertin “Kthimi” të mbajtur në Prishtinë në vitin 2000 provokoi Vanessa Redgrave, aktore e famshme, për të përgatitur një telereportazh televiziv në BBC: “. Zëri engjëllor i Dëshira Ahmetit Kerliu është shumë premtuese” .Znj Dëshira Ahmeti ka debutuar edhe në skenën e OBM Opera si Michaela në Carmen Bizesë në vitin 2005. Ajo gjithashtu ka kryer disa mbrëmje Gala koncerte operistike të mbajtura në skenën e OBM Opera në Shkup.

Ajo me bashkëshortin e saj edhe ky artistë Arian Kerliu dhe pianisten maqedonase Elena Siljanovska ka ardhur për herë të parë në Metropolitan Opera në New York, në një koncert “Gala” .

Gazetari Beqir SINA, bisedojë me sopranon e parë shqiptare në Operën e Shkupit e cila po jep koncert në New York

Shqiptarja e parë që punon në Teatrin e Operas te Maqedonise si soliste e roleve kryesore, që synon zhvillimin e kulturës së shqiptarëve në vendin fqinj me pjesëmarrjen e artistëve shqiptarë në këto treva dhe interpretimin e veprave të autorëve shqiptare, flet gjerësisht në këtë intervistë.

Beqir Sina:Mbasi keni preformar në Mynih, Tiranë, Prishtinë, Shkup, etj, keni ardhur në New York, për një mbrëmje Gala me një preformancë të kompozitorëve botëror dhe shqiptar. Na flisni pak më shumë rreth kësaj preformance tuajën me Arian Kerliu – Guitarist dhe Pop Musik Artist si dhe Elena Siljanovska Piano – Pianist nga Opera e Macedonisë

Deshira Ahmeti – Kerliu -Koncerti ynë në Neë York është një bashkëpunim i joni si rrjedhojë e sukseseve që kemi pasur në Shkup ndërsa sa i përkët aktiviteteve ne qendrat të cilat ju i përmëndët më lartë janë koncerte te cilat unë jam prëzantuar me programin tim si soprano dhe me percjellje te orkestrave simfonike të këtyrë vëndëvë….këtë rradhe unë bashkëpunoj më Arianin dhe Elenën më një program më të larmishëm duke sjëllë dhe veprat e autorëvë më të njohur shqiptar përvëc atyrë botëror.

Beqir Sina:Ku e gjenë gjithë këtë “energji” ?

Deshira Ahmeti – Kerliu -Sa më shumë që punoj akumuloj më shumë energji.Energjija është e pashmangshme nësë rezultati i punës është ai që kërkon me një vizion për artin që intërpreton.

Beqir Sina:Cilat janë disa nga pjesët e repertorit tuaj edhe disa role në Teatrin e Operas së Maqedonisë ?

Deshira Ahmeti – Kerliu -Pucini është për mua kompozitori i cili më njgjall shumë emocion në interpretimin e operas dhe ariet të cilat i kam në repertuarin tim.Kam interpretuar ne operat “Turandot”,ne rolin e Liut,”la forxa del destino”,Leonora,”Paljaci”,Neda,”Cavaleria Rustikana”,Santuca,”Flauti magjik”,Pamina,”Karmen”Mikaela, e tj,ndërsa nga operat shqiptare,”Skenderbeu”,Donika,

Beqir Sina:Ju e niset karjerën tuaj nga muzika e lehtë – ndërkohë që drejtimi i juaj do te ishte “muzika klasike”. Pse ndodhi kjo ?

Deshira Ahmeti – Kerliu -Unë jam prezantuar si këngëtarë në disa nga festivalet e Radiotelevizionit shqiptar në kohën kur studioja dhe keto pjemarje të mijat ishin vetëm nga dëshira për ta provuar atë skënë ë cila ishte interesante për mua por jo ajo që do më plotësontë të isha vetvetja sepse muzika lirike më flënte në shpirt ndaj dhe une ju përkushtova asaj.

Beqir Sina:Keni përfunduar Akademinë e Arteve në Tiranë në vitin 1998, në klasën e profesores Nina Mula. Sa ka ndikuar kjo tek ju dhe a ka qenë e lehtë apo e veshtirë të jeshë nxënëse e profesoreshes Nina Mula ?

Deshira Ahmeti – Kerliu -Të jesh studente e Nina Mulës do të thot shumë për shkollimin e vokalit,për të fituar përvojën e punës që të mos i trembesh kur asaj për sigurinë si këngëtarë e Operas,prandaj me shumë bindje e them këtë nga përvoja ime dhe nga rezultatet e saja si profesore që ka dhënë tek studentët e saj të cilët sot këndojnë në skanat e botës…Ajo ishte një artiste e madhe e cila e donte punën ishte e palodhshme për studentët e saj prandaj unë e kam ndjere si një kënaqësi shpirtërore dhe asnjëhërë si lehtë apo vështirë.

Beqir Sina:Si jeni ndier kur u rikthyet për herë të parë në Tiranë pas 11 vjetësh në një koncert “Gala” me Orkestrën Simfonike të Radio Televizionit Shqiptar.?

Deshira Ahmeti – Kerliu -Pas studimeve u punësova në Operan e Shkupit si soliste e roleve kryesore,dhe unë e prita momentin më të rëndësishëm timin që të mund të kthehem si artiste e komletuar me përvojën e punës dhe me një program të vështirë përpara atdashesve ne Tirane për të cilët unë ndjeja një përgjegjësi si studente e tyre,prandaj dhe koncerti me orkestrën simfonike të Radiotelevizionit shqiptar ishte ai qe më dha mundësinë që të rikthehem pas atyre viteve.

Beqir Sina:Cili ka qenë një nga kulmet e preformancave tuaja ?

Deshira Ahmeti – Kerliu -Kulminacioni në art nuk ka,gjithmonë artisti kërkon më të bukurën dhë më të bukurën e saj por unë do të përmendja rolin e Leonores nga Opera”La forxa del destino”ne Operan e Maqedonise ku vërtët është shumë e vështirë për të qënë e para e sukseseve ku une jam e vetmja shqiptare historikisht në këtë institucion prandaj dhe ky rol më plotëson fjalën sukses!

Beqir Sina:Cila është tek ju ajo që quhet “Veshtiresia me e madhe” e një artisti ?

Deshira Ahmeti – Kerliu -Vështirësia e një artisti është gjithmonë ajo qe duhet të lufosh konkurencën sipas meje,por unë do ta lidhja përsëri me vështirësinë qe theksova më lartë atë që të luftosh e vetme në mesin e maqedonasve!

Beqir Sina:Çfarë ju ka bashkuar me Arian Kerliun – (Guitarist dhe Pop Musik Artist), ju ka bashkuar muzika apo dashuria për njeri tjetrin ?

Deshira Ahmeti – Kerliu -Të dyja bashkë:)Ariani është artist i cili më ndjek në punën time dhe është kritiku im më i madh,është bashkëshort i mrekullueshëm dhe sigurisht që kjo më plotëson në jëtë si artiste dhe si familjare që sëbashku me Dean tonë,jemi një familje që unë gjithmonë e kam ëndëruar

Beqir Sina:A ju merr malli për Dibrën ?

Deshira Ahmeti – Kerliu -Dibra është qyteti ku unë kalova fë ijërinë time dhe kujtimet e fëmijërisë janë të pavdekshme për c’do njeri.Për mua si artiste Dibra me bukurine e saj natyrore ajrin e pastër dhe gjithc’ka që më rrëthonte aty më ka krijuar të jem kjo që jam për të vazhduar mëtëj që ta nderoj këtë vënd, familje dhe shoqërinë time të dashur…

Beqir Sina:Në mos gabohem ju jeni edhe Kryetare e Shoqates te Artisteve, Muzikanteve dhe Baletit Shqiptar ne Maqedoni. Çfarë mund të na thoni për këtë Shoqatë ?

Deshira Ahmeti – Kerliu -Shoqata e Artisëvë Shqiptar në Maqedoni është formuar në vitin 1999 kur unë isha e punësuar në Operan e Maqedonisë dhe në iniciativën e kompozitorit të madh me preardhje shiptare qe jetonte dhe vepronte ne vend dhe ne shumë vende të botës u hap shoqata ku anëtarë të saj u bënë disa nga artistët qe jetonin në Shkup Kemi pasur shmumë koncerte dhe aktivitete të ndryshme me këtë shoqatë ku kemi prezantuar vlerat e artit shqiptar dhe të shpresojmë që dhe në të ardhmen te vazhdojmë me një pëerkrahje akoma më të madhe te shpalosim punën e artisteve tanë kudo në bote.

Beqir Sina:Sipas mendimit tuaj cili është zhvillimin e kulturës së shqiptarëve në vendet fqinje dhe nëpër botë me pjesemarrjen e artistëve shqiptarë dhe interpretimin e veprave të autoreve shqiptarë ne skenat botërore ?

Deshira Ahmeti – Kerliu -Artistët shqiptare kanë dhënë rezultatin e tyre kudo që ato prezantohen nëpër botë,ne kemi emra të mëdhënj si Inva Mula,Sajmir Pirgu,Josif Gjipali e tj të cilët më mirë se kush mund të prezantonte popullin tonë dhe artin që ata kanë kultivuar.

Beqir Sina:Së fundi cilat janë ambiciet profesionale tuajt ?

Deshira Ahmeti – Kerliu -Ambiciet profesionale nuk mbarojnë te artisti,nëse ambicja mungon puna ngecet ndaj dhe do ta përmëndja aritjen në majat e skenave botërore si Metroplotan meqe jemi një N.Y,ndërsa Europa mbetet përseri vendi ku do të dëshiroja të performoja më shumë….

Ju përshëndes juve dhe lexuesit tuaj dhe ju uroj shumë suksese të mëtëjshmë…Dëshira Ahmeti

 

 

 

TI JEPET FUND UZURPIMIT TË PRONAVE SHQIPTARE NË MARTINAJ

by

REAGIM NGA SHOQATAT  SHQIPTARO- AMERIKANE “ANA E MALIT” DHE  ” KRAJA” – NEW YORK/ SHBA/

NE Foto: Pamje nga Martinaj, ku ka ndodhur rasti i arrestimit dhe burgosjes së grupit shqiptar nga Martinajt të cilët protestuan në mënyrë paqësore dhe ushtruan të drejtën e mbrojtjes së pronave të tyre,tregon dispunimin antishqiptar të pushtetit të tanishëm malazez./

Në çdo shtet të mirëfilltë demokratik , e drejta e fjalës së lirë si edhe e drejta për të protestuar në mënyrë paqësore,është e garantuar me ligj apo kushtetutë, mirëpo në Mal të Zi, pra në shtetin i cili pretendon të jetë demokratik dhe që aspiron të jetë pjesë e integrimeve europiane,fatkeqësisht këto të drejta themelore cenohen vazhdimisht.

Shembulli i fundit i arrestimit dhe burgosjes së grupit shqiptar nga Martinajt të cilët protestuan në mënyrë paqësore dhe ushtruan të drejtën e mbrojtjes së pronave të tyre,tregon dispunimin antishqiptar të pushtetit të tanishëm malazez.

Veprimet e fundit të pushtetit malazez në fshatin Martinaj, janë plotësisht në kundërshtim me parimet demokratike sepse autoritett qeveritare të Malit të Zi, në vend të dialogut dhe mirëkuptimit me banorët vendas të fshatit Martinaj, ato po ushtrojnë  gjuhën e dhunës ndaj shqiptarëve të kësaj treve etnike,duke burgosur njerëz të pafajshëm të cilët kërkuan drejtën e tyre legjitime.

Kjo nuk është hera e parë që pushteti malazez mundohet të zgjidh problemet përmes aksioneve  policore ndaj shqiptarëve.Arrestimet e fundit të shqiptarëve në Martinaj,dëshmon edhe një herë se qeverisë malazeze nuk i intereson zgjidhja e problemeve të shqiptarëve sipas standardeve europiane,por përkundrazi,  përmes uzurpimit të pronave ku banojnë shqiptarët si dhe përmes metodave të ndryshme të presionit politik dhe ekonomik ndaj tyre ,ky pushtet, ka për qëllim  shpërnguljen e shqiptarëve nga vendi i tyre stërgjyshor me synim përfundimtar të spastrimit etnik të trevave shqiptare.

Apelojmë tek autoritet malazeze që të japin fund një herë e përgjithmonë metodate të dhunës dhe sjelljes së tyre diktatoriale dhe antidemokratike ndaj kërkesave të drejta dhe paqësore të shqiptarëve dhe të demonstrojë respekt dhe tolerancë në rend të parë ndaj banorëve shqiptar në Martinaj,por edhe ndaj kërkesave të përgjithshme të shqiptarëve në Mal të Zi.

SHOQATA SHQIPTARO- AMERIKANE “ANA E MALIT – NY

SHOQATA ATDHETARE ” KRAJA” – NY

Maj 2013

 

Sukses i artistëve shqiptarë në Filarmoninë e Këlnit

by

 Të dielën e 26 Majit 2013 në sallën e Filarmonisë së Këlnit, orkestra simfonike amatore dha një koncert me rastin e 125 vjetorit të themelimit të saj. Dirigjent ishte artisti shqiptar Desar Suljemani.

  Nga Mimoza Cika Kelemndi DW/

125 vjet më parë, pikërisht në vitin 1888 në Këln të Gjermanisë do të themelohej një orkestër simfonike me muzikantë amatorë, duke u bërë kështu orkestra më e vjetër e këtij qyteti. Prej fillimit të shekullit të 19-të krahas veprave simfonike do të interpretoheshin edhe koncerte me solistë, me synim të veçantë, promovimin e talenteve të reja. Duke pasur parasysh qytetin e Këlnit, si një qytet shumë i lidhur me artin dhe muzikën, artistët amatorë ishin më të vetëdijshëm për të përcjellë tek publiku edhe koncerte të një formati të ndryshëm nga të tjerët. Edhe pse “diletantë”, ata asnjëherë nuk e nënvleftësuan rolin e tyre.

Prej themelimit vazhdimisht kjo shoqatë orkestrantësh ka pasur si anëtarë shumë personalitete të njohura nga arti, shoqëria apo politika gjermane. Por rruga e muzikantëve amatorë në këtë orkestër ka qenë e gjatë dhe jo e lehtë: Shumë instrumentistë siguronin bukën e gojës si mësues privatë muzike, disa të tjerë si mësues muzike nëpër shkolla. Disa arritën të realizonin ëndrrën e tyre të madhe për t’u bërë muzikantë profesionistë. Ndërsa shumë zgjodhën një profesion krejt tjetër në jetë. Ata u bënë mjekë, kimistë, inxhinierë, juristë, infermierë, mësues, redaktorë, teknikë, profesorë në universitete apo botues. Megjithatë, 125 vjet janë një tregues i dashurisë së madhe që ata kanë për muzikën, pavarësisht nga profesioni që ata ushtrojnë.

Dirigjenti i parë dhe po ashtu iniciatori për themelimin e kësaj orkestre në vitin 1888 ishte Alexander Rive. Më pas janë një sërë dirigjentë të cilët kanë drejtuar këtë orkestër me vite e dekada të tërë deri sa në 2012 këtë fat do ta kishte një shqiptar, artisti tashmë i njohur Desar Sulejmani. Presidentja e kësaj shoqate orkestruesish Lene Lutz kujton kur u bë zgjedhja e tij:“Shumë shpejt na u bë e qartë se dirigjent do të ishte Desari duke pasur parasysh konkurentët e tjerë. Pra me paraqitjen e tij shumë prej nesh ishin të mendimit se ai do të ishte në krye të orkestrës sonë. Ne zhvilluam votimin për kandidatët favoritë dhe në përfundim doli se me shumicë unanime fitues ishte Desari. Sot them me bindjen e plotë se nuk kemi bërë zgjedhje të gabuar. Ai është vërtet shumë i talentuar, shumë praktik, me shumë energji. Desari ka një pasion të madh për muzikën dhe ne ndjehemi shumë mirë me të si drejtues i orkestrës.”

Prej qershorit të 2012,dirigjenti shqiptar Desar Sulejmani është pasardhësi i Oliver Leo Schmidt-it i cili e udhëhoqi për 14 vite këtë orkestër duke e mbyllur karrierën e tij me koncertin e fundit më 26.11.2011. Por këtë fat Desari e sheh edhe si përgjegjësi apo edhe si sfidë për qytetin e Këlnit të cilin ai e adhuron.

„Ajo që më shtyu të konkurroj si dirigjent i kësaj orkestre ishte mbi të gjitha qyteti i Këlnit duke e parë si qëllim në vetvete. Mendova që Këlni do të ishte për mua edhe një dritare më e madhe qoftë si dirigjent, por qoftë edhe si artist në përgjithësi. Pra fati më krijoi mundësinë që unë ta shfrytëzoja menjëherë këtë konkurim dhe u ndjeva shumë krenar kur mora lajmin që kisha fituar. Por sigurisht unë ndjej edhe përgjegjsinë e madhe për këtë vend sepse një orkestër e tillë me një jetë kaq të gjatë artistike, 125 vjet, do të thotë që përveç të qenurit dirigjent, do të thotë edhe përgjegjësi organizative përpos asaj artistike. Sepse një orkestër e tillë me rreth 70 veta, të cilët jo vetëm që vijnë rregullisht në prova dhe organizojnë koncerte të tilla siç ishte ky në Filarmoninë e Këlnit dhe organizime të tjera, kërkon edhe displinë organizative”.

Orkestra ka interpetuar vepra që nga koha e Barokut deri tek ato modernet klasike apo vepra të muzikës bashkëkohore. Në koncertin e së dielës (26.05.) mes veprave si Elgar, Brahms apo Mendelssohn Bartholdy që u intepretuan me rastin e 125 vjetorit të themelimit të kësaj orkestre, ishte edhe vepra e kompozitorit shqiptar Gerti Druga “Rapsodi shqiptare”, një suprizë tjetër kjo për publikun gjerman.

„Jam totalisht i emocionuar dhe në rradhë të parë falenderoj Desarin, i cili na dha këtë mundësi për të promovuar para publikut gjerman një vepër shqiptare e sigurisht që unë ndjehem i priviligjuar që u zgjodha në këtë rast. Eshtë një vlerësim i madh për mua si i ri por për të gjithë artistët e rinj që kanë këto shanse dhe kjo i dedikohet pikërisht kësaj orkestre e cila ka vite që e ka bërë këtë si traditë të sajën. Në fakt vepra ime është thellësisht shqiptare; sepse unë në kompozimet e mia dua të flas shqip prandaj edhe kompozimi im titullohet „Rapsodi shqiptare“ dhe në rastin e këtij koncerti e konsiderova këtë vepër si një sfidë të vetes sime“, thotë për Deutsche Welle, Gerti i emocionuar .

Dhe këtë test, dy shqiptarët Desari dhe Gerti e kaluan shumë mirë duke marrë duartrokitje të gjata dhe ovacione. Ishte një e papritur edhe për vetë orkestrantët që siç thotë violinina e parë, Susanna Schael ishtë një përvojë e shkëlqyeshme me të dy djemtë artistë nga Shqipëria.

„Ka qenë një përvojë e shkëlqyer me dirigjentin por edhe me muzikën shqiptare e cila është shumë interesante për ne si gjermanë pasi ka një përzierje mes asaj popullores dhe modernes, por gjatë interpretimit e ndjen edhe romantiken e saj që ka brënda. Eshtë fat i madh që ne kemi një dirigjent të tillë pasi unë e njoh Desarin më herët dhe kemi bashkëpunuar shumë. Unë kam qenë edhe në Tiranë dhe jam mahnitur nga talentet që ka Shqipëria në fushën e muzikës. Pra është vërtet një përvojë e mrekullueshme dhe jam shumë e gëzuar me rapsodinë që intepretuam në këtë koncert jubilar. Muzika shqiptare ka shumë energji, por dhe shumë dashuri”.

Pranë kam Melani Köhler, mjeke, e cila pas koncertit me emocion i afrohet mikrofonit: “Shumë shumë bukur, s’kisha dëgjuar kurrë muzikë shqip dhe u mrekullova si nga vepra shqiptare ashtu dhe nga dirigjenti. Ishte i mrekullueshëm, plot energji dhe pasion. Shumë bukur!”

Edhe vetë kompozitori Druga u habit nga suksesi që pati vepra e tij: ” Ritmet tona janë pak të vështira, në përgjithësi ritmet e përziera nuk janë të lehta edhe për tu interpretuar nga instrumentistët, por në momentin kur kjo vepër përthithet mirë nga orkestra atëherë edhe publiku e ka më të lehtë për ta përçuar, për ta përcjellë. Çuditërisht kjo në koncert u arrit në mënyrë të shkëlqyer, ndaj jam dhe shumë i lumtur. Shpresoj që kjo përvojë të më ndihmojë që të kemi mundësi edhe për një përvojë tjetër në të ardhmen si kjo”.

Por emocionet më të mëdha i ka dirigjenti i orkestrës i cili shpalosi para publikut gjerman një figurë të kompletuar prefesionale. Duartrokitjet e shumta dhe të gjata ishin dëshmi e një respekti të veçantë për artistin shkodran, Desar Sulejmani që prej vitesh punon me pasion dhe dashuri për të dëshmuar jo vetëm talentin e tij por edhe vendin e tij, Shqipërinë nga ku ai mori mësimet e para në piano.

U larguam nga salla e Filarmonisë së Këlnit me shpresë së së shpejti do të kemi të tjera aktivitete nën drejtimin e dirigjentit tonë Sulejmani, por dhe një bashkëpunim më të ngushtë gjermano-shqiptar në këtë fushë. Këtë na e premtoi vetë Desari pas koncertit: „Për të ardhmen mendoj se do të ketë një sërë aktivitetesh jo vetëm me kompozitorë shqiptarë por edhe me të tjerë talente të rinj. Gjithashtu do të ketë bashkëpunim edhe me instrumentistët shqiptarë të cilët unë shpesh i sjell këtu në Gjermani dhe ku ata kanë mundësi të promovojnë talentin e tyre. Një plan jo shumë i largët është që me këtë orkestër të shkojmë edhe në Shqipëri për një tur koncertesh”.

 

Presidenti Nishani priti në takim përfaqësues të Federatës së Shoqatave Shqiptare në Greqi

by

Presidenti i Republikës, Bujar Nishani priti ne fundjave në një takim përfaqësues të Federatës së Shoqatave Shqiptare në Greqi, të kryesuar nga zoti Etmond Guri.Gjatë një bashkëbisedimi të hapur, Presidenti Nishani dhe përfaqësuesit eFederatës së Shoqatave Shqiptare në Greqi shkëmbyen mendime për çështje të prekshme të emigrantëve shqiptarë që jetojnë në Greqi, si arsimi, problemi i toponimeve, punësimi, përfitimi i pensioneve, integrimi i të riatdhesuarve për shkak të krizës ekonomike, respektimi i të drejtave të emigrantëve, si edhe mbi atë çfarë shteti shqiptar mund të bëjë qoftë meisma të njëanshme ose në bashkëpunim me shtetin grek.

Presidenti i Republikës në ndërhyrjen e tij u shpreh se institucionet e shtetit shqiptar kanë treguar vëmendje ndaj problemeve që lidhen me emigracionin në Greqi dhe në vende të tjera, duke shtuar se nisur nga problemet e ngritura, duhet një angazhim më i madh i këtyre institucioneve, për t’iu përgjigjur sfidave që lidhen me respektimin e të drejtave të emigrantëve që nga trashëgimia e gjuhës, kulturës e deri te integrimi në vendet ku ata jetojnë.

Kreu i Shtetit vlerësoi mikpritjen e popullit grek ndaj emigrantëve shqiptarë dhe në këtë frymë shprehu bindjen se institucionet e shtetit grek do të shtojnë angazhimin e tyre për integrimin e mëtejshëm të emigrantëve shqiptarë në shoqërinë greke dhe respektimin e të drejtave të tyre.

Nga ana e tyre, përfaqësuesit e Federatës së Shoqatave Shqiptare pasi e falenderuan Presidentin Nishani për ndjeshmërinë e treguar ndaj problemeve që lidhen me emigracionin shqiptar në Greqi dhe zgjidhjen e tyre, u shprehën se realizimi i kërkesave dhe pretendimeve të tyre kërkon më shumë angazhim nga institucionet e të dy shteteve dhe shprehën bindjen se me vullnet të përbashkët këto probleme do të gjejnë zgjidhje. Gjithashtu, përfaqësuesit e Federatës kërkuan që t’u mundësohet respektimi i të drejtës së tyre për të votuar në Shqipëri.

Presidenti Nishani dhe përfaqësuesit e Federatës së Shoqatave Shqiptare në Greqi u shprehën në favor të vazhdimit të kontakteve të bashkëpunimit për t’i kontribuar njohjes dhe zgjidhjes së problemeve dhe për t’i shërbyer forcimit të miqësisë dhe marrëdhënieve ndërmjet dy vendeve tona.