dgreca – Page 513 – Dielli

HOTI-GRENELLIT: NUK MUND TË MARRË PJESË NË TAKIMIN NË SHTËPINË E BARDHË

June 25, 2020 by dgreca

HOTI-GRENELLIT: NUK MUND TË MARRË PJESË NË TAKIMIN NË SHTËPINË E BARDHË/

KOSOVA NË ZHVILLIMET PAS AKTAKUZËS SË SPECIALES/

-Shyhet vazhdimi i seancës së Kuvendit të Kosovës/

-Edhe Kryeministri i Kosovës Avdullah Hoti bëri të ditur se e ka njoftuar Ambasadorin Amerikan Grenell se nuk mund të marrë pjesë në takimin e datës 27 qershor në Shtëpinë e Bardhë/

PRISHTINË, 25 Qershor 2020-Gazeta DIELLI/ “Vazhdimi i seancës plenare të Kuvendit, të datës 23 qershor 2020”, që ishte në axhendë për ditën e sotme në orën 10:00, është shtyrë.

“Me kërkesë të propozuesit të rezolutës dhe pajtim të grupeve parlamentare, shtyhet vazhdimi i seancës plenare të Kuvendit, i paraparë për sot në orën 10:00. Për kohën e mbajtjes së saj, do të vendosë Kryesia e Kuvendit”, theksohet në njoftimin e dërguar sot nga Kuvendi i Kosovës.

Në seancën e nisur në 23 Qershor në axhendën 8 pikëshe e fundit ishte “Raportim i Kryeministrit të Republikës së Kosovës dhe debat parlamentar lidhur me dialogun Kosovë-Serbi”, sipas kërkesës së Kryesisë së Kuvendit.

Grupi Parlamentar i PDK-së propozoi miratimin e një rezolute, e cila në mungesë të kuorumit nuk u hodh në votim dhe vazhdimi i seancës e votimi u paralajmërua për sot.

Arsyeja e shtyrjes nuk u njoftua zyrtarisht, por duket se shtyerja me kërkesë të propozuesit të rezolutës u bë pas zhvillimeve të djeshme, kur Zyra e Prokurorit të Specializuar publikoi njoftimin se u paraqiti Dhomave të Specializuara të Kosovës një aktakuzë me dhjetë pika për shqyrtim prej Gjykatës, ku përfshihen edhe presidenti Hashim Thaçi dhe lideri i PDK-së, Kadri Veseli.

Presidenca dje kumtoi se Presidenti i Republikës së Kosovës, Hashim Thaçi, pas njoftimit të bërë publik nga Zyra e Prokurorit të Specializuar lidhur me inicimin e ngritjes së aktakuzës, ka ndërprerë udhëtimin zyrtar drejt Shteteve të Bashkuara të Amerikës, ku ishte ftuar të merrte pjesë në kudër të procesit të dialogut ndërmjet Kosovës dhe Serbisë.

Lidhur me anulimin e vizitës zyrtare në SHBA, Zyra e Presidentit të Republikës së Kosovës tashmë e ka informuar edhe Shtëpinë e Bardhë.

Edhe kryeministri I Kosovës Avdullah Hoti deklaroi sot se, “për shkak të zhvillimeve të reja në Prishtinë si rezultat i akuzave të dorëzuara nga Zyra e Prokurorit të Specializuar, më duhet të kthehem në Prishtinë për tu marrë me situatën”.
Kryeministri i Kosovës bëri të ditur se e ka njoftuar Ambasadorin Grenell se nuk mund të marrë pjesë në takimin e datës 27 qershor në Shtëpinë e Bardhë.

Kryeministri i Kosovës Hoti ndodhet në Bruksel për takime me zyrtarë të lartë të Bashkimit Evropian.

***

NË LDK NUK KA KONFUZION…

Shkruan në FB: Kryetari i Lidhjes Demokratike të Kosovës, Isa Mustafa

Në LDK nuk ka konfuzion se a duhet të shkojë Kryeministri në Washington apo jo.
LDK beson fuqishëm në SHBA-të.
Për ne Washington u nis delegacioni shtetëror i Kosovës me vullnetin më të mirë, por u nda përgjysmë sa ishte në aeroplan.
Në Washington shkohet me përkrahje të partive të koalicionit dhe të opozitës, sikurse edhe të të gjitha institucioneve shtetërore, jo vetëm me bindjen se kush duhet ti prijë delegacionit.
Është e mjerueshme të mendohet e të shkruhet se z. Hoti si Kryeministër e ka tani shansin të shkojë e ti prijë delegacionit, pasi tani nuk është Thaçi për shkak të Gjykatës Speciale.
Nuk kemi të bëjmë me Z. Thaçi dhe z. Hoti por kemi të bëjmë me shtetin e Kosovë.
Bashkëpunimi ynë me SHBA-të dhe BE nuk mund dhe nuk duhet të lidhet me proceset dhe procedurat e Dhomave të Veçanta të Gjykatës Speciale.
Në situatën e krijuar, para se të takohemi me Vuçiqin nevojitet të takohemi edhe një herë mes veti, të ulemi të gjithë bashk të bisedojmë, të gjejmë rrugë dhe zgjidhje të qëndrueshme. Të sigurojmë funksionimin e të gjitha institucioneve shtetërore, sepse pa funksionimin normal te tyre, është iluzore se mund të ecet me marrëveshje. IM

SHQIPTARËT NË PORTUGALI DHE BETEJA E SHTETIT IBERIK NDAJ COVID-19

June 25, 2020 by dgreca

Altin Ndrio doktor në Spitalin “Centro Hospitalar Universitário de São João” në Porto, Portugali, rrëfen ekskluzivisht për gazetën Dielli, Organ i Federatës Panshqiptare të Amerikës VATRA, New York, betejën e shtetit portugez ndaj covid-19 dhe gjëndjen në shtetin iberik. Me Dr. Altin Ndrion, bisedoi gazetari Sokol PAJA.

SITUATA E COVID-19 NË PORTUGALI

Deri në ditën e sotme statistikat në Portugali tregojnë më shumë se 39392 raste positive që nga fillimi i pandemisë, si dhe 1534 viktima. Të shëruar janë mbi 25550 persona. Në 24 orët e fundit kemi patur 259 raste të reja dhe 4 viktima. Në fakt në fillimin e pandemisë masat që u morën këtu treguan efektshmeri të lartë. Masat ishin: përdorimi i maskës sidomos në ambjente të mbyllura, ndalimi i grumbullimit të personave si dhe distancimi midis njerëzve, larja dhe dezinfektimi më i shpeshtë i duarve, higjienizimi i ambjenteve të punës dhe perreth, ashtu sikurse izolimi dhe diagnostikimi i personave të infektuar, për të parandaluar përhapjen e virusit. Këto masa bënë që situata të kontrollohej sa më mirë. Për këtë Portugalia merrej si shembull nga vendet e tjera të Bashkimit Europian si një nga vendet me numrin më të ulët të të prekurve për një milion banorë. Që nga fillimi i muajit qershor filloi hapja graduale e aktiviteteve në fushat e ndryshme. Në këto momente që kur filloi lehtësimi i masave dhe rikthimi gradual në normalitet, duket se kontrolli i situatës ka dalë nga duart, duke treguar një rritje të konsiderueshme të rasteve të reja. Kjo do të bëjë që të ketë kthim mbapa.

VAKSINA ANTI-COVID, AFËR DHE LARG

Përsa i përket prodhimit të një vaksine të efektshme në parandalimin e infeksionit nga virusi sars-cov2, për memdimin tim në këto momente, është herët të themi nëse bota po has vështirësi apo jo. Që nga zbulimi i virusit për herë të parë në Kinë dhe me përhapjen e tij në të gjithë botën, nga studimet gjenetike që janë bërë, tregojnë se ai ka pësuar më shumë se 170 ndryshime (mutacione) në strukturën e tij. Kjo gjë e vështirëson akoma me shumë prodhimin e një vaksine të vetme efikase. Kompani të ndryshme farmaceutike në Europë, SHBA, Australi dhe Azi po punojnë me ritme të shpejta për prodhimin e vaksinës. Nuk duhet të harrojmë që për të konfimuar efekasitetin dhe rezultatet e vaksinës duhet kohë, shumë herë vite të tëra. Njihen rreth 40 lloje virusi që bëjnë pjesë në familjen e Coronaviridae dhe që e kanë shoqëruar njerëzimin që nga zbulimi i tyre deri më sot. Prandaj mendoj se dhe sars-cov2 si pjesë e kësaj familje të madhe do të na shoqërojë për shumë vite.

SHQIPTARËT NË PORTUGALI

Komuniteti Shqiptar në Portugali është shumë i vogël. Nuk ka burim të saktë për numrin por mendoj se nuk i kalon 100 vetë. Në rrethin shoqeror që ne njohim situata është normale dhe pa probleme. Në qytetin e Portos ku unë jetoj dhe punoj numri është shumë i reduktuar. Nuk kam të dhëna. Sa i përket të ardhmes në Protugali, situata akoma nuk është e kontrolluar ashtu siç duhet, prandaj kujdesi dhe masat duhet të vazhdojnë. Duke ruajtur veten, ruajmë dhe të tjerët. Distancim, higjienë dhe përdorim maske. Të gjithë bashkë për një ambjent të pastër dhe shoqëri të shëndetshme.

KUSH ËSHTË DOKTOR ALTIN NDRIO

Altin Ndrio ka kryer studimet në Fakultetin e Mjeksisë në spitalin Nënë Teresa në Tiranë. Diplomuar në 1994. Pas diplomimit punoi për disa vite në Drejtorinë e Shëndetit Publik, shërbimin ambulator dhe ASHR në qytetin e Tiranës. Që nga viti 2001 është vendosur në Portugali. Në 2005 bëri njehsimin e diplomës këtu në Portugali. Në vitet 2007 – 2010 ka kryer specializimin pasuniversitar në degën Patologji Klinike në “Centro Hospitalar Universitário de São João ” në qytetin e Portos ku vazhdon të punojë dhe sot. Gjithashtu jep orë mësimi si pedagog vullnetar në fakultetin e mjeksisë në spitalin “Centro Hospitalar Universitário de São João ” në qytetin e Portos.

Dy Tugjarë në Diplomacinë e Kosovës…

June 25, 2020 by dgreca

Dy tugjarët:Brestovci dhe Dreshaj edhe në (diplomaci) për Kosovën(!)/

Në vend të lajmit/

Dy tugjarët:Brestovci dhe Dreshaj edhe në (diplomaci) për Kosovën(!)/

Nga skender KARAÇICA/Cikago

Çfarë nuk (po)ndodhë në Kosovën tonë.Këto ditë kur qeveria Hoti po konsolidohet në kabinetin e tij(me zgjedhje të zv.ministrave të shumtë),që po i dërgojnë partitë politike,sot u panë edhe dy emra të dy tugjarëve të njohur në ,,meridianet,,
e njohura evropiane(Bekim Brestovci dhe Gani Dreshaj),të cilët do të jenë në fushën e diplomacisë për shtetin e Kosovës.
Kjo,është më shumë se loja dhe (pa)përgjegjësia e partive politike,si është e mundur që dy tugjarë apo me qartë dy bisnesmenë Brestovci dhe Dreshaj të (rahatohen)në Ministrinë për Punë të Jashtme,kur dihet nga lartë se në jetë as që kanë lexuar të paktën dy rreshta se çka është arti politik i të mundshmës(diplomacia)…?!
Dhe,këta dy burrat e dheut,tashe tutje do të merrën edhe me ,,diplomaci,,se jo mahi,madje kur të përfaqësojnë shtetin e Kosovës në arenën politike dhe të diplomacisë ndërkombëtare,ne kendej politikës,do të mbesim me gojë të mbyllur për çfarë (d)iplomacie do të dëgjojmë e do të lexojmë në Kosovë…!
Pse kaq shumë shembje?Pse kaq shumë lojë,,politike,,me politikën dhe diplomacinë kosovare?Kaq shpejt e mbushëm,,hambarin,,me kuadro politike dhe të diplomacisë,
apo kjo po i përngjanë thënies,,kush e ka nënën baçicë,,(sic!).
Pse Brestovci dhe Dreshaj,nuk bëhen burra të dheut e të dalin e të thonë publikisht:Nuk jemi për këtë punë(diplomaci),kur e kur ka djemë e vazja shqiptare ,të cilët kanë përfunduar studimet në universitetet në Evropë dhe SHBA,që mund të jenë bartës të suksshëm të fushës së diplomacisë për shtetin e Kosovës!

Çikago,qershor të motit 2020

TRURI I NJË PIKTORI DHE SHPATA E GJERGJ KASTRIOTIT…

June 25, 2020 by dgreca

KRITIKU FRANCEZ I ARTIT (1865) : “NËSE TRURI I NJË PIKTORI KËNAQET ME ANËN MATERIALE DHE SHKËPUTET NGA STUDIMI DHE REFLEKTIMI, ATËHERË AI DO TË JETË PO AQ I PADOBISHËM SI PUNA E SHPATËS SË GJERGJ KASTRIOTIT NË DUART E MEHMETIT II.”/

Nga Aurenc Bebja*, Francë /

Në veprën me titull “Les beaux-arts à l’exposition universelle et aux salons de 1863, 1864, 1865, 1866 et 1867 – Artet e bukura në Ekspozitën Universale dhe në sallonet e 1863, 1864, 1865, 1866 dhe 1867” të kritikut të artit, shkrimtarit dhe fotografit francez Maxime Du Camp (1822 – 1894), botuar në Paris në vitin 1867, gjejmë një krahasim midis artit të pikturës dhe heroit tonë kombëtar Gjergj Kastriotit, të cilin, Aurenc Bebja, nëpërmjet Blogut “Dars (Klos), Mat – Albania”, e ka sjellë për publikun shqiptar :

Salloni i 1865

Burimi : gallica.bnf.fr / Bibliothèque nationale de France

“…A është e nevojshme të them se pothuajse të gjitha veprave të ekspozuara aktualisht u mungon mendja (shpirti) ? Dëgjoj këtë frymë tërheqëse që bën një pikturë, një statujë, diçka tjetër përveç përfaqësimit brutal të një fakti, një personazhi apo këndvështrimi. Vetëm dora merret parasysh ; ajo mbizotëron trurin : skllavja është shndërruar në zonjë.

Midis artistëve, unë vë re shumë virtuozë dhe shumë pak krijues. Sidoqoftë, është shpikja, në kuptimin origjinal të fjalës, ‘invenire’, për të gjetur, që është përsosmërisht shenja dalluese e çdo arti. Nëse misioni i vetëm i pikturës është riprodhimi, ajo nuk është më art por zanat (punë). Raymond Gayrard (skulptor francez), një njeri i talentuar, kompetencën e të cilit nuk mund ta mohojmë, ka shkruar :

“Sipas disa artistëve, shumë të vlerësuar për një pjesë të punës së tyre, materiali i imitimit mjafton për të prodhuar kryevepra. Është e qartë se më këtë duhet të marrim parasysh vetëm anën piktoreske, e cila është ana më e ngushtë (lehtë) e artit. Ekziston para së gjithash, dhe mbi të gjitha, ana morale, ana poetike.”

Asgjë nuk është më e vërtetë. Përndryshe, te z. Blaize Desgoffes (piktor francez), i cili di të kopjojë përsoshmërisht një copë fildish, një copë stof, një gotë plot verë, detyrohemi të njohim piktorin më të madh të kohërave moderne, një supozim kaq i çuditshëm sa është i papranueshëm.

Sulltani Mehmet II, i habitur nga fitoret që arrinte Skënderbeu, i kërkoi Epirotit të tmerrshëm që t’i jepte shpatën e tij. Sulltani nuk pësoi më pak humbje, dhe duke e akuzuar Skënderbeun se e mashtroi, ky i fundit iu përgjigj : “Nuk është shpata ime ajo që ju nevojitet, por krahu që e përdor dhe koka që e drejton atë.”

Çfarëdo aftësie materiale që mund të arrijë (fitojë) një piktor, nëse truri i tij nuk zhvillohet pa ndërprerje nga studimi dhe reflektimi, ai do të jetë po aq i padobishëm si puna e shpatës së Gjergj Kastriotit në duart e Mehmetit II.”* (Blogu © Dars (Klos), Mat – Albania)

Dielli-Sport- “Jorgji” eshte supriza e Kupes

June 25, 2020 by dgreca

Hera e pare qe ne Shqiperi gjyqtaret perdorin pamjet filmike per te korektesuar vendimet e tyre ne fushen e lojes. /

Nga Albano Kolonjari/

Ne Shqiperi nuk ka jave qe gjyqtaret e futbollit te mos behen protagoniste dhe te ndikojne direkt ne rezultatet e takimeve. E merkura ne mbremje solli nje episod krejt te vecante ne futbollin shqiptar. Ne minuten e 45 te takimit Skenderbeu-Bylis, pas nje dueli mes Pellumbit dhe Mellugjes, ky i fundit rrezohet ne zone, gjyqtari Jorgji akordon fillimisht 11-metersh per ballshiotet. Korcaret protestojne ashper dhe loja nderpritet per disa minuta . Reth tre-kater minuta me vone, ndersa numri nente i Bylisit Mocone, behej gati te gjuante 11 metershin e dhene ne favor te skuadres se tij, gjyqtari Jorgji ben ate qe rradhe here ndodh ne stadiumet shqiptare. Anullon penalltine e dhene ne favor te skuadres se Bylist, duke sjellur edhe protesat e ketyre te fundit, qe mbyllen me daljen me karton te kuq te zevendestranjerit te Skenderbeut Getjan Lici.

Ne perfundim te takimit Skenderbeu-Bylis mesohet (ende e pakonfirmuar) se ka qene gjyqtari i katert ai qe ka pare pamjet filmike te afruara nga nje Iphone dhe ka lajmeruar Jorgjin qe nuk eshte 11 metersh. Kjo eshte hera e pare qe ne mungese te sistemit VAR ne Shqiperi, gjyqtaret marin parasysh pamjet filmike qe afrohen. Gjithsesi ky nuk ishte episodi i vetem ne te cilen Jorgji “gaboi” dhe ndikoi ne rezultatin e takimit. Goli i barazimit te Bylisit erdhi si rezultat i mos dhenies se nje faulli ne favor te ekipit te Skenderbeut. Lojtari i Bylist Mellugja ngre takat dhe i rremben topin lojtarit te Skenderbeu dhe pas nje pasi ne zone per kolegun e tij Malci ky i fundit barazon rezultatin ne 1-1. “Rasti i golit mund te jepej goditje demini pasi une ngre taken dhe me tendece per topin”, deklaron vete lojtari i Bylist Mellugja pas takimit. Shume i ashper ne drejtim te gjykimit u tregua edhe tekniku i Skenderbeut Ilir Daja:”Goli i Bylisit ishte faull ne favor te Skenderbeut. Po te kishte nderhyre anesori do te flisnim per nje tjeter rezultat. Une do te pershendesja rikthimin e asaj qe nuk ishte penallti. Nuk e di kush e mori vendimin. Pashe ne fushen e lojes qe gjyqtari i katert fliste me kryesorin. Nuk e di si u be me VAR apo jo. Por u rikthye me te drejte.”.

Gjithsesi kjo eshte hera e pare qe ne Shqiperi gjyqtaret perdorin pamjet filmike per te korektesuar vendimet e tyre ne fushen e lojes.

Skenderbeu-Bylis 1-1 (0-1)

Kukesi-Apollonia 3-1 (2-1)

Beselidhja-Tirana 1-1 (1-5)

Teuta-Vllaznia 1-0 (2-2)

Kualifikohen, Tirana, Kukesi, Bylis dhe Teuta.