Archives for June 2013

Fëmijët, Buzëqeshja e Jetës-Pikinik i Degës së Vatres në South Florida

June 4, 2013 by dgreca

* Fort Lauderdale Florida-Dega e Federatës Panshqiptare të Amerikës Vatra në South Florida Organizoi një piknik me rastin e Një Qershorit, Festës së fëmijëve.

* Ushqimet u ofruan falas nga dy restorantet shqiptare Pizza De Lunna e zotit Z. Edmond Gjikokaj sekretar i degës si dhe Stork’s Wilton Mannors te Z. Pjetër Dekaj-Anëtar i Kryesisë së Degës.Gjithashtu pjesë e këtij sponsorizimi u bë edhe firma RE/MAX First (me pronare Znj. e Z. Ndoja).

Nga Lek Gjoka/

Eshtë hera e parë që Bayview Park në Fort Lauderdale Florida pasditën e 2 Qershorit kishte ndryshuar pamjen.Flamuri kombëtar shqiptar kuq e zi me shqiponjën gjithmonë krenare qëndronte në të njëjtin hijeshi si flamuri Amerikan,flamuri i lirisë së të gjithë popujve të botës.Një shi i imët nis të rigojë, por duket se buzëqeshjet ëmbëlsuese të fëmijëve e stepën.Parku gumëzhinte.Dega e Federatës Vatra në South Florida është organizatorja e këtij pikniku të bukur për të festur festën e cicërima të jetës së cdo familje,festën e fëmijëve.

Kryetari i degës së Vatrës pishtari i demokracise shqiptare në fillimet e viteve 91, ku sëbashku me shokë përgatitën vdekjen e diktaturës më të egër komuniste në Europë zoti Kolec Ndoja duke falenderuar pjesmarrësit iu uroi fëmijëve festën e tyre dhe një pasdite sa më argëtuese.Gjithashtu i ftoi të pranishmit që të shijonin ushqimet të afruar falas nga dy restorantet shqiptare Pizza De Lunna e zotit Z. Edmond Gjikokaj sekretar i degës si dhe Stork’s Wilton Mannors te Z. Pjetër Dekaj-Anëtar i Kryesisë së Degës.Gjithashtu pjesë e këtij sponsorizimi u bë edhe firma RE/MAX First (me pronare Znj. e Z. Ndoja).

Kur cdo gjë po merrtë formën e një feste të vërtetë shqiptarësh në një moment heshtje të pranishmit u prezantuan dhe me autorin e librit “Oh Shqiperi, E Mjera Shqipëri”, emigrantin shqiptar me origjinë nga Devolli i Korcës, pasues i frymës së Nolit e Konicës, Z. James Wm. Pandeli.Zoti Pandeli në librin e tij botuar në 1980 ka zbërthyer një pjesë të “gjenezës të historisë së popullit ilir, që prej vitit ‘700, para erës sonë.Gjithashtu ne librin e tij ai pasqyroi me shume korrektese e fakte te verteta për fiset Çame, Gegë, Toskë dhe Labë, rrënjët e gjenezës ilire të popullit shqiptar, gjë që tregon se në të shumtën e rasteve grekërit e lashtë apo kronikanët e kohës, kanë fshehur të vërtetën rreth botës së lashtë ilire dhe shqiptare.

Nderkoje qe femijet pas ushqimit te shijshem e te bollshem dhe miqesite e reja te shpejta e te sinqerta me bashkmoshataret e tyre qe i bashkonte i njeti gjak i paster e krenar gjaku i shqiptarin iu leshuar hareshem ne lojrat “Bouncy House” apo me “Cotton Candy dhe Snow Cone Machine’s”.Madje edhe nje shi i imet kaloi qete-qete neper park por femijet nuk u ndalen,bile e bene edhe shiun pjese te ketij gezimi te kesaj feste te bukur .

Nderkohe qe femijet vazhdoni te argetoheshin me lojrat e tyre pa e prishur terezine as nga shiu, prinderit argetoheshin ne te njetin gezim me muziken e bukur shqiptare.Vallja shqipe nga te gjitha trevat e Shqiperise jo vetem mori fryme por sikur ja hijeshoji me teper bukurine ketij parku floridian.

Vatrani dhe patrioti i njohur shqiptar nga Kosova zoti Nazim Haziri, ju shperndau te pranishmeve nje leter per misionin atdhetar e patriot te Deges se Vatres te pergatitur nga Z. Ndoja,si dhe duke shkembyer biseda dhe informacione me te metejshme ne te mire te bashkimit te diaspores shqiptare ne Florida dhe kudo ne SH.B.A.

Oret e pasdrekes po ecnin shume shpejt me hap minuti.Shiu nuk pranoi te kthehej me.Oqeani Atlantik shpesh here duartrokiste cicerimet e femijeve me dallge.Fundi i aktivitetit po afronte.Edhe dita nuk donte tia linte vendin nates sepse ishte deshmitarja e kesaj feste te bukur shqiptare qe nuk kishte deshire te mbaronte.Me falenderime te perzemerta per degen e Vatres si organizatore e kesaj feste me deshiren e zjarrte per te festuar serisht festa te tjera shqiptaret ne Fort Lauderdale sigurisht jo vetem do te jene pjesmarres por do te kontribojne me shume,do te afrojne me shume bashkatdhetare qe kjo dege e Vatres ne South Florida,kjo foshnje e re e shqiptarise qe lindi 10 dite para se Vatra te permbushte 100-vjet do te rritet e shendeshme ne te mire te shqiptareve te Florides dhe te jete pjese e denje e Vatres se madhe te Nolit e Konices e patriotave te tjere shqiptare ne dobi te kombit shqiptar.

Florida Qershor 2013

Futbollisti shqiptar Bruno Kepi drejt SHBA

June 4, 2013 by dgreca

Bruno Kepi, një futbollist i ri shqiptar i nivelit ndërkombëtar, që luan në pozicionin e mbrojtësit do të jetë në rrugën e tij për në SHBA në një çështje javësh, kështu të paktën shpreson klubi “Forca e Anglisë – New England Force”, duke shtuar se “një ditë ai pritet të mbërrijë të luaj për ekipin ndeshjen e ardhshme miqësore në fund të qershorit në Nju Jork.

Nga BEQIR SINA, New York
ROHD ISLAND – New Egland : Dalë nga “ferrat e fshehtësisë” pothuajse të plotë, skuadra më e re e futbollit “New England Force” e kryeqytetit Providence, në ishullin Rohd Island në New England – bregdeti verilindor i oqeanit Atlantik në SHBA, ka nisur një faqe të re të historisë së futbollit europian në Amerikë. Ndoshta, kjo është skuadra më e re, e planetit, e cila ka nisur një “fushatë me synimin për të krijuar një ekip të madh futbolli…” në Amerikën e Veriut.
Drejtuesit e klubit të futbollit “New England Force”, e kanë nisur “adrenalin” e tyre në divizionet më të ulta; USL, NASL, dhe ndërsa tash ata kan kan aplikuar për divizionin e parë, Ligën e Madhe të Futbollit – Major League Soccer, MLS, në kampionatin e Futbollit të Amerikës së Veriut, që përfshinë SHBA dhe Kanadanë, ku simbas disa burimeve zyrtare ata tashmë e kan fituar të drejtën që të fillojnë të luajnë në Divizionin e Parë të SHBA, MSL, sesionin futbollistik, që fillon pranverën e vitit 2014.

Deklaruar sipas zyrtarve të këtij klubi, bëhet e ditur se ata do të stërviten në qendrën sportive Mount Vernon Sports Underdome në Nju Jork, Kurse shtëpia e mundshme e skuadrës më të re të futbollit “New England Force” do të jetë kryeqyteti Providence, në ishullin Rohd Island në New England – . Stadiumi “Bulldog Bryant Universiteti” në qytetin Smithfield me kapacitet 35 mijë spektatorë, do të jetë zyrtarisht “arena” ku do të luaj skuadra e futbollit “New England Force” .

Faqja e internetit e skuadrës së futbollit “New England Force”, tregon gjithashtu zyra e tyre, do të jetë në ambjentet e stadiumit, kryesisht me një staf profesionist të përbërë nga emra të njohur të futbollit në Divizioni e I-rë, të i futbollit Amerikan. Manaxher i ekipit dhe trainer i tij do të jetë Jonathon Langer, ish traineri i ekipit të Teksasit – “Austin Posse”, i ndihmuar nga traineri europian – spanjolli Javier Inglesias dhe David Wilder, që të tre trajner të mirë, të harmonishëm dhe jashtëzakonisht të certifikuar .

Sipas vetë zyrtarve të lart të ekipit, plani i ri i ekipit të futbollit “Forca Angleze”, është që të nënshkruajnë kontrata për kartonat dhe për të paguar lojtarët, që kanë përfunduar tashmë marrëveshjen me klubin e futbollit “New England Force” e kryeqytetit Providence, në ishullin Rohd Island në New England – bregdeti verilindor i oqeanit Atlantik në SHBA.

Ndërkohë, që në një faksimile të faqes zyrtare të klubit amerikan në internet, shkruhet se zyrtarët e ekipit New England Force – Forca Angleze”, kan thirrur edhe futbollistin shqiptar nga Shkodra, “Djepi i Futbollit” në Shqipëri, Bruno Kepi. I cili, tashmë pas Hamdi Salihut, goliadorit shkodran që luajti me ekipin e Washingtonit D.C. United, do të jetë shqiptari i dytë, për Divizionin e I-rë, Ligën e Madhe të Futbollit – MLS, në kampionatin e Amerikës së Veriut, që përfshinë SHBA dhe Kanadanë.
Kepi pritet të forcojë ekipin England Force

Kështu të paktën shkruan gazeta sportive e Rohd Island, ku thotë se ekipi “New England Force” janë duke pritur gjëra të mëdha nga arrdhja e një futbollisti shqiptar – Bruno Kepi, dhe prurjet e reja nga Europa. Sipas saj Kepi, është një futbollist i ri shqiptar, i nivelit ndërkombëtar, që luan në pozicionin e mbrojtësit. Kepi shkruan shtypi amerikan do të jetë në rrugën e tij, për në SHBA në një çështje javësh. Mbasi kështu të paktën shpreson klubi, shkruan kjo gazetë duke shtuar se “një ditë ai pritet të mbërrijë të luaj për ekipin që në shqip thirret “Forca e Anglisë” ndeshjen e ardhshme miqësore në fund të qershorit në Nju Jork.

Bruno Kepi shkruan gazeta amerikane “është në një pozicion të vështirë në skuadër, duke luajtur rolin e një mbrojtësi i talentuar me shumë eksperiencë, mbasi ai përfaqësoi Shqipërinë në të gjitha nivelet, duke filluar me U-16 dhe më lart. Sipas, kësaj gazete trajneri ekipit “New England Force”, Jon Langer, ka deklaruar se ne: “Ishim me fat që manaxheri ynë ishte në gjendje të sjell në ekipin tonë, mbrojtësin e talentuar shqiptar.”. Zoti Langer, është shprehur gjithashtu se ai e njeh futbollin shqiptarë, duke shtuar se ” Shumica e lojtarëve shqiptarë janë shumë të talentuar, dhe disa prej tyre kan pasur fatin të përfundojnë deri në disa prej ligave më të më mira, duke luajtur me disa nga ekipet më të forta në Europë. Më tej ai citohet të ketë thënë se, “Për shkak të komunikimeve tona të araxhmaneve, kemi synim dhe po bëjme përpjekje nga të gjithë vendet të grumbullojmë futbollist, duke përfshirë edhe ata në Shqipëri dhe Rusi. Në Shqipëri, jemi duke u bërë të gjitha përpjekjet tona, që të sjellim sa më parë Bruno Kepin, dhe për të marrë atë këtu jemi në trataiva për vizë me ambasadën e SHBA në Tiranë, që të na e sjellin sa më shpejt të jetë e mundur”, thotë zoti Langer.
Shkodrani Kepi drejt Amerikës!

Futbollisti shkodran Bruno Kepi, i cili krahas Vllazënisë së Shkodrës ka luajtur edhe për, Skënderbeun, Bylysin, Velipojën, Beslidhjen e Lezhës e tjerë , në Shqipëri, është shumë pranë kalimit për në Divizionin e I-rë të futbollit amerikan MLS. Lajmi bëhet i ditur edhe nga Federata Shqiptare e Futbollit – FSHF, e cila pranon se ditë e fundit, ajo ka marrë një kërkesë zyrtare nga ekipi New England Force, këtu në SHBA, për të mundësuar marrjen e kartonit që disponon shkodrani i talentuar Bruno Kepi.
Për shtypin sportiv shqiptarë vetë Kepi ka pranuar se ka pasë një ofertë prej ekipit New England Force në Divizionin e I-rë të MSL në SHBA. “Kam pasur një ofertëtë të tillë, thotë Kepi, përmes manaxherit tim Bujar Gjata, i cili është dhe President i Klubit të Futbollit Dardania në New York, për të luajtur me ekipin amerikan New England, ofert e mbrritur në ekipin tim Beslidhja e Lezhës dhe në Ambasadën amerikane në Tiranë, për vizë”.

Ai shprehet se është duke pritur më konkretishtë, mbasi nëpërmjet manaxherit të tij janë dhënë disa DVD, klubit pritës në Amerikë, të cilat, me sa duket janë pëlqyer edhe nga tranieri amerikan Langer. Andaj tash ai pret që nga momenti në moment të mbrrijë këtu në Shtet e Bashkuara, për tju bashkuar futbollit amerikan, dhe për të realizuar “ëndrrën e tij Amerikane” në futboll.

Bruno Kepi, është një lojtar i futbollit shqiptar, ai aktualisht lot për KS Beslidhja, Lezhë. Bruno filloi karrierën e tij të futbollit me KS Vllaznia, në Akademinë e Futbollit të Shkodërs për të vazhduar me U12 , U17 dhe U21 dhe ekipin e Kombëtares së Shqipërisë. Ai është një lojtar i përkushtuar dhe i talentuar, i cili kryen shumë mirë çdo pozicion në fushën e blertë të lojës. Ndërsa, ai ishte duke luajtur me Vllazninë në fillimet e tij, ai u pikasë mirë nga specialistët e futbollit shqiptarë, nga ata të ekipit kombëtar shqiptar U17 dhe U21 për të veshur fanelën kuqezi. Pozita e tij më e preferuar në ekip, është si zakonisht mbrojtja, por specialsitët e futbollit në Shqipëri, thonë se “ne e kemi parë Kepin të papritur në çdo ekip me pozicione të shumta dhe herë – herë duke shënuar gola të habitshme, shumica e tyre ishin gola që e vendosën skuadrën ku ai luajti ai për vendet më të mira në kampionatin Futbollit të Shqipërisë .

KALAJA E RRETHUNIT-“NË RRETHIM TË PLOTE”

June 4, 2013 by dgreca

Nga Msc GEZIM LLOJDIA*/

Qyteza antike e Olimpes, në fshatin Mavrovë, 20 km në juglindje të Vlorës . Në toponimet e hershme quhej Olympe i pagëzuar ndoshta për vajzën e mbretërit Pirro .Në një toponim tjetër gjendet Mavrovë-Fitorë. Ne ndërmorëm një ekspeditë, në lartësinë 285metra, ku gjendet qyteti i heshtur ilir i Olimpes. Sipas të dhënave që kishim nga periudha e antikitetit, në këtë zonë të njohur në luginën e Shushicës, ka qytete dhe fortesa te cilat ishin pjese konionit .Një ndër këto është Olympia qytet tjetër i Koinonit Amantia, rrënojat e të cilës ndodhen në fshatin e sotëm Mavrovë në anën e djathtë të lumit Shushica kur rrjedh lumi . Olympe shtrihej mbi një kodër me një sipërfaqe prej 13 ha dhe ishte qytet i pajisur edhe me akropol. Emrin Olympe, qyteti mendohet se e mori nga vajza e Mbretit Pirro, Olimpia. Këtë variant e hodhi për herë të parë arkeologu Olympe u zbulua nga arkeologu Burhan Dautaj, i cili gjatë gërmimeve të zhvilluara në vitet 1960 gjeti tetë monedha me mbishkrimin Olympiastan.Na ishte dhënë një këshillë e mençur, brenda kuadrit të Amantias të futej edhe kjo qytezë, gjurmët e të cilave në i gjetëm edhe pas kaq kohësh aty sipër rrugës automobilistike në kthesën e parë tek varrezat, kur vjen nga gryka dhe 100m më poshtë kur je nisur nga qyteti bregdetar. Fshati aktualisht sot mban emrin Mavrovë . Ndërsa toponimi i saj e hershëm Olympe që ka mbajtur qyteti me monedhën e vet është vetëm historik . Vendasit kanë filluar ti rivënë emrin Olympe shoqatës së fshatit të tyre, ndonjë lokali e magazinë dhe kjo është fare pak në krahasim me historinë e kësaj qendre ilire që i ka rezistuar rrebesheve. Muret e saj ne i gjetëm 285m lartësi mbi nivelin e detit. Poshtë është Shushica , që rrjedh në buronja të Kuce me gjatësi rreth 85 km me derdhje ne Vjosë . Përkarshi ka fshatin Lapardha . Poshtë në Sirokëmbë ka fushat deri tek ura në Sklap . Ka ullinj shekullorë . Aty nga vitet ‘88 kam takuar arkeologun Llambi Durollin në Mavrovë . Nga shkolla e fshatit zbritëm poshtë tek udha . Llambi më tregonte për vendbanimin e hershem dhe monedhën e saj . Në rrjedhën e Shushicës ka edhe një vendbanim si Cerja rerth 60 km nga qyteti i Aulonës dhe ka shërbyer më shumë si qendër e fortifikuar për kontrollin e rrugëve që mbronin nga largësia. Arkeologët thonë se një popullsi ilire ka jetuar pikërisht këtu prej epokës së bronzit. Mirëpo, ajo që na kishte tërhequr më tepër qe kalaja e Mavrovës. Rruga ishte përmirësuar nga qendra e fshatit, deri në lagjen Çakallovaj ku u ndeshëm me gjurmët e para të kalasë.

Kalaja shtrihet në një sipërfaqe të mëdha rreth 13 ha . Vendi dhe gjurmët e saj shfaqen diku heshtin dhe zhduken .Lagjja që ne shkuam në fillim kishte vetëm dy banorë ndërsa ndërtesat ishin ruajtur .Muret vijon brenda disa banesave të familjes Hoxha. Ferrat ishin mbizotëruese duke bërë që trakti i murrit vende-vende të humbiste. Gjurmët më të dhimbshme i kishte nekropoli. Vetëm ca shenja ku ishin gërmuar ndoshta 40 vjet më parë.Ca gurë të hedhur rastësisht. Shumë banorë kanë përdorur ndër kohëra gurët e kalasë për ndërtesat e tyre. Është i çuditshëm fakti se kur u tentua të filmohej nga ajri për të bërë foto të sajën rezultoi një dështim i vërtetë. Muret e kalasë ishin të pushtuar nga bimësia e cila prej vitesh të gjata mos ndërhyrje ishin kthyer në shekullore. Për Olympain nuk një giud turistike. Nuk ka vizitorë,nuk ka punëtorë që të pastronte. Nuk ka është e shënuar në asnjë manual,nuk gjendet kërkund nëpër botime. Nuk ka pasur asnjë ekspeditë arkeologjike pas viteve ’90. Një tentativë ne bëmë për ta marrë në kuadër të parqeve arkeologjike. Qëllimi ynë ishte i thjeshtë, por do të realizonim dy gjëra: E para; do të vendosnim një punëtorë për të përhershëm për të pastruar dhe mirëmbajtur i cili do të paguhej nga fondi 602. Së dyti :Vizitat në Olympe.E përfshimë në guitën e qendrave historike të lumit të Vlorës kur para se turistët të shkonin në Plocë,një vizitë në këtë qytet buzë rrugë do të ishte një mrekulli .Kishte shansin për të njohur,por edhe për të përfituar nga ekspedita arkeologjike të cilat do ti nxisnim për të shkuar atje. Realiteti tregoi të kundërtën. Nuk mjafton dëshira. Përpara ke një murr të madh dhe të pakapërcyeshëm zyrtarësh të rëndë që e bëjnë edhe më të vështirë nga se është.Duke vlerësuar potencialin historik bashkia e Vlorës e ka përfshirë këtë qytete në listën e objekteve historike me gjurme antikiteti dhe të vizitueshme .Të tilla janë ato të “Shpellave të Velçës”, “Shpellave të shkruara të Lepenicës” (nga më të rrallat në Ballkan e Mesdhe), “Shpellat e Spilesë” (Himarë) apo “Mozaikët e Mesaplikut”, pasuri e rrallë kombëtare. Vendbanimet tumulare të Vajzës, Dukatit, Mavrovës, “Pitosa” të Mallkeqit tregojnë për autoktoninë dhe vazhdimësinë etno-kulturore të ilirëve në periudhën e bronxit dhe të hekurit .E njëjta gjë dëshmohet edhe në vendbanimet e tjera të lashtësisë që janë qytete- si Amantia, Olympia, Kanina, Himara, Cerja, Armeni, Hadëraj , Triporti dhe vet.Ka marre statusin e trashëgimisë kulturore ne vitin 1963.

Kalaja ne Rrethun
Ndërkohë që të dhënat më të sakta për këtë kala, i gjetëm tek një shkrimi i autorit vendas Burhan Dautaj .Dautaj ishte arkeologu qe ka gërmuar ne këtë qytete kur u formësua mendimi për ekzistencën e tij . i cili shprehet kështu:“Kërkimet filluan ne dy pika: brenda mureve rrethuese te qytetit ne skajin me jugor te majës se Rrethunit dhe ne nekropol. Nga veri-perëndimi ndërpritet prej rrugës këmbësore qe lidh lagjen Ymeraj me Cakallovaj, deri sa bashkohet me traktin ne piken C.”Ky trakt i ruajtur ne lartësinë e tri radhëve (lartësi 2 m. dhe gjatësi 12 m.) është ngritur nga blloqe trapezoidal e katerkendesh, me faqe pak te sfumuara (fig. 3). Ne fasadën e tij dallohen gurelidhesit tërthore qe përforcojnë strukturën e brendshme te murit. Këtu muri bën një kthese ne kënd te drejte, për tu ngjitur përpjetë shpatit perëndimor te kodrës, ndërpritet nga rruga këmbësore qe lidh lagjen Shahaj me Cakallovaj, për tu lidhur me traktin ne piken
Trakti me gjatësi 21 m, lartësi 3.25 m dhe gjerësi 2.80 m, është ruajtur ne gjendje relativisht te mire, me përjashtim te mesit te tij ku ka çarje e shkarje nga themeli .Muresa është ngritur nga blloqe gur gëlqeror dhe shtufore, pjesërisht te punuar me faqe trapezoidale dhe katerkendeshe te gufuara ne pjesën e dukshme te tyre. Blloqet kane këto përmasa: 0.62 x 0.46 m; 1.08 x 0.60 m; 1.60 x 0.60 m; 1.80 x 0.60 m. Rreshtat ne përgjithësi janë ne linja te drejta me ndonjë shkallëzim qe u është imponuar ndërtuesve me sa duket, edhe nga pjerrësia e madhe e terrenit. Duke filluar nga fundi ne rreshtin e trete, shfaqen gurelidhsit tërthorë te vendosur ne distanca te ndryshme qe lëvizin nga 2.85 deri ne 3 m. Themeli i ngritur nga blloqe te papunuar ku duken qarte gjurmët e nxjerrjes se tyre nga gurorja, është lënë si thembrat me një dalje 0.15-0.20 m nga muri. Nga qoshja ku trakti merr kthesën nga lindja, muri me gjatësi 23 m i është nënshtruar një rindërtimi qe shkon deri ne themel. . Në vendin me emër toponimik “Çezma e plakës”, lartësia e murit sipas arkeologut, Burhan Dautaj “arrin në katër rradhë gurësh, ndërsa më tej kap lartësinë e 6-7 radhëve”. Në këtë zonë, forma e gurit është ruajtur mjaft mirë. Në vendin e emërtuar “Maja e rrethonit” gjendet masivi shkëmbor, ku sipas arkeologëve është marrë materiali për të ndërtuar muret e kalasë së qytetit antik. Bazuar në të dhënat e disa studimeve, ky mur ka ngjashmëri me muret e tarracimit në akropolin e Dimalit, të përdorur dhe për mbështetjen e çative në godinat e shekullit II para Krishtit. Gjurmët e para të kalasë hasen në lagjen e emërtuar “Cakallovaj”dhe vazhdojnë përgjatë kopshteve private, ndërsa sipërfaqja brenda mureve rrethuese të kalasë së Mavrovës arrin në rreth 13 ha, duke e renditur Olimpen mes qyteteve mesatare të antikitetit”. Ç’ka thotë studimi:”Shek.3 e gjen kryeqendrën ekonomike e kulturore të Koinonit, Matohasanajt, Cerjas, Hadëraj”.Janë të gjitha qëndra që shtrihen gjegjësisht,gjithandej si në veri dhe në lindje të kryeqendrës. Lajmi i S.Anamalit është:”Prova e sjelle nga Ugolini se ne afërsi te Plocës mungojnë rrënoja te tjera te lashta, sot nuk mund te përdoret si argument; ne vitet e pas çlirimit rreth Plo¬ces janë zbuluar tepricat e tre qyteteve te tjera te fortifikuara, bashkëkohës me atë te Ploces, dhe pikërisht ne Matohasanaj ne lindje te Ploces, ne luginën e Vjosës, ne Cerje (Brataj) ne juge dhe ne Olympe, ne perëndim, të dyja ne luginën e Shushicës. Por është edhe Olympe soe Mavrova e sotme me kalanë në “Majën e Rrethunit”,dhe kështu katër qytetet të radhitura në sira, Bylys, Amantia, Oriku dhe Olimpe .
Olympe.

*Autori ka drejtuar parqet arkeologjike të Vlorës

I dyshuari për postimin e letrës me helm Presidentit Obama rrezikon burgim të përjetëshëm

June 4, 2013 by dgreca

James Everett Dutschke i akuzuar në çështjen e letrës me helm ricin postuar Obamës – Nëse shpallet fajtor për akuzat, ai mund të përballet me burgim të përjetshëm dhe qindra mijëra dollarë në formë gjobe do të paguaj për dëmin./

Nga BEQIR SINA, New York/

JACKSON, Mississippi – Një juri federale në Misisipi ka paditur një njeri si të dyshuarin e vetem për dërgimin e-një letre me helm ricin-laced në zyrën e Presidenti Barack Obama, në Shtëpinë e Bardhë dhe disa zyrtarëve të tjerë, sipas një aktakuze të bërë publike të hënën, shkruan shtypi amerikan .
Sipas shtypit amerikan, padia e ngritur ndaj 41-vjeçarit James Everett Dutschke, e akuzon atë në 5 shkallë, duke përfshirë edhe prodhimin dhe magazinimin e helmit ricin-laced, ai ka kërcënuar jetën e Presidentit të SHBA, dhe të zyrtarëve të tjerë dhe se i dyshuari është duke u përpjekur të pengojë hetimin.
Gjithashtu sipas disa burimeve zyrtare, thuhet se “Nëse shpallet fajtor për akuzat, i dyshuari mund të përballet me burgim të përjetshëm dhe qindra mijëra dollarë në formë gjobe të paguaj për dëmin e shkatuar”.
“I dyshuari Dutschke, u arrestua në shtëpinë e tij në Tupelo – Misisipi në 27 prill. Ai është i dyshuari i vetëm që mbahet deri tani për postimin e letrave me pluhurin helmues ricin-laced drejtuar Shtëpisë së Bardhë më 8 prill, Presidentit Barack Obama, dhe disa zyrtarve të tjerë, në Shtëpinë e Bardhë,” ka deklaruar senatori Roger Wicker nga Mississippi dhe Gjyqëtari Sadie Holland, nga Gjykata e Drejtësisë së Prefekturës Lee County, e Misisipit

Shtypi amerikan nënvizon se Dutschke, vetë ka mohuar çdo përfshirje, në këtë çështje.
George Lucas, një avokat për Dutschke, tha se ai nuk kishte parë ende aktakuzën dhe nuk kishte asnjë koment të menjëhershëm, rreth reagimit të klientit të tij, që mbahet në burg.
Dutschke është personi i dytë për t’u përballur me akuzat në këtë rast.
Paul Kevin Curtis, një 45-vjeçar, u arrestua më 17 prill, por akuzat kundra tij u hodhën poshtë gjashtë ditë më vonë, se ai u arrestua duke e lënë të lirë atë.
Curtis, tha dje se pas arrestimit të tij, ai besonte që akuza e ngritur ndaj tij ishte e kurdisur. Curtis tha se ai dhe Dutschke njohin njëri-tjetrin dhe se ai kishte një “gjakëmarrje”.
I akuzuari 41-vjeçari James Everett Dutschke, një ish instruktor i arteve marciale, ka drejtuar pa sukses një fushatë zgjedhjesh, në shtetin e tij, duke përfshirë edhe një sfidë të vitit 2007, në fushatën e djalit të kongresmenit të shtetit Misisisipi nga partia Demokratike Steve Holland.
Autoritetet thanë se ata kishin gjetur gjatë hetiemve një qese plastike me pluhur, që Dutschke, kishte provuar për ta larguar nga ish-studio e tij e arteve marciale dhe e kishte hedhur në plehra aty pranë. Hetuesit thanë se qesja ka testuar pozitiv për ricin-laced dhe ADN-ja e tyre tregon se dy njerëz ishin marrë me të, duke përfshirë Dutschke.

Autoritetet nuk kanë thënë se kush tjetër kishte “dorë” në qesen me helm (ricin-laced), por një agjent i FBI dëshmoi gjatë seancës paraprake se shumica e materialit gjenetik mbi atë i përkiste Dutschke, e cila ishte marrë nga provat e ADN-së.
Autoritetet thanë Dutschke, ka përdorur internetin për të bërë tre blerjet e produktit – të quajtur castor beans një bimë që prodhon ricinin. Ricini-laced, thonë hetuesit është helm, dhe se Dutschke ka hulumtuar se si të bëjë një helm të tillë me këtë lloj bime – të quajtur castor beans.
FBI nuk ka zbuluar ende detaje rreth asaj se sa vdekjeprurës është ky lloj helmi i cili quhet ricin – laced. Një zyrtar i Senatit ka thënë se ricin nuk ishte armë kimike, çka do të thotë që ajo nuk ishte në një formë që mund të hyjë lehtë në trup. Megjithëse, tha ai ajo të sjell probleme vetëm nëse e ke thithur, atë atëhere pluhuri ricin mund të shkaktojë mbylljen e rrugëve të frymëmarrjes, në mesin e simptomave të tjera.

Kombi ynë, i humbur në kohë

June 4, 2013 by dgreca

*Para 600 vitesh u zhvillua beteja në Fushën e Mëllenjave,dhe deri me sot ende nuk iu kemi përgjigjur se kush e fitoi dhe kush e humbi. Si është e mundur që në në të njejtë luftë vdiqën edhe Cari i Serbisë e edhe Sultani i Turqisë , që të dy ushtritë u mundën dhe në të njejtën kohë që të dyjat dolën fitimtare?/

* Sipas kësaj që thot Lubonja ,atëherë duhet gjuajtur në mbeturina edhe Vaçe Zelen, Abdurrahim Buzën, Odhise Paskalin,Eqrem Çabejn, Fitnete Rexhën ,Mentor Xhemajlin, Aleks Budën . Jo ,Jo keq e keni Fatos Lubonja./

Shkruan Fahri XHARRA/

Sa më shumë po kalon koha ; sa ma shumë po i afrohemi një errësimi të madh kombëtar aq më shumë po e shoh se pse i gjithë ky mohim i vetëvetës . Mos groponi se nuk duhet, mos i preni thonjt natën se nuk duhet , mos i numroni yjet natën se nuk duhet ; kështu na thoshin.Dhe ne, ashtu pa menduar fare se pse ishin këto këshilla ,bënim atë që na thonin dhe i përkuleshim mosdijës , e përqafonim errësirën dhe dritën nuk na e donte syri.

Na janë mëshefur gjërat me shekuj ,e edhe vazhdojnë të na mëshihen. Prap rreth rrethit dhe në rrethin pa dalje , dhe prap në frigën nga shpejtësia e informimit ,mësimit dhe vetëdijësimit. Terr!

Buajt shkrryhen e bretkocat ngordhin : “Shkuarja ime në Siri ka qenë e bazuar në aspektin fetar, edhe e kam parë se në Siri është filluar lufta mes sunitëve dhe shiitëve cilët (luftë) e kanë filluar shiitët me alevit”.“Duke e parë, ndihmesën që i ka ardhur sektit alevit, nga sektet e tyre që janë shiitët, atëherë unë kam vendosur, i frymëzuar nga Kurani dhe Syneti i Pejgamberit S.A.S., të marr rrugën për t’i dalë në ndihmë atij vendi, ku Allahu dhe vetë Pejgamberi S.A.S., e kanë obliguar çdo mysliman që të marrë pjesë në luftë kundër një zullumqari dhe në luftën kundër qafirëve. Kur them qafirit, po flas për gjendjen aktuale në Siri”, nisi rrëfimin për Radion Evropa e Lirë, një shqiptar i Kosovës, që luftoi si vullnetar në Ushtrinë për Çlirimin e Sirisë, për tetë muaj.( Lufta në Siri dhe shqiptarët e Kosovës ). Sa jemi të informuar se çka dhe pse po ndodhë kjo në Siri?

Kjo është luftë buajsh e cila neve nuk na përket. Të rrijmë sa më largë këtyre shkrryerjeve ,se jemi shumë të vegjël t`iu ndihmojmë apo t`iu ç`ndihmojmë . Pse dhe për kë? Dromca që e bëjnë të perditshmën tonë.

Pjesëmarrja në luftë : “Thënë të drejtën, ashtu si nuk kam dashur te deklarohem për pjesëmarrjen në luftë, gjithashtu nuk kam dashur as te aplikoj për statusin e veteranit të luftës, sepse, sic thash, atë pune nuk e kam bërë per interesa te dynjasë, por thjesht për hatër te Allahut si permbushje të një obligimi ndaj popullit tim. ….une kam aplikuar që të më njihet statusi i veteranit te UÇK-së. Eshte dëshmi për kontribut dhe asgjë tjeter”, ka theksuar Krasniqi per Indeksonline.” Pse tani “Statusi i veteranit” , kur përditë e më tepër ballafaqohemi me papunësi në rritje , me ulje të standardit jetësor dhe me … me …?

” Gazetat raportojnë sot se kreu i Bashkësisë Islame të Kosovës me disa bashkëpunëtorë kanë aplikuar për statusin e veteranit të luftës së UÇK-së. Myftiu i Kosovës Naim Tërnava dhe disa bashkëpunëtorë të tij kanë aplikuar për statusin e veteranit të UÇK-së, megjthëse siç shkruan “Koha ditore”, nuk kanë bërë as “bam” në luftë! Por myftiu Tërnava, si kontribut në luftë ka përmendur disa mijëra marka e ndihma ushqimore dhe sanitare për refugjatët shqiptarë në zona të ndryshme të luftës. Sipas myftiut, kjo është e mjaftueshme për të marrë statusin e veteranit të luftës.”
Standardi i jetës po bie përditë e më shumë dhe ne kemi kohë të kërkojmë: “Por sikur Tërnava për veteran ka aplikuar edhe kryeimami Sabri Bajgora, si dhe komplet Kryesia.”

“Unë e thashë, se është dasht që Shtabi i Pergjithshem i UÇK-së t’i ketë listat e sakta për ushtaret. Por, meqenëse ajo nuk e ka kryer punën e vetë si duhet, atëherë le t’i jepen meritat ashtu siç i takojne secilit për ta marr titullin veteran, edhepse ky numër i fryer krijon mëdyshje te medha. Le t’ua arkivojmë secilit meritat që i kanë për atë perudhë shumë të rëndesishme të historisë sonë. Nuk ka të drejtë askush që në emër të meritave të luftës të krijoj përfitime politike, fetare e materiale në interes te vetin (per vete) apo qe te shkaktoi urrejte nderpartiake, nderfetare e aq me pak besimin fetar ta ngris mbi kombin.
(Dibran Idriz Gashi)

Pse Rexhep Boja i kishte këshilluar kolegët e tij hoxhallarë që të mos bëjnë një gjë të tillë.?

Lufta dhe shkenca ”Vendi i pestë i botës ku kishte observator ( Observatori megalit ilir-pellazg i para 4 000 vjete),prej nga vërehej qielli dhe lëvizja e yjeve dhe e Diellit ,edhe sot e kësaj dite banohet nga shqiptarët dhe është në bjeshkët e Kumanovës . Quhet Kokino. Kush e thot që Kokino ishte Ilire? Sllavët e Maqedonisë jo,por kjo është e vërtetë. Kemi pra të bëjmë me të parët tanë që kishin njohuri astrologjike , mjeksore ,anije ndërtimtarije; i kishin qytetet e tyre ,i kishin mbretëritë e tyre , i farkonin monedhat dhe shpatat e tyre (F.Xharra, Observatori Megalit Pellazgo -Ilir afër Kumanovës ) .

Pse tani Kokino , kur përditë e më tepër ballafaqohemi me papunësi , me ulje të standardit jetësor dhe me … me …? Por ne duhet të dijmë se kush ishim dhe si të tillë ta rrisim krenarinë tonë kombëtare e të mos biejmë pre e mashtrimeve ,vetëmohimeve dhe autozhbërjes.

Lubonja: Vepra e Kadaresë në shërbim të Enverit “E kam konsideruar si një vepër në shërbim të ideologjisë nacional komuniste të Enver Hoxhës. Domethënë ku në një anë glorifikohet e kaluara shqiptare, në një frymë nacionaliste dhe kam parasysh korpus veprash të tëra, dhe nga ana tjetër është edhe pasqyrë e ideologjisë komuniste në kuptimin e të ardhshmes po të kesh parasysh shumë vepra si “Ëndrra industriale”, apo romane si “Dimri i madh” etj, etj. Kjo është një ideologji e pushtetit dhe unë kam mendimin që një analizë serioze e veprës së Kadaresë të sjell tek fakti që vepra e tij ka ndjekur hap pas hapi propagandën, këtë ideologji dhe propagandën e kësaj ideologjie në rrjedhën e kohës me disa përjashtime ndoshta”- tha Lubonja.”

KADAREJA! E kemi nga ata margaritarët që bota na e ka lakmi .“ Shqipëria me Kadarenë, e ka jetën përpara” – Laurence Cosse (Le Quotidien de Paris,17.03.1982) Shkruanin në Europë . E ende shkruajnë. Po ju?

Sipas kësaj që thot Lubonja ,atëherë duhet gjuajtur në mbeturina edhe Vaçe Zelen, Abdurrahim Buzën, Odhise Paskalin,Eqrem Çabejn, Fitnete Rexhën ,Mentor Xhemajlin, Aleks Budën . Jo ,Jo keq e keni Fatos Lubonja.

E mëshehta e Luftës së Kosovës (1389) Milorad Dobriç (Милорад Дерић

Тајна Косовског боја )” Para 600 vitesh u zhvillua beteja në Fushën e Mëllenjave,dhe deri me sot ende nuk iu kemi përgjigjur se kush e fitoi dhe kush e humbi. Si është e mundur që në në të njejtë luftë vdiqën edhe Cari i Serbisë e edhe Sultani i Turqisë , që të dy ushtritë u mundën dhe në të njejtën kohë që të dyjat dolën fitimtare?

Shkruesin e këtij shkrimi(Milorad Dobriçin, pra) e kanë penguar shumë mëdyshje që të jepë përgjegje . Përgjegja të imponohet vetvetiu:-kjo s`ka mundur të ndodhë në një luftë të vetme? Duhet të kenë qenë dy luftëra- dy beteja , me dy fate të ndryshme lufteje.Kur dhe si? Dihet që ndeshja kishte filluar në orët e herëshme të mëngjesit me 28 Qershor 1389, dhe lufta kishte mbaruar në orët e pasditës të të njejtës ditë, dhe në atë mëngjes u mbyt sulltan Murati . E qau dysh jatagani i kalorësit serb ”prej ushkurëve e deri në fyt”. Si mundi që ai kalon nëpër rojet tuke ,dhe askush të mos ia vëren atë ”armë të mëshefur”?Të mëshifet ka mundur vetëm ndonjë brisk i vogël. Por ”shkyerja e trupit deri në fyt” me brisk të vogël nuk bëhet. Si arrijti kalorësi vrasës tek Sulltani?Vrasja e një Sulltani , nga kalorësi që hyri në çadrën e Sulltanit për t`iu nënshtruar duke ia puthur dorën është pak e pabesueshme.”

Sidoqoft vetë serbët e vejnë në dyshim mundësinë e ”heroizmit serb”.

E na e shenjtërojmë atë vend të një ngjarjeje ,at vend të një konspiracioni që do të zbullohet herë do kur do.

Frankofonia ( me F të madhe) e përshkruan botën e përbashkët frankofone,dmth vendet e ndryshme ku frengjishtja është gjuhë ëmtare apo gjuhë e dytë. Fjala është për shprehje gjeografike dhe një rigrupimi gjeopolitik;, kurse Gjermanishtje standarde apo Hoch Deutsch (Gjermanishtja e lartë) e grumbullon dhe e njëson të folmen e mbi 250 dialekteve gjermane ,të Gjermanisë ,Austrisë dhe Zvicrës. Bukur shumë. Një gjë më çuditë se si një popull aq i madh me një përparim aq të madh ekonomik ,po ka nga (kohë) të mirret edhe me unifikimin e gjuhës.

Po tek ne ”Abetarje gjithëshqiptare” qenka kundër Kushtetutës së Kosovës.

02.06.13