Archives for September 2023

Për At Artur Liolinin, shpirtin gjallërues të shqiptarëve në Amerikë

September 30, 2023 by s p

Albin Kurti/

I pikëlluar të marrë lajmin për vdekjen e At Artur Liolinit, Kryekancelarit të Kryedioqezës Shqiptare të Kishës Ortodokse në Amerikë. E kam pasur kënaqësinë dhe nderin ta takoj në maj të vitit 2013, në Katedralen e Shën Gjergjit në Boston të ShBA-ve. At Arturi ishte pasues i denjë i rrënjëve dhe degëve më të fisme të traditës ortodokse shqiptare dhe i komunitetit shqiptar në Shtetet e Bashkuara të Amerikës. I lindur më 1943 në Nju Jork, në një familje emigrantësh shqiptarë të shkuar në Amerikë nga Boboshtica e Korçës, Arturi ishte një kultivues dhe mirëmbajtës i asaj fryme patriotike shqiptare, që e kishte mbjellur dhe ushqyer Fan Noli me kohë mes shqiptarëve të Amerikës.

Dhe kjo nuk mund të ishte ndryshe, përderisa Arturi i ri, e kishte patur fatin ta njihte Fan Nolin e madh që në të gjallë të tij, siç shihet edhe në një fotografi, ku Arturi fëmijë duket mes babait të tij Evansit dhe vetë Fan Nolit. Artur Liolini u diplomua për histori të artit bizantin dhe të artit mesjetar në Universitetin e Princetonit më 1967, para se të dorëzohej prift në Kishën e Shën Gjergjit në Boston më 1970. Këtu, ai e themeloi bibliotekën e Fan Nolit, klerikut patriot dhe kryeministrit shqiptar, përkthyesit poliglot dhe historianit origjinal, për të cilin At Arturi e shkroi edhe veprën “Fan Noli dhe vetëdija shqiptare”.

Përveç shërbimit të tij si klerik fetar, At Artur Liolini iu përkushtua gjatë jetës së tij edhe një veprimtarie patriotike, të përshkuar prej një diplomacie kulturore të përafrimit dhe kohezionit mes shqiptarëve si dhe të ngritjes së shpirtit kombëtar shqiptar, gjithmonë me një brengë të veçantë për Kosovën.

At Artur Liolini vdiq në moshën 80 – vjeçare, duke lënë pas gruan e tij, priftëreshën Margarita dhe tre fëmijë.

Ngushëllime familjes Liolini, ngushëllime komunitetit shqiptar në Amerikë, ngushëllime Kishës Ortodokse Autoqefale të Shqipërisë dhe gjithë botës shqiptare.

Lavdi jetës dhe veprës pastorale dhe patriotike të At Artur Liolinit!

“Vdekja nuk është gjë tjetër veçse të kthehesh në shtëpi tek Perëndia, lidhja e dashurisë do të jetë e pandërprerë për gjithë përjetësinë”

September 30, 2023 by s p

(Shën nënë Tereza)

Marja e lajmit të hidhur të fjetjes në Zotin të At Arthur Liolin, i cili shërbeu për disa dekada si prifti meshëtar i Katedrales Ortodokse Shqiptare të Shën Gjergjit në Boston dhe njëkohësisht edhe si Kancelar i Kryepeshkopatës Ortodokse Shqiptare në Amerikë, u prit me një ndjenjë hidhërimi jo vetëm në komunitetin shqiptar në Boston ku ai jetoi dhe shërbeu, por edhe më gjerë, aty ku emri dhe personaliteti i tij ishte bërë i njohur.

At Arturi, siç thirrej zakonisht nga shqiptarët e pas viteve 90, i shërbeu për 50 vite, me dashuri dhe përkujdesje baritore jo vetëm Altarit të Kishës dhe komunitetit të saj, por edhe komunitetit të gjerë shqiptar me një përkushtim të thellë njerëzor, përtej dallimeve fetare, duke u përfshirë personalisht në fushata për të ndihmuar jo vetëm emigrantët e rinj që filluan të arrijnë në brigjet e këtij vendi, duke i ndihmuar të rifillojnë këtu jetën e tyre të re për të realizuar atë “ëndrrën amerikane”, por edhe bashkëkombësit e tij në Shqipëri të cilët, pas shumë vitesh izolimi dhe errësire, mes vuajtjesh fizike, psikologjike dhe shpirtërore, të shkaktuara nga një ideologji e çmendur dhe utopike, nëpërmjet një regjimi diktatorial komunist, që për 50 vite i ndau shqiptarët jo vetëm midis dy anëve të oqeanit, por edhe brenda vendit të tyre, të lidheshin me të afërmit e tyre me të cilët për shumë vite kishin humbur kontaktet me njëri-tjetrin.

Vizita e tij në Shqipëri në verën e vitit 1991 do të mbahet mend si një ngjarje historike që ishte tejskajet e mbushur me një aktivitet baritor të dendur shërbesash ku midis tyre mbizotëronin pagëzimet e shumta, ngjarje magjepsëse që risollën në kujtesën e Kishës së Krishtit (bashkësisë së krishterë), fillimin e “Erës Apostolike” me pagëzimin e mijëra njerëzve, formimin e komuniteteve dhe organizimin e jetës kishtare, sipas porosisë së Krishtit dhënë apostujve të Tij, kur u tha: “Shkoni dhe pagëzoni në të gjitha kombet…” (Mateu 28:18-20).

Tani, në këtë kohë mbas kalimit të tij në jetën e përjetshme, të gjithë ne që e njohëm dhe bashkëshërbyem, e kemi si detyrim moral dhe shpirtëror, që t’i lutemi Zotit, Perëndisë me të njëjtën ndërgjegje dhe përgjegjësi shpirtërore, për shpëtimin e shpirtit të shërbëtorit Athanas (Artur), që ta prehë atë në paqe dhe ta vendosë së bashku me të drejtët e parapëlqyer të Tij, të cilët i pret duke u thënë: “Të lumtë, shërbëtor i mirë dhe besnik; ti u tregove besnik në gjëra të vogla, Unë do të të vë mbi shumë gjëra; hyr në gëzimin e Zotit tënd” (Mateu 25:21).

I përjetshëm dhe i paharruar qoftë kujtimi i tij!

+THEOFANI

I Filomilisë

Peshkopata Ortodokse Shqiptare e Amerikës

President i Federatës Pan-Shqiptare Vatra të Bostonit

29 shtator 2023

“Death is nothing but returning home to God, the bond of love will be unbroken for all eternity.”

(Saint Mother Teresa)

The bitter news of the death of Father Arthur Liolin, who served for several decades as the parish priest of the Albanian Orthodox Cathedral of St. George in Boston and at the same time as Chancellor of the Albanian Orthodox Archdiocese in America was received with a sense of sadness, not only in the Albanian community in Boston where he lived and served, but also beyond, where his name and personality had become known.

“At Arturi”, as he was commonly called by Albanians after the 90s, served for 50 years, with love and pastoral care, not only to the Altar of the Church and its community, but also to the larger Albanian community with a deep human commitment, beyond religious differences , getting personally involved in campaigns to help not only the new immigrants who began to arrive on the shores of this country, helping them restart their new lives here, trying to make that “American dream” a reality, but also his fellow citizens in Albania who, after many years of isolation and darkness, amidst physical, psychological and spiritual suffering, caused by a crazy and utopian ideology, through a dictatorial communist regime, which for 50 years divided Albanians not only between two sides of the ocean, but also within their country, to connect with their relatives with whom they had lost contact with each other for many years.

His visit to Albania in the summer of 1991 will be remembered as a historical event that was extremely filled with a dense pastoral activity of services where among them the numerous baptisms prevailed, fascinating events that brought back to the memory of the Church of Christ (Christian community), the beginning of the “Apostolic Era” with the baptism of thousands of people, the formation of communities and the organization of life of the church, according to the commandment of Christ given to His apostles, when He said to them: “Go and baptize all nations…” (Matthew 28:18-20).

Now, at this time after his transition to eternal life, all of us who knew him and served together, have it as a moral and spiritual obligation to pray to God, with the same conscience and spiritual responsibility, for the salvation of soul of the servant Athanas (Arthur), that he may rest it in peace and place him together with those who He have pleased, whom He awaits and welcome them by saying: “Well done, good and faithful servant. You have been faithful over a little; I will set you over much. Enter into the joy of your Master” (Matthew 25:21).

May his memory be eternal and unforgettable!

+THEOPHAN

Of Philomelion

Albanian Orthodox Diocese of the Americas

President of the Pan-Albanian Federation Vatra of Boston

September 29, 2023

Mesazh ngushëllimi i Presidentit të Republikës së Shqipërisë Z.Bajram Begaj për ndarjen nga jeta të At Arthur Liolin

September 29, 2023 by s p

“Me keqardhje mësova lajmin për ndarjen nga jeta të At Arthur Liolin, Kancelar i Kryepeshkopatës Ortodokse Shqiptare në Boston.

At Liolinin, këtë figurë të shquar të Kishës Ortodokse dhe të komunitetit shqiptaro-amerikan, do ta kujtojmë përherë si pasardhës të denjë të Fan Nolit, themeluesit të kësaj kishe.

Në vitin 1991, At Liolini realizoi ëndrrën e tij, duke meshuar në 22 qytete të Shqipërisë.

Ai nuk ishte thjesht një udhërrëfyes shpirtëror, por mbështetës i palëkundur i Shqipërisë dhe i shqiptarëve, mbështetje të cilën e shprehu edhe nëpërmjet botimeve ekonomike, kulturore, historike dhe filozofike mbi çështjen shqiptare.

Shpirti i tij u prehtë në paqe!”

KOMUNITETI SHQIPTARO-AMERIKAN MBAN ZI – NDËRROI JETË KANCELARI I KISHËS ORTHODOKSE AUTOQEFALE SHQIPTARE, AT ARTHUR LIOLIN

September 29, 2023 by s p

Nga Frank Shkreli

A person standing at a podium with a flag behind him

Description automatically generated with medium confidence

Sot u njoftua se shkoi në amshim At Arthur Liolin, Kancelari i Kishës Orthodokse Autoqefale Shqiptare në Amerikë – njëri prej udhëheqësve më të dalluar fetarë shqiptaro-amerikanë, i njohur për aktivitetet e tija fetare dhe atdhetare, këto 50-vjet të fundit. At Liolini i përkiste breznisë vigane të komunitetit shqiptaro-amerikan të shekullit të kaluar, që nga Noli e Konica e deri më sot – duke vepruar sa pati mundësi – me vepra she me shkrime në mbrojtje të lirisë fetare dhe të drejtave të njeriut në Atdhe dhe në mbarë trojet shqiptare gjatë 50-viteve.

At Arthur Liolini ka lindur më 19 qershor, 1943 në Nju Jork, në një familje shqiptaro-amerikane me origjinë nga Boboshtica e Korçës. Në vitin 1967 ai ka mbarua studimet për degën Histori Arti (Mesjeta dhe Bizanti) në Universitetin e njohur në Shtetet e bashkuara, “Princeton”. Në vitin 1970 u dorëzua prift në Boston dhe i shërbeu komunitetit shqiptar në kryekishën e Shën Gjergjit, të themleuar nga Emzot Fan Noli. At Liolini, vitin 1975 është emëruar Kancelar i Kryedioqezës Shqiptare të Kishës Ortodokse në Amerikë, të cilës ai i shërbeu derisa ndërroi jetë. Gjatë shërbimit të tij në krye të grigjës orthodokse shqiptaro-amerikane, Atë Arthur Liolini gjallëroi jetën shpirtërore dhe zgjëroi veprimtaritë e komunitetit orthodoks shqiptar, sidomos në zonën veri-linodre të Shteteve të Bashkuara, nga Bostoni e deri në Nju Jork.

Me vdekjen e At Arthur Liolin zhduket pasardhësi i denjë i Peshkop Fan Nolit, themeluesit të Kishës Orthodokse Autoqefale Shqiptare në Shtetet e Bashkuara dhe të Federatës Pan-Shqiptare Vatra. Në një telegram ngushëllimi me këtë rast, Kryetari i saj, Elmi Berisha në emër të Federatës Pan-Shqiptare Vatra shprehet se, komuniteti shqiptaro-amerikan, “Gjithmonë do ta vlerësojmë e kurrë s’do ta harrojmë kontributin e jashtëzakonshëm të At Arthur Liolin për Kishën Ortodokse, komunitetin shqiptar dhe çështjen kombëtare në Shtetet e Bashkuara të Amerikës. Një shërbëtor i devotshëm i Perëndisë, një patriot i flaktë i kombit, një veprimtar e shërbestar sakrifikues i komunitetit shqiptar, pasardhësi i fundit i At Fan Nolit, la pas një trashëgimi të çmuar dhe një shembull të lartë fetarie e atdhedashurie”, thuhet në telegramin e Federatës Vatra në Nju Jork.

Ish-Kancelari i Kishës Ortodokse Shën Gjergji në Boston, i ndjeri At Arthur Liolin gjatë regjimit barbar komunist të Enver Hoxhës shpesh fliste në mbrojtje të lirisë së fesë dhe bashkjetësës fetare ndër shqiptarët, si një e drejtë themelore e të drejtave të njeriut në përgjithësi. Në 40-vjetorin e fillimit të persekutimeve fetare në Shqipëri, ish-Kancelari i Kishës Orthodokse Shqiptare në Amerikë, At Liolini ka përshëndetur me atë rast pjesëmarrësit në ceremonitë përkujtimore mbajtur në Santa Klara të Kalifornisë më 1985, duke thënë se, “Liria e fesë dhe lutja e përbashkët është një prej të drejtave bazë të njeriut, e garantuar nga të gjitha shoqëritë e qytetëruara dhe entet ndërkombëtare në mbarë botën. Me këtë rast ne bejmë thirrje për drejtësi për vëllëzrit dhe mortat tone përtej oqeanit…Bashkohemi me besimtarët myslimanë, katolikë dhe ortodoksë shqiptarë, madje edhe me ata që nuk besojnë për të venë në dukje tolerancën unike dhe respektin për njëri tjetrin, që populli ynë ka gëzuar me shekuj”, ka shkruar dikur At Liolini, në apeëin e tij për liri fetare në Shqipërinë komuniste ateiste të Enver Hoxhës.

Familjes së nderuar të At Arthur Liolinit dhe Kishës Orthodokse Autoqefale Shqiptare të Shën Gjergjit në Boston dhe më gjërë — me rastin e vdekjes së Pasardhësit të të Madhit Peshkop Fan Nolit, të ndjerit At Arthur Liolinit — u shprehi përdhimtimet e mia më të sinqerta për humbjen e njërit prej udhëheqësve më të dalluar të komunitetit shqiptaro-amerikan. Ai pushoftë në paqën dhe në Dritën e amshuar — në përjetësi të kujtimit mirënjohës për të gjitha që ai bëri gjatë jetës së tij, veçanërisht, në dobi të Kishës Orthodokse Autoqefale Shqiptare në Amerikë dhe të komunitetit shqiptaro-amerikan, në përgjithësi.

Frank Shkreli

At Arthur Liolin (djathas) me Mons Zef Oroshin, duke përshëndetur Nënë Terezen — në njërën prej vizitave të saj në Kishën Katolike Shqiptaro-Amerikane në Nju Jork. At Liolini i përkiste asaj breznisë vigane të komunitetit shqiptaro-amerikan të shekullit të kaluar — që nga Noli e Konica e deri më sot – duke vepruar sa pati mundësi me vepra dhe me shkrime, në mbrojtje të lirisë fetare dhe të drejtave të njeriut në Atdhe dhe në mbarë trojet shqiptare.

Pusho në paqë At Arthur Liolin!

SHKOLLA SHQIPE “CHILDREN OF THE EAGLE”, GJUHA DHE IDENTITETI KOMBËTAR I SHQIPTARËVE NË AMERIKË

September 29, 2023 by s p

Drita Gjongecaj themeluese dhe drejtuese e Shkollës Shqipe “Children of the Eagle” në New York, USA, rrëfen ekskluzivisht për gazetën “Dielli”, Organ i Federatës Pan-Shqiptare të Amerikës VATRA, New York, ruajtjen e identitetit kombëtar, historisë, gjuhës, kulturës dhe traditës shqiptare në New York, USA, nëpërmjet mësimit të gjuhës e kulturës shqipe, historisë dhe aktiviteteve patriotiko-kulturore. Me Drita Gjongecajn bisedoi Editori i “Diellit” Sokol Paja.

HISTORIKU I SHKOLLËS SHQIPE “CHILDREN OF THE EAGLE”

Shkolla e Trashëgimisë Shqipe “Children of the Eagle” ushtron aktivitetin e saj në tri zona të NY, në Bronx, në Westchester County dhe në Yorktown Heights. Ajo ka si synim që nëpërmjet ruajtjes së gjuhës, njohjes dhe ruajtjes së traditave të vyera, trashëgimisë kulturore, njohurive rreth gjeografisë, historisë shekullore, etj. të promovojë tek fëmijët dhe të rinjtë atdhedashurinë dhe krenarinë për prejardhjen e tyre. Programi i ka fillimet që nga viti 2014 dhe dy vite më vonë ka marrë zyrtarisht nga shteti i NY statusin e organizatës jofitimprurëse 501(c)3.
Qëllimisht e kemi emërtuar shkollën në Anglisht “Fëmijët e Shqiponjës” duke dashur që nxënësit tanë ta përfaqësojnë dhe përcjellin me krenari këtë symbol të lashtë edhe tek bashkëmoshatarët jo shqiptarë në ambientet ku ata studiojnë, jetojnë, apo në aktivitete të shumta ku ata marrin pjesë.
Ashtu si në programe të ngjashme, fëmijët janë të moshave të ndryshme dhe për më tepër, njohuritë e tyre gjuhësore variojnë edhe brenda së njëjtës grup-moshë, gjë që e vështirëson punën e mësuesit.
Përfitoj nga rasti të theksoj këtu se Children of the Eagle është themeluar nga një grup arsimtarësh profesionistë, të licensuar nga shteti i NY si mësimdhënës apo edhe si drejtues shkollash. Megjithëse ato punojnë me kohë të plotë në Departamentin Shtetëror të Arsimit, me përkushtim, japin nga koha e lirë dhe i shërbejnë komunitetit tonë nëpërmjet programit të Children of the Eagle. Mësueset tona kanë përvojë të gjatë në punën me nxënësit dhe sjellin metodat e duhura shkencore duke adresuar nevojat individuale gjuhësore të cilat ndryshojnë nga një fëmijë te tjetri.
Vëmëndje të vecantë i kushtojmë motivimit të fëmijëve për ta mbajtur gjallë interesin në mësimin e gjuhës. Një nga këto metoda përfshin përdorimin e teknologjisë në forma të ndryshme. Videot, mësimet interaktive, lojërat e deri te vallet e këngët, e sjellin gjuhën në variante të ndryshme dhe krijojnë mundësi bashkëbisedimi ndërmjet fëmijëve. Në njërën nga qendrat tona, në shkollën publike PS/MS 83 në Bronx fëmijët tanë përdorin edhe palestrën dhe sipas preferences luajnë basketball, volleyboll, apo lojëra popullore nëpërmjet të cilave zgjerojnë dhe ushtrojnë fjalorin shqip. Një risi qe kemi sjellë me programin tonë janë ekskursionet, vizitat e nxënësve në qendra të ndryshme në mënyrë që ata t’i shohin ato cka mësojnë në klasë nga një perspektivë tjetër. Mbresa të shumta fëmijët ruajnë nga vizita në selinë e Federatës Panshqiptare Vatra, te Konsullata e Kosovës në New York apo aktiviteti i Ditës Ndërkombëtare të Gjuhës Amtare nga nxënës me prejardhje të kombësive të ndryshme në Queens.

KURRIKULA MËSIMORE

Baza e mësimdhënies janë textet e përbashkëta të miratuara nga institucionet arsimore të Shqipërisë dhe Kosovës. Megjithatë, të kushtëzuar nga niveli i ndryshëm gjuhësor i nxënësve, mësueset tona përgatisin vetë materiale me bazë të caktuar tematike duke ofruar kështu shumëllojshmëri dhe duke diferencuar mësimdhënien në grupe të vogla edhe brenda të së njëjtës klasë. Kjo e shton ngarkesën e mësuesit dhe kohën e përgatitjes për mësim, ndonjëhere duke shpenzuar edhe nga xhepi i tyre që të sigurojnë një bazë materiale sa më të prekshme për nxënësit.

MËSIMI I GJUHËS SHQIPE SI FORMË E RUAJTJES SË IDENTITETIT KOMBËTAR TË SHQIPTARËVE NË NEW YORK

Ndonëse të gjithë jemi të ndërgjegjshëm se sot mundësitë janë të shumta për mësimin edhe të më shumë se një gjuhe, përsëri e themi me bindje se shkolla dhe mësimi i drejtpërdrejtë luajnë një rol të pazëvëndësueshëm në përvetesimin dhe ruajtjen e gjuhës. Mësimi i gjuhës shqipe dhe kulturës shqiptare në programet tona të diasporës janë më shumë sesa didaktike; ato i shërbejnë cështjes kombëtare të ruajtjes së identitetit. Është e rëndësishme të ritheksohet këtu se përvec mësueseve që me përkushtimin e profesionalizmin e tyre tejkalojnë shumë vështirësi, mbështetja e prindërve dhe e komunitetit është kyce për vazhdimësinë e programit tonë. Ne duam që sa më shumë fëmijë ta ndjekin mësimin formal të gjuhës shqipe në mënyrë që të aftësohen ta flasin, lexojnë dhe shkruajnë atë. Vetëm duke i koordinuar përpjekjet tona, mund të arrijmë suksesin e dëshiruar dhe të formojmë një brez që i njeh rrënjët e veta dhe e ruan identitetin e vet kombëtar.

AMERIKANËT MBËSHTESIN DHE INKURAJOJNË MËSIMIN SHQIP

Në New York dhe të gjithë Amerikën, mësimi dhe ruajtja e gjuhëve jo vetëm mbështetet por edhe inkurajohet. Kjo jo vetëm për ruajtjen e gjuhës së prejardhjes por edhe për faktin se dy-gjuhësia është më shumë se thjesht të folurit e dy gjuhëve. Dy-gjuhësia u ndihmon nxënësve të bashkëjetojnë natyrshëm midis dy kulturave dhe të rrisin potencialin e tyre individual për të konkuruar denjësisht në botën globale.
Përsa u përket organizatave shqiptare, ne kemi marrëdhënie shumë të mira me një numër të konsiderueshëm të tyre. Një bashkëpunim të ngushtë dhe mbështetje kemi gjetur sidomos tek Organizata Shqiptaro-Amerikane e Grave Motrat Qiriazi, Vatra, Albanian Culture TV, etj.

MËSIMDHËNIA PËRMES TEKNOLOGJISË DHE DYGJUHËSIA

Përdorimi i teknologjisë erdhi si domosdoshmëri gjatë kohës së pandemisë. Shkolla Shqipe “Children of the Eagle” ishte shkolla e vetme që ofroi mësim të plotë online nëpërmjët platformës Google Classroom, platformë që u përdor në të gjitha shkollat publike në NY. Për më tepër, mësuesit tanë të licensuar dhe punësuar në arsimin shtetëror të NY ofruan një seri trainimesh për mësues të shkollave shqipe në disa shtete të Amerikës dhe Evropës, përfshi edhe vendet amë, Shqipëri dhe Kosovë. Edhe tani, mësuesit tanë kanë qasje dhe përdorin Smartboards (tabela te sofistikuara elektronike) dhe pajisje tjera elektronike që e bëjnë mësimnxënien më të prekshme dhe efektive. Një falenderim shkon këtu për Ambasadën Shqiptare në Washington DC dhe Qendrën e Botimeve për Diasporën që na kanë siguruar versionin electronik të librit “Gjuha Shqipe dhe Kultura Shqiptare”. Megjithatë, programet tona kanë edhe vështirësi që kanë të bëjnë kryesisht me mungesën e mbështetjes financiare, me orarin e pamjaftueshem (një herë në javë), apo me konfliktin në kohë me programet sportive.

KUSH ËSHTË DRITA GJONGECAJ?

Zonja Drita Gjongecaj është prej 12 vjetësh z/v drejtore në shkollën publike Theodore Schoenfeld, në Bronx, NY. Është diplomuar në Universitetin e Tiranës, dega Gjuhë-Letërsi.
Pas ardhjes në Amerikë, ka kompletuar masterin a saj të parë shkencor në mësimdhënien e anglishtes për folësit e gjuhëve të tjera (Teaching English to Speakers of Other Languages– TESOL). Më pas ajo përfundoi studimet pas-universitare në kolegjin mjaft prestigjioz në lëmin e arsimit, Bank Street College of Education si drejtuese metodike në fushën dygjuhësore dhe anglishtja si gjuhë e dytë (Bilingual and ESL Teacher Leadership Academy). Më tej, ajo ka kompletuar gjithashtu Masterin Arsimor dhe është liçensuar në Drejtim/Administrim shkolle në shtetin e New Yorkut.

Znj. Gjongecaj është themeluese dhe drejtuese e Shkollës Shqipe “Children of the Eagle”. Gjithashtu është themeluese dhe kryetare e organizatës së dy gjuhëve dhe kulturave paralele shqiptaro-amerikane (The Association of Albanian American Dual Language and Culture [AADLC]). Prej 6 vjetësh kjo organizatë mban seminarin shkencor-arsimor “Arritje dhe Perspektiva të Mësimdhënies së Gjuhës Amtare në Shkollat e Diasporës” me shtrirje në disa shtete të Amerikës dhe Evropës. Një përmbledhje e prezantimeve të tri seminareve të para është botuar në librin me të njëjtin titull. Libri i vjen në ndihmë jo vetëm mēsuesve por dhe prindërve që punojnë me fëmijët për ruajtjen e gjuhës sonë. Librin mund ta gjeni në Amazon dhe Barnes and Noble (ISBN: 978-1-7371943-0-9).