dgreca – Page 921 – Dielli

“Engjëj” të ujërave detare shqiptare

August 10, 2019 by dgreca

Nga Shefqet Kërcelli/

Nëntë vite më parë, në 9 gusht të vitit 2010, u futën në përbërje të Rojes sonë Bregdetare, 3 “ArchAngel”, (01, 03, 05), ndërsa më datën 14.03.2013, mbritën në portin e Durrësit dhe 2 anije të tjera “ARCH ANGEL”, (Me nr.bordi, 02, 04), dhuratë e Departamentit të Shtetit të SHBA për Rojen tonë Bregdetare. Këto anije të reagimit të shpejtë me një vlerë 5.3 milion $, sipas Zyrës së Bashkëpunimit të Mbrojtjes, (ODC) në Tiranë, ishin nga fondi i koalicionit kundër terrorizmit të SHBA. “ARCHANGELAT”, kanë qenë tepër aktive në mjaft operacione detare gjatë këtyre viteve si, në operacionet e kërkim shpëtimit, zbatim ligjshmërie dhe operacione humanitare në cdo kordinatë të ujërave tona detare. E ku s’janë futur këto anije, e për cfarë si kanë përdorur?!

Deri në cuarjen e miellit e ujit në Velipojën e përmbytur, midis zhukave e pisllëqeve.

Paralel me mbritjen e anijeve, ekuipazhet e para të 5 anijeve u aftësuan plotësisht për ti drejtuar këto anije. Kjo pasi në verën e vitit 2010, një ekip trajnues i Rojes Bregdetare të SHBA, zhvilloi në Portin e Durrësit trajnimin e personelit shqiptar që po i përdor ato, kryesisht për ndërtimin e anijes, instalimin dhe mirmbajtjen e motorrëve, sistemet elektronike dhe elektrike, pajisjet e komunikimit dhe lundrimit, etj. Pesë anijet kanë qënë të gatëshme e në lëvizje për çdo emergjencë detare në portet tona dhe bazat kryesore të Forcës Detare nga jugu në veri, duke rritur ndjeshëm kapacitetet operacionale të Rojes sonë Bregdetare, veçanërisht në operacionet kërkim-shpëtim dhe ato për zbatimin e ligjit në det.

Më vjen keq që shumica e personelit që u trajnua posacërisht për këto anije, djem të mirë, janë larguar nga Forca Detare, sidomos Komandantët e anijeve.

Kush janë “ARCH ANGEL”?

Tip i ri i 2010, erdhën në qese, në përdorim vetëm Roja Bregdetare e SHBA, Shqipëri, Izrael e Pakistan. Kanë një gjatësi-13 m, gjerësi-4 m, lartësi-3.8 m, peshkim nga 0.3 deri 0.8 m, peshë-9.5 t, shpejtësi-35 deri 44 nyje, shpejtësi ekonomike-30 nyje, starton në 13’’ një shpejtësi 30 nyje dhe është e pajisur me 2 motora 500 KF Caterpillar. Përballon deri në 6 ballë det dhe është e pajisur me aparaturat më moderne të kohës. Mban në bord shtrat për vendosjen e mitrolozave të rëndë deri 20 m/m. Me këto karakteristika kjo anije në kuptimin figurativ është një “ëngjëll” për hapësirën tonë detare.

Duhet theksuar se në këto 28 vite të bashkëpunimi dypalësh midis dy vendeve tona, Departamenti i shtetit i SHBA, ka dhënë ndihmë të veçantë për Rojen tonë Bregdetare, që nga trajnimi i personelit, pajisja me mjete speciale për bordim, deri tek dhurimi i 5 anijeve të shpejta “ARCHANGEL”.

Në këtë përvjetor një mirënjohje e vecantë shkon për ushtarakët amerikanë të Rojes Bregdetare, të Pentagonit dhe përfaqsuesit në Shqipëri, që bënë të mundur sjelljen e këtyre mjeteve të shpejta në vendin tonë.

Gjetëm mirëkuptimin, kur unë i coja email pas emaili, përfaqsuesit në Pentagon, për të sjellë dhe dy ‘Archangelat”,-02-04, që erdhën mbas një kohe për arësye transporti.

Falenderoj Kapiten Ed Safe, një oficer tepër i aftë i Rojes Bregdetare të SHBA, që më la timonin e anijes, 9 gushtin e 2010, kur e ulëm “Archangel-01”, në basenin e portit Durrës.

Gjithashtu një urim shkon dhe për të gjithë detarët që u bënë pjesë e ekuipazheve të këtyre Motovedetave, i zotëruan ato në perfeksion. Shpresoj që ti kenë lënë dijet dhe eksperiencën e tyre për këto anije, brezave pasardhës.

-Navigatori i vjetër dhe “zhapiku” me uniformë detari…

Një navigator i vjetër me kontribut real në Flotën Detare, një dite duke ndrruar një cigare më thotë,-o Ceto, me ato 5 milion$ që i keni futur Flotës bashkë me ushtarakët Amerikanë, tani duhet të rrije gjithë ditën, kafe dhe limonatë, sa për ato 270$ që të japin. Nuk mund të rrij ja ktheva, po të llogaris mijëra faqe shkrime për detarët, reportazhe, dossiera, portrete, lajme, tregime, foto, etj…produkti im ndaj Flotës e shtetit shkon mbi 1000$…e kush do tja dijë.

Ndërkohë një zhapik i ardhur rishtas në Flotë, pa ditur cështë milja detare, që ditën e parë veshi uniformën e detarit dhe tha:- tani jam u..këtu…tani fillon historia e degës sime e Flotës…

I dukej vetja si komandant fregate kokëboshit…të nesërmen po më thoshte:- po ti cfarë kë bërë?…ndërsa produkti i tij ndaj ushtrisë dhe Flotës është zero… medet…Dhe Flotës bashkë me ca të tjerë ja bërejti dhe kockat.. Kur bashkohen injoranca me –izmat, e vuajnë të gjithë, por sidomos këto anije që vuajnë difektet e shkaktuara dhe moseleminimin në kohë të tyre.

Nostalgjia dhe “Archangelat”…

Dikush këto anije i quan dhe gomone. Hë mo, se gomone janë…Vërtet ato kanë anash gomë, por ato janë anije të vërteta lufte. Tashmë detarët e dinë se sa punë kanë bërë ato në Flotë, skanë lënë kordinatë gjeografikë të Jonit e Adriatikut pa zgjidhur një detyrë konkrete.

Mund të jem nga të parët që dua që flota jonë të pajiset me anije më të mëdha. Por, kam qënë dhe jam partizan i asaj, anije po, por mos me e lan popullin pa bukë. Duhet edhe buka dhe anijet. Se me mbajt një fregatë na kushton shumë..sa për gjysmën e Durrësit. Vërtet i mbanim dikur, por punonte gjysma e popullit për ato.

Ndaj derisa të forcohet ekonomia, le të përdorim anije të këtij tonazhi. Se dhe këto na i kanë dhuruar. Por, ne kemi dhe atë, që kur bëhemi me lekë, i blejmë tek të tjerët, jo tek ai që na ndihmoi në ditë të vështirë.

Mirëmbajtja…

Në këto anije kanë kaluar të gjithë navigatorët me të drejtë lundrimi.

Por, ajo që më shqetëson është mirëmbajtja e tyre. Trishtohem kur shoh gunga në bash, apo difekte të tjera. Cuna,- janë të reja, na vret zoti mos i mirëmbajmë. Se Amerikanët bënë shumë dhe për mirëmbajtjen e tyre, plus pagesës së doganës. Doganë, për një mall të dhuruar?!

Shoh cdo ditë cfarë bëjnë simotrat e saj në SHBA, nga Atlantiku në Paqësor. Spektakël të vërtetë. Dhe ato janë prodhim i 2010. Një ditë do e bëj krahasimin. Janë vetëm 9 vjet anije, ndaj le ti mirëmbajmë ato anije si dritën tonë.

USHTRIA E KOSOVËS, REALITET- BETOHEN 347 REKRUTË TË RINJ

August 9, 2019 by dgreca

-Në Kosovë 347 ushtarë-rekrutë të rinj të FSK-së betohen solemnisht për shërbim ndaj Atdheut/

-Kryetari i Kuvendit, Kadri Veseli para Ushtrisë së Kosovës: Kufijtë e shtetit tonë janë të shenjtë dhe të paprekshëm/

-Ministri i Mbrojtjes, Rrustem Berisha në betimin e rekrutëve të rinj: Ju jeni gjenerata e parë e ushtarëve që keni nderin t’i bashkoheni FSK-së me mandat të ri ushtarak/

Gazeta DIELLI nga korrespondenti në Kosovë Behlul Jashari

PRISHTINË, 9 Gusht 2019/ Kryetari i Kuvendit të Republikës së Kosovës, Kadri Veseli, sot në ceremoninë e certifikimit të rekrutëve të rinj të Ushtrisë së Kosovës, tha se shteti ynë nuk e kërcënon askënd, por as nuk do të lejojë askënd ta cenojë atë.

Ai tha se integriteti territorial dhe kufijtë e shtetit tonë janë të shenjtë, të paprekshëm, sot dhe përgjithmonë.

Para kadetëve të rinj, kryeparlamentari Veseli e konsideroi ditën e sotme ditë krenarie për të gjithë, ndërsa të qenit pjesëtarë të ushtrisë më të re në botë, ai e cilësoi privilegj për të cilin do të kenë lakmi gjeneratat që do të vijnë pas.

“Ju jeni pjesë e një force mbrojtëse, të lindur e zhvilluar në partneritet me NATO-n, Aleancën më të fuqishme në botë, garantuese e vlerave të lirisë dhe demokracisë. Ne sot ndihemi krenarë me ju. Ne besojmë në përkushtimin atdhetar dhe profesionalizmin tuaj. Ju e keni nderuar atdheun kudo që keni marrë pjesë në garat ndërkombëtare, njësoj si sportistët tanë. Ju u keni dëshmuar aleatëve tanë seriozitetin dhe gatishmërinë tonë për të qenë pjesë e misioneve të përbashkëta në të mirë të paqes e njerëzimit. Me ju Kosova ndihet më e sigurtë në të tashmen dhe të ardhmen e saj”, theksoi Veseli.

Ai shtoi se Kosova po ndërton një ushtri e cila pasqyron shpirtin liridashës të popullit tonë, vlerat mbi të cilat qëndron shteti i pavarur e sovran i Kosovës dhe vizionin tonë për të marrë vendin që na takon në strukturat politike dhe ushtarake perëndimore.

“Ushtria e Kosovës është sot element i domosdoshëm i stabilitetit dhe paqes në rajon. Ushtria e Kosovës do të vazhdojë procesin e fuqizimit e profesionalizimit të saj, për tu bërë gati për fazën e anëtarësimit në NATO”, theksoi Veseli, duke paralajmëruar rritjen e buxhetit për ushtrinë.

Kreu i Kuvendit tha se ka një ëndërr për ta bërë Kosovën vend të zhvilluar, e të begatshëm për të gjithë qytetarët e saj.

Në kazermën “Adem Jashari” të Forcë së Sigurisë të Kosovës në Prishtinë, në prani të ministrit të Mbrojtjes, Rrustem Berisha dhe komandantit të FSK-së, gjenerallejtënant Rrahman Rama dhanë betimin solemn për shërbim në FSK 349 rekrutë të rinj, pas përfundimit të Trajnimit Bazik nëntë-javorë në Komandën e Doktrinës dhe Stërvitjes në Ferizaj.

Në ceremoninë e betimit të rekrutëve të rinj, gjenerata e parë e FSK-së me mandat të ri, ishin të pranishëm edhe zëvendësministri i FSK-së, Kadri Kastrati, drejtori i Ekipit këshillues dhe ndërlidhës të NATO-s për FSK-në (NALT), si dhe gjeneralë të FSK-së, KFOR-it, atashe ushtarakë të akredituar në Kosovë dhe familjarë të rekrutëve të rinj.

Me këtë rast, ministri i Mbrojtjes, Rrustem Berisha foli për rëndësinë e betimit të ushtarit për shërbim ndaj vendit. “Kjo është një datë me rëndësi për karrierën dhe jetën tuaj, për FSK-në, Ministrinë e Mbrojtjes dhe shtetin e Kosovës. Nuk ka detyrë më të ndershme se sa t’i shërbesh vendit dhe të kontribuosh në ruajtjen e paqes dhe sigurisë në vend dhe më gjerë. Ju jeni gjenerata e parë e ushtarëve që keni nderin t’i bashkoheni FSK-së me mandat të ri ushtarak. Si Ministër i Mbrojtjes, jam krenar me vajzat dhe djemtë tanë ushtarë, nënoficerë dhe oficerë, të cilët me sukseset e tyre në shkollat dhe trajnimet e përfunduara në akademitë e ndryshme të vendeve të NATO-s, kanë treguar performancë të shkëlqyer dhe kanë përfaqësuar me nder FSK-në. Pres që edhe ju ta ndiqni shembullin e tyre”, u shpreh ministri Berisha .

Ndërsa, komandanti i FSK-së, gjenerallejtënant Rrahman Rama para ushtarëve të rreshtuar, u shpreh: “Kam kënaqësinë dhe nderin që si Komandant i FSK-së të ju drejtohem juve ushtarë të nderuar, për përfundimin me sukses të Trajnimit Bazik. Ky trajnim, i cili ka zgjatur 9 javë, ka vendosur themelet bazë për karrierën tuaj ushtarake. Ky profesion fisnik kërkon angazhim dhe përkushtim maksimal për t’i shërbyer vendit me nderë dhe dinjitet. Prandaj, unë sot jam shumë i lumtur që ju jeni ata të cilët me angazhimin tuaj keni dëshmuar se Forca e Sigurisë së Kosovës, nga sot, në radhët e veta do t’i ketë djemtë dhe vajzat më të zotë e këtij vendi”.

Komandanti i FSK-së në fund pati edhe një këshillë për ushtarët e rinj; “Gjatë karrierës tuaj, ju do të ballafaqoheni me sfida të ndryshme, andaj nga ju pritet që të jeni të disiplinuar, të përkushtuar, dhe gjithmonë të përgaditur t’i kryeni detyrat sipas udhëzimeve të eprorëve tuaj”.

Me Lavdatë për sukseset e lartë të arritur gjatë stërvitjes u shpërblyen rekrutët: Shpetim Halilaj, Luan Gashi, Diar Statovci, Donika Rexhepi, Blerta Veliu, Edmond Thaçi, Altin Krasniqi, Ermeka Muja, si dhe për shkathësi të lartë fizike u shpërblyen Gentrit Gashi dhe Doruntinë Cana.

Rekrutët të cilët sot u certifikuan dhe bënë betimin për shërbim janë gjenerata e parë për vitin 2019. Gjithsejtë 337 rekrutë, prej tyre 52 të gjinisë femërore dhe 22 pjesëtarë nga radhët e komuniteteve jo shumicë.

Erdoganizmi i Shqipërisë nga Xhonturqit shqiptarë

August 9, 2019 by dgreca

Heronjtë e Kombit tim bien, ndërsa heronjtë turq ulen këmbëkryq…/

Nga Keze Kozeta Zylo/ DIELLI

Duket sikur erëra të çmendura po fryjnë rreth Atdheut tonë të shumevuajtur, erëra që shqiptarët mjerisht s’po i bëjnë ballë, sepse kokëministri me brekushe të zeza Edi Rama e ka lënë vendin han pa porta. Vendi është kthyer në një varrezë NDERI të të huajve, në një varrezë që ndonëse kanë qenë pushtues ata kthehen në heronj të Kombit tim! Drithëruese ta mendosh, shokuese kur lexon dhe i shikon konkretisht lajmet se çfare oguri i zi po mbillet ndër zemrat e shqiptarëve.

Më 15 korrik, 2016 Sulltan Erdogani i mbështetur nga xhonturqit politikanë të qeverisë Rama kanë ngritur një memorial në Tiranë, kushtuar dëshmorëve turq. Ambasada turke ka festuar madhërisht këtë ditë që në Turqi është vendosur si ditë zyrtare e demokracisë, ditë kur kundërshtarët e Erdoganit u ngritën për ta përmbysur pushtetin diktatorial të tij. Sidoqoftë s’po futem në politikën e Turqisë të Sulltan Erdoganit, ajo që më therr gjer në eshtër është memoriali që ka urdhëruar Sulltan Erdogani të ngrihet në mushkëritë e Tiranës, në Liqenin Artificial, duke vendosur 251 emrat e dëshmorëve turq që dhanë jetën, më 15 korrik, 2016 në Turqi gjate grushtit të shtetit për përmbysjen e presidentit të tyre. Po ç’i intereson popullit tim të vendosen emrat e dëshmorëve turq dhe të zënë tokën jeshile të Liqenit Artificial, Liqenit të ëndrrave tona rinore! Është drithërurese, kur mendon që Liqeni Artificial i Tiranës, një pasuri kombëtare e ndërtuar aq bukur që në kohën e diktaturës, e shfrytëzuar nga rinia studentore tiranase dhe e gjithë Kombit, të pushtohet nga turqit e gjakosur dikur pushtues për 500 vjet të Kombit tim. Është shokuese që ish Liqeni i Mjelllmave shqiptare që me aq delikatesë dhe dashuri rinore të pastër, me cicërrimat e zogjve, drurët e gjelbër, ujin blu, urat e vogla të drunjta të mbytet nga rënkimet e punonjësve të ambasades turke dhe xhonturqit e politikës së qeverisë Rama duke ju bërë temena egove te shfrenuara dhe grabitqarëve turq të Kombit tim. Sot në këto mjedise të helmuara me shkrues të verbër, Heronjtë e vërtetë shqiptare duan t’i fshijne nga historia, ndërsa heronjtë turq ulen këmbëkryq në oxhakun shqiptar.

Nuk është hera e pare qe po luhen këto drama në vendin tim. Para pak kohësh ndodhi me varrezën greke, ja aty pranë Mezhgoranit tim me një histori të jashtëzakonshme, legjendë e rrallë. Nuk kam heshtur për këto drama, para pak kohësh shkruajta se: “Jo vetëm si shqiptare e bijë shqiptari që s’mund të hesht, por kam dhe të drejtën morale dhe legjitime si bijë e Mezhgoranit të flasë dhe te rrëfejë tmerret e luftës italo greke që na treguan prindërit dhe gjyshërit sa ishin gjallë, meqënse një pjesë e tragjedisë ka pasur për skenë Mezhgoranin që rri buzë Trebeshinës dhe që lag këmbët nga uji i bekuar i lumit Vjosa.

Kur dëgjova se do të ngrihet varreza madhështore për ushtarët grekë, ose “vendprehje” meqënse grekët e kanë shumë për zemër këtë shprehje, u drodha, u trishtova pamasë, por nga ana tjetër mora fuqi Anteu se një ditë shqiptarët do t’i çojnë në vendprehjen greke atje ku kanë atdheun e tyre. Mora fuqi si Anteu se nuk do të mposhtem ose s’do të mposhtemi për sa kohë ne të Diasporës kemi kontakt me tokën, nënën tonë, Kombin.

Ndonëse pabesia greke tentonte ta vriste Anteun me kundërshtarët e tij, ai dilte fitimtar dhe ndërtoi tempull me kafkat e tyre.

Vëllezër dhe motra shqiptare, ju që keni në gjak shqiptarizmin, kurrë s’duhet harruar pushtimi turk 500 vjeçar! Nga ky pushtim doli Heroi ynë Kombëtar që luftoi si trim i rrallë në 25 beteja kundër Sulltan Muratit pushtues dhe barbar. Si mësuese shqiptare aty në Tiranën tone ku ushtrova profesionin për 20 vjet tmerrohem, kur mësoj nga historia jonë se: “Më 1887, në Shqipëri kishte 3000 shkolla. Prej të cilave 1200 shkolla publike turke, po aq shkolla private greke, 300 shkolla bullgare, serbe dhe vllehe, shkollë shqipe vetëm një, me drejtor Pandeli Sotirin, të cilin e vranë pas katër vitesh dhe shkollën e mbyllën…”

A nuk duket se “flladet” dinake të lehta turke pas 90-ës jane kthyer në suname përfshirëse për Kombin tim sjellë nga Sulltan Erdogani me xhonturqit shqiptarë të drejtuara nga Kokëministri me brekushe të zeza, ngjyrë ndjellakeqe dhe ogur i zi për edukimin e rinisë?

Larg duartë nga Shqipëria Sulltan Erdogani me xhonturqit shqiptarë!

9 gusht, 2019

Staten Island, New York

Edhe Kina mund të lejoj zgjedhje të parakohëshme, asesi Shqipëria e Edi Ramës

August 9, 2019 by dgreca

Nga Ilir Levonja/ Disa webe shqiptare e kanë bërë si lajm faktin që Italia po shkon në zgjedhje të parakohëshme. Nuk ka asnjë skandal, veç mosrakordime mes palëve në koalicion dhe kaq. Kjo ndodh pas një serie situatash të tilla si në Austri, Greqi, Kosova dhe së fundi Italia. Në një farë mënyre shumë habiten se përse nuk ndodh kështu edhe me ne. Dhe gjasat nuk janë aspak si në vendet e mësipërme. Shqipëria është totalisht në një krizë sa politike, sociale, ekonomike. Por zgjedhjet e parakohëshme as nuk çohen nëpër mend. Megjithëse do ishte zgjidhja më optimale kjo edhe për të vendosur standartet europiane që fatkeqësisht vetëm tek ne nuk po instalohen. Përse vallë e kemi kaq të tmerrshme të aplikojmë standartin më elementar të një demokracie? Përse momentalisht të krijohet përshtypja se edhe Kina mund të lejoj zgjedhje të parakohëshme, asesi Shqipëria e Edi Ramës? Dhe u duhet çukitur koka opozitarizmit duke ua kujtuar me dhunë se Edi Rama pushime mund të bëj, por të dorëhiqet as mos e çoni nëpër mend. Në raport me demokracitë e tjera, përfshi edhe këto rreth nesh, ne kurrë nuk ngritëm shtet, por vetëm parti. Merrni rastin konkret të presidentit, nga njëra anë partia në pushtet ngre komision hetimor me qëllim shkarkimin e numrit një të shtetit, nuk njeh dekretimet apo anulimin e dekreteve, nga ana tjetër çon ligje pambarim për t’i dekretuar presidenti. Ky është rasti më flagrant që shqiptarët duhet të pyesin veten se perse e paguajnë një institucion me emrin presidencë? Kurrkund nuk e bëjnë? Ose ta lavderojnë deri në qiell sa e emërojnë, pastaj ta demaskojnë deri në gropë sa ta varrosin për së gjalli. Shqiptarët nuk e kanë krijuar kurrë shtetin e duhur, ndofta kjo ka qënë arsyeja që kanë dështuar sistematikisht dhe vazhdojmë të dështojmë duke mos u bërë asnjëherë. E vumë partinë mbi shtetin me Enver Hoxhën për 45 vjetë dhe morën si shpërblim arratinë. Megjithëse i luftuam plot 45 vjet kapitalistët, perëndimin dhe demokracinë e tyre, i pushtuam për dy ditë, po i pushtojmë dhe do vazhdojmë t’i pushtojmë duke thënë po të njëjtin refren, rroftë partia. E vumë partinë mbi shtetin edhe tani në demokraci, ndaj mos u habisni se sikur nesër Edi Rama ta shpalli non grata Skënderbeun, për një aeroplan a një xhami nga Turqia e Erdoganit, shqiptarët do grinden me njëri-tjetrin duke qënë pro ose kundër Skënderbeut. Dhe rastin konkret e keni me këtë muralin në parkun Tiranës të kundërshtarëve të regjimit të Erdoganit. Prisni ndonjë ditë kur të ngrejnë edhe ndonjë mural për kundërshtarët e regjimit të Putinit. Kurrë pra nuk kemi për të bërë shtet dhe kurrë nuk kemi për t’u bërë si austriakët jo e jo, as mos e çoni nëpër mend këtë, po as si italianët, as si grekët e as si shqiptarët në pjesën e epërme të kombit, ata që shtypi i quan dendur kosovarë dhe jo shqiptarë. Jemi soji o i infektuar nga genet, por mbi të gjitha nga kultura otomane, nga universitet e socializmit e deri tek këta të demokracisë që prodhuan kuadro me tezga nga gjithëfarësojet. Si ka mundësi që Italia shkon kaq kollaj në zgjedhje të parakohëshme? Eshtë thjeshtë, duan Italinë dhe jo Salvinin apo Conten, Legën a 5 Yjet, partitë. Dhe kur do shtetin, kur do vendin, do edhe vetveten. Kurse shqiptarët duan njëshat, partitë, e për rrjedhojë nuk kanë se si duan veten. Për më tepër italianët nuk e kanë problem nëse është vapë, a ftohtë, kohë pushimesh etj. Ngrihen e dalin, të zbythin. Kurse shqiptarët pushojnë, i kanë të gjitha, eksitohen nga Rai, nga narkotika shqiptare. Dëgjojnë pallavrat e Edi Ramës kur kërcënon europën me intervista të blera se po futët Maqedoninë do destabilizoni rajonin etj. Ca broçkulla hajvanësh shqiptarë, që na kanë rënë për pjesë me shumicë.

BORIS JOHNSON, DREJTUESI I NJË VENDI SHKULARAK

August 9, 2019 by dgreca