Archives for April 2014

EDITH DURHAM DENONCOI ARROGANCEN E EUROPIANEVE PER POLITIKBERJEN NE BALLKAN

April 7, 2014 by dgreca

PO TA DINTË INGLIA MË 1914, ATO QË DI SOT,PASHICHI DO TË ISH NË BURG/

Nga Gëzim Llojdia*/

1.Periodiku në gjuhë të mëmësisë së vet ,ishte ”Dielli”,që nxirte në kontinentin e largët gjuhën shqipe me rrodhanët e saj. Të martën më 6 janar ,1925 nga Bostoni,dy korniza të saj komentojnë rreth një artikulli të “Foreign Affairs” të Londonit, që bënë fjalë për vrasjen e dukës Ferdinand me komplotin e ngjizur në Beograd si dhe më tej, gjejë një shtjellim, që sjell filoshqiptarja sic e vlerëson Dielli, Edit Durhamin për këtë ngjarje.

Në një artikull në “Foreign Affairs” të Londonit, gazetën e të ndyerit E. D. Morel, ish-anëtar i Parlamentit Inglis dhe një nga mbrojtësit më të fortë të Kombeve të vegjël dhe të munduar ,nga shkaku i lakmive imperialiste të fuqive të mëdha, i cili vdiq para ca kohve e veja filoshqiptare M. E. Durham provon, duke marë për bazët dokumenta të botuara nga njerës qe qenë nënpunës në governën serbe të Pashicit më 1914, komploti për vrasjen e Kryedukut Franz Ferdinand më 1914, ish organizuar në Beligrad me dije ,të guvenës serbe. Miss Durham në fund të artikullit shënonkëtë paragraf:

Kish vetëm një mënyrë për të prurë kriminalet përpara drejtësisë dhe ajo ish-mënyra të cilën proponoj Austria. Po të qe që të kishim përkrahur me tërë forcën tonë Austrinë, Z. Pashic edhe miqtë e tij tani mund të ishin në burg të dënuar për jetë në vent që të qeverisin fatzezet Kroate, Malezes,Shqiptare dhe bullgare me methutda aq gjakatare se dhe ajo me të cilën nistën luftën.

Për fat të keq ne ishim lidhur me Rusinë dhe Francën, edhe Franca kish që më 1906 që po e armatiste edhe e financonte Serbinë. Lord Grey tha s’e nuk dëshironte që ta bisedojë këtë cështje midis Austrise dhe Serbisë. Dhe Rusia, sa ti linte penjët e intrigave vrasëse , të Serbis sa të delnin në dritë, zgjodhi më mirë luftën . Në dinte ose jo gjësendi, që më parë Rusia për mi këtë komplot , ajo gjë është edhe për të mesuar . Le të shpresojmë se nonjt ditë Ljuba (Ministre në kabinet të Pashicit 1014) do ti i nxierë të gjitha në shesh

2. Polemikat dhe mosmarrëveshjet mes Durhamit dhe Seton.

Charles King duke i kushtuar figurës së ndritshme të Edit Durhamit, mbasi shqyrton lidhjet e saj dhe polemikat mes Durham dhe Seton shkruan kështu: më 4 gusht 2000 :Një avokat i aspiratave kombëtare të shqiptarëve, vijon pak më tej : ” Pashitsch & Co ” , ajo i shkroi Seton – Ëatson në mars 1925 , duke iu referuar kryeministrit jugosllav , Nikola Pashiq ” , ” nuk kanë krijuar një Jugosllavi por kanë kryer qëllimin e vërtetë në dukje duke e bërë Serbinë e Madhe …. larg nga të qenit të çliruar pjesa më e madhe e njerëzve jetojnë nën një rregull shumë më të ashpër se më parë. ” Fshatrat ishin rrafshuar dhe mizoritë e kryera , një rekord prej veprave që mund edhe të ket nxitur pakicat në Jugosllavi në duart e Rusisë bolshevike që i pëlqejnë politikës serbe dhe politikanët .Gjatë Luftës së Parë Botërore , Seton – Watson ka themeluar revistën Evropën e re për ta bërë kampion në emancipimin e kombësive subjekt të Evropës . Revista bëri thirrje për ” la Victoire Integrale ” , një fitore që do të njohin të drejtat kombëtare dhe në këtë mënyrë të sigurojnë një paqe të përhershme për Kontinentin . Bashkëpunëtorët e përfshirë , përveç Seton – Ëatson si editor , Tomas Masaryk,historiani rumun Nicolae Iorga , dhe shumë shkrimtarë të tjerë të rëndësishëm në çështjet ndërkombëtare , duke përfshirë Durham .

Në mars 1920, Durham i shkroi Seton – Watson për tu ankuar për atë që ajo e pa si një paragjykim pro-serbe në Evropën e Ri dhe duke akuzuar redaktorët që me dashje kryenin injorimin e shqiptarëve të Malit të Zi dhe Kosovës :” Unë kam informacion të kohëve të fundit të cilat që prej armëpushimit serbët, kanë djegur dhe plaçkitur fshatrat shqiptare , katolike si dhe musliman . Por Neë Europe , unë e di , do të mohojë ndonjë urdhër të tillë dhe lënë të kuptojnë se informatori ishte një gënjeshtar . Nëse e vërteta është kështu e fshehur , ajo që pyes veten është pse gjërat shkojnë keq ?

-Kjo nuk ishte një çështje e fyerje personale , tha ajo , por më tepër një ilustrim i shkëlqyer i arrogancës të pabesueshme e politikëbërësve perëndimorë në Ballkan . Nga efektivisht ndarjen e tokave shqiptare midis një Shqipërie të pavarur dhe Mbretëria e krijuar rishtazi të Serbëve , Kroatëve dhe Sllovenëve – përfundimisht për t’u bërë Jugosllavi – fuqitë evropiane kishin krijuar kushtet për ” një Armeni të dytë” . Shqiptarët , pa artileri dhe pa aeroplanë , do të jenë në mëshirën e ushtrisë serbe , ” dhe faji do të pushojë mbi Konferencën e Paqes ” .

Durham argumentoi se zgjidhja ishte mjaft e thjeshtë për të nxjerrë vijat kufitare në mënyrë që të përfshijë sa më pak njerëz që të jetë e mundur nën sundimin e huaj . Marrëdhëniet mes Durham dhe Seton – Watson ishin tashmë të tensionuara në kohën e Konferencës së Paqes , i cili ripohoi ekzistencën e një shteti shqiptar , por iu larguan shumë pjesë të kombit shqiptar jashtë kufijve të saj, thotë Charles King .

Gjatë viteve , burimi i mosmarrëveshjeve të tyre ka evoluar nga çështjet e politikës së mosmarrëveshjeve në më shumë personale se cili ishte më i kualifikuar për të komentuar mbi çështjet ballkanike , Durham e ka parë Seton – Watson si një honxhobonxho .Ai kishte ardhur në Ballkan nga veriu , përmes interesin e tij me Sllovenëve dhe të kroatëve në Austro- Hungari , dhe për këtë arsye kishte pak për të thënë rreth racave shumë të ndryshme në jug .

“Çarja mes Durham dhe Seton – Watson u rrit gjatë gjithë viteve 1920 , një hidhërim të ndërsjellë që rrjedhin pjesërisht nga të kuptuarit shumë të ndryshme të politikës në Ballkan dhe, gjithnjë , mendime personale . Durham kishte filluar edhe të pohojë publikisht se profesori ka marrë mbështetje financiare nga jugosllavët dhe për këtë arsye nuk mund të llogaritet për të sigurojë një analizë të qetë në Britani , ajo gjithashtu u ankuan për dëmet e pësuara mëtejshme personale nga Seton – Ëatson , sepse ai tani ishte një këshilltar akademik dhe ajo një gazetare e pavarur .

Në fillim të vitit 1929, Arnold Toynbee , atëherë drejtor i Chatham House , ndërhyri si arbitër vullnetare . Ai sugjeroi, që Seton – Ëatson dhe Durham të bashkëpunojnë në një koleksion të dokumenteve jugosllave në lidhje me vrasjen e Franc Ferdinandit për ta botuar nga Instituti Mbretëror i Çështjeve ndërkombëtare .

Të dy Seton – Watson dhe Durham kishte botuar libra mbi vrasjen , por pikëpamjet e tyre ishin rrënjësisht të ndryshme . Llogaria e Seton – Ëaton erdhi pranë exonerating Qeverinë serbe e çdo pjesëmarrjen në vrasje . Libri Durham i ka hedhur pjesën më të madhe të fajit për të Luftës së Parë Botërore, pikërisht në Beograd .

” Durham ka përcaktuar pozicionin e saj në një letër të gjatë për Seton – Watson në shkurt 1929. Toni dhe përmbajtja e letrës duhet ta ketë zemëruar , sepse jo vetëm që ajo ka sulmuar reputacionin e tij si një studiues , por edhe ajo e akuzoi atë se ishte iniciator e kritikes fëminore, që u zhvillua mes tyre . Ajo tha se ajo kishte punuar kohë të gjatë në lidhje me çështjen e sllavëe të Jugut ” – në fakt, unë besoj se fillova të punojë për të drejtat e sllavëve të Jugut përpara jush” – dhe se ai ka qenë një përkrahës i fortë i njohur për kërkesat legjitime territoriale serbe .

Por kur ajo u bë më e njohur me mungesën e qytetërimit midis serbëve , ajo e kuptoi se ata ishin të papërshtatshëm për të sunduar popujt e tjerë të Ballkanit . Prandaj kërkimin e saj për të shpëtuar shqiptarët dhe maqedonasit nga sundimi serb . Jugosllavia e re është ndërtuar ” në themel të së krimit dhe gënjeshtrës ” , një rezultat të njohur nga e kaluara serbe . “Kjo historia e serbëve ka qenë një seri e gjatë të vrasjeve dhe që ende ata kanë provuar të jenë të paaftë për të formuar ndonjë qeverie të qëndrueshme është një fakt i padiskutueshëm ” ,shkruan midis të tjerave në analizën e tij, të gjatë Charles King ,ksuhtuar Edit Durhamit dhe sidomos polemikën e saj me Seton – Watson,të cilën,shkurtari e cituam në kët rradhë.

Edit Durham mbrojti të drejtat e shqiptarëve jo vetëm në botimet esaj por edhe në kërkesat e ndryshme dhe polemikat ajo denoncoi në vijueshmëri genocidin serb.Fjalët es aj lapidar të cilkat periodikja shqiptare Dielli i citon të martën më 6 janar ,1925 vlejën shumë për shqiptarët për të nderuar e vlerësuar këtë grua guximtare që në kohë të trazuara mbrojti cështjen e shqiptarëve si një bijë e këtyre trojeve.M.E Durham udhëtoi nëpër Ballkan përgjatë 20 vjetëve duke mbledhur jo vetëm folklorin dhe traditat e këtyre viseve por ajo solli edhe në pikturë dhe në botime artin e banorëve të Ballkanit.Pas botimit të librit të M.E.Durham në Shqipëri botimi i parë ,kërkova dhe gjeta në Mezhgoranë ,shoqëruesin e saj Sadik Hoxhën me të cilin kishte biseduar më parë F.M.Rr,studiesi vlonjat që më vuri në dijeni se në atë fshatë karakoll ,një banor i tij dikur mund të kishte shoqëruar Mis Durhamin në udhëtimin e vështirë nga Tepelena në Vlorë,të miss Durhamit.

*Msc.Anëtar i Akademisë Evropiane të Arteve

Shtëpia e Vatrës me pamje të re – Rustem Gecaj kreu rikonstriumin e saj

April 7, 2014 by dgreca

Rrustem Gecaj:“ VATRA është një vlerë e madhe kombëtare , është ajo që më ndryshoi mua botëkuptimin tim – për të ditur atdhe-dashurinë dhe patriotizimin shqiptarë, se çfarë është në mërgim”/

Nga BEQIR SINA, New York/

BRONX NEW YORK : Vjetërsia e Vatrës dhe vendndodhja, e saj , materiali i vyer-arkivor mbi 100 vjeçar, i cili gjendet brenda atyre “katër mureve”, pra Shtëpia e Vatrës , dëshmohet në punën e madhe dhe të paçmuar – vlerat kombëtare, që ka futur ajo për të “mobiluar” historinë e saj – të kësaj shoqate famëmadhe , dhe fatlume, për ne shqiptarët e Amerikës, krenaria jonë kombëtare.Me moshë që daton nga fillimi i shekullit të kaluar(Shekullit XX – 26 Prill 1912) emri i saj i shenjtë VATRA, Federata PanShqiptare e Amerikës, u bë në vite një vend frymëzimi që inspiroi me dekada të tëra të gjithë shqiptarët e Amerikës. Ajo që e cila i ngrohu ata me frymën patriotike, dhe mbajti gjallë këtë ndjenjë shqiptarie, që gëzojmë ne sot, deri në ditën e sotme – edhe 102 vjet mbas krijimit të saj – e cila përkon gjashtë muaj më parë se të shpallej edhe pavarësia e Shqipërisë, pra duke u bërë kështu para-rendese e Shpalljes së Pavarësisë së Shqipërisë më 28 Nëntor 2012. Ajo gjatë gjithë veprimtarisë së saj – në Amerikë, me punën dhe veprën kolosale që ka bërë arriti të frymëzojë shumë figura të shquara kombëtare, të cilat më pasë u rradhitën e panteonin e atdhedashurisë e patriotizmit shqiptarë, siç janë drejtuesit e saj prej themeluuesve Konicës e Nolit, deri tek Karagjozi, dhe Buçaj në ditët e sotme.

Rrustem Geci, një veprimtari i njohur i komunitetit shqiptarë në SHBA, thotë se :”VATRA , për të, është një vlerë e madhe kombëtare , është ajo që më ndryshoi mua botëkuptimin tim – për të ditur atdhe-dashurinë dhe patriotizimin shqiptarë, se çfarë është në mërgim”, ku afro tre dakada më parë ai emigroi në SHBA, nga Kosova.

Shtëpia e Vatrës me pamje të re – Rustem Gecaj kreu rikonstriumin e saj duke iu uruar “E gëzofshim së bashku “Shtëpinë e Re të Vatrës”

Këtë vendim falë bujarisë së tij, ai e kishte marrë si një zotim – kishte dhënë një fjalë , si i themi ne shqiptarët; “fjalë burrash”, qysh më 22 shtator 2013, gjatë një vizite që bëri në Shtëpinë e Vatrës së bashku me ish Kryeministrin e Kosovës, Ramush Haradinaj – kryetarin e AAK-së, se : “Vatrës i takon një shtëpi më dinjitoze, më e bollshme, sa më shumë funksionale, për t’i dhënë hapësirë më shumë kësaj Shtëpie, ku brenda saj ruhet si margaritarët tonë kombëtar, pjesët e historisë së Vatrës – e cila, e ka zanafillën e saj me shqiptarët e Amerikës”, ishte shprehur ai dhe po aty kishte shtuar se do të hapte ashti si nga hera- zemrën dhe kuletën, për të ia ndryshuar pamjen e kësaj Shtëpie.

“Unë do ta marr përsipër që t’a bëj! Unë do t’a rinovoj Shtëpinë e Vatrës! me shpenzimet e mija dhe puntorët e mi,” u tha publikisht nga Vatra në njoftimin e saj gjatë një darke, që shtroi për nder të Presidentit të Shqipërisë z. Bujar Nishani, se kishte deklaruar pikërishtë vetë z. Rrustem Gecaj para bashkëatdhetarve të tij.

Gazeta Dielli online shkruajti këtë fund javë se :”Të shtunën me 5 prill 2014, z. Rrustem Gecaj, në prani të Këshillit të Federatës Panshqiptare të Amerikës VATRA, i dorëzoi celësat kryetarit Gjon Bucaj. Ndërkohë, që Kryetari i Vatrës e falenderoi z. Rrustem Gecaj, biznesmen i njohur për dhurime e mbështetje të çështjes Kombëtare,-( njëkohësisht ai është edhe anëtar i këshillit të Vatrës),për këtë dhuratë që u bëri vatranëve dhe komunitetit shqiptar.

Ndërkohë, Dielli sqaron se puna për rinovimin e ndërtesës nisi në fillim të muajit Mars 2014 dhe vazhdoi për një muaj. Rinovimi i katit të parë thuhet se ishte tërsor dhe preku edhe sistemin elektrik, atë hidraulik, u rrëzuan muret, u vu shitrak, u bë plastër, u zhvendosen tubacionet, u shtruan dyshemetë, u ndërhy në sistemin e ngrohejes, në atë elektrik etj. Çdo ditë, sipas Diellit, punuan 5-7 dhe më shumë punëtorë, përveç specialistëve hidraulikë e elektrikë. Riparimi përfshiu edhe mjediset e jashtme të dy kateve të sipërme dhe bejzmentin. Vetë zoti Gecaj, shkruan kjo gazetë i udhëhoqi punimet duke ardhur çdo ditë në Shtëpinë e Vatrës së bashku me djalin , Avniun. Janë shpenzuar me dhjetëra mijëra dollarë, por z. Gecaj nuk jep shifra. Ai jo vetëm pagoi punëtorët dhe specialistët për një muaj, por të gjitha materialet i bleu vetë. Puna u bë me cilësi, sipas kryesisë së Vatrës.

“I kam bërë si për shtëpinë time, citohet të ketë thënë zoti Gecaj, Vatra, është shtëpia e të gjithë Shqiptarëve”, tha ai për Diellin.

Kurse, Ganiu, që drejtoi punimet, thotë për Diellin se ndjehej i gëzuar që pronari, i kompanisë së tij zoti Rrustem Geci, mbeti shumë i kënaqur nga cilësia e punës. Porosia, që na pat dhënë ai shtonë Ganiu, një puntor i kompanisë së tij, ishte e prerë:-“Djema, bëni punë si në shtëpinë time, si në shtëpitë tuaja. E dua me cilësi gjithçka.” Në fakt , shton Ganiu, na doli shumë punë, sidomos në shtrimin e floorit. Materiali ishte i kalbur. Na u desh që të hiqnim deri dhe trarët.Por, gjithësei jemi të kënaqur, që puna na doli shkëlqyshëm.

Duke iu referuar gazetës Dielli online, thuhet se kryetari Bucaj – tregoi historinë e Shtëpisë së Vatrës, e cila është blerë me kursimet e vatranëve ndër vite. Ai përmendi kontributin që patën dhënë viteve të shkuara një grup vatranësh në rinovimin e ndërtesës. Ndërsa atëhere grupi që mori përsipër rinovimin, i prirur nga Kryesia e Vatrës dhe Kryetari Karagjozi, ishte me pjesmarrës të shumtë, si Zef Balaj, Arjan Myrtaj, Ibrahim Kolari, Sejdi Hysenaj, Ahmet Hoti, vëllezërit Zabit dhe Sejdi Bytyci, Zef Perndocaj, Jonuz Ndreu, e shumë të tjerë, ndërkohë, që këtë herë rinovuesi ishte vetëm një, dhe ai është Rrustem Gecaj nga Kosova.

Në këtë shkrim editori i Diellit, shkruan se Kryeatri i Vatrës Dr. Gjona Buçaj, në emër të tij dhe vatranëve tha se :”E falenderojmë për këtë bujari që anëtari i Këshillit të Vatrës – tregoi ndaj nesh dhe vatranët do t’i jenë përherë mirënjohës.Puna që ka bërë z. Rrustem Gecaj, është e një cilësie të lartë, për të cilën flet vetë Shtëpia, që duket si e re -”

Dr. Gjon Buçaj e falenderoi z. Gecaj në emër të vatranëve dhe tha se vatranët nuk do ta harrojnë kurrë këtë dhuratë tepër të vlefshme. Ky kontribut do të shënohet në rekordet e Vatrës 102 vjeçare.

Ndërsa z. Rrustem Gecaj duke i dorëzuar celësat e Shtëpisë së rinovuar në një ceremoni të thjeshtë është shprehur se ndjehej mirë për vlerësimin dhe mirënjohjen e kryetarit të Vatrës dhe gjithë vatranëve duke shtuar se “E bëra se i kisha mundësit”, tha ai. Ta gëzojmë së bashku! Uroj që për një të ardhme jo të largët, të arrijmë që të bëjmë një Qendër shumë herë më të madhe se kjo shtëpi”.

Dielli shkruan se gjatë ditës së Premte, me 4 prill, kishin ardhë për ta falenderuar z. Rrustem Gecaj, kryetari i Vatrës, dr. Gjon Buçaj, i shoqëruar nga zv/kryetari Asllan Bushati, nga anëtari i Bordit të Këshilltarve zoti Zef Përnocaj, dhe editori i Diellit zoti Dalip Greca

Z. Gecaj në ceremoninë simbolike “dorzimin e çelsave” shoqërohej nga djali i tij Avniu dhe z. Rasim Hasanaj, tha se ndjehej i gëzuar që kishte mundur të jepte kontributin e vet për Vatrën Kombëtare dhe shtoi se ndjehej mjaft mirë, që ju vatranët ishin të kënaqur nga puna e tij në rikonstruimin e Shtëpisë së Vatrës duke i dhënë asaj një pajme të re edhe më bashkëkohore.

Ceremoninë simbolike e ndoqi edhe media, TV 21, TV Kultura Shqiptare dhe Gazeta Dielli.

Italy honours HRH Prince Leka II and the Albanian Indipendence

April 7, 2014 by dgreca

The “Famiglie storiche d’Europa” and the “Famiglie storiche d’Italia” pay tribute to the Albanian sovereignity and to the Albanian independant Kingdom 75 years after the fascist invasion of Albania.

75 years after the fascist italian invasion of Albania and the birth during these tragic events of the future King Leka I, the prestigious « Cento e non più Cento » Circle, constituted by members of the high italian and european aristocracy and elite, was pleased to reserve to HRH Prince Leka II of the Albanians the guest of honour’s place at its annual ball which took place at the Palazzo Treville, in Casale-Monferrato, in Piedmont, Italy, on April 4-6 2014.

In his quality of Head of the Royal Albanian Family and Sovereign Chief of the Orders of the Besa and Skanderbeg, HRH Prince Leka II was received with full protocolar and military honours.
In beloved memory of his father, the late King Leka I, who was very much attached to the Order of Skanderbeg, whose colours and name symbolise Albanian sovereignity, national flag and our struggle for independence and liberty, HRH Prince Leka II weared the grand sash with star of this royal order.
During this event, HRH Prince Leka II was registered as member of honour of the European Historic Families Association, as well as member of honour of the Italian Historic Families Association and of the « Cento e non più Cento » Circle. The honorary membership was conferred to His Royal Highness respectively by HIRH princess Margarete of Austria, HE the duke Diego de Vargas Machuca and Dr. Pier Felice degli Uberti.
HRH Prince Leka II was also invited to take the place of his late Father as one of the patrons of the International Commission on Orders of Chivalry. King Leka I was amongst the patrons since 1974 until his death.
The event in Casale-Monferrato was also attended by representants of other royal families from Austria, Afghanistan and Russia, by members of Italian nobility as the Caracciolo or the Giovanelli Marconi and members of the economic and social italian elite as well.
During his stay in Piemont had the occasion to meet some members of the Albanian community who work hard and honestly to help their own families and Albania as well and felt honoured to share with them our common national joys and sorrows.

Italia nderon LTM Princin Leka II dhe pavarësinë e Shqipërisë

“Famiglie storiche d’Europa” dhe “Famiglie storiche d’Italia” nderojnë sovranitetin shqiptar dhe Mbretërine e pavarur shqiptare 75 vjet pas pushtimit fashist të Shqipërisë

75 vjet pas pushtimit të Shqipërisë së pavarur nga Italia fashiste dhe lindjes në kushte dramatike të mbretit të ardhshëm Leka I, rrethi prestigjoz i « Cento e non più Cento » që mbledh në gjirin e tij familje të fisnikërisë së lartë italiane dhe europiane, i rezervoi LTM Princit Leka II të Shqiptarëve vendin e nderit gjatë ballos së tij të përvitshme në Pallatin Treville, seli e Akademisë filarmonike të qytetit të Casale-Monferrato, në rajonin historik të Piemontit në Itali.
Në cilësinë e tij prej kreu të Familjes mbretërore shqiptare dhe Prijësi të Urdhërave të Besës dhe Skënderbeut, LTM Princi Leka II u prit me nderime protokollare të veçanta. Nderimet ushtarake u kryen nga një kompani e fanfarës së armës së bersaljerëve.
Në kujtim të babait të tij, mbretit Leka I i cili i jepte një rëndësi të veçantë Urdhërit të Skënderbeut, ngjyrat dhe emri i të cilit simbolizojnë sovranitetin e Shqipërisë, flamurin e saj, dhe dëshirën për liri e pavarësi kombëtare, LTM Princi Leka II mbajti gjatë darkës solemne, kordonin e madh me yll të këtij urdhëri.
Gjatë këtij evenimenti, LTM Princi Leka II i Shqiptarëve u regjistrua si anëtar nderi i Shoqatës së Familjeve historike të Europës, i Shoqatës së Familjeve historike të Italisë, dhe i rrethit të « Cento e non più Cento ». Diplomat ju dhanë respektivisht nga Lartësia e Saj Perandorake dhe Mbretërore, princesha Margarete Habsburg e Austrisë, Shkëlqesia e Tij, duka Diego de Vargas Machuca dhe Dr. Pier Felice degli Uberti.
LTM Princi Leka II pranoi të zinte vendin që mbreti Leka II mbante që prej 1974 si një nga kumbarët e nderit të International Commission on Orders of Chivalry.
Në eveniment merrnin pjesë përfaqësues të disa familjeve mbretërore, si ajo e Habsburgëve, e Afganistanit, e Rusisë, etj., familje të fisnikërisë së lartë italiane (Caracciolo, Giovanelli Marconi, etj.) dhe përfaqësues të ekonomisë dhe biznesit italian.
Gjatë qëndrimit tre ditor në Piemont, LTM Princi Leka II pati mundësinë të takohej edhe me pjestarë të komunitetit shqiptar në këtë rajon, të cilët me ndershmëri dhe vendosmëri punojnë për të ndihmuar familjet e tyre dhe vendin tonë, dhe u ndje i nderuar të bashkndante me ta gëzimet dhe shqetësimet e përbashkëta kombëtare.

VDEKJE TRAGJIKE E 20 VJECARIT VETON SEJDIU NE NEW YORK

April 7, 2014 by dgreca

Me pikellim te thelle njoftojme miqte, shoket dhe dashamiret se me date 6 prill 2014 humbi jeten tragjikisht, ne moshen 20 vjecare, biri yne Veton Besim Sejdiu, i lindur me 29 maj 1993. Funerali per te ndjerin do te jete i hapur diten e marte, 8 Prill, nga ora 2 pas dite deri ne 9 te mbremjes ne shtepine mortore RUGGIERO & SONS, 732 Yonkers Avenue, Yonkers, NY 10704, ndersa varrimi behet diten e merkure, 9 Prill ne ora 11 para dite ne KENSICO CEMETERY, 273 Lakeview Avenue, Valhalla, NY 10595

Me pikellim të thelle, Familja Sejdiu.

Tel 914-844-8810

SHQETËSIME PËR ELIMINIMIN E VOA-S SHQIP

April 7, 2014 by dgreca

Nga Frank Shkreli/Disa ditë më parë Zëri i Amerikës transmetoi lajmin se Bordi i Guvernatorëve për Transmetimet, agjencia e qeverisë amerikane që mbikqyrë të gjitha transmetimet ndërkombëtare, përfshirë edhe Zërin e Amerikës, njoftoi hollësitë e propozimit për buxhetin e vitit financiar 2015, ku parashikohet eliminimi i transmetimeve në gjuhët e Ballkanit, përfshirë programet e VOA-s në gjuhën shqipe. Projekt buxheti për vitin e ardhëshëm, nëqoftse me të vërtetë zbatohet në formën e tanishme, do të eliminonte programet që transmetohen për Shqipërinë, Bosnje-Hercegovinën, Maqedoninë dhe Serbinë. Përveç këytre, projekt buxheti parashikon edhe shkurtime të tjera në programet drejtuar vendeve të tjera të botës, por shënon edhe ngritje të buxhetit për disa transmetime në gjuhë të tjera, sidomos për programet drejtuar Azisë dhe Afrikës. Kuptohet se ky lajm nuk u prit mirë nga shumë qarqe, përfshirë natyrisht edhe gazetarët e Zërit të Amerikës. Njoftimi i VOA-s për shkurtimet në fjalë, citoi Kryetarin e Sindikatës që përfaqëson shumë nga gazetarët e këtij enti , Z. Dave Allison, të ketë thënë me atë rast se “me eliminimin e këtyre shërbimeve, Zëri i Amerikës po “tërhiqet” nga misioni i tij historik që filloi në vitin 1942. Ai tha se punonjësve të programeve për Ballkanin iu mbushën sytë me lotë pasi mësuan se shërbimet e tyre përballen me eliminimin.” Megjithëse siç duket, lajmi shqetsues për eliminimin e mundshëm të programeve shqip të Zërit të Amerikës është vështirë të merret me mend dhe të absorbohet nga dëgjuesit dhe shikuesit e ri dhe të vjetër, reagimet shqetsuese në lidhje me këtë propozim kanë filluar të shfaqen privatisht dhe zyrtarisht nga komuniteti shqioptaro-amerikan si edhe nga amerikanë të cilët janë përkrahës të Zërit të Amerikës dhe të enteve të tjera të transmetimeve ndërkombëtare të Shteteve të Bashkuara.

Unë kisha një takim të shtunën me asambleistin shqiptaro-amerikan, Z. Mark Gjonaj i cili shprehu shqetësimet e tija të thella në lidhje me eliminimin e mundëshëm të programeve të VOA-s në gjuhën shqipe. Por ai njëkohësisht shprehu gjithashtu gatishmërinë e sinqertë të tij për të bërë çdo gjë të jetë e mundur për të ndaluar hyrjen në fuqi të këtij projekt-buxheti për mbylljen e programeve të VOAs drejtuar Ballkanit. Si masë fillestare të përpjekjeve të tija në mbrojtje të VOA-s shqip, Asambleisti shqiqtaro-amerikan, Z. Mark Gjonaj i ka nisur një letër kryetarit të Bordit të Guvernatorëve për Transmetimet, Z. Jeff Shell, ku shpreh shqetësimet e tija dhe të komunitetit shqiptaro-amerikan në lidhje me planet për shkurtimet e propozuara. Ai i drejtohet kryetarit të Bordit, duke i “Shfaqur shqetësimet e tija të thella ne lidhje me shkurtimet e planifikuara në buxhetin e Bordit për vitin 2015, si dhe për planet për të eliminuar programet drejtuar Shqiptarëve në Ballkan.”

Në letrën e tij, kopje të së cilës i ka dërguar, ndër të tjerë, edhe kongresmenëve amerikanë, Eliot Engel dhe Joseph Crowley, Asambleisti Mark Gjonaj thotë se, “Ndërkohë që tensionet botërore janë në rritje e sipër dhe ndërsa paqa në Ballkan nuk është stabile, tani nuk është koha për të bërë shkurtime të programeve drejtuar Shqipërisë dhe rajonit të Ballkanit.” Z. Gjonaj vazhdon letrën e tij, duke theksuar se, “Përpjekjet e Rusisë për të zgjëruar influencën e saj në Europën Lindore, shpeshëherë nepërmjet medias së kontrolluar, nënvijon nevojën e informimit të njerëzve nga një burim i balancuar dhe i besueshëm lajmesh.” Për më tepër, thotë asambleisti shqiptaro-amerikan, ”Media vendore në Ballkan shpesh manipulohet për t’i shërbyer interesave të partive në pushtet ose individëve të fortë, në kurriz të së vërtetës, të fakteve dhe të interesave të Perëndimit.”

Z. Gjonaj vazhdon letrën e tij, duke theksuar rolin e rëndësishëm të medias së lirë, se “Media është metoda më efektive për të diskurajuar forcat ekstremiste për të depërtuar dhe për të vendosur praninë e tyre në rajon… dhe se thelbi i konflikteve të përgjakshme në Ballkan mund t’i atribohet disinformimit dhe shtypjes së informacionit të lirë.” Ai theksoi rëndësinë e rolit të Zërit të Amerikës në gjuhën shqipe duke shkruar se, “Komuniteti shqiptar varet në shërbimet e Zërit të Amerikës për lajme dhe informacione të balancuara dhe të pa censuruara.” Asambleisti shqiptaro-amerikan, Z. Mark Gjonaj e përfundon letrën e tij duke thënë se, “Me qëllim që të mbrohen interesat e Shteteve të Bashkuara, Zëri i Amerikës duhet të vazhdojë të shërbejë si burim i besueshëm lajmesh dhe informacioni”.

Ndërkaq, edhe Këshilli Kombëtar Shqiptaro-Amerikan (KKSHA) njofton se në mbështetje të VOA-s, ka filluar kontaktet me anëtarët e Kongresit amerikan si dhe me ente të ndryshme qeveritare që merren me politikën e jashtme dhe me transmetimet ndërkombëtare të Shteteteve të Bashkuara. Kryetari i bordit të Këshillit Kombëtar Shqiptaro-Amerikan, Martin Shkreli lavdëroi punën dhe rolin që VOA-s shqip ka luajtur deri tani në informimin e shqiptarëve dhe u angazhua se organizata që ai kryeson do të bëjë çdo gjë që është e mundur që Bordi i Guvernatorpve për Transmetimet të ndryshojë propozimin e tij për eliminimin e VOA-s shqip. Ai tha se KKSHA, nepërmjet zyrës së saj në Washington, në lidhje me këtë çështje, “Është në kontakt me anëtarët e grupit të kongresistëve që merren me çështjet shqiptare në Kongresin amerikan, për të siguruar përkrahjen e tyre, për vazhdimin e programeve të shërbimit shqip të Zërit të Amerikës.” Kryetari i KKSHA, e cilësoi Zërin e Amerikës në gjuhën shqipe si, “Një burim jetik dhe i pazëvëndsueshëm lajmesh dhe informacioni për Shqiptarët në trojet tona në Ballkan dhe më gjërë…si një burim i rëndësishëm lajmesh dhe analizash dhe si një shembëll standardesh të gazetarisë perëndimore.”

Përveç reagimeve të komunitetit shqiptaro-amerikan kundër planeve për mbylljen e programit shqip të VOA dhe të gjuhëve të tjera drejtuar Ballkanit, edhe ente amerikane dhe individë të interesuar – disa kanë reaguar publikisht e disa privatisht — por të cilët janë të vetdijshëm mbi rolin që ka luajtur dhe luan VOA në Ballkan, u janë bashkuar reagimeve kritike duke bërë thirrje për eliminimin e këtij projekt buxheti, dhe jo mbylljes të shërbimeve të VOA-s drejtuar vendeve të Ballkanit.

BBGWatch, një organizatë që merret me median botërore, në websajtin e saj pasqyron letrën e lartë-përmendur të asambleistit shqiptaro-amerikan nga Nju Jorku, Mark Gjonaj dhe njëkohësisht shpreh përkrahjen ndaj VOA-s, por edhe shqetsimet e saj në lidhje me shkurtimet e propozuara në transmetimet ndërkombëtare të Amerikës. BBGWatch thekson se, “Komuniteti Shqiptaro-Amerikan ka aleatë të fortë në Kongresin Amerikan, të cilët përkrahin zgjërimin dhe jo shkurtimet në transmetimet ndërkombëtare amerikane.” BBG Watch, përmend Kongresistin Eliot Engel dhe Joseph Crowley. BBGWatch shkruan gjithashtu se edhe enti tjetër jo-qeveritar, Komisioni për Transmetimet Ndërkombëtare (CUSIB), është tepër i shqetësuar në lidhje me eliminimet e propozuara të programeve të VOA-s, drejtuar Ballkanit. BBGWatch citon një burim të besueshëm dhe që i njeh mirë transmetimet ndërkombëtare të Amerikës, i cili bën thirrje për emërimin e një manaxheri të fortë që të njohë mirë organizatën dhe mënyrën se si funksionon ajo, — ashtu që t’a këthej atë në një media efektive ndërkombëtare të Shteteve të Bashkuara, e cila gëzon njëkohësisht edhe përkrahjen e grupeve të interesuara amerikane siç është komuniteti shqiptaro-amerikan dhe të tjerë.”

Ky është vetëm fillimi. Procesi i miratimit të buxhetit për vitin e ardhëshëm financiar është një proces i gjatë dhe i koklavitur. Historikisht, buxhetet federale gjatë procesit të shqyrtimit dhe miratimit ose jo, pësojnë ndryshime të mëdha dhe shpeheherë as nuk i përngjajnë buxhetit të paraqitur tani. Kështuqë, megjithëse ka më shumë se një vit nga koha që, pas debateve të gjata e të ashpëra hyn në fuqi buxheti i vitit 2015, nuk është aspak heret që qysh tani të ushtrohet influenca e çdo personi dhe e çdo organizate që ia di vlerën VOA-s, duke kontaktuar përfaqsuesit tuaj në Kongresin dhe në Senatin Amerikan — në cilin do shtet të Amerikës që të jetoni – ashtu që eliminimi i propozuar i programeve të VOA-s shqip të mos bëhet realitet.