Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Archives for April 2016

Google nëpër Shqipëri për të fotografuar rrugët

by

Shqipëria do të jetë pjesë e hartës botërore ‘Google streets view’./

Ministrja e Integrimit Milena Harito deklaroi sot gjatë prezantimit të projektit ‘Google Street Vieë’ se për 8 javë Google do të jetë në qytetet kryesore për të fotografuar rrugët e Shqipërisë.

Harito: “Projekti zhvillon turizmin kryesisht nga jashtë. Ai sjell pamjet konkrete të Shqipërisë në kompjuter ose telefon. Projekti është konkretizim i një pune 18 mujore i cili do të ndryshojë imazhi i vendit”.

Duke folur për plotësimin e formularit të vetëdeklarimit ai tha se 5 maji afati i fundit për dorëzimin e vetëdeklarimeve. Deri tani 7500 persona kanë dorëzuar vetëdeklarimet, Rreth 20 mijë persona të tjerë ende nuk kanë dorëzuar vetëdeklarimin .

 

Trump fiton 5 shtete, Hillary 4 shtete

by

Trump nuk ka te ndalur megjithe kundershtimet e  kryeministrit shqiptar Edi Rama, qe sheh fundin e botes me fitoren e manjatit republikan. Kandidati Republikan Donald Trump ka shënuar fitore në votimet paraprake të republikanëve në pesë shtete verilindore, ndërsa demokratja Hillary Clinton ka siguruar fitoren në katër shtete.

Rrjetet televizive amerikane e paten parashikuar se Trump me lehtësi fitoi në zgjedhjet paraprake në pesë shtete, gjatë votimeve të mbajtura dje në: Konetikat, Merilend, Delauer, dhe Rod Ajlënd. Trump fitoi 60 për qind të votave në dy shtete dhe mbi 50 për qind në të tjerët, sipas rezultateve zyrtare.Parashikimet, pas mbylljes së kutive të votimit, treguan se Clinton gjithashtu shënoi fitore në Merilend, Delauer, Pensilvani dhe Konetikut.

Hillary iu tha fansave te saj pas fitores: “Me ndihmën tuaj ne do të rikthehemi në Philadelphia për Konventën Kombëtare Demokrate me më shumë vota dhe më shumë delegatë”, i tha Clinton mbështetësve të saj pasi fitoi primaret e së martës në katër shtete.

“Ne do të bashkojmë partinë për të fituar këto zgjedhje dhe për të ndërtuar një Amerikë ku të gjithë mund të ngrihemi, një Amerikë ku ngremë njëri-tjetrin në vend që të shtyjmë njëri-tjetrin për posht”, vazhdoi ajo.

Hilary Clinton, në primaret që u zhvilluan të martën, humbi vetëm në shtetin e Rhode Island, ku fitimtar doli rivali i saj Bernie Sanders. Megjithatë katër fitoret e fundit i japin asaj një avantazh gati të paarrtishëm, ndonëse mbeten edhe 14 shtete për të votuar deri më 14 qershor.

Kundershtari i saj Bernie Sanders ka shënuar fitore në Rod Ajlënd.  Zgjedhjet për president në SHBA do të mbahen më 8 nëntor.

Ministri & Komandanti i FSK, pritje ne Pentagon

by

Ministri dhe Komandanti i FSK-së u pritën në Pentagon nga shefi i Gardës Kombëtare të Shteteve të Bashkuara të Amerikës, gjenerali Grass/

Ministri i ministrisë për Forcën e Sigurisë së Kosovës(MFSK), Haki Demolli dhe Komandanti i Forcës së Sigurisë(FSK), gjenerallejtënant Rrahman Rama u pritën zyrtarisht në Pentagon nga shefi i Gardës Kombëtare të shteteve të Bashkuara të Amerikës(ShBA), gjenerali Frank Grass.

Në takimin e përbashkët të ministrit Demolli dhe gjeneral Ramës me gjeneralin Grass, e ku ishte i pranishëm edhe shefi i Gardës Kombëtare të Aiovës, gjeneral Timothy Orr, (Shteti i Aiovës me shtetin e Kosovës është në partneritet e gjithashtu FSK-ja me Gardën e Aiovës) u bisedua për marrëdhëniet Kosovë-ShBA në fushën e sigurisë, procesi i transformimit të Forcës së Sigurisë së Kosovës në Forca të Armatosura të Kosovës(FAK), si dhe çështje e tema tjera me rëndësi nga siguria.

Ministri Demolli nga ana e tij e  përgëzoj  mikpritësin, gjeneralin Grass  për bashkëpunimin e mirë ndërmjet dyja vendeve dhe dy institucioneve duke e falënderuar atë edhe për mbështetjen e vazhdueshme që ShBA-ja ka dhënë dhe vazhdon të jap për Kosovën dhe Forcën e Sigurisë në veçanti.

Gjithashtu, Ministri Haki Demolli e njoftoj gjeneralin Grass mbi mbarëvajtjen e procesit të transformimit të Forcës së Sigurisë së Kosovës, për hapat , përgatitjet që janë bërë si dhe për planet për zhvillimin e saj.

Ministri Demolli shprehu gatishmërinë për transparencë të plotë me faktorët vendorë, strategjik dhe ndërkombëtarë sa i përket procesit të transformimit të FSK-së në FAK.

Nga ana e tij, gjenerali Grass, shef i Gardës Kombëtare të shteteve të Bashkuara të Amerikës, shprehu mbështetje për procesin dhe mbështetje për përpjekjet e institucioneve të Kosovës, për krijimin e infrastrukturës që garanton një ambienti të qetë dhe të sigurte në Republikën e Kosovës.

Gjenerali Frank Grass, shef i Gardës Kombëtare të shteteve të Bashkuara të Amerikës për nderë të ministri Haki Demolli, gjenerallejtënant Rrahman Ramës dhe delegacionit nga Ministria për Forcën e Sigurisë së Kosovës, shtroi një drekë zyrtare në Pentagon, në shenjë respekti për bashkëpunimin e deritanishëm si dhe për planet intensive të bashkëpunimit në të ardhmen.

Në takimin e delegacionit nga Kosova në Pentagon, ishte i pranishëm edhe Atasheu i FSK-së, pranë Ambasadës së Republikës së Kosovës në Uashington, gjeneral brigade Xhavit Gashi, shefi i departamentit për bashkëpunim ndërkombëtarë, kolonel Ilir Qeriqi, si dhe oficer e nënoficer të tjerë të Forcës së Sigurisë.

Objekti misterioz në fund të Balltikut dhe konspiracionistët e teorive aliene

by

Kur u zbulua për herë të parë objekti misterioz në fund të Detit Balltik habiti ekspertët dhe vendosi në lëvizje konspiracionistët e teorive aliene. Por edhe sot, kur kanë kaluar pesë vite nga ky zbulim, objekti vazhdon të habisë të gjithë.  “Ocean X”, një grup suedezësh gjuetarë thesaresh nëpër dete, i udhëhequr nga Peter Lindberg dhe Dennis Asberg ranë në gjurmët e objektit në vitin 2011. Menjëherë nisën misionet e zhytjes në 100 metra thellësi, ku ekipi vuri re disa anomali në pajisjet e tyre të elektrike dhe teknologjike. “Sapo i afroheshim objektit, çdo gjë elektrike, përfshirë këtu edhe telefoni satelitor pushonte së funksionuari, madje nuk punonin as kur ishim mbi objekt. Menjëherë sapo largoheshim 200 metra prej objektit, rikthehej normaliteti. E njëjta gjë ndodh sa herë që rikthehemi atje”, thotë Stefan Hogerborn, zhytës profesionist dhe pjesë e ekipit “Ocean X”. Objekti misterioz ka një gjatësi prej 60 metrash dhe një gjerësi prej 8 metra. Ajo që e bën akoma më të komplikuar shpjegimin se çfarë është në të vërtetë është forma e tij, pasi ngjason shumë me objektet fluturuese që shumë i kanë parë vetëm tek skena të filmit “Star Wars”. Volker Bruchert, profesor i gjeologjisë ka një ide për kohën e formimit të objektit, por nuk është në gjendje të shpjegojë anomalitë e shkakuara tek aparaturat elektrike dhe kompjuterike kur i afrohesh atij. “Hipoteza ime është se ky objekt, kjo strukturë është formuar gjatë epokës së akullt, shumë, shumë vite më parë”, thotë ai. Në këtë hipotezë, Bruchert ka mbërritur pas analizimit të një pjese të marrë nga grupi i “Ocean X”. Por vetë drejtuesit e këtij ekipi gjahtarësh thesari, Lindberg dhe Asberg thonë se pjesë e dërguar për analizë nuk është marrë nga objekti, por nga mjedisi përreth tij. Ata thonë se e megjithë përpjekjet e panumërta, e kanë patur të pamundur që t’i afrohen në distancë të afërt objektit misterioz, që me gjasa do të qëndrojë i tillë edhe për shumë kohë.

Kosova përfshihet në “Indeksin e Lirisë Ekonomike”

by

-Publikuar nga “The Heritage Foundation”/

PRISHTINË, 26 Prill 2016-B.Jashari/ Kosova  është përfshirë në “Indeksin e Lirisë Ekonomike” -Publikuar nga “The Heritage Foundation”. Ministri kosovar i Financave, Avdullah Hoti, ka pritur sot në takim përfaqësuesit e  “The Heritage Foundation”, zëvendëspresidentin Jack Spencer dhe udhëheqësin e Institutit për Ekonomi të Lirë Anthony Kim, me të cilët ka diskutuar për prezantimin e hulumtimit të këtij institucioni “Indeksi i Lirisë Ekonomike”, ku Liria ekonomike e Kosovës është vlerësuar për herë të parë në Indeksin e vitit 2016. Ministri Hoti, thekson njoftimi i dërguar, e vlerësoi lartë punën e “The Heritage Foundation”, në veçanti për përfshirjen e Kosovës në  hulumtim të këtij institucioni “Indeksi i Lirisë Ekonomike”.

“Vlerësimi i Kosovës për herë të parë dhe pozicionimi në vendin e 84 në këtë raport është një e arritur për vendin tonë. Kjo bëhet edhe më e rëndësishme kur kemi parasysh që këtë herë Kosova sa i përket lirisë ekonomike në këtë publikim është ranguar më mirë se sa disa vende të rajonit dhe BE-së”, tha ministri Hoti. 

Ai gjithashtu i njoftoi të pranishmit për Strategjinë Zhvillimore të Kosovës, ndryshimin e politikave fiskale, fillimin e prokurimit elektronik si dhe për zhvillimin e sistemit bankar në Kosovë.Zëvendëspresidenti i “The Heritage Foundation”,  Jack Spencer, duke falënderuar ministrin Hoti për gatishmërinë e qeverisë së Republikës së Kosovës për të bashkëpunuar me institucionin e tij, sidomos gjatë procesit të hulumtimit të këtij institucioni “Indeksi i Lirisë Ekonomike”, tha se përmes këtij hulumtimi bëhet vlerësimi vjetor i lirisë ekonomike për 186 vende dhe territore në mbarë botën.Liria ekonomike e Kosovës është vlerësuar për herë të parë në Indeksin e vitit 2016. Në renditjen botërore, Kosova në këtë publikim renditet në vendin e 84.Heritage Foundation është një nga vlerësuesit për Korporatën e Sfidave të Mijëvjeçarit (Millennium Challenge Corporation – MCC). Në mënyrë specifike, Heritage Foundation në partneritet me “The Wall Street Journal” shqyrton performancën e politikave tregtare të vendeve të botës dhe bën publikimin e hulumtimit vjetor “Indeksi i Lirisë Ekonomike”. Ky hulumtim shërben si bazë për notim nga ana e MCC të indikatorit të “Politikave Tregtare” tek “Liritë Ekonomike” të vendeve të ndryshme.