Archives for February 2015

‘Karnavale n’Diell’ rikthehen në Shkodër

February 11, 2015 by dgreca

Nga Almarina Gegvataj/-Shkodra është padyshim një vend magjepsës për natyrën e saj.
E pasur me resurse, kulture, traditë, bukuri peisazhesh, tingujsh dhe ngjyrash.
Me këtë sfond kaq të pasur stimujsh, krijimtarishë, folklori, lidhen pazgjithshmërisht karnavalet në Shkodër, që prej vitesh kanë marrë statusin që qytetarët shkodranë krenohen me të drejtë, Kanavalet e Shkodrës.
Ato ngjallin vit pas viti vëmendjen e të gjithëve si një lule që çel në sezon të vështirë dimëror, në një vend si Shkodra, e gjitha për tu zbuluar.
E fokusuar mbi maskat e larmishme, paradat, kostumet e mrekullueshme veneciane, mbi gjallërinë, në bejtet e famshme dhe ritet e traditës, Karnavalet e Shkodrës kanë ditur të japin gjithmonë një imazh spontan, të freskët, të gjallë e dinamik.
Ato janë të kujdesshme karshi kërkesave të kohës, gjithashtu të lidhura në mënyrë konkrete me rrënjët e saj historike dhe kulturore.
Bashkia e Shkodrës bën të ditur se “këtë vit Karnavalet e Shkodrës janë fokusuar në vështirësitë sociale ekonomike që po kalon vendi ynë . Ky është një vit i vështirë për të gjithë Shqipërinë , e cila po vuan nga përmbytjet natyrore. Dielli është në fokus pasi Shqipëria është një vend i bekuar sepse gjatë një viti ka 262 ditë me diell, energji kjo e cila është e rrallë dhe duhet vlerësuar dhe konvertuar në të mirë të njerëzimit. Marrim shkas këtu për të përcjellë rigjallërimin e jetës në një formë më dinamike që në fillim viti me ide progresive, duke e mbushur me pozitivistet. Duke mos u dorëzuar sepse jeta është dhuratë dhe ka sfida që duhen përballuar”.

Grupet pjesëmarrëse do të përcjellin me anë të performancës së tyre energjinë pozitive, mesazhe për jetën dhe kritika mbi aktualitetin e vështirë. Bashkia i fton të gjithë të vlerësojnë praninë e diellit dhe ta kthejnë atë në favor të jetës pasi simbolika e përdorur në këtë temë është një metafore për të paralelizuar me aktualitetin social, ekonomik, kulturor të vendit, i cili po kalon momente të vështira.
Shembulli i gjallë do jenë grupet e ndryshme të karnevaleve që do të shëtisin me biçiklita dhe jo vetëm ne të gjitha zonat e qytetit, duke i paraprirë pranverës që po afron.
Bashkia e Shkodrës thekson se me impenjimin dhe bashkëpunimin e të gjithë qytetarëve , përveçse t’u prezantojme atyre një program argëtues kërkojmë edhe prej tyre t’i bashkangjiten iniciativës për të festuar sa më bukur karnavalet. Me këtë festëe, do vendosnim gjithashtu një gur të çmuar në artin dhe kulturën e Shkodrës tonë të bukur, duke vazhduar rrugëtimin tonë të suksesshëm në mbështetje edhe të turizmit kulturor.
Më poshtë programi i plotë i Karnavaleve të Shkodrës:
Dita e parë –
E hënë 16 shkurt 2015
Grand Parade
Ora 10.00
Sheshi para bashkisë Shkodër ( Pika e grumbullimit )
Nisja nga drejtime të ndryshme të kuadrateve artistike të shkollave të mesme dhe 9 vjeçare të qytetit, me maska dhe kostume drejtë pedonales tek bashkia . Grupet e shkollave pjesëmarrëse qendrojnë sipas kuadrateve
Ora 10:45
Performance nga Banda e Qytetit MARSHE FESTIVE
Të gjithë grupet një nga një në kortezh nisen pas bandës së qytetit nga sheshi i bashkisë drejtë sheshit ‘Luigj Gurakuqi’( aty ëështë vendosur skena ku të gjithë grupet do performojnë me rradhë )
Sheshi Luigj Gurakuqi
Ora 11.00 – 13.00
Performancat e shkollave të mesme dhe 9 vjeçare të qytetit njëra pas tjetrës që alternohen me surpriza herë pas here ( Kenge / bejte / pantonima/ Kercime etj )
Dita e dytë
E marte 17 shkurt 2015
Shëtitja dhe djegia e dordolecit
Ora 10:00
Sheshi përpara Teatrit Migjeni
Ora 10:30
Nisja nga shkollat me kuadratet e karnevaleve për të ardhur tek sheshi i Teatrit Migjeni. Aty ku fillon edhe shëtitja e dordolecit në karvanin alegorik. Të gjithe grupet e shkollave vendosen në kortezh njëri pas tjetrit, për të shëtitur dordolecin nga Teatri Migjeni drejtë Parruces, pastaj sheshi ‘Isa Boletini’, pastaj tek kryqezimi i ish degës , për të arritur tek sheshi Nënë Tereza në qender Piace.
Ora 11:40
3 performancat e shkollave më të mira do të performohen edhe një herë përpara se te digjet dordoleci ! Kjo ndodh për arsye se njëra prej tyre do marri ëmimin best performance! E zgjedhur me anë të duartrokitjeve të gjithë karnavaleve.
Ora 12:20
Djegia e dordolecit- Mesazhet për një vit më te mbarë dhe plot alegri e diell për Shqipërinë

Shpërthimet e Tiranes, nga i njëjti numer celulari me kartë Vodafon

February 11, 2015 by dgreca

Drejtori i Pergjithshem i Policisë: Eksplozivi në Tiranë? Po hetojmë edhe personat që duan destabilitet/
Burime nga hetimi tregojne se ne dy rastet e shperthimit jane komanduar nga i njejti numer celulari me karte Vodafone. Eshte marre ne menyre urgjente nga kompania mobile se kujt i perket ky numer celulari per te gjetur personin ndonese nuk besohet se do te jete rregjistruar sipas rregullave. Por hetimi po shikon edhe kamerat e dites kur eshte terhequr ky numer telefoni per te gjetur fytyren e personit qe e ka terhequr karten ne fjale nga pikat e blerjes se kartave Vodafone ose nese ka gabuar ta kete perdorur. Gjithsesi hetimet jane shume intensive dhe po punojne specialistet me te mire te hetimit e antiterrorit per kapjen e personit e natyrisht edhe te urdheruesit te tij.
Jane sekuestruar kasetat e gjithe rruges ne fjales nga nje ore para shperthimeve e deri ne nje ore pas shperthimit per te dalluar personin ne fjale ose grup personat.
Mesohet se ka nje kasete filmike qe dyshohet se personi me kapuç qe ka vene masken ka dale ne nje rruge pa maske e me biçikleten e tij.
Drejtori i Pergjithshem i Policisë: Eksplozivi në Tiranë? Po hetojmë edhe personat që duan destabilitet/
Drejtori i Përgjithshëm i Policisë së Shtetit, Artan Didi në një konferencë për shtyp përmend emrat e Falkones dhe Borselinos, dy njerëzit e ligjit që luftuan mafian në Itali, dhe tha se krimi po godet sepse shteti i ka mbyllur rrugët.
“Dy shpërthimet, ai te Farmacia e Bashkim Tahirit dhe ekskplozivi i vendosur pranë stacionit të autobuzit, dyshojmë se kanë lidhje me njëri tjetrin” tha Didi duke lidhur dy ngjarjet dhe duke i konsideruar ato një akt të pastër terrorist.
“Jemi në rrugën e duhur të hetimeve. Eshtë një grup i madh, policia dhe prokuroria, antiterrori dhe shumë ekspertë po punojnë për zbardhjen e këtyre ngjarjeve”, tha Didi.
“Hetimet tona janë orientuar edhe tek ata që kanë urdhëruar këto veprime. Policia thekson se është e vendosur të luftojë krimin dhe garanton se do t;i zbulojë dhe do t’i çojë para drejtësisë. Sigurojmë qytetarët se jemi në krye të situatës. Policia e shtetit kërkon bashkëpunimin e gjithë qytetarëve për të zbuluar autorët dhe të qëndrojmë në një mjedis sa më të sigurt”, tha Didi.
Kur u pyet nëse i referohet për “persona” apo “organizatë” ndonjë partie politike, Didi anashkaloi pyetjen duke deklaruar se në hetim “janë edhe ata persona të cilët mund të jenë të interesuar për një situatë destabiliteti”.
Drejtori i Përgjithshëm i Policisë së Shtetit dha detaje të orareve, lëndës plasëse dhe çfarë kanë gjetur në terren grupet e hetimit.

TRAKTET: “Ngrihuni!”

February 11, 2015 by dgreca

Vlora zgjohet me trakte për revoltë/
Qyteti i Vlorës, i vendosur në qendër të vëmendjes së politikës për shkak të përmbytjeve, është zgjuar sot me disa trakte të përhapura në qytet, kryesisht në zonën e Skelës.
Traktet bëjnë thirrje për revoltë, duke shkruar: “Ku është dinjiteti vlonjat. Ngrihuni, ka ardhur koha”.

Fajtor jo vetëm klasa politike, por edhe servilët dhe të heshturit!

February 11, 2015 by dgreca

Nga Faik KRASNIQI/
Kush janë servilët? Frikacakët, të padinjitetët, të pangopurit, të paditurit! Ata që kanë frikë për vendin e punës! Ata që synojnë të fitojnë më shumë se sa u përket! Atyre që u ka ngelur pak karakter në deje! Kush janë puthadorët? Puthadorët duhet ta mbajnë disi pozicionin që kanë arritur nga sakrificat puthadorëse. Ata krijojnë rrjeta puthadorësh tjerë, që duartrokasin me injorancë apo me besnikëri puthadorësh, puthadorasin më të lartë. Përderisa ky puthadorasi lartë, i puth dorën dikujt tjetër më lartë se pozicioni i tij, këta të tjerët luftojnë për postin e tij dhe fillon lufta e puthadorjes në konkurrencë, kur i puthin dorën e dijnë se kanë konkurrencën tjetër të rrjetit puthadorësh dhe sa më shumë i puthin dorën dhe kur ai më lartë buzëqesh i duket se i ka lëpirë dorën më së miri, nëse e sheh ndonjë tjetër që i buzëqesh si atij, mund të ndodh që është gati t’i lëpij edhe mendern për të hipur më lartë në dispozicion se tjetri. Kështu bën edhe ky më lartë, sepse e di se është në të njëjtën pozitë si puthadorasit përfundi tij dhe në një mënyrë i gjithë sistemi i krijuar kështu me lëpirje përfitojnë nga eksperiencat e lëpirjeve poshtë e lartë sistemit lëpirës.
……
Prej që shpërtheu eksodi masiv i qytetarëve të Kosovës drejt shteteve të perëndimit, po dëgjojmë lloj-lloj akuza, por deri më tash nuk e dëgjuam asnjë lider apo politikan të thotë se ne jemi fajtorët kryesor për ikjen masive, zhgënjimin qytetar dhe gjendjen e rëndë në të cilën po kalon Kosova!
Por për këtë gjendje të rëndë në të cilën jemi, nuk e fajësoj njëqind për qind vetëm klasën politike, por shumë më shumë edhe servilët, puthadorasit, zvarranikët, të heshturit dhe të dëgjueshmit, anëtar, aktivistë, simpatizantë dhe militantë të të gjitha partive, sepse gjatë këtyre gjashtëmbëdhjetë viteve partitë, liderët dhe bashkëpartiakët e tyre kurrë nuk i kanë kritikuar për gabimet e tyre, por i kanë duartrokitur për çdo gjë! Faj të madh kanë edhe akademikët dhe intelektualët e heshtur, të cilët kurrë nuk e ngritën zërin kundër të keqes! Prandaj edhe këta të lartëpërmendur janë bashkëfajtor bashkë me këtë klasë politike, të cilët kanë pasur pozita të rëndësishme qeveritare dhe partiake! Shumë të tillë i pashë gjatë këtij muaji, kur eksodi masiv drejt perëndimit ka marrë përmasa shqetësuese, e të njëjtit që i përmenda më lart flisnin me gjuhën e liderëve dhe politikanëve të tyre, duke i fajësuar dhe akuzuar rëndë me lloj-lloj etiketimi si ”avanturista, turista, gomarë, idiotë, të papërgjegjshëm ” etj…… njerëzit e zhgënjyer dhe të pashpresë! Shumë prej jush po harroni që edhe ju jeni prindër dhe keni fëmijë! Çdo njeri edhe nëse është pjesë e një partie, kur është në pyetje shteti dhe kombi, duhet të dal mbi partitë dhe liderët, sepse liderët dhe partitë shkojnë e vijnë, e shteti dhe populli ngelet! Por ju u treguat me qindra fytyra – duke imituar gjuhën e njëjtë me ata që e kanë sjellur popullin në këtë derexhe! Edhe unë jam pjesë e një partie ( LDK-së), por të zezës nuk mund t’i them të bardhë, dhe të bardhës të zezë!

A MOS DËGJUAT NDONJË PYETJE NGA TË ZHDUKURIT …

February 11, 2015 by dgreca

….PËR GJATË SHKELJES SË TERRITORIT TË SERBISË?!/
Nga Ramadan Bozhlani/
Shpresa e mëshirës kaloj nga një fytyrë tek një fytyrë tjetër dhe nga një vit tek një vit tjetër deri sa u ligështua nga forca morale dhe u dergj nga lëngata.
Moralistët hiqën dorë me keqardhje dhe dëshprim nga teorit e tyre, atdhetarët u zhgënjyen ndërsa vetëm ata që këmbëngulen në përndezjen e fantazisë luksoze në kushte mjerane siç janë politikanët kryelart mbetën të poshtruar karshi atyre që me dhimbje vendosën të shpërgulen nga trualli arbëror i ushqyer me gjakun fisnik.
Shtëpit e arnuara nga plagët e luftës sot po ndrrojn titullar, e disa të tjera po e perjetojnë aktin fatal mbylljen e dyerve me shtat dryna.
Pytjeve të trishta të mësimdhënësve: kush mungon sot?
Ju përgjigjen me zë të përvajshëm nxënësat: ata më të zellshmit që i shikojshim si e ardhmja e vendit, kanë marr rrugën për emigrim!
Familje, shkolla, lagje, qytete dhe vendlindje lamtumirë se shpresa po na zhvendos në toka të tjera përmes udhëve të torturushme.
Ndarjet e këtilla tepër të vështira po e ujitin me lotët e dhimbjes tokën për të cilën u flijuan në emër të lirisë.
Shtat vjeteori i pavarësis do t’i gjen nëpër përrenj, nëpër male dhe nëpër rrugë të dërrmuar, të lagur, të baltosur, të frikësuar, të tmerruar dhe me ankthe mu në shtetin e atyre që qenien tonë kombëtare e torturuan, e dhunuan, e masakruan, e pushkatuan dhe u munduan me të gjitha forcat akademike, diplomatike, politike dhe ushtarake te çbanojn nga trualli amnor e me kënaqësi edhe nga ky planet, por, motivet e ikjes janë edhe më tragjike: kafshata e bukës, shërimi i sëmundjeve dhe e ardhmja e fëmijëve.
Edhe familjarët e të zhdukurve udhëtojn për të njëtat arsyje nëpër ato rrugë dhe mund të shkelin mbi eshtrat e familjarëve të tyre sepse ai shtet mban peng eshtrat e afërsisht dy mijë të zhdukurve.
A ka gjë më të rënd nën këtë qiell se sa familja të shkel mbi eshtrat e antarit të tyre të zhdukur që nga lufta, dhe ai atje nën tokë të klith nga gëzimi se familja e tij mbi tokë erdhi për t’ia kthyer eshtrat në vendlindje, por ata mbi tokë i preokupojn edhe një mijë brenga të tjera dhe nxitimthi mundohen ta kalojn territorin e atij shteti që ju ka hap plag të pashërushme.
Klithja në formë të pytjes e nxjerrur nga eshtrat e të zhdukurve nga nën toka e Serbis e çan dheun dhe i ndjek pas: kush po ju detyron ta braktisni atdheun, për të cilin ne u flijuam ?!
“Kafshatë që s’kapërdihet është or vëlla mjerimi, kafshatë që të mbetë në fyt edhe të zë trishtimi”, Migjeni përmes kësaj fraze shtrin fuqin e fjalës poetike për ta kapur dramaticitetin e mjerimit të njeriut shqiptar edhe në vitin 2015-të.
Vetëm për një çast të mundohemi t’i ndjejm shumë prindër kur fëmijët e tyre kanë nevoj për shërim dhe parat për kontrolle mjeksore dhe barna duhet t’i sigurojn duke trokitur nëpër porta të shumta. A nuk është ky një terror emocional për çdo nënë e baba?! E ka edhe shumë situata të tjera të ngjethura që zemrën njerëzore e coptojn në mijra pjesë.
Preokupimet e larmishme dhe të pandashme prej shumë vitesh shumicën e popullit e orientuan drejt një vendimi të tillë fatal, dhe përball këtij vendimi kushdo e në veqanti ata që ishin përgjegjës për mirëqenien e tyre privohen nga e drejta morale për ta vën para përgjegjësisë këtë karavan njërzish të rrënuar moralisht.
Ky fenomen po i trondit edhe eshtrat nën varre por siç duket shqiptarët po kërkojn me vendosmëri prespektiv, i kanë mbyllur veshët e stërlodhur nga broçkullat dhe s’ka njeri që i spraps dhe t’i rikthehen në botën e tyre të çveshur nga shpresa dhe ëndrrat, nëpër sofrat e tyre ku kryepjata është e mbushur me lëng dhe nëpër ambientet e tyre ku më shumë zotron terri se sa drita.
Gjysma e qeverisë së sotshme mbart mallkimin dhe përgjegjësin për këta lotë të derdhur të dhimbjes sepsa ajo ishte ne krye të tyre përgjat tetë viteve, le te merr inciativen fisnike për të ja konfiskuar pasurin atyre që u pasuruan në korriz të popullit dhe për t’i rehabilituar këta njerzë që do të kthehen me varfanjak se sa ishin.
Ndërsa kryeministri le të merr një inciativ tjetër fisnike duke jav kërkuar pagat e gjashtë mujorshit të paralizës institucionale deputetëve si dhe uljen e rrogave të tyre në emër të rehabilitimit të këtyre të mjerëve.
Shpresa kthehet me plane konkrete që kanë synim fonde për mirëqenien e tyre, e jo deklarat të thata dhe foshnjore se tek e fundit ju do të mbartni mallkimin historik për humbjen e dinjitetit të këtij populli fisnik.