dgreca – Page 2051 – Dielli

DUKE U AFRUAR DITËLINDJA E VATRËS

April 26, 2017 by dgreca

*Ka ardhur koha, që edhe dy shtetet shqiptare duhet ti hedhin sytë edhe nga Vatra, në mënyrë që ti kthejnë asaj një pjesë të “borxhit” që i kanë, duke krijuar mundësinë që në të ardhmen e afërt të investohet për të ngritur në NY, qendrën multikulturore “VATRA”/

asllani-56

NGA ASLLAN BUSHATI /

Nënkryetar i Vatrës/

Në rrjeshtat e më poshtëm nuk do të ndalem të shkruaj për historinë e Vatrës, se për te kanë shkruar shumë autorë të nderuar dhe do të vazhdojnë të shkruajnë edhe shumë të tjerë në të ardhmen. Por, duke u afruar ditëlindja e 105 e Vatrës (28 prilli 2017), nga pozita e Nënkryetarit, thjeshtë dua të sjellë një mesazh respekti (nga brezi i sotëm i vatranëve) , për të gjithë vatranët e drejtuesit e mëparëshëm të kësaj Federate Panshqiptare të Amerikës, e cila kreu misione të shumta në dobi të ceshtjes së madhe kombëtare. Historia e Shqipërisë do të ishte e mangët, e cunguar dhe e pa plotë, në qoftë se nuk përfshinë brenda saj punën e madhe, mundin, djersën, parat e deri gjakun e shumë vatranëve. Vatra është në një farë forme binjake me shtetin shqiptarë (madje disa muaj më e moshuar), por që për shtetin ajo shpesh herë u bë frymezuese, financuese, udhëheqëse e deri oponente, falë punës dhe inspirimit të drejtuesve të saj. Vatra i dha shtetit shqiptar një kryeministër, ministra, deputetë , zyrtarë të niveleve të ndryshme, komandantë e ushtarë të mbrojtjes kombëtare,orkestrën frymore, muzikantë, letrar, gazetar, libra, përkthime e deri vlera të konsiderueshme monetare. Vatra e lidhi fatin dhe të ardhmen e Kombit Shqiptarë me Kombin e madh Amerikan, mikun më të madh të të gjitha kohrave, i cili në dy raste vendimtare e mbrojti atë nga shpërbërja (Lufta e Parë Botërore) sic eshtë rasti i Presidentit Willson në Lidhjen e Kombeve dhe Presidenti Klinton me problemin e Kosovës që e shpëtoi përfundimisht nga gjenocidi serb.

Vatra, nëpërmjet drejtuesve të saj, kultivoi në radhët e veta dhe përhapi në diasporën shqiptaro- amerikane e ne dy shtetet shqiptare frymën demokratike të traditës amerikane. Vatra kreu rolin e shtetit edhe kur ai nuk ekzistonte ose ishte i pa fuqishëm të kryente rolin e tij. Vatra me fjalën e veprimtarinë e saj, mbrojti atdhe e fe. Vatra ka martirët e saj që janë dhe martirë të Kombit, ata që dhanë jetën për mbrojtjen e tërësisë teritoriale të Shqipërise dhe ata që dhanë jetën në burgjet e diktaturës komuniste për një Shqipëri të lirë e demokratike sipas modelit amerikan.

Të gjitha këto (dhe shumë të tjera), na obligojnë tu shprehim mirënjohje të thell nga largësia e 105 viteve themeluesve, martirëve dhe veprimtarëve të dalluar të Vatrës: Faik Konica, Fan Noli, Kristo Floqi, Paskal Aleksi, Lambi Cikozi, Kristo Kirka, Elia Tromara, Kosta Vasili, Kostë Cerkezi, Kristo Dako, Aqif Permeti, Kolë Tromara,… e deri tek tre të fundit Arshi Pipa, Agim Karagjozi dhe Gjon Bucaj. Dashuria për Shqipërine dhe Amerikën, ndjenja e koleltivitetit në vendim marrje, ndershmëria, respekti për njeri – tjetrin, qenë gjëra të cmuara që drejtuesit e Vatrës, përcolën tek degët dhe vatranët e thjeshtë.

Në Kanunoren e Vatrës (botim i vitit 1926), themeluesit nënvizuan në Nyja 5 se:”Vatra nuk duhet të merret me politikë”. Kjo thëne, ështe vëvë në Kanunore nga themeluesit e saj për të nënvizuar se në SHBA, Varta nuk mund të marrë pjesë si formacion as në zgjedhjet vendore dhe as në ato qëndrore dhe as që mendohet të jetë element politikëbërëse në SHBA. Por, nga ana tjetër, për ceshtjet e Kombit Shqiptarë, Vatra ka bërë e do të vazhdojë bëjë politikë, madje nene i sipërpërmendur në Kuvendin e 2013-tës është ndryshuar si më poshtë:”Fryma e Vatrës ka qenë dhe do të mbetet interesi i përgjithshëm kombëtar.Vatra frymëzon dhe përkrah ato forca dhe rryma politike që kanë program demokratik, progresist dhe përparimtarë.Vatra i përmbahet idealit një gjuhë, një komb, një shtet.” Kjo frymë dhe ky ideal vjen që nga themeluesit e Vatrës të cilëve breznitë e reja do tu jenë mirënjohes përjetë.

Mendoj se ka ardhur koha, që edhe dy shtetet shqiptare duhet ti hedhin sytë edhe nga Vatra, në mënyrë që ti kthejnë asaj një pjesë të “borxhit” që i kanë, duke krijuar mundësinë që në të ardhmen e afërt të investohet për të ngritur në NY, qendrën multikulturore “VATRA”. Qendër e cila të përmbush më mirë nevojat e vatranëve e të komunitetit për veprimtari kulturore, arsimore, artistike, biznesi, familjare etj.

Edhe një herë nga ditëlindja e 105-të e Vatrës, mirënjohje të pa kufishme për të gjithë ata vatranë që dhanë jetën, u gjymtuan, dhanë pasurinë, u lodhën e munduan në drejtimin dhe veprimtarinë konkrete të Vatrës.

SULLTAN ENVER EFENDIA SHKATRROI KISHAT KATOLIKE SHQIPTARE

April 26, 2017 by dgreca

PAPA GJON PALI II ka thanë: “Ajo që ka ngja në Shqipni, të dashtun Vëllazën dhe Motra, nuk asht pa kurrë në historinë e njerëzimit…”

Nga Fritz Radovani-Melbourne/Australi/

■Sikur terroristët që kanë dhunue popujt e vendeve të veta me vite të tana të mos kishin lanë edhe “Vepra” të shkrueme, sa shumë krime që kanë krye do t’ishin të pabesueshme!

Enver Hoxha në muejt e parë të vitit 1945 porositë: “Të mos i akordohen fonde Kishave Katolike nga shteti, të cilat kanë nevojë per riparime, mbasi kështu ato do të shemben dhe nuk do të kemi nevojë me i mbyllë ne.” Sigurisht ndikonte edhe gjendja e vështirë ekonomike e Popullit, që mbi 70% nuk kishin të sigurueme as buken e gojës.

■Dishmi e këtij urdhni asht Kisha Monumentale e Shirqit dhe e Obotit, pranë së ciles janë kenë edhe thëmelet e shtypshkronjës së vjeter që u pat ndertue në Obot në 1493.

1967:Para këtij viti në Shkoder ka fillue “Revolucioni Kultural”. Metoda e “shembjes” ka fillue me Kishen e Jezuitëve dhe ate të Murgeshave, që janë marrë nga shteti në nandor 1965, varrezat u prishën edhe pse aty ishte Don Ndre Mjedja, që u dergue pranë Luigj Gurakuqit tek Varrezat e Deshmorëve tek spitali fëmijve, e kur u ndertuen Varrezat e reja Poeti Don Ndre Mjedja, gjoja u “harrue” tek Spitali… Një turp i pashlyeshem!

Veprimet antifetare kryheshin nga Xhemal Dini, i cili perfaqsonte “Frontin Demokratik” dhe, ndimoheshin nga organizatat e rinisë dhe të pionjerit pranë furrave, me pa se kush pergatitet per festat e mëdha të Pashkëve… Veteranët ishin të kudondodhun…

4 MARS 1967: Mbulohen dyert e Kishës Kathedrale në Shkoder me “Fletë Rrufe”!

U plaçkitën veprat e artit dhe skulpturat e Idromenos. Para zhvillimit të Kongresit të BGSh, asht kenë fat që erdhi me pa pergatitjen e Kishës si sallë Kongresi, Vito Kapo. Ajo pezulloi projektin per shembjen e tavanit artistik të Kathedrales, veper arti e skulptorit Kolë Idromeno. Ai tavan asht pothuej i vetmi “dishmitar” i zhvillimit “Revolucionit” në Shkoder, pikrisht, kur Varrezat e Ipeshkvijve të para 1944, jo vetem u boshatisen dhe u tretën Eshtnat në Dri, po nga urrejtja vendet e Varrezave u kthyen në nevojtore…

■Mbyllet Kisha Monumentale e Zojës së Këshillit të Mirë tek Kalaja e Shkodres, treten Eshtnat e Imz. Jakë Serreqit në Dri, e askush nuk di me tregue ku iken veprat e artit që ishin tek Ajo Kishë e vjeter guri e mermeri, e gjuejtun me topa nga turqit e malazezët!

Mbyllet edhe Kisha e Rusit dhe Ajo e Fretenve në Gjuhadol, dhe që pasohet tek Arra e Madhe, tue ua vue drynin perfundimisht me 19 Mars 1967 të gjitha Kishave në Shkoder.

Vorrezat e Fretenve dhe të Kishave tjera u boshatisen dhe u treten Eshtnat.

15, 16, 17 MARS: Bahen lutje të veçanta nga Kleri në Kishën e mbyllun të Zojës Rruzare. Ditën e shtune, me 18 mars, në zyrën e Këshillit të Frontit të Arrës së Madhe, para një komisioni të Frontit, me elementë të partisë dhe të Sigurimit, u thirren gjatë paradites një nga një 20 Fretnit. Kërkohej prej secilit Meshtar t’i bijshin mohit zyres së tyne meshtarake. Asnjë Klerik nuk pranoi. E ndonjeni që u kishte “shërbye” Frontit e pushtetit, u tha: “Ju kemi sherbye per mos me mërrijtë këtu. Këtu nuk jemi me ju!”

Mbasdreke Fretnit i dëbuen të gjithë nga kuvendi, bashkë me françeskanët pleq dhe të mbetun. Kryetarin e Kishës Katolike Imzot Ernest Çoba, me një taksi e çuen në shtëpinë e së motrës. Një popull i madh që as nuk dihet si u mblodh aty e përcillte me lot nder sy Imz. Çoben, shumë i tronditun po, dhe i mbytun në frikë bashkë me Popullin e vet.

19 MARS 1967: Ditën e diele, Dita e Shën Jozefit dhe e Larit, as nuk ndihet asnjë tingull kumbone e as nuk gjindet asnjë Derë Kishe e çilun në qytetin Martir.

26 MARS: Në Lezhë mbyllja e Kishës nga Fronti Demokratik do të kryhej me një organizim të djallzuem, ditën e Pashkëve. Organizata e Frontit dhe Komiteti i Partisë së rrethit, tue pasë sekretar partie, sigurim të shtetit, polici të madhe, organizata të rinisë, nxanës të shkollave, dhe shumë popull me detyrim në oborrin e Kishës së Kuvendit Françeskan shpallën “Kuvendin e tre brezave të Lezhës”, me një vendim në emën të popullit, në 15 pika, “ku kërkojshin mbylljen e të gjitha kishave e qitjen fare të besimit katolik me meshtarë e besimtarë.” Fillojnë aksionet e Rinisë revolucionare me rrëzimin e kumbonares së kishës së lashtë françeskane. Ky veprim pasohet edhe në Laç të Kurbinit, ku Shejtnoria e Shna Ndout kje rrënue krejt dhe zona kthehet kamp ushtarak, që mos të lejojë popullin të shkonte tek vendi i Shejtë për lutje me besim në Mrekullitë e Shenjtit.

1969: Kisha e vogël me vlera artistike në Laç të Vaut të Dejës, vepër e shekullit XIII, Kishë me afreske dhe e shpallun “monument kulture”, Atë Kishë e vizitoi dhe heroi ynë kombëtar, Gjergj Kastrioti, madje aty edhe u kunorzue. Me urdhën të Ramiz Alisë që drejtonte “Revolucionin kulturor” në Shkoder, Kisha u rrenue plotësisht me dinamit nga sekretari i PPSH hidrocentralit Fadil Ymeri. Anmiku i Gjergj Kastriotit sulltan Enveri, as “nuk kishte dijtë se Ajo Kishë po hidhet në erë…” Çfarë hipokritësh na qeverisin!

Shumë kisha të tjera u shndërruen në salla kulture, salla gjyqi, magazina e në stalla bagëtish. Kishte disa kisha që nuk u rrënuen, por edhe ma keq kje fund i Tyne!

Kishin mbetë pa u mbyllë kisha e fshatit Sheldi, deri pak ditë mbas Pashkëve, Kisha e fshatit Delbinisht. Kjo Kishë u mbyll e fundit, ditën e Rrëshajve të vjetit 1968, për arsye se Populli kishte marrë çilsat e kishës e nuk ia dorëzonte organizatës së frontit e të rinisë. Kur ata dojshin ta shperthejshin me forcë derën e kishës, Populli delte para me lopata…

29 QERSHOR 1967: U mbyll edhe Kisha e “Zemrës së Krishtit” në Tiranë.

■Kur po ndertohej hidrocentrali i Fierzës Ramiz Alia thrret Ingj. Besnik Bekteshin dhe i shpjegon se “shoku Enver, do të tregojnë arsyet e ndertimit të hidrocentralit aty…”

Ing. Bekteshi hyni në dhomen e Tij dhe Enveri filloi me i tregue per hidrocentralin dhe, arsyet e ndertimit në Fierzë, të cilat vështirë se i beson kush sot. Nder tjera ai i shpjegoi: “Do të ndertojmë këte hidrocentral i cili, nën liqenin e tij ka per të permbytë 38 Kisha të vjetra, dhe vetem kështu, kjo zonë do të spastrohet nga ato Kisha Katolike…” U ndertue nga kinezët prej vitit 1971 dhe u vue në punë në 1978, me emnin “Drita e Partisë”…

■Diktatori Hoxha vazhdon të mbajë dekoratat e titujt, mbasi ata i siguroi me Kushtetutë:

Neni 37 i Kushtetutës së vjetit 1976: “Shteti nuk njeh asnjë fe dhe përkrah e zhvillon propagandë ateiste për të rrënjosur tek njerëzit botëkuptimin materialist shkencor.

Neni 55: “Ndalohet krijimi i çfarëdo organizate me karakter fetar. Ndalohet veprimtaria dhe propaganda fetare.” Sabri Godo pat thane: “E kemi ndryshue Kushtetuten, po ato dekorata terroristëve nuk po ua perket askush tash 27 vjet mashtrime demokratike!!”

Vazhdon Pjesa e XV.

Melbourne, Prill 2017.

Russia Risks a New Cold War in the Balkans

April 25, 2017 by dgreca

By David L. Phillips*/

The front line in Russia’s Cold War lies in the Balkans. Serbia is the epicenter of Russia’s anti-American agenda, which aims to destabilize pro-western states with NATO and European Union (EU) aspirations.Serbia is a convenient ally for Russia. The two countries have deep historical and cultural connections. Russia gained further favor by strongly opposing NATO’s intervention in 1999.

Vladimir Putin endorsed Serbia’s President Aleksandar Vucic when they met last month in Moscow. Putin also promised weapons. Russia’s “donations” of military equipment include six MiG-29 jets, with modern missiles, radar, and communication systems, as well as tanks and armored reconnaissance vehicles. Serbia also seeks BUK anti-aircraft systems and S-300 surface to air missiles.

Russia has a spy base in Nis in southern Serbia to monitor western activities in the region. Moscow denies espionage, insisting the base is used for flood relief and fighting forest fires.

Security cooperation with Russia enjoys broad support among Serbs. Most Serbs support joint military exercises. Nearly two-thirds of Serbs view NATO as a threat. Though the West provides four times more investment, Serbs see Russia as their primary commercial partner.

Russia is stoking tensions in Kosovo, which remains a dangerous flash point almost a decade after declaring independence. In January, Belgrade sent a Russian manufactured train to Mitrovica adorning its coaches with signs in Cyrillic and Russian declaring “Kosovo is Serbia.” When Kosovars objected, Vucic threatened military action.

Kosovo Serbs built a wall north of the Ibar River in Mitrovica and threatened to secede. They covered the wall with posters of Vladimir Putin. Russian media exacerbates tensions by engaging in anti-NATO propaganda. Sputnik, a Russian state news agency, has an active satellite office in Belgrade.

Russia also foments conflict in Bosnia. In November, Russia supported a controversial referendum by Bosnian Serbs, setting the stage for secession. Bosnia is deeply divided with the Republika Srpska moving towards separation.

In Macedonia, Russia tacitly supports the ruling VMRO party of Nicola Gruevski, which is becoming increasingly anti-American and anti-EU. Macedonia is the hub of fake news outlets, manufacturing stories that defame US politicians, US officials, and well-intended western philanthropists.

Montenegro is another proving ground. Authorities arrested 20 Serbian agents for plotting a coup on election day in October 2016, accusing Russian “state organs” of complicity.

US allies in the region are rallying.

Montenegro will attend NATO’s Summit next month as a full member.

Kosovo seeks support for establishing armed forces and assistance with its National Action Plan to prevent violent extremism.

Albania offers bases to enhance NATO air operations and counter-terrorism efforts.

Croatia, a NATO member, will buy jets and other equipment from the West in response to the Serbian buildup. It rebuffed specious offers of assistance from Russia to fight fires last summer on the Adriatic coast.

Bosnia reaffirmed its commitment to joining NATO, over the objection of Bosnian Serbs under Belgrade’s control. Bosnia rejected Russia’s “agreement of understanding” on joint actions in case of natural disasters.

Putin cynically pursues Russia’s self-interest, projecting influence in the Balkans. He heralds Slavic and Orthodox solidarity, but cares little about the targets of Russian influence. To Putin, the Balkans represent a vulnerable underbelly of the West, ripe for meddling.

The US should respond to Russia’s aggression by intensifying its economic and diplomatic contact. It can help stabilize fragile states in the Balkans through security cooperation aimed at preventing violent extremism and countering-terrorism.

Most people of the Balkans are pro-American and share European values. The US and the EU can effectively confront Russia’s challenge through more extensive engagement.

*David L. Phillips is Director of the Program on Peace-building and Rights at Columbia University’s Institute for the Study of Human Rights. He worked as a Senior Adviser to the State Department’s Bureau for European Affairs during the administrations of Presidents Clinton and Bush. He is author of Liberating Kosovo: Coercive Diplomacy and US Intervention.

Kudret Kokoshi: Vetëm shqipja le të rrojë!

April 25, 2017 by dgreca

Ne 26 vjetorin e vdekjes/

kudret.kokoshi

Kudret Kokoshi, u shua me 26 Prill 1991/

Shkruan:Reshat KRIPA/

I mbylli sytë njëzetegjashtë vjet më parë. I mbylli pa shijuar mirë aromën e lirisë që sapo kishte filluar të lulëzonte, por iku me po atë besim që kishte në rininë e tij kur shkruante:

Unë po vdes!… Oh, le të vdesë!

Vetëm shqipja le të rrojë!

Në varrin e tij nuk u mbajtën fjalime protokollare. U thurën ditirambe, u lexuan vargje. Folën bashkëvuajtesit e tij, vëllezerit e tij, Engjëll Kokoshi si dhe Viktor e Tomor Dosti.. Ai nuk vdiq se martirët nuk vdesin. Ai vazhdon të jetojë me vargjet e tij, me veprat e tij, me personalitetin e tij.

Lindi në vitin 1908 në qytetin e Vlorës. Bir i një familje të madhe qytetare me tradita të pasura patriotike, nacionaliste dhe intelektuale. Lindi në ato vite kur Shqipëria përgatitej për të firmosur aktin më të madh të historisë së saj, që nga koha e Skënderbeut legjendar, aktin e pavarësisë kombëtare, ku krahas firmës së Plakut të Vlorës, do të vihej dhe ajo e Qazim Kokoshit, xhaxhait të tij. Do të ishte përsëri ky një nga ata që do të formonin treshen drejtuese Osmën Haxhiu, Qazim Koculi dhe Qazim Kokoshi në luftën patriotike të Vlorës më 1920, për të vazhduar me aktivitetin e tij patriotik deri sa do ta mbyllte jetën e tij në burgun e Vlorës më 1946 si kundërshtar i regjimit komunist.

Historia do të vazhdonte dhe më tej. Ajo do të bënte që dora e një pinjolli të kësaj familje, Altin Kokoshit, të kishte nderin për të ngritur në Vlorë nën hundën e komunistëve mbas dyzeteshtatë vjet mohimi flamurin dy krenor pa yllin e urryer të turpit dhe shtypjes më 28 nëntor 1991.

Që kur ishte fëmijë Kudreti, i ati Hasan Efendiu, e kishte njohur karakterin dhe intelektin e të birit. E dërgoi në Romë ku kreu studimet e mesme dhe të larta, duke u laureuar ‘’Doktor në jurisprudencë‘’ në vitin 1933. Në kohën kur Kudreti studionte në Itali për drejtësi në ambjentet studentore të asaj kohe shqiptarët konsideroheshin inferiorë në krahasim me studentët e vendeve të tjera. Një gjë e tillë nuk kishte si të mos binte ndesh me karakterin e Kudretit dhe të miqve të tij. Ndaj vendosën që t’i sfidojnë. Organizuan një konferencë në të cilën përveç profesorëve dhe studentëve të universitetit, morën pjesë edhe disa nga mendjet më të ndritura të asaj kohe në Romë. Kumtesën kryesore e mbajti Kudreti.

Foli e foli me oratorinë e tij për Shqipërinë dhe shqiptarët, për shqipet dhe vendin e tyre, për doket dhe zakonet e këtij populli, për besën dhe nderin e shqiptarit. Foli për Pirron dhe Teutën, per Skënderbeun dhe Ismail Qemalin, për Faik Konicën dhe Fan Nolin. Foli per Bilbilenjtë që ‘’vanë në litare vetë‘’ duke dredhur cigaren. Në fund foli për historinë e malësorit krenar që luftonte pa u epur para hordhive pushtuese otomane. Dikur malësori trim kapet nga koshadhet turke dhe dërgohet para trikëmbëshit. Në ekzekutimin e tij merr pjesë edhe valiu i krahinës. Në momentin e hedhjes së litarit ai, gjithë fodullëk, i drejtohet me ironi malësorit:

– Eh or mik, a e ke ndjerë veten ndonjëherë më ngushtë se sot?

Malësori i qetë, pa i lëvizur qepalla, i përgjigjet rëndë rëndë me një krenari mospërfillëse:

– Po mor zotni! E kam ndier atëhere kur më ka ardhë miku për darkë dhe nuk kam patun as bukë dhe as krypë per t’i nxjerrun.

Suksesi ishte i jashtëzakonshëm. Që nga ajo ditë nëpër gazetat e kohës filloi të shkruhej për Shqipërine dhe shqiptarët.

Kthehet në Shqipëri në moshën 26 vjeçare. Zotëronte në mënyrë të përsosur gjuhën

italiane. Por jo më pak zotëronte gjuhën frënge, latine dhe greqishten e vjetër.

Karrierën juridike e filloi në vitin 1933, duke hapur një zyrë avokatie në Vlorë, aktivitet të cilin e vazhdoi deri në vitin 1936. Po atë vit emërohet ndihmës gjyqtar në Bilisht dhe më vonë në Pogradec.

7 Prilli 1939 e gjen anëtar të gjykatës së shkallës së parë në Korçë. Më vonë shkon po me këtë detyrë në Shkodër dhe Tiranë. Ishin vitet e përplasjeve të mëdha. Si në shumë situata të tjera edhe atëhere vendi pati forca që nuk i verboi demagogjia e atyre që propagandonin se do ta bënin popullin ‘’të hante me lugë të florinjtë‘’. Ishte nacionalizmi shqiptar, një nga forcat e të cilit ishte ajo e Ballit Kombëtar e drejtuar nga Korifeu i Shqiptarizmës, Mit-hat Frashëri dhe ajka e inteligjencës shqiptare të asaj kohe.

Në këtë forcë gjeti veten e tij edhe Kudret Kokoshi. U angazhua në radhët e Ballit Kombëtar si anëtar i qarkorit të Vlorës dhe mori pjesë në të gjitha aktivitetet kryesore të tij. Me porosi të Mit-hat Frashërit në vitin 1941, Hasan Dosti i propozoi për të shkuar në Kosovë për organizimin e gjykatave të atjeshme dhe për formimin e kuadrove me njohuritë juridike bashkëkohore.

Më 28 nëntor 1942 është në ballë të demonstratës së madhe antifashiste të zhvilluar në Prizren, ku plagoset nga milicia italiane. Ishte ndërhyrja e një oficeri të xhandarmërisë shqiptare që e shpëtoi nga vdekja duke e hequr nga kthetrat e milicisë që megjithëse i plagosur vazhdonin ta qëllonin me kondakët e pushkëve të tyre. Pa ndjenja dhe me plagë në kokë, ky kosovar patriot e mori dhe e shoqëroi deri në spitalin e Tiranës ku edhe u operua.

Gushti i vitit 1943 e gjen ne Mukje, në konferencën historike, që me vendimet e saj tentoi të hidhte themelet e demokracisë shqiptare, por që komunistët i kthyen në vendime të tradhëtisë së madhe.

Zëri i atdheut e ftoi përsëri Kudretin. Në mars 1944 shkon përsëri në Kosovë, ku pas pak kohe arrestohet nga gestapua dhe internohet në kampet e shfarrosjes në Prishtinë dhe, më pas, në kufirin Austro-Hungarez.

Lirohet pas dëbimit të gjermanëve nga forcat aleate në fund të dhjetorit 1944. I lodhur, i dobët i zhveshur, i sëmurë dhe me shumë mundime arrin në qytetin e Gracit, ku fal njohjes së gjuhës latine, mundi të fitonte besimin e drejtoreshës së spitalit e cila e shtroi dhe e kuroi. Bashkë me të ndodhej dhe biri i industrialistit të shquar francez, pronarit të uzinës së makinave ‘’Renault‘’, me të cilin kishte lidhur miqësi të madhe. Ai e ftoi që të shkonin të dy në Francë, por Kudreti nuk pranoi. Atë vazhdonte ta thërriste zëri i atdheut. Ndaj mori rrugën e kthimit. Rrugës spiunohet nga agjentët shqiptarë të UDB-së. Arrestohet dhe i lidhur i dorëzohet Shefqet Peçit në kufirin shqiptar.

Nje farsë e vërtetë gjyqi i zhvilluar kundër tij. U quajt antishqiptar dhe bashkëpuntor i fashizmit. Lakejtë e regjimit lëshonin thirrje histerike. Prokurori Selim Alimerko çirrej dhe hakërrohej. Kudreti në vend që të revoltohej apo të mbrohej me termat juridike për të cilat ishte mjeshtër, u drejtohej me vargjet e tij që i kish shkruar pas demonstratës së zhvilluar në Prizren:

Mallkuar qofsh, Benito Musolini!

Një zë nëmës shpërthen nga çdo stërkalë,

Mallkuar qofshi ju që vdekjen bini,

Dhe nëma ushton nga mali në mal.

Kështu për Kudretin filloi kalvari nëntëmbëdhjetë vjeçar i vuajtjeve të burgut të Burrelit. Me një fizik të dobët, në konditat e tmerrshme të atij burgu, Kudreti mundi të mbijetonte në saj të forcës së rrallë shpirtërore dhe besimit të patundur për të ardhmen. Ai ruajti të paprekur shpirtin e lartë poetik. Aty për aty krijonte vargje të cilat ua deklamonte miqve të tij pa i shkruar, se rregullorja e burgut nuk lejonte të shkruaje më shumë se një gjysmë faqeje letre në muaj.

Kudret Kokoshi ndërroi jetë më 26 prill 1991. Ai ishte njeri dhe poet i madh. Ishte poet i heroizmit kombëtar.

Misionarët e Krizës Shqiptare Dështojnë, shkak qeveria teknike

April 25, 2017 by dgreca

*Rama- Pa Vetingun s’ka kompromis-BASHA:Javën e ardhshme nis mosbindja civile!/

2 Misionaret

*BASHA: Javën e ardhshme do të nisim përshkallëzimin e mosbindjes civile anembanë Shqipërisë për ti treguar Edi Ramës dhe tiranisë së krimit dhe drogës se koha kur në Shqipëri bëheshin votime por jo zgjedhje ka marrë fund njëherë e mirë. Nuk do ketë më kurrë votime dhe jo zgjedhje, nuk do ketë më pushtet pa opozitë./

Pasditja e së Martës mezi është pritur nga shqiptarët, te cilet i kishin vare shpresat tek i dërguari i Kancelares gjermane Merkel David Mcallister dhe raporteri për Shqipërinë në Parlamentin Evropian Fleckenstein. Mirepo klasa politike, teper e politizuar dhe e ndare ekstremisht ne kushtet qe i vene njera-tjteres, sic hyne, ahstu dhe dolen nga negociatat. Dy mesiaret e zgjidhjes se krizes nuk arritën të afrojnë drejt kompromisit liderët politikë shqiptarë, Rama, Meta, e Basha. Të gjithë iu drejtuan Pallatit të Kongreseve me shpresën e një zgjidhjeje, veç negociatorëve e liderëve politikë, mbërritën edhe ambasadorët e BE, SHAB dhe OSBE. Ne dhoma të veçanta me negociatorët, palët qëndruan për rreth 50 min përpara se të shihej të largohej i pari kryetari i PD Lulzim Basha, ndërkohë që miqtë ndërkombëtarë ishin ende ne ambientet e Pallatit të Kongreseve.

Dështimi i negociatave, shkak qeveria teknike

Takimet e zhvilluara gjatë mbrëmjes te se Martes, 25 prill 2015 në Pallatin e Kongreseve midis përfaqësuesve të Parlamentit Evropian dhe tre liderëve kryesor politik në Shqipëri kanë përfunduar pa sukses.Burime diplomatike bënë me dije se negociatat midis mazhorancës dhe opozitës me ndërmjetësimin e eurodeputetëve David McAllister dhe Knut Fleckenstein, kanë dështuar. Partia Demokratike nuk është tërhequr nga kërkesa e saj për qeveri teknike, gjë që mazhoranca e ka kundërshtuar dhe kjo ka bërë që palët të mos gjejnë kompromis për zgjidhjen e krizës politike.Sipas burimeve, Ilir Meta ka propozuar për të arritur kompromisin shtyrjen e zgjedhjeve në 16 korrik, gjë që është pranuar edhe nga Rama edhe pse me vështirësi. Por për këtë ai ka kërkuar kthimin e PD-së në Kuvend për të votuar vettingun.Gjithashtu është ofruar dhe largimi i 3 Ministrave që lidhen me zgjedhjet 3 muaj përpara zgjedhjeve dhe që ky model të kthehet në një praktike të përhershme, por as kjo nuk është pranuar. Të njëjtat burime bënë me dije se është ofruar edhe Presidenti konsensual si mundësi kompromisi.Sipas burimeve, opozitës i janë ofruar ndryshime në KQZ, institucionin e Avokatit të Popullit, emërime të drejtorëve të policive në qarqe në bashkëpunim me ndërkombëtarët, etj.

Në Pallatin e Kongreseve, kryeministri Rama dhe kryeparlamentari Meta u takuan me eurodeputetin Fleckenstein, ndërsa Basha zhvilloi takimin veçmas me zv/Presidentin e Partive Popullore Evropiane, David McAllister.Fillimisht nga Pallati i Kongreseve ka dalë kryetari i PD-së, Basha dhe më pas kryeministri Rama dhe kryetari i Kuvendit, Ilir Meta.Në fund nga ndërtesa kanë dalë zv/Presidenti i Partive Popullore Evropiane, McAllister dhe eurodeputeti Fleckenstein.Pas takimit me eurodeputeputetin David McAllister në Pallatin e Brigadave, kreu i Partisë Demokratike Lulzim Basha rreth orës 21:05 të mbrëmjes i është drejtuar zyrës së ish-kryeministrit Sali Berisha, ku ka zhvilluar një takim disa minutësh me të.

Rama: Pa Vetingun s’ka kompromis

Kryeministri Edi Rama në një mesazh në Facebook, shkroi pas takimit se mbetet i hapur për dialog, por pa kushte. Sipas Ramës, pa Vettingun s’ka asnjë kompromis.Rama: Miq! Gjithnjë të hapur për dialog pa kushte. Por pa Vetingun s’ka asnjë kompromis, sepse Drejtësia për Shqipërinë që duam nuk negociohet. Reagimi erdhi ndërkohë që palët politike nuk mundën të arrinin një marrëveshje për të dalë nga kriza.Ky ishte reagimi i parë dhe i vetmi i Ramës deri te marten e vone.

Basha: Javën e ardhshme mosbindje civile

Kreu i Partisë Demokratike, Lulzim Basha, u kthye në çadrën e protestës për ti thënë mbështetësve të tij se negociatat dështuan për faj të kryeministrit Rama që nuk pranon krijimin e qeverisë teknike. Basha paralajmëroi mosbindje civile javën e ardhshme në të gjithë vendin.

Dështimin e negociatave me eurodeputetët, lideri i opozitës Lulzim Basha ia faturon kryeministrit Rama që sipas tij nuk pranoi krijimin e qeverisë teknike, kushti themelor i opozitës.

Kreu i PD tha se nuk ka negociata për qeverinë teknike.

Lideri i Opzites Basha e shoi kureshtjen e emdias me deklaraten e tij pas kthimit nga Pallati i Kongreseve ne Cader. Ai ne fillim falenderoi negoziatoret: Falenderim dhe mirënjohje të thellë për David McAllister, kryetarin e Komisionit të Punëve të Jashtme në PE, njëkohësisht zëvendës/president i PPE, si dhe për eurodeputetin Knut Fleckenstein, raporterin për Shqipërinë në PE, të cilët erdhën sot në Shqipëri dhe nuk kursyen asnjë përpjekje për ti kontribuar një zgjidhje reale të krizës politike që ka mbërthyer vendin tonë. Falenderimet dhe mirënjohjen time, të PD, opozitës dhe çdo qytetari protestues. Për fat të keq përpjekja e dy ndërmjetësuesve europianë nuk pati sukses sepse Edi Rama refuzon qeverinë teknike të zgjedhjeve të lira, si zgjidhjen e vetme por edhe si zgjidhjen e ndershme për të krijuar kushte dhe premisa të barabarta për zgjedhje të lira dhe të ndershme duke zbatuar ligjin për dekriminalizimin, pra duke larguar kriminelët nga institucionet shtetërore, duke luftuar trafikun e drogës, kultivimin dhe paratë e drogës si kërcënim jetik për demokracinë dhe votën e lurë dhe duke garantuar reformën zgjedhore sipas rekomandimeve të OSBE-ODIHR përfshirë edhe votimin biometrik dhe elektronik dhe numërimin elektronik të votës. Ky refuzim ka për bazë frikën e Edi Ramës për të lëshuar karrigen kryeministrore dhe garancitë që përmes karriges kryeministrore ka dhënë tash 3 vite e gjysëm krimit të organizuar dhe narkokartelit.

Lideri i Partisë Demokratike paralajmëroi përshkallëzim të aksionit opozitar me mosbindje civile duke nisur nga java e ardhshme në të gjithë vendin.

Basha tha se Kryeminsitri Rama nuk do as zgjedhje të lira dhe as vetting të vërtetë, i trembet demokracisë së vërtetë dhe dretësisë së vërtetë.Nuk do të pranojmë as zgjedhje fasadë as veting fasadë të diktuar nga Rama dhe interesat e tij korruptive dhe kriminale. Jemi të vendosur të vazhdojmë pa kthim betejën tonë për zgjedhje të lira dhe të ndershme dhe vetting të vërtetë sipas ndryshimeve kushtetuese të 22 korrikut. Javën e ardhshme do të nisim përshkallëzimin e mosbindjes civile anembanë Shqipërisë për ti treguar Edi Ramës dhe tiranisë së krimit dhe drogës se koha kur në Shqipëri bëheshin votime por jo zgjedhje ka marrë fund njëherë e mirë. Nuk do ketë më kurrë votime dhe jo zgjedhje, nuk do ketë më pushtet pa opozitë.

Kreu i PD-së tha se PD ka rënë dakord me një numër të madh propozimesh të natyrës teknike për dekriminalizimin dhe luftën kundër drogës.

Por, shtoi ai, “PD nuk mund të pranojnë kurrë që këto detyra që Rama me vetëdije nuk i kreu gjatë kohës që ishte në qeverisje do mund ti bëjë në këto katër javë, asnjë mundësi, asnjë mendje e shëndoshë nuk mund të pranojë që njeriu që ktheu Shqipërinë në Kolumbi do jetë përgjigja për këto probleme. Kushti i patjetërsyeshëm për zgjedhje të lira dhe të ndershme mbetet qeveria teknike për të luftuar drogën, nxjerrë jashtë institucioneve kriminelët dhe për të krijuar kushtet për votimin elektronik për zgjedhje të lira dhe të ndershme.Kjo nuk është çështje ose-ose por edhe-edhe”.

Sipas liderit të opozitës vetëm pas qeverisë teknike do të bëhet vetting i vërtetë në bazë të ndryshimeve kushtetuese të miratura në 21 korrik të 2016.

DEKLARATA E NEGOCIATOREVE

Pas dështimit të takimit mes palëve për gjetjen e krizës ka dalë një reagim i Bashkimit Europian. “Deklaratë për shtyp në emër të Kryetarit të Komitetit të Punëve të Jashtme të Parlamentit Europian David McAllister (EPP) dhe Raportuesi i Përhershëm i Parlamentit Evropian për Shqipërinë Knut Fleckenstein (S&D).

Kryetari i Komitetit të Punëve të Jashtme të Parlamentit Europian David McAllister (EPP) dhe Raportuesi i Përhershëm i Parlamentit Europian për Shqipërinë Knut Fleckenstein (S&D) u takuan me shumicën dhe opozitën dhe patën një diskutime të mira.

Të dy eurodeputetët paraqitën propozime për të ecur përpara duke përfshirë çështje mbi dekriminalizimin, luftën kundër narkotikëve, masa teknike për përmirësimin e zhvillimit të zgjedhjeve dhe masa të ndërtimit e besimit politik.
Ata gjithashtu propozuan ide për diskutim mbi datën e zgjedhjeve dhe ndryshimet e mundshme para-zgjedhore në strukturat qeveritare për të ndërtuar besimin afatgjatë në sistem.

Për anën e shumicës kishte marrëveshje mbi pikat e parashikuara për sa kohë që Vetingu do të votohej në parlament.
Partia Demokratike mbajti qëndrimin e saj për emërimin e një Kryeministri teknik dhe për miratimin e një sistemi votimi elektronik për hir të zgjedhjeve të lira dhe të ndershme” – thuhet në deklaratë.