Nga Ilir Levonja/
Kur uron populli popullin është kënaqësi. Që t’i thotë gëzuar Bajramin, mbarësi, shëndet, paqe, mirësi etj…, është kënaqësi dhe normale. Festat e çilido besim kanë në vetvete atë thelbin e të luturit për një jetë më të mirë. Sepse, prandaj njerëzit e krijuan besimin në Zot, për tu lutur. Për të pakësuar dhimbjet, hallet apo përvojat e vështira dhe të paparashikuara. Pra të luten për gjëra që nuk i kanë në dorë e tyre. Dhe t’ia urojnë njëri-tjetrit mirësinë. Në fund të fundit Zoti i plotfuqishëm është mbi ta. Ndaj rri lart. Poshtë është bataku. Dhe ata për t’i shpëtuar këtij bataku, shikojnë lart. Nga qielli. Nga Zoti.
Kështu që, duke e ditur që, atë që nuk ta bën perëndia. Ta bën qeveria. Ata thonë, ruajna o Zot. Në dorën tënde Allah. Në dorën e mëshirëmadhit. Ndaj dhe urimi është njerëzor. I prekshëm. I shijshëm. Ia vlen sakrifica. Dhe të shplodh mirësia e atyre duarve që shërbejnë bukë. Pra populli për popullin. Njeriu për njeriun, besimtar apo jo. Ata aq kanë fjalën dhe vullnetin. Kush ka diçka më shumë e ndanë me atë që ka më pak. Kaq.
Por kur e bëjnë këtë, ata që kanë gjithçka në dorë. Pra kur urojnë politikanët popullin, është shpifësirë. Megjithatë ata vërsulen të parët. Urime, gëzuar, paqe e begati. Rehati shpirtërore. Jetë e mirëqënie Zoti ju dhëntë. Allahu ju ndimoftë në familjet tuaja. . Gëzuar Bajramin e madh. Zoti ju dhëntë më të mirat, etj.
Rezultati për popullin. U shtrojnë tavolina në sheshe publike. Dhe populli besimtar shkon e ulet. Hanë. Kurse ata, vila në gjirin e Lalzit. Në malin e Robit. Shtëpi verore. (Sapo e pashë këtë modën e fundit shqiptare). Pse? Sepse dallimi është i thjeshtë…
Që të ketë paqje një popull, e ka në dorë Zoti.
Që të ketë begati një popull, e ka në dorë Zoti.
Që të ketë të mira materiale një popull, e ka në dorë Zoti.
Që të ketë këto të mira, që janë ujë, drita, rrugë, punë, siguri, rend; çfarë tjetër…, qytetari europiane. E ka në dorë veç Zoti. Ndaj nga unë, president, kreministër, kryeparlamentar, shef opozite, ligjëvënës. Nga unë një drejtor që të marr 5 mijë euro për një vend pune. Gëzuar Bajramin. Paçi fat, mirësi e begati nga Allahu. Se të tjerat janë për mua. Lutjet janë kthyer në urime.
Dom Gjergj META: Në Xhenet apo në Parajsë, dua të jem me mikun mysliman
Sot telefonatën e pare ia bëra Durit. Kështu e thërras shokun tim të ngushte me të cilin kam kaluar adoleshencën time e prej asaj kohe jemi ende shoke! Ai feston sot bashkë me familjen e tij Bajramin, madje edhe djalit të parë ia ka vu emrin Bajram, thotë prifti katolik, Dom Gjergj Meta.
“Kur mendoj shpesh për ekstremizmin fetar me shkon mendja menjëherë te Durimi dhe them me vete: Sido të jetë puna edhe në qofshin të gjithë përreth meje ekstremistë, myslimanë apo katolikë qofshin ata, që presin koka a vrasin me kallashnikov, Durimi (e bashkë me të edhe Romiri, Luani, Genti etj.) do të vdisnin bashke me mu dhe ne nuk do ta linim njëri-tjetrin vetëm. Në Xhenet apo në Parajsë, ta quajmë si të duam, do të donim te shkonim bashkë sepse edhe jetën e jetuam bashkë…! Të kesh guxim të jetosh jetën me të tjerët, është mënyra më e mirë për t’i thënë jo edhe te keqes, ekstremizmit, përjashtimit, inatit dhe urrejtjes”, thuhet në urimin e tij.
Tregon ime me këtë histori Agjerimi
Nga Ahmet ZANI/
Muaj i madhërueshëm i Ramazanit në këtë vit përkon me kohën më të gjatë dhe me tamperaturat e larta,por ata që janë të vendosur të agjerojnë nuk i shqetëson ky fakt. Janë disa rregulla të qarta për besimtarët që agjerojnë dhe mund të shfaqen dhe raste që duhet ndaluar agjerimi, ndërsa janë të vendosur t’i shkojnë deri në fund me besimin e madh tek Allahu.
Ja cfare më trgon nëna ime 74 vjeçare cila me shumë vullnet nuk ka ndaluar për asnjë çast agjerimin për çdo vit si një detyrim i muslimanti. Një i afërm i familjes tonë në vitet 1968 muaj i Ramazanit përkonte si në këtë vit me teperatura të larta dhe ka nisur në muajin korrik në ditët më të gjata. Në vitin 1968 ishte e ndalaur feja, një vit më parë regjimi mundi të frenojë një pjesë të besimtarëve të mos predikonin dhe praktikonin besimin fetar, madje nisën dhe penalizimet për disa nga fetarët që ende kërkonin të udhëzonin besimtarët tek Zoti dhe besimi fetar. Kësisoj njeriu i afërm i familjes sonë me shumë vullnet dhe pa patur frikën nga ndonjë rast që mund të kanosej si besimtar i muslimanit nuk është trembur këtij fakti. Nëna ime tregon se Rexhep Rapa asokohe ishte rreth 50 vjeç dhe punonte ne ara me një pendë qe kafshë punë në ish-ndërmarrjen e fermave. Puna ishte shumë e rëndë lodhja e tepërt, kërkohej punë me orar të zgjatur dhe njeriu që kishte nisur të agjeronte ishte shumë e vështirë në ditët e nxehta, por dhe nga stërmundimi në punët e fermës. Rexhepi do ta niste punën që në orën gjashtë të mengjesit dhe e mbyllte në orën tetë të mbrëmjes dhe për ata që dinin se Rexhepi mbante Ramazan ndiheshin keq nga kjo sakrificë e tij. Mamaja ime më rrëfen dhe faktin e një dite vere nga temperatura shumë e lartë Rexhepit do t’i çahej buza nga mungesa e ujit, ndërsa shokët e diktuan këtë fakt dhe i kërkuan të ndërpresë agjerimin. Por ky njeri shumë i vendosur do t’i përgjigjet se nuk është etja, por lodhja në punët e bujqëisë dhe kështu i vendosur do të arrinte të mbyllte këtë ditë te evshtire duke ruajtur agjerimin e plotë përpos buzës së çarë nga etja ai kishte besimin e madh tek Allahu dhe kjo vendosmëri do të përfundonte me sukses agjerimin ndonëse në ditë tepër të nxehta me temperatura të larta por ndjehej i lumtur. Një fenomen frenues për besimtarët do të ndikonte dhe regjimi, dhe të tillë besimtarë nuk mund të frenoheshin nga askënd për të përçuar besimin e Allahut.
Sot në ditën e festës së Fiter Bajramit ime më është e rrethuar nga fëmijët, nipërit, mbesat si dhe tërë të afërmit dhe feston e gëzuar pas sakrificës së agjerimit. Ndaj nuk do t’i mungonte dhe urimi në këtë ditë të madhe të festës së Fiter Bajramit me urimin: Paqe dhe mbarësi për të gjithë shqiptarët.
MIJERA BESIMTARE MUSLIMANE SHQIPTARE NE SHBA DHE KANADA FESTOJNE FITER-BAJRAMIN
Fitër Bajramit, festë e simbolit të paqes, qetësisë shpirtërore dhe harmonisë së përbashkët/
NGA BEQIR SINA/
17 Korrik 2015- BROOKLYN, New York: Në disa shtete në Amerikën e Veriut – SHBA dhe Kanada, shqiptaro-amerikanët myslimanë u mblodhën të premten heret në mëngjes për të festuar Fitër Bajramin – për të shënuar fundin e Ramazanit muajit të gjatë të agjerimit, që nisi prej 18 qershorit dhe përfundojë sot më 17 korrik.
Pas 30 ditëve agjërim, sakrifice, lutje, adhurime, besimtarët myslimanë shqiptarë, duke iu bashkuar edhe atyre në mbarë botën islame, sot festuan Fitër Bajramin, një nga festat më të mëdha të besimit islam në kalendarin hynor.
Atmosfera e festës së Bajramit të Madh në Shtetet Bashkuara dhe Kanada, në mesin e shqiptarëve të besimit Islam, është ndjerë kudo, sot ditën e premte gjatë gjithë ditës. Ku, me mijëra besimtarë shqiptarë muslimanë së bashku me fëmijët e tyre, në disa shtete, ku më së shumti jetojnë shqiptarët, që në orët e para të mëngjesit, mbasi kanë agjëruar 30 ditët e Ramazanit, janë mbledhur për të falur Bajramin në xhamitë e tyre.
Kjo festë, këtu, ka nisur me faljen e Bajramit, ku si zakonisht, besimtarët myslimanë shqiptarë, janë mbledhur në xhamitë e tyre, për të kryer ritet , që i takojnë kësaj dite të shënuar.
Kurse, me rastin e kësaj feste, të gjithë Imamët shqiptarë në SHBA dhe Kanada, u kan uruar besimtarëve të vetë, dhe të gjithë shqiptarëve si në Shqipëri, Kosovë e trojet shqiptare, festën e madhe të Fitër Bajramit, e cila thanë ata është festë e simbolit të paqes, qetësisë shpirtërore dhe harmonisë së përbashkët.
Gjatë lutjes, së tyre ata kërkuan nga Zoti më shumë begati, paqe e qetësi për shoqërinë dhe vendin tonë, Shqipërinë , Kosovën dhe të gjitha trojet shqiptare, duke i përgëzuar me këtë rast të gjithë besimtarët për përmbushjen e njërit prej detyrimeve kryesore të fesë islame siç ishte agjërimi.
Ndërkohë, që edhe vetë besimtarët mysliman e kremtuan këtë ditë të shejtë të Fiter Bajramit me lutjet dhe urimet e përzemërta vëllazërore mes njëri tjetrit dhe për të gjithë, shqiptarët kudo që janë dhe përcollën mesazhe ; me dëshirën dhe bindjen, se do të thellohet dashuria ndaj njëri tjetrit dhe ndaj vendlindjes së tyre, duke u lutur së bashku, që kjo festë të rrisi edhe më shumë ndjenjat e mëshirës për të vobektët, mirëkuptimit, solidaritetit, paqes, tolerancës, besimit në forcat e njerëzve, me urimin dhe dëshiren që paqia dhe mëshira e Zotit të jenë kudo .
Ndërsa, sot në mëngjez heret, festimi i ashtuquajtur qëndror në SHBA, i cili mbahet për 35 vite me rradhë, u krye në xhaminë e parë dhe më të vjetër të emigrantëve shqiptarë, në New York.
Xhaminë e Bruklinit në Qëndrën Islame Shqiptare Brooklyn, ku u mblodhën më shumë se 500 besimtarë musliman nga Kosova, Shqipëria, dhe viset shqiptare në Mal të Zi, Maqedoni, Luginën e Preshevës, Çamëria, në faljen e Bajramit.
Duke çelur ceremoninë, sipas zakonit në fillim u mbajt një ligjeratë e gjatë nga Imam Osman Zaka, i Xhamisë së Bruklinit deri sa filloi falja e Fitër Bajramit në orën 7:00 të mëngjesit.
Ndërsa, Hytben e mbajti ndihmësi i tij – Imam Roland Çinari dhe si heret e tjera ngaqë pjesamarja ka qënë majft e madhe, Fitër Bajrami, u falë dy herë.
Imam Zaka, i cili është lideri fetar i kësaj xhamie në Bruklin, gjatë ligjeratës së sabahut, ndër të tjera ceku, se me këtë ditë shënojm fundin e muajit të Ramazanit, periudha më e shenjtë e vitit islamik. Bajrami, nënvizojë , ai , është një kohë për t’iu falur Zotit për bekimin e ripërtëritjes së besimit dhe për të bërë akte bamirësie.
“Festa e Bajramit, u shpreh Imam Zaka, është kurorëzim i muajit të shenjtë të Ramazanit dhe sakrificës, në emër të të gjitha të mirave që po na fal Zoti i Madh dhe i Plotfuqishëm,. Në emër të dashurisë e respektit për njeri tjetrin, e pastërtisë në shpirt, harmonisë dhe mirëqënies sonë. Festa e Bajramit, për besimtarët shqiptarë, tha ai, sidomos këtu në mërgim, duhet të forcojë gjithnjë e më shumë traditën e tonë, që kemi trashëguar, në ndergjegjen tonë, gjithçka nga e mira e në të mirës, të harmonisë e bashkëjetesës fetare”.
Sikurse, Imam Zaka, edhe ndihmësi i tij, imam Roland Çinari, iu drejtua besimtarëve, në këtë ditë feste, duke iu thënë se Bajrami, është një pjesë e bekuar kohe që mbart në vetvete begatinë, bereqetin, mirësinë dhe gëzimin e ditëve, javëve, madje të muajve dhe tërë vitit. Në këtë mënyrë Bajrami, është një lehtësim i shpirtit, është kënaqësia e brendshme që buron prej shpresës së adhurimit dhe përfitimit të faljes prej Allahut, Mëshiruesit Fuqiplotë. Bajrami është dita kur takohet forca e të pasurit me dobësinë e të varfërit në dashuri, mëshirë dhe drejtësi e sendërtuar në zekat, bamirësi dhe përkrahje.
Në fund Imam Roland Çinari u lut që le të gëzojmë dhe t’a shijojmë me shpirt e me zemër këtë festë të bukur e plot hijeshi, të gjithë muslimanët
Në ditët e Fitër Bajramit, bëhen vizita prindërve, miqve, dashamirëve, shokëve dhe fqinjëve, me ushqime të bollshme dhe ëmbëlsirat tradicionale, si bakllava, kadaif, tollumba, revani sheqerpare e tjere. Për Bajram besimtarët muslimanë shqiptarë sipas zakoneve Islame vazhdojnë me vizita familjare tek me të vjetërit, të sëmurët dhe të vobektit, me shpresë se nga këto vizita ata do të fitojnë më shumë sevape.
Një e mirë e kësaj feste , sipas tyre është që besmitarët sipas mundësive ndihmojnë të varfërit dhe jetimët, dhe japin sadoka në vendlidnjen e tyre.
Pas faljes së Fitër Bajramit, besmitarët muslimanë shqiptarë në shenjë dashurie dhe respekti për ata që nuk janë më midis nesh bëjnë vizita në varrezat duke vendosur buqeta me lule të freskëta.
DC Albanian Diaspora Group Meeting with Albanian Ambassador to the US Floreta Faber
By Ermal Vila-DC Albanian Diaspora Group/
On July 7, 2015, the DC Albanian Diaspora Group held a kickoff meeting with the newly-appointed Albanian Ambassador to the US, Floreta Faber and other diplomatic personnel of the embassy at the renovated premises of the Albanian Embassy to explore ways to collaborate on initiatives of mutual interest.
The meeting opened with brief introductions from all participants and the respective work of the organizations in issues related to promoting Albanian culture and history, fostering exchange between Albanian-American professionals and in helping to strengthen ties between the people, governments and businesses of the home countries and the U.S. Following, DC Albanian Diaspora Group Lead Ermal Vila presented an update of the Albanian Diaspora Program at the Center for International Development (CID) at Harvard University. Currently the program is focusing on expanding the network of leaders and professionals from government, non-government organizations, universities, private businesses, entrepreneurs, and international organizations with interests aligned with the Diaspora Program. The CID Harvard Diaspora webpage has more information about the program and future events, including the latest news as well as access to the June Diaspora Newsletter.
Another important subject discussed was on the composition of the Albanian diaspora community in the DC area, which while not very sizeable compared to other US cities, tends to have a high intellectual and professional potential. However there are few challenges that need to be addressed. This distinct human capital oftentimes remains untapped. By being fully integrated in the DC professional and social life, it can become quite challenging to mobilize the members of the diaspora in issues related to the community or the home countries. Secondly, as it is often the case with diasporas, the Albanian-American community in the DC area lacks cohesion when it comes to the organization of big celebrations of historical days and events like in other major US cities such as New York or Boston.
However, the newly renovated and spacious Albanian Embassy building together with the arrival of a new Ambassador presents an important opportunity for the mobilization of the Albanian-American community in the DC area. One of the concerns shared has to do with the lack of a physical space for the community to organize itself around, since none of the organizations has its own space. The Embassy, given its new premises, can therefore fill this gap and make some of its amenities available for the Albanian American community organizations and activists to organize joint activities. Ambassador Faber told the diaspora activists that part of her mandate as ambassador is to reinforce the ties and collaboration with the Albanian-American community and reassured her commitment to make the embassy an open and welcoming space to promote and organize activities of mutual interest.
The establishment of the DC Albanian Diaspora Group in January 2015 brought together all major Albanian-American organizations and initiatives with the aim of representing a unified DC voice in the ongoing Harvard Albanian Diaspora Program and other community initiatives and activities. Together with the Albanian Embassy, the DC Albanian Diaspora Group will help continue its efforts in promoting and fostering collaboration and harmony in the community for major causes related to its members and to the home countries.
July 16, 2015 – Washington D.C.