Archives for December 2017

Grindja pёr Jeruzalemin: dy tё vdekur qindra tё plagosur

December 9, 2017 by dgreca

Goma makinash qё digjen, gurё qё hidhen anё e mbanё: Pas njohjes sё Jeruzalemit nga SHBA-ja si kryeqytet i Izraelit vendi i shenjtё po tronditet nga trazirat. Nё Kёshillin e Sigurimit amerikanёt po hasin nё kritika.

Israel Jerusalem (Ost) Reaktionen nach Ankündigung Trumps zu US Botschaft (DW/Tania Kraemer)

Pas njohjes sё Jeruzalemit nga SHBA-ja si kryeqytet i Izraelit, si pasojё e trazirave nё Jeruzalem dhe nё territoret palestineze kanё gjetur vdekjen mё se 750 janё plagosur. Shumё prej tyre kanё pёsuar plagё prej tё shtёnave, shumica nga plumba gome, sikurse njofton shёrimi palestinez i shpёtimit Gjysmёhёna e Kuqe. Policia izraelite ishte prezente nё Jeruzalem me trupa tё pёrforcuara. Nё Jordanin Perёndimor janё vendosur batalione shtesё tё ushtrisё sё Izraelit. Hantifada e tretё, si dhe e shpalli tё premten “ditёn e indinjatёs”.

Palästina Ramalah Proteste gegen Trump (DW)

Nё njё seancё urgjente nё Kёshillin e Sigurimit SHBA hasi nё kritika masive tё 14 anёtarevё tё kёtij forumi. Vendimi i SHBA-sё pёr ta njohur Jeruzalemin kryeqatet tё Izraelit ёshtё „njё rast i rrezikshёm precedent“, tha ambasadori i Egjiptit tё OKB, Amr Abdellatif Aboulatta. Ambasadorёt e Britanisё sё Madhe Suedisё, Italisё dhe Gjermanisё pёrmes njё deklarate tё pёrbashkёt komunikojnё, se ky vendim nuk ёshtё nё pёrputhje me rezolutat e OKB-sё dhe nuk ёshtё i dobishёm pёr situatёn.

Kryenegociatori palestinez Saeb Erekat tha nё televizionin Al-Jeezira, se populli i tij do tё negociojё sёrish me SHBA, vetёm pasi presidenti Trump ta tёrheqё vendimin e tij. Pas kёtij vendimi, sikurse njoftojnё pёrfaqёsues tё lёvizjes Fata, presidenti palestinez Mahmud Abbas nuk do ta takojё nёnpresidentin e SHBA-sё Mike Pence sipas planifikimit nё Bethlehem.

Lezhë, vritet në atentat vëllai ish deputetit të PS

December 9, 2017 by dgreca

Në Shqipëri, mbeti i vrarë në një atentat, Aleksandër Ndoka, anëtar i Këshillit Bashkiak të Lezhës dhe vëllai i ish deputetit socialist Arben Ndoka, i cili dha dorëheqjen nga parlamenti i kaluar në kuadër të procesit të dekriminalizimit, për shkak të shkuarës së tij me precedentë penal. Aleksandër Ndoka, ka qenë pranë banesës së tij kur mendohet se ka rënë në pritën e vrasësve të cilët dyshohet të kenë qenë duke e pritur të fshehur në një banesë të rrënuar përballë shtëpive të vëllezërve Ndoka. Në vend ngjarje janë gjetur 14 gëzhoja armësh automatike. Dyshohet se ai është qëlluar fillimisht nga distanca dhe më pas vrasësit janë afruar duke shtënë mbi të nga afër.

Ndoka është gjetur i vrarë në automjetin e tij rreth orës 4 të mëngjesit. Policia shpjegon se ka shkuar atje pas një sinjalizimi në sallën e saj operative. Ndërsa familjarët thonë se Ndoka është gjetur nga një patrullë policie. Dyshohet që ai të jetë vrarë gjatë mbrëmjes. Me shumë gjasa ai është qëlluar me armë me silenciator, pasi të afërmit e tij kanë deklaruar se nuk kanë dëgjuar të shtëna.

Aleksandër Ndoka, i zgjedhur si anëtar i Këshillit Bashkiak të Lezhës nën siglën e partisë “Rruga e Lirisë”, nuk kishte precedent të mëparshëm penal, ndërkohë që djali i tij, është arrestuar në muajin Tetor pasi dyshohet të jetë autor i dhunimit të një përfaqësuesi të LSI-së ditën e zgjedhjeve të 25 Qershorit. Për momentin mbeten ende të paqarta motivet e kësaj vrasjeje.

Në veri të Kosovës ende ka struktura paralele

December 9, 2017 by dgreca

Në veri të Kosovës, ende nuk ka përfunduar procesi i shuarjes së strukturave paralele, të cilat mbështeten nga Beogradi zyrtar, thonë përfaqësues të shoqërisë civile. Përderisa nga Policia e Kosovës në veri të vendit, thuhet se gjendja është dukshëm më e mirë, krahasuar me vitet paraprake.Katër komunat veriore të Kosovës, ku bëjnë pjesë Leposaviqi, Zubin Potoku, Zveçani dhe Mitrovica e veriut, janë të banuara nga popullata shumicë serbe.

Përfaqësuesit e organizatave joqeveritare thonë se autoritetet e rendit nuk po arrijnë që të kenë kontrollin e duhur në atë pjesë.Naim Rashiti, drejtor i Grupi Ballkanik për Politika, thotë se shtyrja e themelimit të Asociacionit të Komunave me shumicë Serbe ka bërë që në veri të Kosovës të jenë ende të pranishme institucionet paralele serbe që funksionojnë pa ndonjë pengesë ligjore.

“Të gjitha struktura e administrimit, komunat funksionojnë ende, agjencitë e ndryshme shtetërore të Serbisë. Krahas arsimit dhe shëndetësisë që veprojnë në gjithë Kosovën, funksionon lirshëm edhe një zyre të Bankës Qendrore të Serbisë. Nuk është bërë shumë për tërheqjen e tyre ose nuk është bërë asnjë plan për tërheqjen e tyre”.

“Ajo që ka ndodhur është shuarja e policisë, integrimi i policëve dhe gjykatësveqë zyrtarisht institucione të sigurisë dhe ligjit, nuk ka në veri -jo zyrtarisht natyrisht që dihet prezenca e strukturave, por zyrtarisht organet e tilla, të cilat mund të arrestojnë apo veprojnë, nuk ka në veri”, thotë Rashiti.

Sipas tij, veriu i Kosovë ka qenë i pamenaxhuar dhe i paadministruar për më gjatë se 18 vjet, dhe pothuajse edhe sot vazhdon të jetë gjendje e ngjashme.

“Fakti se 80 për qind e veturave operojnë pa tabela [regjistrimi], fakti se nuk ka regjistra të qarkullimit të njerëzve flet mjaft; nuk ka kontroll të mjaftueshëm mbi kufijtë. Ka shumë kalime ilegale si në asnjë kufi tjetër në rajon. Është kufiri më i thyer, më i qarkulluar ilegalisht, dhe kjo natyrisht që na shtyn të kuptojmë që aty ka vepra dhe zhvillohen vepra shumë të rrezikshme kriminale dhe infiltrim i shumë grupeve të interesit”, theksoi Rashiti.

Ai vlerëson se për të ndryshuar gjendja në veri të Kosovës, dhe për eliminimin e të gjitha rreziqeve dhe grupeve që qarkullojnë në mënyrë të paligjshme, duhet edhe pak kohë. Sipas tij, autoritetet e rendit, me gjithë përpjekjet, nuk janë duke vepruar atje sa duhet.

“Policia është në proces e sipër dhe është në rrugë të mirë. Unë besoj se pas një kohe do të vihet rend, por ende autoritetet e Kosovës, apo edhe KFOR-i, nuk e kontrollojnë kufirin siç duhet. Kemi parasysh që për 4-5 vjet ka qenë e pamundur të operojë Policia e Kosovës në veri. Kurse tani operon në një masë deri diku”, thekson Rashiti.

Prania e strukturave paralele nuk mohohet as nga autoritetet e rendit. Por, sipas tyre, ato struktura janë zbehur dhe nuk kanë më fuqi siç kishin vite më parë.

Besim Hoti, zëvendësdrejtor i Policisë së Kosovës në veri, thotë se gjendja e sigurisë në përgjithësi është e qetë. Ai megjithatë, mendon se zhvillimet aktuale dhe dinamizmi i veprimeve politike ndikojnë në stabilitetin e asaj pjesë.

Hoti thekson se Policia në veri të Kosovës ka nevojë për mbështetje dhe përkrahej nga institucionet si ato të nivelit lokal, po ashtu edhe atij qendror.

“Sapo të kemi një stabilitet ekonomik në këtë pjesë të vendit, flasim edhe për stabilitet shoqëror. Nuk është vetëm policia, mekanizmi i vetëm i sigurisë, i cili duhet të funksionojë në tërë këtë hallkë të sigurisë së vetë qytetarëve. Mirëpo, ato detyra dhe obligime të cilat dalin me ligje dhe janë proceduar për Policinë e Kosovës, sigurisht që policia krahas shumë zhvillimeve që kanë ndodhur këto vitet e fundit me integrim e dialog, kanë ndikuar në ndryshimin e formave dhe të të menduarit për çështjen e sigurisë”, shprehet Hoti.

Kurse, sa u takon kalimeve ilegale të kufijve në veri, Hoti thotë vendkalimet kufitare janë në monitorim të plotë, por nuk përjashtohen rastet kur grupet të caktuar për interesat të ndryshme tentojnë ta kalojnë kufirin ilegalisht.

“Ka interesim të grupeve të ndryshme, të cilat tentojnë ilegalisht të fusin mjete apo persona në kalimin e kufirit jashtë pikave të autorizuar. Policia kufitare i ka detyrat e veta dhe bën punën e vet në identifikim e këtyre grupeve apo individëve”, thotë Hoti.Për autoritetet e Kosovës, shuarja strukturave paralele në veri dhe pjesët tjera të vendit, është një nga kushtet kryesore për formimin e Asociacionit të Komunave me Shumicë Serbe në Kosovë, si një prej marrëveshjeve kryesore të arritura në dialogun ndërmjet Prishtinës dhe Beogradit me ndërmjetësimin e Bashkimit Evropian në Bruksel.(Kortezi:Arton Konushevci)

NË 10-VJETORIN E LINDJES 10 VJECARJA PROMOVON LIBRIN E TRETE

December 9, 2017 by dgreca

Nga Prof.Murat Gecaj/Sibora e M.Gecaj (Tiranë, 8 dhjetor 2017)

1.Kam qenë shpesh herë i pranishëm në sallën e bibliotekës së Muzeut Historik Kombëtar të kryeqytetit, ku janë organizuar përurime të botmeve të ndryshme.
Pothuajse në asnjë rast, ajo nuk më është dukur aq e vogël, sa paraditën e sotme. Jo vetëm karriget e saj, por dhe mjediset anësore ishin tejmbushur me të ftuar.
Ndokush, natyrshëm, mund të pyesë: “Pse, çfarë kishte ndodhur?” Në pamjen e jashtme, asgjë e jashtëzakonshme. Ndërsa, kur e mëson, se mikpritësja e tërë atyre të ftuarëve ishte një vajzë 10-vjeçare, autore e tre librave poetikë, me emrin Sibora Huda, atëherë e kupton domethënien e asaj, që shkrova më lart.

Me atë buzëqeshje engjëllore dhe e veshur aq hijshëm, ajo kishte zënë derën e
hyrjes në sallë dhe ua jepte dorën e i falënderonte të gjithë, për ardhjen. Po kështu,
veproi dhe me mua, që Siborën e takoja për herë të parë. Ndërsa vetëm kishim
shkëmbyer mesazhe përmes Fb dhe ia dinim mirë njëri-tjetrit të dhënat jetësore, si
dhe krijmtarinë e botimet. Sapo më pa, ajo m’u hodh në qafë e m’u drejtua: “Mirë
se erdhe, xhaxhi Murat! Ja, kjo është mami dhe ai babi im…”. Në fytyrat e të dyve
lexoheshin qartë gëzimi e lumturia e natyrshme: Vajza e tyre kishte dy festa së
bashku, pra 10-vjetorin e lindjes dhe do të përuronte librin e ri me poezi, “Ky

shi…” Duke parë numrin e shumtë të pjesëmarrësve në këto dy ngjarje, si e zënë
ngusht, mami i Siborës u shpreh, me buzën në gaz: “Nuk e parashikonim kështu,
se do të kishim gjetur një sallë më të madhe!?”
I ulur pranë një grupi vajzash e djemësh, bashkëmoshatarë e bashkënxënës të
Siborës, në klasën e 4-të A, të shkollën 9-vjeçare “Ali Demi” të Tiranës, i shihja se
si ata i kishin mbushur plot duart e tyre më buqeta lulesh shumëngjyrëshe e me
dhurata simbolike. Prisnin me padurim, që t’ia jepnin të gjitha mikes së tyre të
rrallë e, tashmë, e njohur në fushën e letrave, Sibora Hudës. Nuk e di se përse, por
mendoja që, ashtu, a nuk do t’i shkonte më bukur emri “Silule…”(ha,ha).
Po, ndërmjet pjesëmarrësve në ato dy festa, ishin edhe poetë e shkrimtarë të
moshave të ndryshme, punonjës të arsimit, kulturës e artit, si dhe nga media e
shkruar e ajo elektronike etj.

Pamje nga salla, ku u zhvillua veprimtaria…
2.
Koha e fillimit të festave kushtuar Siborës, nuk vonoi. Disa veta zunë vend
përpara, siç është bërë praktikë e njohur. I pari e mori mikrofonin në dorë Agim
Xheka, duke kryer detyrën e moderatorit të kësaj veprimtarie të bukur. Tërë shend
e verë, gjithnjë duke buzëqeshur, me sy vezullues e duke përshdeetur me dorë të
ftuarit në sallë, pranë tij rrinte Sibora. Ajo mezi dukej nga buqetat e shumta të
luleve, që e kishin mbushur tavolinën e tyre. Agimi nuk u zgjat në fjalën e tij, por
tha se kishte kënaqësi t’ia plotësonte dëshirën vogëlushes poete dhe, me atë zërin e
tij kumbues, recitoi një poezi të saj.
Pas tij, përshëndeti krijuesi e botuesi i mirënjohur Pandeli Koçi ose, ndryshe,
“Sazan Goliku”. As ai nuk i shpëtoi “sëmundjes”, që i përfshiu adhe folësit tjerë,
në vazhdim. Pasi nënvizoi, se krijimet e Siborës janë “brumë” i mirë, jo vetëm për
lexuesit e vegjël e të mëdhenj, por dhe për studiuesit e kritikët e letërsisë, lexoi
poezi të kësaj autoreje të vogël, që janë botuar në librin e tretë të saj, “Ky shi…”.
Tërë sallës i dhanë gjallëri edhe folësit e recituesit e tjerë, si: Klara Kodra, Xhelal
Luca, Marilena Shena, Ali Hasani… Pranë kisha dy shoqe të klasës së

Siborës,_Tea Alhasa e Sofia Qirko. Ato dolën në podiumin përpara dhe jo recituan
poezi të Siborës, por sikur cicëruan, me zërin e tyre të ëmbël. Prandaj
pjesëmarrësit duartrokitën aq shumë.

Kapakët e tre librave poetikë, me autore Sibora Huda…
Duke “thyer rregullat” e për të shpejuar, sepse e dija që, kur të mbyllej kjo
ceremoni, do të shkonin shumë veta për të marrë nënshkrimin, unë i vura përpara
Siborës, një kopje të librit të saj të ri. Ajo shkroi aty këto fjalë: “Për Xhaxhi
Muratin! Tiranë, 8 dhjetor 2017”.
Në mbllje të këtyre dy festave, pra të ditëlindjes e përurimit të librit të tretë poetik,
edhe Sibora Huda tha përsëri pak fjalë, mes gëzimit dhe emocioneve të natyrshme
të saj. Nërkaq, drejt tavolinës, ku ajo tashmë ishte ngritur në këmbë, vërshuan
fëmijë e të rritur, për ta përqafuar e përgëzuar atë, nxehtësisht.
…Çaste të bukura kaluan të ftuarit, në këtë festë mbresëlënëse edhe në koktejin e
shtuar nga familja, me këtë rast. Si gjatë veprimtarisë në sallë dhe aty, me Siborën
ata bënë shumë fotografi e filmime, që janë një kujtim i paharruar, për të gjithë
pjesëmarrësit.
Tiranë, 8 dhjetor 2017

MJEKU PIKTOR ME EKSPOZITEN E ENDRRAVE

December 9, 2017 by dgreca

“Të ndjekësh ëndrrat”- Dr. Luter Kreshpa sjell pikturat e pasionit në Muzeun Historik Kombëtar*/

“Të ndjekësh ëndrrat”, kështu quhet ekspozita me autor mjekun e njohur Dr Luter Kreshpa e cila do të hapet të dielën më 10 dhjetor ora 11.00 në Muzeun Historik Kombëtar.

Eshtë një koleksion prej 93 piktura, kryesisht natyra të qeta dhe peizazhe, por edhe disa portrete e skica të cilat do të vijnë për publikun. Tablotë e një stili realist të sjellin pranë natyrën, të cilën artisti e ka shpesh në tablotë e tij. Ekspozita vjen në 81 vjetorin e tij të lindjes, si një homazh I bukur që e bija, Brisejda I bën pas ndarjes nga jeta. I dashuruar me të bukurën, Kreshpa ka ravijëzuar në tablo momente që të çlirojnë teksa i shikon. Kryesisht vizione që reflektojnë qetësi, janë si një kërkesë e vazhdueshme e artistit për të lundruar në ujëra të qeta.

Dhe pse piktura ishte më shumë një pasion në jetën e Dr Kreshpës, në to vihet re një artist I angazhuar I cili ka një njohje të thellë me këtë lloj arti.

Kush është Dr. Luter Kreshpa?

I lindur më 10 dhjetor 1936 ai do të dashurohej me pikturën herët, për ta ndjekur heshturazi këtë pasion dhe pas mbarimit të studimeve për mjekësi në vitin 1961. Dy vite më vonë ai aftësohet për kirurg i përgjithshëm. Kirurgjia ishte shkenca ku prof. Kreshpa do të jepte gjithë aftësitë e tij jo vetëm në shërbim të pacientëve por dhe krijimit të standarteve të reja në mjekësinë shqiptare. Me profilin e një intelektuali par ekselencë ai do të angazhohej në Konferenca të shumta, përsa i përket Kirurgjisë hepotabiliare, si në Francë, Greqi, apo udhëtimi për në Vietnam më 1986-tën. Ka mbrojtur në 1987, Dizertacionin për Doktor Shkencash në Kirurgjinë Pulmonare “Trajtimi kirurgjikal i bronkoektazisë”. Janë të pafundme leksionet që ai ndërtoi mbi kirurgjinë, duke dhënë një model për brezat që do të vijnë. Është autor i 8 teksteve për sëmundjet kirurgjikale, 19 artikujve në Buletinin e Shkencave Mjekësore(BSHM), 41 Artikujve në Punimet Kirurgjikale(PU), 9 Artikujve në Revistën Mjekësore (RM) 48 Referate dhe Kumtesa, 19 Recensione dhe Oponenca. Është autor i monografisë “HERNIA. Veçoritë Klinike dhe Mjekimi”, botim i vitit 2007. Vitet e fundit të jetës ai iu përkushtua pasionit të tij pikturës, duke realizuar një koleksion të madh tablosh, që tashmë ruhen me kujdes nga familjarët

Ja si e kujtojnë kolegët:

Intervistë me Prof. Dr Nikollaq Kaçani

Kirurgu që pikturonte operacionet

Si do ta përkufizoje profilin e Dr Luter Kreshpa?

Do të thosha që për mua mbetet një ndër figurat e mjekësisë shqiptare. Ajo që e dallonte nga të tjerët është se ka qenë një figurë komplekse, ashtu siç është vetë mjekësia. Ka qenë kompleks në aktivitetin kirurgjikal, në trajtimin e të sëmurëve, në marrëdhënie me të tjerët. Ai nuk ka qenë vetëm një kirurg i palodhshëm, por ka dhënë një kontribut të veçantë në zhvillimin e mëtejshëm të mjekësisë shqiptare. Luteri ishte i gjithëpërfshirë. E donte mjekësinë dhe donte t’ua përçonte dhe të tjerëve. Ka shkruar e botuar për mjekësinë, duke nisur që me disertacionin e tij dhe duke vazhduar me shumë libra dhe artikuj. Bashkautor i një prej librave më të rëndësishëm të mjekësisë: “Sëmundjet kirurgjikale”, së bashku me mua. Ka qenë pedagog për shumë vite. Ishte profesor i specializantëve të kirurgjisë dhe gjithmonë u thoshte një shprehje: “Mushka që të shtrohet, duhet të ngarkohet”, në kuptimin që ngarkohuni me lexime, me punë për të arritur dhe për t’u perfeksionuar. Dallohej serioziteti i tij, por edhe natyra bashkëpunuese. I përkrahte jashtëzakonisht shumë të rinjtë.

Sa dini ju rreth pasionit të tij, pikturës?

E dija që kishte pasion pikturën. Por puna këtu ishte aq e madhe, saqë nuk na dilte kohë që të flisnim për këtë. Ai më shumë pikturonte në kohën e lirë, sidomos këto vitet e fundit. Por që vihej re edhe në punë, shpirti i tij artist; për shembull specializantëve gjithmonë ua pikturonte operacionet. Dhe kjo e dallonte nga gjithë ne të tjerët. Do të thosha që një kirurg i mirë bëhet edhe një piktor i mirë dhe Luteri u bë.

Ekspozita ishte parashikuar para një viti, a ishit ju në dijeni të kësaj?

Po, e dija. Madje më ka shprehur dëshirën për të marrë pjesë në ekspozitë.

Çfarë do të thoshit diçka të fundit për mikun tuaj Luter Kreshpën?

Luteri ishte i domosdoshëm në spital. Pa diskutim që do i mungojë mjekësisë shqiptare. Ishte njëfarë “Netteri” shqiptar. Por si mik kisha njohje dhe me familjen e tij. Ka një familje të mrekullueshme. Madje kam një mesazh për ta. Shqiptarët thonë: të rroni dhe ta kujtoni. Unë do të thosha: të rroni dhe ta nderoni.

*E dergoi per Diellin Luljeta Nelallari