Yjet botërorë të Futbollit i kanë dalë në krahë futbollistëve të Kombëtares Shqiptare, që si luanë e mbrojtën simbolin Kombëtar, në një arenë huliganësh. Ronaldo, Beckham, Ibrahimoviç, Balotelli, Zanneti, Gattuso, Drogbah:Perkrahim shqiptaret… Shih deklaratat dhe komento se me ke ishte e vërteta. Shprtesojmë që të reflektojë edhe ylli i dikurshëm, PLATINI, idhull si futbollist edhe nga shumë shqiptarë…por jo si kryezartar i futbollit….qe ka frike nga bombat imagjinare…!
Por cfare kane thene ata?
Pas ngjarjeve të rënda që ndodhën në stadiumin e Beogradit në ndeshjen eleminatore mes Serbisë dhe Shqipërisë, e gjithë bota e futbollit dhe jo vetëm po flet për skenat e dhunës që tronditën jo vetëm shqiptarët por të gjithë ata që e duan lojën e futbollit.
Shumë personazhe të rëndësishëm të futbollit reaguan pas ngjarjeve duke i dënuar ashpër ato, por 5 prej tyre kanë qenë më të bujshmet:
Cristiano Ronaldo: Pas ndeshjes jam njoftuar se në Serbi shpërtheu dhuna mes tifozëve serbë që sulmuan futbollistët e Shqipërisë. Mbeta i tronditur kur pashë filmimet.
Didier Drogba: Nuk është vetëm trimëri të mbrosh flamurin tënd është detyra e çdo njeriu, edhe unë do ta mbroja flamurin njëjtë si ndodhi në Beograd, shpresoj të funksionojë drejtësia.
David Beckham: Jeni shembulli më i mirë për të treguar se si mbrohet flamuri i kombit tuaj me nder, jeni heronj të kombit tuaj.
Zlatan Ibrahimoviç: Kosova është Serbi, nëse nëna ime është e virgjër.
Jurgen Klopp: Fuck Serbia, ky nuk është futboll dhe Fair Play.
Mario Balotelli: 32 mijë serbë u mposhtën nga 23 shqiptarë. Shqiptarët janë një komb i fuqishëm, është e mahnitshme.
Javier Zanetti: Kam respekt për serbët por ajo që bënë është turp për futbollin. Shqiptarët?Luanë.
Gattuso : “Shqiptarët heronj dhe patriotë të vërtetë. Më emocionuan shumë me mënyrën si e mbrojtën flamurin. Dhe më besoni nuk ishte aspak e lehtë për ta te reagonin në atë ambient të pështirë. Edhe unë do veproja si Cana me shokë, madje edhe më keq”.(BS)
.
.
HULIGANET SERBE DOGJEN SERISH FLAMURIN SHQIPTAR
MPJ e Shqipërisë dënon me forcë djegien e flamurit shqiptar në ndeshjen Partizani – Crvena Zvezda/-
TIRANE, 19 Tetor/-Ministria e Punëve të Jashtme dënon me forcë aktin e shëmtuar të përdhosjes dhe djegies së flamurit shqiptar në ndeshjen e futbollit Partizani – Crvena Zvezda, të luajtur mbrëmë në Beograd.
“Konstatojmë me keqardhje se huliganizmi i tifozerisë serbe dhe urrejtja patologjike ndaj simboleve shqiptare u shpreh sërish në Beograd në një ndeshje që nuk kishte aspak të bënte me Shqipërinë apo shqiptarët”, thuhet në njoftimin për mediat të MPJ-së.
Gjatë ndeshjes së luajtur mbrëmë në Beograd u përsëritën sërish aktet e shëmtuara anti-shqiptare ku tifozeria serbe, përveç djegies së flamurit shqiptar shpërtheu në fyerje të rënda ndaj shqiptarëve.
MPJ e Shqipërisë u bën thirrje autoriteteve serbe të vendosin para përgjegjësisë autorët e këtyre akteve dhe klasës politike serbe të ngrihet në lartësinë e duhur dhe të distancohet qartë nga akte të tilla që po marrin përmasa të pamenaxhueshme dhe me pasoja të rënda për të ardhmen dhe stabilitetin e Ballkanit.
“Futbolli dhe asnjë sport tjetër nuk duhet të shihen dhe as të fantazmohen si një mënyrë tjetër e të nxiturit konflikte midis kombeve. Organizata më legjitime dhe më përfaqësuese e futbollit evropian, siç është UEFA, duhet të jetë në krye të kësaj përpjekjeje esenciale, për të bërë të mundur bashkëjetesën në këtë botë të globalizuar, konform vokacionit të saj dhe thirrjeve të vazhdueshme që janë bërë dhe i bëhen jo vetëm nga sportistë por edhe nga krerë shtetesh dhe qeverish”, deklaron MPJ./a
“FLAMURI KOMBETAR” për At Zef Pllumin
TIRANE, 19 Tetor-Presidenti Nishani vlerësoi At Zef Pllumin (pas vdekjes) me “Dekoratën e Flamurit Kombëtar” me motivacionin:“Klerikut, martir, të dënuar me persekutim të përjetshëm nga diktatura, i cili me veprën dhe jetën e tij, mbrojti vlerat e mëdha të fesë, kulturës kombëtare, lirisë dhe dinjitetit njerëzor, të lidhura pazgjidhshmërisht këto me vetëmbrojtjen e atdheut dhe të kombit”.
Në ceremoninë e organizuar sot në Komunën e Shëngjinit, ishin të pranishëm deputetë të Kuvendit të Shqipërisë dhe të Kosovës, Ambasadori i OSBE-së Florian Raunig, ish-Presidenti i Kosovës Fatmir Sejdiu, përfaqësues të pushtetit vendor, drejtues të bashkësive fetare si dhe nga qytetarë të shumtë.
Duke vlerësuar figurën dhe veprën e klerikut katolik At Zef Pllumit, Kreu i Shtetit nënvizoi se Zef Pllumi lidh fijen e këputur. “Shoqëria shqiptare, që aq shumë është përpjekur për demokracinë e vet e ka demonstruar aktin e saj të refuzimit ndaj diktaturës më 20 shkurt 1991. Në këtë kontekst Pllumi është një digë e pakalueshme me jetën dhe veprën e tij”, u shpreh më tej Nishani.
Takimi Rama-Vuçiç në Beograd mbahet më 10 nëntor
TIRANE, 19 Tetor/ Kryeministri Edi Rama dhe homologu i tij serb, Aleksandër Vuçiç kanë ranë dakord që takimi i planifikuar midis tyre të mbahet në Beograd më 10 nëntor.
-Njoftimi i plotë për mediat nga zyra e Kryeministrisë –
Kryeministri i Republikës së Shqipërisë, Edi Rama, dhe kryeministri i Republikës së Serbisë, Aleksandër Vuçiç, patën këtë pasdite një bisedë telefonike.
Ata ranë dakord se incidentet që shoqëruan ndeshjen e futbollit Serbi – Shqipëri ishin tejet të padëshiruara. Mes dy kryeministrave mbeten mosmarrëveshje të qarta lidhur me gjithë sa ndodhi, por ata ranë dakord që nuk duhet dhe nuk do ta humbin mundësinë për t’u takuar e për të punuar së bashku në funksion të stabilitetit rajonal, si edhe për të çelur një faqe të re në marrëdhëniet politike dhe ekonomike mes dy vendeve.
Prandaj, ata u morën vesh që të vazhdojnë dialogun e rëndësishëm që kanë nisur, si edhe për të siguruar që procesi i filluar në Berlin në 28 gusht, të shkojë përpara përmes punës për përmirësimin e marrëdhënieve ndërmjet vendeve të tyre, rajonit dhe Europës si e tërë.
Për sa më sipër, dy kryeministrat ranë dakord që takimi i planifikuar midis tyre të mbahet në Beograd më 10 nëntor./a.gegvata-ATSH
Shkrimtarët e rinj nga Shqipëria, në Festivalin e Letërsisë “ në Zagreb
Ambasadori i Shqipërisë në Kroaci, Ilir Melo dhe personeli i Ambasadës në Zagreb, pritën në mjediset e ambasadës një grup shkrimtarësh të rinj nga Shqipëria.
Shkrimtarët e rinj, Eljan Tanini, Lisjana Demiraj, Lindita Komani, Gresa Hasa, Arti Lushi dhe Sabina Veizaj, morën pjesë në Festivalin e Letërsisë “Revia e letërsive të vogla”, e cila zhvillohet çdo vit në Zagreb nga Klubi i Shkrimtarëve BOOKSA.
Ambasadori Melo përgëzoi të rinjtë për aktivitetin e tyre dhe i nxiti për suksese të mëtejshme, si edhe për takime të shpeshta të tilla në Zagreb, për të zhvilluar edhe më tej kontaktet ndërmjet të rinjve të të dy vendeve, me qëllim promovimin e kulturës bashkëkohore shqiptare dhe vlerat e popullit tonë.
Grupi i të rinjve u shpreh i gatshëm për bashkëpunim të mëtejshëm me shoqata kroate dhe për të qenë të pranishëm sërish në Zagreb. Të rinjtë i dhuruan disa kopje të librit të antologjisë së letërsisë së krijuar prej tyre, të përkthyer në gjuhën kroate.( Gjergji Mima/)
Ne foto: Ambasadori i Shqipërisë në Koraci, Ilir Melo dhe personeli i Ambasadës në Zagreb pritën në mjediset e ambasadës një grup shkrimtarësh të rinj nga Shqipëria