Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Archives for June 2023

VATRA URON BESIMTARËT MUSLIMANË: GËZUAR KURBAN BAJRAMIN

by

Të dashur bashkombas të besimit Islam

Më lejoni që në emër të Federatës Pan-Shqiptare të Amerikës VATRA, të familjes sime dhe në emrin tim personal t’ju uroj përzemërsisht: Gëzuar Kurban Bajramin.

Kjo festë hyjnore qoftë për të gjithë ju e familjet tuaja moment bashkimi, gëzimi, harmonie, lumturie, paqe e dashurie me bekimin e Zotit të gjithëmëshirshëm.

Kjo festë e madhërishme le të na afrojë sa më shumë me Zotin fuqiplotë, me njëri-tjetrin dhe interesin e kombit tonë.

Me fat Kurban Bajrami e me zemër të gëzuar ngahera për çdo familje shqiptare.

Sakrificat në emër të Zotit, familjes e kombit qofshin përherë të bekuara.

Urimet më të përzemërta vëllezër e motra.

Me respekt e gëzim

Kryetari i VATRËS

Elmi BERISHA

Me emrin e Zotit të Gjithmëshirshmit, Mëshiruesit

by

Imam Adnan Berbatovci/

Xhamia Shqiptare Toronto, Kanada

Të nderuar Besimtarë të dashur

Me që jemi duke jetuar në atmosferën e Kurban Bajramit, festë kjo e muslimanëve në tërë boten e normalisht edhe e Shqiptarëve Musliman, më lejoni që ne emrin tim personal dhe të Keshillit dhe Xhematit të Xhamisë Shqiptare në Toronto të ju uroj këtë festë te bekuar të Kurban Bajramit, duke e lutur Zotin e Madh, Krijuesin tone që kjo festë

të na gjej të lumtur ne gjirin familjar dhe atë miqësor.

Kurban Bajrami , kjo festë e sakrificës, dhënies, harmonisë e solidaritetit me njeri tjetrin , tregon më së miri se si duhet të jemi gjithmonë në raportet me vellezërit tanë dhe me mbarë botën pa dallim. Menyra e Madhërimit të Zotit Fuqiplotë si gjithmonë edhe gjatë këtyre ditëve që kaluan, ditët e Dhul Hixhes dhe Ditës së Arafatit, eshtë pikërisht ajo që njerëzimi ka nevojë të ketë në konsideratë.

Të gjithë ju jeni të Ademit, e Ai eshte krijuar nga dheu. Shprehet kështu Muhamedi a s , për të dhënë sinjal të drejpërdrejtë se trajtimi i njerëzve duhet të bëhet në mënyre të barabartë, pa iu cenua e drejta e tij askujt, sepse njeriu ndoshta mund të jap shumë gjera bazuar në rrethanat që jeton, por assesi nderin dhe integritetin e tij. Pikërisht kjo thënie e Muhamedit a s u tha në kohën kur shoqëria arabe e asaj kohe kishte ende elemente fanatike të nacionalizmit duke u përpuzur dhe ofenduar çdo gje që nuk i përkiste atyre.

Kurban Bajrami, eshtë festë ku zilia, smira inati e çdo ves i ligë duhet ta kenë përfundimin këtu, për të filluar jeta e re, dita e re, fjalori i ri, vepra e re, në mënyre qe edhe vet të përjetojmë çaste e dite të lumtura por edhe shëqoria të ndihet e lumtur dhe plot vullnet në realizimin e gjerave pozitive për mbare botën.

Maratona fillon me hapin e parë, edhe për vepra të mira , iniciativa të mira , bashkim të Shqiptarëve , duhet ta qesim hapin e parë, me qëllim të mire dhe me shpresë se për punen tonë do shpërblehemi pa dyshim nga Zoti i Madh.

Kurban Bajrami, ka edhe anen shumë të dhimbshme kur kujtojmë ndodhinë e Ibrahimit a s me djalin e tij Ismailin a s . Kur Babi Ibrahimi u testua nga Zoti fuqiplotë ta bëjë Kurban të birin për hir të tij. E Ai e kaloi me sukses testin, kjo për të kujtuar njerëzimit se sakrifica për hir të Zotit shpërblehet, ne rastin konkret u shpërblye me nje kurban nga qielli- dash, sepse qëllimi ishte vetem testimi e jo therrja e femiut njemend, testim ky që vërtetoi se Babai i Pejgamberëve Ibrahimi a s , në zemrën e tij nuk kishte dashuri me të madhe se sa të Zotit xh .sh.

Prandaj neve sot therrim Kurban për të kujtuar këtë sakrifice dhe ketë testim mjaftë të vështirë, ne aspektin tjeter siç thotë Muhamedi a s , vepra me e mire te Zoti ditë e Kurban Bajramit eshte therrja e Kurbanit.

Keshtu që, me therrje, kujtojmë sakrificën e testin, zbatojmë një urdher te Zotit të Madherishëm., dhe tregohemi solidar duke e shpërndare Kurbanin ne familje, mes miqësh dhe te ata që kanë nevojë.

Thuaj namazi- Lutja ime, kurbani im, jeta dhe vdekja bëhet betëm për hire të Zotit të botëve.- Kuran.

Le ti urojmë edhe të gjithë haxhitë, e posaqërisht vëllezërit dhe motrat tanë Shqiptarë të të gjithë Shqiptarisë dhe tiu themi Haxh të pranuar e lutje të pranuara Ishalla.

Krejt në fund , Kurban Bajram të

mbarë, lutje të pranuara, Kurbanet që i keni therrur kabul u bëfshin ishalla.

Dhashtë Zoti i Lartë, që ta bekoj ketë tokë këtë popull dhe ketë vend që jetojmë, Kanadanë dhe ShBA, si dhe ta bekoj edhe Shqiptarinë anembanë.

Urime , për Hajr e me begati e pritshim Kurban Bajramin .

Me respekt Adnan Berbatovci.

Imam – Xhamia Shqiptare Toronto , Kanada.

Nga erdhën emrat e brezave?

by

Astrit Lulushi/

Sociologët i kategorizojnë njerëzit në shumë lloje grupe për studim – vendndodhja, raca, gjinia, përkatësia politike – por mosha është emërues i përbashkët. Një “brez” është një grup individësh që kanë lindur në të njëjtën periudhë kohore dhe kanë shumë ndikime të përbashkëta, duke përfshirë ngjarjet kulturore dhe të asaj kohe. Sociologët mund të bëjnë përgjithësime rreth tyre për shkak të ngjashmërive, duke rezultuar në emërtime të tilla si “Baby Boomers” dhe “Millennials”. Kjo praktikë është veçanërisht e zakonshme në Shtetet e Bashkuara, ku gjeneratat klasifikohen sipas periudhave kohore prej rreth 15 deri në 20 vjet. Nga brezi i heshtur i viteve 1920, tek brezi Alpha, të gjithë bien në një nga këto grupe.

Brezi i heshtur

Nganjëherë i quajtur “tradicionalistë”, brezi i heshtur u rrit gjatë një kohe të vështirë në Amerikë. Ky grup ka lindur midis 1925 dhe 1945 dhe aktualisht është brezi më i vjetër i gjallë i përfaqësuar në Shtetet e Bashkuara (“Brezi më i madh” lindi nga viti 1901 deri në 1924), këndvështrimi ekonomik dhe politik i të cilit u përcaktua nga Depresioni i Madh dhe Bota Lufta e Dytë. Ky grup shquhej se përgjithësisht nuk shprehej kundër pushtetarëve, duke u fokusuar më shumë tek puna dhe jeta familjare.

Baby Boomers

“Boomers” janë një brez i lindur pas Luftës së Dytë Botërore në SHBA nga viti 1946 deri në 1964. Fundi i luftës shënoi një kohë prosperiteti ekonomik në Shtetet e Bashkuara, duke rezultuar në rritje të nivelit të lindjeve gjatë atyre 18 vjetëve. “Boomers” arritën moshën e rritur gjatë viteve 1960 dhe 1970, një epokë e përcaktuar nga grindjet e Luftës së Vietnamit, ndryshimet në qëndrimet kulturore për gratë, seksualitetin, marrëdhëniet racore dhe transformimin shoqërues të filmit, muzikës dhe kulturës pop. Për shkak të madhësisë së këtij brezi, zakonet e tyre të shpenzimeve në vitet 1980 dhe ’90 patën një ndikim të qëndrueshëm në kulturën e konsumatorit dhe ekonominë.

Gjenerata X

“Gjenerata X” është emri për brezin pas Boomers, që përgjithësisht përkufizohet si kushdo i lindur midis 1965 dhe 1980. Ky grup është më i vogël se brezi para ose pas tyre. Ekonomia e SHBA-së nuk ishte aq e fortë gjatë fëmijërisë së tyre, duke rezultuar në shumë prindër të dyfishtë të punësuar dhe më shumë kohë vetëm sesa fëmijët e brezave të mëparshëm. Termi “Generation X” u popullarizua nga Douglas Coupland, gazetar kanadez i cili përdori pseudonimin “X” për të përshkruar pikëpamjet e përgjithshme të grupit kundër presioneve shoqërore, duke përfshirë mos shqetësimin aq shumë për paratë ose statusin.

Mijëvjeçarët

Millennials (i quajtur edhe Gjenerata Y) kanë lindur midis 1981 dhe 1996 – anëtarët më të vjetër të këtij grupi u bënë të rritur rreth vitit 2000. Ky brez është edhe më komod me teknologjinë sesa Gen X para tyre dhe quhen “vendasit dixhitalë”, gjatë rritjes së kompjuterëve në shtëpi, telefonave celularë dhe internetit. Ky grup është formuar nga disa ngjarje kyçe gjatë viteve vendimtare të “ardhjes së moshës”, si 11 shtatori dhe Recesioni i Madh.

Gjenerata Z

“Gen Z” u mbiquajtur për të pasuar brezin Y (Millennials). Ky brez, i lindur midis 1997 dhe 2012, ka demonstruar ndërgjegjësimin politik dhe kulturor, falë një mjedisi teknologjik “gjithmonë të ndezur”. Sociologët kanë vënë në dukje se kjo lidhje me teknologjinë ka shkaktuar ndryshime në stilin e jetesës dhe sjelljet e të rinjve ndryshe nga gjeneratat e mëparshme.

Gjenerata Alfa

Brezi më i ri – “Generata Alpha” – po lind tani. Foshnjat e lindura nga viti 2010 deri në 2024 do të jenë pjesë e këtij grupi. Alpha ka një mbivendosje të lehtë me brezin Z, nga 2010 në 2012. Për shkak të risive të këtij brezi, mund të lindin pseudonime të tjera që lidhen me ngjarjet aktuale, si pandemia COVID-19, ndasitë politike apo teknologjia, por “Alpha” aktualisht është më i pranuari. Sociologu Mark McCrindle shpiku emrin Brezi Alpha si një “fillim të ri, pozitiv”. Ai vuri në dukje ndikimin që ka emri i një brezi në mënyrën se si perceptohet dhe ai donte një fillim optimist për këtë grup të ri.

Prurje e pranime të reja në Shoqatën e Shkrimtarëve Shqiptaro-Amerikanë

by

Pergatiti: Mëhill Velaj/

Shoqata e Shkrimtarëve Shqiptaro-Amerikanë inkurajon e mbështet shkrimtarë, poetë dhe artistë, që identifikojnë të gjithë ata, sjellin zbulimin e zërit të veçantë e veprave të shpirtit shqiptar, shqiptaro-amerikan e krijues të letrave shqipe, ideve të artit si frymëzim shpirtëror, metaforës së rritjes, në mbrojtje dhe integrimi të vlerave kombëtare, gjuhës shqipe, traditës, kulturës, letrave shqipe e historisë–mesazhin e dashurisë njerëzore, njehsojmë identitetin kombëtar shqiptar në formë e përmbajtje, për artin, letërsinë, individin e shoqërinë. Shoqata i mirëpret duke iu uruar mirëseardhjen pranimeve dhe prurje të reja. me anëtarësimin e përnjëhershëm të poetes dhe novelistes Esmeralda Zace Bregaj, dhe poeti dhe esseistin Ing. Kastriot Fetahu.

Autore, Esmeralda Zace Bregaj

Poetja dhe romacierja Esmeralda Zace Bregaj ka lindur në 1979-ë, Vlorë, Shqipëri. Aktualisht jeton dhe punon në Boise, ID, të SHBA-ës. Është diplomuar në Menaxhin Drejtim Bisnesi në vitin 2001-ë në Shqipëro dhe ka realizuar me sukses një diplomim të dytë në fushën e Marketingut e Menaxhimit të Biznesit në vitin 2008-ë, Itali. Është

Bashkëpunëtore dhe punonjëse administrative e programit ELL të shkollave fillore dhe të mesme në distriktin Boise, Idaho, SHBA-ës.

Është lumturisht nënë e dy fëmijëve të mrekullueshëm. Ka nisur të shkruajë që në moshën nëntë vjecare dhe ka fituar me një poezi e paraqitur në konkursin e parë letrar, të shkollës, Vlorë, Shqipëri. Në moshën 17-ë vjecare zuri vëndin e parë në konkursin kombëtar letrao-artistik, në

Shqipëri. Në vitin 2010-ë ka fituar Cmimin Kombëtar

“Ibiskos” në Itali. Ka botuar përmbledhjen e parë poetike në

serinë “Myosittis” me titull “Lufta e mendimeve”.

Në vitin 2013-ë hyri në vargun e “Poetëve bashkëkohorë

që drejtohej nga poeti Elio Pecora, duke fituar Cmimin Internacional në Itali dhe u bashkëngjit me poetë

të tjerë në librin e radhës – “Poetët bashkëkohorë”.

Në vitin 2017-ë fiton Konkursin Internacional në

Itali- “I dashuri im i shtrenjtë po të shkruaj”, shpallur nga Shtëpia Botuese Ibiskos Risolo, duke u bërë kështu pjesë e

së njëjtës antologji me rrëfenja dhe poezi. Në vitin 2022 del me romanin e pare, shkruar në gjuhën italiane “UN ANNO DI NOI” Nw vitin 2023, po ky roman del në gjuhën shqipe dhe promovohet në Vlorë, Shqipëri, me titullin, “Një Vit nga jeta jonë”. Poetja dhe romancierja Esmeralda Zace Bregaj flet rrjedhshëm, italisht dhe anglisht.

Autor Ing. Kastriot Fetahu

Poeti dhe Essei-st, Ing. Kastriot Fetahu ka lindur 7 Mars 1958, në Kuçovë, Shqipëri. Nga viti 1999-ë deri në vitin 2019-ë ka jetuar në Tiranë dhe prej vitit 2019-ë jeton, punon dhe krijon në Chicago, USA. Është diplomuar në fakultetin Gjeologji Miniera Tiranë, Albania, për inxhinieri. Prej vitit 1984 deri në vitin 1999-ë, punon si inxhinier dhe shef kantieri në ndërrmarjen e Shpim -Kërkimit për naftë e gaz në Kuçovë.

Ka punuar dhe në biznes privat, prodhim dhe shitje birre prej vitit 1994 deri në 2008, si edhe Real Estate deri në vitin 2019-ë. Që prej krijimit të degës së Vatra Chicago, është anëtar Kryesisë së saj. Poezi, Thënie, dhe Esse janë pjesë e fushës të krijimtarisë së Poetit dhe Essei-stit, Ing. Kastriot Fetahu.

Ka botuar dy libra: “Momentum in memorie”, “Etyd i thyer”

Pergatiti: Mëhill Velaj

Poet/ Shkrimtar

Kryetar i Shoqatës së Shkrimtarëve Shqiptaro-Amerikanë

Stamford CT USA

“5 mesazhe Euroatlantike mbas lirimit të 3 policëve të FSK” !

by

Gjeneral ® Piro Ahmetaj/

Edhe pse i vonuar, sigurisht dhe pa asnjë mëdyshje është një lajm shumë i mirë lirimi i 3 policëve të Forcave të Sigurisë së Kosovës !

Nga ana tjetër, përfshi dhe përtej kësaj ngjarje, mbeten disa vlerësime, mësime të nxjerra si dhe 5 mesazhe Euroatlantike që do të duhet të mos harrohen kurrë nga të dy palët si dhe faktorët Euroatlantik në rajon:

Së pari, arrestimi brutal, ose për edhe më keq përqasja ose ndërsjellja si shtet terrorist (Koreja e Kim Jong-ut apo Rusia – Putiniste) në hapësirën ndërkufitare mes dy shteteve sovrane/Europiane do të inventarizohet shumë gjatë si: “një ngarje që e turpëron Beogradin Zyrtar” !

Së dyti, duke thënë këtë: “as e justifikojnë, as e nderojnë Prishtinën Zyrtare qëndrimet delirante, mungesa e kodit të mirënjohjes kombëtare/fisnike si dhe reagimet/masat e pakonsultuara me çlirimtarët dhe garantët e vërtet të sovranitetit (USA/NATO)”!

Së treti, e çmoj si kohëm e duhur për të “punuar edhe më shumë për paqen duke mbjellë, vaditur dhe selitur masat e mirëbesimit reciprok si dhe për t’ju rikthyer dialogut pa kushte mes dy vendeve sovrane (Serbisë dhe Kosovës)”. !

Së katërti, përtej kësaj ngjarje dhe përkundër riciklimit të klimës të konfliktit si dhe të shpërdorimit të Beogradit Zyrtar për interesat e Rusisë – Putiniste, 24 vjet nga çlirimi Kosovës besoj edhe më fort se paqja mbetet opsion dhe misioni i vetëm, në mënyrë që siguria të konsumohet përtej historisë së përgjakshme, në interes të sigurisë së jetës, pronës, prosperitetit të qytetarëve të Kosovës dhe Serbisë si dhe perspektivën Euroatlantike edhe për 6 vendet e Ballkanit perëndimor.

Së pesti, po ashtu, mbas 24 vjet pamvarësi të Kosovës, besoj edhe me fortë se forcimi bashkëpunimit me USA/NATO/UK/EU: “mbetet ende me peshe kritike jo vetëm për ta çliruar nga pushtimi Serb në qershor 1999 por edhe për ardhmërinë Euroatlantike të Kosovës si dhe interesat mbarëKombëtare të RSh/Kosovës.

Me këtë rast, ri-Konfirmoj që ashtu si në mbi 35 vjet i angazhuar në fushën e sigurisë kombëtare dhe NATO-s: “mbetem edhe më tej ushtar i përkushtuar dhe i përulur i Atdheut për mbrojtjen dhe zhvillimin e interesave Kombëtare në Rajon, Mesdhe dhe më gjerë”.

* Ekpert për SK, Rajonin dhe NATO, Zv/President i Këshillit të Atlantikut;

Anëtar i Bordit “Istrael House”, si dhe Ish:

Këshilltar i Presidentit të RSh & Zv/ShShPFA,

Përfaqësues Kombëtar Ushtarak në NATO.