dgreca – Page 2497 – Dielli

100 Vjetori i Lindjes- Vlerësohet Dr. Xhelal Mitrovica

September 14, 2016 by dgreca

*Dr. Xhelal Mitrovica, së bashku me disa intelektualë tjerë, si: Xhafer Deva, Rexhep Mitrovica, Bedri Pejani, Bedri Gjinaj, Ago Agaj, Tafil Boletini, Ymer Lutfiu, Kudret Kokoshi, Gjon Logoreci, Ferat Draga, Vehbi Frashëri, Ali Draga, Pajazit Boletini, Shaban Mustafa e të tjerë, ndër të tjera u angazhua me tërë qenien për organizimin e pushtetit lokal e administratën në gjuhën shqipe, për hapjen e shkollave shqipe në Prefekturën e Mitrovicës (Mitrovicë, Vushtrri, Podujevë e Pazar të Ri-Novi Pzari i sotëm). Ishte shumë dinamik, prandaj përcillte dhe ndihmonte çdo aktivitet me karakter politik, kulturor, arsimor etj”…/

Në Mitrovicë, nën patronazhin e kryetarit të Komunës, Agim Bahtiri dhe në prani të një numri të madh pjesëmarrësish, që kishin ardhur nga e tërë Kosova, Shqipëria e Mali i Zi, është shënuar 100 vjetori i lindjes së atdhetarit të devotshëm, intelektualit të shquar dhe gazetarit rtë njohur, Dr Xhelal Mitrovica. Në tubim ishin edhe tri vajzat dhe djali i tij, që jetojnë në Kanada, Belgjikë, Shqipëri e gjetiu.

Pasi i përshëndeti të pranishmit në emër të kryetarit të komunës, Agim Bahtiri, i cili mungonte për shkak se ndodhet në udhëtim zyrtar jashtë, nënkryetari i Komunës, Safet Kamberi, falënderoi në mënyrë të veçantë pinjollët e atdhetarit dhe intelektualit Dr Xhelal Mitrovica që kishin ardhur nga shtete të ndryshme të botës në Mitrovicë, disa prej tyre për herë të parë, për të marrë pjesë në shënimin e 100 vjetorit të lindjes së babit të tyre.

Ai në vazhdim tha se mitrovicasit, por edhe të gjithë shqiptarët duhet të ndjehen krenarë që kanë pas një personalitet të shquar, intelektual të jashtëzakonshëm, atdhetar të devotshëm, gazetar të shkëlqyeshëm, çfarë ishte Dr Xhelal Mitrovica.

“Dr. Xhelal Mitrovica, së bashku me disa intelektualë tjerë, si: Xhafer Deva, Rexhep Mitrovica, Bedri Pejani, Bedri Gjinaj, Ago Agaj, Tafil Boletini, Ymer Lutfiu, Kudret Kokoshi, Gjon Logoreci, Ferat Draga, Vehbi Frashëri, Ali Draga, Pajazit Boletini, Shaban Mustafa e të tjerë, ndër të tjera u angazhua me tërë qenien për organizimin e pushtetit lokal e administratën në gjuhën shqipe, për hapjen e shkollave shqipe në Prefekturën e Mitrovicës (Mitrovicë, Vushtrri, Podujevë e Pazar të Ri-Novi Pzari i sotëm). Ishte shumë dinamik, prandaj përcillte dhe ndihmonte çdo aktivitet me karakter politik, kulturor, arsimor etj”, tha ndër të tjera nënkryetari Kamberi.

Ai i njoftoi pjesëmarrësit në tubim, se kryetari Bahtiri dhe komuna e Mitrovicës, duke pas parasysh faktin se Dr Xhelal Mitrovica vërtetë ka dhënë kontribut të jashtëzakonshëm për çështjen kombëtare dhe lirinë e popullit shqiptar, e kanë vlerësuar lartë këtë kontribut. Komuna e ka emërtuar një rrugë me emrin e Dr Xhelal Mitrovicës, ndërsa kryetari Bahtiri i ka propozua Presidentit të Kosovës, Hashim Thaçi, të dekoroj me ndonjërin nga çmimet e Presidencës këtë atdhetar të devotshëm.

Iniciatori I shënimit të ëktij përvjetori të figurës së madhe Dr. Xhelal Mitrovica, profesor Fazli Hajrizi, kishte përgatitur nergut për këtë tubim një dokumentar mbi jetën dhe veprimtarinë e patriotit Mitrovica, duke e ilustruar me fotografi ët vjetra të kohës, disa nga të cilat u publikuan për herë të parë.

“Dr. Xhelal Mitrovica, thekson Zef Pashko Deda në shkrimin nekrologjik për të, botuar në vitin 1974, në jetën e tij u ba simbol dhe shprehje ma e gjallë e dinamike e mija të rijve kosovarë, të cilët, si të rij idealistë nuk dëshirojshin ma shumë se të mundeshin me folë e me shkrue si foli e shkroi ai gjatë gjithë jetës së tij, për të drejtat etnike, politike e kombëtare, gjithkah flitet gjuha shqipe. Çlirimi i Kosovës dhe bashkimi i saj me nanën Shqipni qenë për Xhelal Mitrovicën si dy faqet e nji flamuri, të cilin ai kurrë nuk e hoqi nga zemra derisa vdiq më 10 nëntor 1974”, tha profesor Fazli Hajrizi.

Në vazhdim ai shtoi se Dr. Xhelal Mitrovica ishte njeri shumë dinamik dhe zhvillonte një aktivitet të shumanshëm. Sipas tij ai ishte njëri ndër anëtarët më të respektuar të organizatës “Lidhja Popullore Shqiptare” që u themelua në gusht të vitit 1941 në Mitrovicë.

Prof. Dr. Nexhemdin Spahiu, tha se Radio Televizioni i Mitrovicës që pas 6 ditësh mbush 17 vjetorin e themelimit, ka nderin dhe privilegjin që si një nga organizatorët të identifikohet me figurën madhore të Dr. Xhelal Mitrovices, djali i Dervish Mitrovicës, i cili së bashku me Rexhep Mitrovicën shpallën pavarësinë e Shqipërisë më 28.11.1912, për të shtuar se ai po ashtu ishte djalë motre i Xhafer Devës, atdhetarit dhe vizionarit më të madh të kohës, që parashikoi me kohë rrezikun nga partizanët komunistë.

“Tani kur Kosova po krijon identitetin e vet politik, apo më saktë atë kombëtar, ajo ka nevojë që ta pastroje pluhurin e harresës për figurat më të shquara të saj, të së kaluarës, të cilët përbëjnë boshtin e këtij identiteti. Dr. Xhelal Mitrovica dhe baba i tij Dervish Mitrovica, si dhe daja i tij Xhafer Deva, janë shtylla kurrizore e identitetit të Kosovës. Këta, secili në fushën e vet, i dhanë Kosovës shndritjen më të madhe në histori, kurse Shqipërisë ia dhanë shkëlqimin e Kosovës”, tha ndë të tjera Spahiu.

Për veprimtarinë e suksesshme në gazetari të intelektualit Dr. Xhelal Mitrovica, foli gazetari Hysni Syla. Ai ndër të tjera tha se Xhelal Mitrovica ka lëruar me mjeshtri të gjitha gjinitë e publicistikës dhe ka ngritur probleme madhore që lidhen me çështjen tonë kombëtare: me kulturën, ekonominë, arsimin, politikën, historinë etj. Ai ishte njëri ndër intelektualët më të fuqishëm në fushën e gazetarisë dhe publicistikës shqiptare, ishte një emblemë e kësaj fushe, drejtues i disa gazetave.

Ndërkaq, në emër të familjes Mitrovica, ka folur vajza e madhe Lolita Mitrovica-Kupi. Sipas saj, pjesa më e madhe e nacionalistëve sot janë lënë në harresë ose ju është hedhur baltë prej të cilës ende nuk kanë dalë. Ajo ka bërë të ditur se e ka njohur Xhelalin si një bashkëshort dhe baba të dashur, të përkushtuar dhe të interesuar për zhvillimet shoqërore, intelektuale e njerëzore të Kombit shqiptar.

Nënkryetari i komunës, Safet Kamberi ia dorëzoi zonjës Kupi mirënjohjen që ia dedikoi, pas vdekjes, kryetrai Bahtiri dhe Emblemën e Komunës së Mitrovicës.

Arkeologu austriak që zbuloi Dimalin ishte bir i një slloveni

September 14, 2016 by dgreca

Foto: BYLIS

FOTO:AMANTIA

Bylis në kodrat e Mallakastrës ,Amantia në kodrën e Kudhës – Gërhotit dhe në më gjer dhe më tej në kodrinat e Shpiragut janë rrënojat e Dimalit…/

Nga Gëzim Llojdia/

1.Hapësira ilire ka pasur një shtrirje të madhe ajo ishte diellore me flakërimën e saj se fshinë dot , e tejmbushur me shkëlqim ëndërrimtar,erdhi dhe u rrudh nga të gjata, të rënda pushtime. Pranë vendosjes së drejtimit té lindjes sé diellit,perëndimet e trishta mbeten pas té harruara,e filloi dhe e mbaroi çdo eklips pushtimi. Nuk di c’emër mund të ketë ky errësim,i ndjeshëm,i pazë pranë më vjen,çdo trajtë e dukshme e nis mjegullimin. Tè fundit zhurma tè shekujve u mbyllèn vetvetes,dielli struket lartësive duke pëshpëritur,nuk ka gjallëri dhe zëra kumbues. Gjurmët ende të trishta .Themele që nuk zhduken kollaj. Brenda meje dhe gjithë stërnipërve të ilirëve,fle një mall i pashuar,asgjë s’mund ta fikè duke sjellè stuhi,një flakërim i heshtur shtrihet duke fluturuar .Ku gjenden qytetet tona ilire të lodhura nga koha,nga luftërat,nga pushtimet nga fqinjët,nga marrëzitë ,nga djallëzitë,nga mizorit nga gjylet,tanket,pusit,mërit?

Ato aty janë ende nëntokën tonë. Rimèshirohen nè çdo ditè tè re,në cikël rrjedhshmërie e hapur nè mënyrë tè pashtershme .Janë ura lidhëse e brigjeve tè largëta,qè koha i largoi duke i lënë nè hije,një udhè e padukshme i përpin hapat. Lundroj i heshtur udhëtimit tè nisur,kudo shpërndahem nè çdo ditè dhe natè .Pas meje mbetèn hapat që kumbojnë,ngatërruar drejtime dhe zëra tè largët,fluturimthi drejtimet ikin dhe vijnë. Nuk mundem tè mbeten ylli i shuar,që heshtjes së saj pluhuroset,gjithmonë do të rishfaqen pak e nga pak aq sa të formojë hartën e tyre të plotë si në kohën e saj.

2.Bylis në kodrat e Mallakastrës ,Amantia në kodrën e Kudhës – Gërhotit dhe në më gjer dhe më tej në kodrinat e Shpiragut janë rrënojat e Dimalit.Arkeologët austriakë që kanë kontribut në disa zbulime të rëndësishme në fillim shekullin e shkuar.Kanë identifikuar edhe gjurmët e Dimalit. Cila ishte origjina.Ai ishte austriak apo ballkanas më pas ka emigruar në Austri? Kush ishte arkeologu, që përmend Dimalin?Një austriak, thonë burimet shqiptare. Në botimin e “ Iliria” të vitit 1972 arkeologu shqiptar, Burhan Dautaj,shkruan: Midis shume qendrave dhe vendbanimeve antike to krahinës se Mallakastrës përmendet edhe Kalaja e Krotines, e sinjalizuar qysh në fund të luftës se parë botërore nga arkeologu austriak K. Prashniker. Kush është dhe nga e ka origjinën arkeologu Camilo K. Prashniker?Në fakt ai është një slloven,pra një ballkanas.të dhënat që gjejmë përputhen në mënyrë identike me ato që ka Prashniker. (Camilo Praschiker)Kamilo Prašnikar (arkeolog slloven dhe dijetar, lindur në Tetor 18, 1884, Vjene.Vdiq në Vienë. Kamilo Prašnikar është i biri i arkitektit slloven A. Prašnikar, ishte një arkeolog i njohur, profesor universitar në Vjenë dhe anëtar i Akademisë së Shkencave në Vjenë. Prašnikar, ndër të tjera, ka udhëhequr gërmimet arkeologjike në vendet në Shqipëri, Mal të Zi dhe më pas edhe në Anadoll dhe Zollfeld. (Slovenski biografski leksikon 1925-1991) dhe vijon më tej kjo skedë.

Skeda e këtij arkeologu është:

Kamilo Prašnikar

Lindja -18 tetor 1884 Vjenë.

Vdekja-1 October, 1949

Profesioni -arkeolog

Akademik,Prof në Universitetin e Vjenës.

Të dhëna të tjera që përmendin këtë autorë thonë:Camillo Praschniker (i lindur më 13 tetor 1884 në Vjenë; 1 October, 1949) ishte një arkeolog klasik austriak. Pas studimeve klasike në Universitetin e Innsbruck, Vjenë dhe Berlin nga vitet 1902 deri 1908, të cilën ai e përfunduar në Innsbruck në vitin 1908 me një doktoraturë, udhëtoi Praschniker për vitin 1910 me një grant nga Instituti Arkeologjik Austriak të Mesdheut dhe ishte më pas asistent i Emil Reisch në Universitetin e Vjenës. Nga viti 1912 në 1920 ai ishte sekretar i Institutit austriak Arkeologjik. 1914 në Vjenë për arkeologjinë klasike. 1913-1914 ai mori pjesë në gërmimet në Sikem në Palestinë, 1916, ai mori pjesë në një ekspeditë shkencore në pjesët e pushtuara të Austro-Hungaria të Ballkanit (Mali i Zi, Shqipëri).

1922 Praschniker i Prof i asociuar në Universitetin e Vjenës, një vit me vone,profesor në Universitetin gjerman në Pragë, ku ai ishte dekan 1929-1930. Në vitin 1930 ai shkoi në Universitetin Jena, në të njëjtin vit kthehet në Vjenë, ku ai ishte profesor i parë i asociuar. 1934 profesor. Në vitin 1935 ishte Drejtor Nderi i Institutit austriak Arkeologjik. Praschniker ishte anëtar i Institutit Arkeologjik Gjerman, që nga viti 1932 që nga 1937 Anëtar i Akademisë Austriake të Shkencave, që nga viti 1914, .Ai merret me shumë çështje në fushën e arkeologjisë klasike dhe provinciale romake,.

Disa fjalë për zbulimin e Dimalit

Për zbulimin e qytetit ilir të Dimalit janë kryer gërmime intensive në Dimal. Arkeologët shqiptarë të kësaj periudhe i japin një vështrim panoramës së gërmimeve dhe gjetjeve në të,sipas konceptit të tyre të kohës dhe rrethanave ngase burimi i informacionit ishte i mangët dhe jo i plotë ashti sikurse informacioni bashkëkohor mungonte ,shkaku i izolimit të vendit socialist nga shtete e tjera.

Kalaja e Krotines, e sinjalizuar qysh në fund të luftës se-parë botërore nga arkeologu austriak K. Prashniker,shkruan Burhan Dautaj duke vijuar :Kalaja e Krotines shtrihet mbi një kodër të bukur, pjesërisht te pyllëzuar të malësisë se Shpiragut ,shkruan arkeologu ,Burhan Dautaj te Iliria e vitit 1972. Kodra e Kalasë është edhe me e larta (kuota 444 m.) në vargun kodrinor, që fillon për rreze faqes perëndimore to Shpiragut dhe shtrihet ne krah të majte të rrugës automobilistike Berat-Roskovec, derisa zbutet në fushat përreth Liqeneve artificiale to Kurjanit. Nga Lindja dhe jugu kalaja ka përkundrejt fshatrat Bistrovice dhe Allambres, dhe e veçojnë prej tyre përroi i Qarezit dhe ai i Allambresit. Në anën veriore dhe perëndimore kodra zbret në një varg tarracash jo të rregullta, që arrijnë deri në luginën e përroit të Cukalatit. Kushtet gjeografike si dhe pozita mbizotëruese e kodrës se kalasë mbi zonën përreth, kane krijuar rrethana të mirë për një mbrojtje të fuqishme natyrore të këtij vendbanimi ilir. Kalaja e Krotines emrin e ka marre nga lagja me të njëjtin emër e fshatit Allermbres Iokaliteti Kutalli — Berat) qe shtrihet përbri faqes jugperëndimore të kodrës. Prashnikeri e konsideron këtë kala me të madhe dhe me të hershme se atë të Margllicit. Al flet gjithashtu mbi shtrirjen e qytetit dhe të akropolit duke e shoqëruar këtë me një skice-ide të rilevimit topografik të kodrës ku ai bën përpjekje për të vendosur edhe planimetrinë e murit rrethues, gjurmët e to cilit ruhen ende aty-këtu mbi tokë. Kodra e kalasë përbëhet nga dy kreshta: ajo me e larta ka shërbyer si akropol, kurse mbi kreshtën tjetër shtrihen gati 3/4 e mbeturinave antike to vendbanimit. Të dyja këto kreshta kane qene të rrethuara me mure. Gjurmët e mureve rrethuese mbi shpatet e rrepinta të kodrës, janë mjaft të dobëta dhe kryesisht nga blloqe të veçuara gur gëlqeror të bardhe të gjetura dhe të punuara bukur me forma të rregullta paralelopipedi. Këto blloqe gurësh, me sa duket, janë mbeturina të faqes së jashtme të murit rrethues. Duke parë rendësin e madhe qe paraqesin mbeturinat antike të qytetit ilir të Krotines, gjate viteve 1963-1964 u ndërmorën gërmime të rregullta arkeologjike, të cilat u përqendruan kryesisht mbi kreshtën e akropolit. Zbulimi më i rëndësishëm i këtyre dy vjetëve ,shkruan në vitin 1972 B.Dautaj ,është ai i vulave të fragmentuara qe përmbajnë emrin e qytetit ilir Dimal shkruan . Vulat janë vendosur mbi faqet e sheshta të tjegullave balenistike. Ato me plotësimet qe i bëjnë njëra-tjetrës na japin emrin ®IMAAAITAN. Ky është i pari burim epigrafik qe bën fjale për emrin e qytetit ilir Dimal, i cili ka luajtur një rol me rëndësi ne ngjarjet historike të Ilirisë së Jugut në shek. III-II para erës sonë. Emri i qytetit shoqërohet edhe nga katër monograme, të cilat ka mundësi të paraqesin emrat e prytanit dhe atë të qeramistit në forme të shkurtuar. Burimet e autoreve antike, që flasin për Dimalin janë mjaft të kufizuara të gërshetuara me disa nga ngjarjet me të rëndësishme të luftërave ilire-romake dhe Maqedoni-romake (vitet 220-205 para e sonë). Kështu Polibi dhe Livi, duke bëre fjale për luftërat e vazhdueshme të kësaj kohe që zhvilloheshin në truallin e sotëm të Shqipërisë, nuk mungojnë të përmendin disa here me radhe edhe qytetin ilir të Dimalit. Dhimitër Fari, tutor i mbretit ardianove pushtoi rreth viteve 220-219 pes Dimalin dhe vendosi atje një garnizon të tij. Po në vazhdim të këtyre ngjarjeve qyteti i Dimalit përmendet dhe si një qendër me pozite strategjike dhe e fortifikuar mire. «Komandanti romak (Luc Emili), thotë Polibi, kur arriti me ushtri në Iliri, vuri re se (iliret) mburreshin me fortifikimin dhe pajisjen e Dimalit, që pandehej si një qytet që s’e merrte dot nga dora a armikut, prandaj vendosi t’i bjerë Dimalit me paë, dhe mbas 7 ditë rrethimi e pushtoi qytetin. Dimali përmendet jo vetëm si një qendër e forte strategjike, por edhe si qytet me rëndësi politike, që ka tërhequr vazhdimisht vëmendjen e fuqive me të mëdha të kohës, të Romes dhe Maqedonisë. Kështu marrëveshja e përfunduar midis Filipit të V-të të Maqedonise dhe Hanibalit të Kartagjenes angazhonte të dy palët, për të mos lejuar që romaket të bahen «… zotër as të Korkyres, as të Apolonisë dhe Epidamnit, as të Farit, as të Dimalit dhe parthineve, as të Atintanise». Edhe në ngjarjet e mëvonshme politike, Dimali vazhdon të mbetet objekt i përpjekjeve dhe grindjeve midis të dy fuqive. Livi, duke folur për luftërat romake-maqedone ne truallin ilir, i ve një rëndësi të madhe pozitës strategjike dhe politike të Dimalit. Simbas këtij autori marrim vesh se mbas paqes se Filipit me etolet (206 para e sonë), «… mbretit i erdhi lajmi se romaket (me prokonsullin P. Semproni ne krye) kishin ardhur në Dyrrah e se parthinet dhe filet e tjera kufitare, duke shpresuar ne ndryshimin e gjendjes,ishin ngritur e se Dimali ishte rrethuar».Po nga ky autor, kur na informon për kushtet e paqes të parashtruara Filipit nga Semproni, thuhet se oparthinet, Dimali, Burguli dhe Eugeni jane të romakëve, ndërsa Atintanine u a linte maqedoneve… » .Siç shihet, është e vështirë të nxiret nga këto lajme ndonjë tregues i sakte topografik, që do të na shërbente sadopak ne lokalizimin e qytetit ilir të Dimalit.I vetmi shënim qe mund të nxjerrim nga këta dy autorë është të vendosurit e Dimalit përkrah fisit ilir të partineve, pra rrjedhimisht mund të konsiderohet si qytet që ndodhej në afërsi ose në truallin e këtij fisi. Ky mendim është shprehur me pare nga arkeologu H. Ceka, i cili duke kërkuar shtrirjen e parthineve ne trevën midis Durrësit dhe Tiranës, ka bër përpjekje për lokalizimin e Dimalit me mbeturinat antike të kalasë se Dorëzit (ne Jug-perëndim të Tiranës. Zbulimi i katër tjegullave me vulë Dimalitan, na ndihmon para se gjithash për lokalizimin e qytetit ilir Dimal të parthineve në mbeturinat antike të kalasë se Krotinë. Me tej arkeologu B.,Dautaj thotë:Gjetja në gërmimet e një sasie të madhe zgjyre balte tregon për një zhvillim të prodhimit lokal të qeramikës. Këtu mund të përmendim një mori copa enësh kuzhine prej balte të kuqe të ashpër, nga të cilat një pjese i ndeshim se bashku me vegjat. Këto vegja me prerje cilindrike ruajnë mbi shpine gjurme të theksuara ngulitje, ndërsa forma brirore e tyre përfundon ne skaj me një sipërfaqe të sheshte rrethore, mbi të cilën është ngulitur një shenje në formën e X. Shenja e X-sit mbi këto vegja, që ndeshet deri më sot vetëm në Dimal, ka të ngjare të jetë përdorur si markë e prodhimeve të ndonjë poçarie. Nga fragmentet e enëve me parete të trasha vlejnë të përmenden disa buze pitosash, që shquhen për ornamentet dhe vulat anepigrafike mbi buze mjaft të ngjashme me ato të gjetura në Irmaj dhe Cakran.

Në Dimal vihet re një përdorim i gjithanshëm i tjegullave, të cilat mbizotërojnë mbi të gjitha gjetjet e tjera arkeologjike. Ato kane forma katër këndëshe dhe paraqiten të shumëllojshme për nga balta (ngjyre okër ne roze, të kuqe ne gri), nga pjekja dhe nga profilet anësore të tyre, qe diku vijnë të ngushta me buze kënddrejte dhe diku me të gjera dhe disi to harkuara nga brenda. Shume prej tjegullave mbajnë edhe vula .Pjesën me të madhe të vulave e përbejnë tjegullat me monogram të vendosura mbi skajin e profileve anësore të tyre. Ky monogram është ndeshur mbi 150 raste, dhe këto vetëm ne një sipërfaqe të kufizuar gërmimi (rreth 500 m2). Gjetja e këtij monograms për here të pare në Krotine dhe numri deri diku i madh i tyre, nuk të lënë të dyshosh se këto tjegulla i përkisnin zejtarisë së qytetit. Përveç monogramit të mësipërm, janë gjetur edhe 16 vula me emrin e ndonjë qeramisti. Me sa dimë jo vetëm që ky emër nuk vihet re ne tjegullat helenistike të qendrave të tjera antike në vendit tone, por dhe gjetja e një seri je të konsiderueshme vulash, na çon në përfundimin të kërkojmë në këto tjegulla prodhimit të qeramikës vendase. Një yulë tjetër, jo me ëe pak interes është ajo me emrin HPAIS,N, e ndeshur ne 12 raste e cila ndryshon nga vulat e Apolonisë me po të njëjtin emër vetëm prej baltës që në Dimal paraqitet jo aq e pastër. Nga këto vula tri prej tyre janë vendosur se prapthi. Analogjia e emrit HPATc,N dhe sidomos paraqitja pak a shume e një-lloj e këtyre vulave, mund të shpjegohet fare mire me praninë ne Dimal të një filialeve të varun nga ndonjë punishte e rëndësishme apolloniate e prodhimit të tjegullave. Vula të tjera të gjetura ne Krotine, janë edhe ato me emrat. AMYNTA[C] etj. Përveç qeramikës masive, atë që bien në sy janë edhe prodhimet e qeramikës artistike, kryesisht terakota. Subjektet që ato trajtojnë janë të ndryshme.

Veshja e gruas ilire në këtë vepër skulpturale të shek. I p.e. paraqitet me. elemente me të shumtë dhe më të qarta se sa në veshjen me tipare ilire të dy skulpturave të

gjetura në rrethin e Vlorës dhe të botuara nga Ugolini, që i përkasin periudhës së vonë helenistike dhe kane huazime të artit të huaj greko -romak. Rëndësia e skulpturës sonë rritet edhe me tepër sepse ajo jo vetëm qe i zgjeron dhe i përforcon edhe me shumë njohuritë e pakta mbi veshjen e gruas ilire, por mbi të gjitha sepse shumë nga elementet e besa j veshje ne i shohim të trashëguara gjate shekujve deri ne ditët tona. Ne këtë drejtim, kjo skulpture hedh drite mbi njërin nga problemet më të rëndësishme të historisë sonë, dhe pikërisht mbi autoktonitetin e popullit shqiptar .Nga ana artistike, bukur është punuar edhe një kapitel i vogël i tipit korintik prej mermeri të bardhe, ne të cilin, krahas motiveve floreale që mbizotërojnë, është përdorur edhe një motiv zoomorf qe e dallon këtë të Pundit nga kapitalet e tjera të tipit korintik të Apolonisë dhe Durrësit.

Në gjetjet arkeologjike të Krotines bie ne sy dhe një numër i konsiderueshëm monetash, nga të cilat pjesën me të madhe e përbejnë gjetjet e rastit mbi sipërfaqe të qytetit. Nga monedhat e lexuara, një vend të mire zënë ato të Apolonisë (13 copë), pas tyre vijnë të Dyrrahut (8 copë) dhe të Byllisit (2 copë). Por nuk mungojnë edhe monetat e qendrave të njohura antike të Ambrakise, Korintit, Maqedonisë dhe të qytetit të Isties në Eube, të cilat zhvillonin në atë kohë një veprimtari të gjerë shkëmbimi me brigjet lindore të Adriatikut. Moneta republikane dhe perandorake romake u gjetën vetëm 5 copë.

Gati të nisë në New York Java e 5-të e Filmit Shqiptar

September 14, 2016 by dgreca

Java e Filmit Shqiptar 2016 do të jetë pjesë e Edition të 5-të në kuadër të prezantimit të kulturës dhe traditave të komunitetit shqiptar/ 2-java-film

Nga Beqir SINA – New York City/

Bow Tie Kinema NYC : Java e filmit shqiptar është Festivali i parë shqiptar i filmit në Shtetet e Bashkuara, e themeluar dhe udhëhequr, qysh në vitin 2012 nga Mrika Krasniqi. Ajo si për çdo edicion do të mbahet në Nju Jork, kësaj radhe nga 16 shtator deri më 20 shtator 2016.Java e filmit shqiptar, i cili luan një rol të madh në prezantimin e filmit shqiptar edhe për audiencën Amerikane, është e konsideruar si ngjarja artistike më e madhe, komunitetit të artistëve shqiptarë në SHBA.Në këtë Edicion të 5-të të Javës shqiptare të filmit do të shfaqën 25 filma, përfshirë filma të shkurtër dhe filma dokumentarë.Finalistët janë përzgjedhur nga veprat e kineastëve shqiptarë dhe të huaj rreth botës.

Java e Filmit Shqiptar 2016 do të jetë pjesë e Edition të 5-të në kuadër të prezantimit të kulturës dhe traditave të komunitetit shqiptar.Një pjesë e fitimeve nga biletat e shitura përgjatë aktivitetit, ka deklaruar organizatori do të shkojnë në mbështetje të organizatës “GREEN LINE ALBANIA” nën udhëheqjen e z. Ervin Shehaj – i cili ka organizuar deri më tani 6 fushata kombëtare nën moton “TË PASTROJMË SHQIPËRINË”.Vetë z. Shehaj pritet të marrë pjesë në këtë aktivitet në Nju York.Kështu që në Red Carpet Gala (të premten, 16 shtator) në Bow Tie Kinema, në qytetin e New Yorkut”, komuniteti i artistëve shqiptarë në Shtetet e Bashkuara, do të hap siparin e Festivalit Javor të Filmit Shqiptar, në bashkëpunim me Konsullatën e Përgjithshme të Republikës së Kosovës në Nju Jork, Ministria e Diasporës dhe Ministria e Kulturës.

Ngjarja më e madhe e vitit artistike në New York, me themeluese dhe Presidente e AWF producenten Mrika Krasniqi, thotë se ka nderin të ju ftojë, të gjithë ju shqiptarëve të zonës së Tri-Shteshit, për të marrë pjesë, në edicionin e 5 të Javës Filmit Shqiptar në Red Carpet Gala, i cili do të hapet me një ekzaminim të filmit “Crom” nga producenti i talentuar Bujar Alimani, dhe do të jetë filmi i natës së parë të hapjes të AWF.

Ajo është shprehur se organizimi i këtij festivali është një mundësi e mirë e promovimit të kulturës dhe artit shqiptar në përgjithësi, ndërsa arrin një komunikim më të afërt në mes të artistëve shqiptarë dhe artistëve amerikan.Mrika Krasniqi i tha gazetës tonë se :’ Qëllimi ynë për këtë festival të filmit Shqiptarë në SHBA, është për të treguar një pjesë të kulturës dhe historisë shqiptare nëpërmjet filmit për komunitetin amerikano-shqiptar në Nju Jork. Ne e vlerësojmë mbështetjen tuaj të madhe për artet dhe filmit për komunitetin artistik NY. Ne do të jemi të nderuar nga prania tuaj” thotë Krasniqi.Shqiptarja nga Kosova, Mrika Krasniqi, është nderuar këtë vit si “Gruaja e Vitit 2016” nga Kongresi Amerikan për punën e saj ndërkombëtare në fushën e artit, kulturës dhe biznesit.Ka qenë Senatori nga New Yorku Charles E. Schumer, ai që i ka kërkuar Kongresit Amerikan, disa muaj më parë, që të ngrihet flamuri Amerikan për nder të Mrika Krasniqi, si një grua fymëzuese, dhe një figurë e shquar, e cila ka krijuar marëdhënie shumëpalëshe nëpërmjet artit dhe biznesit ndërmjet Amerikë-Kosovë-Shqipëri-Maqedoni-Itali.Mrika, për ne shqiptarët e Amerikës, është e njohur si organizatore e “Albanian Week Film Festival” në Amerikë, festival i cili prezanton filmin shqiptar në SHBA. Veç kësaj ajo po punon si producente, regjisore dhe skenariste në kompaninë e saj të produksionit “Nil Production” me seli në Prishtinë dhe New York, si dhe bashkëpunon me kompani të tjera ndërkombëtare në Europë e Amerikë.Para pak muajve ajo ka pasur premierën e dokumentarit të saj “Soldier”, pas organizmit me sukses në Nju Jork të Javës së Filmit Shqiptar, që i kushtohet promovimit të filmit dhe të artistëve shqiptarë kudo në botë.Një nga veprat më të fundit të realizuar nga Mrika Krasniqit është dokumentari “You are not alone”, i cili u kushtohet fëmijëve me sindromin doën, ndërkohë që duke ju referuar intervistave të saj në shtyp, është në përgatitje për një film me metrazh të gjatë.

Kozeta Turishta dhe Lulzim Bucolli, janë moderatorët e Javës së V-të të Filmit Shqiptar në New York…Festivali i filmit shqiptar në SHBA po vazhdon me përgatitjet e tij finale për tu prezantuar para publikut shqiptaro-amerikan me prezantimin e programit të sivjetmë.Para pak dite festivali prezantoi jurinë profesionale të përbërë nga: Mike Dusi-aktor dhe producent në Holliwood, Dhimiter Ismailja – regjisor, skenarist dhe kameraman, Xhevat Limani-regjisor dhe dramaturg, Leonora Mehmetaj-aktore, Bashkim Hasanaj – fotograf i mirënjohur.Pas jurisë profesionale, festivali paraqet emrat e moderatorëve të cilët do të prezantojnë festivalin “Java e Filmit Shqiptar 2016” që do te zhvillohet prej 16 deri 20 shtator në Manhattan.Moderatorja e mirënjohur shqiptaro-amerikane Kozeta Torishta dhe aktori i mirënjohur Lulzim Bucolli do të jenë prezantuesit e 5 netëve të festivalit që do të shpalos programin prej 26 filmave nga kinematografia shqiptare, si dhe tre filma nga kompeticioni ndërkombëtar.Festivali sivjet organizohet në bashkëpunim me Konzulatën e Përgjithshme të Kosovës në New York, dhe ka disa sponsorizues të fuqishëm përfshirë kompaninë e njohur Famous Famiglia Pizza të vëllezërve Kolaj.

Presidenti Thaçi shpërndanë ABETARE në Kanada

September 14, 2016 by dgreca

-Presidenti i Republikës së Kosovës, Hashim Thaçi, në Forumin e Torontos. Mbrëmë mori pjesë në pritjen e organizuar nga shoqatat e komunitetit shqiptar nga rajoni i Torontos në Kanada. Me rastin e fillimit të vitit të ri shkollor, për brezat e rinj shpërndau edhe Abetaren tonë shqipe/

Hashim Thaçi: Komunitetin tonë e garantova se do të kenë vëmendjen e plotë të institucioneve të Republikës së Kosovës dhe se ata do të jenë ura jonë lidhëse me Kanadanë. Gjithashtu, falënderova edhe qeverinë dhe popullin kanadez për mbështetjen e madhe gjatë periudhës së luftës më ‎1998 – 1999, për kontributin në kuadër të KFOR-it dhe për përkrahjen për pranimin e Kosovës në organizata ndërkombëtare./

TORONTO, 14 Shtator 2016-Gazeta DIELLI/Presidenti i Republikës së Kosovës, Hashim Thaçi, sot ishte panelist në edicionin e 10-të jubilar të Forumit Ndërkombëtar Ekonomik “Toronto Global Forum”, që po i zhvillon punimet nën patronazhin e Forumit Ndërkombëtar të kontinentit të Amerikës (IEFA).

Njoftimi dërguar nga Toronto thekson se, në forumin e titulluar “Udhëheqja në kohë të pasigurta”, para mbi 100 folësve dhe 2600 delegatëve nga mbi 400 shtete, presidenti Thaçi ka thënë se rasti i Kosovës është shumë specifik për shkak se zhvillimi i shtresës së mesme është shoqëruar me sfida të shumta.Kreu i vendit ka folur për rrugëtimin e vështirë dhe rrethanat e pafavorshme nëpër të cilat kaloi Kosova që nga periudha e paraluftës, rindërtimin, sfidat e mëdha në procesin e shtet-ndërtimit, si dhe vështirësitë në zhvillimin ekonomik, posaçërisht në vitet e para të pavarësisë që përkuan me krizat më të mëdha në botë.

Presidenti Thaçi ka thënë se përkundër sfidave, Kosova ia doli që t’i tejkalojë të gjitha këto probleme të panumërta dhe shënoi rritjen më të shpejtë ekonomike në rajonin e Ballkanit, në shkallë prej 4 për qind të rritjes mesatare të Bruto Prodhimit Vendor.Ai ka thënë se ishte jetike që të investojmë në siguri për të siguruar investime.

“Pas luftës, strategjia jonë e parë e ekonomisë politike ishte të investojmë në siguri për të siguruar investime. Ndërkohë që shumicën e energjive dhe burimeve i kishim të orientuara në rindërtim dhe në fushën e sigurisë, ne u fokusuam edhe në reformat e ekonomisë së tregut me privatizimin e ndërmarrjeve shoqërore, në reformat fiskale me uljen e tatimeve dhe heqjen e tyre për shtresat e varfra. Gjithashtu, u përqendruam edhe në reformat arsimore dhe edukative, me krijimin e kushteve për shkollim pa pagesë dhe libra falas, në reformat në shëndetësi dhe në rritjen e pagave për tërë sektorin publik”, ka thënë presidenti Thaçi.Njëkohësisht me këto reforma, presidenti Thaçi ka thënë se për zbutjen e diferencimeve sociale dhe zbutjen e papunësisë janë rritur investimet edhe në përmirësimin e infrastrukturës dhe mirëqenies për banorët e zonave rurale.“Kosova u bë prijëse në fushën e reformave dhe tani arritëm ta nënshkruajmë edhe Marrëveshjen e Stabilizim-Asociimit me BE-në”, ka thënë presidenti Thaçi, duke i ftuar investitorët e pranishëm që të vijnë dhe të investojnë në Kosovë.Ai ka theksuar se Kosova ka pasur një periudhë të rëndë tranzitore, por prej vitit 2008 janë shënuar hapa të mëdhenj për zhvillimin e shtresës së mesme, bën të ditur njoftimi i dërguar.

Ndërsa Presidenti Thaçi ka shkruar në ‘facebook’:Mbrëmë pata nderin të marrë pjesë në pritjen e organizuar nga shoqatat e komunitetit shqiptar nga rajoni i Torontos në Kanada. I falënderova nga afër bashkatdhetarët tanë për kontributin e tyre të jashtëzakonshëm ndër vite dhe i përgëzova për integrimin e tyre në jetën sociale, ekonomike e politike të Kanadasë.U ndjeva krenar për të arriturat e tyre të cilat u konfirmuan edhe nga Ministrja e Ontarios për Shtetësi dhe Imigrim, znj. Laura Albanese, nga Kryetarja e Bashkisë së Mississaugas, znj. Bonnie Crombie, si dhe nga deputetë të Parlamentit të Ontarios.

Komunitetin tonë e garantova se do të kenë vëmendjen e plotë të institucioneve të Republikës së Kosovës dhe se ata do të jenë ura jonë lidhëse me Kanadanë. Gjithashtu, falënderova edhe qeverinë dhe popullin kanadez për mbështetjen e madhe gjatë periudhës së luftës më ‎1998 – 1999, për kontributin në kuadër të KFOR-it dhe për përkrahjen për pranimin e Kosovës në organizata ndërkombëtare.

Me rastin e fillimit të vitit të ri shkollor, për brezat e rinj shpërndamë edhe Abetaren tonë shqipe.

Me pjesëmarrësit e pritjes kalova çaste të këndshme./b.j/

Prezantohet aplikacioni E-Konsullata

September 14, 2016 by dgreca

Ministria e Jashtme ka prezantuar aplikacionin konsullor E-Konsullata, i cili pritet të krijojë një sërë lehtësirash për qytetarët. Me 13 shtator 2016, MPJ në bashkëpunim me kompaninë Telekom Albania organizuan aktivitetin promovues të aplikacionit konsullor E-Konsullata. Ky aplikacion vjen ne kuadër te reformës së ndërmarrë nga MPJ ne fushën e shërbimeve konsullore. Aplikacioni konsullor E-Konsullata mund të shkarkohet nga Appstore dhe Playstore në çdo aparat celular apo tabletë që ka akses në internet dhe mund të përdoret kudo, duke shërbyer si një platforme interaktive komunikimi dhe informimi për te gjithë qytetaret shqiptarë kudo që ndodhen. Në aplikacion ndodhen kontaktet e sakta dhe koordinatat e çdo përfaqësie shqiptare në botë; informacion mbi procedurat e legalizimeve të dokumenteve; shërbimet e tjera konsullore brenda dhe jashtë vendit; si dhe informacione mbi situatën politike dhe shëndetësore për secilin vend prej 181 vendeve pjesë e E-Konsullata. Ajo është një portë e drejtpërdrejt komunikimi me Ministrinë e Punëve të Jashtme pasi nëpërmjet saj mund t’i drejtoheni dhe raportoni në Drejtorinë e Shërbimeve Konsullore te MPJ-së. Nëpërmjet këtij aplikacioni do të gjeni përgjigjen e shumë pyetjeve për shërbimet që mund të ofrojë Ministria e Punëve te Jashtme dhe selitë diplomatike e konsullore të Republikës së Shqipërisë në botë, duke shërbyer njëkohësisht dhe si një udhërrëfyes për sigurinë e shtetasve shqiptarë që ndërmarrin udhëtime në çdo vend të botës. Reforma e shërbimeve konsullore ka hyrë tashmë në një fazë të avancuar ku veç ofrimit të një sërë shërbimesh të sigurta, transparente dhe me kosto të ulët, dhe jo më radhë të gjata dhe shërbime sipas xhepit po shkojmë drejt digjitalizimit të plotë. Në fjalën e tij, Ministri i Punëve te Jashtme Ditmir Bushati evidentoi se aplikacioni konsullor e-konsullata ka qëllim të dyfishtë, ai do t’i shërbejë gati 1/3 së qytetarëve tanë që jetojnë dhe punojnë jashtë vendit, gjithashtu ai shërben si një udhërrëfyes për çdo shtetas shqiptar që do të udhëtojë jashtë duke dhënë informacion për 181 shtete që ndodhen në të. Ai është një instrument i rëndësishëm pasi ofron informacion të integruar tepër te nevojshëm dhe për operatorët turistikë, agjencitë e investimeve, dhomat e investimeve por vjen në ndihmë dhe për procesin e regjistrimit të shqiptarëve që jetojnë jashtë vendit. CEO i Telekom Albania vlerësoi se Shteti shqiptar është pionier në aplikimin e teknologjive digitale në shërbimet që ofron administrata publike duke shfrytëzuar teknologjinë moderne. Gjithsesi le te shohim si do zbatohen keto aplikime per shqiptaret kudo qe jane. {Sipas njoftimit zyrtar te MPJ}.