Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Archives for December 2023

Gratë nuk janë skllavet e obskurantizmit

by

Nga Mimoza Dajçi/

Si në Shqipëri dhe në Kosovë, po ndodhin ngjarje tepër të rënda jo vetëm ndaj viktimës, por gjithë shoqërisë. Siç ndodhi afro dy javë më parë në Kosovë, kur bashkëshorti i merr jetën gruas së tij, Liridonës, nënës së fëmijëve të tij të mitur. Policia e ndaloi e arrestoi… Shpresojmë që gjykata t’i japë dënimin kapital. Them këtë pasi në protestat që u mbajtën në Prishtinë ndaj krimit monstruoz, në disa pankarta shkruhej “Policia e arreston, gjykata e liron”. Një rast të tillë kam dëgjuar edhe në Shqipëri, kur një futbollist i hyn në banesë ish gruas dhe e dhunon për vdekje.

E dhunon, e godet dhe del i paqmë me një dënim të lehtë nga gjykata. Tragjedia vazhdon. Ai nxjerr dëshmitarë shokët e tij, që justifikojnë kriminelin sikur të jetë njeri i qetë, miqësor, i dashur i rregullt me gruan, fëmijët, apo fakte të tjera lehtësuese. Edhe në punë para gjykatës e prezantojnë si një xhentëlmen të vërtetë. Ndërkohë që ata jo vetëm nuk kishin jetuar në të njejtën çati me të, por nuk kishin dijeni se sa i dhunshëm ishte ai ndaj gruas së tij, ose kishin dëgjuar, por e mbronin padrejtësisht për “interesat” e tyre. Krimineli edhe pse realizoi krimin që kishte në mendje, j’u dhimbs koka e tij dhe “justifikohej” që të dilte i pafajshëm! Por pasojat, problemet e dhimbjet e plagëve në trup i përjeton viktima pa faj, fëmijët dhe aspak autori i krimit.

Policia e ndaloi futbollistin, ndërsa gjykata e dënoi me gjashtë muaj burg. Ligjet dhe vendimet gjyqësore atje duhet të forcohen, të jenë më të ashpra, të forta ashtu siç është edhe dora e kriminelit, që godet, vret padrejtësisht një femër, një nënë, një grua të pambrojtur.

Në këtë rast apo dhunës ndaj grave mund të përdorim termin “femicidet”. Sipas materaleve të ndryshme shikojmë se ky term daton qysh në vitin 1801, kur është përdorur për herë të parë në botimin britanik me titull “Një këndvështrim satirik i Londrës në fillim të shekullit të nëntëmbëdhjetë” për t’iu referuar vrasjes së një gruaje. Kontributin më të madh në përkufzimin e femicidit dhe në kuptimin që ka marrë ky term sot e ka dhënë Diana Russell në vitin 1976, e cila e përkufizoi femicidin si vrasjen e një gruaje nga një burrë për shkak të gjinisë së saj.

Gratë janë burimi i jetës, janë rrënjët që ushqejnë njerëzimin. Megjithëse jetojmë në shekullin XXI përsëri ka burra në Shqipëri e në Kosovë nga patriarkalizmi i tyre i njësojnë gratë si skllave të kohës së obskurantizmit. Ndërsa Viktor Hygoi ka thënë: “Gruaja na robëron jo vetëm me bukurinë e saj fizike, por edhe me zgjuarsinë e shpirtin e saj”.

Shpresojmë që vrasësit e Liridonës të marrin dënimin kapital.

Kryeministri Kurti mori pjesë në lansimin e raportit të Atlantic Council

by

Kryeministri i Republikës së Kosovës, Albin Kurti, mori pjesë në lansimin e raportit “Rikthimi në rrugën e drejtë, Zbërthimi i perspektivës Euro-Atlantike dhe zhvillimore të Kosovës” nga Atlantic Council.

Në adresimin e tij, kryeministri kujtoi rëndësinë historike të luftës së Kosovës për liri dhe pavarësi, të arritur me sakrifica ndër shekuj dhe së fundmi me ndërhyrjen e NATO-s. Ai reflektoi mbi rolin e bashkësisë ndërkombëtare, veçanërisht të Shteteve të Bashkuara, në mbështetjen e Kosovës dhe theksoi rëndësinë e të kuptuarit të arsyeve pas ndërhyrjeve të tilla.

Kryeministri ngriti shqetësimin për përdorimin e Kosovës si precedent për justifikimin e ndërhyrjeve diku tjetër dhe e dënoi këtë qasje si sulm ndaj së vërtetës, njerëzimit dhe normave ndërkombëtare. Ai ripohoi përkushtimin e Kosovës ndaj vlerave demokratike dhe theksoi historinë e saj të suksesit në shtetndërtimin dhe zhvillimin socio-ekonomik që nga shpallja e pavarësisë në vitin 2008.

Ai u bëri thirrje pesë vendeve të BE-së që nuk e njohin Kosovën, që ta njohin atë, duke thënë se kjo është përgjegjësi e përbashkët e komunitetit transatlantik. Ai theksoi rëndësinë e normalizimit të marrëdhënieve me Serbinë dhe njohjen reciproke.

Sa i përket çështjeve të brendshme, kryeministri foli rreth të arriturave të Kosovës në rritjen ekonomike, krijimin e vendeve të punës dhe mirëqenien sociale. Diskutoi mbi sfidat e vazhdueshme në fusha të tilla si arsimi, shëndetësia dhe energjia dhe strategjitë e qeverisë për adresimin e këtyre çështjeve.

Në përfundim, kryeministri theksoi përkushtimin e Kosovës për anëtarësim në Bashkimin Evropian dhe NATO, duke theksuar nevojën e një procesi të bazuar në merita për kombet që aspirojnë t’i bashkohen këtyre organizatave. Ai shprehu optimizëm për trajektoren e ardhshme të Kosovës dhe përforcoi përkushtimin e qeverisë për vazhdimin e trajektores për një shtet prosperues e demokratik.

Degët në mbështetje të Vatrës, dënojnë ashpër sulmet, baltën dhe propagandën antikombëtare ndaj Federatës Vatra

by

Alfons Grishaj/

Me datën 13 /12 /2023, Drejtori i Degëve të Vatrës në Amerikë, z. Mondi Rakaj, thirri një takim zoom me të gjitha Degët e Vatrës në Amerikë dhe Kanada. Në takim merrte pjesë dhe Kryesia e Vatrës me Kryetar Dr. Elmi Berisha.

Z. Rakaj bëri një ekspoze për arritjet dhe sfidat që ka kaluar dhe po kalon Vatra. Ai foli dhe për detyrat e Degëve dhe anëtarëve të Vatrës.

Në mbledhjen zoom, merrnin pjesë dhe Kryetarët e Degëvë, Efi Qeleshi, Dr. Iris Halili, Mirela Kanini, Prof. Dr.Thanas Gjika, Gëzim Nika, Isuf Spahia, At. Theofan Koja, Adriatik Spahiu, Adem Malellari, Ylli Dosku. Në pamundësi për të marrë pjesë në takim, Julian Çefa dhe Toni Sufaj, kishin deleguar votën e tyre z. Mondi Rakaj. Dr. Skënder Murtezani dhe Drita Vushaj patën vështirësi teknike pë të hyrë në zoom. Në takim ishin të pranishëm dhe Kryesia e Vatrës me Kryetar Dr. Elmi Berisha, zv/Kryetari Alfons Grishaj, Kryetari i Këshillit të Vatrës Kolec Ndoja, Sekretari i Vatrës Dr. Pashko Camaj, Dr. Dritan Demiraj, Dr. Paulin Marku, Tasim Ruko, Ilir Cubi, Besim Malota. Kryesia dhe Kryetarët e Degëve diskutuan për punën që kanë bërë, duke kërkuar më tepër bashkëpunim me Qendrën. Folësit mbështetën Kryesinë dhe Kryetarin Berisha. Në takim u diskutua dhe problemi që kanë sjellur disa përsona në Vatër, ku të pranishmit shprehen hapur kundërshtinë dhe pakënaqësinë e tyre. Kryetari Berisha falenderoi nga zemra për punën e bërë nga Degët dhe siguroi të pranishmit që në të ardhmen, bashkëpunimi do të jetë shumë më i afërt dhe më frytëdhënës.

Në mbarim të mledhjes, Drejtori i Degëve, Mondi Rakaj, lexoi një Komunikatë për Shtyp, duke i kërkuar të pranishmit që t’a votojnë kundër ose pro. Deklarata kaloi me unanimitet të plotë. Mbledhja përfundoi me sukses.

Komunikatë për Shtyp:

“Federata Pan-Shqiptare e Amerikës VATRA dënon ashpër çdo akt sulmi, balte, linçimi, proteste e njollosje ndaj VATRËS, DIELLIT e vatranëve.

Federata Vatra distancohet prej individëve që mbjellin urrejtje, ndasi, përçarje e ndarje.

Federata Vatra dënon spektaklet e ndyra mediatike para Selisë Qëndrore të Vatrës, veprimet, protestat, tubimet në kundërshtim me Kanunoren dhe që dëmtojnë imazhin e Vatrës e të kombit shqiptar.

Vatra nuk do pajtohet kurrë me pazaret dhe luftën personale të ish-vatranëve që duan shkatërrimin e Vatrës, që mbajnë peng njëri-tjetrin me video regjistrime e përgjime, që vjedhin dokumentet e Vatrës dhe i mbajnë në shtëpi, që nuk respektojnë dhe shkelin ligjet e shtetit amerikan e kushtetutën e Vatrës.

Federata Vatra iu bën thirrje të gjithë patriotëve në mërgatën e Amerikës që të distancohen nga një grup antishqiptar që sulmon Vatrën e Diellin prej dy vitesh dhe garanton çdo shqiptar se misioni dhe puna e Vatrës nuk do të ndalet asnjëherë në shërbim të kombit shqiptar e çështjes kombëtare. Vatra e Dielli janë të shenjtë dhe do të jetojnë përgjithmonë”.

NY Concert for Simon Gjoni 100th Birth Year – Homage to his Music Legacy and Lasting Presence

by

Rafaela Prifti/

His musical accomplishments were remarkable, his popularity enormous, his presence among us forever linked to the song that has been a favorite through generations of Albanians. Widely recognized as the nation’s lyrical anthem, Luleborë is Simon Gjoni’s love song to his sweetheart, his hometown of Shkoder and eventually all of us. The Sunday concert at Symphony Space in New York was a tribute to Gjoni’s 100th birth year directed by Andis Gjoni, composer’s son, who is an artist and theater director in New York. To mark this important anniversary, roughly a month earlier, a musical homage was performed in Tirana, Albania, with renowned guest vocalists and musicians. That event coupled with a photo show, a book launch at Albania’s Academy of Science Muzika dhe Epoka (Music and Era) – a monography by Andis Gjoni, preceded the December 10th concert at Leonard Nimoy Thalia theater in New York.

Included in the program were recorded segments and footage of the composer stepping in the TV studio in Albania in 1986 that allowed the audience of different backgrounds and a wide range of age groups to have “a-first-impression-feel” of the artist before going into the world of music creations that span for decades. The opera singers and music artists that performed on stage featured talents and professionals with impressive repertoires such as Kreshnik Zhabjaku, Mira Konçi, Vedat Ademi, Ergin Oda, Fiorela Miria, Riad Ymeri, Deshira Ahmeti Kërliu, Redi Llupa, Estela Syla, Gjilberta Lucaj Kohen, Ariana Krasniqi Dupont.

Simon Gjoni belongs to the generation of Albanian artists whose names we know and whose work has laid the foundations of the music genre. The diversity of his works is hard to match. While folks are familiar with a few favorites among more than 200 songs written by him such as “Pash syt’ tu’ si drita” (Pure light of your eyes), “End o vashë” (Weaving girl), Simon Gjoni, as a composer and a founder of the Albanian Radio and Television Orchestra, has done a notable service to the art of music including composing, conducting, recording and teaching.

Invited at the concert as a distinguished guest Limos Dizdari, a renowned Albanian composer, spoke of the pioneer work and challenges faced by his friend and colleague in the time period that defined the standards for the music, under half a century of Albania’s communist rule.

Simon Gjoni passed away in 1991. His legacy as a composer and multidimentional artist is safely secured in songs and compositions such as Romances, Cantatas, Symphonic Suites, Ballads, seven Symphonic Dances, Symphonic Poems, Suites and more. His collaborations, too many to mention, are present in music, film productions and animations. On a personal note, two of the animated movies are with my father, Naum Prifti (1932-2023).

Hermina Gjoni, his wife and life partner, a career pianist and piano accompanist, attributes the success of Simon Gjoni’s opus from the early songs to orchestra and symphony compositions to its distinctive national properties. She says that he appreciated the musical Albanian individuality and employed his talents to advance it.

After graduating from Conservatory of Music in Prague and after having performed works of world classics like Beethoven, Mendelssohn, Bellini, Tchaikovsky, Dvorak, Liszt etc. there, Simon Gjoni returned to Albania and conducted at the Opera Theater in Tirana masterpieces and a few operas. He is one of the founders of Albania’s Radio and Television Orchestra. While there, he takes the initiative to professionally record music by Albanian composers like Çesk Zadeja, Pjeter Gaci, Tish Daija, Tonin Harapi, Pjeter Dungu, Abdulla Grimci, Nikolla Zoraqi, Kristo Kono, etc. and the soundtrack of some movies.

His focus on education includes text books on the foundations of music, including one that was published posthumously Instruments and the art of orchestration in 2001. Gjoni started teaching in 1958 at the Art Lycee – Music High School in Tirana and in 1961 was among the first professors and founders of the Tirana Conservatory of Music (today University of the Arts), educating future musicians in music polyphony, orchestration, conducting, intonation and chamber music.

“Every single detail was put in place thoughtfully and in great harmony with vocalists and opera singers that delivered impeccable executions,” said Adem Belliu, Founder and Director of Televizioni Kultura Shqiptare (Albanian Culture TV) who recorded the event. Having a musical background, Belliu experienced the performance as a fitting tribute to a distinguished artist that also satisfied the senses with perfect unison. “The community deserved to have such a high quality performance for the beloved composer,” he said. The “Albanian Excellence” supported the event, its Founder and Director, Flora Nikolla contributed with the program script.

The night confirmed that composer’s creations have long been embraced by the folks in Albania and diaspora. The homage concert on December 10th at Symphony Space in New York under the care of Andis Gjoni served as an acknowledgement of Simon Gjoni’s musical gifts and also a reminder of his lasting presence among Albanians far and wide.

Bio Data: Andis Gjoni

Photo Courtesy: Olsi Beci

+2

A ndryshoi Amerika qëndrim ndaj Izraelit?

by

Biden thotë se Netanyahu duhet të ndryshojë qeverinë, Izraeli do të humbasë mbështetjen globale.

Analizë nga Rafael Floqi

Presidenti amerikan Joe Biden paralajmëroi Izraelin se po humbiste mbështetjen për luftën Izrael-Hamas dhe i bëri thirrje kryeministrit Benjamin Netanyahu të ndryshojë anëtarësimin e koalicionit të tij, i cili është kryesisht kundër krijimit të një shteti palestinez.

Në një shenjë të mëtejshme të shqetësimit në rritje të SHBA-së për shkallën e lartë të vdekshmërisë nga fushata ushtarake e Izraelit për të përzënë Hamasin nga Gaza, Biden tha në një takim për mbledhjen e fondeve për kandidimin e tij për rizgjedhjen e vitit 2024: “Ata [Izraeli] kanë filluar ta humbasin atë mbështetje” për Izraelin..

Përveç kësaj, Biden tha, “Unë mendoj se ai [Netanyahu] duhet të ndryshojë” qeverinë sepse “po ia bën shumë të vështirë lëvizjen”. Duke gëzuar mbështetjen e SHBA-së, duke shkatërruar Hamasin

Biden, i cili fluturoi në Izrael në tetor në fillim të luftës, si dhe administrata e tij, kanë qenë mbështetës të vendosur të përpjekjes së Izraelit për të shkatërruar Hamasin, duke ofruar ndihmë ushtarake dhe financiare.

Por, në një atmosferë gjeopolitike të mbështetjes së ulët demokratike për luftën e Gazës, spekulimet janë të larta se Biden do t’i kërkojë Izraelit të kufizojë aktivitetin e tij ndërsa vëmendja në Uashington përqendrohet në kandidimin për Shtëpinë e Bardhë në 2024.

Këshilltari i Sigurisë Kombëtare i SHBA-së, Jake Sullivan pritet të diskutojë këtë çështje kur të vizitojë Izraelin këtë javë dhe të takohet me Netanyahun dhe kabinetin e luftës.

“Tema se si ata po e shohin agjendën e kësaj lufte sigurisht që do të jetë në axhendën e takimeve të mia”, tha Sullivan gjatë një interviste publike në një ngjarje të Wall Street Journal të martën në mëngjes.

“Unë besoj gjithashtu se operacionet ushtarake me intensitet të lartë të llojit që kemi parë gjatë disa javëve të fundit nuk duhet të jetë që ju të shkoni nga kjo në asgjë,” tha Sullivan. Ai përshkroi një skenar në të cilin Izraeli mund të zhvendoset në një tjetër fazë të konfliktit, ku luftimet do të ishin më të përmbajtura. Izraeli mund të vazhdojë të “shkojë pas udhëheqjes së Hamasit” dhe “shënjestrave”, ose të vazhdojë “të ketë mjete në kutinë tuaj të veglave për të provuar dhe siguruar lirimin e pengjeve. Thjesht do të thotë që ju kaloni në një fazë të ndryshme nga lloji i operacioneve me intensitet të lartë që shohim sot,” tha Sullivan.

Zëdhënësi i IDF R.-Adm. Daniel Hagari tha se ushtria ka punuar ngushtë me homologët e tyre të sigurisë amerikane, pasi ai minimizoi raportet e tensionit midis SHBA dhe Izraelit në lidhje me afatin kohor. Sekretari i shtypit i Pentagonit, Pat Ryder foli gjithashtu për mbështetjen e ushtrisë amerikane për fushatën e IDF-së në Gaza.Ryder paralajmëroi, megjithatë, se mbrojtja e civilëve palestinezë ishte një “imperativ strategjik”. mbi mbështetjen ushtarake të SHBA-së për IDF-në. “Ne vazhdojmë të ofrojmë ndihmë ushtarake [IDF-së] derisa ata të heqin qafe Hamasin – por ju duhet të jeni të kujdesshëm, unë duhet të jem i kujdesshëm”, tha Biden. “E gjithë bota, opinioni publik, mund të ndryshojë brenda natës. Ju nuk mund ta lejoni këtë të ndodhë,” shtoi ai. Kundërshtarët e luftës Izrael-Hamas e kanë portretizuar atë si një fushatë kundër një populli palestinez të pambrojtur, në vend të një betejë kundër një grupi terrorist që më 7 tetor vrau mbi 1200 njerëz dhe sekuestroi disa 240 pengje.

Biden e ka parë shkatërrimin e Hamasit si një hap për të kundërshtuar një kërcënim ekzistencial kundër Izraelit. Në festën Hanukkah, ai përsëriti besimin e tij të kahershëm se pa Izraelin, “nuk do të kishte një hebre në botë që të ishte i sigurt.” Më herët të hënën, një grup i vogël protestuesish hebrenj brohoritën jashtë Shtëpisë së Bardhë: “Biden, Biden zgjedh një anë, armëpushim, jo gjenocid.” Hamasi ka pohuar se rreth 18,000 palestinezë janë vrarë si rezultat i dhunës së lidhur me luftën në Gaza, me Izraelin që shpjegon se 7,000 prej atyre viktimave ishin luftëtarë. Shumica e 2.3 milionë banorëve të Gazës janë zhvendosur për shkak të luftës dhe ndihma humanitare nuk ka qenë në gjendje të përmbushë nevojat e popullsisë. SHBA ka ndihmuar në ofrimin e ndihmës humanitare për palestinezët e pafajshëm në Gaza, tha Biden të hënën mbrëma. audiencës kryesisht hebreje dhe se ai po punonte “pamëshirshëm për kthimin e sigurt” të pengjeve të mbetura, pasi ndihmoi për të siguruar lirimin e 110 prej atyre që ishin marrë. “Ne nuk do të ndalemi derisa t’i kthejmë të gjithë në shtëpi,” tha ai. “Unë personalisht kam kaluar orë të panumërta me katarianët dhe egjiptianët për të siguruar lirinë e pengjeve dhe për të siguruar rrjedhjen e ndihmave,” tha ai.

Zyra e Shtypit e Qeverisë së Izraelit njoftoi të martën vonë mbrëma se 19 nga 135 personat që mbahen ende në robëri në Gaza janë shpallur të vdekur në mungesë, duke përfshirë një shtetas Tanzanian. Tanzania ka thënë se dy nga qytetarët e saj, të dy studentë bujqësi, kishin qenë mes pengjeve; njëri u konfirmua i vdekur muajin e kaluar. Biden vuri në dukje se po ndodhin një sërë gjërash që janë shumë të vështira. “Ne do të vazhdojmë të udhëheqim botën në ndihmën humanitare [për Gazën]. Ne duhet të mbrojmë jetët civile,” theksoi ai.

“Më lejoni të jem i qartë. Hamas duke përdorur përdhunimin, dhunën seksuale, terrorizmin dhe torturimin e grave dhe vajzave izraelite është e tmerrshme dhe e pafalshme… Pashë disa nga fotografitë.

“Është përtej të kuptuarit”, tha ai, duke theksuar se: “Ne të gjithë duhet ta dënojmë një brutalitet të tillë pa ekuivokim, pa përjashtim”.

Biden foli edhe për mosmarrëveshjet e tij politike me Netanyahun, duke kujtuar se si 51 vjet më parë, ai kishte shkruar në një foto të të dyve, “Bibi të dua, por nuk jam dakord me një gjë të mallkuar që thua”. Situata nuk ka ndryshuar, tha ai, duke shpjeguar, “Është e njëjta gjë edhe sot. Të dua por…”

Ai sqaroi: “Unë nuk kam bërë asgjë për këtë, kam pasur mosmarrëveshjet e mia me disa zyrtarë izraelitë”.

SHBA-ja dhe Izraeli kanë qenë gjithnjë e më shumë publikisht në mosmarrëveshje rreth planeve për enklavën sapo të përfundojë lufta, me SHBA-të që po shtyjnë për krijimin e një shteti palestinez dhe shumica e anëtarëve të qeverisë izraelite e kundërshtojnë këtë. Izraeli ka insistuar gjithashtu se duhet të mbajë kontrollin ushtarak të Gazës pas luftës.

“Pas sakrificës së madhe të civilëve dhe ushtarëve tanë, nuk do të lejoj hyrjen në Gaza të atyre që edukojnë për terrorizmin, mbështesin terrorizmin dhe financojnë terrorizmin”

Në fund të fundit, Izraeli “nuk mund t’i thotë jo” një shteti palestinez, tha Biden në ngjarjen e financimit të së martës. Duke ecur përpara, “ne kemi një mundësi për të filluar të bashkojmë rajonin… dhe ata ende duan ta bëjnë këtë. Por ne duhet të sigurohemi që Bibi të kuptojë se ai duhet të bëjë disa lëvizje për të forcuar… Nuk mund të thuash asnjë shtet palestinez… Kjo do të jetë pjesa e vështirë.”

Në eventin e Wall Street Journal, Sullivan tha: “Ne kemi qenë të qartë se besojmë se ripushtimi i Gazës është një ide e keqe. Kjo nuk duhet të ndodhë dhe qeveria izraelite e kupton gjithashtu këtë.” Ai shtoi: “Duhet të ketë një marrëveshje të përkohshme sigurie” ndërsa përpjekjet vazhdojnë për një zgjidhje politike afatgjatë për Gazën dhe Bregun Perëndimor. Sullivan shtoi se këto dy rajone duhet të lidhen nën një Autoritet Palestinez të rinovuar dhe të rigjallëruar. Është e vështirë të imagjinohet një Autoritet Palestinez i rinovuar që mund të ketë besimin e popullit palestinez, tha ai. Megjithatë, “ajo që mund të jetë e vështirë të parashikohet sot, mund të bëhet realitet nesër,” shpjegoi ai. Netanyahu kundërshtoi planet e SHBA për të vendosur një PA të reformuar në Gaza pasi të përfundojë fushata ushtarake e Izraelit për të larguar Gazën.

“Gaza nuk do të jetë as Hamastan, as Fatahstan”, tha ai të martën.

Netanyahu falënderoi administratën Biden. “Unë e vlerësoj shumë mbështetjen amerikane për shkatërrimin e Hamasit dhe kthimin e pengjeve tona.” “Pas një dialogu intensiv me Presidentin Biden dhe ekipin e tij, ne morëm mbështetjen e plotë për inkursionin tokësor dhe për bllokimin e presionit ndërkombëtar për të ndaluar luftën”, tha Netanyahu.

“Po, ka mosmarrëveshje për ‘të nesërmen pas Hamasit’. Por shpresoj se do të arrijmë një marrëveshje edhe këtu,” shpjegoi ai. “Unë do të doja të sqaroja pozicionin tim: nuk do ta lejoj Izraelin të përsërisë gabimin e Osloa”, tha Netanyahu teksa vuri në dukje Marrëveshjen e vitit 1993 që një vit më vonë lejoi krijimin e organit qeverisës të quajtur Autoriteti Palestinez. AP qeveris Zonat A dhe B të Bregut Perëndimor dhe deri në vitin 2007, ajo operoi gjithashtu në Gaza, por Hamasi e dëboi atë nga enklava në një grusht shteti të përgjakshëm. Kjo pasoi tërheqjen e Izraelit nga Gaza, i cili shkatërroi 21 vendbanime të veta atje dhe tërhoqi ushtrinë e tij në vitin 2005. Netanyahu ka shpjeguar se Hamasi nuk mund ta qeverisë Gazën pas luftës, por as AP, veçanërisht në dritën e politikës së saj për dhënien e pagave mujore financiare për terroristët dhe familjet e tyre. “Pas sakrificës së madhe të civilëve tanë dhe ushtarëve tanë, unë nuk do të lejoj hyrjen në Gaza të atyre që edukojnë për terrorizmin, mbështesin terrorizmin dhe financojnë terrorizmin,” tha Netanyahu.