Archives for August 2016

Dua Lipa, nga Prishtina në sheshin “Nënë Tereza” në Tiranë

August 11, 2016 by dgreca

Dua Lipa ka performuar shkëlqyshëm në dy Kryeqytet shqiptare, në Prishtinë dhe Tiranë.Mbrëmjen e së Martës me 10 Gusht Dua performoi në parkun e Gërmisë,ku është mbajtur koncerti I parë I DUA LIPA në Prishtinë, ajo u rikthye pas katër vitesh për t’I sjellë Prishtinës njërin ndër koncertet më të mëdha që kemi pasur deri më sot.Dua Lipa ka kënduar këngët e albumit të saj të ri i cili do të lansohet në shkurt të vitit 2017, performanca e saj ka zgjatur më shumë se një orë.Gjithsesi e vecanta e këtij koncerti ishte surpriza që Dua I bëri babait të saj Dukagjin Lipa anëtar I grupit ODA, duke e kënduar këngën legjendare të këtij bendi “Beso në diell”. Ajo e ftoi per t’iu bashkangjitur në skenë duke sjellë emocione të vecanta si në skenë ashtu edhe tek I gjithë publiku.Performanca e Duas ka përfunduar me hitin e saj aktual “Hotter Than Hell”.Koncerti ka nisur në orën 19:30 me Dj Gamble, më pas Lyrical Son dhe Mc Kresha.Në koncert ishin të pranishëm 20,000 qytetarë nga e gjithë Kosova duke arritur kështu limitin e biletave të parapra për koncert.Policina e Kosovës ka dhënë kontribut të vecantë për pjesën e sigurisë së koncertit.

Në sheshin “Nënë Tereza”/

TIRANË, 10 Gusht/ ATSH/ -Këngëtarja e njohur me origjinë kosovare, Dua Lipa, këndoi te merkuren ne mbremje në një koncert të hapur për publikun në sheshin “Nënë Tereza”, në kryeqytet.

Në nje atmosfere elektrizuese mijera fansa kane pritur kengetaren qe ka thyer rekoredet me albumet e shitura ne te gjithe boten.

Skena e ngritur nga Bashkia e Tiranës, eshte ndezur nga performanca e këngëtares me famë ndërkombëtare, Dua Lipa.

Këngëtarja Dua Lipa zhvilloi dje një koncert në Prishtinë, qytetin e saj të lindjes, ku kishte mbi 20 mijë spektatorë. Të ardhurat prej këtij koncerti shkuan për bamirësi për fondacionin “Sunny Hill”.

Këngëtarja e ka përfshirë Shqipërinë përgjatë turit që ajo zhvillon në të njëjtën kohë në disa vende të Ballkanit. E rritur duke dëgjuar këngët e babait të saj, këngëtarit kosovar të “Rock”-ut, Dukagjin Lipa, ajo gjithmonë ka ushqyer një dashurinë të veçantë për Shqipërinë dhe shqiptarët, duke e theksuar dukshëm origjinën e saj.

Tashmë ajo renditet ndër artistet më me zë në mbarë botën. “Be the one” dhe kënga tjetër “Last Dance” janë bërë hite botërore tashmë të këngëtares Lipa, ndërkohë që “Hotter Than Hell” momentalisht gjendet në top-listat angleze.

HYN NE FUQI KUSHTETUTA E RE E SHQIPERISE

August 11, 2016 by dgreca

Qe nga dita e sotme hyn në fuqi Kushtetuta e re e Shqiperisë, e ndryshuar në 46 nene të saj me konsesus të plotë mesnatën e 21 dhe 22 korrikut.

Reforma në drejtësi dikton se institucioni i parë që duhet të ngrihet 5 ditë pas hyrjes në fuqi të ndryshimeve është Këshilli i Emërimeve në Drejtësi, pra brenda datës 16 gusht.

Presidenti gjendet në pamundësi për të ushtruar këtë kompetencë, pasi ligji i vlerësimit të gjytarëve nga ku do të zgjidhen anëtarët e KED, ende nuk është miratuar. Për të zgjidhur ngërçin, kreu i shtetit është takuar me përfaqësues të partive politike dhe konstitucionaliste, por ende pa rezultat.

Veprimi i dytë që Byron nga Kushteteta e re, është emërimi anëtarëve te Gjykatës Kushtetuese. Anëtari i parë për t’u zëvendësuar në gjykatë emërohet nga Presidenti i Republikës, i dyti nga Kuvendi dhe i treti nga Gjykata e Lartë.

Insitucioni i tretë që do të ngrihet është Inpektoriali i Lartë i Drejtësisë, inpesktori i të cilit zgjidhet 6 muaj nga hyrja në fuqi e ndryshimeve kushtetuese.

Brenda një afati prej 8 muajsh nga 11 gushti duhet të ngrihen edhe dy institucionet e tjera të drejtësisë, Këshilli i Lartë i Gjyqësorit dhe Këshilli i Lartë i Prokurorisë.

Pavarësisht hyrjes në fuqi të reformës në drejtësi, zbatimi i saj duket se do të marrë kohë. Kjo pasi politika deri më tani është shprehur e gatshme që brenda gushtit të miratojë vetëm 3 nga 7 ligjet e paketës së emergjencës që e bëjnë atë të zbatueshëm, duke nisur me ligjin për vlerësimin e gjyqtarëve dhe prokurorëve. Ky ligj tashmë është në duart e ekspertëve, dhe duhet të rikthehet sërish në komisionin e posaçëm të reformës, që më tej do t’ia përcjellë kuvendit.

Së paku deri në 16 gusht, kohë kur skadon edhe afati i kreut të shtetit për emërimet në KED, është njoftuar se nuk do të ketë seancë.

Politika duket se do të duhet të ndërthurë ditët e pushimeve me ditët e punës, për të shmangur ngërçet që mund të vijnë për shkak të mosgjetjes së dakordësi për miratimin e paketës ligjore që e bën të veprojë reformën në drejtësi.

Fatmir Mediu, thirrje Ramës: Mos dhuno por ktheja pronat pronarëve në Himarë

August 11, 2016 by dgreca

Kryetari i Partisë Republikane Fatmir Mediu, në një deklaratë për mediat, ka reaguar lidhur me dhunën qeveritare siç ai e cilëson, që po ndodh në Shqipëri. Kreu i PR-së, është shprehur se po ushtrohet presion mbi pronarët në bregdetin e Jugut, kryesisht në zonën e Himarës.

Përgjegjës për këtë, kreu i republikanëve bën Kryeministrit Edi Rama, ku dhe i ka drejtuar një mesazh.

Mediu tha se: “Partia Republikane dënon çdo formë të dhunës qeveritare mbi banoret e Himares dhe gjithë bregdetit dhe kërkon kthimin e pronave ne bregdet dhe mbare Shqiperine, si një e drejtë ligjitime e banoreve te këtyre zonave qe i kane ndërtuar dhe trashëguar këto prona ndër shekuj Partia Republikane kërkon të regjistrohen te gjitha pronat e pronareve te ligjshem shtepi apo prona te tjera ne Himarë, e gjithë bregdetin, te hipotekohen dhe pasjen me certifikatat e pronësisë”.

Më tej, kreu i PR-së, ka theksuar se qeveria po legalizon në mënyrë të paligjshme pronat dhe atyre që e kanë prej shekujsh nuk ja njeh. Mediu ka bërë thirrje që të ndalet çdo projekt publik qe cenon pronën.

“Çdo plan zhvillimi ka nevoje per gjykimin dhe mbeshtetjen e komunitetit. As Kryeministri dhe askush tjeter nuk ka te drejte te sillet si pronar me pronat e bregdetasve. Kjo perle e natyres shqiptare me potenciale te jashtezakonshme per zhvillimin e turizmit do te zhvillohet vetem atehere kur prona te shkoj tek I zoti, por njekohesisht, duke ruajtur vlerat historike. Betonizimi dhe babezia kane shkaterruar ato pak vlera historike qe I kane ngelur vendit tone dhe kjo eshte fatkeqesi kombetare”,- tha më tej Mediu.

Kosovë, BE: Veprimet e dhunshme, të papranueshme

August 11, 2016 by dgreca

Foto Gazeta DIELLI-Behlul Jashari: Prishtina, verë 2016/

-Ditëve të fundit në Prishtinë kanë ndodhur dy sulme me mjete shpërthyese/

PRISHTINË, 11 Gusht 2016-B.Jashari/ Në një deklaratë për shtyp sot nga Zyra e Bashkimit Evropian në Kosovë / Përfaqësuesi i Posaçm i BE-së shprehet shqetësim për veprimet e dhunshme ditëve të fundit në kryeqytet, duke theksuar se janë të papranueshme.

“Zyra e BE-së në Kosovë / PPBE është e shqetësuar që sheh kthimin e veprimeve të dhunshme gjatë ditëve të fundit në Prishtinë. Dhuna nuk ka vend në një shoqëri demokratike dhe si e tillë nuk është e pranueshme për Bashimin Evropian”, thekson deklarata e dërguar.

Ditëve të fundit në Prishtinë kanë ndodhur dy sulme me mjete shpërthyese, drejt Kuvendit të Kosovës dhe në shtëpinë e kryetarit të Komisionit Shtetëror për Shënjimin dhe Mirëmbajtjen e Kufirit të Kosovës.

Në Kuvendin e Kosovës, Lëvizja Vetëvendosje, subjekti më i madh opozitar, ka hedhur gaz lotsjellës në dy mbledhje, të Komisionit Parlamentar për Punë të Jashtme dhe të Kryesisë së Kuvendit me shefat e grupeve parlamentare në kundërshtim të ratifikimit të marrëveshjes për demarkacionin e kufirit me Malin e Zi dhe pas këtyre veprimave dy deputetë janë arrestuar.

Shtypi i Kosovës: Koalicioni nuk i ka votat për Demarkacionin

August 11, 2016 by dgreca

-Shtyn demarkacionin për 1 shtator. Tre javë ‘armëpushim’/

PRISHTINË, 11 Gusht 2016- Gazeta DIELLI-B.Jashari/ “Koalicioni nuk i ka votat, shtyn demarkacionin për 1 shtator”, shkruan sot shypi në Kosovë, pas vendimit të djeshëm të mbledhjes së Kryesisë së Kuvendit me shefat e grupeve parlamentare, ku partia më e madhe opozitare, Lëvizja Vetëvendosje, hodhi gaz lotsjellës.

Në kulmin e tensioneve dhe të paralajmërimeve për përshkallëzim të situatës, Kryesia e Kuvendit ka vendosur që Marrëveshjen e demarkacionit me Malin e Zi ta qesë në votim më 1 shtator, shkruan sot Koha Ditore.

Gazeta thekson se, edhe pse ka pasur zëra se demarkacioni do të shqyrtohet këtë javë, shtyrja është bërë me qëllim të blerjes së kohës. Sipas burimeve të gazetës, partitë në pushtet ende nuk i kanë të sigurta votat për ta kaluar marrëveshjen, veçmas në kampin e Lidhjes Demokratike. Arsye tjetër është edhe ‘”frika” se kjo çështje mund të çojë në tensionim të situatës, pak ditë para vizitës së zëvendëspresidentit amerikan, Joe Biden. “Por vizita e Bidenit mendohet të shfrytëzohet për t’i bindur edhe deputetët tjerë që janë kundër Marrëveshjes së koalicionit, në mënyrë që kalimi i saj të mos vihet në rrezik”, ka thënë burimi.

Por lëvizja “Vetëvendosje” shtyrjen e votimit për shtator e ka përkthyer si rezultat i rezistencës së tyre, shkruan gazeta.

“Tri javë ‘armëpushim’ për demarkacionin”, shtë kryetitulli i gazetës Zëri, e cila thekson se

partnerët e koalicionit qeverisës i kanë dhënë mbështetje Marrëveshjes, derisa opozita ka paralajmëruar masa radikale për pengimin e saj.

“Partnerët e koalicionit qeverisës shpresojnë se kjo Marrëveshje do të ratifikohet më 1 shtator, ndërsa subjektet opozitare kërkojnë që kjo Marrëveshje të hidhet poshtë në mënyrë që Kosova të mos i humbë mbi 8 mijë hektarë tokë.

Në shenjë kundërshtimi ndaj vendimit për përcaktimin e datës së seancës për demarkacionin, shefi i grupit parlamentar të Lëvizjes “Vetëvendosje”, Glauk Konjufca, ka hedhur gaz lotsjellës në sallën e Kryesisë duke e ndërprerë mbledhjen. Konjufca më vonë është arrestuar për këtë veprim”, shkruan gazeta.

Ndërsa, sipas shkrimeve të analistëve në media rreth marrëveshjes për demarkacionin e kufirit me Malin e Zi, “tash janë dalë edhe interesat krahinore dhe partiake dhe duket se është prishur edhe balansi i votave për ratifikim në Kuvend të Kosovës”.