Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Archives for January 2018

Në Fort Lauderdale te Florides ka ndërruar jetë Gjergj MARKAJ

by

Lajm Mortor per Gjergj Markaj/1 Gjergj MarkajGazeta DIELLI- Njoftohet komuniteti shqiptar në SHBA dhe në vendlindje se në Fort Lauderdale te Florides ka ndërruar jetë ne North Broward Hospital te Merkuren mbrëma, më 24 janar 2018 z. Gjergj Markaj. Ai u nda nga jeta në moshën 79 vjeçare, pak ore pas nje aksidenti.
Gjergj Markaj lindi me 7 Maj 1938 në Dedaj te Shkrelit, Shkoder. Gjergji me te shoqen u bashkuan me dy vajzat dhe familjet e tyre ne 15 vitet e fundit, pasi arritën të emigrojnë në Shtetet e Bashkuara të Amerikës. Dashnia per vajzat, nipat e mbesat, ky model I mrekullueshem i familjes shqiptare per trashegimine e gjuhes amtare dhe traditave, I ndare plot madh mes Amerikes dhe Shqipes Ame, eshte pasunia e pacmuar qe le pas ky prind shembullor.

Gjergji ishte edhe nje frymezues patriot mes vatranesh e komunitetit.
Federata Vatra dhe Gazeta Dielli ngushëllojnë Familjen Markaj.

Familja pret ngushëllime të Dielen me 28 Janar, ora 4 pm deri në 7 pm në Shtëpinë Mortore : McWhite’s Funeral Home, 3501 West Broward Blvd, Fort Lauderdale, FL 33312.
Varrimi bëhet ne Shkoder, sipas amanetit, ku do prehet afer djalit Rodenc Markaj (pritet konfirmimi).

***
Gjergj Markaj passed away at North Broward Hospital on Wednesday evening, January 25, 2018.

He is survived by his loving wife, Marie Markaj (Rudi), their daughters Esmeralda and Margerita, nieces Christiana, Martina and Athena, nephews Richard and Ethan, his sisters Tereza and Katrina. Also survived by many, many more nieces, nephews, great-nieces and great-nephews and cousings.
Family and friends are invited for Memorial Visits at McWhite’s Funeral Home, 3501 West Broward Blvd, Fort Lauderdale, FL 33312 on Sunday, January 28, 2018 from 4:00 – 7:00 PM.

Burial Services will be at Shkoder, Albania (time to be announced).

DEPUTETI ROMEO GURAKUQI,TAKIM NË VATËR

by

Prof.Romeo Gurakuqi, deputet i Kuvendit të Shqipërisë, takim në Vatër/

1 Gurakuqi 11 Gurakuqi me udhe1 salle21 flet Gurakuqi1 grup me rik

Profesor Romeo Gurakuqi, deputet i Kuvendit të Shqipërisë, të Mërkurën, 24 janar 2018, vizitoi selinë e Federatës Panshqiptare të Amerikës “Vatra”. Deputeti Gurakuqi u prit nga kryetari i Vatrës z. Dritan Mishto, nënkryetari Agim Rexhaj dhe anëtarë të kryesisë dhe Këshillit të Vatrës. Në fillim të takimit, Kryetari Mishtoi i ftoi të pranishmit që të mbanin një minut heshtje në nderim të vatranit Halit Nezaj, i cili u nda nga jeta me 20 Janar dhe u varros të mërkurën me 24 Janar 2018.

Kryetari i Vatrës i ka uruar mirëseardhjen mysafirit dhe i ka shprehur falenderimet e Vatrës për kumtesën e mbajtur në Simpoziumin e organizuar nga Kisha Katolike Shqiptare Zoja e Shkodrës dhe Federata Panshqiptare e Amerikës”VATRA” me 17 Janar 2017 në Qendrën”Nënë Tereza”. Më pas z.Mishto e ka informuar Prof. Gurakuqin për përpjekjet që po bën Vatra për rivitalizmin e saj dhe për të sjellë rininë në Vatër si dhe intelektualë të fushave të ndryshme.

Dy nga lëvizjet e fundit të ndërmarra kohët e fundit është ajo për ridimensionimin e marrdhënieve Shqiptaro-Amerikane dhe rritjene rolit të Vatrës në këtë mision.Vatra është shumë e shqetësuar që qeveritarët shqiptarë, nisur nga interesat e castit vetiake apo interesat e partive politike, nuk po vlerësojnë realisht marrdhëniet me aleatin tonë strategjik-Shtete e Bashkuara të Amerikës, duke arritur deri në votë kundër ne OKB.Federata Vatra, tha Kryetari Mishto, ka shpalosur para disa ditësh Strategjinë e re të vlerësimit të marrdhënieve Shqiptaro-Amerikane.

Një lëvizje tjetër e Vatrës, është ajo rreth dënimit të krimeve të komunizmit.Vatra e vlerëson të pamjaftueshme punën e deritanishme të shtetit, politikës dhe shoqërisë shqiptare për zbardhjen e krimeve të komunizmit, për mekanizmat e funksionimit të diktaturës,për mosinformimin e brezit të ri me krimet e komunizmit etj. Kryetari i Vatrës tha se duhet të punojmë në mënyrë më të kualifikuar për edukimin antikomunist të brezit të ri këtu në SHBA. Vatra po e studion dhe së shpejti do të ketë në platformë të saj, ku do të përfshihen veprimtari konkrete. Po ashtu Vatra ka vendosur që të sjellë në gjuhën angleze botime cilësore që zbardhin krimet dhe represionin e diktaturës komuniste.

Profesor Romeo Gurakuqi ka falenderuar Kryetarin Mishto dhe bashkëpunëtorët për pritjen e ngrohtë. Ka qenë ëndërr e kahershme tha ai, për të qenë në këtë Vatër Kombëtare, punët e mëdha të së cilës i kam ndeshë nëpër arkiva gjatë punës sime studimore, tha ai.

Ndjehem i nderuar për respektin tuaj dhe më shtohen detyrimet ndaj qytetarëve që më kanë votuar kur shoh se ju edhe pse 8 mijë Kilometra larg vendlindjes shqetësoheni për fatet e shqiptarëve në Shqipëri, Kosovë,Maqedoni,Mal të Zi, Luginën e  Preshevës. Ju keni të drejtë të shqetësoheni pasi gjendja e qytetarëve shqiptarë është tepër e vështirë për shkak të keqqeverisjes, korrupsionit,kriminalizimit të sistemi,të zhbërjes së demokracisë,të zëvendësimit të parimeve të demokracisë me ato të militantizmit politik, të ndërtimit të administratës shtetërore me militantë, me vijimin e luftës së klasave për bijtë e nacionalistëve në forma moderne etj.

Deputeti Gurakuqi bëri këtë tablo të situatës së sotme: Dy shtetet shqiptare,Shqipëri dhe Kosovë, pavarësisht mbështetjes së jashtëzakonshme të dhënë nga Aleati ynë themelor strategjik, krijuesi, mbrojtësi dhe garantuesi ndërkombëtarë i qenieve tona shtetërore në kohë të ndryshme, SHBA, gjenden sot në një moment frenimi në aspektet e ndërtimit të strukturave bashkëkohore të shtetit të së drejtës, respektimit të lirive, demokracisë funksionale. Sfidat e antishtetit, tha z. Gurakuqi, janë të lidhura me korrupsionin politik, krimin e organizuar, dobësia e shtetit para depërtimeve antialbanianiste, fryma e largimit të forcave të mirëfillta intelektuale dhe profesionale, kanë ndalur kohën e ecjes së procesit integrues europian dhe i kanë kthyer dy vendet shqiptare, nga pararoja të procesit integrues Euro-Atlantik, në vagonin e fundit të trenit të vendeve të Ballkanit Perëndimor drejt Brukselit. Dhe ky pozicion duhet të ndryshojë. Por mos harroni, se Shqipëria dhe Kosova, vetë, pa ndihmën e kualifikuar të burimeve të ditura shqiptare, të mbeshtetura nga Aleati ynë strategjik, nuk do të munden dot ta ndryshojnë këtë pozicion aspak optimist.

Fatkeqsisht,dy shtetet shqiptare janë shkelës flagrantë të Kushtetutës dhe të demokracisë. Vetë demokracia mbetet në trysninë e tranzicionit të tejzgjatur.Deputeti i Kuvendit të shqipërisë kërkoi që diaspora duhet t’i bëjë më shumë presion shteteve shqiptare për përgjegjësi ndaj qytetarëve. Ai tha se në Kuvend do të luftojë që diaspora të jetë pjesë e votimit, por në Shqipëri, mbi të gjitha duhet ndërhyrje në sistemin e votimit.

Ai u ndal edhe në Reformën në Drejtësi, për të cilën, tha se kishte qenë që në krye mbështetës, por duket se gjithcka është fallcitet. Mjafton të përmendet rasti i kandidatit -bashkëpunëtor i Sigurimit!

Nënkryetari Agim Rexhaj e ka falenderuar për vizitën në Vatër deputetin Gurakuqi dhe solli në kujtesë pritjen e  ngrohtë që iu bë qytetarëve kosovarë gjatë luftës së fundit, ku Shkodra, bujare si gjithëmonë , ashtu si gjithë Shqipëria hapi dyert dhe zemrat.

Më pas pjesmarrësit kanë diskutuar dhe kanë bërë pyetje.Kanë marrë pjesë në debat Frederik Ndoci, Kujtim Pore, Asllan Bushati, Bujar Skëndo, Idriz Lamaj, Dritan Haxhia, Ramadan Gashi etj.

Kosova, forcim i marrëdhënieve me Selinë e Shenjtë

by

-Ministri i jashtëm, Behgjet Pacolli, takohet në Vatikan me Sekretarin e Selisë së Shenjtë, Paul Richard Gallagher. Kërkon shtim të kontakteve midis Kosovës dhe Vatikanit, rritje të nivelit të përfaqësimit dhe njohje të shtetit të ri të Kosovës, si kontribut për paqen dhe stabilitetin në rajon/

Vatikan1

-Kardinali Gallagher: Ju e njihni mirësinë që ka Ati i Shenjtë, Papa Francesku, dhe Selia e Shenjtë ndaj popullit të Kosovës. Ne i dimë aspiratat e popullit tuaj dhe i vlerësojmë ato/

PRISHTINË, 25 Janar 2018-Gazeta DIELLI-B.Jashari/ Ministri i Jashtëm i Kosovës, Behgjet Pacolli, sot në Selinë e Shenjtë në Vatikan  u takua me Sekretarin e Shtetit, Paul Richard Gallagher. Tema kryesore e bisedës ishin zhvillimet në Kosovë, forcimi i marrëdhënieve midis Kosovës dhe Selisë së Shenjtë, thekson njoftimi i dërguar nga Vatikani.

Në fillim të bisedës, Pacolli e njohu bashkëbiseduesin me një bilanc të përparimit të brendshëm dhe të afirmimit të shtetësisë së Kosovës, që sot njihet në botë nga 115 shtete. “Kosova sot në dhjetëvjetorin e vet ka një kuadër kushtetues model për marrëdhëniet ndëretnike, të cilat kanë njohur përmirësim të jashtëzakonshëm. Bashkëjetesa fetare, gjithashtu është shembull për rajonin”, i tha ministri i Jashtëm i Kosovës bashkëbiseduesit të tij, Kardinalit Gallagher. Ministri Pacolli kërkoi shtim të kontakteve midis Kosovës dhe Vatikanit, rritje të nivelit të përfaqësimit dhe njohje të shtetit të ri të Kosovës, si kontribut për paqen dhe stabilitetin në rajon.Nga ana e tij, Kardinali Gallagher, njohës i mirë i zhvillimeve në rajon dhe në Kosovë, tha se ju e njihni mirësinë që ka Ati i Shenjtë, Papa Francesku, dhe Selia e Shenjtë ndaj popullit të Kosovës.

“Ne i dimë aspiratat e popullit tuaj dhe i vlerësojmë ato. E dimë se komuniteti katolik i vendit tuaj dëshiron të rrisë nivelin e organizimit në dioqezë dhe ne do të bëjmë hapa të matur. Ne nuk kushtëzohemi nga askush, por thjesht duam që të mirëkuptohemi nga të gjithë aktorët në rajon, për çdo hap që bëjmë”, tha Sekretari i shtetit Gallagher. “Ne jemi të gatshëm të rrisim bashkëpunimin me Kosovën”, citohet ai.

Duke falënderuar për dhuratën që riprodhonte me filigran figurën e Nënë Terezës, Kardinali Gallagher tha se ne “duam që figura e Nënë Terezës të shërbejë si simbol i bashkimit për rajonin tuaj”.Më pas, duke e njohur ministrin Pacolli me fokusin, që Ati i Shenjtë Papa Francesku i  ka dhënë rinisë për 2018-ën, Kardinali Gallagher kërkoi informacion prej bashkëbiseduesit të tij për gjendjen e të rinjve në Kosovë, në pikëpamje të punësimit, të aktivizmit shoqëror, etj.

Gjatë takimit, ministri Pacolli foli për zhvillimin ekonomik e social në vend, dhe përpjekjet për të përfshirë në punësim, në një arsim cilësor rininë e Kosovës, një rini që e do përparimin, lëvizjen e lirë, një rini me mendje të hapur.Ministri Pacolli e ftoi Kardinalin Gallagher për një vizitë në Kosovë në kuadër të festimeve të dhjetëvjetorit të Pavarësisë.

Biseda kaloi në një frymë mirëkuptimi të ngrohtë dhe miqësor.

NJOFTIM I FEDERATËS PANSHQIPTARE TE AMERIKES VATRA

by

 

1-logo-vatra

Njoftojmë se z. Gjon Bucaj,  pa asnjë leje dhe asnjë miratim nga Federata VATRA, ka shpërndarë me postë, në emër të Federatës VATRA dhe nga adresa e saj, një material të shtypur, që ai përpiqet ta paraqesë si Kanunore të Federatës.

Federata Panshqiptare VATRA sqaron sa më poshtë:

Materiali NUK është botim zyrtar dhe NUK pranohet si Kanunorja Zyrtare e Federatës Panshqiptare VATRA.

Asnjë individ, i paautorizuar nga Federata VATRA nuk mund të kryejë veprime në emër të saj. Në këto rrethana z. Gjon Bucaj ka kryer veprime antikanunore dhe antiligjore, pasi ushtrimi i funksioneve të tij ka pushuar së egzistuari në 10 Qershor 2017, ditë që ai u dorëhoq dhe u zgjodh kryetari i ri.

Marrja e “një eksperti ligjor amerikan” nga ana e z. Gjon Bucaj, pa asnjë miratim nga Federata Vatra është ushtrim jashtëligjor i autoritetit të Kryetarit të Vatrës. Nga ana tjetër askush nuk mund të prekë dhe përpunojë Kanunoren e Federatës Panshqiptare VATRA pa miratimin paraprak të vetë Federatës. Kjo përbën shkelje të rëndë të kodit të etikës profesionale edhe nga ana e “ekspertit ligjor amerikan” (i cili për Federatën është ende anonim).

Në letrën e tij shoqëruese postuar vatranëve, dërguesi i saj z. Gjon Bucaj shkruan: “Përkthimi profesional asht pa nga nji ekspert ligjor amerikan dhe, ndonjë ndryshim që ky i fundit ka ba në tekstin anglisht, asht reflektue në tekstin shqip”. Federata Panshqiptare VATRA pyet: Me cfarë të drejte ligjore e kanunore z. Gjon Bucaj ndërhyn në tekstin e Kanunores së Nolit e Konicës sepse kështu paska sugjeruar “eksperti ligjor amerikan” dhe me cfarë autoriteti z. Gjon Bucaj bën ndryshimet në tekstin shqip, kur kjo është një kompetencë e delegatëve në Kuvend? Cili është enti botues që kopjon dhe përpunon logon zyrtare të Federatës Panshqiptare VATRA dhe e vendos në një material të pamiratuar nga vetë Federata?

Gjon Bucaj ka pasur kohën e mjaftueshme nga viti 2013 deri në 2017 të përfshinte në votim në kuvendet e Vatrës këto drafte qarkulluese dhe të botonte Kanunoren e Federatës Vatra, detyrim të cilin megjithë kërkesat e përsëritura të anëtarësisë z. Bucaj nuk e ka plotësuar.

Federata VATRA bën me dije publikisht se ndryshimet e propozuara në Kuvendin 2015 NUK janë miratuar asnjëherë. Bazuar në dokumentet origjinale dhe proces-verbalet, Kuvendi 2015 ka vendosur: “Ribotimi dhe shpërndarja nëpër degë e Kanunores së vitit 1926, duke i bashkangjitur amendamendet shtesë të miratuara në Kuvendin 2014”. Draftet dhe projektet e ndryshme që kanë qarkulluar dhe që nuk u miratuan në Kuvendin 2015, duhet të paraqiteshin dhe miratoheshin në Kuvendin e rradhës 2016, Kuvend i cili nuk u tentua as të thirrej nga ish kryetari Gjon Bucaj. Po ashtu, këto drafte qarkulluese nuk u paraqitën për miratim as në Kuvendin 2017. Si të tilla këto drafte ngelen vetëm drafte, pa asnjë fuqi ligjore.

Në këto rrethana Federata Panshqiptare VATRA ka ngarkuar z. Bashkim Musabelliu (ish kryetar i ndryshimeve në vitin 2014), z. Kujtim Porja (ish anëtar i kryesisë së Kuvendit 2015) dhe z. Mehmet Kadria (vatran i vjetër dhe me kredibilitet të lartë) që të grumbullojnë të gjitha draftet qarkulluese dhe ti paraqesin për miratimin përfundimtar në Kuvendin e Punës 2018. Vetëm pas miratimit në Kuvendin 2018, draftet qarkulluese marrin fuqi ligjore dhe do të botohen konform standarteve të Federatës.

Kanunorja Zyrtare e Federatës Panshqiptare VATRA do të botohet vetëm pas miratimit të drafteve qarkulluese nga delegatët  në Kuvendin 2018.

Materiali i shpërndarë nga z. Gjon Bucaj mbetet thjesht “Zarfi Bucaj” dhe Federata Panshqiptare VATRA distancohet nga veprime të tilla.

FEDERATA PANSHQIPTARE E AMERIKES VATRA

KOSOVË-KUVENDI NIS ME SEANCAT E VITIT 2018

by

Kosove-Kuvend-Kuvendi i Kosovës sot në mesditë përfundoi seancën e 14 dhjetorit 2017, ku u diskutua e votua për 5 pika të mbetura të papërfunduara, ndërsa pasdite nisë seancën e parë plenare të vitit 2018 – të sesionit pranveror/

-Në mbledhjen e Kryesisë së Kuvendit me shumicë votash është procedua për mendim në Qeveri Projektligji për shfuqizimin e Ligjit për Dhomat e Specializuara dhe Zyrën e Prokurorit të Specializuar, ndërsa kërkesa e Organizatës së Veteranëve të Luftës së UÇK-së, Shoqatës së Invalidëve të Luftës së UÇK-së dhe Shoqatës së Familjeve të Dëshmorëve të UÇK-së për seancë të jashtëzakonshme të Kuvendit u procedua në Komisionin për të Drejtat e Njeriut, Barazi Gjinore, Persona të Pagjetur dhe Peticione/

-Në mbledhjen e  parë të vitit 2018 të Komisionit për Punë të Jashtme, Diasporë dhe Investime Strategjike për Projektligjin për Ratifikimin e Marrëveshjes për Kufirin Shtetëror në mes të Republikës së Kosovës dhe Malit të Zi  kishte vota të barabarta (5:5), prandaj për procedimin e mëtejmë do të vendosë Kryesia e Kuvendit të Kosovës/

Gazeta DIELLI nga korrespondenti në Kosovë Behlul JASHARI

PRISHTINË, 25 Janar 2018/  Kuvendi i Kosovës zhvilloi sot paradite vijimin e seancës plenare të 14 dhjetorit 2017 për 5 pika të mbetura të papërfunduara, ndërsa pasdite nisë seancën e parë plenare të vitit 2018 – të sesionit pranveror.Në fillimin e  vijimit të seancës u konstatua se marrin pjesë 62 deputetë nga Kuvendi 120 aëtarësh, të cilët me shumicë votash miratuan Raportin e Institucionit të Avokatit të Popullit për vitin 2016.

Në vijim u kaluan, poashtu me shumicë votash, Raporti vjetor i Fondit të Kursimeve Pensionale të Kosovës për vitin 2016, kërkesa e Fondit të Kursimeve Pensionale të Kosovës për miratimin e taksave vjetore për vitin 2018, formimi i Komisionit Ad-hoc për përzgjedhjen e kandidatëve për anëtarë të Bordit të Radiotelevizionit të Kosovës dhe formimi i Komisionit Ad-hoc për përzgjedhjen e kandidatëve për një anëtar të Bordit për Ankesa.

Në fillimin e seancës paradite dhanë betimin dy deputetë të rinjë nga Lëvizja Vetëvendosje, Shemsi Syla në vend të Mytaher Haskukajt i zgjedhur kryetar i Prizrenit e Salih Zyba në vend të Qëndron Kastratit i zgjedhur kryetar i Kamenicës në zgjedhjet lokale 2017 në Kosovë.

Në seancën e re të Kuvendit të Kosovës, mes 19 pikave në axhendë janë 6 projektligje – për kontrollin e brendshëm të financave publike; për parandalimin e konfliktit të interesit në ushtrimin e funksionit publik; për trajtimin e ndërtimeve pa leje; për ndryshimin dhe plotësimin e Ligjit për Agjencinë Kosovare të Privatizimit dhe  Projektligji për Azil – në shqyrtim të parë, ndërsa në shqyrtim të dytë Projektligji për Standardizim.

Pjesë e axhendës janë edhe shqyrtimi i parë i Projekt Kodit të Drejtësisë për të Mitur, një interpelancë, shqyrtimi i Propozim-rezolutës për miratimin e objektivave për zhvillim të qëndrueshëm – Axhenda 2030 për Kosovën, si dhe i Strategjisë së Energjisë të Republikës së Kosovës 2017-2026.

Axhenda u përcaktua në 22 janar  në mbledhjen e Kryesisë me kryetarët e grupeve parlamentare, e ftuar për në fillimin e sesionit pranveror në 15 janar, por e shtyrë për datën 17 dhe përsëri e shtyrë në mungesë kuorumi, e ku propozimet dhe kërkesat për shqyrtim kishin të të bëjnë edhe me Ligjin për Dhomat e Specializuara dhe Zyrën e Prokurorit të Special.

Me shumicë votash u procedua për mendim në Qeveri Projektligji për shfuqizimin e Ligjit për Dhomat e Specializuara dhe Zyrën e Prokurorit të Specializuar, ndërsa kërkesa e Organizatës së Veteranëve të Luftës së UÇK-së, Shoqatës së Invalidëve të Luftës së UÇK-së dhe Shoqatës së Familjeve të Dëshmorëve të UÇK-së për seancë të jashtëzakonshme të Kuvendit u procedua në Komisionin për të Drejtat e Njeriut, Barazi Gjinore, Persona të Pagjetur dhe Peticione.

Përfaqësuesit e LDK ishin larguar nga mbledhja e Kryesisë së Kuvendit të Kosovës sapo është përmendur nisma, që e kundërshtojnë, për shfuqizimin e Ligjit për Gjykatën Speciale.Kuvendi i Kosovës nga data 23 dhjetor 2017 deri në 15 janar 2018, sipas njoftimit zyrtar, ishte në pushim dimëror, pasi me miratimin në shqyrtim të dytë të Projektligjit për Buxhetin e Republikës së Kosovës për vitin 2018 ka shënuar edhe përfundimin e sesionit vjeshtor të punimeve.

Përbërja aktuale e Kuvendit të Kosovës 120 anëtarësh ka dalë nga zgjedhjet e parakohshme parlamentare të 11 qershorit 2017, ndërsa seanca konstituive me zgjedhjen e kryeparlamentarit me 61 vota dhe Kryesisë është mbajtur në 7 shtator, e në 9 shtator është zgjedhur me 62 vota Qeveria e re. Në mbledhjen e 4 dhjetorit 2017 Qeveria ka vendosur që Projektligjin për Ratifikimin e Marrëveshjes për Kufirin Shtetëror në mes të Republikës së Kosovës dhe Malit të Zi dhe Raportin vlerësues të Komisionit Shtetëror për Shënjimin dhe Mirëmbajtjen e Kufirit t’i procedojë së bashku në Kuvendin e Kosovës, por ende nuk janë në axhendë të seancave plenare.

Në nisjen e sesionit pranveror të hënën e 15 janarit në Kuvendin e Kosovës vijoi shqyrtimi i Projektligjit për Ratifikimin e Marrëveshjes për Kufirin Shtetëror në mes të Republikës së Kosovës dhe Malit të Zi, në mbledhjen e  parë të vitit 2018 të Komisionit për Punë të Jashtme, Diasporë dhe Investime Strategjike. Projektligji u hodh në votim, i cili rezultoi me vota të barabarta (5:5), dhe në këtë rast, për procedimin e mëtejmë do të vendosë Kryesia e Kuvendit të Kosovës.

Në 26 gusht 2015 në Vjenë është nënshkruar Marrëveshja për Kufirin Shtetëror mes Kosovës e Malit të Zi.

Në 4 gusht 2016 Qeveria e  Kosovës, e mandatit të kaluar, njëzëri miratoi Projektligjin për Ratifikimin e Marrëveshjespër Kufirin Shtetëror ndërmjet Republikës së Kosovës dhe Malit të Zi.

Ndërsa, në 1 shtator 2016, në seancën plenare të Kuvendit të Kosovës, të zhvilluar mes kundërshtimeve nga opozita, tensioneve e protestave, Qeveria e Kosovës e tërhoqi nga rendi i ditës dhe procedura kuvendore. Në ditën e parë të punës të Qeverisë së re, në 11 shtator 2017, njoftohej propozimi për shkarkimin e Komisionit Shtetëror për Demarkacion dhe paralajmërohej krijimi i Komisionit të ri.