Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Archives for March 2019

Epopeja e Dukagjinit dhe 24 Marsi bënë kthesë historike te populli shqiptar

by

-Duke vlerësuar rezistencën dhe heroizmin e dëshmorëve të  lirisë, duke respektuar Kushtetutën dhe ligjet e vendit, presidenti Thaçi i ka dekoruar me Urdhrin Hero i Kosovës, dëshmorët: Agim Ali Selmanaj, Arben Bajram Ahmetaj, Artan Ahmet Mehmetaj, Burim Sadik Mustafaj, Enver Hasan Halilaj, Fatmir Smajl Nimanaj, Hasim Misin Halilaj, Luan Gani Nimanaj, Naim Metë  Nimanaj, Orhan Lan Halilaj, Sokol Muzli Sejfijaj, Shpend Zeqë  Malaj/

GLLOGJAN, 24 Mars 2019-Gazeta DIELLI/ Presidenti i Republikë s së  Kosovës, Hashim Thaçi, mori pjesë  sot në  manifestimin shtetëror “Epopeja e UÇK-së në Dukagjin”.

Presidenti Thaçi tha se në  këtë  ditë pas fillimit të  fuqizimit të  rezistencës së  Ushtrisë  Çlirimtare të  Kosovës në  krye me komandantin legjendar Adem Jashari, dhe familjen Jashari dhe bashkëluftëtarë të tjerë, ndodhi ajo që  pritej të  ndodh edhe në  Gllogjan.

“Ndodhi ajo që  pritej të  ndodhte, sepse bërthamat e para të  Ushtrisë  Çlirimtare të  Kosovës tanimë  ishin fuqizuar, ishin zgjeruar dhe sulmet ishin të  pandërprera kundër forcave ushtarake dhe policore të  Serbisë”, ka thënë  presidenti Thaçi.

Kreu i vendit tha se Epopeja e Dukagjinit shënoi një  kthesë  historike në  luftën për liri, çlirim dhe pavarësi.

“Madhështia dhe vlera më  e madhe e kësaj date i shtohet kur kemi parasysh se më  24 mars 1999, 20 vite më  parë,  filluan bombardimet e NATO-s. E, bombardimet e NATO-s dhe kjo aleancë  kosovaro-perëndimore nuk është  lidhur rastësisht, por pikërisht falë  rezistencës së  Ushtrisë  Çlirimtare të  Kosovës, rezistencës së  çdo qytetari të  Kosovës kudo që  ka qenë  në  Kosovë  e diasporë, që  ndihmuan luftën për liri”, ka theksuar presidenti Thaçi.

I pari i vendit ka shtuar se sot kujtojmë  me pietet e respekt Epopejën e Dukagjinit, kujtojmë  dhe vlerësojmë  lart mbështetjen ndërkombëtare të  cilën duhet ta ruajmë  si sytë  e ballit në  rrugëtimin tonë  për anëtarësim në  NATO, Bashkim Evropian dhe raporte speciale me Shtet e Bashkuara të  Amerikës.

Duke vlerësuar rezistencën dhe heroizmin e dëshmorëve të  lirisë, duke respektuar Kushtetutën dhe ligjet e vendit, presidenti Thaçi i ka dekoruar me Urdhrin Hero i Kosovës, dëshmorët: Agim Ali Selmanaj, Arben Bajram Ahmetaj, Artan Ahmet Mehmetaj, Burim Sadik Mustafaj, Enver Hasan Halilaj, Fatmir Smajl Nimanaj, Hasim Misin Halilaj, Luan Gani Nimanaj, Naim Metë  Nimanaj, Orhan Lan Halilaj, Sokol Muzli Sejfijaj, Shpend Zeqë  Malaj./b.j/

Thirrje për në funeralin e vet ?!

by

Nga Ilir Levonja

Nuk kam më asnjë dyshim që opozitarizmi tashmë është një pushtet absolut dhe se djegia e mandateve i dha frutet e para. Eshtë kjo arsyeja që sfidat politike janë të barazvlerta me programet e mirëfillta ekonomike për të promovuar jo më liderët, por njerëzit e duhur për të qeverisur vendin. Dhe sigurisht kjo ndodh përmes qarkullimit. 

Tirana dje na u dha si Pekin i vogël, një Hanoi që rri në këmbë me fitoren kundër Amerikës dhe me ekonominë e tregut me tregshitje po Amerikën. Një lloj Moske e Putinit që luan me lodrat e tija perverse etj. Një Kubë e pushtuar nga ideologjia dhe oligarkët që duan dhe bëjnë çfarë i do qejfi me tokën, resortet, detin dhe qiellin kubanez. Një Ankara që rri në pushtet me votat rurale, veton karshi mendimit ndryshe, fondamentalizmit etj. Një Tiranë kur marshonte Enveri me kongreset dhe planet pesë vjeçare, nga urrat, reshtimi, thirrjet ngrihu, gjimnastika e mëngjesit për të mundur me karabinat e Kinës destrojerët e Amerikës, një lloj kohe ushtrimesh manifestimi. Janë rezultati i një opozitarizmi pa kompromis.

Opozitarizmi duhet të jetë gati për të qeverisur. 

Të gjitha thirjet e çjerra për prishje teatrosh, muzesh a ku di unë çfarë, nuk janë asgjë tjetër veçse ca grishje ankthi të të humburit për në funeralin e vet. Nuk e di përse një lider i përmasave kaq të mëdha si Edi Rama, duhet të merret me hallatet e Lulit, me humbësit, më fatalitetin e presidentit kur i ka të gjitha?! Të merret me opozitarizmin kur i ka ata në parlament. Nuk e di pse duhet të humbi kohë me turmat e opozitarizmit kur i mbush sheshet me rrogtarët. Jemi shtet administratë. Më shumë kemi administratë se popull. Kësisoj fitorja është në xhep. Nuk e di pse duhet të merret me pesë kazanë mediash, kur ka me vete pesëdhjetë. Nuk e di përse merret me gratë e opozitarizmit kur ka më shumë se gjysma e grave të Shqipërisë administratë. Nuk e di përse duhet të çirret për të prishur, kur i ka të gjitha rruspat etj.

Nuk e di përse e ha meraku për imazhin tonë kur ai na i ndreqi duke dhënë ca intervista në ca studio të huaja.

Ky është një sukses madhor. Një det i kuq… Nuk e di pse i mbeti në gojë drejtësia, kur e ka. Dhe nuk e di pse i mbeti goja tek emri i Ilir Metës, kur është me ‘të bashkëvuajtës, bashkëautor, bashkëluftëtar. Nuk e di pse shanë e shfryn aq shumë, kur punët i ka në vijë. Dhe nuk e di përse ofron a shtrin dorën e Taulantit për bashkëpunim me opozitën kur atë e ka në parlament me një emër Ligorka, a Ligoraqka, a Raqka… Nuk e di përse e shqetësojnë miliarderët e opozitës kur i ka me vete trefishin e tyre. I ka të gjitha. Përse shkumon kaq shumë? Si e tha dhe kënga, Lart më lart o shokë flamujt e kongresit/ beteja të reja/ fitore na presin… E mbani mend besoj. Por të gjitha kanë një përbashkësi, inatin e zevzekut që do ta nxjerrin nga zyra. Dhe jo vetëm aq.

Pengmarrja totale e shtetit oligarkik

by

Nga Dritan DEMIRAJ 

Ngjarjet e fundit politike dhe kriminale ne Shqipëri kanë treguar se ka rënë krejtësisht rendi publik, kjo si pasojë e kapjes së qeverisë, parlamentit, prokurorisë, policisë dhe gjithë strukturave të tjera të sigurisë nga krimi i organizuar. Kjo qeverisje është peng i krimit, pasi ligjin e bën paraja e drogës dhe oligarkët pranë qeverisë. E dinë të gjithë se ku janë, çfarë bëjnë e me kë merren, por që t’i ndëshkoj forca e ligjit as që nuk i shkon ndërmend asnjë strukture sigurie, pasi nuk guxojnë se janë peng i krimit. 

Është emergjencë kombëtare gjendja e kriminalitetit dhe e sigurisë së qytetarëve, pasi policia dhe prokuroria nuk merren me këto banda, por merren dhe luftojnë qytetarët e thjeshtë që luftojnë për mbijetesë njëlloj si në kohën migjeniane. Sot “shtatlartësia” përdoret nga krimi dhe oligarkët për të kërcënuar këdo që denoncon krimin dhe mbron kriminelët nga hetimi, duke përdorur si mashë prokurorinë.

Është e turpshme, degraduese dhe e pafalshme që prokuroria dhe policia “socialiste” merren duke sajuar intriga dhe shantazhe, duke hapur hetime kundër denancuesit të çështjes “Babale” konkretisht të ish deputetit Salianji dhe jo vetëm, pasi skandalet e bashkëpunimit politik dhe strukturave të zbatimit të ligjit e sigurisë publike me krimin, janë si në Republikat e Bananes!. 

Si trashëgimtarë të rregjimit diktatorial dhe të sëmurë mendor, për të gjetur alibinë e “armikut”, do të zbulohet gjithmonë konspiracioni, duke përdorur nga nivelet më të larta politike, tashmë të denoncuar dhe provuar në përgjimet në media deri me drejtuesit më të lartë të Policisë së shtetit si Drejtori i Policisë së Fierit, Albert Nushi dhe dëshmitarit të “vetëofruar” dhe të paguar Fredi Alizoti. Përgjimi i shfaqur në media këto ditë, ishte grotesk një poshtrim, qyravitje, jargavitje dhe përdhunim total i policisë së shtetit dhe strukturave të prokurorisë. 

Ngjarjet e shumta në Tiranë, Vlorë, Durrës, Krujë, Lushnje, Shkodër, Lezhë dhe sidomos në Elbasan si ajo e 18 shtatorit 2017, ku lufta ndërmjet bandave kthehet në luftë kundër policisë me mjete të blinduara dhe policia e kapur dhe e paaftë nuk guxon të reagojë, pasi bandat kriminale kanë arritur formën më të lartë të organizimit dhe suportit politik. Rasti i Fushë-Krujës, ku nënkomisari Nuhu, kërcënohet me jetë haptazi në media nga nivelet politike (shtatlartësia e suita e tij) dhe policore, pasi tentoi të denoncoj ngjarjen tronditëse të Xhensila Malokut, ku arriti shpërfytyrimim e viktimës për shkak të dhunës, presionit dhe parave, duke e shndërruar viktimën përqafuese të përdhunuesit!. Ngjarje të tilla nuk imagjinohen as nga kinomatografia Bolluwiane për ti realizuar dhe jo një vend anëtar i NATO-s!

Policia është e shpartalluar, e kapur peng nga bandat dhe strukturat kriminale politike në pushtet. Të mos harrojmë gjysmën e kupolës së policisë, 128 persona drejtues të policisë (lista e Sherbimit Inteligjent) të cilët i denoncova i pari si të përfshirë në trafikun e drogës, nga Drejtori i Qarkut të Vlorës me bashkëpuntorët e tij, të cilët janë në kërkim ndërkombëtar dhe dhjetra të tjerë janë të kapur në përgjime nga agjencitë e huaja ligjëzbatuese si bashkëpuntorë me elementë kriminal në parlament dhe jashtë tij. Këto drejtues policie të politizuar dhe inkriminuar në mënyrë ekstreme, janë denoncuar dhe propozuar për shkarkim nga ana ime me emër dhe mbiemër gjatë ushtrimit të detyrës si Ministër i Brendshëm, por “padroni” i strukturave kriminale jepte udhëzimet të promovohen për shërbimet që i kanë bërë partisë në mbledhjen e të vjelave (kanabisit) dhe vjedhjes së votave. Është e habitshme dhe paradoksale që megjithëse denoncimet janë bërë publike dhe megjithëse janë ndërruar dy Ministra të Brendshëm, këto përfaqësues të policisë së shtetit vazhdojnë të militojnë dhe promovohen në karrierë, ku rrezultatet e sotme të gjendjes së kriminalitetit janë si balance lufte. 
Ju “lumtë” kjo është Policia që duam!!!.

Vetëm në javën e fundit kemi patur plot 7 vrasje, ndërsa që prej fillimit të vitit e deri sot numri i të vrarëve arrin në 19-të dhe drejtuesit politik vazhdojnë të propagandojnë se po bëjmë shtet. Në fakt ky sekt i drejtuesve “Pink” shtet ka bërë! Pasuri miliardëshe nga trafiku i drogës (219 mijë hektar e mbjellë me drogë nga 350 mijë hektar tokë e punueshme ne vitin 2016) duke arritur gjysmën e buxhetin e shtetit, shkuarja me pushime e deputetëve “Pink” nën shoqërinë e gangsterrëve, kriminelëve, korruptimi dhe qyrravitja e policisë, të cilët janë në listat e pagesave të grupeve kriminale, marrja e aseteve dhe pasurive publike nëpërmjet PPP-ve, vrasjet në mënyrë mafioze për shlyerje hesapesh të cilat gjithmonë kanë ngelur pa autor (vetëm ne Vlorë mbi 80 të tilla), shkatërrimi dhe përdorimi politik i prokurorisë duke shkatërrruar apo vonuar provat dhe dosjet më të bujshme (dosja Habilaj-Tahiri, 339/1, 184 etj….) ku cënohen drejtëpërsëdrejti qeveritarët “Pink” si dhe bandat kriminale që u kanë shërbyer “dylberëve” politikë. 

Lufta kundër krimit të organizuar është një nga kushtet që grupi parlamentar CDU/CSU, ka vendosur për Shqipërinë për të hapur negociatat e anëtarësimit në BE. Raporti i fundit i OKB-së mbi nivelin e korrupsionit e rendit Shqipërinë të 15-ën në botë, ku dhe vetë “shtatlartësia” e ka pranuar publikisht herë pas here, por ne kemi parë pak dëshmi se ai ka pasur për qëllim më shumë se një shfaqje publike të vendosjes dhe një pastrim periodik të zyrtarëve që shërbejnë si kokë turku të disponueshme, siç ishte rasti i ndërrimit të ¾ të qeverisë. Lidhja midis politikës “pink” dhe gangsterëve zakonisht lidhet me marrëdhëniet reciprokisht fitimprurëse. Me fjalë të tjera: punoni për ne që ta mbyllim njërin sy, nëse jo, do të kujtoni se shteti është banda më e madhe!!! 

Bandat kriminale në këto vite përfitoi shumë nga privatizimi i pronës shtetërore apo koncesionet PPP, ku kriminelët janë bërë arbitra të mosmarrëveshjeve në mungesë të një shteti funksional. Me rimarrjen e “tepsisë së pushtetit” në vitin 2017 të sektit “Pink”, premtoi të rivendosë “autoritetin e shtetit”, pasi për katër vite i kishin prishur punë aleatët e LSI-së. Anëtarët e bandave të krimit të ndodhur në çdo institucion e deri në Parlamentin e Shqipërisë, u bënë më pak të rëndësishëm se oligarkët që ata kishin ndihmuar të ngjiten në pasuri dhe pushtet. Sot, “shtatlartësia” kontrollon oligarkët, dhe së bashku kontrollojnë dhe shfrytëzojnë botën kriminale në avantazhin e tyre të ndërsjellë.

Është fakt se Shqipëria nuk ka bërë dhe nuk bën nën drejtimin e rilindjes përpjekjet më minimale për të luftuar krimin e organizuar, pasi ata janë pengje të saj. Kriza ekonomike dhe politike pa dyshim e ka përkeqësuar situatën kriminale. Rinia e papune dhe e zemëruar me keqqeverisjen e rilindasve, janë të ndjeshëm ndaj bashkimit me bandat kriminale. Në sistemin financiar e bankar po depërtojnë grupet e krimit të organizuar të pasur me para, duke bërë pastrimin e parave nga trafiqet dhe mashtruesit ekonomik siç ishte rasti i fundit i vëllezërve Indianë, Nitin Sandesara dhe Chetankumar Sandesara, e cila është maja e ajsbergut të një skandali gjigant financiar, të cilëve iu jepet shtetësia me ndërhyrje politike, si dhe pa asnjë investigim nga institucionet e sigurisë (SHISH dhe strukturat e Policisë) dhe akoma më keq dhe statusi diplomatik!!!. Krimi i organizuar zakonisht zhvillohet dhe funksionon në shtete të dobëta, ku shoqëria civile është e formuar keq duke kamufluar zullumet e qeverisë dhe jo të ndërgjegjësoj e mbroj qytetarin e thjeshtë, pasi sponsorizimi finaciar e politik i kësaj shoqërie “civile”, vijnë nga fondacione të dyshimta.

Si përfundim, misioni i Policisë së Shtetit dhe strukturave të tjera ligjëzbatuese të sigurisë, është t’i shërbejë interesit publik nëpërmjet zbatimit efektiv të ligjit dhe jo programeve propagandistuese politike të qeverisjeve të papërgjegjshme. Mos zbatimi i këtij misioni do të vijë dita jo e largët, ku përgjegjësit do të përballen me ligjin. 

Prandaj sot më shumë se kurrë, populli duhet të bashkohet me opozitën, shoqërinë civile ( jo atë që i shërben fugave & Co) dhe të gjithë ata që e duan vendin dhe të kontribojnë në largimin e kësaj klike monisto-bolshevike dhe kthimin e demokracisë në vend.

NE PRAG TE FESTES SE DIELLIT

by

       NË PRAG TË FESTIMEVE TË 110-VJETORIT TË THEMELIMIT TËGAZETËS DIELLI, ORGAN I FEDERATËS PAN-SHQIPTARE VATRA

                                                   Nga Frank Shkreli

Organi i Federatës Pan-Shqiptare Vatra, Dielli është në prag të festimeve të organizuara me rastin e 110-vjetorit të themelimit të tij.  Historia e Vatrës dhe organit të saj Dielli, është aq e gjatë dhe e larmishme sa edhe vet historia e shtetit modern shqiptar.  Dielli kishte filluar të botohej në Shtetet e Bashkuara të Amerikës me 15 Shkurt, 1909”, duke shënuar, këtë vit, 110-vjetorin e daljes në dritë të “Diellit” të Vatrës, përfaqsueses historike të komunitetit shqiptaro-amerikan, për më shumë se një shekull tani.  Duhet shënuar fakti, se gazeta Dielli lindi 3 vjetë para VATRËS dhe se Dielli para se të bëhej Organ i Federatës VATRA, ishte pronë e Shoqërisë Besa-Besën. 

Emrat e Fan Nolit, Faik Konicës, Federatës Pan-Shqiptare “Vatra” dhe organit të saj, “Dielli”, identifikohen me periudhën më të lumnueshme të historisë së tyre – një histori kjo që, sipas historianëve – përgjithmonë, do të mbetet si periudha që e bëri Shqipërinë.  Kjo histori, në një mënyrë ose një tjetër – varësisht rrethanave dhe nevojave hostorike të periudhave të ndryshme-është përsëritur dhe vazhdon edhe aktualisht. 

Disa historianë i kanë konsideruar veprat dhe rolin e Vatrës dhe të Diellit si të një një qeverie shqiptare në mërgim, kur vihej në diskutim ekzistenca e shtetit shqiptar. 

      Ky përvjetor i themelimit të Diellit shërben gjithashtu si një manifetsim që brezat e ri të shqiptaro-amerikanëve të vlerësojnë rolin historik të Vatrës dhe të Diellit në misionin e tyre fisnik për të mbrojtur të drejtat e Shqipërisë, të Kosovsës dhe të shqiptarëve kudo me qëllimin e qartë për të mbështetur shqiptarët dhe të drejtat e tyre anë e mbanë trojeve shqiptare.  

110 vjet më parë, ekzaktësisht, më 15 Shkurt, 1909, në Boston të Shteteve të Bashkuara doli numri i parë i gazetës “Dielli”, organ i Federatës Pan-Shqiptare Vatra, gazeta më e vjetër që botohet në vazhdimësi. Në ‘të botohen artikujt dhe komente që pasqyrojnë pikëpamje të ndryshme   dhe shërben si një thesar i veprimtarive më të dalluara të organizatës “Vatra” dhe të komunitetit shqiptaro-amerikan, në përgjithësi.

     Dielli pasqyron rregullisht edhe ngjarjet aktuale anë e mbanë trojeve shqiptare dhe boton opinione dhe analiza nga komentues të njohur nga trohet shqiptare si dhe nga diaspora shqiptaro-ameirkane.  Është shkruar shumë dhe, jam i sigurt, se në këtë përvjetor, historianë, analistë dhe gazetarë, do të theksojnë rolin vendimtar që ka luajtur dhe vazhdon të luajë “Vatra” dhe organi i saj “Dielli” në historinë e shekullit të kaluar dhe të sotme të Shqipërisë dhe të shqiptarëve kudo, përfshirë kontributin e Diellit në fushën gazetaresko-publistike shqiptare.

Gazeta “Dielli” ka shënuar edhe më heret përvjetorë të themelimit të saj, si zëdhënëse dhe burim lajmesh e “Vatrës” dhe e komunitetit shqiptaro-amerikan.  Ndër më të njohurit përvjetorë, janë 50-vjetori dhe 60-vjetori i themelimit të “Diellit”, shënuar nga diaspora shqiptare në Amerikë dhe më gjerë.  

Në këtë traditë, edhe sivjet me rastin e 110-vjetorit të themelimit të kësaj gazete në zë dhe me traditë shekullore për shqiptarët, Federata Vatra dhe vatranët, me ndihmën e komunitetit shqiptaro-amerikan, kanë në plan të festojnë këtë përvjetor të shënuar të fillimit të Diellit shqiptar, më shumë se një shekull më parë – me datën 6 Prill, 2019 në Manhattan të Nju Jorkut. 

Sipas burimeve të gazetës Dielli, në këtë ditë do të ketë dy veprimtari me rëndësi kushtuar 110-vjetorit të organit të Vatrës: Duke filluar nga ora 11:00 e mengjesit në hotelin e njohur 3 West Club në Manhattan do të mbahet Konferenca shkencore për këtë 110-vjetor, nën drejtimin e gazetarit Frank Shkreli, ish-Drejtor i Divisionit Evropian në Zërin e Amerikës dhe gazetares, Rafaela Prifti.  Seminarin do e përsh[ndet edhe Kryetari i Federatës Vatra, Z. Dritan Mishto. Ndërkaq, janë ftuar një numër ligjëruesish për të marrë pjesë, me kumtesat e tyre: Prof Nikolla Pano, Dr. Elez Biberaj, Mr Grant Harris nga Libraria e Kongresit, Dr. Muharrem Dezhgiu, Amb. Mal Berisha, Anton Çefa, Dr. Arjeta Ferlushkaj, Idriz Lamaj, Loreta Loli, Agron Alibali, Rafaela Prifti dhe Dalip Greca.  Njoftohet gjithashtu se, për të parën herë, Ilir Ikonomi do të sjellë intervisten me vlera historike të Faik Konicës në periudhën e pushtimit të Shqipërisë nga Italia fashiste, dhënë rrjetit të televizionit amerikan, NBC. 

Sipas programit paraparak Porf Nikolla Pano do të paraqesë kumtesën e tij mbi “Rolin e Diellit në Ringjalljen Kombëtare dhe në Bashkësinë shqiptaro-amerikane gjatë viteve 1909-1924.  Grant Harris do të flasë mbi gazetën Dielli në kuadër dhe nga perspektiva e shtypit evropiano-lindor në Amerikë nga vitet 1890 deri në vitin 1914.  Dr. Elez Biberaj do të flaës për “Bashkëpunimin e tij me Diellin gjatë kohës kur redaktor i gazetës ishte Xhevat Kallajxhiu dhe disa komente për sfidat e shoqërisë shqiptare sot në Shqipëri dhe Kosovë”. Siç thamë më lartë, Ilir Ikonomi do të sjellë intrevistën e Faik Konicës me gazetarin e radios NBC, Hilmar Baukhage, transmetuar me 8 prill, 1939. Mal Berisha do të paraqesë temën: “Vatra –Qeveri në mërgim – Kontributi në Konferencën e Paqës në Paris, 1919 dhe në atë të OKB-së në San Francisko, 1945. Prof. Muharrem Dezhgiu do flasë “Mbi Diellin në shekullin e dytë të tij”, ndërsa Anton Çefa paraqet referatin mbi ish-editorin e Diellit për shumë vite: “Nacionalisti dhe demokrati i përkushtuar Xhevat Kallajxhi.”  Studiuesi Idriz Lamaj ka zgjegur temën: “Publicistika antikomuniste shqiptare në mërgim dhe gazeta Dielli, duke përmendur gazetat Flamuri, L’Albanie Libre, Shqipëria, Bashkimi i Kombit dhe dhjetëra gazeta të tjera të Mërgatës, në polemika me Diellin.   Dr. Arjeta Ferlushkaj do të sjellë për dëgjuesit temën: “Në Brendësi të Diellit – Strukturimi i brendshëm i gazetës ndër vite”.

 Ndërsa, Agron Alibali dhe Loreta Loli do të ekspslorojnë: “Faik Konica: Pak i njohur – Shkrime dhe studime nëpër faqet e Diellit – 1939 – 1942”. Gazetarja Rafaela Prifti do të sjellë kumtesën për një ish-redaktor i Diellit dhe dhe ish sekretar i Vatrës, Profesor Peter Prifti. Ndërsa, Dalip Greca, Kryeredaktori aktual i gazetës Dielli përmbelsh kumtesat në këtë rast me temën: Gazeta e Rilindjes Kombëtare – 110-vite histori, sfidat e mbijetesës, editorët, menaxherët, vlerat e risitë.”

Veprimtaria tjetër e ditës, me rastin e shënimit të 110-vjetorit të gazetës Dielli, organit të Federatës Pan-Shqiptare Vatra, do të kulminojë me një darkë solemne, me një pjesëmarrje të madhe, që sipas organizatorëve do të jetë një “darkë plot të papritura, tipike amerikane”, për të gjithë pjesëmarrësit. 

VATRANI KUJTIM QAFA DHUROI $ 200.00 PËR DIELLIN

by

Kur DIELLI pushoi për pak kohë nga lodhja e rrugës së gjatë tek mbushte një shekull Jetë, Kujtim Qafa, dhuroi $1,200.00. Sot, në fushatën e 110 vjetorit të Diellit, edhe pse kalon caste të vështira shëndetsore, ai nuk u nda nga dhuruesit e tjerë.

Sot, arriti në VATËR dhurata e vatranit Kujtim Qafa me banim në Detroit. Ai dhuroi për Gazetën”DIELLI” $200.00 duke iu shtuar listës së dhuruesëve bujarë të kësaj fushate kushtuar 110 vjetorit të DIELLIT, për ta vitalizuar gazetën në shekullin e dytë të jetës së saj dhe për të përballuar shpenzimet e festimeve.

Nuk është e para herë që Kujtim Qafa, një nga shtyllat e VATRËS në shtetin e Michiganit, shpreh bujarinë me dhurimet e tij. Natyrisht Kujtimi nuk është i pasur, por ka shpirtin e pasur.

Kur gazeta e Vatrës”DIELLI”  po jepte shenja lodhjeje dhe për më shumë se dy vjet e gjysëm nuk u botua( Shtator 2006-Shtator 2009) Kujtimi ishte i pari që iu përgjigj fushatës që hapi Kryetari i atëhershëm i Vatrës i ndjeri Agim Karagjozi, dhe editori i sotshëm, që sapo e kishte marrë DIELLIN, Kujtim Qafa ishte ndër të parët që dhuroi $1,200.00.Pat nga ata që premtuan, por harruan të dhuronin, Kujtimi e mbajti fjalën.

Fjalët janë të pakta për t’i shprehur mirënjohjen e VATRËS dhe Gazetës së Saj “DIELLI”, por duke marrë hua nja fjalë nga fjalori i  Vatranëve të fillimshekullit të shkuar, Kujtim QAFA meriton Përhirimet e Vatrës.

Faleminderit i nderuar Atdhetar!