Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Flamurin e Deçiqit 107 vjet më parë e solli në Hot Palok Traboini

by

1 Palok Traboini. smallFLAMURIN E DEÇIQIT E SOLLI NË HOT PËRMES DALMACISË PALOK TRABOINI SI SOT 107 VJET MË PARË/

1 Ded Gjo Luli dhe Palok Traboini 1911 FlamuriMë 6 prill 1911 u ngrit flamuri shqiptar në  Deçiq. Është pikërisht ky flamur në fotografi që historianë poturexhinj dhe lakadredhës të politikës e anashkalojnë jo pa qëllim. Qe ti japin mundësi vetes te sajojnë histori te paqena, ta zëmë siç sajon përralla historiani i politikes se djathte, deputet ne listën e Shkodrës, që thotë se ky flamur është punuar nga terzinjtë e Krajl Nikollës. Ky është mashtrim. Se edhe flamurët na i paskan bërë Krajl Nikolla. Aq më tepër se gjyshi i vet a ndonjë kushëri i tij me mbiemrin Gurakuqi, punonte te sarajet e Krajl Nikollës dhe duan ta vendosin në histori përdhuni. 2 Flamurtaret e Decicit 1911.pt FCBPor histori me histeri nuk shkruhet. Ky flamur është porositur nga Dedë Gjon Luli i cili dërgoi në Vjenë të birin Kolën kur u bë porosia dhe pagesën e ka bërë Alardo Kastrioti. Por kur erdh puna për ta marrë atë flamur, lindi një problem se Kol Ded Gjon Luli nuk shkonte dot se ishte komandat ushtarak i trupave të Hotit që kishte filluar luftën kryengritëse. Atëherë Deda dërgoi për ta marre atë flamur sekretarin e vet Palok Traboini(1889-1951) / familja Çeku nga ku është edhe dëshmori Gjon Ujk Çeku/ fisi Gojçaj /dhe Palok Luc Çeku( Traboini) e solli atë flamur në Hot, te Kisha, dhe ja dorëzoi Ded Gjon Lulit. Deda urdhëroi djemtë luftëtarë ta shpalosnin në një pikë të lartë dhe u vendos në një grumbull gurësh ne Bratilë të Deçiqit, më saktë aty ku bashkohet Hoti me Grudën.

Bashkë me fotografinë e Flamurit Marubi ka ruajtur edhe një foto shumë të rrallë, një grup luftëtaresh që i ka shënuar Luftëtarët e Deçiqit.. Ne atë fotografi janë Palok Traboini, që solli flamurin, Mirash Luca i Kastratit dhe Gjok Prel Çeku e disa që nuk i njohim e nuk i identifikojmë dot, që edhe ky Gjok Prela me vonë është vrarë në luftë kundër  forcave esadiste. Po këta historianet e sajuar, as fotografitë nuk i marrin si dokumenta. madje as poemën me 1700 vargje që Palok Traboini ka shkruar po atë vit që u bë kryengritja e cila është e botuar tre herë. Është poeme historiko-epike me ngjarje e persona reale. As kësaj nuk ja hedhin sytë se duan vetëm rrena që të kenë mundësi të manipulojnë historinë. Ti sajojnë ngjarjet ndryshe.

Sipas një zbulimi të fundit në Arkivin e Shtetit është gjetur nga Nikoll Loka viti i saktë lindjes së Palok Traboinit, më 29 mars 1889 si dhe janë gjetur vitet dhe vendet ku ka shërbyer si mësues, në Shkodër e rrethina, në Kosove dhe në trojet shqiptare në Mal të Zi. Dihet që Palok Traboini që në moshë të vogël është rritur në Shtëpinë e Motrës Tone dhe është martuar me të bijën e saj Katrina Skanjeti -Traboini.

Shkrimet e Palok Traboinit, poema dhe publicistika e botuar në vitin 1910, tek gazeta “Bashkim” e Dom Ndoc Nikës,  janë mbledhur të gjitha në një libër të veçantë dhe janë botuar nën titullin “Flamuri në Deçiq” 2012 ku autor i librit është mësuesi Palok Traboini.

 

6 prill 2018

Finalja e dialogut ndërmjet Kosovës dhe Serbisë, njohja reciproke

by

Kosovë-Presidenti Thaçi kërkon unitet politik për dialogun me Serbinë/

PRISHTINË, 5 Prill 2018-Gazeta DIELLI/Në konferencën e organizuar nga Instituti Kërkimor për Çështje Evropiane dhe të Zhvillimit (RIDEA) dhe Grupi për Hulumtim të Politikave në Ballkan (BPRG), me temë Skenarët e ‘Finales së Madhe’ ndërmjet Kosovës dhe Serbisë,Presidenti i Republikes Hashim Thaçi, tha:

– Edhe në vitet e rënda të luftës, edhe në ato të paqes dhe të ndërtimit të demokracisë në Kosovë, edhe në vitet kur u bëmë shtet, ne kemi qenë të gatshëm që ta bëjmë marrëveshjen e madhe historike me Serbinë. Kjo gatishmëri ka munguar në Serbi/

1 Harad ThaciPRISHTINË, 5 Prill 2018-Gazeta DIELLI/ Presidenti i Republikës së Kosovës, Hashim Thaçi, ka marrë pjesë në konferencën “Skenarët e ‘Finales së Madhe’ ndërmjet Kosovës dhe Serbisë”, të organizuar nga instituti RIDEA dhe të mbështetur nga Ambasada e Norvegjisë.Në këtë konferencë, ku të pranishëm ishin shumica e liderëve politikë, presidenti Thaçi ka kërkuar unitet politik për dialogun me Serbinë.Ky është fjalimi i presidentit Thaçi në konferencën “Skenarët e ‘Finales së Madhe’ ndërmjet Kosovës dhe Serbisë”:Të nderuar të pranishëm,

Më lejoni në fillim që t’i falënderohem Labinotit nga instituti RIDEA dhe Naimit nga instituti BPRG, që na ka bërë bashkë sot në trajtimin e kryetemës së kësaj konference apo të “Skenarëve të ‘Finales së Madhe’ ndërmjet Kosovës dhe Serbisë”.

Kjo konferencë është një mundësi e mirë që të shqyrtojmë çështjen kyçe të stabilizimit afatgjatë të Kosovës, atë të normalizimit të marrëdhënieve në mes të Kosovës dhe Serbisë, si dy shtete të pavarura. Kanë kaluar, siç e dimë, njëzet vjet të plota nga lufta e jonë për çlirim, nëntëmbëdhjetë vjet nga Konferenca Paqësore e Rambujesë, dhjetë vjet nga shpallja e pavarësisë së Kosovës, shtatë vjet nga fillimi i bisedimeve të Brukselit, ndërsa marrëdhëniet e Kosovës dhe Serbisë ende nuk janë të përmbyllura politikisht.

Në të gjitha proceset ndërkombëtare që kanë synuar zgjidhjen e çështjes së Kosovës, udhëheqësia kosovare ka qenë e gatshme për marrëveshje politike me Serbinë.Janë humbur, në të kaluarën, dhjetëra vjet pa fajin dhe përgjegjësinë tonë, shumë raste të mira, në mungesë të vullnetit politik të udhëheqësisë së Serbisë, për t’i dhënë fund armiqësive politike dhe historike në mes të Kosovës dhe Serbisë, që janë të vjetra më shumë se një shekull.Edhe në vitet e rënda të luftës, edhe në ato të paqes dhe të ndërtimit të demokracisë në Kosovë, edhe në vitet kur u bëmë shtet, ne kemi qenë të gatshëm që ta bëjmë marrëveshjen e madhe historike me Serbinë.Kjo gatishmëri ka munguar në Serbi.Sidoqoftë, ne jemi sot këtu së bashku, për të folur shumë më tepër për të tashmen dhe të ardhmen e raporteve në mes të Kosovës dhe Serbisë, gjegjësisht për atë që Labinoti, Naimi dhe kolegët e tyre, me një terminologji sportive e kanë klasifikuar si finalen e madhe të bisedimeve të Brukselit.Mendoj se në politikën dhe në shoqërinë kosovare ende kemi një pajtim të gjerë, që duhet kryer punët e papërfunduara në raportet tona me Serbinë dhe duhet arritur marrëveshjen ligjërisht obliguese për normalizimin e marrëdhënieve në mes të dy shteteve.Përmbyllja e dialogut politik me Serbinë, me marrëveshjen ligjërisht obliguese, është interes nacional i Kosovës, që nuk njeh vijat ndarëse qeveritare dhe opozitare.

Në këtë proces, ne duhet të jemi të bashkuar për ta mbyllur këtë kapitull të rëndë dhe tragjik historik, që t’i hapim udhë Kosovës të jetë shtet i barabartë me të gjitha shtetet e tjera në OKB, në BE, në Paktin NATO, kudo.Ne si gjeneratë kemi arritur shumë.Kosova u çlirua. Kosova u bë shtet i pavarur.Por, rrëfimi për Kosovën i këtij brezi, nuk mund të marrë atë trajtën finale pa mundësuar që shteti i Kosovës të jetë anëtar i OKB-së, i BE-së, i Paktit NATO.Prandaj, përmbushjen e këtij qëllimi ia kemi borxh qytetarëve të Kosovës.Sidoqoftë, kur flasim për dialogun e pakryer të Kosovës dhe Serbisë, është gjithashtu e vërtetë që ka gjithnjë e më pak durim për të zhvilluar tutje bisedime në Bruksel, pa një afat të qartë kohor për rrumbullakimin e tyre, pa një synim të qartë se çfarë përmbajtje duhet të ketë marrëveshja në mes të dy shteteve, pa mekanizmat e qartë ndërkombëtarë që do të garantojnë zbatimin e kësaj marrëveshjeje.

Shpallja e ‘Strategjisë së zgjerimit të BE-së me gjashtë shtetet e mbetura të Ballkanit Perëndimor’, në fillim të muajit shkurt, por edhe shumë procese të tjera që janë të njohura për të gjithë ne, i kanë dhënë më shumë dritë perspektivës së ‘Finales së Madhe’ të dialogut të Brukselit në mes të Kosovës dhe Serbisë.Në anën tjetër, javëve të fundit, si President i Kosovës kam pas shumë takime, jo vetëm në Prishtinë, por edhe në shumë kryeqendra perëndimore, me politikanë dhe diplomatë të shteteve kryesore perëndimore, me qëllim që të ofrojë vizionin e Kosovës për fazën përfundimtare të bisedimeve të Brukselit, por edhe për të kuptuar se cilat janë qëndrimet e shteteve që janë partnere të Kosovës në çlirimin, pavarësimin dhe stabilizimin e Kosovës si shtet.Jam i bindur se ka ardhur koha për marrëveshjen e madhe politike dhe historike në mes të Kosovës dhe Serbisë.Kjo më sjellë edhe tek thelbi i kësaj konference, pra cilët janë skenarët e mundshëm përpara?Siç kemi qenë dëshmitarë të gjithë, nuk ka dhe nuk mund të ketë ‘Status Quo’ apo njëlloj gjendjeje të ngrirë në raportet në mes të Kosovës dhe Serbisë.Kemi pasur, realisht, në dy vjetët e fundit, përkeqësim dhe jo përmirësim në raportet në mes të Kosovës dhe Serbisë, në mungesë të epilogut të dialogut të Brukselit.Prandaj, konsideroj se skenari i parë nuk i konvenon Kosovës, por as rajonit tonë.Në aspektin kohor, edhe në bazë të terminologjisë së përdorur në ‘Strategjinë për zgjerimin e BE-së’, flasim për një urgjencë në arritjen e marrëveshjes ligjërisht obliguese në mes të Kosovës dhe Serbisë.Urgjenca për ne dhe për Brukselin, e le të shpresojmë edhe për Beogradin, nënkupton që ky vit të jetë kornizë kohore për nënshkrimin e kësaj marrëveshjeje.

 Sa i përket përmbajtjes së vetë marrëveshjes, ajo tashmë njeh një ‘kod’ të vetin politik dhe diplomatik, me titullin e një ‘marrëveshjeje ligjërisht obliguese’.Për ne në Kosovë, kjo marrëveshje ka peshën e njohjes reciproke në mes të Kosovës dhe Serbisë dhe normalizimin e plotë të marrëdhënieve në mes të dy shteteve.Kjo marrëveshje, pastaj me terminologjinë e saj precize dhe të qartë do të duhej të mundësonte që Kosova të bëhej shtet anëtar i OKB-së, i OSBE-së dhe i të gjitha organizatave ndërkombëtare.Marrëveshja ligjërisht obliguese në mes të Kosovës dhe Serbisë do të duhej të sillte edhe njohjen nga pesë shtetet e BE-së, si dhe një dinamikë të përshpejtuar të anëtarësimit të Kosovës në BE dhe në NATO.Por, pyetja fondamentale që ngritët në këtë rast është se a do të jetë e gatshme Serbia për një marrëveshje të tillë dhe nëse po, atëherë çfarë kompromisi do të kërkojë nga Kosova?

Korrektimi i kufijve, e kam thënë disa herë që është një opsion që bartë me vete shumë rreziqe, të cilat ne të gjithë i dimë, prandaj nuk dua të futem fare në detaje.Ne konsiderojmë se Kosova i ka bërë të gjitha kompromiset e dhimbshme deri më tani nëpërmjet Planit Gjithëpërfshirës të presidentit Ahtisaari.

 Më në fund, ne besojmë që BE-ja dhe SHBA-ja së bashku, do të duhej të jenë garantues, jo vetëm në arritjen e kësaj marrëveshjeje të madhe, por edhe të zbatimit të saj, me afate shumë konkrete kohore dhe me mekanizma ndërkombëtarë të verifikimit të implementimit të saj.E dimë pra çka duam si Kosovë dhe, po ashtu, e dimë që më nuk mund të shtyhet, as të zvarritet, përfundimi i bisedimeve me Serbinë në Bruksel.Por, nëse këtu do të jem krejt i sinqertë me ju, unë jam i vetëdijshëm për të gjitha rreziqet politike dhe të sigurisë që janë përcjellës të rëndomtë të këtyre proceseve të rënda në finalen e tyre.

Ky do të jetë një proces shumë i vështirë. Por, nuk ka alternativë.Dhe rreziku më i madh i mundshëm, kërcënimi më i madh i mundshëm, është ai i moskryerjes së detyrimit tonë për normalizimin e plotë të marrëdhënieve në mes të Kosovës dhe Serbisë.E thashë edhe më herët dhe po e përsëris edhe një herë krejt në fund të fjalës sime.Bisedimet me Serbinë, ashtu siç e kanë bërë bashkë politikën kosovare në Konferencën e Rambujesë dhe në Procesin e Vjenës, do të duhej të na bashkonin edhe tash në finalen e Brukselit.Kjo është zgjidhja më e mirë për politikën kosovare, sepse ky unitet politik është i domosdoshëm nga ana e jonë, për të ofruar të gjitha garancitë e duhura për arritjen dhe zbatimin e marrëveshjes ligjërisht obliguese me Serbinë.

 

HARADINAJ:Finalja e dialogut ndërmjet Kosovës dhe Serbisë, njohja reciproke/

2 Konferenca-Pjesëmarrës në konferencë edhe ambasadori i SHBA-ve në Republikën e Kosovës, Greg Delawie/

PRISHTINË, 5 Prill 2018-Gazeta DIELLI/Në konferencën e organizuar nga Instituti Kërkimor për Çështje Evropiane dhe të Zhvillimit (RIDEA) dhe Grupi për Hulumtim të Politikave në Ballkan (BPRG), me temë Skenarët e ‘Finales së Madhe’ ndërmjet Kosovës dhe Serbisë, kryeministri i Republikës së Kosovës, Ramush Haradinaj, vlerësoi se finalja e dialogut ndërmjet Republikës së Kosovës dhe Serbisë, duhet të jetë njohja reciproke.

Kryeministri Haradinaj fillimisht kujtoi masakrat në Kosovë, duke thënë se gjatë gjithë kësaj jave janë kujtuar të vrarët dhe të masakruarit gjatë luftës në Krushë, Celinë, Rezallë, Pastasel, apo edhe në komuna tjera, dhe se askush nuk duhet ta harrojë se Kosova ka ardhur këtu përmes një dhimbje shumë të madhe dhe është Kosova ajo që e ka tejkaluar vetën për t’i dhënë epilog një situate të tillë.

“Nuk është një incident, një ditë, një akt. Janë plagë që janë në zemrën, mendjen dhe në ndjenjat e shumë njerëzve. Kosova dhe institucionet e saj kanë dhënë të gjitha provat për të tejkaluar çdo gjë për të ecur përpara. Atëherë, çfarë ka munguar në këtë proces Kosovë-Serbi për të cilin janë bërë dy dekada dhe nuk po mbyllet? Nuk ka munguar Kosova, sigurt jam”, tha kryeministri Haradinaj, duke theksuar se në këtë proces kanë munguar ata që janë vendimmarrës.

Më tej, kryeministri Haradinaj tha se energjia e madhe e Uashingtonit që ka ekzistuar  për ta ndaluar luftën, tani është deleguar te evropianët, e këta të fundit, siç janë të ngadalshëm e të ndarë,  po e ngadalësojnë këtë proces.

Me këtë rast, kryeministri shprehu shqetësimin pse edhe pas dy dekadash çështja e dialogut ndërmjet Kosovës dhe Serbisë vazhdon  të mbetet e hapur. Ai tha se nuk duhet të na vijë turp për t’ju thënë hapur se nëse nuk kanë kapacitet të kërkojnë ndihmë.
“Nëse Brukseli zyrtar nuk ka kapacitet për ta mbyllur këtë temë le të kërkojë ndihmë, ose nëse nuk dëshiron ndihmë, të na tregojë se çka të bëjmë ne dhe ne shkojmë në drejtimin tonë ashtu sikur kemi ditur ta bëjmë në të kaluarën”, theksoi kryeministri Haradinaj.Po ashtu, kryeministri Haradinaj tha se gjatë kohës sa është në krye të qeverisë ka parë një shpërputhje në energjinë e Brukselit për çështjen e mbetur hapur ndërmjet Kosovës dhe Serbisë, dhe në këtë drejtim duhet të ndryshojë diçka.Sa i përket marrëveshjeve, kryeministri tha se disa nga to janë zbatuar dhe janë disa rezultate reale, por në disa të tjera ka ngecje, siç është me marrëveshjen e energjisë.“Këtu shihet dobësia e Brukselit zyrtar. Brukseli zyrtar lejon që të ndodhin shumë veprime jo ligjore në fushën e energjisë, përkatësisht në veri dhe rreth Kosovës, në investime, në transmision dhe nuk e ka fuqinë t’i thotë Beogradit se nuk ka të drejtë të bëjë një veprim të tillë. Ne humbim kohë, veprojmë, punojmë dhe në fund duhet të marrim mjete nga buxheti për të mos lejuar të degradojë gjendja më tutje”, tha kryeministri, duke theksuar se ka kërkuar 4 milionë euro nga BE-ja për të mbijetuar ketë situatë edhe për një kohë. Po ashtu, kryeministri Haradinaj tha se mosgatishmëria e dikujt për ta marrë rolin nuk do të thotë se e ndalë Kosovën, ngase ka pasur edhe etapa tjera kur vendimmarrësit nuk e kanë pasur këtë gatishmëri, por Kosova ka ecur rrugës së vet.

Duke folur për rrugën e Kosovës në të gjitha proceset, kryeministri Haradinaj tha se Kosova nuk ka kohë të presë pafundësisht dhe shtoi se nuk ka nevojë për shumë kreativitet sepse finalja e këtij procesi duhet të jetë njohja reciproke.

“Finalja është një, është njohja reciproke e cila duhet të ndodhë. Kush e ka guximin, fuqinë apo ndonjë instrument le të ndihmojë. Kush nuk e ka, duhet t’i thotë Kosovës shko rrugës tënde, dhe kur e thotë këtë, atëherë shqiptarët në Ballkan duhet ta pyesin vetën se a mund të ecim kështu si jemi apo çfarë duhet të bëjmë. Pra duhet të vijë një ditë e të na thotë dikush vendosni për vete. Ky është një realitet që duhet ta kuptojmë, sepse kanë kaluar dy dekada, 20 vjet në Evropë dhe po na thonë po e vazhdojmë dialogun. Deri kur?!”, tha kryeministri Haradinaj, duke theksuar se duhet të ketë unitet politik e institucional dhe të gjithë udhëheqësit politik është mirë të jenë pjesë e dialogut.Pjesëmarrës në këtë konferencë ishin edhe presidenti i Republikës së Kosovës, Hashim Thaçi, kryetari i Lëvizjes ‘Vetëvendosje’, Albin Kurti, Nënkryetari i Lidhjes Demokratike të Kosovës, Lutfi Haziri,  ambasadori i SHBA-ve në Republikën e Kosovës, Greg Delawie, ambasadori i Norvegjisë në Kosovë, Per Strand Sjaastad, përfaqësues të komuniteteve që jetojnë në Republikën e Kosovës, të korit diplomatik të akredituar në Kosovë, si dhe përfaqësues të shoqërisë civile./b.j/

Eulogy for Agim Karagjozi

by

1 Bucaj

By Gjon Buçaj/

We are all gathered here on this sad occasion to bid farewell to your loved one, your beloved husband, father, grandfather, brother, uncle, to our dear friend Agim.

While we Vatrans and friends alike mourn his departure, we also celebrate his life of a true friend and inspiring leader that we enjoyed with him for decades.

As a friend he was honest and sincere, someone that you could fully trust.  He was polite and generous with all, with friends he was kind and always had words of praise and comfort when needed, and you knew that he always meant wat he said.

As a leader Agim possessed the moral and ideological qualities that are required for leading Vatra. He never sought the position of president, but he accepted it with awareness of great responsibility, when membership elected him, having observed and appreciated his dedication to Vatra and to the Albanian cause for many years, and they recognized his commitment to keep and strengthen this organization, while respecting its Constitution and democratic principles established by its Founders and kept by dedicated members ever since. He knew that the strength of Vatra lies in the harmonious cooperation among its members and supporters, and in the commitment to the common cause of national interests, standing above party politics and operating in the spirit of the American democracy, where respect for truth, justice and fairness constitutes the inspiring moral force for progress together. This spirit qualifies Vatra as an important pillar of the strong bond with great friendship between American people and the Albanian nation.

Agim recognized the need to expand and strengthen Vatra, to prepare for gradually transferring it into the hands of young generation, a generation of men and women enriched with patriotic idealism, with commitment to keep those good traditions and the basic principles that have ensured Vatra’s longevity and that do not age with time.

This past 4th of March I visited him for the last time, together with my son Eduard. He was happy to see us and we joked a little bit with a “Get Well” balloon; he always had a fine sense of humor.

Among other things, we talked about young generation being involved in Vatra. “Are you in Vatra?”, asked my son, who replied “Very much so”. Then he turned to me and said the words that my son keeps on tape; “I don’t hesitate to say that the best thing we did (was bringing) our children in Vatra”.

Agim has a long list of achievements and services in this  beloved organization of ours, but I might mention only one: he was entrusted with Vatra funds, the “Permanent Fund” by him initiated, and the older “Building Fund” or “Fondi i Binasë” in Albanian. These funds were joined in one and were kept with sacrifices in difficult times, until his son Zudi, found the three-story building that we own now, at a price that could be paid in full with the available funds and with Zudi’s help, as the real estate broker who arranged the transaction without taking his due commission.

For his continued engagement and for contributions in various activities during his life, with the spirit of a patriot who looks after national interests above his own, he was honored with many recognitions and decorations; among those, the one that made him particularly proud and happy, was the Honorary Citizenship of his native city, Gjirokastra.

There are too many unforgettable episodes to tell here, that we enjoyed together with many friends, but let me conclude by just saying that he, for friends and especially for us Vatrans, left an enormous legacy of heavy responsibility that is not easy to keep, because keeping it requires unselfish leaders with moral and ideological qualities of Agim Karagjozi.

On behalf of my family and myself, and on behalf of many common friends that couldn’t be here today, I express my deepest sympathy to the Family here and to all relatives in Albania and wherever they may be.

Per gezime mbas sodit!

April 4, 2018

 

Vepra e Kryetarit Karagjozi dhe idealet Vatrane do të rrojnë në Përjetësi

by

NGA AGIM REXHAJ/

1 agim rexha

Sot është një ditë e trishtuar pasi po ndahemi nga Kryetari ynë i dashur!Që prej ditës së parë kur e kam njohur, Presidentin tonë të nderuar të VATRËS, tani të ndjerin Z. Agim Karagjozi, e deri më sot, kam patur nderin dhe mundësinë të flas dhe tu adresohem njerëzve në shumë tubime në emër të Federatës tonë. Por kjo është fjala ime më e vështirë:Të flas pikërisht në funeralin e tij.

E njoha Z. Karagjozi në ditët e vështira kur Shqipëria ishte nën sundimin e dikataturës më të egër komuniste, ndërsa Kosova dhe viset tjera në ish Jugosllavi përjetonin genocid  nën thundrën e Hitlerit të Ballkanit, Miloshevicit.

E njoha këtë burrë të rrallë shqipëtar në tërë kuptimin e fjalës, në kohërat kur atdheu kishte nevojë më shumë se kurrë dhe kur historia ishte bash në kapërcyell të vetin për të kaluar në një fazë tjetër të jetës së shqiptarëve:

Kalimin në demokracinë e modelit perëndimor në njërën anë të kufirit shqiptaro – shqiptar, dhe heqjen e zgjedhjes sllave dhe çlirlimin një herë e përgjithmonë në anën tjetër.

Pata nderin dhe fatin e rrallë, që  të isha njëri nga nxënesit e dëgjueshëm dhe të vëmendshëm të burrit të urtë , Kryetarit tonë të Përhershëm, z Agim Karagjozit.

Punova me të pa u lodhur dhe pa iu ndarë për të arritur ato objektiva kombëtare që VATRA i ka patur përherë, dhe që nën drejtimin e z Karagjozi dhe si për dashamirësi të historisë ndaj tij, u realizuan pikërisht gjatë kohës kur ai ishte në drejtim të VATRËS:

U arrit  demokratizimi i Shqipërisë, Çlirimi dhe formimi i Shtetit Demokratik të Kosovës, zbutja e represionit ndaj vëllezërve tanë në rrethinta kufitare të dy shteteve.Kam ndarë me të tërë shqetësimin që ky patriot i madh kishte për vëllezërit shqipëtarë, në cdo cep të botës, në Shqiperi, Kosovë,Maqedoni,Mal te Zi,Presheve, Camëri dhe Diasporë.

Lavdi Veprës së Tij!

Vetë ekzistenca e shtetit shqiptar dhe për më tepër ekzistenca e Bashkësisë Shqiptaro Amerikane këtu në Amerikë, nuk mund të kuptohet pa ekzsistencën e VATRËS. Në harkun kohor prej 106 vjetësh, vetë VATRA nuk mund të kuptohet pa aktivitetin dhjetëra vjecar(60) të Agim Karagjozit dhe drejtimin e Saj prej Tij që nga Viti 1992 deri në vitin 2010.

Gjatë kësaj periudhe VATRA, ashtu si një herë e një kohë nën drejtimin e Konicës dhe të Nolit ndihmoi në formimin dhe mëkëmbjen e shtetit shqiptar, po ashtu nën drejtimin e Agim Karagjozit ndihmoi në ndryshimin e formës së qeverisjes dhe vendosjen e shqiptarëve në sisteme demokratike.

Roli i  Z Karagjozi në këtë udhëtim të dekadave të fundit ishte një rol i rëndësishëm dhe i shquar. Edhe pasi ai vetë, si një demokrati i vërtetë, për shkak të moshës dhe vështirësve të shëndetit, e la drejtimin e VATRËS, ne Vatranët e nderuam si President Nderi. Dhe ai në këtë cilësi ndërroi jetë.

Të ishe pranë z Karagjozi dhe të drejtoje VATRËN me të, gjë që unë kam patur fatin ta bëj, ishte një kënaqësi e vecantë. Ai ishte njeriu që më shumë dëgjonte sesa fliste; Ai ishte simboli i maturisë në vendimarrje dhe urtësisë në debat.Ai ishte njeriu që përkujdesej për çdo gjë, dhe shqetësohej për fatin e kombit tonë.Ai qantë si një fëmijë kur njoftohej për ato që ndodhnin përtej detit me shqiptarët, por që merrte edhe vendimet më të forta duke frymëzuar njerëzit për aksion.

Ai ishte një shqiptar që e njihte më mirë se kushdo tjetër, historinë e VATRËS dhe korifejve të Saj.

Duke qenë në drejtim të saj, ai ishte po ashtu edhe njeriu më modest dhe më i thjeshtë. Ai dëgjonte çdokend që kishte një mendim të mirë për kombin.

Ai e deshi VATRËN aq shumë sa para tre muajsh në fillimin e Janarit të këtij viti, në një ditë të acartë u shfaq papritur në VATËR për të ndjekë një ndër aktivitetet e Saj, në promovimin e librit te Ambasadorit Mal Berisha, As sëmundja as mosha nuk mundën ta ndalonin.

Agim Karagjozi e njohu mirë shpirtin e shqiptarëve. Ai diti të shquajë më së miri, ata që ja kishin me të drejtë kombit shqiptar dhe ata që nuk ja kishin. Ai u dekorua nga Presidenti i Shqipërisë Zoti Bujar Nishani dhe mban tituj të Lartë Nderi i Kombit të lëshuar nga Ai Institucion.

Agim Karagjozi ishte mik i Presidentëve Berisha dhe Rugova, i heroit të Demokracise Azem Hajdari dhe bëri gjithcka për dy shtetet tona shqiptare. Ai ishte mik i cdo shqiptari demokrat, përparimtar, i atyre që mbi gjithcka kanë idealin tonë Kombëtar.

Sot ne po ndahemi nga Presidenti Ynë. Është një moment i vështirë, shumë i vështirë, por edhe një çast solemn, krenarie dhe nderimi, që patëm fatin të kontribuonim për çështjen tonë kombëtare krah për krah Tij.

Sot është një moment lamtumire i natyrshëm por edhe një moment nderimi për trashëgiminë e pashoqe që ai na ka lënë.

Është një moment që ne të gjithë vatranët dhe të gjithë shqiptarët patriotë të betohemi mbi trupin e tij se Vepra e Tij dhe idealet e Vatranëve do të rrojnë.

Është një moment që duhet të ndajmë krenarinë që në mesin e shqiptarëve të Amerikës jetoi dhe punoi për çështjen tonë një burrë i madh, një patriot i vërtetë, vepra e të cilit do të jetojë ashtu si e paraardhesve të VATRËS.

Të qoftë i lehtë dheu’ i Tokës së Lirë, i dashur Presidenti im i perjetshëm I Nderit!

Zoti ta bëkoftë shpirtin!

Lavdi Veprës së Vatranëve dhe Tuajës!

Rroftë Kombi Shqiptar!

U prehsh në Paqë i dashur Kryetar!

*Fjala ngushëlluse e Nënkryetarit të Vatrës në ceremoninë e përcjellëse të Presidentit të nderit të Vatrës, Agim Karagjozi

Nënkryetar I VATRËS

Neë York, 4 Prill 2018.

BETIM PRANË ARKIVOLIT TË PRESIDENTIT TË NDERIT TË VATRËS

by

BETIM PRANË ARKIVOLIT TË PRESIDENTIT TË NDERIT TË  VATRËS AGIM KARAGJOZI/

1 dritan ok1

NGA DRITAN MISHTO*/

Është shumë e vështirë që në kapacitetin e Kryetarit të Vatrës të përcjell në botën e pasosur një Kryetar të Vatrës. Ndihem shumë i emocionuar dhe dua të ngushëlloj nga thellësia e zemrës familjen, vatranët, gjithë komunitetin.

Si Kryetar i Vatrës kam detyrën të sqaroj një nga momentet që lidhen me Federatën tonë gjatë drejtmit të zotit Agim Karagjozi. Ai drejtoi Federatën në sfida shumë të mëdha dhe kuptoi se jo numri i anëtarësisë së një Federate është gjithcka për ta bërë atë Federatë të fuqishme. JO! Ai kuptoi që forca, misioni, parimet ,nëqoftëse ndiqen e mbajnë një organizatë të shëndoshë, dhe ishte pikërisht bazamenti që Agim Karagjozi hodhi në Federatën tonë, në atë tranzicion shumë të madh të Federatës sonë që ne sot të jemi akoma një nga organizatat më të respektuara në botën shqiptare.

Gjatë kohës së fundit të drejtimit të Vatrës, kur e takoja më thoshte ‘kryetari i ri’ por sinqerisht më dukej vetja shumë i vogël përpara madhështisë së këtij njeriu. Nga zemra them se ne jemi sot këtu të gjithë Vatranët për t’i dhënë besën Agim Karagjozit, për t’u betuar, dhe t’ua bëjmë të qartë të gjithë shqiptarëve në botë se Vatra ka qenë dhe do vazhdoj të jetë më e fuqishme dhe do të përmbush misionin e saj.

U prefsh në paqë Kryetari i Përjetshëm i Vatrës!

Kryetarët e tjerë përfshirë edhe mua do të harrohen ndoshta por zoti Agim Karagjozi, Kurrë.

Ju falemnderit dhe ngushëllimet e mia më të sinqerta.

***

I would like to say a few words in English to the members of the Karagjozi family. First, I take this opportunity to express my deepest condolences to Misses Rozi and all of you, and also my deepest gratitude for what Agim has done during his presidency. I would like to mention something which is important to me. It’s true that we had a fund in our Federation to buy a building, the one we have now. However, because of his humbleness Agim never has spoken about some details of this transaction. His son, Zudi, which I thank you very much Zudi for all you have done for us, it couldn’t have been done without you. Zudi waved his broker fee for the building. Second, because of Vatra and his membership to this organization he didn’t get any profit from this transaction and thirdly, Zudi put his people in the building to make it functional. Thank you very much. I know that your humbleness Zudi doesn’t let you to talk about this truth and I appreciate it very much. Again on behalf of Vatra it is so hard for me to say Goodbye to Mr. Agim Karagjozi.

  • Fjala ngushëlluse e Kryetarit të Vatrës në përcjelljen e Presidentit të Nderit të Vatrës, Ing. Agim Karagjozi me 4 prill 2018