Archives for October 2022

TË ENJTEN FILLON EDICIONI I XXVI I FNP “DITËT E NAIMIT”

October 19, 2022 by s p

Konferencë shtypi e Drejtorisë së FNP “Ditët e Naimit”

Prej 20-23 tetor 2022, në Tetovë do të mbahet Edicioni i 26-të i Festivalit Ndërkombëtar të Poezisë “Ditët e Naimit”. Atë do ta karakterizoj një program i ngjeshur letrar, artistik dhe kulturor. Në te do të mbahen disa lexime letrare, do të ndahet çmime të ndryshme letrare, si dhe do të bëhen vizita në monumentet kulturore, historike dhe fetare në qytetin e Tetovës dhe Prizrenit. Kjo u bë e ditur sot, në një Konferencë shtypi të mbajtur në Tetovë, nga drejtori dhe anëtarët tjerë të FNP “Ditët e Naimit”, Shaip Emërllahu, Bujar Plloshtani dhe Xhelal Zejneli.

Në Edicionin e 26-të të Festivalit Ndërkombëtar te Poezisë “Ditët e Naimit” marrin pjesë poetë nga vende të ndryshme të botës, si: (Reme Alverez Diaz (SPAIN), Waqas Khawaja (PAKISTAN/USA), Dalila Hiaoui (MOROCCO/ITALY), Anton Gojcaj (MONTENEGRO), Lali Michaeli (ISRAEL), Kristoffer Leandoer (SWEDEN), Malak Mustafa (SYRIA/SPAIN) ), Borce Panov (NORTH MACEDONIA), Lucila Trapazo (SWITZERLAND), Aleksy Wrobel (POLAND/UK), (NORTH MACEDONIA), Dimitris Kraniotis (GREECE), Remzi Salihu (NORTH MACEDONIA), Sema Gyler (TURKEY), Ndue Ukaj (KOSOVO), Daniela Andonovska Trajkovska (NORTH MACEDONIA), Mara Venuto (ITALY), Arjan Kallço (ALBANIA), Nurie Emrulai (NORTH MACEDONIA), Sofija Mileva (BULGARIA), Ekrem Aruli (NORTH MACEDONIA), Jasmina Salija (SLOVAKIA)

Kështu, hapja e ceremonisë së Edicionit të XXVI të Festivalit Ndërkombëtar të Poezisë “Ditët e Naimit” do të bëhet të enjten në orën 19.30, përmes një performance fishekzjaresh para Qendrës së Kulturës “Naim Frashëri”, në Tetovë. Drejtori i Festivalit, Shaip Emërllahu, laureati suedez Kristoffer Leandoer dhe një delegacion nga Komuniteti Bektashian do të vendosin buqete lulesh para shtatores së poetit te madh “Naim Frashëri”. Në hyrje të Qendrës së Kulturës, publikut edhe në këtë hapje do t’iu dhurohet Antologjia e këtij edicioni dhe libra të tjerë të Festivalit.

Më pas në Sallën e Madhe do të bëhet hapja zyrtare e Programit të Edicionit të 26-të FNP “Ditët e Naimit”, ku hapjen do ta bëj drejtori i Festivalit z. Shaip Emërllahu.

Në hapje të këtij Edicioni, aktori Arsim Kaleci do të recitoj poezinë “Fjalët e Qiririt” të Naim Frashërit, ndërsa nga një pikë muzikore me piano, gitare dhe në flautë do të ekzekutojnë virtuoz të muzikës klasike.

Në orën e madhe letrare ‘Globi poetik’, përveç leximit të poetëve, do t’i ndahet edhe çmimi i madh letrar “Naim Frashëri” dhe do t’i jepet titulli Anëtar Nderi, laureatit suedez Kristoffer Leandoer, te cilin juria e Festivalit e perbere nga prof. dr. Ymer Ciraku (Shqiperi), Mr. Ndue Ukaj (Kosove) dhe prof. Xhelal Zejneli (Maqedonia e Veriut), ja ndane kohe me pare. Çmimin e madh letrar “Naim Frashëri” dhe titullin e lartë, Anëtarë Nderi të Festivalit, deri tani e kanë marrë shkrimtarët dhe intelektualët e njohur, si Ismail Kadare dhe Fatos Arapi (Shqipëri), Desmond Egan (Irlandë), Thomas Tidholm (Suedi), Manlio Argueta (Salvador), Ali Podrimja (Kosovë), Abdellatif Laabi (Marok), Peter Poulsen (Danimarkë), Lionel Ray, (Francë), Eva Lipska (Poloni), Craig Czury (SHBA), Tua Forsstrom (Finlandë), Athanase Vantchev de Thracy (Francë), Sebastiano Grasso (Itali), Kuei shien Lee (Taivan), Beat Brehbuhl (Zvicër), VisarZhiti (Shqipëri), Xhorxh Uallas (SHBA), Fiona Sampson (Angli) etj .

Në ditën e dytë të Programit, poetët do ti vizitojnë monumetet kulturore dhe historike në qytetin e Tetovës kurse në orën 18.00 në Qendrën për Kulturë dhe Art “Shift Center” do të mbahet ora letrare “Poetë dhe vargje” dhe do të ndahet çmimi letrar Silke/Lirie Blumbach.

Në ditën e tretë poetët do të shkojnë në Prizren, ku përveç vizitave që do tiu bëjnë monumenteve kulturore dhe historike të Prizrenit ata do te mbajne edhe orën letrare “Meridiane poetike”, ku krijimet e tyre do ti lexojnë poetët pjesëmarrës.

Aty do të ndahet edhe katër mimet letrare, Ditët e Naimit”, “Menada”, “Oeneumi” dhe Qiriu I Naimit”

Nderkaq, ne mbremje do te mbahet ora e madhe letrare “Meridianet poetike”, ku do te lexojne poezite e tyre poete te shumte te huaj dhe shqiptare, si dhe do të ndahen katër çmimet tjera letrare të Festivalit.

Ne fund do te behet mbyllja e Edicionit te 26 te FNP “Ditet e Naimit”.

Festivali këtë vit mbështetet nga Ministria e Kulturës e Republikës së Maqedonisë, Komuna e Prizrenit si dhe sponzorët restorant “Kurtishi” dhe “Parajsa e Sharrit”.

D. Hadri

Tetovë, 18. X. 2022

NGA “PËRFUNDIMI” I PANDEMISË TË VAKSINAT PËRFORCUESE…

October 19, 2022 by s p

Dr. Pashko R. Camaj, Doktor i Shkencave të Shëndetit Publik

Që nga fillimi i pandemisë COVID-19, një pyetje dominuese ka qenë: kur do të “mbarojë” pandemia? Në ditët e para të 2020-ës, shumë e kishin parashikuar që pandemia do të përfundonte me zhdukjen e plotë të Koronavirusit të ri, pasi te bënte një ‘cikël’ të plotë në mbarë globin. Por valë pas vale, u bë e qartë se kjo ishte e pamundur dhe fokusi u zhvëndos dhe u perqendrua ndaj eliminimit të ketij virusi. Plani ishte: të gjejmë një vaksinë dhe nëse mjaft njerëz do të vaksinohen, për të arritur imunitetin e tufës, dhe kështu mund të ndalojmë përhapjen e virusit. Kur edhe kjo u bë e pamundur, ne “pranuam” që virusi të vazhdonte të qarkullonte, duke shpresuar se do të bëhej si një nga katër Koronaviruset e rendomte, që shkaktojnë ftohjet e zakonshme.

Në fillim të këtij muaji, pas një jave në të cilën pothuajse 3,000 amerikanë vdiqën nga COVID-19, disi e papritur, Presidenti Biden shpalli se “pandemia ka marrë fund.” Duke kuptuar se mund të ketë shkaktuar një problem me këtë deklaratë, ai vazhdoi me shpejtësi duke shtuar: “Ne kemi ende një problem me COVID. Ne jemi ende duke bërë shumë punë për të.” Ne fakt, kesaj jave ai vazhdoj statusin “emergjencë publike shëndetësore” dhe për 90 ditë të tjera. E shpallur për herë të parë në janar 2020 nga administrate e presidentit Trump, ky status është rinovuar çdo 90 ditë që nga fillimi i pandemisë, duke mundesuar akses ndaj fondeve te duhura për menaxhimin e saj. Shumë e kanë parë këtë deklarate si një kontradiktë. Por ne realitet shumë jane dakord me kete qendrim, dhe ata e shohin atë si një mënyrë se si ne përballemi me çdo sëmundje tjetër – një përpjekje për të normalizuar COVID. Në fund të fundit, ne nuk i trajtojmë gripin, kancerin, sëmundjet e zemrës, tuberkulozin, hepatitin C, etj., si urgjenca kombëtare që ngaterrojne jetën e përditshme, edhe pse vazhdon puna për parandalimin dhe trajtimin e tyre. Strategjia e SHBA-së për COVID me siguri duket se po shkon në atë drejtim, pra nje fund i pandemisë si e kemi njohur nga fillimi, por pa një deklarate të tillë. Gjërat janë përmirësuar padyshim që nga kulmi i krizës, por të quash pandeminë të “mbaruar” me njërën anë të gojës, dhe me tjetrën te vazhdosh se “kemi problem me COVID,” mund të jetë po aq e dëmshme sa të thuash, “pandemia do të mbarojë deri për Pashkë.”

Ky ndryshim i fokusit tonë është, pjesërisht, një llogari me realitetin biologjik të COVID. Virusi që doli nga Wuhan, Kinë, në vitin 2019 ishte tashmë aq i mirë për t’u përhapur – duke përfshirë nga njerëzit pa simptoma – sa çrrënjosja ndoshta nuk kishte kurrë një shans pasi COVID u përhap globalisht. Me kalimin e kohës, u bë gjithashtu e qartë se imuniteti thjesht nuk ishte mjaft i qëndrueshëm për t’u eliminuar përmes imunitetit të tufës. Virusi evoluon shumë shpejt dhe imuniteti ynë ndaj infeksionit COVID duket se zbehet shumë shpejt – siç ndodh me viruset e tjera të frymëmarrjes – edhe pse imuniteti ndaj sëmundjeve të rënda tenton të vazhdojë. Tetëdhjetë e tetë përqind e të gjitha vdekjeve nga COVID gjatë muajit shtator kanë qenë te personat mbi 65 vjeç. Me një lodhje të publikut nga masat pandemike dhe institucionet e shëndetit publik që heziton t’i shtyjë ato, situata duket se nuk ka gjasa të përmirësohet së shpejti.

A ËSHTË COVID MË I RËNDË SE GRIPI (INFLUENZA)?

Përgjigje e shkurtër, po COVID është më i rende se gripi, të paktën trefish. Në të gjithë popullsinë, COVID ende po vret shumë herë më shumë njerëz sesa gripi, sepse ai ende po sëmur shumë më shumë njerëz. Faktorë të rëndësishëm që dallojnë COVID-in nga virusi i gripit, pavarësisht nga një shkallë relativisht e ngadaltë e mutacionit në fillim të pandemisë, COVID shpejt evoluoi në variante që janë në thelb më ngjitëse dhe më të mira në shmangien e imunitetit. Me çdo valë të madhe, virusi është bërë vetëm më i transmetueshëm. Koronavirusi nuk mund të vazhdojë të bëhet më i transmetueshëm përgjithmonë, por ai mund të vazhdojë të ndryshojë për të shmangur imunitetin tonë në thelb përgjithmonë. Shkalla e evolucionit të saj është shumë më e lartë se ajo e Koronaviruseve të tjera të ftohjes së zakonshme. Është më e lartë se edhe ajo e gripit H3N2 – virusi më i mundimshëm dhe më i shpejtë i gripit. Omicron është ekuivalenti i pesë viteve të evolucionit të virusit që shkakton gripin.

PO NË LIDHJE ME COVID-IN E ZGJATUR?

Për shumicën e njerëzve që sëmuren me COVID-19, sëmundja vjen dhe shkon në një apo dy javë. Por disa individë në përgjithësi, njerëzit, sistemi imunitar i të cilëve është i fortë, do të vrasin të gjithë koronvirusin në fazën paraprake të infeksionit. Ndërsa në rast të pacientëve të imunokompromituar, kjo ne shume raste nuk mund të ndodhë. Ata bëhen të paaftë për të vrarë të gjithë këta viruse dhe infeksioni përparon. Dy gjëra ndodhin, ose pacienti vdes nga pneumonia COVID-19 ose infeksioni largohet nga mushkëritë që përhapen në të gjithë trupin. Këta individë zhvillojnë simptoma të zgjatura, disa herë ligështuese, që zakonisht quhen COVID i zgjatur që kalon në një infeksion kronik që zgjat disa muaj e deri në vite. Simptomat e COVID i zgjatur

përfshijnë lodhjë të qëndruashme, shkurtimin e frymëmarrjes, humbjen e përqendrimit, dhimbje koke dhe të përbashkët, mjegull të trurit, mpirje dhe dridhje, probleme intestinale, pagjumësi, marramendje, tingëllomë në veshë dhe shikim të turbullt

Deri në 4 milionë njerëz në SHBA janë pa punë për shkak të Covid-it të zgjatur sipas Qendrës për Progresin Amerikan, një institut progresiv. Specialistët që trajtojnë Covid-in e zgjatur raportojnë lista pritjeje disamujore. Covid-i i zgjatur mund të marrë shumë forma, duke përfshirë rraskapitjen, mosfunksionimin kognitiv, çështjet neurologjike dhe dhimbjen kronike. Disa studime të fundit kanë treguar se shumë përvoja të pacientëve tregojnë se simptomat mund të zgjasin me vite. Nuk ka një kurë të njohur për Covid-in e zgjatur dhe mënyra e vetme për ta parandaluar atë është të mos infektoheni fare. Sigurisht që vaksinat po ndihmojnë. Përpara se të bëheshin të disponueshëm, rreth një e treta e të gjithë të infektuarve me virusin kishin kaluar me Covid të zgjatur. Ka të dhëna krejt të reja që tregojnë se nëse jeni vaksinuar dyfish dhe jeni i rritur, atëherë rreziku i zhvillimit të, Covid-in e zgjatur, nëse infektoheni me virus, është ndoshta më shumë si 16, 17 përqind. Ky është lajmi i mirë. Lajmi i keq është se shanset 1 në 6 ende përkthehen për shumë njerëz: Për çdo milion njerëz edhe pse të vaksinuar që infektohen me COVID, 160,000 deri në 170,000 do të zhvillojnë Covid të zgjatur.

Ndërsa ne mund të mos arrijmë në një deklaratë se pandemja ka “marrë fund” në të ardhmen e afërt, qasja se si e menaxhojmë dhe trajtojmë pandeminë ka ndryshuar për shumicën prej nesh. Prandaj është e rëndesishme që deklaratat nga Presidenti apo dhe institucionëve përkatëse të Shendetit Publik të dalin me qëndrime konkrete që të mos jenë kontradiktore me realitetin. Ndërkohe, me një valë të re të mundshme të nxitur nga një variant i ri këtë vjeshtë dhe dimër, një rekomandim i mirë dhe i arsyeshëm vazhdon të jetë: në veçanti për ata që janë më të rrezikuarit mes nesh, veçanërisht të moshuarit dhe të imunokompromituar, duhet të marrin vaksina të reja përforcuese “bivalente” për të zvogëluar mundësinë dhe efektet negative të infeksionit.

PUSHTETI EKZEKUTIV DHE KËSHILLI KONTROLLUES I FINANACAVE NË STATUTIN E ZGJERUAR TË LUSHNJES (1922)

October 19, 2022 by s p

Nga Kevin HAXHIU – JURIST

KËSHILLI I NALTË

“Statuti i Zgjeruar i Lushnjes” ashtu si “Statuti i Lushnjes” parashikonte për formë qeverisje Monarkinë por që përkohësishtë vendin e Mbretit e zinte Këshilli i Naltë.Ky Këshill ushtronte pushtetin përmbarues (ekzekutiv).Këshilli i Naltë vepronte si një organ kolegjial i përbërë nga një trup prej katër anëtarësh të cilët zgjidheshin nga Parlamenti më shumicë absolute votash me një mandatë tre vjeçar (Artikulli 45).Anëtar i Këshillit të Naltë mund të zgjidheshin shtetasit shqiptar më racë dhe gjuhë,nënshtetasit shqiptar,që kishin mbushur moshën 35 vjeç dhe që gëzonin të drejta civile dhe politike si dhe cilësi të kërkuara nga ligji.Anëtarët e Këshillit një nga një dhe sipas renditjes analfabetike të emrave të tyre bëheshin kryetar të këshillit për tre muaj për të rregulluar veprimet e brendshme të Këshillit.Kryetari mblidhte dhe kryesonte mbledhjet e Këshillit të Naltë por në rast se mungonte kryetari atëherë vendin e tij e zinte një nga anëtarët që do të ishtë kryetar së afërmi.Këshilli i Naltë bisedonte vetëm në rast se në mbledhje ishin të pranishëm tre nga anëtarët e tij si dhe vendimet duhet ti merrte me shumicën e votave të tij.Vota më me peshë në Këshillin e Naltë ishte ajo e kryetarit të tij.Kërkesat e anëtarëvë që të merrnin leje për pushime i drejtoheshin Këshillit të Naltë nëpërmjet kryetarit të tij dhe Këshilli vendoste pranimin ose mos pranimin e kërkesave.Dorëheqjet i drejtoheshin parlamentit i cili vendoste pranimin ose mos pranimin e dorëheqjes.Nuk mundej që për një kohë të gjatë të mungonte më shumë se një anëtar i Këshillit.Në rast vdekje,sëmundjeje të pashërueshme që ndalonte veprimin ose dorëheqje të njërit apo më shumë anëtarëvë të Këshillit të Naltë,atëherë Parlamenti në mënyrën e parashikuar në artikullin 45 të Statutit zgjidhte tjetër ose të tjerë në vendin e tij ose të tyre.Kur Parlamenti ishte me pushime atëherë Këshilli i Lartë mblidhte Parlamentin sa më shpëjtë që të zgjidheshin anëtarët për vendet që kishin mbetur vakante.Deri në plotësimin e vëndeve vakante,kompetencat e Këshillit të Lartë i ushtronin anëtarët ose anëtari i mbetur në detyrë dhe nëse nuk ka mbetur asnjë anëtar atëherë këto kompetenca i ushtronte Kryeministri.Periudha tre vjeçare e mandatit të anëtarit fillonte që nga dita e zgjedhjes së tij në atë funksion.Anëtari i Këshillit të Naltë nuk mund të zgjidhej për dy manadate rradhazi.Përpara nisjes së detyrës kryenin betimin përpara Parlamentit.Parlamenti merrte masat më përpara e deri sa ishte i hapur në lidhje me zgjedhjen dhe betimin e anëtarit ose anëtarëve që do të merrnin detyrën e atij/atyre që mandati i të cilit/të cilëve do të mbaronte gjatë kohës kur Parlamenti ishte me pushime.Paga e anëtarëve të Këshillit të Lartë ishte mujore në shumën 1000 franga ari,pagë e cila mund të ndryshohej me ligj herë pas herë.Këshilli i Naltë nuk mbante asnjë përgjegjshmëri për aktet e tij por vetëm më një përjashtim në rast së do të akuzohej për tradhëti të madhe si dhe kur aktet e tij nuk kishin kundërfirmën e ministrit ose të ministrave kompetentë (Artikulli 57).Anëtarët e Këshillit të Lartë gëzonin imunitet parlamentar.Parlamenti nuk i shkarkonte dot nga detyra anëtarët e Këshillit të Naltë por në rast kur këta të fundit paditeshin nga Parlamenti për aktet e tyre që parashikoheshin në artikullin 57 kjo do të sillte shkarkimin e anëtarëve vetvetiu.Këshilla e Naltë ishte kreu më i lartë i shtetit si dhe kishte drejtimin e komandës së përgjithshme të forcave të armatosura.Këshilli emëronte të gjithë nënpunësit e lartë të shtetit,nxirrte dekrete dhe rregullore të nevojshme për ekzekutimin e ligjeve.Ato dekrete e rregullore që binin në kundërshtim me ligjin dhe që pezullonin veprimin ose urdhëronin mosveprimin e tyre,këto dekrete e rregullore ishin të paligjshme dhe mbeteshin pa efekt.Këshilli i Naltë mund të nënshkruante marrëveshje dhe traktate të çdolloji por të cilat do të kishin efekt vetëm nëse do të merrnin pëlqimin nga Parlamenti.Këshilli i Naltë nuk kishte të drejtën që të shpallte luftë pa marrë leje nga Parlamenti por me një përjashtim vetëm në rastet e mbrojtjes.Këshilli i Naltë kishte detyrë që të urdhëronte shpalljen dhe zbatimin e të gjitha projektligjeve që ishin votuar nga Parlamenti.Këshilli i Naltë mund ta thërriste Parlamentin në mbledhje të jashtëzakonshme.Këshilli i Naltë si dhe Parlamenti kishin të drejtën të propozonin ligje por propozimi i ligjeve që sillnin shtesa ose barrë financiare i përkiste Këshillit të Naltë.Aktet e Këshillit të Naltë nuk kishin vlerë pa kundërfirmën e ministrit ose të ministrave kompetentë.Këshilli i Naltë në situatë lufte të brendshme/të jashtme,kryengritje,mobilizimi të përgjithshëm nën përgjegjësinë e Qeverisë dekretonte shpalljen e shtetrrethimit dhe vendoste në zbatim ligjin e përkohëshëm në të gjithë territorin e shtetit ose vetëm në ndonjë pjesë të tij.Nëse Parlamenti ishte i mbledhur duhet të merrej autorizimi nga ana e tij përpara se të vendosej në zbatim por në rast se parlamenti nuk gjendej i mbledhur Këshilli i Naltë e vendoste në zbatim por që dekreti për shpalljen e shtetrrethimit brënda 15 ditëvë nga data e dekretit duhet të permbante dhe aprovimin e Parlamentit pasi përndryshe dekreti ishte i pafuqishëm.Dekreti i paraqitej Parlamentit mbas mbledhjës së tij për aprovim/refuzim dhe Parlamenti brenda 30 ditëve nga data e shpalljes së këtij dekreti jepte vendimin e refuzimit ose të aprovimit të tij.Pezullimin e artikujve të Statutit përkohësisht në lidhje me lirinë personale,të drejtën e mbledhjeve,të drejtën e shoqërimit,padhunueshmërinë e banimit,lirinë e fjalës e të shtypit si dhe fshehtësinë e letrave përkohësisht kishte për ti rregulluar një ligj i posaçëm i cili mund të vendosej në zbatim i tëri ose pjesërisht.Në raste kur në vend nuk ka Parlament atëherë thirrej Parlamenti i mëparshëm vetëm që të kryente funksionet e treguara më lartë dhe këta deputetë sa për këtë funksion gëzonin të gjithë imunitetin e deputetit.Këshilli i Naltë kishte kompetencë që të zgjidhte Kryeministrin si dhe ta emëronte atë dhe ministrat e zgjëdhur prej tij,këta jo më vonë se 3 ditë nga data e emërimit duhet të paraqiteshin përpara Parlamentit për të shpallur programin e tyre si dhe për të marrë votëbesimin pasi në rast të kundërt do të quheshin sikur kishin marrë votë mosbesimin.Qeveria binte vetëm kur nuk kishte besimin nga ana e Parlamentit.Qeveritë e emëruara nësë nuk arrinin që të merrnin për trë herë rradhazi votëbesimin nga Parlamenti,atëherë Këshilli i Naltë kishte për detyrë që të mblidhte brenda dy muajve Kuvendin Kombëtarë dhe ky i fundit brenda 15 ditësh gjykonte këtë konflikt dhe vendoste shkarkimin e Këshillit të Naltë,apo shpërndarjen e Parlamentit.Nisur nga sa më lartë shohim që Kuvendi Kombëtarë në këtë rast kishte një funksion “quasi gjyqësorë” pasi shqyrtonte konfliktin ndërmjet dy institucioneve të larta të shtetit siç ishin Këshilli i Naltë dhe Parlamenti.Nisur nga funksioni që kryente si dhe vendimet që merrte ishin këto arsyet që do ta poziciononin Kuvendin Kombëtarë në krye të hierarkisë institucionale të shtetit Shqiptarë.Deri sa të zgjidhej konflikti ndërmjet Këshillit të Naltë dhe Parlamentit,në fuqi do të qëndronte Qeveria e fundit në rradhë e tre qeverive që nuk kishin marrë votëbesimin e Parlamentit.

KABINETI (QEVERIA)

Ministër mund të emërohej cilido që kishte cilësitë e kërkuara nga ligji për t’u zgjedhur deputet.Ministër nuk mund të emërohej:-“1.Gjinit nga gjaku të anëtarëve të Këshillit të Naltë deri në gradën e dytë ; 2.Dy gjini nga gjaku deri në gradën e tretë në të gjithë kabinetin ; 3.Të huajt për nga raca që ishin natyralizuar nënshtetas shqiptarë”.Në Parlament Ministrat hynin të lirë dhe dëgjoheshin gjithmonë kur ata kërkonin fjalën ndërsa përsa i përket të drejtës së votës e kishin vetëm ata ministra që ishin dhe deputet njëkohësisht.Qeveria ishte e përgjegjëshme politikisht përpara Parlamentit,solidarisht për poltikën e përgjithshme të saj dhe secili ministër ishte i përgjegjshëm për veprat e tij.Urdhëri i Këshillit të Naltë asnjëherë s’mund t’i shkarkonte ministrat nga përgjegjësisa e tyre.Ministrat gëzonin imunitet parlamentar.Vendimet e Qeverisë por edhe vendimet e veçanta të Ministrave që binin në kundërshtim me Statutin,ligjet dhe dekretet ishin pa fuqi.

KËSHILLI KONTROLLUES I FINANACAVE

Finanacat e Shtetit kontrolloheshin nga Këshilli Kontrollues i Financave dhe organizimi i këtij institucioni bëhej me ligj të posaçëm në të cilin përcaktoheshin mënyra e ushtrimit të kompetencave dhe detyrave të tij si dhe cilesit e anëtarëve që do të ishin pjesë e tij.Përveç të drejtave që caktoheshin në ligjin e posaçëm ky Këshill kishte të drejtën e kontrollit preventivë dhe represiv të llogarive të të gjithë Administratës shtetërore.Në Satut përcaktohej dhe mënyra e zgjedhjes dhe emërimit të anëtarëve të këtij Këshilli ku Parlamenti propozonte një numër dyfish të anëtarëve të nevojshëm dhe Këshilli i Naltë vetëm gjysmën e tyre e emëronte me vendim të Qeverisë.Patundëshmëria e anëtarëve të këtij Këshilli sigurohej në të njëjtën mënyrë të përcaktuar në Statut për anëtarët e Gjyqit të Diktimit por me ndryshmin në lidhje me afatin që ishte vetëm për 5 vjet që prej ditës së emërimit të secilit anëtarë.

Adresimi për media i Kryeministrit Kurti pas takimit me zëvendës Ndihmës Sekretarin e Shteteve të Bashkuara për Çështje Evropiane dhe Euroaziatike, Gabriel Escobar

October 19, 2022 by s p

Prishtinë, 19 tetor 2022

Të dashur qytetarë e të nderuar gazetarë,

Ju faleminderit që keni ardhur në konferencën e sotme për medie, me ç‘rast unë i dëshiroj mirëseardhje edhe njëherë në Kosovë z. Escobar, i cili është një mik i madh i yni dhe kontribues i madh për paqen, sigurinë dhe demokratizimin, jo vetëm të Kosovës, por të rajonit tonë.

Ishte pra kënaqësi ta mirëpres zëvendës Ndihmës Sekretarin e Shteteve të Bashkuara për Çështje Evropiane dhe Euroaziatike dhe njëherësh të dërguarin e posaçëm të Shteteve të Bashkuara të Amerikës për Ballkanin Perëndimor, z. Gabriel Escobar.

Pas vizitës së shefes ekzekutive të MCC-së, Alice Albright, kjo është vizita e dytë brenda dy ditëve e përfaqësuesve të lartë të Shteteve të Bashkuara të Amerikës. Me ambasadorin Amerikan në Kosovë takohemi rregullisht, ambasadorin Jeffrey Hovenier, ndërkaq, në fillim të javësh së shkuar, pata një bisedë telefonike shumë të mirë me Sekretarin e Shtetit Amerikan, z. Antony Blinken.

Me z. Escobar folëm për rëndësinë dhe peshën e raporteve tona dypalëshe, partneritetin ndërmjet vendeve tona, për progresin dhe reformat në Kosovë, ballafaqimin me krizën energjetike dhe për raportet ndërmjet Kosovës dhe Serbisë, procesin e dialogut dhe rrugën përpara.

Përmes gatishmërisë për takime, vullnetit për marrëveshje dhe propozimeve konkrete, që japim, Republika e Kosovës është treguar se është palë konstruktive dhe kreative në procesin e dialogut.

Jemi të gatshëm dhe të përkushtuar për arritjen e një marrëveshjeje ligjërisht të obligueshme për normalizim të plotë të marrëdhënieve me njohjen reciproke në qendër.

E mirëpresim gjithmonë interesimin dhe angazhimin e Shteteve të Bashkuara të Amerikës në këtë proces.

Me Shtetet e Bashkuara të Amerikës jemi aleatë në vlera dhe partnerë në qëllime.

Rreshtimi i menjëhershëm i Kosovës me Shtetet e Bashkuara të Amerikës, Bashkimin Evropian dhe Mbretërinë e Bashkuar në vendosjen e sanksioneve ndaj Federatës Ruse dhe mbështetja e parezervë për Ukrainën dhe popullin e saj, përbëjnë dëshminë e aleancës dhe partneritetit tonë dhe në të njëjtën kohë dallimin me të gjithë ata të tjerët, të cilët nuk u rreshtuan siç duhet në anën e të vërtetës dhe të drejtës.

Faleminderit shumë për takimin z.Escobar.

Në Lindau të Gjermanisë, u promovuan veprat e gjenocidit serb mbi shqiptarët

October 19, 2022 by s p

Shkruan: Nusret PLLANA/

Në lokalet e Hotelit Gasthof zum Zecher Lindau, të pronarit Osman Krasniqi, u promovua libri i xhepit “Mos harro kurrë – Vergiss Niemals”, të autorëve: Nusret Pllana e Agim Aliçkaj, përkthyer në gjermanisht nga Arlinda F.Çitaku.

Përveç bashkëatdhetarëve tanë, të qytetit të bukur Lindau me rrethinë, në këtë manifestim kulturor, edukativ e shkencor, morën pjesë edhe anëtarët e kryesisë së Ligës shqiptaro – zvicerane: z. Milihat Halimi, Samet Rexhepi e Faton Kurtishi, të cilët po ndihmojnë moralisht e materialisht për botimin dhe promovimin e këtyre veprave me vlerë shkencore, kombëtare e historike, që kanë për qëllim informimin dhe sensibilizimin e opinionit përparimtar, evropian e botëror, për gjenocidin serb mbi shqiptarët për rreth dy shekuj me radhë.

Në këtë promovim veprash publicistike e dokumentare, mori pjesë edhe i burgosuri politik dhe luftëtari i lirisë të Ushtrisë Çlirimtare të Kosovës, vëllai i dëshmorit të kombit Beqë Gashi, z.Zhujë Gashi – Kryetar i Këshillit të prindërve në Bylah, afaristi i mirënjohur Ilir Kelmendi dhe shumë veprimtarë e luftëtarë të lirisë, të cilët morën pjesë aktive në promovim, me ç’rast e ndoqën me interesim të veçantë edhe filmin dokumentar Kush i vret fëmijët, të producentëve: Nusret Pllana e Esat Shala.

Autorët e librit Mos harro kurrë, Nusret Pllana e Agim Aliçkaj, përzemërsisht e falënderojnë bashkëveprimtarin e tyre dhe organizatorin e këtij manifestimi, z.Ahmet Hetemi dhe z.Osman Krasniqi, për suksesin e këtij promovimi, dhe kontributin e tyre të çmuar në funksion të mos – harresës së kujtesës historike.