Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Archives for December 2015

Rreziku për popullin dhe Shqipërinë janë politikanët

by

ÇFARË DO TË THOJA PARA DEPUTETËVE NË KUVEND SIKUR TË MË FTONIN PËR LIGJIN E PRONAVE QË KA MIRATUAR QEVERIA/
Nga NURO  KULLURI /*
 Nëpërmjet mundësisë që lejon media e lirë dhe demokratike dëshiroj të them me sinqeritet për të gjithë deputetët, shqiptarët dhe ndërkombëtarët, që dëshirojnë të mirën e shqiptarëve si popull dhe si shtet, se e keqja për popullin buron nga fakti se qeveritarët tanë që janë në pushtet nga viti 1991 e në vazhdim, mendojnë vetëm për interest e tyre të ngushta. Rreziku për popullin dhe Shqipërinë janë politikanët tanë të kujtdo partie, që është formuar në periudhën e pluralizmit që lejoi dhe manipuloi Ramiz Alia.  Për të dalë nga këneta porkomunste duhet që ndërkombëtarët të kushtëzojnë Qeverinë që të hapi arkivat e shtetit  dhe regjistrat e shtetëzimeve  të pas vitit 1945 dhe të kthejnë pronën e marrë pa të drejtë tek pronarët e ligjshëm. Vetëm në këtë mënyrë do të hiqet  thika nga qafa e popullit. Këtë e kanë përsëritur me dhjetra herë të gjitha shoqatat e pronarëve, por kërkesa e tyre bie në vesh të shurdhër. Vetëm pas rregullimit të pronës sipas Kushtetutës, Parlamenti Shqiptar do të pastrohet nga njerëzit pa moral dhe do fillojë të funksionojë shteti ligjor.  Vetëm pas këtij akti që të detyrojë Kuvendin dhe Qeverinë për të zbatuar Kushtetutën, institucioni që do të ngarkohet për të zbatuar ligjin për regullimin e problemeve me pronën vlen dhe ndihma e degëve të shoqatave të pronave të cilat do të ndihmojnë për përcaktimin në terren të kufijve të çdo prone. Kuptohet se ligji i ri do të   amendojë ligjin 7501, që e porositi Ramiz Alia dhe e përkeqësuan kryetarët e PD dhe PS, por dhe kryetarët e partive të tjera parlamentare. Ato lejuan anarkinë e ligjeve për të krijuar anarkinë e titujve të pronësisë, sepse duke vjedhur pronat e qytetarëve dhe pronat e shtetit ata u bënë pronarë aty ku nuk kanë pasur as një metër tokë.  Kryeministri Edi Rama duhet të bëjë shumë kujdes me pronarët se kemi 25 vjet që po durojmë padrejtësinë. Në takimin fare të shkurtër që pata me z. Edi Rama ne hotel Sheraton, kur u prezantua ligji i AKKP për pronat me tha se do vinte të takoheshim në Minstrinë e Drejtësisë. Unë kam vajtur ne të tre takimet por Kryeministri nuk ka ardhur që të flasim përballë dhe burrërisht. Uroj që ti vlejë ku shkrim publik. Prona nuk falet dhe kush përpiqet të na e grabisë do të fëlliqet. 
Me ligjet e derisotme për pronat, përfshi dhe projektligjin e Qeverisë/2015, i është dhënë përparësi atij që shkel ligjin dhe atij që pushton dhe grabit pronën, ndërsa ai që ka të drejtë me trashëgimi dhe këtë të derjtë ja njeh kushtetuta ia pengojnë pushtetarët e korruptuar dhe pa moral. Reforma për rregullimin e pronës konform kushtetutës do të mbylli konfliktet dhe numurin e të vrarëve për konflikte prone që Kryeministri e ke deklaruar  mbi 8000 të vrarë, ndërsa ish kryeministri Pandeli Majko e ka vlerësuar bilanc lufte.  Nga Arkivat sekrete të Partisë Komuniste (Partia e Punës) rezulton se gjatë luftës antifashiste janë vrarë 3500 partizanë antifashistë ndërsa për pronat numuri i të vrarëve është mbi dy fishin dhe po shkon në rritje. Pas çlirimit nga nazifashimi populli ju përvesh punës dhe e rindërtoi vendin e shkatëruar. Gabim fatal i Enver Hoxhës ishte shtetëzimi i pronës private, por ajo pronë u vu ne dispozicion të popullit për të rritur mirqënien e popullit. Ai sistem dështoi por sistemi aktual ka marrë tipare edhe më të këqia dhe projektligji i Qeverisë e përkeqëson situatën. Prona e shtetëzuar nga Enver Hoxha, pas 1991, nuk ju kthye të zotit  por  u la në mëshirë të grabitësve, me qëllin që kupola e politikës të përvetësonte. Ajo që ju ka pëlqyer politikanëve janë trojet në aksin Tiranë Durrës dhe veçanërisht tokat dhe vilat personale në zonat turistike. Për këtë ata që në vitin 1990 orientuan ish antarët e partisë punës të  transferojnë pasaportizimet në fshatin e tyre dhe pas përmbysjes formale te bustit te Enverit në Tirane zbatuan skenarin e Ramiz Alisë. Filluan ta shajnë komunizmin. Sa për sy e faqe i dënuan antaret e byrosë politike, madje u dënua edhe shoqja Nexhmie dhe ne gjyq u kerkua transparence për numurin e kafeve që ju ishin nxjerrë grupeve të zgjedhura të punonjesve të ndërmarrjeve dhe fshatrave të ndryshme që shkuan per ngushëllim kur vdiq Enveri (!).  Lidhur me pronën porositë ishin të qarta. PS u deklarua se nuk e kthen pronën, PD publikisht tha do ta kthejë pronën por faktikisht miratoi ligje që prona të kthehet me pikatore dhe kufizime te shumta sipas zërave kadastrale. Mbi 70 % e vendimeve të AKKP për njohje, kthim dhe kompensim prone janë të të pavlefshme pasi vendimet janë nxjerrë në shkelje të ligjit, me dokumenta të fallsifikuara, të pa shoqëruar me harta, me mbivendosje etj.  Qysh në 1991 me miratimin e ligjit 7501 pronarët të drejtuar nga Rrapo Danushi, reaguan kundër Sali Berishës që i preu në besë. Në skenë doli Partia Republikane, që me marifete i mashtoi, u mundua ti verë në qetësi dhe ju morri mbështetjen e tyre elektorale. Kur mashtrimit të Partisë Republikane i doli boja, zoti Rrapo Danushi i vuri kufirin tek thana dhe ju tha pronarëve që mos jepnin as gjysëm vote per atë parti. Në ndarjen e tortës zullumin e ka nisur Sali Berisha por pjesa e luanit paska qenë e ruajtur për PS me projektligjin për të rregulluar problemin me kompensime mashtruese. Por kur të vjedhin nuk ka rëndësi nëse hajduti përdor dorën e djathtë apo të majtë. Tani po kuptojmë se peshkaqenët e politikës i kanë vënë syrin kullotës së Karaburunit. Pas fjalëve të bukura ata kanë propozuar projektligjin e fundit që ju shëben për të vjedhur në emër të ligjit. Por edhe sikur deputetëve t’u imponohet dhe ta votojnë këtë ligj a do ta lejojme ne dukatasit një gjë të tillë ?. E dëgjva me vëmendje fjalën e Kryetarit te Shoqates “Krahina Jonë“Av. Axhem Ymerit dhe jam plotësisht dakort me te. Dukati nuk është popull frikacak dhe as popull që i pëlqen vjedhja e pronës së tjetrit. Dukatasit nuk e shesin atdheun. Dukati ka pasur dhe ka burra djem e vajza që janë të gatshëm të bashkuar ti tregojnë përsëri se sa i vlen lëkura çdo mashtruesi e hajduti dhe çdo pushtuesi të pronës së tyre edhe sikur ai të na vijë i maskuar me petkun e ligjit.  Më mbetet merak t’i  rikujtoj deputetëve që kanë marrë votat e popullit të mos gëlltisin çorbën e prishur që mund të kenë qenë të detyruar ta gëlltisin ata 8 deputetë të komisionit të ligjeve që votuan këtë draft antikushtetues dhe antinjerëzor.  Dua t’u bëj të qartë të gjithëve se nese doni ta zbatoni Kushtetuten, prona tjetërsohet nga Shtetit kundrejt vlerës së tregut vetëm kur shfrytëzohet për nevoja publike se me ligjet e të gjitha kohërave me përjashtim të kohës së diktaturës, prona është e shenjtë, është atdheu i secilit ajo vetëm trashëgohet , shitet, dhurohet dhe ruhet nga vetë shteti por nuk grabitet. Prandaj asnkush të mos bjerë në batakun që krijoi dhe la pas Ramiz Alia.
 
  NURO  KULLURI  – Pronar autokton në Dukat –  Vlorë.

APEL PUBLIK TË GJITHË DEPUTETEVE TE KUVENDIT TE SHQIPËRISË

by

Nga Loro Stajka- Fredericksburg,USA/
Zotëri deputetë,/
Quhem Loro Stajka. Jam nga Shiroka e Shkodres, por i deryruar nga represioni i diktaturës sllavokomuniste jam detyruar të arratisem dhe jetoj në SHBA qysh prej vitit 1957. Prej 23 vjetësh po përplasem me korrupsionin me pronat që të më kthehet prona që më grabiti diktatura, por nuk po ju drejtohem per pronën time, por për Shqipërinë dhe popullin shqiptar. Jam jashtëzakonisht i shqetësuar  dhe rruga me të cilën Kryeministri Edi Rama  po kërkon të sakrifikojë Shqipërinë, të  justifikojë këtë aferë antikombëtare  duke  kërkuar në Kuvend për ta miratuar si ligj , këtë djallëzi që ai e quan zgjidhje të problemit të pronave. Janë të shumtë artikujt e botuar në media por unë po i referohem artikullit te dated 30 Nendor botuar në gazeten “Telegraf” me titull”Projektligji i ri i Pronave i shërben vetëm oligarkisë Politike” që i drejtohet avokatit të Shtetit por ai shkrim zberthen plotësisht rrugën e gabuar të Qeverisë. Prej artikujve të shumtë të botuar në gazetën Shqip, i referohem shkrimit të botuar me datën 1 Dhjetor 2015 me titull “Argumenti i Qeverisë, Ska më ish-pronarë, vendosim një afat kohor për mbylljen e procesit” që I referohet justifikimeve demagogjike të Kryeministrit Edi Rama për projektligjin.  Ky draft është votuar nga 8 prej 11 deputetëve që nevoiten për të plotësuar kuorumin e  nevojshëm , është turp për drejtësinë pasi tenton të bëjë një përligjie e hajnisë, shumë më të keqe se shtetëzimi komunist I Enver Hoxhës. Ky ligj e nxjerr Shqipërinë ne treg,  jugun e Shqipëris  ja fal Greqisë dhe pjesën tjetër të vendit e zhyt në anarki dhe korrupsion. Dëshira e atyre që duan këtë ligj ta miratojnë si zgjidhje ngjan si dy pika uji me ato që po ndodhin në  Kosovë. Zotëri Deputetë, lidhur me këtë ligj , jeni të lutun ti referoheni veç të dhënave të tjera këtyre dy shkrimeve në Telegraf dhe Shqip  dhe nëse  ky projektligj kaq djallëzor nuk do të tërhiqet nga Qeveria por do të paraqitet para jush , që ta votoni atë,  ju baj kët APEL PUBLIK, që ta refuzoni kategorikisht pasi pavarësisht nga detyrimet partiake që keni apo interesa të tjera, në rradhë të parë jeni betuar se do zbatoni Kushtetutën dhe do ti shërbeni Atdheut. Nëse do votoni këtë draft, që shqiptarëve në vend të pronës së grabitur ti jepni  ca dollarë  ju do të  bëheni pjesë e tradhëtisë kombëtare. As të parët tuaj, fëmijët tuaj dhe as historia nuk do t’ju falin

Besoj në respektin dhe detyrimin tuaj për të zbatuar Kushtetutën

Me  respekt

Loro Stajka

Fredericksburg,USA

MALI I ZI NE NATO DHE SHQETESIMI I RUSISE

by

Dje ditë historike për Malin e Zi, mori ftesën për anëtarësim në NATO/

Nga Shefqet Kërcelli/

NATO-ja ftoi dje Malin e Zi t’i bashkohet aleancës ushtarake, që shënon kësisoj zgjerimin e saj të parë në 6 vite. Vendimi i djeshëm i Asamblesë së NATO-s u shoqërua me duartrokitje të shumta. Vendimi, i përshkruar nga Sekretari i Përgjithshëm Jens Stoltenberg si “historik”, vjen një dekadë e gjysmë pas bombardimit të vendit nga forcat e aleancës së Atlantikut të Veriut, gjatë luftës së Kosovës, atëherë kur ishte ende pjesë e Jugosllavisë. Rusia, kundërshtare e një lëvizjeje të tillë, vazhdimisht ka paralajmëruar se hedhja e këtij hapi do të kërcënojë qëndrueshmërinë e Ballkanit Perëndimor. Bisedimet e anëtarësimit pritet të zgjasin rreth një vit. “Ju kërkoj tani të konfirmoni se, e kemi konsensusin për ta ftuar Malin e Zi të çelë bisedimet e anëtarësimit në aleancën tonë. Mund të ma jepnin këtë konfirmim? E shoh që po, faleminderit”, tha Jens Stoltenberg, Sekretar i Përgjithshëm i NATO-s. Edhe pse Stoltenberg këmbënguli të tregonte se, afrimi i Malit të Zi në këtë rast nuk ka të bëjë aspak me Rusinë, vendimi shihet si një sfidë e hapur ndaj Moskës, që këmbëngul se çdo shtrirje e aleancës në Ballkan do të shihej prej saj si provokim. Diplomatë brenda aleancës citohen megjithatë nga “Reuters” të thonë se, lëvizja i dërgon sidoqoftë Moskës mesazhin se, nuk e ndalon dot zgjerimin e aleancës në lindje. “Këto janë kohë të vështira e sfiduese për aleancën. E kuptojmë se uniteti dhe solidariteti nevojiten, sot më shumë se kurrë, dhe unë mund t’iu siguroj se Mali i Zi vepron që tani si të ishte anëtar i saj, po të kemi parasysh kontributin e tij për qëndrueshmërinë euroatlantike”, tha Igor Luksiç, ministër i Jashtëm i Malit të Zi. Shteti bregdetar në buzë të Adriatikut, me një popullsi prej vetëm 650 mijë banorësh, ka një ushtri shumë të vogël me rreth 2.000 pjesëtarë aktivë. Edhe pse për qeverinë e Milo Gjukanoviçit oferta e NATO-s është mëse e mirëpritur, malazezët vet janë thellësisht të përçarë, nëse vendi duhet t’i bashkohet apo jo aleancës transatlantike. Një pjesë e njerëzve vazhdojnë të ushqejnë mëri të vjetra për bombat e 1999-s, ndërsa që prej shkëputjes nga Serbia në 2006-n, vendi i ka parë shumë të mira Rusisë, përfshirë këtu një vërshim të parave ruse, blerje shtëpish e terrenesh, apo edhe fluksin e pareshtur të turistëve. Ndërkohë Tirana zyrtare e ka përshëndetur këtë vendim të strukturave të NATO-s, duke u shprehur se vendi ynë ka qënë një promotor i fortë e politikës së dyerve të hapura të Aleancës, “pasi integrimi Euro-Atlantik është një vizion për një komunitet më të sigurtë dhe të qëndrueshëm Trans-Atlantik”. Anëtarësimi i Malit të Zi në NATO ka një rëndësi gjeostrategjike, pasi konsolidon arkitekturën e sigurisë në hapësirën e Europës Adriatike, thuhet në deklaratën e MPJ-së Shqiptare.

Chicago welcomed Kosovo’s President Atifete Jahjaga at the Investment & Trade Conference

by

By: Ermira Babamusta and Diane Gold/

December 2015–Chicago recently welcomed President of the Republic of Kosovo, Atifete Jahjaga, on her first official visit to the U.S. Midwest since her groundbreaking win in 2011 catapulted her into the international spotlight as the youngest female world leader to be elected, and also the first female head of state in the modern Balkans.The President, traveling with a delegation that included Ms. Hykmete Bajrami, the Minister of Trade and Industry, Mr. Arben Limani, Director of the Executive Secretariat of the Board of Directors at Privatization Agency of Kosovo, Ms. Vlora Citaku, the Kosovo Ambassador to the U.S., legal, economic and media advisors, and a group of IT Business leaders was in Chicago November 12  to participate in a multilateral trade conference entitled, “Global Opportunities with Kosovo: Synergies with Israel & Illinois.”

The Macedonian delegation was represented by Mayor of Struga, Mr. Ziadin Sela and Mr. Nebi Hoxha, President of the Economic Chamber of North-West Macedonia, accompanied by Mr. Kasem Zendeli and Mr. Mendi Qyra.

The morning conference, held at the law firm McGuireWoods, LLP, focused on multilateral trade between Kosovo, Illinois, and Israel. The conference was cosponsored by the America Israel Chamber of Commerce, Chicago (AICC), in partnership with the Albanian Association of Businessmen, Intellectuals and Activists, the Albanian-American Women’s Association of Chicago, and McGuireWoods LLP, and chaired by Daniel Shure, former President of the AICC.

President Jahjaga opened the conference with a speech stating “Over the years, Kosovo has drafted laws that are in line with best EU standards and that facilitate economic development under the conditions of a market-led economy. We have adopted the Euro as local currency and consequently our country does not run any currency management risk or exchange rate risk. The government continuously reviews fiscal policies and plans to introduce financial and non-financial incentives to boost Foreign Direct Investment. Our labor market is very competitive, the labor law is very business friendly, and we have the lowest operational costs in the region.”

“Our vision is to strengthen cooperation with the world, in particular with our friends like the US and Israel, in order to develop our economies and unleash our tremendous capacities for development and innovation.”

For this reason, I have brought with me a number of businessmen and businesswomen from Kosovo’s sector of Information and Communication Technology as we want to devote a big part of our efforts to establish our primary cooperation in the field of technology and innovation,”Her remarks were followed by panel discussions related to investment opportunities in Kosovo, how to do business in Chicago and Illinois, and synergies with Israel.

Following the morning conference, the delegation visited Chicago’s tech incubator, 1871, a hub for digital start-up companies.  President Jahjaga then met with the leadership of the Chicago Council on Global Affairs.

In addition, Chicago Deputy Mayor Steve Koch met with Minister of Trade and Industry, Hykmete Bajrami and her staff, along with Mr. Shure.

The day ended with a private dinner organized by the Albanian-American Women’s Association of Greater Chicago at Tutto Italiano, owned by Albanian restaurateur, Val Dervishi.  Lumturije Asanoski, Vice President of the Women’s Association added “This event provided a platform for Kosovo to showcase its investment opportunities to both the Albanian and Kosovar communities here in the U.S.”
“The dinner was a huge success. It was imperative that our community of business-savvy, Albanian and Kosovar women proudly represented and hosted the first female president of the modern Balkans, President Atifete Jahjaga.”

“As an attorney and advocate of women’s rights, I felt especially privileged and honored to speak at the dinner before Madame President Jahjaga. She’s the epitome of a successful woman. She truly inspires me.”

When asked about the America Israel Chamber of Commerce, Chicago’s involvement, Michael Schmitt, Executive Director, explained, “The mission of our Chamber is to facilitate and increase bilateral trade between the U.S. and Israel.  We are fulfilling our mission by helping build the multilateral trading system between the Republic of Kosovo, the United States and Israel.”
Added, Mr. Shure, “Albanians have much in common with Jews and Israelis.  Through many years of oppression, a large diaspora and Kosovo and Israel both being young countries there are shared experiences that bring us together. We hope to use the experience of building Israel’s economy since independence to help build Kosovo’s economy and to increase multilateral trade between the U.S., Kosovo and Israel,”

“The conference was tremendously successful as a springboard for further dialogue. It also served to introduce Americans to Kosovo and successfully position them as the “new face of modern Europe,” said Diane Gold, Media Relations Consultant to the AICC.

“Chicago opened its doors to Kosovo for economic and political investment from the U.S. and Israel. Kosovo welcomes investments from United States and its friends and now is the perfect time since the new state of Kosovo has put in place the democratic standards of state building that protects investors and trade.” said Skënder Karaçic, Director of the Albanian Businessmen, Activists and Intellectuals. “The Trade conference was organized very well and very professionally by the America Israel Chamber of Commerce, Chicago with support from the Albanian community,” he added enthusiastically.

“A great deal of interest was generated and we now have many people interested in seeing first-hand the opportunities in Kosovo.  We plan to organize a business mission for these people in the next year”, said Shure.”I think that the investment conference was an important step in the effort to bring stability and prosperity to a part of the world which desperately needs it.  It is the right thing to do from a humanitarian and human standpoint” according to Robert Higdon Jr., Partner at the law firm Williams Mullen, and former Federal Prosecutor at the Department of Justice. “In short, I want to see these people who I have come to love do well and prosper. I believe that our three countries, Kosovo, Israel and United States and other freedom loving countries around the world, have a common interest in encouraging the economic development of a stable and free Kosovo.  And so, I am pleased to work with a number of entrepreneurs and investors who share those views and who want to see economic success for the people of Kosovo as quickly as possible.”

Kosova, Imazhi i Ri i Europës Moderne

by

Nga: Ermira Babamusta dhe Diane Gold /

Kosova u prezantua si imazhi i ri i Europës moderne gjatë Konferencës Globale të Tregtisë që u zhvillua në Çikago, Sh.B.A. Presidentja e Republikës së Kosovës, Znj. Atifete Jahjaga u prezantua si gruaja e parë zgjedhur në postin e Presidentes në Kosovë, kreu i parë i shtetit që është femër në Ballkan, dhe gruaja më e re e zgjedhur ndonjëherë si kryetare shteti.

Me 12 nëntor 2015 qyteti i Çikagos mirëpriti delegacionin shqiptar nga Kosova dhe Maqedonia në Konferencën Globale për Tregti dhe Investim. Presidentja e Republikës së Kosovës, Znj. Atifete Jahjaga udhëtoi me delegacionin zyrtar, Znj. Hykmete Bajrami, Ministre e Tregtisë dhe Industrisë, Z. Arben Limani, Drejtor i Sekretarisë Ekzekutive të Bordit të Drejtorëve të AKP-së, Znj. Vlora Çitaku, Ambasadore e Kosovës në Sh.B.A., etj. Në konferencë mori pjesë edhe prefekti i Struges z. Ziadin Sela dhe z. Nebi Hoxha, Kryetari i Odës Ekonomike të Maqedonisë Veri-Perëndimore, i shoqëruar nga biznesmenët Kasem Zendeli dhe Mendi Qyra.

Për organizimin e kësaj konference kreator ishin z. Mamut Skënderi dhe z. Skënder Karaçica të shoqatës SHSHA, me përkrahje nga z. Kujtim Dobruna, Këshilltar për çështje ekonomike të Presidentes së Republikës së Kosovës. Kontribut të madh për pritjen e delegacionit dha Shoqata e Grave me krye Lirie Mehmeti, Ariana Jaupi, Hyrije Ismaili dhe të tjerë.

Konferenca ekonomike zhvilluar në Illinois pati titullin “Mundësitë Botërore për Kosovën: Sinergji me Izraelin & Illlinois”. Konferenca u mbajt tek firma juridike McGuireWoods dhe pati në fokus lidhjet tregtare shumëpalëshe midis Kosovës, Illinois dhe Izraelit. Dhoma Tregtare Amerikë-Izrael (AICC) organizoi konferencën nën drejtimin e z. Daniel Shure, ish-Presidenti i AICC, në partneritet me SHSHA (Rrjeti i Biznesmenëve, Intelektualëve dhe Aktivistëve), Shoqata e Grave Shqiptaro-Amerikane në Çikago dhe kompania McGuireWoods LLP.

Presidentja e Nderuara Znj. Atifete Jahjaga hapi konferencën me një fjalim ku theksoi zhvillimet në Kosovë: “Përgjatë këtyre viteve, Kosova ka hartuar ligje të cilat janë në përputhje me standardet më të mira të BE-së dhe të cilat lehtësojnë zhvillim ekonomik në kushtet e ekonomisë së tregut. Legjislacioni ynë siguron trajtim kombëtar dhe mbrojtje ligjore të investitorëve të huaj, ndalon diskriminimin e tyre dhe i mbron nga shpronësimi. Ne kemi adoptuar euron si valutë lokale dhe rrjedhimisht vendi ynë nuk përballet me ndonjë rrezik nga menaxhimi i valutës apo i kursit të këmbimit. Në vijë të njëjtë, euro ka forcuar stabilitetin tonë makroekonomik, dhe inflacioni vazhdon të përcjellë nivelin e Eurozonës.Tregu ynë i punës është shumë kompetitiv, ligji i punës është miqësor ndaj bizneseve dhe kostoja operacionale është më e ulëta në regjion.”

“Është vizion i yni që ta forcojmë bashkëpunimin me botën, posaçërisht me miqtë tanë si SHBA-të dhe Izraeli, në mënyrë që ti zhvillojmë ekonomitë tona dhe t’i lirojmë kapacitetet tona të mëdha për zhvillim dhe inovim.”

“Për këtë qëllim, kam sjellë me vete një numër të ndërmarrësve nga sektori i teknologjisë informative dhe komunikimit të Kosovës, sepse dëshirojmë të dedikojmë një pjesë të madhe të angazhimeve tona në themelimin e një bashkëpunimi primar në fushën e teknologjisë dhe inovacionit.”
Fjalimi i Presidentes Jahjaga u vijua nga biseda me panelet e ftuara rreth investimeve në Kosovë, si të bësh biznes në Çikago dhe Illinois, dhe sinergjitë me Izraelin. Konferenca e nivelit të lartë kishte të pranishëm mbi 100 kompani dhe investitorë amerikanë, të cilët prezantuan projektet e tyre dhe mësuan si të investojnë në Kosovë. Pas konferencës së mëngjesit, delegacioni vizitoi inkubatorin teknik të Çikagos “1871”, një qendër e kompanive digjitale.
Zëvëndës Kryetari i Bashkisë të Çikagos z. Steve Koch u takua me Ministren Bajrami, stafin e saj dhe z. Shure.  Dita përfundoi me një darkë private organizuar nga Shoqata e Grave Shqiptaro-Amerikane në Çikago në restorantin “Tutto Italiano”, nën manaxhim të z. Val Dervishi. Znj. Lumturije Asanoski, Zv. Presidentja e Shoqatës së Grave Shqiptaro-Amerikane tha: “Kjo konferencë krijoi një platformë për Kosovën për të treguar mundësitë për investime komunitetit shqiptar dhe kosovar këtu në Amerikë.”

“Darka ishte një sukses i madh. Ishte thelbësore për komunitetin tonë të biznesit, gratë shqiptare dhe kosovare me krenari të prezantojnë dhe mikpresin presidenten e parë femër të Balkanit të sotëm.

“Si avokate dhe përkrahëse e të drejtave të grave, u ndjeva e priviligjuar dhe krenare të flas tek darka përpara Zonjës Presidente Jahjaga. Ajo është mishërimi i një gruaje të suksesshme. Me të vërtetë më inspiron.” Kur u pyet për përfshirjen e Dhomës Tregtare Amerikë-Izrael, z. Michael Schmitt, Drejtori Ekzekutiv, shpjegoi: “Misioni i Odës është të lehtësojë dhe rriti tregtinë dypalëshe midis Sh.B.A.së dhe Izraelit. Ne po e përmbushim misionin tonë duke ndihmuar në ndërtimin e sistemit tregtar shumëpalësh midis Kosovës, Sh.B.A.së dhe Izraelit.”

  1. Shure shtoi: “Shqiptarët kanë shumë të përbashkëta me Hebrenjtë dhe Izraelin. Që nga vitet e shtypjes, një diasporë e madhe, Kosova dhe Izraeli si shtete të reja kanë përvoja të përbashkëta që na afrojnë më shumë. Ne shpresojmë të përdorim eksperiencën e ndërtimit të ekonomisë së Izraelit që nga pavarësia, për të ndihmuar dhe ndërtuar ekonominë e Kosovës, dhe për të shtuar tregtinë shumëpalëshe me Amerikën, Kosovën dhe Izraelin.”

“Konferenca ishte një sukses i madh urëlidhëse për dialog të mëtejshëm. Shërbeu gjithashtu si prezantim i Kosovarëve tek Amerikanët, duke e pozicionuar Kosovën si “imazhi i ri i Europës moderne”, tha znj. Diane Gold, Konsulente e Lidhjeve Mediatike të AICC.

  1. Daniel Shure tha që si rrjedhojë e konferencës u krijua një interes i madh nga amerikanët për mundësi investimi në Kosovë. Z. Shure planifikon të organizojë një mision biznesi për investitorët vitin që vjen.

“Cikago vërtet i hapi dyert për ekonominë dhe politikat e investimeve nga Amerika dhe Israeli për Kosovën. Konferenca Ekonomike për Kosovën në Chicago, promovoi një nga shtyllat kryesore të shtetndërtimit të Kosovës në rrafshin e zhvillimit ekonomik dhe të shfrytëzimit të resurseve të pasura për kahet e reja të participimit të vlerave kombëtare shqiptare me SHBA dhe me BE. SHSHA-ja është në kontakt të përhershëm me OEAI-së në Chicago që në një tëardhme të afërt, të shkoj nje delegacion ekonomik për investime të mundshme në Kosovë,” tha z. Skënder Karaçica, Drejtor i SHSHA-së.

“Mendoj se konferenca e investimeve ishte një hap i rëndësishëm për të sjellë stabilitet dhe prosperitet në një pjesë të botës që ka shumë nevojë. Është e gjëja e duhur nga aspekti humanitar,” tha z. Robert Higdon Jr., partner tek firma juridke Williams Mullen, dhe ish-Prokuror Federal tek Departamenti Amerikan i Drejtësisë. “Dua t’i shikoj kosovarët, që kam arritur t’i dua, të jenë mirë dhe të kenë sukses. Besoj se tre shtetet tona, Amerika, Izraeli dhe Kosova, dhe shtete te tjera në botë që duan lirinë, kanë një interes të përbashkët të inkurajojnë zhvillimin ekonomik të një Kosove të lirë dhe të fortë. Jam shumë i lumtur të punoj me një numër biznesmenë dhe investitorë që kanë të njëjtat pikëpamje dhe që duan të shikojnë sukses për popullin e Kosovës sa më shpejt,” shtoi z. Higdon.