Archives for April 2020

BASHKIMI EUROPIAN, GATI PLANI I HAPJES

April 15, 2020 by dgreca

The President of European Commission Ursula von der Leyen holds a press conference on the European Union (EU) response to the COVID-19 crisis at the EU headquarters in Brussels on April 15, 2020. (Photo by JOHN THYS / POOL / AFP) (Photo by JOHN THYS/POOL/AFP via Getty Images)

Bashkimi Europian po planifikon heqjen e përgjithshme të kufizimeve dhe hapjen e ekonomisë. Kjo mund të ndodhë pasi numri i infektimeve të bjerë ndjeshëm, sistemi shëndetësor të ketë kapacitete dhe mundësi për të kryer testime masive. Presidentja e Komisionit Von Der Leyen tha se vendet anëtare duhet të koordinojnë masat dhe të parandalojnë efektet negative në ekonomi.

Komisioni i Bashkimit Europian paraqiti udhërrëfyesin për të hapur gradualisht ekonominë e bllokut 27 anëtarësh. Presidentja e Komisionit Ursula Von Der Leyen tha se përpara heqjes së kufizimeve dhe hapjes së ekonomisë, vendet duhet të kenë ulje drastike të numrit të infektimeve për një periudhë të gjatë kohe bazuar mbi të dhëna të besueshme epidemiologjike, kapacitet të sistemit shëndetësor për të trajtuar rastet që mund të paraqiten dhe mundësi për të kryer testime masive.

Von Der Leyen shtoi se vendet anëtare duhet të koordinojnë masat për të hequr kufizimet si dhe për të parandaluar efektet negative në ekonomi

“Buxheti i ri BE-së duhet të shfrytëzojë investimet e mëdha për të rifilluar rritjen ekonomike,” tha Von Der Leyen.

Nga ana tjetër Komisioni do të organizojë më 4 maj një konferencë globale donatorësh për të financuar kërkimet për gjetjen e vaksinës për koronavirusin.

Ndërsa kreu i Këshillit Europian Charles Michel paralajmëroi se fatura financiare e pandemisë është ende e panjohur. Michel ju bëri thirrje udhëheqësve europianë që të tregojnë më shumë solidaritet në të ardhmen dhe të nxjerrin mësime nga kriza që shkaktoi kriza e koronavirusit.

Përveç krizës ekonomike, blloku u ndesh me një krizë politike. Gjermania dhe disa vende të tjera kundërshtuan emetimin e koronabondeve si borxh të përbashkët të eurozonës për të ndihmuar Italinë, Spanjën dhe Francën dhe u propozua aktivizimi i Mekanizmit të Europian të Stabilitetit. Propozim i cili u refuzua.Kreu i Këshillit, tha se synimi kryesor i Brukselit është rifutja në shina e tregut të përbashkët pas heqjes së masave kufizuese, ndërkohë më 23 prill gjatë samitit të BE-së do të diskutohen masa për të çliruar më shumë fonde për qytetarët europianë.

EU calls for coordinated exit plan

April 15, 2020 by dgreca

-The Commission wants member states to collaborate on easing coronavirus restrictions. But with disparate national responses to COVID-19, there’s no one-size-fits-all solution. Bernd Riegert reports from Brussels/

By Bernd Riegert/*

EU Commission President Ursula von der Leyen is unveiling on Wednesday her road map for lifting coronavirus restrictions across the bloc. In a 14-page document laying out her ideas, von der Leyen says that “although it is clear that the path back to normalcy will take a long time, it is also obvious that we cannot maintain these extraordinary restrictions indefinitely.”

She says lockdowns across the continent had proven effective, yet also precipitated a tremendous economic shock and placed a heavy burden on public life. EU officials estimate that the eurozone economy could shrink by 10 percent this year — a drop in economic productivity not seen since the global economic crisis of the 1920s.

Avoiding tensions between member states

Ursula von der Leyen urges all 27 EU member states to coordinate their lifting of restrictions and to continue coordinating their approach to tackling the pandemic going forward. She warns that “insufficient coordination in the lifting of restrictions poses the risk of creating negative effects for all member states and most likely increases tensions between them.” She admits there is no one-size-fits-all solution, but that member states should strive to inform each other of steps taken.

At the onset of the coronavirus outbreak, various EU members states had closed their borders, or imposed travel restrictions, without giving each other advance warning. Ursula von der Leyen now hopes that the re-opening of borders over the coming weeks and months will happen in a more systematic fashion.

Infections could surge again

The EU Commission says three conditions must be met for coronavirus restrictions to be eased. Brussels says that curfews could be lifted once national health care systems are no longer under such extreme strain, once infections rates have dropped off, and once particularly vulnerable groups are able to be provided with extra protection. Brussels does not, however, propose a specific time plan for this.

The paper recognizes that this is fraught with danger: “It is certain that such a gradual lifting of restrictions will lead to new infections.” This is why, it states, developments must be closely monitored and new, possibly even more draconian measures will have to be imposed. Von der Leyen writes that “we will have to live with the virus until a vaccine has been developed.”

Member states are autonomous actors

Some EU states, like Austria and Denmark, have already announced plans to lift some restrictions on daily life. Countries like France and Spain, meanwhile, are keeping strict measures in place.

And while some states have isolated themselves, others are still permitting international flights to operate. Roughly half of all member states have declared a state of emergency, whereas Sweden, in contrast, has kept restrictions to a bare minimum. In Germany, meanwhile, there is no universal approach among its 16 federal states to fighting the virus outbreak. In the state of Bavaria, for instance, all DIY stores have been closed to help contain the virus, while in neighboring Baden-Württemberg they’re free to stay open.

Revised with caution

The bloc’s heads of the states and governments had prompted Ursula von der Leyen to draw up an exit strategy for the bloc. She had been ready to unveil her road map last week, yet was called back by concerned governments demanding she revise the paper.

The amended paper now has a more cautious wording, and makes suggestions, instead of demands. It appeals to all states to gradually reactivate the common market and ease travel restrictions. EU members states, meanwhile, are still to reign supreme with regard to managing public health and disease control.

EU plans economic stimulus package

At the end of the document, Ursula von der Leyen pledges to draw up a plan to kick start the bloc’s economy, which was been hit hard by the coronavirus. She says demand and production must be stimulated, and taxes possibly lowered. The paper states that “the Commission will develop a recovery strategy that builds on a new medium-term budget plan, and a reworked 2020 action plan.”

Next week, the EU’s heads of state and government will discuss the possibility of creating a European “Marshall Plan” to stimulate the bloc’s economy recovery. Commission President von der Leyen plans to pump hundreds of billions of euros into into the recovery effort.*DW

Shtjefën Kurti*

April 14, 2020 by dgreca

NJE DESHMI E PROF.DR.LAZER RADI PER I LUMI DOM SHTJEFEN KURTI /

Nji pjesë e rinisë katolike dhe e nxansave të shkollës fillore të qytetit banim pjesë në korin e kishës, njifarë “scuola cantorum”, ku mësoheshin kangë kishtare, të cilat këndoheshin në meshat solemne dhe në të kremtet fetare.

Drejtues i atij kori ishte nji klerik me emën, i quejtun dom Shtjefën Kurti, i cili kishte zbritë me shërbye në qytetin e lindjes, mbasi kishte krye me sukses studimet e nalta fetare diku jashtë dhe qe shugurue prift.

***

Dom Shtjefni nuk qe thjesht nji prift që kish veshë veladonin me predikue fenë kristiane. Jo! Nën zhgunin e priftit qe atdhetari e kët ndjenjë, në kushtet e vështira kur po instalohej regjimi i Beogradit, ai do të shfaqej haptas dhe pa asnji rezervë si njeri i shqiptarizmës. Ashtu i ri dhe entuziast, as nëpërmend s’i shkonte se veprime të tilla

shqiptarie ishin të dënueshme, dhe mund ta paguente shtrenjtë edhe aty në Mbretninë e sllavëve të jugut.

Dom Shtjefni i ri, i posardhun prej studimeve jashtë Shqipnie, nisi me folë haptas për “fe e atdhe”. Shpesh, gjatë përgatitjeve të festave, ai na mblidhte e na shpjegonte se shpirti liridashës i shqiptarve ishte gjallë; se bjeshkët ishin përplot me luftëtarë lirie; se Azem e Shote Galica bashkë me qindra trima ishin veç nji shembull, se plumbat e shkjeve mundeshin edhe me na vra, po kurrë s’do mundeshin me na zhdukë e me na nënshtrue si popull. Ai na shpjegonte se serbët po kërkonin me na mohue gjitha të drejtat, e me na kthye në nji koloni të tyne. Ata e donin Kosovën veç për pasunitë dhe begatinë e saj, për asgja tjetër…

Krahas predikimit, dom Shtjefni ishte edhe nji mjeshtër i harmoniumit. Në kujtesën time ka mbetë e freskët mënyra si ai e shartonte fenë me shqiptarizmën, si mbrenda nji ligjërate mundeshe me gjetë edhe ungjillin edhe atdheun, dhe si në mbyllje të çdo kange fetare ai gjente mënyrën me i bashkangjitë kangën patriotike. Te ai njeri unë s’mbrrita kurrë me kuptue se ku mbaronte përkushtimi ndaj fesë e ku niste dashnia për atdhe. Nuk di pse shumëkujt prej atyne që ndiqnin predikimet e tij, u pëlqente me e quejtë: Boletini me veladon.

Çdo fillimdhjetori ishin përgatitjet e festës së Shën Kollit. Kori kishte punue për ditë me rradhë, kangën e mrekullueshme kushtue atij shenjtori:

Deadati djalë dishiri

kje grabitë e çue n’gurbet

vjen Shën Kolli prej Misiri

për hava e çon n’shpi t’vet…

E ndërsa kanga jehonte, ai na nxiste me këndue me pasion dhe me zà sa ma të plotë, duke na shpjegue se fati i Deadatit ishte si fati i fëmijve të Kosovës; të cilët Zoti përmes figurës së Shën Kollit, kërkonte jo vetëm ai, po të gjithë ne, që nji ditë të ktheheshim te familja te atdheu e të ndjeheshim ma në fund si në shpinë tonë…

Mbasi ndigjonim fjalën e tij, atëherë kanga merrte edhe ma tepër zjarr e kumbim.Të gjithë ishim të angazhuem me shpirt. Entuziazmi e vrulli na përfshinte të gjithëve e na bante me u ndje me flatra. Dy vargjet e fundit të kangës përsëriteshin disa herë, fillimisht me tone të lehta e të ambla, mandej gjithçka ngjitej drejt nji shpërthimi të fuqishëm koral, i cili na krijonte përshtypjen sikur nga çasti në çast do të binin krejt muret e kishës nga rezonanca në bllok e atij kori të ekzaltuem. Nuk di pse ndjenim nji vlim në shpirt, nji dëshirë që na rrëmbente të tanëve, nji emocion të papërshkrueshëm; nuk di pse midis Deadatit, heroit të Biblës dhe çdonjenit prej ne fëmijve aty, kishte diçka të ngjashme. Nuk di pse ne duhej të ishim “gyrbetçi në tokë tonë”, pse duhej të frikeshim për kangët tona, për festat tona, për gjuhën tonë, për traditat tona!?

Në pushim të provave, të gjithë bashkë me dom Shtjefnin në krye delnim në çardakun e kishës. E kur futeshim mbrendë na pyeste:

-A i mbyllët dyert djema?

Mbasi sigurohej vetë se në kishë s’mund të futej askush na thonte:

-E tash a nuk e ndërrojmë avazin; në vend të kangës së Shënkollit le t’u kthehemi kangëve tona.Kush nuk asht dakort le ta çojë dorën?

Po ku kishte dorë që çohej! Mbas asaj pyetje të gjitha duert tona ishin të këputuna.

Kur vendosej qetësia, ai niste me i ra harmoniumit, vegël të cilën e zotnonte mjeshtërisht. Mbas hymjes, i pari ishte ai që ia niste kangës. Mbas zanit të tij ngjitesh kori i zanave tonë. Nji hov i fuqishëm dukej sikur kërkonte me i shpërthye muret, po dora e dom Shtjefnit, me at lëvizjen karakteristike vazhdimisht i qetësonte shpirtnat tanë të trazuem.

“N’kambë pra nipat e Kastriotit

me lidh besë, me lidh besë

me lidhë besë me armët ngjeshë”

Eh, sa me qejf e sa me shpirt këndohej. Eh, si na vlonte gjaku e si na regëtinte zemrakur kanga mbrrinte kulmin. Entusiazëm djaloshar: vrulle të ndrydhuna, energji të gatshme me i dhanë flakë lirisë… Kishte romantizëm dhe mister aty midis nesh.Na dukej sikur ashtu në ilegalitet po banim nji punë të madhe e të vyeme; sikur prej atyne kangëve e prej shpirtit tonë mund të gatitej çlirimi i Kosovës së shtrenjtë prej bishave serbosllave.

Natyrisht dinakëria e autoriteteve serbe, përmes hafijesh përpiqesh me depërtue jo vetëm atje ku kishte organizime fetare e shoqnore, po edhe mbrenda familjeve shqiptare. Ata ishin të interesuem me marrë vesh gjithçka, e ma mbas me gjetë mënyra e mjete me i luftue dhe shkatërrue organizimet tona. Qe e pamundun që guximi dhe veprimtaria e dom Shtjefnit mos t’u shkonte në vesh autoriteteve serbe. Ai vetë s’kishte as ma të voglin dyshim se po i shtrëngohej laku për me e kapë me “presh në dorë” e me ia gjetë rrfanën dhe me e burgosë. Në k’si rastesh, kur veprimtaria intelektuale përbante nji “rrezik për të ardhmen e mbretnisë” nuk përdorej burgu, po metodat e vjetra bizantine të eleminimit fizik të kundërshtarëve.

Shpesh regjimi gjente njerëz të paguem, me vra e me zhdukë figurat ma të njoftuna e ma me reputacion në popull.

Autoritetet lokale serbe, milicia dhe xhandarmënia, prej kohësh ndiqnin me vëmendje aktivitetin e dom Shtjefën Kurtit. Përmes nji rrjeti informatorësh e kishin vu në shenjestër emnin e tij.

Kët ia tha nji ditë nji dashamir i tij, i cili jo vetëm e vuni në dijeni, po i kallzoi me hollësi pse jeta e tij ishte në rrezik.Po dom Shtjefni s’qe prej atyne që tremben e thyhen kollaj.Ai ishte i gatshëm me pague çfardolloj takse për lirinë e Kosovës, qoftë edhe jetën po ta lypte nevoja. Edhe pse e ndjente atmosferën e kërcënimit dhe survejimit, ai vazhdonte me programin e vet si të mos kuptonte asgja. Ne fëmijët që ishim në kontakt të përditshëm me të e shifnim fytyrën e tij që bahej përditë e ma e trishtë, e ma vrazhdë, po mbetej e paepun e burrnore.Nji ndjenjë dhimbjeje nisëm me ia lexue në sy. Shumë shpejt u mor vesh se ipeshkvia kishte vendosë transferimin e tij.Po dom Shtjefni, prift i ri, qe lidhë shpirtnisht me qytetin e tij të lindjes, qe lidhë me ne, nxansat e tij, dhe ai transferim i papritun nuk ishte i lehtë dhe as thjesht nji fjalë goje për të.Ndamja me dom Shtjefën Kurtin qe e dhimbshme.

Lotët e tij mbetën ndër faqet tona po edhe lotët tonë lanë nji shije të hidhët dhimbjeje në faqet e tij.Transferimi i ngjante nji braktisjeje. Ai qe i bindun se ne kishim nevojë për të, ashtu si edhe ai kishte mjaft nevojë për ne.E kët gja ai do ta vuente si askush tjetër: largimin pa kthim prej Prizrenit!

Kështu,nji ditë u nis me krye detyrën e priftit, me shërbye në vise të tjera, ku e kishte caktue kisha e tij…

Dom Shtjefni iku, po figura e tij mbeti mes nesh.Mbetën mes nesh kangët e tij,shpirti i tij atdhedashës.Ma vonë morëm vesh se dom Shtjefën Kurtin e kishin transferue në Rumani. Shumë shpejt do të niste edhe atje bashkëpunimin me shtypin e kolonisë shqiptare të Bukureshtit, ku botoi nji varg artikujsh të randsishëm, ku me fakte të gjalla paraqitesh gjendja e Kosovës dhe vuejtjet e popullit kosovar nën sundimin serb.

Artikujt e tij, nji pjesë e të cilëve u botuen në frengjisht, banë përshtypje të madhe në opinioni ndërkombëtar për ndriçimin e së vërtetës shqiptare.

Pionerët e atdhetarisë shqiptare, ndër të cilët ban pjesë edhe dom Shtjefën Kurti, kishin mundësi krejt të pakta e rreziqe tejet të mëdha në misionin e tyne. Ata shpesh paguenin edhe me jetë idealet e tyne kombtare. E megjithatë, pa u epun ata luftonin me mbajtë gjallë frymën e lirisë dhe atdhetarinë, shpirtin rrebel të shqiptarit dhe flakën e dijes: at flakë drite, të cilës i qenë turrë mija bulshi stuhie me e shue njiherë e përgjithmonë, po që kurrë nuk ia kishin me ia mbrritë!

*Marrë nga Libri “Mjegullnaja e nji kohe të largët. (Prizreni) Fq. 196 – 202

DY BREZAT

April 14, 2020 by dgreca

…Unë kaloj disa herë në ditë pranë dhomës ku rri Susan, çel derën lehtas, e thërras, e dij që nuk e mundoj sepse sytë e saj rrijnë gjithmonë nga dera në pritje të së bijës e cila nuk mundet të vijë por rrin pranë telefonit dhe pret dhe pret ./

Nga Marjana BULKU/Mengjesi fillon me një zile telefoni, pastaj një tjetër ,derisa një zë i mbytur nëpër lutje e lot përtej ziles së tejzgjatur flet e flet pambarim . Kërkon të dijë gjithçka për Suzan që ajo e quan mam ndërsa për ne është paciente si gjithë të tjerët .Si është? përse nuk flet dot në telefon?! a mundem ti sjell diçka që ajo e don fort?!

Janë disa pyetje që nuk marrin frymë as përgjigjje dhe mua më lejnë pa fjalë.

Karolin vazhdon të telefonojë ,ajo pret që Suzan ta telefonojë , Suzan ka dëshirë të flasë, ajo e pelqen muzikën , është shpirt i gjallë ,përse është konfuze?! pse nuk do të flasë?! Nuk dij t’i përgjigjem, e ardhur rishtaz pas dy javësh qëndrimi në shtëpi, në një departament tjetër që nuk është mjedisi që unë e njoh …

I marr me vete pyetjet e saj , largohem me hapa të ngrirë prej tryezës së punës dhe afrohem drej dhomës ku është mama e saj Suzan.Ndaloj përpara saj si përpara dikujt që njoh . Në fakt nuk e njoh . E thërras ëmbël por ndjej se zëri më dridhet. Ajo reagon pak , fare pak por shikimin e ka të ngulitur thellë pas zërit tim. Nuk ka fuqi të përgjigjet por lëvizjet e lehta të kokës janë një përgjigje . I afrohem pasi jam izoluar mirë me veshje protektive në këto ditë pushtimi prej covid 19. Nuk dua ta shkund nga përhumbja në të cilën ndodhet edhe pse dua t’ja dëgjoj të paktën zërin që t’ja transmetoj Kalolinës e cila është vazhdimisht pas telefonit.

Ditët nën Covid19 janë të pazakonta , edhe pse në rrugë, në parqe, në qendra tregtare, në shkolla ka rënë një qetësi e frikshme, në mjediset spitalore qetësia bëhet kërcënuese.

Dikur momentet kur vinte në jetë një fëmijë jehonin në gjithë korpusin me një Luliby që sjell gëzimin e mirseardhjes dhe çel buzëqeshje në fytyrat e gjithkujt. Ndërsa tani ka heshtje , vetëm heshje pas të cilës jeta e dikujt është shuar . I vetmi tingull që e thyen atë është zilja e telefonit , pyetjet përtej asaj heshtje ku jo gjithmonë përgjigja është një lajm i mirë nuk reshtin , janë pa përgjigje ,heshtin sikurse gjithçka tjetër përreth.

Telefoni bie prapë. Pastaj të njehtat hapa , drejt saj ; Susan, sytë e së cilës rrijnë nga dera, sikur presin dikë e diçka që nuk u tha …

Një brez që po shuhet në heshtje , brezi tjetër në kërkim të një lajmi të mirë , jashtë kësaj qetësie në një tjetër qetësi të pagjumë.Një mal i tërë të pathënash në mes . Koha e çmendur që e thërriste njeriun pas punës, parasë ,mbijetesës u ndal . Ajo kohë që ndau prindin nga fëmijët duket se ka ngrirë bashkë me ndjenjat që e mbanin gjallë këtë mardhenie kaq unike dhe njerëzore që ushqen të shkuarën dhe të ardhmen tonë . Prandaj unë rend pas ngulmimit të Karolinës , pas insistimit të saj për të parë çdo mëngjes sytë e nënës, për ti vënë në vesh muzikēn që asaj i pēlqen,për ta ndihmuar të ushqehet ,sepse kisha kohë që nuk e takoja këtë lloj dashurie .

Unë kaloj disa herë në ditë pranë dhomës ku rri Susan, çel derën lehtas, e thërras, e dij që nuk e mundoj sepse sytë e saj rrijnë gjithmonë nga dera në pritje të së bijës e cila nuk mundet të vijë por rrin pranë telefonit dhe pret dhe pret .

Nesër do të jetë një ditë e re, zilja e telefonit do nisë kolazhin e vet të zhurmshëm dhe pyetjet që unë i di , por jo përgjigjet…

Marjana Bulku -Nju Jork- Prill 2020

MES DEBATEVE PËR AUTORITETIN E HAPJES SË EKONOMISË, ASHPËRSOHET GODITJA E COVID-19

April 14, 2020 by dgreca

*SHBA kthehet tek rekordi i keq; 2 mijë e 284 të vdekur brenda një dite. Numri i viktimave ditore të New Yorkut i barabartë me ato në Britaninë e Madhe(778), ndërkohë ashpërsohet gjuha mes New Yorkut e Shtëpisë së Bardhë.

Kryebashkiaku de Blasio : New Yorku po përgatitet t’i prodhojë vetë testet.-Cuomo, paralajmëron se rreziku COVID-19 do të kalojë plotësisht pas 12 ose 18 muajësh, kur të prodhohet vaksina….

-Guvernatori Cuomo: Trump është President, jo mbret!

Përgatiti: Dalip Greca/

Edhe dita e sotme nuk ishte e lehtë për amerikanët në betejën me Koronavirusin. Në orët e pasditës shifra ditore e viktimave e ngriti sërish kurbën. U raportuan 2 mijë e 284 të vdekur, ku sërish pjesa më e shumtë i takon New Yorkut, pasuar nga New Jerseyme 362, Michigani 166, Louisiana 129, Massachusetts 113,Pannsylvania 106, Illynois 74, California 72, Connecticuat 69, Ohio 50, ndërsa shtetet e tjerë problematikë lëvizin mes 20-40 viktima në ditë etj. SHBA kishte rreth 24 mijë e 215 të infektuar të rinj të dalë nga testimet e fundit,u raportua të Martën, duke e cuar shumën totale në 611 mijë e 156. Duket se Treshtetshi me qendër New Yorkun, mbanë ende barrën e epidemisë. Deri më tani, më shumë se 284 mijë 413 është numri i të infektuarve dhe rreth 14 mijë 241 persona kanë vdekur në NY, NJ dhe CT së bashku; por shenjat janë të qarta se prapë kurba e shtrimeve në spitale po nivelohet.

Numri ditor i vdekjeve në New York u rrit të martën pas një rënje një ditë më parë, por Guvernatori Andreë Cuomo sërish u kap pas shpresës se do të bëhet më mirë, ndërkohë që nuk e fshehu jetëgjatësinë e koronavirusit dhe se beteja nuk përfundon shpejt, rreziku do të jetë i pranishëm deri në prodhimin e vaksinës, kohë që mund të variojë nga një vit deri në 18 muaj, ose më gjatë.

Tash qeveria e shtetit më të goditur në glob, është fokusuar rreth rihapjes së ekonomisë. Guvernatori Cuomo po udhëheq një koalicion me shtetet e tjerë të Verilindjes për rihapjen graduale të ekonomisë, duke u përplasur me Presidentin. Vizioni i tij është për një bashkëpunim ndërshtetror pasi shtetet janë si enët komunikuse me njeri-tjetrin, jo vetëm pse në New York punojnë qytetarë të shteteve të fqinjë, por dhe komunikimi e marrdhëniet e ndërsjellta janë të lidhura pazgjidhshmërisht.

Duke iu drejtuar shifrave më të fundit, guvernatori i New Yorkut nuk e mohoi rëndimin e situatës, por përsëriti se rrezikun e kemi kaluar përgjysëm, por duhet kujdes të mos gabojmë se pakujdesia na kthen mbrapa,ndërsa Guvernatori i NJ, Phil Murphy, është shprehur se shteti i tij ende nuk e ka prekur kulmin e kurbës.

Andrew Cuomo tregoi shenja optimizmi pasi spitalet më në fund po marrin frymë lirisht, dhe ka një rënie të ndjeshme të shtrimeve.

Guvernatori pranoi se infektimi ka prekur një masë të madhe qytetarësh, po ashtu edhe numri i viktimave është i lartë, por ai shtoi se përshkallëzimi i vdekjeve rrodhi kryesisht nga pacientët në shtëpi pleqsh dhe jo në spitale. Kjo është diçka që shteti po e vëzhgon nga afër e me kujdes, por qeveria e New Yorkut së bashku me spitalet po punojnë fort për të shpëtuar cdo jetë.

Me gjithë humbjet e shumë jetëve, ne, komentoi Cuomo, kemi demonstruar se mund të kontrollojmë përhapjen e virusit, natyrisht ai ka prekur shumë familje, ka shkaktuar shumë dhimbje, por faleminderit Zotit ne mund ta kontrollojmë përhapjen e tij,- tha guvernatori të martën. “Ajo që ne po bëjmë sot do të kontrollojë nivelin e infeksionit nesër…”, tha ai.Guvernatori sërish këshilloi për ruajtjen e kufizimeve dhe respektimin e urdhërave: Nëse njerëzit fillojnë të dalin jashtë dhe të mos respektojnë rregullat e distancimit, shkalla e infeksionit do të rritet brenda tre ditësh, paralajmëroi Cuomo. Ne duhet të respektojmë rregullat, duke vazhduar t’u bindemi kufizimeve dhe distancimit social, ç’ka kanë provuar se janë ndikuese në kontrollin e koronovirusit, me qëllim që shteti, dhe kombi, mund të fillojnë të mendojnë për hapat e ardhshëm.

Ai sqaroi se nuk do të ketë ndërpreje të respektimit të kufizimeve të deritanishme,bëhet fjalë për një hapje drejt lehtësimit, jo heqjes së izolimit dhe kufizimevve të tjera. Natyrisht do të ketë edhe seleksionim; duke rikalibruar kush është punëtor thelbësor, dhe kush jo, ka thënë Cuomo të Martën me 14 Prill. Do të ketë pika zgjidhjeje me kalimin e kohës. “Ne mund ta humbim të gjithë përparimin që kemi bërë brenda një jave nëse bëjmë hapje të menjëhershme,” tha ai.Tabloja është e zymtë: New York-u raportoi për 202 mijë e 208 raste me COVID-19, dhe 10 mijë 834 të vdekur. Kjo është rreth një e treta e të gjitha rasteve të ndodhura në Amerikë,diçka më shumë se 40 përqind e vdekjeve.

New Jersey mbetet shteti i dytë në shkallë vendi pas New Yorkut, me gati 68 mijë e 824 raste infektimi dhe më shumë se 2.805 të vdekur që nga e hëna. Connecticut raportoi gjithsej 13,381 raste ndërsa numri i të vdekurve arriti në 600, plus 50 të ditës së Martë.

Ndërsa Cuomo, nga njera anë, thotë se më e keqja mund të ketë kaluar, nga ana tjetër deklaron se vetë kriza nuk do të përfundojë derisa të kemi një vaksinë, e cila mund të jetë larg diku nga një vit në 18 muaj, nëse jo edhe më gjatë. Ai ka bërë thirrje për testime më të shumta për të ndihmuar në rigjenerimin e ekonomisë.

Kryebashkiaku De Blasio njoftoi se NYC do të prodhojë kompletet e veta të testit të koronavirusit. Këtë njoftim kryebashkiaku De Blasio e komunikoi të Martën me 14 Prill.

-Ne menduam, nëse njerëzit mund t’i bëjnë ato në mbarë botën, përse të mos i bëjmë edhe ne këtu në New York, edhe pse nuk i kemi bërë kurrë më parë,tha de Blasio gjatë konferencës me gazetarët.

Duke filluar nga maji, qyteti do të prodhojë 50,000 komplete testimi të koronavirusit, prodhim që do të vijë nga bashkëpunimi vendas me kompani, universitete, punonjës të qytetit të New York-ut, tha kryetari i Bashkisë.

Ai përmendi edhe dhurimin javën e kaluar prej Indianës të paketës prej 50,000 testesh COVID-19 për NYC. Zyrtarët e atjeshëm kanë konfirmuar se mund t’i prodhojnë ato rregullisht për në New York City, njoftoi kryetari i bashkisë.

Duke filluar nga e hëna, qyteti do të blejë 50,000 komplete javore nga kompania Aria Diagnostics me bazë në Indiana.

De Blasio tha se NYC do të ketë ende nevojë për një provë “të madhe”, por ai shprehu optimzëm se qyteti së shpejti do të jetë në gjendje të realizojë 100,000 teste në javë, duke llogaritur prodhimet e veta dhe ato të Indianës.

“Ky është vetëm fillimi,” tha de Blasio, duke shtuar, “për herë të parë do të kemi një furnizim të vërtetë, të besueshëm, të madh të testimit.” Kryetari i bashkisë tha se testimi do të jetë me përparësi për më të prekurit e qytetit, duke favorizuar qytetarët e moshuar.

De Blasio njoftoi gjithashtu se qyteti po rrit prodhimin vendas të pajisjeve mbrojtëse personale, duke përfshirë maskat e fytyrës dhe veshjet mjeksore. Kompanitë lokale aktualisht prodhojnë 240,000 mbrojtëse të fytyrës në javë, të cilat do të rriten në 465,000 në javë deri në 24 Prill, tha kryebashkiaku. Qëllimi tjetër jo i largët do të jetë prodhimi i 620,000 mbrojtseve të fytyrës në javë.

Guvernatori Cuomo:Trump është President, jo mbret

Guvernatori i Nju Jorkut, Andrew Cuomo ka qenë në qendër të vëmendjes nga media. Ai ishte i pranishëm në disa emisione televizive në mëngjesin e së martës. Thelbi i bisedave dhe intervistave ishte debatimi në esencë i deklarimeve të Presidentit Trump se kujt i takon dhe kush e ka autoritetin për të rihapur ekonominë e vendit të bllokuar për shkak të coronavirusit. Përgjigjet e guvernatorit ishin të prera: Jo, nuk i takon presidentit. Një president nuk është një monark absolut.

“Ne nuk kemi një mbret,” tha Cuomo në “Today” të NBC. “Ne kemi një president.

Ai përmendi faktin se amerikanët ikën nga pushteti i Mbretit për liri. Xhorxh Uashington ishte president, jo Mbret!… Presidenti nuk ka autoritet të pakufishëm.

Guvernatori Demokrat, shteti i të cilit është bërë epiqendra e pandemisë së koronavirusit në Shtetet e Bashkuara, reagoi fort lidhur me pohimin e presidentit Trump, se autoriteti I takon presidentit. Autoriteti i presidentit është total.

“Jo”, tha Cuomo.

Kur u pyet në ” New Day ” të CNN se çfarë do të bënte nëse presidenti republikan e urdhëron të rihapte ekonominë e New York-ut, Cuomo iu përgjigj: Nëse ai më urdhëron të rihap ekonominë në një mënyrë që do të rrezikonte shëndetin e njerëzve të shtetit tim, unë nuk do ta bëja këtë. Dhe ne do të kishim një sfidë kushtetuese midis shtetit dhe qeverisë federale, dhe çështja do të shkonte në gjykatë.Kjo do të ishte gjëja më e keqe e mundshme që ai mund të bënte në këtë moment .

Trump bëri komentet e tij në reagim ndaj lëvizjeve të guvernatorëve që njoftuan paktin e bashkëpunimit të hënën për të koordinuar rihapjen në mes të pandemisë. Përvec grupit të gjashtë guvernatorëve të shteteve verilindore me Cuomon, të Hënën të njëjtin qëndrim deklaruan edhe guvernatorët e shteteve të Washingtonit, Oregonit dhe Kalifornisë.