Archives for January 2021

ATA…

January 14, 2021 by dgreca

… ATA po shkatërrojnë famijlen duke hequr termin gjinor si “babai”-“vajza”-“nëna”-“djali”. Fëmija të mos ketë gjini dhe familja të jetë thjesht një iluzion konceptual. Egërsirat e ferrit po dehumanizojnë qeniet njerëzore…/

Opinion nga Agustin M. Mirakaj/

I panjohuri është gjithmonë armiku i inteligjencës. Bëhuni të vetëdijshëm dhe mos bini në kurthet e tyre. ATA janë specialista. ATA natën e bëjnë ditë dhe ditën e bëjnë natë. ATA thonë ti mos mendo, ti mos u shpreh, ti mos bëj atë që bëj unë por bëj atë që them unë.

Ti, ti, po ti do bësh ashtu siç të thonë ATA, dhe ti kurrë nuk do kesh të drejtë. Nuk duhet më as të mendosh as të shprehesh, thjesh ti merr frymë edhe atë, nëse ta lejojnë ATA. Kontroll total. Skllavërim total. Nënshtrim total. Ti do jesh i mbyllur për aq kohë sa t’ju thotë mendja drejtuesve nga lart. Kur të ecësh në rrugë do jesh i kufizuar, do mbash maskë, do mbash distancë, nuk do lejohesh më të futesh në ambiente publike, nuk do lejohesh të shijosh një kafe ulur. Sistemi vendos për individin. S’ka më individualitete por totalitete.

Në të njëjtën kohë nuk do lejohesh më të shkruash atë që ti ndjen në platforma sociale sepse ti u prish imazhin atyre, mendimi yt bëhet i rrezikshem dhe u prish qetësinë. Ti thjesht shkruaj atë që të servirin ATA për të kënaqur dëshirat e tyre. Ti përcepton vetëm atë që dëshiron sistemi. Nuk do lejohesh të komunikosh me “njeriun” e afërt, nuk do lejohesh më të prekësh natyrën..E di pse? Sepse natyra, jeta dhe komunikimi është vetëm për ATA…ATA të cilët sot ju kanë nënshtruar mendimin, lirinë, shpirtin.

Sot, sipas rregullit të vendosur me urdhër nga lart, njeriun mund ta shohësh, konsiderosh, cilësosh, përceptosh apo dhe ta etiketosh si kafshë politike apo ti japësh një formë tjetër: Si krym toke.

Sot ne jemi dhe s’jemi më të quajtur njerëz sepse sot “njerëzia” po bazohet në politikën dhe axhendën e kësaj maskarade, shëmtie, shtrembërimi që po mundohet të shkatërrojë dinjitetin njerëzor. Sot ATA po përpiqen të krijojnë transforminim, procesin e ndryshimit të gjinisë nga mashkulli në femër, femra në mashkull.

ATA po shkatërrojnë famijlen duke hequr termin gjinor si “babai”-“vajza”-“nëna”-“djali”. Fëmija të mos ketë gjini dhe familja të jetë thjesht një iluzion konceptual. Egërsirat e ferrit po dehumanizojnë qeniet njerëzore.

Sot liria është thjesht një ëndërr. Sikurse të ishte armiku i njeriut. Të gjithë janë kthyer kundër saj duke e shkelmuar atë… E mira është bërë e keqe dhe e keqja është bërë e mirë. Sot po të mundohesh me shpreh mendimin e lirë sulmohesh, jo vetëm sulmohesh por dhe ofendohesh nga e keqja, nga llumi që ka mbuluar sytë e pa ngopur të atyre krijesave të frymezuara nga ferri, nga nënshtrimi, nga skllavëria.

Sot kjo e keqe ka gjetur fole në zemrat e trishtuara të krijesës pa emër. E megjithatë, një ditë, drita do rrezatojë mbi këtë krijesë e ta pasurojë me ngrohtësinë e së mirës që bota mos të shkojë drejtë skllavërimit.

PRESIDENT TRUMP IMPEACHED THE SECOND TIME

January 13, 2021 by dgreca

The US House of Representatives voted to impeach President Trump for “high crimes and misdemeanors” — specifically, for inciting an insurrection against the federal government at the U.S. Capitol.

White House issued a statement and video in which Mr. Trump called for calm. He did not refer to the House impeachment but to new pro-Trump demonstrations that are planned to take place in the coming weeks.

US House Speaker Nancy Pelosi said that impeaching President Trump is “a constitutional remedy that will ensure that the republic will be safe from this man.”
One week before leaving office, Trump has become the first U.S. president to be impeached twice.
A week ago Trump supporters stormed the Capitol causing the death of several people and mayhem in the complex.
On Wednesday’s vote ten Republicans broke party ranks to vote in favor of impeachment, including Rep. Liz Cheney of Wyoming, who chairs the House Republican Conference.
In a statement explaining her vote, Representative Cheney wrote: “The President could have immediately and forcefully intervened to stop the violence. He did not. There has never been a greater betrayal by a President of the United States of his office and his oath to the Constitution.”
The House voted 232-197 to impeach Trump, with four GOP abstentions, after a few hours of debate evenly divided between the parties.
House Speaker Nancy Pelosi said the insurrectionists followed Trump’s sustained attempts to spread untruths about the 2020 vote and to influence state election officials to overturn results.
Impeachment, Pelosi said, is “a constitutional remedy that will ensure that the republic will be safe from this man, who is so resolutely determined to tear down the things that we hold dear, and that hold us together.”
GOP Leader McCarthy: Trump ‘Bears Responsibility’ For Violence, Won’t Vote To ImpeachMany Republicans who voted against the measure criticized the impeachment process as rushed and counterproductive. But impeachment supporters said Trump’s attempt to derail Congress from certifying the election results spurred an act of domestic terrorism, making the president unfit for office.
In his remarks, House Minority Leader Kevin McCarthy, sought to strike a balance — between blaming Trump for his role in fanning the protest’s devolution into a riot, and speaking out against impeachment.
“The president bears responsibility for Wednesday’s attack on Congress by mob rioters,” McCarthy said. “He should have immediately denounced the mob when he saw what was unfolding.”
But McCarthy, who himself objected to certifying the Electoral College results, said that instead of impeaching Trump, Congress should form a fact-finding commission and consider a formal censure of the president.
As lawmakers debated impeachment, the White House issued a statement in which Trump called for calm. He did not refer to the House proceeding, but to new pro-Trump demonstrations that are planned to take place in the coming week.
“In light of reports of more demonstrations, I urge that there must be NO violence, NO lawbreaking and NO vandalism of any kind,” Trump said. “That is not what I stand for, and it is not what America stands for. I call on ALL Americans to help ease tensions and calm tempers. Thank You.”
The Democratic-led House impeached Trump the first time in December 2019 for his role in the Ukraine affair. On Tuesday, the president called the move to impeach him again “ridiculous.”
If the Senate votes to convict Trump — an outcome that is far from certain — he likely would be barred from holding any federal office again. An impeachment trial will not begin before Biden is sworn in on Jan. 20. Senate Majority Leader Mitch McConnell’s office said Wednesday that the chamber, which Republicans currently hold, will not convene again until the transfer of power is complete.

Source: News Agency (Rafaela Prifti)

Globalizmi Komunizëm Integral

January 13, 2021 by dgreca

Nga Alfons Grishaj/

Gjithë këto vite kam vrarë mendjen pse pala demokrate Amerikane përkrah Globalizmin që, në tre dekadat e fundit është tregëzuar në masë si shpëtim i botës ?! Sepse, globalizmi indirekt është filozofi Marksiste, përdorur dhe ngritur nga anti-nacionalisti, anti-kapitalisti, neoliberali, David Harvey, i cili u mundua që zehrin e komunizmit ta kthejë në teori “mrekullibërëse” për botën, përpjekje për të qorruar dritën dhe mirëqënien e kapitalizmit. Amerika nuk ka qenë asnjëherë globaliste… një filozofi e vjetër komuniste me një “kontorno të re”. Filozofia e kapitalizmit dhe pragmatizmit amerikan është bazuar dhe zhvilluar mbi kapitalin dhe besimin në Zotin dhe jo mbi teoritë eteriane nihiliste. Unilateralizmi dhe multilateralizmi amerikan ka poseduar një filozofi në vete… mbrojtje dhe bashkëpunim në favor të interesave amerikane, dhe e theksoj: në favor të interesave amerikane!

Gjatë Luftës II Botërore, ndërsa bota mundohej t’i mbijetonte kësaj lufte, Amerika dhe Anglia hartonin strategjinë e pasluftës për pesëdhjetë vitet e ardhshme. Sigurisht, gjeopolitika e saj përfshinte dhe vendet aleate në kontekstin e bashkëpunimit. Franklin Delano Roosevelt, Winston Churchill dhe Dwight D. Eisenhower, mendonin që t’u siguronin vendeve të tyre për një gjysëm shekulli, begati, prosperitet, siguri dhe në planin politik. Ruajtja e influencës gjeo-strategjike që ishte dhe është jetike për Amerikën. Sot, ne nuk shohim më mendje të tilla të ndritura, por vetëm politikanë karrieristë, mediokër e revanshistë.

Lufta e ftohtë solli nevojën e NATO-s dhe më vonë OSCE, për t’u mbrojtur nga Traktati i Varshavës, si nga ana strategjike ushtarake por dhe politike të moskthimit të komunizmit në vendet që ishin prekur nga murtaja e kuqe. Po çfarë po ndodh? Pas skadimit të filozofisë 50 vjeçare të luftëtarëve fitimtarë dhe mendimtarëve që shkatërruan pa luftë perandorinë e hekurt të BRSS –së, presidencat e demokratëve patën një shkarje graduale në prehërin e globalizmit, ku vendet e nivelit joamerikan ishin dhe janë të interesuara që të fitojnë sa më tepër prej teknologjisë dhe fondeve të planetit blu. Të mundurit e mëdhenj, Rusia, Kina krijuan me durim të madh strategjinë e marrjes së kalasë nga brenda, duke frymëzuar dhe financuar filozofinë e globalizmit. Ndryshe bënë Gjermanët me disiplinën e filozofisë së fshehtë të Heidegerit, krijuan një supremaci në Europë (bashkim racional dhe jo globalizëm), duke hapur rrugë për një Europë të bashkuar si nevojë e balancave dhe supremacisë. Projekti gjerman, dukej dhe duket afatgjatë, por Brexit, apo më saktë dalja e Britanisë nga Unioni, ka shtruar një pikëpyetje historike që ka mbetur tash për tash pa përgjigje.

Illuminati (Illuminatus), skeptri i Commonwealth-it të sotëm e shikoi nevojën e lojës së dyfishtë për t’u ribërë faktor, ashtu si në të shkuarën, për të rimarrë kontrollin e eskaliburit të fuqisë drejtuese. Kjo perandori, gjoja e fjetur, është boshti i rrotullimit të botës. Ardhja e Donald Trump, aspak politikan, kalorës i biznesit, nacionalist religjioz , prishi interesat e tri botëve të vjetra, të cilat nuk përkonin me filozofinë unilaterale të Trump, filozofi kjo e aplikuar për herë të parë nga George Washington: “America first!”, Donald Trump ishte i vetmi që kuptoi impaktin e konglomeratit infiltrativ dhe neoliberalëve si kërcënim për Amerikën. Ai e shikoi regresin e jashtëm si kurs konspirativ kundër vlerave, kulturës dhe ekonomisë së vendit. I vetmi gabim që bëri ai, qe politika ndaj emigrantëve, e cila u pa dhe si fobi, dhe ndoshta harroi se shteti amerikan është formur nga vetë emigrantët. Është e vërtetë se emigrantët e 30 viteve të fundit kanë përmbysur balancat e vjetra politike. Kjo përmbysje ka qenë e parashikuar, sepse qasja e PD amerikane ka qenë konstante në këtë drejtim. Ajo kërkon ta shfrytëzojë këtë superioritet me nisma që sfidojnë ligjin e vënë nga baballarët e kombit, atë të elektrovotës, sepse duke e eleminuar këtë ligj, ata besojnë se sigurojnë një pushtet absolut për shumë e shumë vite.

Sipas mendimit tim, Trump e shikoi globalizmin si komunizëm integral dhe u përpoq ta luftonte diplomatikisht. Marrëdhëniet me vendet dhe me botën i vendosi mbi parimet e interesit reciprok, ndërsa koston e paqes kërkoi ta ndante me të gjithë ata që e konsiderojnë veten faktorë. Trump e kishte kuptuar se bashkëpunimi multilateral nuk është funksional, edhe pse në aparencë duket si tillë, por në realitet, është e kundërta, është një gënjeshtër e madhe, një mënyrë për të mos zgjidhur asgjë pikërisht për të lënë ndezur krateret e konflikteve.

Bota gjithnjë ka operuar me disa standarte. Amerika shprehjen “duble standart” e përdor si gjykim për jo trajtimin e njëjtë, por nuk ka qenë e thelluar të kuptojë natyrën e funksionimit të mjaft diferencave, sepse vetë Zoti e ka ndarë botën në standarte të ndryshme: në engjëj e djaj, në të mirë dhe të këqinj, në patriotë e tradhëtarë, në të ditur dhe injorantë, barbarë e të qytetëruar, të pasur dhe të varfër, në të moralshëm dhe të pamoralshëm. Vetëm teoria Marksiste e Manifestit Komunist ka pasur një standart, i cili u shkërmoq si teori dhe praktikë përballë fuqisë kapitaliste dhe demokracisë perëndimore, por që sot mundohet të ringjallet falë mendjeshkurtërve, përmes një teorie relativisht të re dhe të frikshme që emërtohet “Globalizëm!”, term që unë e përkthehej: Internacionalja e Re!

Që nga koha e luftës civile amerikanët nuk kanë qënë asnjëherë më të ndarë se sot!

Në lajmet e shtypit neoliberal të kryesuar nga CNN shohim një pasqyrë kundraproduktive të reales. Lëvdatat ndaj Kinës, ndaj aleatëve të rremë, nga njëra anë, sulmet rrënuese ndaj kulturës, institucioneve, bizneseve nga ana tjetër. Me muaj, ky stacion, i cili ka qenë një dritare informimi dhe shprese, ka humbur emrin dhe qëllimin e lirisë. Ndaluni vetëm në ngjarjet vandale që ndodhën verën e kaluar, rrënimin e institucioneve , shkatërrimin e bizneseve, anarkisë totale, sulmi ndaj Shtëpisë së Bardhë ku kaluan barrikadën e policisë me dhunë. Në Amerikë është një ligj që po kalove barrierën e vënë nga policia, quhet krim. Biles, po e lëvize dhe barrierën e punëtorëve që punojnë në rrugë, përbën felony (krim)! Po sa barriera e gardhe policie, djegie, rrahje dhe vrasje policësh ndodhën gjatë luftës “paqësore” të paguar nga miliarderët dhe politikanët e majtë, sa?! E pra, stacionet në fjalë (duke u përkrahur dhe nga ca “analistë” tanë që nuk e kanë lexuar një libër politik në jetën e tyre) i bënë jehonë barbarëve dhe konglomeratit infiltrativ, duke i quajtur paqësorë etj. Kurse, vetëm një ditë tufani nacional Trumpist, u përpoqën që ta gozhdojnë me të gjithë arsenalin e urrejtjes dhe epiteteve, deri në Insurrection! Filozofi popull thotë: “ Çdo të mbjellësh do korrësh !” Nëse mbjell erë do korrësh fortunë!

Armiku i demokracisë është anarkia që shkërmoq qëllimin e idesë në polarizimin e veprimit. Në këtë rast, paqa humb, duke humbur si ideatorët dhe protektorët.

Kur dëgjova se sa patriotë do të mblidhen në Washington për të protestuar në 6 Janar, seç ndjeva një trishtim sepse e dija se është e pamundur që të kontrollohen një milionë e gjysëm protestues. E para: Pala kundërshtare do të bëjë çmos që t’a kompromentojë me të gjithë arsenalin e saj. E dyta: Bindja e heroizmit tek nacionalistët nuk njeh kufi dhe nuk ka pushkë e mitroloz që t’i ndalë! E ajo parandjenjë e trishtim që pata u vërtetua.

Asnjëherë nuk e kam thënë më parë, por me 13 Dhjetor 1990 në Shkodër, xhami i parë që u thye… u thye nga një njeri i panjohur, të cilin e gjeta në polici pas arrestimit tim. Ishte oficer i ri me shtat mesatar me flokë ngjyrë kafe të hapur me onde… me një fytyrë të bardhë dhe sy gri. E shikuam njëri-tjetrin gjatë, por heshtëm të dy! (Në vend e mendova se kishte qenë një kurth, në të cilin ra për fat të keq një pjesë e demonstruesve. Ishte një përvojë e re që mua më ndihmoi më pas.) Gjatë atyre momenteve teksa depërtova përmes fantazmës së gjallë që kisha përpara, m’u kujtua demonstrata e 14 Janarit 1990, një demonstratë model që e gjithë bota e qytetëruar do ta merrte shembull. Një heshtje kuptimplote. Demostrimi lexohej në fytyrën e çdo shkodrani: “Liri!”. Një ngjarje qytetare brilante. Heshtjen e theu vetëm i riu Helidon Bele: “Poshtë Partia e Punës!”, por më pas, dhe pse u arrestuan Kastriot Haxhi e Branko Mixha etj, nuk u thye asnjë xham, biles as nuk u dëgjua as ndonjë zhurmë nga këmbët që ishin ngjitur në trotuare dhe asfalt, çfarë tregonte vendosmërinë ideale të shkodërloces së naltë. Ajo heshtje vendosmërie foli më tepër se sa një revolucion me zhurmë e gjak. Atë ditë Shkodra i bëri funeralin regjimit komunist, gjë që e kam thënë që në vitin 1991.

Nëse do rrethohej Capitol Hill në distancën e lejuar dhe të qëndronin disa ditë proteste për votën e vjedhur, Amerika do të kthehej në vlerat e saja që bota i kishte dhe i ka ëndërr. Por, me 6 Janar, kjo megalëvizje u kompromentua rëndë, dhe ju siguroj që kjo nuk ishte në planin e Partisë Republikane dhe të Donald Trump, sepse ajo ishte vetëvrasëse dhe nuk i interesonte askujt, por vetëm palës kundërshtare që ta përdornin më vonë në planin diskreditues.

Vetë vendimet e fundit të Twiter, FB, Google, Amazon, Apple etj., tregojnë se sa të drejtë kishte Trump, për webin majtist. Kompani të tilla kanë brenda kalin e Trojës, padyshim amalgamat e inteligjencës së huaj. Mendoj se njerëzit më të aftë të këtyre agjensive spiunazhi janë punësuar enkas si “specialistë” të medias për të goditur sistematikisht (por më fort në momentin e duhur), demokracinë amerikane.

Nëse dikush mendon se demokratët (megjithë gabimet e tyre…), nuk kanë vlera humane e nacionale, mendon dhe shprehet gabim! Demokratët e Amerikës janë një vlerë nacionale dhe ndërkombëtare, një shkollë në vete, por trajtimi i problemeve në këtë mënyrë në një kohë kur Kina dhe Rusia po luajnë një lojë të rrezikshme, nuk e ndihmon Amerikën e Madhe dhe lidershipin e saj në botë, përkundrazi e dobëson atë. Në këtë rast do doja ta kisha gabim, por kam frikë se kam të drejtë!

Duke u kthyer nga retrospektiva e përvojës së kaluar për ngjarje të tilla, vazhdojmë me të kundërtën e CNN dhe makinën e shtypit neoliberal, Fox News. Një kanal serioz dhe dinjitoz që mundohet të thotë të vërtetën. Fox News, denoncon të shëmtuarën dhe mbron demokracinë duke mbrojtur kombin amerikan dhe realen, por përsëri brenda të vërtetës theksi logjik dhe trajtimi i problemit nuk parandalon dot masivitetin dhe dominimin e mediave të skeptrit të ekstremit të majtë !!! Pra, nuk është mjaft!

Sot neoliberalët janë në festë, pasi plani i detajuar i komplotit global u realizua. Boritë e fitores ua kanë errësuar arsyen, dhe siç theksova më lart, kanë filluar revanshin duke mbyllur webe e llogari në Twiter dhe FB. Rasti i mbylljes së dritares së komunikimit në Twitter të Trump dhe suspendimit të “Parler” nga APP Store etj., tregon një nga dukuritë negative të markës Globalizëm. Në Twitter është dhe diktatori Iranit, Ruhollah Khomeni, ndërsa Presidentit Trump i mbyllet llogaria! Çfarë morali është ky ? Ky është morali i komunizmit integral, ku krimineli i klanit global është më i vlefshëm se sa nacionalisti amerikan, shqiptar apo gjerman. Kjo tregon definicionin real të klasës së re të përzier pa vizion, parime dhe atdhe, që unë guxoj ta quaj internacionalizëm selektiv, i cili udhëhiqet nga kundraproduktiviteti klasor majtist. Çmeduria nuk ndalet aty, por klasa politike e komunizmit integral që është e frikësuar nga udhëheqësi unilateral i 75 milion votuesve amerikanë, për të mbyllur kapitullin e furtunës nacionale bëri impeachment ndaj Trump! Ju siguroj, se edhe nëse do mundohen të ndalojnë nacionalizmin e Donald Trump, ai do rritet dhe do bëhet një cunam jo vetëm Amerikan, por dhe më gjerë. Gjenerali Bolivar , njeriu që çliroi Amerikën e Jugut nga robëria Spanjolle u degdis deri në eksil, por ja që sot një pjesë e botës së qytetëruar e ka monumentin e tij deri dhe në Amerikë. Pra legasia e tij qëndron më fort sot se atëherë kur qe gjallë.

Gjatë këtyre ditëve, kam parë shumë karkalecë gjoja intelektualë pa bosht që marrin poza dhe skuqen në fytyrë si specat, duke mos qenë në gjendje të mbulojnë defiçencën e dijes, historisë dhe sjelljes qytetare. Askushët kërkojnë të bëhen dikush me përralla fëmijësh. Njëri nga ata, dhe pse nuk i mjaftoi “analiza brilante” e kurthës së fesë… hyri dhe në histori pë të na treguar se si u vra Indira Gandi, duke ngatërruar keq luftën sektiste me politikën e votës! O zot! Deri kur do të na shfaqen këta sharlatanë?! Pasioni majtist, ka qenë dhe është gjithnjë gangrena e paqes dhe zhvillimit. Çfarë nuk shikuam e dëgjuam gjatë këtyre katër viteve, retorika të shëmtuara kundër Presidentit të Amerikës, një llum dialektik degjenerativ që do ta kishte lakmi dhe Pol Poti. Askush nuk e ka përkrahur thyerjen në Capitol Hill! Ka qenë një akt i dënueshëm, sepse dhe ne që kemi ardhur më vonë në këtë vend e kemi quajtur altarin e demokracisë botërore…shtëpinë tonë , shkollën tonë dhe jo vetëm tempullin e shenjtë të popullit amerikan!

Histeria e majtë kundër demonstruesve paqësorë patriotë do gjykohet nesër nga historia dhe kurrë nga aparatçikët partiakë dhe mjeranë që shfrytëzojnë momentin për qëllime të mbrapshta. Thyerësit e ligjit nuk kanë asgjë të përbashkët me idealistët nacionalistë që nuk mund të barazohen kurrë në asnjë kusht e rrethanë me puthadorët e paguar.

Do vijë një ditë, kur të majtë e të djathtë, centristë e liberalë do e kuptojnë se kjo nuk ishte lufta kundër Trump, por ishte një konspiracion global ndaj Amerikës .

Dy fjalë për Joe Biden: Politikani amerikan që i dërgoi letrën e “famshme” Josiph Bros Titos. Njeriu që u tërhoq nga gara presidenciale në vitin 87-88 , sepse u kap në rrenë. Ky ishte kandidimi i tretë i tij. Megjithatë, ky personalitet pati fuqinë e korigjimit të vetvetes si ashkush tjetër, duke përkrahur pa rezerva Dardaninë martire, por në udhëtimin e vet politik nuk bëri asnjë gjë signifikative. Le të shpresojmë se, askush tjetër nuk e ka përvojën e tij politike per të bërë punët që nuk ka mundur t’i bëjë me parë.

Uroj me gjithë zemër Joe Biden, për Presidencën sepse dhe ky është mik i dashur i shqiptarëve dhe i demokracisë.

Ai duhet të bëjë kujdes nga dragoi i verdhë, globalizmi që padyshim është komunizëm Integral, neoliberalizmi (që nuk ka lidhje aspak me liberalen tradicionale amerikane) dhe Illuminati… dhe sidomos nga majtistët e partisë së vet.

Ai duhet të tregojë se është një gur i çmuar i shkollës politike klasike amerikane. Nëse ky bie viktimë e konspiracionit global, humbësi më i madh do të jetë Amerika!

Dy vite na ndajnë nga e vërteta e madhe !

Dhoma e Përfaqësuesve ngre zyrtarisht akuza për shkarkimin e Presidentit Trump

January 13, 2021 by dgreca

– Rezoluta për ngritjen e akuzave u miratua me 232 vota pro dhe 197 kundër-

Washington, 13 Janar 2021- Dhoma e Përfaqësuesve votoi për të ngritur zyrtarisht akuzat kundër Presidentit Donald Trump.

Rezoluta për ngritjen e akuzave u miratua me 232 vota pro dhe 197 kundër.

Vota në Dhomën e Përfaqësueve, vetëm një javë para se të mbarojë mandati i Presidentit Trump, shënoi të parën herë në historinë e Shteteve të Bashkuara kur ndaj një presidenti janë ngritur dy herë akuza për shkarkim të mundshëm, këtë here për nxitje dhune lidhur me sulmin në Kapitol.

Ndërsa republikanët votuan në bllok kundër ngritjes së akuzave për shkarkim të Presidentit Trump vitin e kaluar, nën akuzën për presion ndaj Ukrainës për të hetuar demokratin Joe Biden, tashmë president i zgjedhur, udhëheqësit republikanë të Dhomës së Përfaqësuesve këtë radhë kishin sinjalizuar se nuk do t’u bënin presion anëtarëve të tyre për të votuar kundër përpjekjeve për shkarkim.

Demokratëve që kontrollojnë Dhomën e Përfaqësueve iu bashkuan edhe 10 anëtarë republikanë të Dhomës së Përfaqësuesve, duke mbështetur përpjekjet për të shkarkuar presidentin.

Ndërsa vazhdonin komentet në Dhomën e Përfaqësuesve, Presidenti Donald Trump bëri thirrje për shmangien e akteve të dhunës. Përmes një deklarate të nxjerrë nga Shtëpia e Bardhë, presidenti thotë se “i nxitur nga njoftimet për demonstrata të reja, bëj thirrje: JO dhunë, JO thyerje ligji, JO vandalizëm i asnjë forme. Amerika nuk mishëron akte të tilla. U bëj thirrje Të Gjithë amerikanëve të ndihmojnë që të qetësojmë gjakrat dhe të ulim tensionet. Faleminderit”.

Miratimi i rezolutës për ngritjen e akuzave pasoi një sesion komentesh nga anëtarët e Dhomës së Përfaqësuesve që u karakterizua nga deklarata pro dhe kundër procesit të ndara përgjithësisht në linja partiake.

Kryetarja e Dhomës së Përfaqësuesve Nancy Pelosi e quajti presidentin një kërcënim “ndaj lirisë, vetë-qeverisjes dhe sundimit të ligjit”. Por një aleat i fortë i presidentit, ligjvënësi republikan nga Ohajo, Jim Jordan tha se ngritja e akuzave kundër presidentit “nuk do të bashkojë vendin. Ky është thjesht një akt politik”. Demokratët, tha zoti Jordan, “duan ta shuajnë këtë president”.

Ligjvënësi demokrat Steny Hoyer tha të mërkurën se presidenti “solli turp dhe kaos në presidencë” dhe e shndërroi në “armë urrejtjen”. Ligjvënësi republikan Tom Cole u shpreh kundër ngritjes së akuzave në ditët e fundit të presidencës Trump. “Nuk gjej dot asnjë shembull tjetër që mund të shkaktojë përçarje më të thella se sa ky akt që ka ndërmarrë shumica e Dhomës. Në vend që të përgatitemi për administratën e ardhshme, shumica e Dhomës ka vendosur të lajë hesapet me administratën ekzistuese”.

Ligjvënësi republikan Jason Smith tha: “Të vëmë popullin mbi politikën. Ky proces për ngritje akuzash është i papërgjegjshëm”.

Ligjvënësja Liz Cheney, numri tre ndër ligjvënësit republikanë të Dhomës së Përfaqësuesve dhe një ndër republikanët që mbështetën ngritjen e akuzave, tha se “kurrë më parë nga ana e një presidenti nuk ka patur një tradhëti më të madhe”.

Mes republikanëve të tjerë që thanë se do të votonin për ngritjen zyrtarisht të akuzave për shkarkimin e zotit Trump ishin ligjvënësit John Katko, Jaime Herrera Beutler, Adam Kinzinger, Dan Newhouse, Fred Upton dhe Kelly Armstrong.

Ligjvënësja Jaime Herrera Beutler kishte njoftuar të martën në mbrëmje se do të votojë pro ngritjes së akuzave. Ajo u shpreh nëpërmjet një deklarate se zoti Trump “veproi kundër betimit që ka bërë si president”.

“Presidenti i Shteteve të Bashkuara nxiti protesta të dhunshme që synonin të ndalonin transferimin paqësor të pushtetit nga një administratë në tjetrën”, tha Herrera Beutler.

Më parë, udhëheqësi republikan i Dhomës së Përfaqësuesve Kevin McCarthy, një aleat i ngushtë i zotit Trump, kishte paralajmëruar se “ngritja e akuzave për shkarkimin e zotit Trump gjatë kësaj periudhe do të kishte efektin e kundërt ndërsa vendi është i përçarë”.

Zoti Trump kishte përcjellë një mesazh të ngjashëm gjatë një vizite në kufirin SHBA-Meksikë të martën.

“Po shkakton zemërim e ndasi të jashtëzakonshme si dhe dhimbje shumë më të mëdha sesa shumica e njerëzve mund të kuptojnë, gjë që është shumë e rrezikshme për SHBA-në, veçanërisht në këtë kohë të brishtë”, tha zoti Trump.

Ai foli për “paqe e qetësi” dhe tha se tashmë është “koha për ligj e rend”.

Presidenti Trump, i cili në një video javën e kaluar i tha turmës së mbështetësve të tij; “ne ju duam, ju jeni shumë të veçantë”, nuk iu përgjigj pyetjeve të gazetarëve.

Tani çështja kalon për gjykim në Senat. Udhëheqësi i shumicës në Senat, republikani Mitch McConnell menjëherë pas votimit në Dhomën e Përfaqësuesve tha se procesi në senat do të fillonte në seancën e rregullt të ardhshme, më 19 janar një ditë para inaugurimit.

Në një deklaratë, zoti McConnell tha se “thjesht nuk ka asnjë shans që një gjyq i drejtë ose serioz të përfundojë përpara se Presidenti i zgjedhur Biden të bëjë betimin javën e ardhshme.”

“Edhe nëse procesi i Senatit do të fillonte këtë javë dhe do të vihej menjëherë në lëvizje, asnjë vendim i formës së prerë nuk do të merrej derisa Presidenti Trump të linte detyrën. Ky nuk është një vendim që po marr; është një fakt”, tha ai.

Kjo do të thotë që procesi do të vazhdojë kur Senati të jetë nën drejtimin demokrat.

Vetë senatori McConnell tha të mërkurën se “nuk kam marrë një vendim përfundimtar se si do të votoj”.

Kryetarja e Dhomës Nancy Pelosi njoftoi të martën vonë se kishte zgjedhur ligjvënësin Jamie Raskin për të udhëhequr një grup ligjvënësish që do të paraqesin çështjen në Senat.

“Është detyra e tyre kushtetuese dhe patriotike të paraqesin çështjen për shkarkimin e Presidentit”, tha zonja Pelosi në një deklaratë. “Ata do ta bëjnë këtë të udhëhequr nga dashuria e madhe për vendin, vendosmëria për të mbrojtur demokracinë tonë dhe besnikëria ndaj Kushtetutës. Ata do të nderojnë detyrën e tyre për të mbrojtur demokracinë për popullin me shumë solemnitet dhe urgjencë”.

Nuk është e qartë nëse udhëheqësit e Dhomës së Përfaqësuesve do t’i dërgojnë menjëherë akuzat për shqyrtim në Senat, duke pasur parasysh se mandati i zotit Trump përfundon javën e ardhshme. Edhe nëse zoti Trump do të largohej nga detyra, një vendim i Senatit pro akuzave pas përfundimit të mandatit, do ta ndalonte atë të kandidonte për një post zyrtar në qeverinë federale në të ardhmen.

Të martën vonë Dhoma e Përfaqësuesve miratoi një rezolutë nëpërmjet së cilës i kërkohej Nënpresidentit Mike Pence dhe anëtarëve të Kabinetit të zotit Trump të përdorin autoritetin që i jep Kushtetuta duke larguar zotin Trump nga detyra për paaftësi.

Votimi përfundoi me 223 vota pro dhe 205 kundër rezolutës dhe ishte pothuajse tërësisht në linja partiake.

Përpara votimit të rezolutës të martën, zoti Pence i dërgoi një letër zonjës Pelosi duke shpjeguar se ai nuk do të merrte veprime bazuar në Amendamentit 25-të të Kushtetutës së SHBA, sipas të cilit nënpresidenti dhe shumica e anëtarëve të kabinetit deklarojnë një president të paaftë duke e shkarkuar atë nga detyra.(Kortezi-Zeri i Amerikes)

Osmani kundërshton deklaratat e Lajçakut për njohjen e Kosovës

January 13, 2021 by dgreca

Ushtruesja e detyrës së presidentit të Kosovës, Vjosa Osmani, reagoi të mërkurën ndaj pretendimeve nga përfaqësuesi i Posaçëm i Bashkimit Evropian për dialogun Kosovë-Serbi, Mirosllav Lajçak, i cili ka thënë se nëse Serbia e ndryshon pozicionin karshi Kosovës, atëherë njëjtë do të mund të vepronin edhe pesë vendet evropiane që nuk e njohin pavarësinë e Kosovës.

Sipas Osmanit është për të ardhur keq nëse politika e jashtme e këtyre vendeve i nënshtrohet asaj të Serbisë dhe Rusisë.

“Përveç që është për keqardhje, është edhe e rrezikshme për gjithë Bashkimin Evropian që pesë shtetet anëtare të tij të përcaktojnë rregullat dhe qasjet e tyre duke u bazuar në dëshirat dhe kërkesat e Serbisë”, ka thënë Osmani duke bërë thirrje që këto shtetet të njohin realitetin, duke respektuar edhe mendimin e Gjykatës Ndërkombëtare të Drejtësisë dhe ta njohin Kosovën, e jo të presin që këtë ta bëjë së pari Serbia.

Spanja, Sllovakia, Rumania, Qiproja dhe Greqia janë pesë vende anëtare të BE-së nuk e kanë njohur pavarësinë e Kosovës.

Ushtruesja e detyrës së presidentit të Kosovës, Vjosa Osmani ka përfunduar të mërkurën vizitën e saj në Bruksel, ku është takuar dhe zyrtarë të lartë të BE-së dhe me kryetarët e dy dhomave të Parlamentit të Belgjikës. Osmani mbrëmë ka pasur takim me të dërguarin e posaçëm të BE-së Mirosllav Lajçak e më herët edhe me kryetarin e Parlamentit Evropian David Sasolli, si dhe Komisionarin e BE-së për Fqinjësi dhe Zgjerim Oliver Verhelyi.

Të martën, më 12 janar, Lajçak theksoi në një diskutim përmes videos me ambasadoren gjermane në Uashington, Emily Haber, se pozicioni i këtyre pesë vendeve mund të ndryshojë nëse arrihet një marrëveshje midis Kosovës dhe Serbisë.

“Gjithçka që është e pranueshme për Serbinë do të jetë e pranueshme për vendet e tjera që nuk e kanë njohur Kosovën”, nënvizoi Lajçak, duke iu referuar kontakteve që ka me këto vende, por gjithashtu duke iu referuar vendit të tij, Sllovakisë, e cila gjithashtu nuk e ka njohur pavarësinë e Kosovës. Ai ka shërbyer si ministër i Punëve të Jashtme të Sllovakisë.

“Si ish- ministër i Jashtëm i Sllovakisë, kur me pyesnin se kur do ta njohë vendi im Kosovën, unë ju deklaroja: Më jepni një lajm të mirë, në mënyrë që të shkojë në parlament t’ju them ka ardhur koha të konsiderojmë pozicionin tonë. Pra, qartazi lajmi i mirë është marrëveshja me Serbinë”, ka thënë Lajçak.

Gjatë qëndrimit në Bruksel, u.d presidentit, Vjosa Osmani ka thënë se në takim, Lajçaku ka insistuar që Kosova mund të vazhdojë dialogun vetëm pasi të ketë një qeveri legjitime, e cila do të dalë nga zgjedhjet që do të zhvillohen me 14 shkurt.

Dialogu ndërmjet Kosovës dhe Serbisë, nën ndërmjetësimin e Bashkimit Evropian ka nisur më 2011. Ai u ndërpre për 20 muaj, nga fundi i vitit 2018 për shkak të taksës 100 për qind që Kosova vendosi ndaj produkteve nga Serbia dhe Bosnje- Hercegovinës, nga qeveria e udhëhequr në atë kohë nga Ramush Haradinaj. Më pas, qeveria e ardhshme e Albin Kurtit e hoqi tarifën, por e vendosi masat e reciprocitetit. Serbia kundërshtonte të ulej në tryezë të bisedimeve, derisa Kosova kishte në fuqi masa të tilla.

Më ardhjen ne pushtet, qeveria e udhëhequr nga kryeministri, Avdullah Hoti shfuqizoi reciprocitetin, duke mundësuar rifillimin e dialogut në korrik të 2020-ës.

Ka disa muaj që kryeministri i Kosovës, Avdullah Hoti dhe presidenti i Serbisë, Aleksandar Vuçiq nuk kanë zhvilluar raunde të reja të bisedimeve. Nga BE-ja është thënë se takimet në nivel politik nuk po mbahen për shkak të pandemisë së koronavirusit.

BE-ja ka thënë se ky proces ka për qëllim normalizimin e plotë të marrëdhënieve ndërmjet Prishtinës dhe Beogradit zyrtar.

***

Lajçak: Vazhdimi i dialogut pas zgjedhjeve në Kosovë

Përfaqësuesi i Posaçëm i Bashkimit Evropian për dialogun Kosovë-Serbi, Mirosllav Lajçak, ka konfirmuar se nuk do të organizojë ndonjë raund të ri të dialogut mes Prishtinës dhe Beogradit, pa përfunduar procesi zgjedhor në Kosovë.

“Nuk është momenti për të organizuar një takim të ri. Ne kemi nevojë për një qeveri të re me një mandat të fortë që do të vazhdojë procesin e dialogut”, tha Lajçak. Ai mori pjesë në një diskutim përmes videos me ambasadoren gjermane në Uashington, Emily Haber, për të diskutuar bashkëpunimin e SHBA-së dhe Evropës me Ballkanin Perëndimor.

Duke komentuar ndryshimet në administratën amerikane që do të ndodhin pas inaugurimit të demokratit, Joe Biden, si president i Shteteve të Bashkuara, më 20 janar, Lajçak tha se ishte i inkurajuar nga emërimet e reja në administratën e ardhshme, të cilat, siç tha ai, “nuk kanë nevojë për mësime rreth rajonit” sepse ata janë njerëz që kanë njohuri me proceset në Ballkanin Perëndimor.

“Jam optimist sepse administrata e re po emëron njërëz që e njohin Ballkanin Perëndimor, që ndjejnë përgjegjësi për rajonin. Ata që tashmë janë emëruar, nuk kanë nevojë që të marrin ligjerata për rajonin. Është administratë e re, por që po emëron njerëz të dëshmuar si partner të BE-së dhe Ballkanit Perëndimor”, tha Lajçak.

Përfaqësuesi i BE-së për dialogun, pranoi se nuk kishte pasur asnjë koordinim midis Brukselit dhe Uashingtonit në vitin e kaluar.

“Vitin e kaluar, kishte padyshim dy pista: evropiane dhe amerikane. Nuk ishte zgjedhja jonë të shkonim veç e veç. Partnerët tanë në rajon ishin të hutuar sepse nuk donin të ishin në një pozitë nga e cila duhej të zgjidhnin anë”, tha Lajçak.

Ai vuri në dukje se procesi i dialogut do të shënojë së shpejti dhjetë vjetorin e tij dhe se është koha për të arritur një marrëveshje gjithëpërfshirëse mbi normalizimin e marrëdhënieve mes Kosovës dhe Serbisë. Për të arritur këtë, ai tha se është e nevojshme që politikanët të jenë në gjendje ta “shesin” atë dokument për publikun, por gjithashtu “do të nevojiten disa ndryshime ligjore dhe kushtetuese në këto vende, si dhe mbajtja e një referendumi të mundshëm”.

Përfaqësuesi i Posaçëm i Bashkimit Evropian për dialogun Kosovë-Serbi, Mirosllav Lajçak, tha se askush nuk mund të garantojë që pas një marrëveshjeje të mundshme Kosovë-Serbi, pesë vendet evropiane që nuk e njohin Kosovën, do ta njohin atë.

Kjo, sipas tij është një çështje e brendshme e këtyre vendeve megjithëse, siç tha, ka sinjale se ato po përcjellin me vemendje procesin e dialogut.

“Si ish- ministër i Jashtëm i Sllovakisë, kur me pyesnin se kur do ta njohë vendi im Kosovën, unë ju thoja: me jepni një lajm të mirë, në mënyrë që të shkojë në parlament t’ju them ka ardhur koha të konsiderojmë pozicionin tonë. Pra, qartazi lajmi i mirë është marrëveshja me Serbinë”, tha Lajçak.

“Gjithçka që është e pranueshme për Serbinë do të jetë e pranueshme për vendet e tjera që nuk e kanë njohur Kosovën”, nënvizoi Lajçak, duke konfirmuar se është në kontakt me këto vende.

Dialogu ndërmjet Kosovës dhe Serbisë, nën ndërmjetësimin e Bashkimit Evropian ka nisur më 2011. Ai u ndërpre për 20 muaj, nga fundi i vitit 2018 për shkak të taksës 100 për qind që Kosova vendosi ndaj produkteve nga Serbia dhe Bosnjë e Hercegovina, nga qeveria e udhëhequr në atë kohë nga Ramush Haradinaj. Më pas, qeveria e ardhshme e Albin Kurtit e hoqi tarifën, por e vendosi masat e reciprocitetit. Serbia kundërshtonte të ulej në tryezë të bisedimeve, derisa Kosova kishte në fuqi masa të tilla.

Më ardhjen ne pushtet, qeveria e udhëhequr nga kryeministri, Avdullah Hoti shfuqizoi reciprocitetin, duke mundësuar rifillimin e dialogut në korrik të 2020-ës.

BE-ja ka thënë se ky proces ka për qëllim normalizimin e plotë të marrëdhënieve ndërmjet Prishtinës dhe Beogradit zyrtar.

Më 4 shtator 2020, Kosova dhe Serbia kanë nënshkruar në Shtëpinë e Bardhë në Uashington, dy dokumente për normalizimin e raporteve ekonomike, në prezencë të presidentit amerikan, Donald Trump.