dgreca – Page 421 – Dielli

Çfarë lexojmë?!

August 21, 2020 by dgreca

NGA ASTRIT LULUSHI-Nuk është libri i fundit me kujtime nga koha e diktaturës nga këndvështimi i atyre që e gëzuan pushtetin e krimit njerëzor. Pas Ramizit e Nexhmies, tani na sillet për të lexuar Dritëhijet…. e kryehetuesit. Shkruar në Gjermani, libri duhej të kishte më shumë Niçe: “Një ditë do të vdesim dhe më e mira për të cilën mund të shpresojmë është të jetojmë një jetë për të cilën do të ishim të lumtur ta jetonim përsëri pas vdekjes. Ai që thotë ndryshe, iu gënjen.”Sistemi më shtypës në botë na paraqitet në libër si periudhë ku njerëz të lirë diskutojnë, kritikojnë, denoncojnë me zell njeri tjetrin për veprime armiqsore. Prej tyre sigurimi merr informata, plotëson çështje, kryen arrestime e burgosje të njerëzve pasi kanë kaluar në tortura çnjerëzore të hetuesve (por çuditërisht Kryeprokurori nuk di gjë?!), dhe ku çdo veprim kryhet sipas ligjit (këtë e thonë me plotgojë, dhe shpëtojnë). Hetuesia e Përgjithshme është në majë të këtyre veprimeve. Fjalët e kryehetuesit i dëgjon me vëmendje diktatori dhe njerëzit futen në burg, vriten, ‘hanë dhe’, ose ngrihen në qiell, sipas këshillave që jep hetuesi, i cili ushqen me “prova” prokurorët për të akuzuarit a armiqtë e shtetit.Por realiteti vjen i nxirrë në pamje, duke penguar t’i qasesh realitetit të vërtetë. Kush nuk e ka jetuar atë kohë sheh vetëm hije. Realiteti i fshehur është shkatërrues për mënyrën sesi e largon tjetrin nga përvoja; është propagandë. Paraqitja e një realiteti të mjegulluar krijon vërtetë problem të thellë; synon shtrembërim i historisë dhe i bën njerëzit të gënjejnë me ndërgjegje. Nëse ka këtë qëllim, autori duhej të kishte pritur edhe ca kohë, derisa brezi që e jetoi atë periudhë, të shuhej.Kryetar i Hetuesisë së Përgjithshme të Shqipërisë në vitet 1981-1992; studiuar në Fakultetin e Shkencave Politike dhe Juridike, Fakultetin Ekonomik, Akademinë Ushtarake, Shkollën e Lartë të Ministrisë së Punëve të Brendshme, Doktor i Shkencave Juridike, Pedagog në Fakultetin e Shkencave Politike dhe Juridike në Universitetin Enver; analist, opinionist, publicist, autor i disa librave, aktualisht jeton në Gjermani, ku ka marrë azil politik. Nga kush mund të ketë qenë i persekutuar? Me siguri nga ata që vetë i persekutoi, nga populli.Thuhet se ka qenë prokuror i gjyqit në vitin 1978 ku dënoi për agjitacion propagandë me pushkatim 2 dhe 2 të tjerë me 20 e 25 vite burgim; Vendime, sigurisht, që shtruan rrugën e karrierës drejt postit të tmerrshëm të krye-hetuesit të përgjithshëm.

FATOS AND ILIR BYTYQI THANKFUL TO REPRESENTATIVE ZELDININ THEIR FIGHT FOR JUSTICE

August 21, 2020 by dgreca

By RAFAELA PRIFTI-Fatos and Ilir Bytyqi are aware of the long road to justice for their three brothers, US citizens who were murdered in the Republic of Serbia in July 1999. Last year,their Representative Lee Zeldin authored House Resolution 32 in partnership with Representative Eliot L. Engel, Chairman of the House Foreign Affairs Committee. The measure was reintroduced byCongressmen Eliot Engel and Lee Zeldin to push the Serbian government and Serbian war crimes prosecutor tocarry out justice and hold the perpetrators accountable.As part of a panel, Ilir Bytyqi testified at a hearing on the House Foreign Affairs Committee in April 2019. On a phone conversation, Fatos Bytyqi told me that he and hisbrother, Ilir have been meeting with Representative Zeldin in New York and Washington DC from the time he entered Congress.Mr. Bytyqi said that “Serbian authorities are aware and in possession of evidence of the crimes in this case, yet they employ maneuvers and spread disinformation to not bring the murderers to justice.” In his view, the Resolution is a strong measure that pressures Serbia’s government to carry out properinvestigations instead of continuing with the pattern of not prosecuting Serbian war criminals responsible for crimes against the people of Kosova. Fatos Bytyqi recalled Representative Engel’s statement delivered on the House flooras Resolution was introduced last year:”Approaching three years ago, the Belgrade-based Humanitarian Law Center released a dossier detailing the murder of nearly 1,000 Kosovars, killed by Serbs in Kosovo, then transported to Serbia and dumped in a mass grave. The US government has raised this atrocity with the Serbian war crimes prosecutor, but – once again – no one has been held accountable.”

On the 20^th anniversary of the murders,Representatives Lee Zeldin (R, NY-1), Ranking Member of the House Foreign Affairs Subcommittee on Oversight and Investigations, and Eliot Engel (D, NY-16), Chairman of the House Foreign Affairs Committee, reintroduced legislation calling for justice in the executions of Congressional District 1 residents, Ylli, Agron and Mehmet Bytyqi, who resided in Hampton Bays, New York, having passed legislation of the House Foreign Affairs Committee last year.Both representatives have strongly supported the measure and its significance in the relations between United States and Serbia. In a statement, Chairman Engel has said: “The United States’ relationship with Serbia depends on Serbia’s adherence to the rule of law and human rights, and commitment to prosecute horrendous criminal cases such as this.”

Ilir Bytyqi, whois actively demandingjustice in this case and advocating for the victims, attended the reception for Ranking Member Zeldin held in midtown Manhattan. Representative Zeldin reaffirmed his commitment that “the Bytyqi brothers gave their lives to fight injustice; now, we must secure justice for them.” He reiterated the position expressed by the US State Department through the Embassythat “Obtaining justice for the Bytyqi brothers remains a priority in our bilateral relationship with Serbia.”In a statement issued by US Embassy in Belgrade, in July 2018, it said: The United States government again calls on Serbian authorities, who have promised to assist in this case over the years, for a resolution to this case. Both brothers expressed gratitude to the representatives of Albanian community and organizations that have rallied demanding justice.

Dielli is publishing the remarks of Ilir Bytyqi at the fundraising reception in honor of Congressman Lee Zeldin hosted by Evi Kokalari at 3 West Club in Manhattan on August 18.

Evi Kokolari friends and family,

I would like to take this moment to thank each and every one for attending this event to support our elected official to be our voice for the voiceless and hope for the hopeless. As you all know, tragedy struck my family at the hands of Serbian government 21 years ago. It has devastated my family all these years. The battle for justice hasn’t been easy, though the support has been there.

Thanks to friends and family the American-Albanian community organizations many of you are here present today and members of Congress as representative in Washington DC Lee Zeldin we have achieved a great deal of progress

Congressman Lee Zeldin and his amazing staff have supported my family on each and every aspect. He never knows how to say NO! He is always on the go and will continue to do so not only for my family but the Suffolk County. I believe that Lee Zeldin is the right Representative to represent Suffolk in Congress.

PS. Dielli received no response to requests for interview with Congressman Lee Zeldin by the time the paper went to print.

VATRANËT MBËSHTESIN KONGRESISTIN REPUBLIKAN LEE ZELDIN

August 21, 2020 by dgreca

NGA DALIP GRECA-

Të Martën, 18 Gusht 2020, në 3 West Club, në 51 st, në Manhattan, u organizua veprimtaria fonmbledhëse për kongresmenin republikan Lee Zeldin, veprimtari që kishte për organizatore bashkatdhetaren Evi Kokalari. Thirrjes së saj iu përgjigj edhe Federata Panshqiptare e Amerikës VATRA. Nga Detroiti kishin udhëtuar enkas për këtë event nënkryetari i Vatrës Alfons Grishaj, kryetari i degës së Vatrës për Michigan Mondi Rakaj dhe anëtari i Këshillit Kolonel Dritan Demiraj. Bashkë me ta u bashkuan edhe:Presidenti i Nderit i Vatrës Agim Rexhaj, anëtarët e kryesisë Mark Mrnaçaj, Dalip Greca(Editori i Diellit), Asllan Bushati, Zef Balaj, Dritan Mishto, dhe shumë të tjerë që po i bëjnë donacionet përmes websitit të kongresistit.

Po ashtu kishte ardhë Marko Kepi, kandidati republikan për Asamblenë e Shtetit të New York-ut,Kryetari i Shoqatës” Atlantiku” Gani Shehu me përfaqësues të kryesisë, Ilir Ademi nga komuniteti çam etje.
Vatranët janë takuar dhe kanë biseduar para fillimit të veprimtarisë me kongresmenin Lee Zeldin dhe janë fotografuar me të.
Evi Kokalari ka hapur eventin duke e falenderuar kongresmenin Zeldin, si një mik i shkëlqyer i shqiptarëve,i dalluar për mbështetjen ndaj komunitetit shqiptar, veçanërisht ka dhënë kontributit të jashtzakonshëm për vëllezërit Bytyqi. Kongresmeni Zeldin është sponsor i Rezolutës në Kongresin Amerikan për vëllezërit Bytyqi.

Në fjalën e tij të duartrokitur kongresmeni Zeldin ka falenderuar pjesmarrësit për mbështetjen e dhënë. Duke iu referuar çështjes së vëllezërve Bytyçi ai tregoi për këmbënguljen amerikane në zbardhjen e krimit, duke i bërë presion të vazhdueshëm Serbisë për të gjykuar e dënuar vrasësit e vëllezërve Bytyqi. Familja Bytyqi ka nevojë për drejtësi. Ai tregoi edhe për takimet me presidentin e Sebisë Vuçiç,ku së bashku me kongresmenin Engel, i kanë kërkuar atij që shteti serb të gjejë e të gjykojë vrasësit e Ylli, Agron dhe Mehmet Bytyqi, shtetas amerikan me origjinë shqiptare, të cilët u ekzekutuan në mënyrë kriminale nga shteti serb.
….Historia tragjike e vëllezërve Bytyqi e ka zanafillën në korrik të vitit 1999. Vëllezërit Ylli, Agron dhe Mehmet Bytyqi, ishin luftëtarë të Lirisë në radhët e Batalionit Atlantiku në luftën kundër ushtrisë serbe, që ushtroi gjenocid ndaj qytetarëve të pambrojtur shqiptarë. Pas përfundimit të luftës ata u arrestuan pasi kishin ndihmuar qytetarët romë dhe sipas pretendimeve serbe kishin kaluar vijën kufitare të supozuar mes Kosovës dhe Serbisë. Pasi kryen dënimin për”shkelje kufiri” ata, çuditërisht u arrestuan sërish, ndërkohë që po largoheshin nga burgu i qytetit Prokuplje në Serbinë Jugore. Pasi u arrestuan u dërguan në qendrën e trajnimit policor në Petrovo Selo, ku u izoluan në një magazinë boshe. Në mënyrë kriminale u egzekutuan me 9 Korrik 1999, me plumba pas shpine, dhe i hodhën në një gropë që përdorej për mbeturina. Vrasësi i supozuar, Goran Radosavljeviçi, i njohur me nofkën”Guri” është i dyshuari kryesor për familjen Bytyqi. Departamenti Amerikan i Shtetit, që më 2018 i ka vënë Radosavljeviçit kufizime udhëtimi.
Falë punës këmbëngulëse të kongresistit Eliot Engel dhe Lee Zeldin, Komiteti i Punëve të Jashtme të Kongresit Amerikan, miratoi një rezolutë më 2018, dhe një të dytë në 2019, që synonte ushtrimin e presionit ndaj autoriteteve serbe për të zgjidhur një herë e mirë çështjen e Vëllezërve Bytyqi, qytetarë amerikanë me origjinë shqiptare. Rezoluta shënonte:” Është e dënushme që asnjë individ nuk është gjetur fajtor për ekzekutimin e vëllezërve Bytyqi ose për ndonjë tjetër krim që lidhet me vdekjen e tyre, dhe që asnjë individ nuk po përballet me akuza për këto krime”. Rezoluta diktonte:”Qeveria e Serbisë dhe ministritë dhe zyrat e saj përkatëse, duke përfshirë Prokurorinë e Serbisë për Krimet e Luftës, duhet t’i japin përparësi hetimit dhe gjykimit të zyrtarëve që besohet të jenë përgjegjës për ato vdekje”.
Me 22 tetor 2019, Dhoma e Përfaqësuesëve miratoi unanimisht Rezolutën ”Bytyqi”, që lidhej me vrasjet e sponsorizuara nga shteti i Serbisë për vrasjen e tre shtetasve amerikanë. Po ashtu edhe Senati e ka miratuar rezolutën BYTYQI.
Familja Bytyqi, udhëheqësit e Kosovës, Hashim Thaçi, Kadri Veseli, Ramusha Haradinaj e kanë falenderuar kongresmenin Lee Zeldin, që ka sponsorizuar Rezolutën dhe ka dhënë kontribut të jashtzakonshëm së bashku me kongresmenin Eliot Engel. Falë kësaj këmbëngulje Amerika është e vendosur për t’i shkuar deri në fund zbardhjes së krimit dhe dhënies së drejtësisë për vëllezërit Bytyqi.
Edhe gjatë bashkëbisedimit të së Martës, 18 gusht, kongresmeni Zelden, tha se Familja Byrtyçi ka nevojë për drejtësi dhe se Amerika nuk do të heqë dorë nga ndëshkimi i vrasësve të vëllezërve Bytyqi.
Ilir Bytyqi, në emër të familjes, ka falenderuar pjesmarrësit në event, organizatoren Evi Kokalari,dhe ka shfrytëzuar momentin e foltores për të përgëzuar e falenderuar komunitetin për pjesmarrjen në këtë veprimtari për të mbështetur kongresmenin.

Ai tha: Unë do të doja të përfitoj nga ky moment për të falënderuar secilin prej jush për pjesëmarrjen në këtë ngjarje për të mbështetur zyrtarin tonë të zgjedhur për të qenë zëri ynë-pa zë- dhe shpresoj për të pashpresën. Siç e dini të gjithë, tragjedia goditi familjen time në duart e qeverisë serbe 21 vjet më parë. Ka shkatërruar familjen time gjatë gjithë këtyre viteve. Beteja për drejtësi nuk ka qenë e lehtë, megjithëse mbështetja ka qenë atje.

Faleminderit miqve dhe familjes organizatave të komunitetit Ameriko-Shqiptar shumë prej jush janë sot të pranishëm, dhe anëtarët e Kongresit si përfaqësues në Washington DC Lee Zeldin kemi arritur një përparim të madh.

Kongresmeni Lee Zeldin dhe stafi i tij i mahnitshëm kanë mbështetur familjen time në çdo aspekt. Ai kurrë nuk di si të thotë JO! Ai është gjithmonë në lëvizje dhe do të vazhdojë ta bëjë këtë jo vetëm për familjen time, por për Qarkun Suffolk(Distrikti nr. 1). Unë besoj se Lee Zeldin është Përfaqësuesi i duhur për të përfaqësuar Suffolk në Kongres.
Më pas kongresmeni Lee Zeldin u është përgjigjur pyetjeve dhe sugjerimeve. Mondi Rakaj, kryetari i degës së Vatrës në Michigan, ngriti problemin e qeverisë socialiste të Shqipërisë dhe kryeministrit të saj, që me politikat jo demokratike, ka shkatërruar demokracinë, ka pushtuar ekzekutivin dhe legjislativin, duke përqëndruar të gjithë pushtetet në dorën e tij, ka sjellë krizë ekonomike, ka varfëruar qytetarët, ka rritur krimin, ka nxitur trafikun dhe po zbraz vendin prej qytetarëve të saj. Rakaj i kujtoi kongresmenit edhe kritikat e kryeministrit shqiptar ndaj Presidentit të Amerikës Donald Trump më 2016. Ai e pyeti kongresmenin nëse diktatorë të tillë antidemokratë, abuzues të pushtetit,do të kenë përkrahjen e Amerikës?
Natyrisht që përgjigja e kongresmenit ishte diplomatike, duke analizuar diktatorët në Korenë e Veriut, Bjellrusi, Kinë, Rusi etj…

KËSHTU DUHEJ TË RRËZOHESHIN DIKTATORËT!

August 20, 2020 by dgreca

NGA FRANK SHKRELI-

Në Bjellorusi vazhdojnë protestat dhe demonstratat kundër Presidentit Aleksandër Lukashenko dhe pretendimeve të tija se ai ka fituar zgjedhjet që u mbajtën në atë vend më 9 gusht. Protestuesit dhe vërejtësit e huaj thonë se zgjedhjet u mbajtën në një atmosferë manipulimesh dhe frikësimesh, ndërkohë që shtojnë se forcat e sigurimit dhe të policisë përdorën forcën dhe dhunën kundër demonstruesve paqësorë. Shtetet e Bashkuara (të cilat nuk kanë ambasador në Minsk ç’prej vititi 2008) dhe Bashkimi Evropian, i cilësuan zgjedhjet e 9 gushtit si jo të lira dhe aspak të drejta – zgjedhje të cilat, Lukashenko pretendon se i fitoi me mbi 80% të votave.

Ndërkohë, mediat ndërkombëtare thonë se regjimi i Lukashenkos ka arrestuar mijëra protetsues ndërsa po shtohen gjithnjë protestat kundër regjimit të tij. Siç e kanë zakon gjithmonë diktatorët kur u ngushtohen punët — edhe Lukashenko, me këtë rast, ngarkoi me faj për protestat kundër tij, influencat e jashtme, provokues nga Evropa dhe nga opozita ruse. Kështu raportojnë burime që citojnë diktatorin bjellorus, Lukashenko, i cili për 26 vjet rresht e mban atë karrigë — jo me votën e lirë të popullit bjellorus — por me manipulime të zgjedhjeve dhe i mbështetur nga regjimi i tij diktatorial, i cili konsiderohet si i fundit i tillë në Evropë.

Por kësaj radhe, diktatori Lukashenko u përball me një kundërshtare, në të vërtetë me një mësuese e pa përvojë në politike, e quajtur Svetlana Tikhanovska, e cila u fut në garë për president, pothuaj në minutën e fundit, por që siç duket megjithë fushatën e shkurtër, ajo siguroi mbështetje të gjërë në popull. Zyrtarisht, thuhet se Tikhanovska fitoi vetëm rreth 10% të votës, gjë që bindi mbështetësit e saj, brenda vendit si edhe ndërkombëtarët, se diçka nuk ishte në rregull me zgjedhjet e 9 gushtit në Bjellorusi. Se, sipas tyre ato ishin manipuluar tmerësisht, në favor të diktatorit Lukashenko, i cili për më shumë se një çerek shekulli qeverisë Bjellorusinë me një dorë të fortë. Kandidatja e opozitës, Zonja Tikhanovska, për arsye sigurimi dhe për arsye të kërcënimeve që iu benë, u largua nga Atdheu dhe kërkoi strehim në Lituaninë fqinje. Ajo kërkon dialog dhe që autoritetet t’i japin fund dhunës kundër protestuesve paqësorë, të cilët nuk kërkojnë asgjë tjetër, veçse këmbëngulin në zgjedhje të lira dhe të drejta, të mbikqyrura nga ndërkombëtarët.

Ndërkaq, në këtë atmosferë tensionesh, Lukashenko, ka dhënë urdhër që tu jepet fund protestave kundër tij në kryeqytetin e vendit, Minsk, duke akuzuar opozitën se po përpiqet të marrë pushtetin me forcë. Në këtë ndërkohë, Bashkimi Evropian ka vendosur të imponojë sanksione ekonomike kundër regjimit brutal të Lukashenkos. Mediat citojnë Presidentin e Këshillit të Evropës, Charles Michel të ketë thënë se Bashkimi Evropian nuk e njeh rezultatin e zgjedhjeve të 9 gushtit në Bjellorusi.

Populli i Bjellorusisë me këto protesta masive duket se ka shijuar frymën e lirisë dhe si përfundim, i janë shtuar edhe shpresat për mundësinë e ndryshimeve politike në vend. Kandidatja opozitare për president, mësuesja 37-vjeçare Svetlana Tikhanovska në një video mesazh nga Lituania, “për çfarë po ndodhë mu në mes të Evropës”, citohet të ketë thenë se Presidenti Lukashenko, ka “humbur gjithë legjitimitetin e tij në sytë e popullit e të botës”, dhe i ka bërë thirrje Bashkimit Evropian që të mbështesë, “zgjimin e Bjellorusisë”.

Jam i sigurt se komuniteti ndërkombëtar do të ofrojë të ndërtmjetësojë midis regjimit të Lukashenkos dhe opozitës së udhëhequr nga Svetlana Tikhanosvka, ndërkohë që Lukashenko është shprehur se Presidenti i Rusisë Putin i ka premtuar ndihmë për regjimin e tij, në rast të një ndërhyrjeje nga jashtë, sipas tij.

Kandidatja e opozitës bjelloruse Svetlana Tikhanovskaya dhe Presidenti-Diktator Aleksanër Lukashenko– dy alternativa krejtësisht të ndryshme për të ardhmen e Bjellorusisë

Nuk jam i bindur se me ndërmjetësimin e tyre, ndërkombëtarët mund të sjellin ndonjë zgjidhje pozitive të pranueshme nga palët, të gjëndjes së tensionuar në Bjellorusi, si përfundim i zgjedhjeve jo të lira dhe të manipuluara nga regjimi i Lukashenkos, me 9 gusht në atë vend. Ironia që duket si tallje e rastit është se njëri prej këtyre “ndërkombëtarëve” është Kryeministri i Shqipërisë — vendi kryesues aktual i OSBE-së për vitin 2020 — Edi Rama i cili ofroi ndërmjetësim, ndërkohë që pak më parë ishte shprehur kundër “ndërhyrjes së ndërkombëtarëve në punët tona”, jemi vend sovran, ka thenë Z. Rama, me 22 vjet në pushtet. Referencë kjo ndaj diplomatëve ndërkombëtarë në Tiranë, siç duket në radhë të parë ndaj ndonjë deklarate të ambasadores amerikane në Shqipëri. Ka mundësi që edhe Lukashenko, me 26 vjet në pushtet, të përgjigjet me të njëjtën shprehje ndaj çdo propozimi për ndërmjetësim ndërkombëtar – përfshir Kryeministrin Rama — midis tij dhe opozitës bjelloruse. Nuk mund të thuhet se Shqipëria dhe Kryeministri Rama janë një shembull i mirë për ndërmjetsim për zgjedhje të lira (shiko zgjedhjet vendore 2019 në Shqipëri)—as për ndërmjetsim midis palëve politike në konflikt, si përfundim i manipulimit të zgjedhjeve në Bjellorusi (kur merr parasysh konfliktet midis partive politike në Tiranë). Që të jesh ndërmjetës duhet të kesh kredibilitet!

Analisti Veton Surroi, në një analizë botuar sot në Koha.net shkruan se “Shqipëria e mori kryesimin e OSBE-së dhe po e kalon lojën duke ikur nga topi”, dhe përfundon anlizën e tij duke thenë se, “Ndoshta, çuditërisht, ky shans që po humbet shtyn që Shqipëria të kuptojë se ka nevojë për pikën e vet të kthesës.” Ekzaktërisht, një vit më parë, në një shkrim timin paralajmërues në lidhje me kryesinë e Shqipërisë të OSBE-së, kam shprehur dyshimet – duke marrë parasysh vet situatën e brendëshme politike në vend – nëse, vërtetë, Shqipëria ka, sidomos, besueshmërinë e nevojshme në nivel ndërkombëtar dhe aftësitë diplomatike, si kryetare e OSBE-së, për të ndërmjetësuar situata krizash si kjo aktuale në Bjellorusi.https://telegraf.al/opinion/frank-shkreli-shqiperia-ne-nje-pozite-te-veshtire-diplomatike-a-eshte-ne-rrezik-kryesia-e-shqiperise-ne-osbe-per-vitin-2020/

Është e qartë se bjellorusët, të zhgënyjer nga manipulimi i votave në favor të diktatorit Lukashenko dhe të shokuar prej dhunës së përdorur nga regjimi i tij brutal kundër protestuesve paqësorë bjellorusë, njerëzit në atë vend — ndoshta për herë të parë—e kanë humbur frikën nga regjimi diktatorial. Nuk kanë më frikë as nga regjimi brutal i një diktatori, i llojit Lukashenko. Kjo mund të jetë gjëja më e mirë afatgjatë për zgjedhje të lira dhe për të ardhmen e lirisë dhe demokracisë në Bjellorusi. Humbja e frikës nga diktatura, nga një popull i shtypur për dekada, është mënyra më efikase për t’i dhënë fund njëherë e mirë një diktature kudo qoftë, dhe një regjimi autoritar si ai i Lukashenkos dhe për të vendosur, përfundimisht, vullnetin e lirë të popullit.

Duket se shumica e bjellorusëve, më në fund, e duan lirinë dhe janë gati të sakrifikojnë për ‘të dhe kanë si objektiv të përbashkët rrëzimin e regjimit diktatorial të Lukashenkos. Janë këta dy element të nevojshëm për të luftuar diktaturat e cilës do rrymë qofshin. Vetëm kështu rrëzohen diktaturat: gatishmëria për të sakrifikuar për lirinë dhe të drejtat e njeriut dhe duke dashur seriozisht lirinë dhe të drejtat bazë të njeriut, pa dallim. Por, nga shumica edhe duhet pasur një vizion të përbashkët për të ardhmen e vendit, ndryshe nga regjimi aktual. Asnjë diktator nuk mund të vazhdojë të qëndrojë në fuqi, nëqoftse shumica e njerëzve vërtetë besojnë, e çmojnë dhe e duan lirinë dhe janë të gatsëshëm të sakrifikojnë duke e mbrojtur atë përballë kërcënimeve të diktatorit. Madje as me ndihmën e fuqive të jashtme ndërkombëtare mbështetse të diktatorit nuk mund të fitohet përballë vullnetit të masës së popullit.

Protestat e qindëra mijëra bjellorusëve që filluan para një jave në Minsk më kujtuan protestat anti-komuniste në fund të 1980-ave në Evropën Lindore, veçanërisht protestat masive në Pragë dhe në Bukuresht.

Minsk, 2020

Pragë 1989 Bukuresht, 1989

Megjithëse është një kohë tjetër, edhe Bjellorusia sot me këto protesta masive, mund të krahasohet deri diku me ngjarjet në Evropën komuniste të vitit 1989, sidomos për nga dinamikat shoqërore dhe politike që vihen në lëvizje kundër regjimeve autoritare, në raste të tilla dhe nga protesta të tilla masive, si ajo në Minsk javën që kaloi. Mjafton një proces, i cili ve në veprim një lëvizje që përfshinë masa të gjëra të shoqërisë, të mjaftueshme për të rrëzuar një tiran nga pushteti, një autoritar shpeshherë brutal – si Lukashenko. Nëqoftse ka një krahasim midis suksesit të protestave anti-komuniste të Evropës lindore të 1989-ës dhe protestave sot në Bjellorusi, ai është se duket që– njerëzit vërtetë e kanë humbur frikën dhe mendojnë se — ia vlen të protestohet kundër diktaturës, megjith rreziqet që një një situatë e tillë mund të sjellë – por edhe të shtyrë nga besimi se një protestë e tillë mund të sjellë ndryshimin e nevojshëm për vendin e tyre. Filozofi, autori dhe gazetari francez, Albert Camus në Librin e tij “Kryengritsi” (The Rebel) ka pyetur: “Kush është kryengritës”? Duke iu përgjigjur pyetjes së vet ai ka thenë se, “kryengritës është ai i cili thotë Jo”. Është pra kjo pika, kur zhduket frika tek njerëzit dhe kur i mbarë vendi i thotë Jo diktaturës. Është atëherë kur bien tiranët. Kështu, pra rrëzohen diktaturat. Shumica e popullit të Bjellorusisë i ka thënë Jo, Lukashenkos por mbetet për tu parë nëse, si përfundim, ai do të heq dorë nga pushteti pa gjakderdhje.

MALI I ZI- ZGJEDHJET PARLAMENTARE,NË ATMOSFERË TË KRIZËS SHUMËDIMENSIONALE

August 20, 2020 by dgreca

Në sajë të gjendjes ekzistuese zgjedhjet parlamentare në Mal të Zi(30 gusht), do të mbahën në një krizë shumëdimensionale të pa parë deri më tash ku përveç asaj ekonomike e politike i është shtuar edhe ajo shëndetësore(Corona-19), që nuk ka dilemë së do të ndikojë në daljen e qytetarëve për të votuar, nga del se do të kemi rezultat të diskutueshëm deri në momentin e fundit për të përcaktuar shumicën e ardhshmë parlamentare.-

Shkruan: Nail Draga-

Në zgjedhjet parlamentare të cilat do të mbahën më 30 gusht, Komisioni Zgjedhor Shtetëror(KZSH) ka verifikuar listen e pjesëmarrësve, të cilët do të jenë 6 koalicione dhe 5 parti politike.Këto do të jenë zgjedhjet e njëmbedhjeta nga miratimi i pluralizmit dhe të pestat nga pavarësia e Malit të Zi në vitin 2006.

Ndonëse më herët ka pasur iniciativë që opozita të dalë me një listë zgjedhore, përpjekjet e tilla mbetën vetëm tentime dhe ata do të marrin pjesë në zgjedhje në dy kolona(DF dhe DCG), ndërsa PSD dhe URA do të marrin pjesë të vetme. Dhe janë këto subjekte politike që do të jenë konkurent të DPS-it por edhe partnerëve të saj që janë partitë e popujve pakicë. Nga numri I subjektëve politike për pjesëmarrje në zgjedhje dy koalicionet(DF dhe DCG) kanë ndikuar që partite e vogla të mos garojnë të vetme, që është një veprim pozitiv politik me mundësi të mëdha me rritë numrin e deputetëve të opozitës por edhe për të qenë pjesë e parlamentit të ardhshëm, më përfaqësuesit e tyre legjitim.

Në kuadër të pjesëtarëve të popujve pakicë,në këto zgjedhje nuk ka ndonjë risi, sepse pothuaj gjendja është identike si më parë, më përjashtim të kroatëve. Pjesëtarët e popullit boshnjak kësaj here marrin pjesë me një subjekt politik(BS), ndërsa shqiptarët marrin pjesë me dy lista zgjedhore(koalicione).

Risi në këto zgjedhje paraqesin kroatët të cilët deri më tash kanë pasur një subjekt politik(HGI), ndërsa kësaj here është paraqitur edhe një subjekt tjerët(HRS), që do të konkurojnë për një mandat të deputetit.

Fushata parazgjedhore pa dinamikën e mëparshme

Subjektët politike pjesëmarrëse në zgjedhjet e 30 gushtit 2020, këto ditë janë duke shpalosur programin e tyre, por jo me dinamikë siç jemi mësuar në zgjedhjet e mëhershme. Janë pikërisht rrethanat e reja shoqërore, që kanë ndikuar në një model të ri parazgjedhor të panjohur deri më tash.Madje edhe retorika e subjektëve politike është përcaktuar në tema të veçanta.

Kështu për dy konkurentët kryesor në këto zgjedhje për DPS-in dhe DF-in parësore janë temat identitetare, në anën tjetër SDP dhe Demokratët iu premtojnë qytetarëve paga dhe pensione më të mëdha, ndërsa URA ofron qeverisjën me eksperta. Çështje tjetër është se çka premtohet dhe sa realisht mund të realizohet në praktikë, sepse qytetarët janë ngopur me deklarata të tilla të cilat, nuk i degjojnë për herë të parë.

Katërmbëdhjetë vite pas pavarësisë dhe në zgjedhje te pesta parlamentare, për DPS-in, siç duket mbrojtja e shtetit është çështje kyçe. Më ndryshim nga zgjedhjet e deritashme, kësaj here siç duket kundërshtari kryesor nuk iu është opozita, por KOS-i, sepse të gjithë e kanë të qartë se ajo është opozita me e rrezikshme, edhe pse ata nuk marrin pjesë në zgjedhje si parti politike.

Për temat ekonomike nga qeveria nuk prononcohen në fushatë sepse kriza momentale do ti dekurajonte qytetarët, ndërsa analistët thesojnë se ajo do të jetë edhe ma e theksuar pas zgjedhjeve.

Nga ana tjetër partitë politike të popujve pakicë, nuk janë të zëshme në fushatë parazgjedhore, ku edhe pse janë pjesë e qeverisë, ka qenë e udhës për të ndryshuar retorikën, sepse votuesit e tyre, presin angazhime konkrete përmes projektëve të ndryshme në mjediset përkatëse, përkatësisht për barazi qytetare e nacionale në Mal të Zi, si vendi me multinacional e multikulturor në Europën Juglindore.

Nuk ka dilemë se kjo fushatë parazgjedhore ishte e veçantë por dhe shumë e shkurtër, andaj si e tillë është e pa parashikueshme.

Pensionistët faktor në zgjedhje(!?)

Në Mal të Zi në kuadrin e spektrit politik ka kohë që është në funksion Partia e pensionistëve, invalidëve dhe e restitucionit(PIR), të cilët kohë pas kohe deklarohen në lidhje me pozitën e pavolitshme sociale te kësaj kategorie të popullsisë. Dhe ndonëse një shqetësim i tillë është i vazhdueshëm, deklarimi publik është bërë dukuri sidomos në prag të zgjedhjeve parlamentare, sepse kemi të bëjmë me një kategori të qytetarëve të cilët kanë dhënë kontributin e tyre dekada me radhë në zhvillimin e përgjithshëm shoqëror.

Në sajë të dhënave që disponojmë, momentalisht në Mal të Zi në tërësi janë 130.300 pensionistë ku pensioni mesatar është 289,1 euro, ku këtë shumë e marrin 63.578 pensionistë.Nga ana tjetër pensioni minimal me rritje në vitin 2020 është 128,82 euro ku e marrin 11.700 pensionistë. Rreth 3.000 pensionistë e kanë pensionin nën 100 euro, por madje bëhët me dije se ka pensionistë që e kanë pensionin nën 50 euro(!?).

Duke marrë parasysh se pensionistët më vëshirësi e mbyllin muajin, për të mbijetuar, ndërsa një numër i tyre ushqehën nga kuzhinat popullore e madje edhe nga kontejnerat, dëshmon se kemi të bëjmë me një kategori të qytetarëve të rrezikuar në aspektin social. Pikërisht kemi të bëjmë me një moment të veçantë, andaj nuk duhet të nënçmohet kontigjenti i votave të pensionistëve, sepse, votat e tyre mund të jenë vendimtare për formimin e shumicës së re parlamentare.
Andaj duke marrë parasysh këtë gjendje të mjerueshme sociale, Qeveria, më 16 korrik 2020, miratoj vendimin për rritjen e pensionëve më të dobëta(128 euro) për 13 %, si dhe ndryshimin e Ligjit për dalje në pension.

Duhet theksuar së këtë ligj e ka propozuar më herët SDP dhe ka qenë gati nga viti 2018, por ka mbetur në sirtar, sepse nuk ka ekzistuar vullneti politik i DPS-it, ndërsa tash ndryshuan qendrim duke e mbeshtetur ate në parlament, nga del qartë së kemi të bëjmë me marketing parazgjedhor, për përfitime politike!

Më shumë votues se sa qytetarë të moshës madhore

Çështje të veçantë paraqet regjistri zgjedhor i qytetarëve të cilët do të marrin pjesë në ditën e votimit. Ne regjistrin zgjedhor janë gjithsej 541.232 qytetarë. Në krahasim me zgjedhjet presidenciale që janë mbajtur me 15 prill 2018, numri i votuesëve është rritur për rreth 8.6 mijë.

Në lidhje me këtë çështje ja vlen të cekim se nga zgjedhjet presidenciale në vitin 2013 deri ato në prill në vitin 2018, numri i votuesve është rritur për 21.194, gjegjësisht nga 511.405 në 532.599. Nga një e dhënë e tillë ku sipas MONSTAT-it në këtë periudhë kohore numri i banorëve është rritur për 1.844 persona, del se më shpejt rritet numri i votuesve se sa numri i qytetarëve të moshës madhore, që paraqet paradoks të llojit të vet, andaj mbetet çështje për hulumtim të veçantë, nga ana e KZSH, për të eliminuar dilemat dhe spekulimet në këtë kohë të fushatës parazgjedhore.

Shqiptarët me dy lista zgjedhore

Ndonëse janë bërë përpjekje në vend e në veçanti nga diaspora shqiptare në SHBA por edhe nga Shqipëria, që shqiptarët kësaj here të dalin në zgjedhje me një listë të përbashkët zgjedhore, angazhimi nuk solli sukses, sepse në rend të parë ishin ambiciet personale e ato lideriste. Kështu me 30 gusht shqiptarët do të dalin me dy lista zgjedhore: Lista Shqiptare”Koha është tani” e përbërë nga Forumi Shqiptar(AA,LDSH), Forca, Unioni i Tuzit dhe Lëvizja Perspektiva si dhe lista e dytë Koalicioni “Bashkë një za” i përbërë nga ”PD, UDSH dhe LDMZ.

Kujtojmë më këtë rast se në zgjedhjet e fundit(2016) shqiptarët u prezantuan me tre lista: Koalicioni “Shqiptarët e vendosur”(Forca. UDSH, AA) ku fitoi 4854 vota(1.27%) me 1 mandat të deputetit, Koalicioni shqiptarë “Me një qellim”PD, LDMZ, 3394 vota (0.89%)dhe lista e tretë LDSH 1542 vota(0.40%), pa mandate të deputetit.

Në vitin 2016 votuesit shqiptarë për subjektet politike nacionale votuan 9790 votues, nga del se po të ishin në një listë të përbashkët do të ishin fituar dy deputet. Por, në sajë të mos unifikimit në një listë zgjedhore dhe ligjit zgjedhor ekzistues, që është diskriminues për shqiptarët, nuk do të jetë çudi që shqiptarët të mbesin përseri me një deputet si në mandatin e kaluar, që do të ishte humbje e madhe jo vetëm politike.Sidoqoftë kësaj here votuesit shqiptar, kanë mundësi të zgjedhin në mes dy koalicionëve shqiptare, sepse në këtë mënyrë do të zgjedhin përfaqësuesit autentik në skenën politike në Mal të Zi.

Në zgjedhjet lokale në Guci, shqiptarët me listë të përbashkët

Ne këto zgjedhje megjithate kemi një lajm pozitiv, sepse në zgjedhjet lokale në Guci që do të mbahën të njëjtën ditë me ato parlamemntare shqiptarët do të dalin me listë të përbashkët”Shqiptarët e bashkuar për Guci”(LDSH, UDSH, ASH).Kujtojmë së në zgjedhjet e fundit lokale ata kishin gjithsej 7 këshilltarë në Kuvendin Komunal në Guci, ndërsa kësaj here të bashkuar ky numër sipas të gjitha gjasave duhet të jetë më i lartë, sepse të bashkuar mundësitë janë më të mëdha.

Enigma për shumicën parlamentare(!?)

Gjendjes së pavolitshme ekonomike e politike iu bashkangjit ajo epandemisë së Covid-19, që do të ndikojë në pjesëmarrjën e qytetarëve në ditën e votimit. Kemi të bëjmë pikërisht me kategorinë e qytetarëve të cilët jo vetëm në zgjedhjet e fundit kanë abstenuar, andaj motivimi i pjesëmarrjës së tyre në zgjedhje mbetet çështje e diskutueshme. Sepse pjesëmarrja në votime e kësaj kategorie të qytetarëve, do të vendosë rezultatin definitiv dhe përcaktimin e shumicës parlamentare.Madje, nëse pjesëmarrja do të jetë më e lartë së në vitin 2016(72.6%), ajo do të jetë në favor të opozitës. Pikërisht kjo kategori e votuesëve e bën të pa parishikueshëm dhe enigmatik rezultatin e tyre zgjedhjeve.

Duke marrë parasysh së asnjë subjekt politik vetë apo në koalicion nuk do të ketë shumicën parlamentare, nuk ka dilemë së këtu rol përcaktues do të kenë partitë politike të popujve pakicë, si deri më tash duke qenë pjesë e pushtetit. Ndërsa nuk përjashtohet mundësia që rol vendimtar për formimin e shumicës parlamentare ta kenë edhe dy partitë tjera opozitare promalazeze (PSD dhe URA), duke qenë alternativa të besueshme për formimin e shumicës parlamentare, përkatësisht të qeverisë së re.

(20 gusht 2020)